رواية قضبان الجنوب ( فصلية ) الفصل الثاني والعشرون 22 - بقلم Hend_AlBoor

    قــال كـــن فــ كــنـــا .. ♡
و ان اجـتمـع الـجـن و الانـس ع فـراقنـا
مـا اسـتـطـاعــوا ... ♡

معاذ : اي جدي .. البنية ع ذمتي بشرع الله

الجد : مااا حجييت .. يوووم إنييي نشدتك تاخذهااا ماااا كلت هاااذي حرررمتي

معاذ : مااا اعرف .. ما اعرف هي الفصل لو اعرف جان خذيتها

الجد : لااا تخبلوووني .. و يوم انك زلمتها شلووون ما تعرررف بالفصل و حرمتك نوووخذت

معاذ : جددي هي ما كالت لي .. فجاءة اختفت ادك عليها ما ترد و يوم رحت نشدت عنها اهلها كالوا انوخذت .. و انصدمت من شفتها هنا

الجد : معاااذ هاااذ المووضوووع ااان طش بالسلف تنزززل رووسنا

معاذ : جددي حرمتي شسااالفه

ابو معاذ : شيخ الامور ما تنحل بالاعصاب .. حنا ما جايين نتعارك جينة ننشدك ع حل

معاذ : لا بووية انا جيت اخذ حگي .. عقده عليها باطل و جدي يعرف بهاذ الشي

تين : انا ع اعصابي للظهر كمت اطبخ  بالغدا و مادري بروحي

شمالهم ما مشوا ..

زينة : وسواسج صار بالديوان خايبة عوفيهم

تين : رح انجلط اسكتي .. اسكتي

ريمان 📲: عود همزين اتصلتي ولج جلطتيني كاضيتها بس تدزيلي رساله و ياليت كل يوم .. حتى اخاف اتصل

حياة 📲: تعبانة ريمان

ريمان 📲: اويلي گلبي خوما ياذوج حيوته ..

حياة 📲: لا .. ياليت ع الضرب .. ياليت ياذوني ضرب و اكتفي بقسمتي

ريمان 📲: شبيج .. حياة خوما الشيخ غصبج ع فراشه ..؟ عزا بعيني

اني حجيت اشو كامت تبجي ..

لتبجين ادفرررري وووولج قااابل تايهةةة الا هذااا مااابي غصب

حياة 📲: ماا اتقربلي .. ريمان تعبت اني تعبت من نفسي

ريمان 📲: يا روحي انتي .. ليش هيج شكوو .. فهميني

حياة 📲: الشيخ صفوان ..

ريمان 📲: صفووووووووان ..

تحجي و تبجي عبالي اني سمعت غلط لو اشتبهت ..

حياة 📲: اي ..

ريمان 📲: صفوان .. صفوووان السييييد

حياة 📲: اي هوو ..

ريمان 📲: قاااااااادر من تررهم بين اثنين سبحااااانك

وووولج ليييش تبجيييين .. حيااة  خووما اذاااج لااان رفضتيي

حياة 📲: لا داكوولج ما اتقرب مني

صفوان : كملت شغلي و رجعت الظهر طبيت للديوان .. معاذ و عمامه ..! 

الله بالخير

الكل : الله بالخير هلا بالشيخ ..

الجد : بوو نمرر

صفوان : جاي اطلع من الديوان  .. ناداني جدي

أامر بوية ..

الجد : ولد عمتك له كلام وياك

صفوان : التفتت عليه ..

و انااا اسمع ..

معاذ : اناا لي شيي يخصني يمك

صفوان : و هوو

معاذ : حررمتي ..

صفوان : رحت عليه جريته حيل

ناااوي ع گبرررك

معاذ : هاذي شينة من شيخ يتهجم
حگي و اريده

الجد : بوو نمرر اعصاابك .. اكو غريب ناايم جوا ..

صفوان : هديته ..

لوما الدخيل .......

الجد : يكول انه عاقد عليها ..

صفوان : ماله حگ عندي بوية ..

الجد : خل البنية تحجي ..

صفوان : مااشي بووية .. و ان جان صادك انا ما ناطيها له ..

