رواية قد سرق قلبي الفصل الأول 1 - بقلم علي محمد

علي صوت رنين الهاتف تستيقظ تالا وتسرع ناحية هاتفهاا لتغلقه…… فتستوقفها شقيقتها الصغري فاطمه قائلة لها
فاطمه: زافرة ما تطفي يابنتي الزفت ده مش عارفه انام منه
تالا: تنامي ايه انتي عارفه الساعه كام يا ابله؟!
فاطمه: وهي تنظر اليها بنصف عين كام؟!
تالا: الساعه 7
فاطمه: سبعه!!!!
تالا: اه سبعه يعني انجزي عشان منتاخرش زي امبارح
فاطمه: ماشي ياتوتو وسعي بقي
تالا: مندهشه ايه وسعي دي
فاطمه: اومال اقول ايه
تالا: بعد ان نظرت في المراة اسمها عن اذنك يا اختي ياقمر اعدي
فاطمه: مداعبة لها اختي وقمر وعن اذنك التلاته مع بعض
تالا: ايه عندك اعتراض ولا حاجه اني قمر
فاطمه: مغرورة اوووي وسعي بقي عشان ما اعملش معاكي الصح علي ااصبح
تالا: ههههههه طب يلا عشان منتاخرش
فاطمه: طب اختي وسكت اللهم لا اعتراض… قمر دي جبتيها منين
تالا: من التوحيد والنور ههههههههه
فاطمه: هاها عسل يابت ده احنا مش هنخلص بقي
تالا: خلاص خلاص انا هصلي ع بال انتي ما تخلصي لبسك
فاطمه: ماشي يا قلبي تقبل الله مقدما
تالا: منا ومنكم ان شاءالله
خرجت فاطمه من الغرفه بينما افترشت تالا سجادة وبدات في الصلاة……..
___________________________&&&____
علي الناحيه الاخري
احدي قري صعيد مصر التابعه لمركز ومحافظة سوهاج
امتلا المكان بالمارة من الفلاحين اللذين يذهبون الي حقولهم مبكرا.. الي جانب القليل من الطلاب الذاهبين الي مدارسهم…..
احد. المارة: صباح الخير ياحاج محمود
الحاج مجمود: صباح الخير ازيك ياحج عوض
الحاج عوض: الحمد لله بخير ياحاج اومال علي فين كده
الحاج محمود: والله ياحاج عوض حتة الارض اللي زرعينها قمح دي قلت اما اروح اطل عليهااا لاحسن الولا يوسف ابني بيقول ان القمح اللي فيها محتاج يترش مبيد
الحاج عوض: طب مش هعطلك انا وابقي سلملي علي سي الاستاذ يوسف وقوله عمك عوض بيسلم عليك ابقي عدي عليه قبل ما تسافر مصر وتروح الجامعه
الحاج محمود: الله يسلمك حاضر هقوله
الحاج عوض: سلام عليكم. يا ابو يوسف
الحاج محمود: وعليكم السلام يا حاج عوض
_________________________________
علي الناحيه الاخري
تقف ام يوسف علي باب غرفته وتقوم بالتخبيط علي الباب لايقاظه
ام يوسف: يوسف يا يوسف
يوسف:من الداخل ايوةياامي صحيت اهوووو
نزع يوسف الغطاء من فوقه وقام مسىرعا بفتح باب غرفته
ام يوسف:صباح الخير يا حبيبي
يوسف:صباح الخيريا امي
ام يوسف:قلت اصحيك بدري عشان تلحق يا ولدي تشوف مصالحك قبل ما تسافر
يوسف: ربنا يبارك فيكي يا حاجه والله
ام يوسف: ويبارك فيك يا ولدي ويوفقك ويجعلك في كل خطوة سلامه
يوسف: ربنا يحفظك يا ست الكل اومال فين ابوي مش سامعله حس في الدار يعني هو لسه نايم ولا ايه
ام يوسف: لا نايم ايه انت عارف ابوك بيصلي الفجر وبيروح علي الغيط
يوسف: ربنا يديه الصحه ويباركلنا فيه
شيماء: صباح الخير يادكتور
يوسف:صباح الخير يا شيماء بس مش دكتور دي كتيره قوي علينا ههههههه
شيماء:لا كتيره ايه انت تستاهل اكتر من إكده كمان
يوسف:طب تعالي معايا اما اوصلك بقي في سكتي
ام يوسف:توصلها كيف مش هتقعد لما تفطر ياولدي
يوسف:له مش دلوك يا امي دلوك هوصل شيماء للميدرسه بتاعتهااا وهعدي علي ابوي اقعد معاه شويه وبعدين نشوفوا حكايه الوكل ده
قدامي يا ابله شيماء
شيماء:ماشي يا دكتور يوسف
ام يوسف: طيب ياولدي متغيبش عشان عاوزه اتحدت امعاك في موضوع إكده
يوسف:ماشي يا امي
ثم بعد ان خرج يوسف وشيماء جلست ام يوسف تدعي له وظلت تردد
ربنا يوفقك يا يوسف يا ولدي ويوقفلك ولاد الحلال…..
