رواية قضبان الجنوب ( فصلية ) الفصل الخامس والثلاثون 35 - بقلم Hend_AlBoor

و ان وضِـع كـتـاب الــقــدر بــيــدي
ثـم خـيـرونـي الاقـدار .. لـ اخـتـرتـك
و اختـتـمـت احـزانــي الـتـي قـبـلـك

ام معااذ : بوووويةةة .. ددددم يهدد دددددمه .. بووووو نمررررر

صفوان : داتريك طبت عمتي و بنتها تصارخ  مارديت انا كلامي حجيتها للزلم

الجده : اسكتيييي لااا تشهرينةةة .. عيييب صوووت الحرررمة يبااان

ام معاذ : يمةةة ذبح ولدي لماا شووي .. من وراااا حرررررمة بلاااا ااااصل .. فززززز من طوووولك شماااالك مااا تحجيييي

الجد يصرخ : لميعة

صفوان : لا بووية هدي

عفت الخبزة و رفعت راسي عليها

من ولدج يهتك عرض دمه .. اهدر دمه و دم الطالع وراه

ام معاذ : هاااااااع .. و تهددددددني

صفوان : كلامي يوصلج و يتعداج عمة ما توگفني حرمة

سوسن : فيييك زووود ااااابحث عن ابووو الـ ف بطنهااا

صفوان بصوت عالي : سوسن

زينة : بوية شماله

حياة : طفرنا من صينية الاكل شبي هيج عصبي گلبي وجعني عليه

تين : عود احجن ع جهاد لان يصارخ .. خذن الاضرب منه .. جا رج البيت بحسه

ام معاذ : لا تصارخ شمالك .. غايب لك خمس اشهر و اهي باخر شهر علمتنا انها حامل و لا هي بطنها كبرت و لا بان حاملها

صفوان : استندت بالحايط وگفت ع حيلي 
مو انتن الـي تدفعني ع حرمتي و تتهمن شرفها

انااااا الـ اعرفهااا گبل من كل اااالسلف .. اناااااا الااااعرف اصلهاااا يوم انهاااا رفضت نهب وووولدج اااااالنگس
اناااا الـ شفتهااااا يوووم خذاهاااا و هدته و ركضت ..
لجججج انااااااا اشد عيووووني و احلهاااا بوووسط اااالزلم و ماااا اخااااف ع شررررفهااا

الجدة : هدي يولدي ماهو زين هيج
لميعةة خذي بنتج و فااارگي

ام معاذ : يمةةة .. تطردووون لحمكم من ورااا رخيصةةةة

الجده : ان جان مهر سوسن للشيخ ذهب .. مهر حرمته عليه دم اخوه و دم ابوها ..
الـ تهدر دمها و تنوخذ بنت اصل ..

تدخل زينة

و انتي الصادگة حبوبة .. انا شفتهم يوم طلب منها تنهب و رفضت و طگته ..

سوسن : زينةةة لاا تحذبييين

زينة : محد رباني على الجذب سوسن و احمدالله يوم نكشف و ما صارلي زلمة جان تطلكت و رجعت بيت ابوي و يافضيحه المطلگة بالسلف

صفوان : عفتهن و طلعت لو انها عزيزة عند جدي لامنع دخولها الدار لكن ابوها و امها فيه

حياة : اني اباب المطبخ و اسمع شوي و طلع لازم الحايط و يمشي ركضت عليه اخذت ايده ..

استند علية

صفوان : بس شوفتج تسندني رويحتي ..

حياة : طببته للهول گعدته على التخم

ليش تتعصب مو زين حبيبي

صفوان : الـ يشوف وجهج يشوف العافية ما تبقى اعصاب ..

حياة : اخذت ايده و كعدت يمه .. ابوس بيده .. اباوع عليه صار احمر و دنگ راسه و مبتسم ..

خجل الشيخ ..