معاذ : تخااالف الشررع و الله

صفوان : لوو انك زلمةة كفووو ما تنووخذ منك و هي ع ذمتك .. ووين جنت يوووم فصلوهااا

معاذ : مااا اعرررف .. لوو اعررف ما اهدهاا

صفوان : كلاامي يووصلك و يتعدااك .. رخصتها و هي ع ذمتك .. لا تتوقع مني ارخصها و هي ع ذمتي و ان جاان العقدد باااطل

معاذ : بااطل و سبييي و كفرررر

الجد : كاااافي .. لا تشهروونا بسببب حرمةة
بو نمر البنية ..

صفوان : أمرك بوية ..

صعدت فوگ دمي يفور .. لا انا واثق تجذبه و تبقى ع ذمتي .. و لا انا رايد افرط بيها لهاذ النذل .. دافتح باب الغرفه سمعتها تحجي و تبجي ..

ريمان 📲: اسمحيلي ..  ووو سسسم .. لاا اذاج و لا سوا شي و صفوووان صفوان بذاااته شبييج تبجييين لعد هاا

حياة 📲: ماا ادري ريمااان .. ماادري

ريمان 📲: ولج هوو مييت بيييج .. راادج و اشتراااج .. مادام ما تغير يعني معناهاا بعده يحبج .. ع شنو تبجين .. متريدي ..؟

حياة 📲: احبه ريمان .. ااحب صفوان

ريمان 📲: والله انتي خبله تحبي و ع ذمته و يموت بيج .. ع شنو البجي

حياة 📲: ماا ارريد .. لييش حبييته اااني اتااذيت قبل حيل تاذيت .. ماا اااريد تنعاد بية الاذية .. تعبتتت

صفوان : من سمعت و فتحت الباب و طبيت حسيت نفسي بين الحلم و العلم .. جانت اجمل خطوات خطيتها بحياتي .. و گلبي مو بجسمي .. بس عايش .. شلون مادري ..!

ريمان 📲: مو بس انتي تحبي .. الله يحبه ع الصار هذا .. باووعي ..!! 

الوو .. هااا .. الثولة قفلت خط بوجهي بسلا صار شي ..!؟

حياة : من طب جان ظهري ع الباب التفتت راسا .. و قفلت خط  .. نشف دمي .. بسلا سمع ..

صفوان : التفتت .. وصلت يمها و اني فاقد الوعي .. حتى الوادم الجوا نسيتهم

ياهو يأذيج .. اشعل دفته و عمامه ..

حياة : منوو .. محد ..

صفوان : تحبيني ..

حياة : لاا .. لا

صفوان : جا جدي اسمه صفوان و انا مادري ..؟

حياة : كمت ابجي لان سمعني .. مردت يعرف .. ردت اموت هالشي بداخلي .. روحي متحمل جروح بعد ..

صفوان : (بهمس)  هشش .. هشش

مسحت دموعها بيدي ..

هاي حتى بعد ما ينزلن ابد .. اخر دمعه انا مسحته

حياة : سحبني و حضني .. هنا لگيت امان روحي .. شميت ريحة ابوية .. ريحة خوفه عليه و حبه .. تشابهت گلوبهم هو و ابوية ..

صفوان : ياا بوووية .. و يردوون ياخذوون گليبي مني .. جاا غير اسويها دماية ..

حياة : رفعت راسي من حضنه ..

شنو ..؟

صفوان : معاذ ناشد جدي .. يكول انج زوجته شرعا ..

حياة : معااذ ...؟!

صفوان : اي بعد هاي فرصه .. اجت لحد يمج .. تطلعين من عذاب الفصل

حياة : من حجى هيج گلبي نوجع .. بقيت اباوع عليه اريد انحل بي و اتعارك ..

اييي

صفوان : وجهه نگلب حواجبها تعاگدن و عيونها غركن اعصاب .. انا اريد ابتسم بالموت ضابط وجهي .. لازم ابين انو انا جاد من حجيت .. طفرت من يمي

ووويين ..؟

حياة : اكوولة اي زوجته و عقدي عليك بااطل

صفوان : بوووية تعصب گلبي .. تعااالي

لزمتها و جريتها علي ..