_____~~~~~~~~~~~~~~~~~_____
علي الناحيه الاخري
تالا: قوليلي بقي انتي امبارح كنتي بتكلمي مين ع الفيس وعماله تضحكي
فاطمه: بصراحه كده هو وولد
تالا: ايييييه ولد. واحنا من امتاا بنضيف ولاد ولا بنكلم ولاد ياست فاااطمه
فاااطمه: ده واد امور اووي ودمه خفيف جدا وبصراحه كده انا بحبه
تالا: ايييييه انتي بتقولي ايييييه انتي اكيد اتجننتي والله
فاطمه: الله قمر اوي وانتي معصبه كده ياتوتو
تاالا: بلا قمر بلازفت انا مبهزرش ميبيين ده وبتكلميه من امتاااا
فاطمه: ههههههههه هقولك لاحسن تجيلك سكته قلبيه وابقي انا السبب
تالا: مش وقت هزار مين ده؟!
فاطمه: اسمه حمزة عبد الرحمن النجار ابوه عبد الرحمن النجار صاحب اكبر شركة ادويه وليه اخت اسمها تالا واخت اسمها فاطمه علي اسمي
تالا: ده حمزة اخونا يخرب بيتك وقعتي قلبي
فاطمه: بهزر معاكي يا توتو ياحبيبتي ايوة حمزة كلمني امبارح وقعد يضحك فيا لما لقاني مدايقه
تالا: طب امشي قدامي احسن ما اولع فيكي
فاطمه: ههههههههه ماشي
علي الناحيه الاخري
يجلس الحاج محمود تحت شجرة يستظل تحتها نظرا لكبر سنه ثم غفو قليلا
يوسف: ازيك ياحاج
الحاج محمود: بعد ان اعتدل زين ولدي الحمد لله
انت ايه اللي جابك دلوك انت مش عندك سفر النهارده
يوسف: انت عارف ياحاج اني بحب الارض دي زيك بالظبط وانت اللي زرعت حب المكان ده جوانا انا واحمد اخوي
الحاج محمود: ربنا يستر عليه ويرجعه بالسلامه
زين انك فكرتني عمك عوض بيسلم عليك وبيقولك ابقي عدي عليه في داره عشان عاوزك
يوسف: خير يابوي مقلكش عاوزني في ايه
الحاج محمود: له ياولدي مقالش حاجه
يوسف: طيب يابوي
الحاج محمود: انت هتسافر ميتا يا يوسف
يوسف: هاخد قطر الساعه 8باليل اللي بيطلع من سوهاج.يابوي
الحاج محمود: علي خيرة الله اهم حاجة يا يوسف تخلي بالك من نفسك زين وملكش صالح باي حاجه غير دراستك وبس ياولدي
يوسف: حاضر يا بوي بس في حاجه اكده كنت عايز اسالك عنيهااا
الحاج محمود: حاجه حاجة ايه دي
يوسف: ياسمين بنت عمي حمدان
مالها: عمي حمدان ومراته عايزين يجوزوها لياسين ولد الحاج تمام اللي من البلد اللي جنبينا طوالي وهي معوزهوش وقالتلي عشان اقولك خصوصا يعني اني عمي حمدان بيعزك قوي يابوي وبيسمع كلامك
الحاج محمود: طب وهي معوزهوش ليه مش يمكن العريس ده زين وكويس مش عارف جيل ايه لمهبب ده
يوسف: ههههههههه احنا جيل مهبب ياحاج
الحاج محمود: ايوة والله جيل مهبب ده انا زمان وانا في سنك اكده ابوي قالي هجوزك ولا قلتله مين ولا بنت مين ولا معوزهاشي وافقت طوالي
يوسف: ياحاج زمنا غير زمنكم
الحاج محمود.: علي العموم ياولدي حاضر هبقي اروح اطل عليهم واشوف ايه لحكايه دي
وفجاءة اهتز هاتف يوسف برساله نصيه جعلته مندهشاااا كثيرا وهو يقراهاااا……
يوسف:مش مممكن ازاي ده
الحاج محمود:خير يا يوسف في ايه قلقتني!!!