صفوان : هااا .. تعاالي

جريت وجهها و كمت ابوس بخدها ..

هاذ اطيب ريوگ ..

حياة : حضنته ..

يمة الله يحفظك الي ..

صفوان : مشتاقلج حيل

حياة : اني اكثر ..

تين : من صار الصياح التهيت الملم بالمواعين .. درت اشو لا زينة و لا حياة .. طلعت ابحث بالغرف .. طبيت ﭼـفت للهول ..

بووية .. عزا بعيني

طلعت اركض ماشوف دعمت باب المطبخ .

شمااالج اركدددي و انجبييي ..

انهزمت بالحديقه كبال المطبخ طلعت سوسن و امها يدردمن و راكضات .. ركعت الباب ..

الله يساعدج يا باب .. امس بو نمر كضى بيج التوبه .. و اليوم هاي العرمة

احجي وية روحي ماحسيت الا ع  زينة وراية تهد و تصد .. كمزتني من الخوف

زينة : اناااا مااا شااايفه هيييج فتووول

تين : شمااالج يبستي دمي ..

زينة : سمعتييي .. كل هاااذ همها تشمر سوسن علينا .. و تطلع ولدها ضحية حياة .. اااااخ لومااا جدي و حبوبه لاااكون نظفت بيهن الديوان

تين : شمالج لا تحركين دمج ياهو الـ سمع لهن اصلا .. هن و الطوفه سوا

زينة : خاايبة تگله حرمتك حااامل مو منك

تين : بوووية و بو نمر كاعد يملخ بشعره من القهر .. هااذ هو بوضع مخل للاداب وية حرمته ..

زينة : هااا

تين : ههههه و داعتج .. خايبه ياهو يسمع لهن لا تحرگين دمج ..

صفوان : ههه تينه شافتنا

حياة : يااا

صفوان : شبيج ياحلالي

حياة : عيب عمري

صفوان : شمسوين هو حضن ..

حياة : شراح تسوي ..؟

صفوان : قيدتني رجلي كوم شغل وراي امور العشيرة مستلمها جدي

حياة : اي احسن لتضغط ع روحك

صفوان : گليبي وراي سالفة جهاد و شغلي صار خمس اشهر تاركه

حياة : انت مو مشغل مهندس وياك يمكن هو مشاه

صفوان : حتى لو لازم امرله ..

حياة : شمفكر ع مشكله جهاد

صفوان : جدي محرك شيوخ .. و هاذ مو كافي .. انا اعرف جماعه بالدولة احركهم ..
البلد ماهو شيوخ و بس ..

حياة : ان شاء الله هاي اخر محاكمة و يطلع و يرجع سالم

صفوان : بلغي تينه اخذها هي و زينة يقابلن جهاد

حياة : ان شاء الله خطية هواي راح يفرحن

صفوان : وراي اهلج ..

حياة : اهلي ..! شبيهم صفوان ..؟

صفوان : نمر لهم ..

حياة : صدوووك .. صفوووان الله عليييك

صفوان : جا مو مريتي .. الـ يحب ما يحتكر .. يهتم

حياة : يمةةةةة ..

حضنته حيل .. كمت ابجي من الفرح ..

ااااحبك وااالله

صفوان : ابوي و امي و رويحتي

سراج : معاااااذ

معاذ : اانت ما تتحكم بية .. ما يخصك

سراج : كسر رگبتك هالمرة يذبحك مرة لخ الرجال هدر دمك

معاذ : صفوان تشيخ عليكم شساااالفه ماكوو قانون ما وراي ناااس

ابو معاذ : معاذ انك تنهب حرمته حتى العشيرة وياه ضدك .. اسمع كلام اخوك و هاجر ليم عمك بديالى

معاذ : بووية

ابو معاذ : اسمع الكلام انت من الاول راغب هناك تستقر

سراج : وااالله انه متساااهل وياك و وكف في عينه  گرب الدم و لو انا بمكانه لاذبحك و ما اهدك تهاجر