جا هيج تحبيني و انا مادري ..؟

حياة : عووف

صفوان : دنزلي و كولي هاذ كلامج اذا ما احرگ الامه و اسلمج معاذ جثة

حياة : لعدد لييش تكوول فرررصتج ..

صفوان : جاي انرفزك حبيبي

حياة : بس ابتسم بردت اعصابي ..

نزلت وكفت اباب الديوان و طب صفوان ..

الجد : هاا

صفوان : موجوده بالباب تسمعك ..

الجد : حيااة .. تعرفين معاذ ..؟

حياة : بلي شيخ

الجد : عاگده عليه مهر سيد ..؟

حياة : بلي

الجد : يوم وخذناج ما حجوا اهلج ..؟ تعرفون هاذ الشي كفر .. و عگدج ع بو نمر باطل ..

حياة : اهلي مسلمين و يعرفون الصح من الغلط شيخ .. معاذ رمى علية اليمين و نفسخ العقد قبل الفصل باشهر ..

معاذ : تجذب جدي ..

الجد : فارگي ..

معااذ .. البنت فاسخه .. حجت و انتهى .. اذا اكو ذنب هي تحمله .. و هي حرمة ولد خالك و اخوك

صفوان : طلع بعد رزاله ناشفه من جدي
مادام صارت ملكي روح و جسد .. بعد كل تصرف من معاذ ما ينرفزني .. الا اذا گرب صوبها احفرله گبره .. بس ما دام انا اتنفس ما يكدر ..

تين : هاا شماله معاذ وياج

حياة : طبيت للمطبخ بس قلقله .. معاذ لـ شنو ديخطط .. هو طلگني ليش جذب .. يمكن لان كلتله ما اشرد اخاف من العار .. فكر يسحبني بالحلال ..

مابي .. ماعرف ..

تين : دوخوج ربع الشيخ .. اويلي بعدج ما شايفه شي .. والله لا يركضوج حافية مثل ما ركضت انا

حياة : ليش ..

تين : هنا ماكو تصرف لله .. و خصوصا الغريب بنصهم يا بوووية .. انا شيبت

زينة : هاا راحوا .. ما عرفتي شصاير ..؟

تين : الا عرفت ..

زينة : سولفي

تين : مرة بـ مرة .. خذوج لمعاذ و نطوا سوسن

زينة : شنووووو .. اناااا اتسااااوى بوووسن .. ياهوو كااال هاااذ

تين : ابو نمر .. هاا هاذ وراج

صفوان : كلام حياه لريمان يدور براسي بحيث مرتين طبيت للحمام غسلت ايدي و انا مادري .. عيوني عطشت وينها .. وين گليبي ..؟

هاا شبيجن ..؟

حياة : من طب فتحت الثلاجه و خليت راسي بيها عود ادور شي .. بعد ما عرف بحبي له ماكدر اباوع بعيونه ..

زينة : شييييخ .. شسااالفه انااا مااا اريدن معاااذ شنووو تاخذ سووسن و تنطيني لهم .. جاا رخيصه انا

صفوان : ياهو كالج ..؟ ماكو هيج شي .. يخسي .. انطي بنت الشيوخ...؟

زينة : تينووو ... جااا الله سلط عليج جهااد انا بعد بشنووو ادعيي

تين : هههه جا غير  اموت ع هالتسليطة ..

صفوان : رحت يم الثلاجة فتحت الفريز اريد مي ..

(بصوت هادئ) الـ عنده ه گمر ما يگلب النجمات

حياة : محسيته الا وراية .. من حجى رفعت راسي .. صوته خشن و دافي .. هو ولا يمة يشرب مي .. صرت بينه و بين الثلاجه ..

( بهمس ) شدتسووي ..؟

صفوان : اشرب مي ..؟  اكو اعتراض ..؟

حياة : ( بهمس)  الااا مناااا

صفوان : هااا .. جاا اشرب من الحنفيه ..؟

حياة : ( بهمس)  نصيييي صووتك ليش تصيح

تين : احمم جريت زينة و طلعت

زينة : هاا هاا شماالج ..

تين : حبوبة وين ..؟ امشي كعديها اذا نايمة

زينة : اي لا تجرجرين شسالفه خبلة خبلة انتي ..

