رواية قضبان الجنوب ( فصلية ) الفصل التاسع والعشرون 29 - بقلم Hend_AlBoor

صفوان : دكتور .. اريد اطلع منا .. 

دكتور هاشم : شتحس بصحتك ذيب لو بس مختنك و رايد تفلت

صفوان : دكتور اريد اطلع ..

دكتور هاشم : و لا يهمك گوم

يغادرون المشفى لاقرب مطعم

اطلب شتاكل ..؟

صفوان : بس جاي  راسي راح ينفجر

دكتور هاشم  : شسمك ..؟

صفوان : صفنت .. هو هذا السؤال الـ مصدع راسي صار تلث ايام .. شسمي ..؟ منو اني ...؟ ليش بالمستشفى ..؟

دكتور هاشم : مثل متوقعت .. الضربة القديمة براسه وية الجديده سببت ضرر جبير .. رغم ماكو اي ضرر بالجمجمة حسب المفراس الاشعه  ..

متعرف ..؟

صفوان : ابد

لزمت راسي من الالم

دكتور هاشم : لا تضغط ع دماغك ما يتذكر

صفوان : منو اني دكتور ..؟

دكتور هاشم : اااانت سوبر مان ..

صفوان : فتح ايدينه و رفع صدره

مااا فهمت ...؟

دكتور هاشم : هههه تصدك .. ما اعرف انت منو ..؟

صفوان : شجابني يمك ..؟ شلون عرفتني ..؟

دكتور هاشم :  قبل اسبوع و اني راجع من دوامي .. صار انفجار ع مقربة مني .. وصلني بس العصف بس قوي

و من نص هالعصف كوم غراض و اشلاء بشرية طارت .. من ضمنهن انت .. بس احمد ربك طرت كامل .. لهذاا اكوولك سوبر مان نزلت نزووول ع سيارتي كومتلي الدعامية

صفوان : دكتور اريحي ..!!! اني بيا حال

دكتور هاشم : لتعقج وووجهك .. الدنيا متسوا .. اذا ع الاسم نلكيلك اسم

صفوان : و اهلي ناسي اصلي و ذاتي كلهن نكرة  اريد اتذكرر راسي راح ينفجر

دكتور هاشم : مو داكولك لتضغط ع راسك .. مو زين

صفوان : باوعت عليه

فاقد الذكرة ...؟

هز راسه

لشووكت ..؟

دكتور هاشم : فقدان الذاكرة النسبي .. يوم .. اسبوع .. شهر .. سنة .. الله اعلم

صفوان : ماكدر اكمل هيج .. ماكدر اكمل و اني نكررة

دكتور هاشم : اني استلمت حالتك كـ مريض .. و اني اساعدك اطمن

صفوان : شلون تساعدني ..؟

دكتور هاشم : افرك بكل مكان ابغداد .. كل يوم .. لابد للعقل الباطن يسترجع شي من الذاكرة المهدومة اذا شاف شي من ماضيه ..!

صفوان : اكو امل ..؟

دكتور هاشم : ما اجزملك .. لان فص المخ المتخصص بالذاكرة متضرر ..!
انت متتذكر حادث قديم ..؟

صفوان : لو اتذكر .. اتذكر اسمي و ارتاح

دكتور هاشم : الضرر قديم و زاد بالحادث الجديد .. بس الله كريم
اني ما اريد اضغط ع دماغك لان بعده جديد الحادث هسة امشي

صفوان : وين ..؟

دكتور هاشم : بيتي .. فززز جسمممك و كوووم

اخذته للبيت .. استقبلت حالته لان اعشق الحالات الغريبة بالامراض .. احب اكتشف حياة الـ يفقدون الذاكره .. شيفكرون و وين يوصلون .. شلون يكملون حياتهم بنكران كولشي يخصهم

و لان صارلي ولد باول زواجي و مات بعمر 4 سنوات .. حنيت لاحساس الابوة هذاك ..

رند ( 22 سنة .. حنطاوية بعيون صفر .. طولها وسط رشيقه .. طالبة صيدله جامعة بغداد .. )

بابا اجيت ..؟

دكتور هاشم : اي باباتي وين امج ..؟

رند : شفت وياه ولد راسه ملفلف بشاش .. مشايفه مثله بالجامعه .. صدوك يجبر العين تنتبه و يجذب نظرها ..

بالعياده ..

دكتور هاشم : اووو نسييت كالتلي البارحه لعد بنياتي وينهن ..؟

رند : سهاوي نايمة كالعاده و نور ملتهية بفونها

دكتور : خليهن ع راحتج

تعال ابني يرادلك ترتاح حتى نبلش بتمارين العقل ..