معاذ : ااانت اخوووه .. اخوووي

يطلع من الغرفه منفعل

معاذ : سرااااج احااااجيك ياااالنذل

ابو معاذ : انا حاجيت عمك و اهو كال معاذ حسبة ابني خله يمي

معاذ : كسر رگبتي النذل .. تشيخ و معاد يوكف احد بعينه .. اااااالنذل ماااااات اشررررده ردووود عليناااا

ابو معاذ : اخوك صدك بكلامه .. اي زلمة من السلف ان وصل احد لعرضه يسكنه الگبر .. اسكت و استر علينا

معاذ : شدرا السلف عنا ..؟

ابو معاذ : كلنا انها مشكله گرايب ..

معاذ : ماشي بوية انا هم ما هاوي هالسلف الـ ما وراهم بس النفاق و المشاكل .. لا بارك الله فيه ..

صفوان : مرت ايام و انا متقيد ع العكاز اتحرك .. كلما يجي ابالي انو ردت اخسرها و موقف معاذ من نهبهه .. بودي اهدم الدنيا ..
لكن وجودها قربي و عيونها .. ينسوني الدنيا ..

حياة : ليش شلت الجبس ..؟

صفوان : مو كسر قوي هو رض و كسر بسيط تعالج

حياة : بس بعدك متكدر توكف عليها هياانك تعرج يا عمري ليش عناد

صفوان : گليبي بالعباس ضوجتني شسالفه شاير طابوك و امشي ..

حياة : حتى بعد تفتح الباب بيدك مو تتهور و تدفرها

صفوان : جا غير ما انفتحت ..

حياة : هههه اكو واحد يدفع باب السحب ..

صفوان : هااا تضحكين علي .. تعااالي

حياة : ركض وراي خفيف لان يعرج و متحلف بية .. طلعت ركض ..

صفوان : وووج لا تركضين و انتي حامل
ع الدرج صارت حبوبة بوجهي

الجدة : خايب متوازي ليل و نهار .. هد الحرمة كضيت بيها التوبة .. ما هيج لا يوكع الطفل

صفوان : هااا حبوبة شساالفة

الجدة : اعتگها الحرمة كامت ما تعرف تمشي

صفوان : ضحكت ضحكه وصلت لاخر السلف ..

هاااذ انااا

الجدة : الا انت .. بعد بيتي الله يديم فرحتك

صفوان : فداج العشيرة رويحتي

الجدة : يمتى تروح لاخيك صار سبوعين

صفوان : هاذ فكيت الجبس .. باجر رايح

الجدة : انا اجي روحي فرفحت عليه

صفوان : بعيوني حبوبة .. تجهزوا الحريم و بلغي عماتي .. اخذكم فد مرة

الجدة : ( نزلت راسه بيدينها و باسته .. شيخجن طويل .. كولجن گلايد ترهمن برگبته☻) 

الله يحفظك لنا

تين : هلةةة خايبة اسمعي ضحكة زلمتج بوووية شحلات البيت هيج .. اي هاي عيشة صدك .. تكئبت صار اشهر .. انا سمجه فرح .. متت

حياة : ههه فدوة للطيبة

تين : بالخير ردت عافيتج من يوم رجع ..

حياة : الحمدلله .. يوم تفرحين بجية جهاد

تين : الله يسمع منج ..

شلونه الشيخ .. عجنج زين

حياة : تحجي و تغمز  فتحت عيوني همستلها

عيب البنية واكفه

تين : جا مصيرها تنعجن شسالفه خخخخخ

زينة : ويهد ما تبطلين سوالفج

تين : خايبة انا تخمرت ..

حياة : جهزتوا حالكم لباجر

تين : بووية باجر اشوف الرية .. اي كلشي جهزنا .. حتى جسمي كله حفيته

حياة : ياااا هههههه

زينة : جا شلنا بجسمج ما تسكتين

الجد : اشوف انك لو تعفي بو نمر  ابرك لنا ..