يوسف: بعد ان نهضا مسرعااا هبقي اقولك بعدين يابوي سلام دلوك.!!!!
الحاج محمود: بقلق هات العواقب سليمه يارب
✍️ علي محمد
2 = رواية قد سرق… قلبي

♥

(مكتملة) – قد سرق قلبي 2 /
رواية
قد سرق قلبي – part2
وصل الحاج محمود منزله وقامت زوجته بفتح الباب له
الحاج محمود: سلام عليكم يا ام يوسف
ام يوسف: وعليكم السلام اومال يوسف فين يا حاج
الحاج محمود: والله ياام يوسف ما اعرف هو راح فين
ام.يوسف:ازاي ده ياحاج هو مش كان معاك.في الغيط
الحاج محمود:بعد ان جلس وخلع عباءته ايوا كان قاعد معايا بس التلفون بتاعه رن ومشي بسىرعه من غير حتي ما يقولي هو رايح فين
ام يوسف: خير ياحاج ان شاءالله يوسف ابنك راجل وميتخافش عليه
الحاج محمود: انا عارف وده اللي مطمني يوسف ابني زينة شباب البلد والناس كلها هنا بتحلف بحياته
ام يوسف: مش هتاكلك لقمه ده انت علي لحم بطنك من الصبح
الحاج محمود: له مش دلوك لما ياجي يوسف وشيماء عشان الوكل مش بيحلي غير بلمتهم
ام يوسف:طب اعملك.شاي
الحاج محمود: ماشي
ذهبت ام يوسف الي المطبخ
بيما ظل زوجها يفكر ويحدث نفسه بين الحين والاخر وهو يقول ياتري ايه اللي حصل خلي يوسف يجري كده من غير حتي ما يقولي فيه ايه
هات العواقب سليمه يارب…
____$________$&&_______$$$_____
علي الناحيه الاخري
تقف تالا ام كلية العلوم تنتظر صديقاتها هدير وهاجر وتنظر في ساعتها بين الحين والاخر
تالا: محادثه نفسهاا انتي فين يازفته منك ليهاا
بعد قليل رن هاتفها
تالا: ايه ياهدير فينك انتي والزفته هاجر
هدير: معلش ياحبيبتي نتي عارفه هاجر لو ما كلتش يحصلها حاجه ههههه
تالا: طب انتوا فين دلوقتي عشان انا واقفه بقالي كتير وشكلي بقي وحش االصراحه
هدير: دقيقتين وهنكون عندك
تالا: ماشي سلام
علي الناحيه المقابله
ثلاث من الشباب يقفون اسفل شجرة يتبادلون النكات والضحك ويقومون بمضايقة الفتيات
احد. الشباب: حسام شايف المزة اللي واقفه هناك دي
حسام: بعد ان وقع نظره عليهااا اوباااااا ايه ده معقوله في حد بالجمال والحلاوة دي
احدهم: يلهوووي ده عليها جوز عيون يقتل ياجدع
حسام: بقولك ايه ياعم عمر انت وكريم البنت دي اخت واحد صحبي يعني من الاخر كده فكك منك ليه
عمر: اخت واحدصاحبك ازاي انت هتحور
كريم:ياعم انت هتحور علي نفسك
حسام: طب من الاخر يارجاله البنت دي تخصني وانا من اول يوم الجامعه فتحت فيه وانا بشوفها دايماااواقفه هناااا
كريم:طب بقولكم ايه يارجاله انا هروح افطر بقي حد فيكم جاي ولا ايه
عمر:انا جاي معاك هتيجي ياحسام ولا ايه
حسام:.ومازال ينظر الي تالا ولم يجب
عمر:انت ياعم الاطرش جاي ولا الدور الجاي
حسام: لا لا روحوا انتوا
علي الناحيه المقابله
وصلت هدير وهاجر الي تالا
تالا:عارفه انا علي اخري منكم انتوا اللي اتنين