حياة : شفتت اكيد حسّن .. حلووو هيج ..؟

صفوان : شمسوي جاي اشرب مي .. بشنو يحسن قابل ..؟

حياة : كملتت ..؟

صفوان : شبيج مدنگة و تحجين .. باوعي

حياة : من الخجل احس حرارتي صعدت .. مي دينزل من وجهي ..

صفوان : اكو تفاح بالثلاجه ..

حياة : لا ..

صفوان : دورتي ..؟

حياة : اي ماكو

صفوان : بس انا جاي اشوف ..؟

حياة : اني مدنگه عيوني بالكاع فتحتهن .. و رفعتهن بوجهه ..

صفوان : شكد جنت خجول منها .. بس من عرفتها تحبني .. مدتني بالقوة بحبها .. بس هم خجلت من رفعت عيونها السود .. ابتسمت بوجهها عرفت هي فهمت قصدي

ها .. و تفاح مضروب

حياة : نشف دمي .. افكار سودة اجتي براسي .. هو لازم باب الفريز .. دگنت راسي و سحلت روحي مني يمه

حياة : صعدت فوك .. تلگتني تين ع الدرج ..

تين من تكملون كوليلي حتى انزل اغسلهن

تين : ما تاكلين ..؟

حياة : لا ما عندي نفس .. عود العصر اكل ..

طبيت للغرفة .. مرة احس البيت ضاق علية لان عرف صفوان .. و لان اني رافضه الحب هذا ..

و مرة احس گلبي يرجف من الفرح لان احب انسان هو حلال .. مادري اكو صراع بداخلي

صفوان : بوية اتفقت وية الزلم العصر نطلع لسلف سجاد ..

الجد : الله يحفظكم ..

سجاد : شيخ و ان ردوني .. لان جرم اخوي مو هين

صفوان : شسالفته ..؟ امك ما علمتك شي عنه ..؟

سجاد : اتصلت بية تتطمن .. و خبرتني بالسالفه .. اخوي داخل بعصابه تسليب و نهب .. و تهديد

صفوان : و ما وجدوه ..؟

سجاد : حتى الحكومة طلبته ..

جهاد : بس انت مالك ذنب بفعلة اخوك .. اهو زلمة و دمه يسد ذنبه

صفوان : جهااد ..

جهاد : هلةة

صفوان : اكو ناس ظلمت نفس بذنب مالها بي .. و هذول مثل هذول يخوي

جهاد : اعرفت مقصد الشيخ .. دنگت راسي ..

صفوان : نوعظ من توصل للحكمة .. لكن من نوگع بالفعل نخطأ ..

خذينا سجاد العصر و توجهنا خمس سيارات لسلف عمامه ..

ابو جواد ( شيخ عشيرة سجاد)  :  يا هلا و مرحب .. هلا بالشيوخ

صفوان : كعدنا كلنا بديوانه .. زلمنا و زلمه ..

الله بالخير ..

الكل : الله بالخير شيخ  ..

ابو جواد : كانك ولد الشيخ ..؟

صفوان : ولد ولده ..

ابو جواد : صح نك صغير ع المشيخه .. لكن المشيخه ماهي بالعمر .. بالعگل و الهيبة .. و انت والله اهل لها

صفوان : الله يعزك و يعز اصلك ..

اعتقد تعرفون بسالفتنا و طلبنا للـ لگى هاذ

ابو جواد : نعرف .. و سجاد اهو زلمتنا و راجع لنا ..

صفوان : غريمه هدر دمه غبن .. و حنا مستعدين نتفاوض معاهم .. لانه بحمانا و دخيل .. لكن اول نشاوركم و ما نتعداكم لانكم اهله و عمامه ..

ابو جواد : و النعم منك و من اصلك .. يا خير ما شرت و خير ما فعلت

تفاوضنا معاهم بموضوع اخو .. و رفضوا الصلح و مبتغاهم الدم .. عگب  لنا كعدية ثانية .. بخصوص سجاد

صفوان : افتهم انه بحماك

ابو جواد : اهو بحمى اهله .. و لكم دين برگابنا يوم انكم حميتوا من غريمه ..