صفوان : لا بوية يكعد للفصل ابوه و عمامه و يملكوني وكعه .. هاذ عرضي السلف كله شاف فعلة ولده

الجد : حنا سديناها و كلنا مشاكل گرايب

صفوان : شتقنع جدي .. الوادم ما قتنعت تكلك اي صح لكن شافت بعينها شلون معاذ نهبها .. و ان تميت ساكت اذا عرضي ماهو عزيز علي ..

الجد : هاذ هو الي تشوفه يتم

صفوان : محاكمة جهاد اسبوع القادم

الجد : اي يبوي شعملت ع شغلة

صفوان : اتصلت بناس وحركتهم .. انا باجر اقابله و افتهم اكثر منه ..

الجد : الله يسهل ..

حياة 📲: الو .. يمةة

ام حياة 📲: حياااة .. ووووينج .. ليييش هيييج يمةةة .. متخافييين الله ليييش قافلة جهااازج ..

حياة : اسمعها تصيح و تبجي كمت ابجي ع بجيها .. قفلته لان ماريد اهمها بكد همها .. جنت بوضع ميته

يمةة ..

ام حياة 📲: الدنياااا سووودت بووجهي حيااة .. لااا بقت بيةةة رووح و لا بابووووج اكووله وديني للبصرررة .. ليييش هيييج بنتي .. لييييش يمةة

حياة 📲: يمةة والله اسفةة ..

ام حياة 📲: لتبجييين گلبي لييش تبجين شسوو بييج ليش قفلتي جهاازج شسوو يمةة گلبييي فررغ لتبجييين

حياة 📲: يمةة اني حامل ..

ام حياة 📲: حامل .. ااااخذج الميخاااف الله .. شنووو هذووولا النااااس اااالله ميخلصنااا ..

حياة 📲: يمة لا ..

ام حياة 📲: لا شنو .. حملتي من الحايط .. حياااة لتطيرين عقلي اااااحجي فهمييييني

حياة 📲: لا يمة ابد صارلي سند بنصهم و حماني

ام حياة 📲:
يمة فهميني .. امج فرغ گلبها .. انتي وحيدتي .. شسوو بيج الله لا ينطيهم العافية .. كل فرض ادعي عليهم ما يشوفون راحه .. ظلموني و ظلموا صغيرتي

حياة 📲: يمةة دعواتج هلكتني الي هم ..

ام حياة 📲: سوودة علية يمة ليش فهمني شصاير وياج

حياة : سولفتلها بشكل مختصر

يمة المهم رجعلي رجلي يمة ابد ممحسسني اني فصل لان يعرف ابوية مو سبب وفاة اخو ..

ام حياة 📲 : لان الله يعرف بنتي مظلومة .. الله ميظلم بشر يسخر له ناس زينة تعينه

حياة 📲: الحمدلله ..

بقيت اسولف وياها و اضحكها

ثاني يوم كعدوا من الصبح راحو كل النسوان  بقى جدهم و ولد خوالهم بالديوان اني گعدت بغرفتي ورا ربع ساعه اتصلت عليه ..

📲: الو عمري

صفوان 📲: هلا گليبي

حياة 📲: مو كتلك من توصلون دكلي .. وصلتوا ..؟

صفوان 📲: هستونة وصلنا رويحتي ..

حياة 📲: تمام عمري من تطلعون همين دكلي فدوة لتخليني قلقه

صفوان 📲: مو يدلل گليبي .. فديت الخايف علي

حياة 📲: احبك

صفوان 📲: اموت بيج ..

تين : (بهمس)  هاع هاذ احماء الي لو شني ...؟

زينة : اسكتي شهرتينا  ..

صفوان : قدمت ع مقابلة مو بيوم المقابلة الرسمي لان وياي حريم و اخاف عليهن بيوم المقابلة هوسة الناس كلها تجي ..