صفوان : صعدت وياه فوك دخلني بغرفة مجهزه مبينه غرفه شاب

اخاف ابنك يتضايق مني

دكتور هاشم : من فقدت ابني و اني كل 3 سنوات اغير ديكورات الغرفه  .. كأنو عايش ..
بالعكس اكيد راح يفرح

صفوان : الله يرحمه اعتذر

دكتور هاشم : يلة يلة ارتاح و لا تضغط ع عقلك ابد

صفوان : طبطب ع جتفي و طلع
كعدت اريد اتذكر شي .. ماكو دماغي مصفر ..

رند : اني بالمطبخ اسويلي نسكافيه نزل بابا

بابا يمسح بعيونه

دكتور هاشم : عيوني باباتي فد كوب وياج

رند : تدلل

منو هذا الولد ..؟

دكتور هاشم : مريضي .. اضطريت اجري فترة علاجه بالبيت ..

رند : و اهله شكالوا

دكتور هاشم : ميعرفهم

رند تنطي الكوب و تگعد : شلون يعني بابا  ..؟

دكتور هاشم : فاقد الذاكرة

رند : يووو خطية ، زين ابد ابد ميتذكر شي

دكتور هاشم : و لا حتى اسمه

رند : اوف الله يعينه

دكتور هاشم : يلة بابا اني اروح للعياده ..

رند : توك اجيت دكمل النسكافيه

دكتور هاشم : وقت وقت بنتي الوقت ثمين

رند : الله يحفظك

تگعد بالصالة تتصفح جهازها

صفوان : كمت وكفت كبال المراية اباوع ع شكلي ..
منو انت  ..؟ اتذكر .. اسم .. صاحب .. اخ اي شي .. هاا .. ااااتذكررررر
يصرخ - منو انت؟ منو

سها ( 20 سنة .. بيضه بعيون بني فاتح .. طول وسط .. ناعمة الجسم متناسق .. طالبة صيدله جامعة بغداد .. ) 

هفف كعدت المغرب تخنگ ..

و اني امشي بالممر بالطابق الثاني سمعت صوت جاي من غرفة اخوية الله يرحمه .. رحت استمع صوت رجال فجاءة كام يصيح ..

دمي نشف معقولة روح اخوية ..!! لا هذا صوت جبير هو طفل و مات ..

راسا فتحت الباب .. شفت رجال مكابل المراية و يعارك روحه .. رفعت حواجبي اثنينهن .. دار عني و خلة ايدينه ع رگبته من ورا و يصعد بيهن ع راسه للشاش و ينزلهن ..

يهو .. اكيد مخبل من مخابيل ابوية .. سديت الباب و نزلت ..

صفوان : فتحت الباب بنية .. درت وجهي و ظهري عنها ..

فقدت و نسيت نفسي .. حتى نفسي نسيتها ..

سها : ها رنود ..

رند : هلو حبي كعدتي ..

سها : اي .. شنو اكيد ابوية جايب مخبل كـ حالة علاجية

رند ترفع راسها : شفتي ..؟

سها : لا سمعته يصيح وية روحه و يتعارك .. متقربت خفت ليخنگني

رند : يتعارك ..!!! 

كمت و رحت صعدت ع السريع ..

فتحت باب الغرفه .. جان كاعد ع الجرباية و ظهره ع الباب

رحت يمه .. هيج حالات ممكن ياذون ارواحهم او توصل للانتحار و هم يحاولون يتذكرون شي

صفوان : مدنگ راسي و اني احاول اصفي عقلي و اتذكر اي شي قبل لحظة وعيي بالمستشفى .. محسيت الا ع بنية يمي واكفه ..

رند : من رفع راسه و عيونه علية .. ارتبكت مادري حرت وين اودي روحي ..

صفوان : اسف سببت ازعاج بدون قصد ..

رند : عادي بس لا تضغط ع دماغك متحصل شي منه

صفوان : الله كريم
يحجي اي شي الـ ميعرف الم النكران .. و الضياع ..

نور ( 19 سنة .. بيضة بعيون صفر .. طويلة متناسقه الجسم .. طالبة هندسه جامعة بغداد) 

تدخل للغرفة

شصاير ..؟

منو هذا ..؟

رند : مريض بابا

نور : ياا .. مخبل ..

رند تفتح عيونها و تهمس عيب

نور بهمس : شكو
رند : ااامشيي

تاخذها و تطلع تسد الباب ..