هاجر:طب سلمي الاول
تالا: ازيك يامفجوعه
هاجر: ههههه الحمدلله
هدير:مالك يا تالا متوترة ليه كده
تالا:ابدا قبل انتوا ما تيجو كان فيه 3شباب عمالين يرزلوا وكمان كانوا عمالين يبصوا عليا وانا كنت خايفه
هدير: ماهو ده العادي يابنتي وطبيعي انك تتعرضي لمعاكسات خصوصا يعني انك زي القمر كده وعيونك خضرا
تالا:انتي كمان هتعاكسي ياهدير ده ايه الغلب ده
هاجر:طب يلا بينا عشان المحاضرة خلاص هتبدااا
تالا:ماشي يلا
بينما ظل حسام يراقبها الي ان دخلت هي صديقاتها القاعه الخاصه بتدريس كلية العلوم
حسام:تمام اوي كده عرفت هي في كليه ايه
انا كل يوم هرشقلها في المكان ده..
_____$_________&________&________
علي الناحيه الاخري
داخل منزل الحاج حمدان
يجلس الحاج حمدان وزوجته وامامهم منضدة صغيرة فوقها فنجانين من القهوة
الحاج حمدان: بعصبيه ادي اخرة دلعك فيها قلتلك قبل اكده البنات ملهاش العلام
ناديه: طب اهدي بس يا ابو جودة وانا هقنعها
الحاج حمدان: تقنعيها ده ايه الواد فيه ايه يتعيب بس
ناديه: مافهوش حاجه بس انت عارف ان البنات دلوك غير الاول يا حمدان وده جواز يعني مفهوش غصبانيه
الحاج حمدان:. اسمعيني زين يا ام جودة انا هقول للناس سبونا يومين اتنين نخلصوا مصلحه إكده وبعدين اخليهم ياجواو نقرا الفاتحه
ياسمين: بعد ان خرجت من غرفتها يبقي هتقروا الفاتحه علي روحي يابوي
ام جودة : خشي جوة اوضتك يا مقصوفة الرقبه انتي
ياسمين: مش هتجوزه لو هتموتوني معوزهوشي ياناس هو بالعافيه
الحاج حمدان: بعدي البت دي عني والا قسما بالله اقتلها وارتاح منيها
ام جودة خلاص يا ابو جودة اللي تشوفه ياخوي وانتي يا بت خشي اوضتك يلا بلاش جلع ماسخ
ياسمين: دخلت اوضتهااا وقفلت الباب وراهاااا
وغرقت في البكاء…..
________&________________________
علي الناحيه الاخري
داخل مستشفي سوهاج المركزي
يوسف: خير يادكتور طمنا
الدكتور: الحمدلله احنا عملناله غسيل كلوي وساعه كده وهيفوق
يوسف: الف الف شكر يا دكتور ربنا يبارك فيك
الدكتور: حمد الله علي سلامته عن اذنك
ام محمود: ربنا يخليك يا يوسف يا ابني انت عارف ان انا بعد ربنا مليش حد
يوسف: ونعم بالله يا ام محمود وبعدين محمود ده اخوياااا الصغير
ام محمود: ربنا يباركلك يا ابني يارب
يوسف: عن اذنك طيب. يا ام محمود شويه وهرجعلكم تاني ان شاءالله
ام. محمود: اذنك معاك يا ولدي
ذهب يوسف مسىرعااا الي غرفة الطبيب
بعد اذنك يا دكتور هو ايه اللي حصله
الدكتور: صاحبك حاول الانتحار شرب شريط برشاام
ولولا انك جبته في الوقت المناسب كان زمانه مات
يوسف: سكت شويه انتحار…. طب وينتحر ليه
الدكتور: عموما الحمد لله ربنا ستر خد الروشته دي هاتله الدوا ده بسرعه
يوسف: ماشي يا دكتور عن متشكر قوي
خرج يوسف من المستشفي ليحضر له العلاج……..