طبيت للضابط و انا موسط ناس كلتله انا من طرف فلان دز ع عسكري كاله طلع السجين جهاد لغرفة المقابلة تشكرته
خذيت الحريم و دخلتهن للغرفة بقيت بالباب احجي وية العسكري ..

جهاد : شسالفة ماهو يوم مقابلة و جدي تاخر اسبوعين ما مرلي

طلعت شفت الحريم .. ماخلن بية رگعة صاحية حضن و بوس و انا شطت جا شني جايات بدون زلمة

تين : اول مطب مكدرت اسبق عماته و حبوبة .. اسكت بدموعي ميكوفن .. شصاير بحالة نكضان .. جلد ع عظم

هو وصل ليمي .. يباوع و عيونه غركانه .. حضني و خديته بحضني و ابجي

يا بعد كل هلي

جهاد : كلهن بجهه و تينة بجهه .. ردت لي روحي و بردت اعصابي من شفت وجهه وجه الخير ..
افيييييش يگليبي لااا تبجين

جريت راسه و مسحت دموعها ..

تين : شعملوا بيك ظلام النفس .. شكالوا لله من هيج خذوك غبن .. نعلة الله (  عود لعنة الله ) ع الدولة و الضابط و العسكر

جهاد : خايبة لا تسبينهم و انتي بنصهم

تين : جا ياخذون زلمتي مني ..

جهاد : رجعتها بحضني و عصرتها حيل ..

حبووبة ياهووو الجااابكم شساااالفة خريم بدون محررررم

زينة : هااع و لا تغييير گبن عنده ..

ربيعة : اسكتي لا يسمعج زوينو

صفوان : سمعته و انا واكف ورا الباب  يخوي و لا تغيرت دومك نار

انااا جبتهم لووو انااا ما مااالي عينك جهااااااااااد

جهاد : درت ع الصوت ﭼـنه بو نمر لو انا يتصور لي ..

بوو نمر

ركضت عليه و انا جني بحلم .. خفت لا اوصل له و يختفي خفت لا انه سراب عيني رسمته ..

حضنته حيل عصرته .. تاكدت انه اهوو .. ابجي بصوت بدون ارادتي

صفوان : يبجي و يدك ع ضهري

لااا تبجي يخوي

جهاد : بووووو نمرررر ماااا تبقى قوووة بررررحييل الاخوووو

صفوان : جريت راسه و بسته بگصته ..

و انت رجال و كفو لو كلها التمت عليك المصايب

جهاد : شسالفتك شسالفة جدي يوم جابلي خبر الشوووم بو نمر انا عشت اياام سودة

صفوان : سالفة طويلة و مو جدي المذنب

گعدنا بالغرفة سولفتله كل الصار و سولفلي كل الصار وياه

افتهمت منه انه الـ خذاه تاجر سلاح و ابدال ما يقتله لبس براسه جرائم جماعته مرتكبيها و انفجارات ...
و ﭼـم مظلوم راح ضحيه مثلك ..

الضابط لو اهو نزيه يحقق باوقات الجرائم و الانفجارات و انت عندك شهود انك متواجد بالسلف

جهاد : والله ع الشفته خلال هالفترة احمدالله ان حنا بشر من اهل الله و مالنا بالاجرام شي .. يخوي البلد ضايع و حنا ما نعلم

حليمة : الحمدلله ربي

صفوان : اذا ما خليت هاذي اخر محاكمة لك انا فلا بو نمر ..