نور : شكوو شكوو غير نفتهم ..؟

رند : عييب من الرجال .. ثولة انتي مخبل شنو

نور : غير كلتي مريض بابا و هو دكتور جملة عصبية بس المخابيل يمه

رند : موو مخبل .. ذاكرته فاقدها

نور : خطيةةة .. همزين فاقد ذاكرة و لا مخبل .. يمعودة حرامات غير شكل يتخبل

حياة : بكل زاوية بالغرفه اسمع حسه .. كمت اشوف طيفه كامل .. و فوگ المي الم و ضغط و اهانات نسوانهم .. كمت ماحس باي شي من حولي .. وصلت لمرحلة احس جوف جسمي فارغ من اي عضو ..
صفوان نخر كولشي بداخلي .. حتى روحي

معاذ : ها يمة شصار .. سويتي الـ كلتلج عليه ..

ام معاذ : سوويت سوويت .. خل نشووف وين توصل بدماغك هااذ

معاذ : و شكال جدي

ام معاذ : عطاها لك .. لكن بعد عدتها

معاذ : مالها عدة يمي .. و اهي فصل و ما لها عدة بالشرع ..

ام معاذ : خلك من هالسوالف جدك حلكه متروس دم و شاغل دماغه جهاد و مصيبته

بعد اسبوع

عم معاذ ( الـ بالبصرة مو هذاك الـ بديالى) 
: ياا شيخ .. مايصير تگابل الحاكم و تنشده ..

الجد : اناا نشدت محامي تكفل بالموضوع .. لكن يكول ان موضوعه ماهو هين .. ان صعبت انا اناشد الحاكم جا ولدي هاذ خذوا غبن

ابو معاذ : عمي الحمدلله انه عايش الباقي كله يهون

الجد : احمد الله .. بس اهو بگالي .. انا كمت افقد الاعزاز واحد عگب الاخ

عم معاذ : الله ينطي و ياخذ يابو سالم و الخير فيك ..

الجد : و النعم بالله

ابو معاذ : عمي و البنت المفصوله عگب موت الشيخ شقررت بامرها

الجد : فكرت يابو معاذ ، لو ان جهاد هان جان عطيتها له و سترها

ابو معاذ : و الشورة شني ..؟

الجد : انا عطيت كلمة لحرمتك و عطيتها لمعاذ .. انا اول عطيتها له لكنه رفض ..

معاذ : جدي هسة انا بامرك ..

الجد : لكن تخاف الله فيها .. حنا خذيناها من حلوك الناس .. و كلنا نعرف علة خالد و موته ماهو حادث

عم معاذ : نعلم يابو سالم .. الله يرحمه

معاذ : جدي هي حرمتي گبل من الفصل .. و صار الصار و رجعت قسمتي لي ..

الجد : في بالي الامر .. و انه يمكن سبب هجمان بيتي لان خذيت حرمة زلمة بشرع الله ..

ابو معاذ : ما حصل شر .. و الموت لنا كلنا شيخ .. الله يطول لنا بعمرك ..

الجد : بو معاذ خل ولدك هان .. البيت خلى من الزلم بغيابي و الدار في حريم .. و انا حاسب معاذ اخو للمرحومين .. و اجت عازتي له

ابو معاذ : و معاذ و ابوه و عمامه تحت امرك بو سالم ..

الجد : ماتگصرون

تين : لا تبجين و انتي تاكلين هاي نعمة مايصير

حياة : خليني .. اكو وجع بداخلي اريده يفك ..

تين : تموتين هيج

حياة ببكاء : وجهه بيوم اجاني و رفضته .. وجهه جان يشبه الموت .. ماهتميت .. بس هسة ديذبحني وجهه هذاك تين

تين : ليش اهو يعرفج قبل من الحادث و الفصل

حياة : اي

تين : لهاذ صديتيه يوم عرفتي

حياة : كرهته اول يوم عرفت بي هو ما كمت اطيق اشوف وجهه و من شفت معاذ ماعدت اطيق صفوان
ديموتني هذا كله تين ديموتني الندم

تين : كاافي هددي ايدج من عيونج هن كاضيات من الدموع ع تمرديهن هدي ايدج مايوكفن دموعج بيهن

حياة : وكفن بحضنه .. وكفن و غفيت من انهارت روحي .. وووينه مو داااابجي ليش ما اجه مرة لخ و حضني

ليش ما غصبني اوووكف من گلبي نووجع .. مووو هسةةة ديمووتني الووجع .. وووينه ...؟؟؟
مسحت دموعي 
تين كامت تمر علية هذيج الايام ثانية ثانية و تذبحني

تين : لا تفكرين هيج لا تفكرين شلون صديتي فكري شلون حبيتي

حياة تبتسم رغم الدموع : فجاءة لگيتني من اخلي راسي ع المخده يجي ابالي ركضته ع معاذ و الضرب لزمته لايدي بقوة و حنية  صدره و ريحة ابوية
فجاءة گلبي گام ينطق كلام اني ماريد احجي خوفي عليه و اكول لااا ماا اريد اعيد الوجع

جنننت اعرررف نهاية گلبي بحبه ووووجع .. مووو ااااني جررربت قبل

تين : حياة كافي ..