صفوان : ماكو بين العمام ديون .. نسلمه لكم .. لكن ان حصل له شر نطالب بحگ دمه منكم و من غريمه ..

ابو جواد : كفوو يا شيخ .. امانتك وصلت لاهلها ..

صفوان : انا ابعث من زلمنا بيوم فصلكم معاهم .. حتى يكفون عنه يوم يعرفون بظهره قبيلتين ..

ابو جواد : هلا بيكم و حياكم ..

صفوان : بقينا لليل بضيافتهم .. رجعت نص الليل .. متكسر من الكعده .. اليوم ما ارتاحيت .. بس مرتاح حيل .. لان كلما افتح باب غرفتي اخذ نفسها ..

ما نايمة ..؟

حياة : مجاني نوم ..

صفوان : كمت ابدل بهدومي ..

مو زين السهر ع تفاحاتي يذبلن ..!

حياة : شصار بموضوع الدخيل ..؟

صفوان : سويناهم طشار و جينا

حياة : كمزت من مكاني و رحت يمه

ما نحلت .. ذبحتوا عالم ..؟؟

صفوان : ههه جا انتي شجابج ع سوالف العشاير ... بنت المدينة اتحداج اذا تعرفين اسم شيخكم ..؟

حياة : بلي .. ابو نمر .. 

صفوان : جاي البس التيشيرت عفته من حجت .. التفتت عليها .. اتقربت منها

عيدي ..

حياة : اتقرب مني لو احس گلبي بالگاع .. دگاته صارت بالجهه اليمنى

( بهمس و صوت يرجف ) : صفوان

صفوان : عيونه ..!

حياة : ااالبسس ..

صفوان : شمرته من ايدي ..

حياة : شحجاني يربي .. الا تحجين و هو ديلبس
عيوني كامن يشمرن دوائر بيض و سود من الخوف ..

صفوان : وجهها كام ينطي الوان .. صبرت ماردت اغصبها لان حرام .. لكنها تحبني هسه .. ماكو غصب بين العشاگ

لفيت ايدي ع خصرها و سحبتها علي

لشوكت اضل صايم ..؟

حياة : لمني بحضنه و هو بدون شي .. احس تطشرت من الخوف بلحظة ريحة صدره لمتني .. جسمه حار .. فقدت الدنيا .. حتى مسمعت شكال ..؟

( بهمس ) ها ..!؟

صفوان : ( بهمس) هاا گلبي

الـ يحب ميصد محبوبة .. جنت احسب العقد دومه باطل .. لكن انا و حياة اليوم عقدنا زواجنا .. مو بيوم سبيها ..

انا وياها مو السيد عقدلنا .. الله بسماوته سجل عقدنا .. و الملائكه شهود ..

اخذت حلالي منها برضاها ..

حياة : كعدت الصبح قبله .. هو غركان بالنوم .. كرهت كل لحظه قبله .. كرهت هذاك اليوم الـ اجاني و رديته ..

جنت اتمنى لو شايفته قبل لا اشوف معاذ .. يمكن مجان صار كل هذا ..

حسيت اجاني بهدوء و رفضته .. لان هو نصيبي نفرض علية بهجمان و ظلم ..

ياليت لو عارفتك من قبل .. جان التقينا بضروف اجمل ..

دانزل من الجرباية بقيت گاعده احمد الله و ظهري عليه

صفوان : صحيت من النوم شفتها گاعده

شبيج گليبي ..؟

حياة : التفتت عليه ..

صباح الخير ..

صفوان : صباح النور روحي ..

حياة : كعد ع حيله يفرك بعيونه منوعسات ..

مابية عمري ..

صفوان : باوعت عليها ابتسمت و بداخلي حمدت الله .. كرصتها من خدها

و تعرف تتغزل النفسية ..!

حياة : هههه

صفوان : و جان يطلعن .. الـ وخذن عگلي .. هاذ صدك صباح خير مو وجه جهاد كل يوم هاد لغرفتي

حياة : تكوم تسبح ..؟

صفوان : اي  .. نسبح انا وياج

حياة : لااا .. لا

صفوان : هاا .. شبيج كمزتي

حياة : وراك .. عادي انتظر

صفوان : ع راحتج گليبي ..