بقينا ساعه رجعت وصلت الحريم للبيت و طلعت كبل للمحامي خذيته و رحت لناس كبار بالدولة انا لي شغل وياهم
عرفتهم من خلال شغلي بالعقارات و صار بيناتنا بزنس
ضبطت كل الامور بيوم المحاكمة رحنا الزلم

و من حسن الحظ القاضي له سوابق بقضايا العصابة الـ خذت جهاد .. و هاذ ساعد جهاد .. حكم عليه بالبراءة من كل الجرائم

نطاه حكم افراج خلال اربع و عشرين ساعه لما تكمل اجراءات الافراج

تين : گليبي يدك مليون بالثانية .. افتر من الصبح لهسه .. اروح للباب الخارجي و ارجع ..

خلصت خلصت ما بقت محاكمة لهسه شسالفتهم لا خابرو لا وصلوا

زينة : خايبة اركدي دخنا ابدال ما تلغين ادعي

تين : جاااي ااادعي .. طكيت بعد ما تحمل .. شماله ما يرد بو نمر .. ما يكول اكو زمالة مربوطة بالبيت تووهس و تقلق ..

زينة : البنية كالت انه ما يكدر يرد لان بالمحكمه اكيد من تخلص يطلع و يتصل ..
ان شاء الله خير فريتي عقولنا ارگدي عاد

تين تنفعل : انتي ما تدگين ع زلمتج

حياة : گعدت لان تعبت من الوكفه قلقتني من الصبح الهسة توسوس من قلقها
گبيت من صاحت بية ..
منو اني

تين : جاااا ابوي دگي عاد

حياة : يمكن الف مرة دكيت من وراها و ميرد .. دا ادك جان الدنيا تنگلب برا صوت سيارات و هورنات و هوسات

تين : هاااا .. اجوووو .. اجووو

حياة : طلعن كل عماتهم و خالاتهم من الديوان من فتحوا الباب الخارجي كلها
احنا طبينا  جوا الحوش انترس زلم

تين : فرررحانيين اكيييييد طللعععع

نوار : هلهلللللن ياااا حرررررريم .. افررررراااااج ..

حياة : كبت الهلاهل بالبيت و تين تكمز من حضن لحضن .. سديت اذاني من الهلاهل و الرمي ..

بقوا ساعات محتفلين و ذبحوا غنم .. اني عازلة روحي عنهن اخاف ع الـ ابطني لان فقدن من الفرح .. ساده اذاني و مدنگة راسي

فجاءة سحبني بشر و حضني .. من ريحته صفوان ..

صفوان : رجعنا ننصب الجادر و نذبح لما تكمل الاجراءات و نروح نستلمه وصلنا السلف كله طلع ع رمي نوار
من فرحتي هديت الزلم و الدنيا و طبيت كبل ادور ع مريتي ..
الجبانه عازلة روحها و ساده اذانها جريتها و حضنتها حتى ما اهتميت للحريم كلهن

يااا ووووجه اااااالخير  .. يااااا گليبييييي

حياة : يمةة فدووة

صفوان : سحبت راسها و ابوس بخدودها حيل منا و منا و اصيح

اااااااااحبنـــــــج .. ااااااااعشگنــــج

حياة : اني حلگي شكته الابتسامه .. عزا خلة كل طاقة الفرحة بية ..

صفوان : گرصت الغمازات بوية ياخذن روحي

لاااااا يطلعن لاااا يطلللعن لاااا اااااااكلهن .. ضمييييييهن گليبي رهييييييف يمهن ..

ربيعة : تسوودن ماا يستحي مااا يكوول حريم .. هذذذن نسووان ولد خاااله غريباات و كاعدات

سوسن : سحرته مصخمة الوجه .. سحرته خالة لا تتعجبين .. ما تشوفي مسودن عليها .. حتى دم اخوه نساه

صفوان : ركضت ع خيتي و عمتي حضنتهن ..

عمةة رويحتي امانه يمج لا تخلوهاا تشتغل اليوم .. اخااافن عليهاا

حليمة : رووح يمةةة رووح امانتك محفووظه بجااه اهل البيت

حياة : بقوا للعصر نصبوا الخيمة و النسوان طلعن جداري كبار كوولش اول مرة اشوف هيج حجم ..