ببنما ظلت ام. محمود تنظر الي ابنهااا وعينيها يملؤها الدمع وظلت تدعي….
وليوسف.. الي ان عاد اليها يوسف
يوسف: خد يا عصام ده العلاج مكتوب علي كل نوع كام مرة وامتا وانت طبعا بتعرف تقرا
عصام: ايوة
ام محمود: كتير يا ابني اللي بتعمله معانا ده
يوسف: متقوليش كده يا ام. محمود. احنا اهل
ام محمود: ربنا يباركلك يا ابني
يوسف: طب انا هستاذنكم دلوك عشان معاياقطر كمان ساعتين ربنا يطمن علي محمود. ان شاءالله
ام محمود: اتفضل يا ولدي توصل بالسلامه يارب
خرج يوسف من المستشفي وذهب الي منزله…
..____&_____&_______&_______&_____
علي الناحيه الاخري
داخل منزل دكتور: عبدالرحمن النجار
تجلس مدام ساميه وابنها الصغير ادم تشاهد التلفاز
مدام ساميه: ادم لم اللعب دي يلا وخش اوضتك. ذاكر
ادم: بنرفزة يووه ياماما كل شويه ذاكر ذاكر هو مفيش غيري في البيت ده ولا ايه
مدام ساميه: هههههه انت لمض اوي كده ليه
ادم: طب اقولك علي حاجه يامانا انا هلعب شويه صغيرين واول ما فاطمه تيجي هذاكر
مدام ساميه: اشمعنا يعني لما تيجي فاطمه
ادم: اصل فاطمه انتيمتي ومش ينفع اذاكر من غيرها تبقي خيانه ياماما
مدام ساميه: يخرب بيتك. انت بتجيب الكلام ده منين بس هههههههه
ثم بعد قليل وصلت تالا
تالا: مساء الخير ياماما
مدام ساميه: مساء

الخير ياحبيبتي
اومال فاطمه فين هي عندها درس ولا ايه
تالا: بعد ان من شنطتها وجلست لا ياماما بتشتري حاجه من تحت وجايه
ادم: تالا تعالي العبي معايا
تالا: ياخبر ده بابا رن عليا كتير ومسمعتوش
مدام ساميه: طب ع بال ما اجهزلكم غدااا كلمي باباكي وشوفيه ماله
ادم: تالا انت يالوز انت
تالا: لوز انت كمان هتعاكس ده خربت خالص
ادم: اه لوز اللوز كمان يخرابي اموت انا
تالا: ههههههه بس يلا لاحسن اضربك
بعد. قليل دخلت فاطمه
فاطمه: ماما ياماما يا ماما
مدام ساميه: فيه ايه يازفته انتي خضتيني
فاطمه: عندي ليكم مفاجاءة
مدام ساميه: والله انتي ما هتسكتي الا اما تموتي حد فينا اعقلي يا بنتي الله يهديكي
تالا:بفرح مفاجاءة ايه قولي بسرعه
فاطمه: بابا………..
تالا: ماله………
فاطمه: جاي النهارده هو وحمزة
تالا: بجد يبقي عشان كده حمزة اتصل بياكتير وانا مردتش علي العموم هي مفاجاءة حلوة فعلا
مدام ساميه: طب بمناسبة الخبر الحلو ده
انا كمان عندي ليكي خبر حلو يا تالا
فاطمه: تالا وهو انا لقيتوني علي باب جامع ولا ايه
مدام ساميه: مبتسمه بطلي غلبه بقي
تالا: خبر ايه ده يا ماما
مدام ساميه: عادل ابن عمك شوكت صاحب باباكي رجع من سويسرا وطالب ايدك
تالا: بصدمه عادل!!!