حياة : تين عوفيني احجي راح امووت والله ماكدر اتحمل هالالم وحدي

صدره صااار بيتـ...

اختنكت كولشي اتذكره يذبحني صدري نقبض لزمت حنجرتي و طلعت ركض الهوا من يمر منها موس

ركضت اريد هوا .. داتنفس سجاجين

جابت صونده المي و تغسل بوجهي

تين : اسم الله اسم الله ميخالف هسة ترتاحين

حياة : كمت اغسل بوجهي و اخذ مي ع صدري اخلي روحي طلعت و وكفت يم الحنجرة

تين بحزن : كافي حرام عليج هاذ كله حرام

صعدتني لغرفتي ارتاح

المغرب يدخل معاذ شايل جنطته ينادي

زينة  ، زينة

تين : فكيها انتي الخ بالعباس تكئبت و كرهت الحياة شمالجن ..

هاذ معاذ ..!؟

زينة : شماله ينادي بنص الحديقه السلف كله سمع

هلة

معاذ : جاي انطيجن علم ان انا موجود .. حتى لا تفتحن الباب ان جا زلمة

زينة : ماتقصر .

تين : ها شماله معاذ

زينة : راح جاب غراض تخصه و رجع .. جدي علمه انه يركد بالبيت لين يطلع جهاد

تين : خير ما عمل البيت يفضى من الزلم كونن جدي يغادر لامور و شغل العشيرة و معاذ حسبة ولده

زينة : يخسي اذا يوصل للشيوخ .. بس شاكول لا اله الا الله ..

تين : خايبة شلنا فيه .. كل اسمه ازلمة داخل البيت

زينة : انقهر ع اخوتي لو ع هالبنية الـ رجعت له .. الله اعلم شراح يسوي عمايل فيها عگب طردته و طگته

معاذ :
خل نشوف حياة .. رجعتي لي و غصب

حياة : كمت افرش بالكاع و انام .. من جهة مكانه .. كلما اختنك ادفن راسي بفراشه و اخذ ريحته .. اطحن بروحي طحن بعده ..

تين : حياة كاعده گليبي

حياة : اي

تين : شمالج گاعده بالزاوية و بهالظلمة

حياة : ردت ارتاح اشوي

تين : والله جاي تموتين روحج لا راحه و لا شي تعالي انزلي نتعشا حتى اساعدج بالشغل

حياة : جاية وراج

نزلت لگيتهن صابات الاكل و گاعدات بالمطبخ رحت ع السنك داغسل الي عليه

اني مالي نفس انتن اكلن

تين : عوفي انا نزلتج تغيرين جو بدل المگبرة الي مسويتها بغرفتج اگعدي اكلي شوي ما كليتي عدل من هذاك اليوم لليوم حتى وجهج منخور

حياة : كعدت اكلت اشوي .. ماتحمل استوعب النفس و هو جوا التراب بدون نفس .. بدون اكل .. بدون مي .. اشلون وحده نايم ..
كل كلمة غزل گالياها تدوي براسي و تترك صداع

اكل و دموعي يجرن

زينة تبجي على بجي حياة : انا شبعت

تين :  شمالج تووونا بدينا بسم الله

هاي تبجي و هذيج صعدت تنوح

اففف يالله شهالعيشه فدواااتك افرجهاا

حياة : گامن و ان ما گامن اني ما احس بشي حولي لا دنيا و لا بشر كل تفكيري بالموت

مرت ايام و هذا حالي .. اتعودت و اتعايشت وية حزني .. كام الحزن ميهم و الالم عادي .. شيصير بية بعد اكثر من الـ صار .. و اخاف منه ..! خلصن سيوف الدنيا
صفوان جان الضربه القاضية

جهاد : تحولت ع محكمة بغداد .. و اتأجلت المحاكمة لموعد ثاني .. حجوا جرائم انا ما اعرف عنها شي ..

بووية

الجد : جهاااد  وليدي شلونك شعاملين بيك لاااا باااارك الله بيهم

جهاد : شمالكم لابسين اسود ..؟

الجد : موو هااذ موضوعناا بووية شوصلك هاان  ووين جنت كل هالمدة ..؟

جهاد ينفعل : سرراج شهالاسود

سراج : جهاد حنا وين و انت وين

جهاد : جددي شساالفة منهوو مااات

الجد ببكاء : بو نمر

جهاد :
ااانتمم تجذبوون .. لاا .. تجذبوون

نوار : جهاد هدي ..