كامن يطبخن بالحوش .. ضجت من الكعده اريد اساعد ولو بشي .. عمتهم كل اشوي تحودني من المطبخ ..
افتر و ايدي فارغة ماعرف شسوي اخر شي اخذتني من ايدي و صعدتني للغرفه

حليمة : مرة السيد مو بس الشيخ خايبة لا تبالشينا وياه ..

حياة : عمه بس انظف الخضرة ميتعب

حليمة : اگعدي و اسكتي جتج دفرة على بطنج اسم الله شيخلصنا يمة

حياة : عافتني و طلعت بقيت للمغرب ضجت وحدي نزلت ع صوت الرمي

جهاد : لنهاية العصر اجراءات و انطوني حريتي اباب السجن الدنيا مكلوبة بالسيارت ..

طلعوا ولد خوالي شالوني شيل و خلوني بتايوته ليورا و خمسه وياي

كاموا يرمون من دخلنا للسلف .. نزلت العالم كله تسلم علي و تتحمد ع سلامتي

صدك الانسان لو حرية لو گبر ..

كلت لصفوان ارد اسبح ما سابح صارلي دهر .. دخلت الحريم استلمني هلاهل و بوس ..

حليمة : تييين .. تييينة خذي زلمتج يسبح .. هااا وينها

تين : كل وحده بطول التيل و ضخمات و يكمزن جعصني .. نوب تورطت اريد اهد المكان ماكو مجال ..

خايبات وخرررن شسااالفه جعصتني ..

خذيت زلمتي من ايده و صعدت ..

جهاد : تجر بية و تدردم

هااا هاا شمااالج جا طاااير انا

تين :
زلمتي لو زلمتجن .. مانطيتن مفكه .. ما تكولن حرمته هان .. شساالفة ادب .. ادب

طبيت للحمام .. التفتت عليه و حضنته

بوووية رويحتي ..

جهاد : شبعت ضحك بحضنها ..

جا ما حضنتيني جوا

تين : كمت انزعه هدومه

انا اختلي و احضن الحريم ما خلن بيك شي جوا ما ينطن مفكه ..

جهاد : ما تنزعين انتي

تين بابتسامة : شمالك اصبر جا طايرة لنا دهر كامل

جهاد : حصرتها بيدي وية الحايط

ما اصبر ..

تين : هاا .. جهاااد الوادم تنتظر جوا

جريته من ايده و كعدته .. خذيت الدوش و كمت ابلل بجسمه و اليف

صبرت اشهر .. ما تصبر ساعات

جهاد : بوية من شفتج خلص الصبر كله .. احمدي ربج ضبطت روحي من شفتج بالسجن ..

خايبة .. وجهي .. وجهي لا تليفي

تين : كمت اليفله و ابجي ..

الحرمة بدون زلمتها تضيع .. توكع بجبد اهلها و الوادم تاكل لحمها بالحجي .. الله يحرمني منه و لا يخليني لحم رخيص للوادم

غسلتله بالمي .. و نشفته .. لفيته بالخاولي و طلعته

جهاد : مسحت دموعها

لا تبجين هاذ انا يمج

تين : الله يديم هالوجه يمي

البس .. الوادم تنتظر ..هسة كلها تكول شبع ولد الشيخ فوگ ..

جهاد : جا تعالي ابوس

جريتها و بستها  .. كملت لبس و نزلت طلعت برا ..

حليمة : عاشت ايدج تينه ..

تين : نزلت وراه ..

طلعت زلمتي بالباكيت ..

سوسن : اي عيني و شدعوة تاخرتي .. جا اصبري لليل

تين : لا بوية الـ ابمخج ما صار .. لا عجني و لا رفسني .. قابل اغسله بخمس دقايق و انزله .. جا غاسله لبزون شني

ها صبيتوا الاكل

زينة : اي كملنا تعالي اكعدي اكلي ..