كمت سبحت و طلعت ..

يلله انا انتظرج حتى نصلي ..

حياة : ان شاء الله ..

طبيت ركض .. عود ليش ميلبس شي من فوك .. ليش هيج .. انتي همين وكفي افكارج و اذا ما لبس ..

صفوان : طبت ركض .. ما شالت عينها علي ..

هاا .. شبيها .. شنو مصلخ انا و مادري

لبست دشداشتي انتظرتها لما طلعت .. انا فرشت السجادات و خليت لي تربه ..

لبست عباية الصلاة ..

تعالي .. تعالي انا اعدلها

حياة : كام يعدل بيها من يم وجهي .. يضم بشعري ..

صفوان : بعد شتردين ... رح تصلين ورا سيد

حياة : يضم بشعري و يحجي .. ابتسمت ع كلامه

صفوان : ضميهن ضميهن .. هذذن

حياة : ديعضني من غمازاتي .. لزمته

رااح تبطل وضوئنا

صفوان : ههه نسيت بعلي .. تطلعين الواحد من دينه

كلمنا صلاة نزلت قبلي للمطبخ .. انا رحت لحبوبتي انطيها بياضها لان بالعشيرة جابوها مسبية .. هاذ يسد حلوكهم اذا نصبولها مكيده ع شرفها .. و حبوبة علوية امان و ثقه

اخذته و باستني من راسي ..

حبوبة : رووح يايمة الله يحفظك و ينطيك الولد الصالح ..

تين : الله جابج .. صباح الخير

حياة : صباح النور .. ها شصاير

تين : اروح اودي ريوك حبوبه .. خليت الجاي النار بالج يمه لا يحترك

حياة : تمام ..

احس ميته جوع .. مادري شبية .. طبت تين ورا شوي

تين : و انا اكول شمالها مورده من الصبح

حياة : منو

تين : ام المنو ام المنو .. عمي بالخير ان شاء الله تفرحينا بشيخ صغيرون

حياة : ياا ..

شمدريهاا .. غير فشلت فشله .. يعني ليش يحجي .. ميصير هذا شي بيني و بينه ..

تين : شمالج وجهج نگلب .. خجلانه خخخخ

حياة : يعني هو ليش يكول ..؟ ميصير تين

تين : ياهو ..؟

حياة : صفوان ..

تين : و صمخ جا الشيخ بهيبته يوكفني و يكلي خذيت حرمتي .. شسالفه

حياة : لعد منوو

تين : لعد بعينج .. حبوبة علمتني اول ما طبيتلها بصينية الريوك ..

ماا دريتي تينةة جاا مو بو نمر خذاها

حياة : يااا ..

ردت ابجي .. ليش هيج حظي حتى بهاي انفضح

تين : هههههه بوووية اليوم السلف كلها تدري مادام السر بيد حبوبه

حياة : لاا عفيةة تييين

تين : خخخخ و علي .. وج شمالج رح تبجين هاذ شي فخر لج و له ..

زينة : هاي شكو ضحكج واصل لراس الشارع

تين : جا ما دريتي بـ ابو نمر

زينة : دريت .. حبوبة كالتلي من طبيت صبحت عليها ..

بالخير عليج .. ان شاء الله تفرحينا بنمر

حياة : اني كمت ابجي من الفشله .. ماكو شي ينضم بهذا البيت ..

تين : هههههه انااا كلتلج .. خااايبة لا تبجين

زينة : شجاها هاي ..؟

تين : بنت مدينة ماعندهم هيج .. خطية نصدمت ..

خايبة احمدي ربج الدخيل هد البيت .. جان كعدته حبوبه و بشرته

حياة : كعدت اتريك وياها و دمي يحترك ع صفوان ..

صفوان : كعدت تريكت وية جدي

بوية جهاد وين ..؟

الجد : طلع للولاية من الفجر هو و الزلم .. خاطر يوصلون المحصلوا للتاجر

صفوان : ها الله يزيد و يبارك ..

كملت  .. صعدت غيرت هدومي و طلعت لشغلي .. للظهر بالمكتب و اجاني اتصال من ابن خالي

نوار : شييخ .. ااالحگ جهااد ..