الشرطي : انتهى وقت المقابله ..

جهاد يصرخ : يا وقت جدي صفوان وين

نوار : جدي ما المفروض تعلمه

الجد : بوية سودة علية شصار بولدي شنهو الذنب

يسندوه و يغادرون بينما يتعالى صوت بكاءه

نوار :
كلنا دايخين بـ الصار ابيت عمتي .. شجاي يصير لبيت الشيوخ .. اهو اختبار .. لو هجمان ..؟؟؟

بدر : اختبار و الله المعين

معاذ : قرب يكمل شهر ع موته .. باقي شهرين و عشر ايام و اخذها .. بعدها هاذ البيت ما ادخله خير شر ..

ام معاذ : لا تحجي هيج و المشيخة بعد جدي مالها راعي ياهو البقى بيهم

معاذ : انا ما رايد غير بس شي واحد

تين : زينة دكي على خالج بدر القلق واكلني ارد اعرف شافوه لا يكون الخبر جاذب

زينة : مو راح جدي قبل و لكوا اسمه شمالج تفاولين ..

تين تضرب على گلبها : هااذ ، هااذ ما يتطمن لييين يشوفووه عضم و لحم دگي فدوة

زينة : اروحن اجيب الجهاز من الغرفه

تين : جاية وياج ماتحمل انطر هان

حياة : الله يرجعه سالم الله لا يعيشها الي اني داعيشه كملت غسل مواعين و كمت انظف

اتذكر من انكسرت ورا سالفة معاذ كمت ادور اي مصيبه تنسيني الوجع ادور شغل الهي روحي و انسى

لحد ما اجتني سالفة الفصلية رغم هي نار بس مترددت لسببين حياة ابوية و عذابي الي ما عرفت اتخلص منه و ارتاح

و اجيت و التهيت بالشغل و الاذية .. و ابتليت بحب اكبر .. ضحكتلي الدنيا .. بس ضمتلي طعنه هدت حيلي ..

لو كل الشغل هسه ميلهيني عن ذكره كل يوم اسمعه يصيحني ، يغازلني اسمع صوته وااضح لا مو خبال داسمع صوته الخشن  الدافي

داكنس بالممر طخت السعفه برجلين  باوعت عليهن گلبي رجف صار گدامي هذاك اليوم ..

ــــ ذكـــرى ــــ

حياة : ااانت شتسووي هنااا ..؟؟

  ساكت و صافن بوجهي اني تخبلت اذا احد شافه يدفنوني و همة منا نار علية ..

لزمته بايديني من ايدينه .. و ادفع بي وصلته للباب .. طلعته و سديت الباب

و جعلنا من بين ايديهم سدا و من خلفهم سدا فاغشيناهم فهم لا يبصرون ..

ـــــ واقـــع ـــــ

رفعت راسي .. مستغربت .. لا الريحة هي .. و لا الهيبة و الحب هو

ذبيت السعفة و ركضت للمطبخ اني بعده ميصير يشوفني احد

معاذ : اوگفي

حياة : بالمطبخ طب وراية لزمني من ايدي ..

عوف معاذ

معاذ : شبيج وياي

حياة : داگول عوف

معاذ : هاااي شمسووية برووحج .. كله لاااان راااح اااخذج ..

حياة : تاخذ منو انت تحلم

معاذ يضحك بسخرية : لازم ما گالولج

يهمس - فصلوج الي

حياة : شدتحجي

معاذ : و داااعتج رجعتيلي .. شفتي شلون .. من اخلي نفسي بشي ااااخذه

حياة : لو تموت

ادفع بي ميحلني

معاذ : خل تخلص العدة و ما اهدج لو ماعرف من يجي

حياة : اترك .. لمن تعرف اني بعدة شلون تكشف علية

معاذ : وووج ياااا عدددة ااانتي شبيييج .. العددة للمتزووجااات .. هاااي بس من النااااس حبيييي

حياة تصرخ : و اني متزوجة

معاذ : لزمتها من شعرها و حيل سحبتها علي .. و انا صاك سنوني من الاعصاب

لااازم نمتييي وياااه مووو ..؟

حياة : كولشي ملكه و لو تموت ماصيرلك

معاذ : فورت دمي الخاينة .. فركت حلكها حيل .. 

من هاااذ رفضتيني .. لكنن رجعتييي برجليج لييي يفصليتييي ..