حياة : كعدنا ناكل اباوع ع الوجوه نصها تريد تاكلني گعدت بنص تين و عمة حليمة كملنا كمت الم وياهن المواعين

حليمة : ام نمر روحي انتي ارتاحي

ام معاذ : الفصلية ما تتسمى باسم الشيخ يام ابراهيم

حليمة : اهي حرمته و شالت بذرته .. ان جابت ولد غصب ع الكل ياخذ المشيخه من ابو ..

ام معاذ : هاذ الحجي عندج انتي .. مو ع العشيرة كلها

حليمة : لميعه كفي الشر و خلج من هالحقد تراه ياكل صاحبه ..

حياة : من شفت الوضعيه حمت فلتت  صعدت بغرفتي تمددت جان اغفى محسيت الا نص الليل ع صوت طكطكه رفعت راسي ..

ها عمري اجيت ..

صفوان : بقينا لنص الليل كملنا و صعدت انا و جهاد رحت للغرفة ما شغلت الضوا  شفتها نايمة غطيتها و بستها

طبيت سبحت لان جسمي متكسر طلعت ادور ع بجامتي بالمجرات

  اسف گببتج گليبي ..

حياة : لا عادي عمري گلت انتظرك و اخذتني الغفوة

صفوان : نوم الهنا

حياة : بيش الساعه ..؟

صفوان : بـالثنتين و نص ..

حياة : يوو شكد نمت ها شتدور هدومك گلبي ..؟

صفوان : بجامتي لگيتها
لبستها و صعدت ع الجرباية يمها ..

تعالي ع گلبي .. تعااالي خلي نبضه ينتظم

حياة : نمت ع صدره ..

تعبان روحي ..؟

صفوان : بووية تكسرت .. ع رجلية من الصبح ..

حياة : افرك جسمك ..

صفوان : لا گليبي خليج بحضني .. انا مرتاح هيج

حياة : لاا .. نام ع بطنك ناام ..

صفوان : بووية بلش عناد التركمان

حياة : هههه هسة بس افرك ظهرك ترتاح تغفى عمري جسمك كله متصلب

نام على بطنه و كمت افرك برگبته متصلبه من الجهد دلكت جتوفه و ضهره بقيت نص ساعه افرك بجسمه لحد ما غفى ..

غطيته بسته و خليت راسي يم راسه .. و امسح بوجهه .. بقيت اباوع عليه لحد ما غفيت ..

مرت ايام هو رجع لـ شغله طبيت بشهري السادس و ثگل حملي

صفوان : انطيت عطوة لرجل عمتي حضر ابو معاذ و عمامه

عمي الحگ حگ و انا ما تنازل

ابو معاذ : احنا اهل يا شيخ و من قبيلة وحده العفو و السماح منك

صفوان : الا العرض ابو سراج الا العرض هاذ حتى يكون درس له و لكل زلمة بالعشيرة ما يخلي عينه ع حرمة غيره

جهاد :
لو انا بمكانك والله اني ما اسكت لو توصل للدم

ابو معاذ : شسالفة جهاد خليك محضر خير  ..

جهاد : عمي يا خير انتم خليتم خير .. ابنك نهب الحرمة لوما انها بنت اصول و رفضت .. و رجع خذاها غصب لوما الشيخ يرد بوكته ..

عم معاذ : اذكروا الله الحگ لك شيخ شتامر حاضرين ..

صفوان : انا ما محتاج لكن هاذ حشم لي و اكتفي بالگاع

ام معاذ : انا واكفه خلف الباب و اسمع ..

ذابحت ولد العمام بنت الشوارع .. ذااابحهم الله لا ينطيها العافية

ابو معاذ : لكن يا بو نمر الگاع عزيزة

صفوان : و حرمتي اعز يابو سررااج ..

ام معاذ : فتحت الباب و دشيت لهم ..

لك الحگ يا شيخ .. و حنا عاطيك مرة