رواية خبايا الروح الفصل الثاني والعشرون 22 - بقلم نازك الحمراني

❤مسائكم رحمه❤
❤❤نازك الحمراني❤❤
💗💗خبایا الروح💗💗💗💗

چنت نایمه وفزیت علی رن الفون مالتي
کعدت والنعاس بعیوني..نزلت رجلي من السرير...وطلع رقم ماما بلشاشه...
چنت مشتاقه الها..
-شلونچ ماما حبیبتی

-هلا بنتي الحلوه اليوم السابع ومعزومه انتي وزوجج...وحتى اهله عل غدا خبريهم يجون..لا تنسين..

-صار ماما..غلقته ..والتفتت للساعه چانت بسبعه
باوعت للسریر....یاسر ماکو..
رحت آغسل وجي..
واشوف ياسر منتچي عل حايط مال بلكون..
ويدخن
چان صافن بضوجه...
فرحت لأن محس عليه اني بوراه
لان بليل جادلته...لحتى ميقربلي...
وعلیت صوتي
انداريت دا اريد اروح وهو وجه للشارع...رأسن كال

-صباح الخير....تفاجأت وهو حتى مااندار..
جاوبته واني ضايجه

-صباح النور...شلون شفتني...عندك عيون براسك..
طفى الجكاره بنفاضه....الي علميز وشرب مي

اقترب من عندي...وهو يجر ايدي....ويتلمسهن

-حبي مارح أضايقچ...بلي تردي بنتي
اتهمتيني البارحه
أنو اني مااحبچ الچ..
واحبچ رغبة جسد....أبتعد مني وهو ينتچی علميز..
و يطلع جكاره من باكيته...
ويشعلها...نفث الدخان
واني اتأمله زين...وعرفت من يضوج...لو يتعصب
ميجاوز معاي...يظل يدخن ...اشر بيده عليه

-شوفي أزل أني حبيتچ آلچ...والذاتچ
حبیت روحچ الحیویه....
وحبیت دماغچ الي يألف افلام
الرغبه عمرها ماچانت حب..

الرغبه نزوه تنتهي لذتها... من تنتهي لحظتها..
الرغبه والشهوه...شي وقتي
بس الي بكًلبي الچ....مو وقتي...سمي
روحي...
عاطفي...بكيفچ..

فأني من عرفتچ من تلث سنین...
ماچان یجمعني بيج
رغبه...
واول من شفتج مجنتي مغريه .
اسف اذا أوضح......
بس چنتي أنسانه تحت تأثير السحر...

بلحظتها من دخلت عليكم شفت کفشتچ..
اشیاء ماتمت بصله للرغبه...
شفت تعبچ ....ذبولچ...
ماشفت شي مغري....
والدچ دز علیه بلیل...
طلب مساعدتي...لان يعرف قصة زوجتي
وچان یتآمل عندي الحل...

بيومها بليل اجيتكم...
شفتچ‌ترکضين بلدربونه..المقابيل بيتكم
ولابسه فستان فستقي...
وشال.
هو هل لحظه...الي حسيت بشعور داخلي..غريب
ماجان واهسي...مرأه"او زواج
بس من أخذتچ من ایدچ...
وانتي معصبه عليه
قررت بلحظتها ....لازم أوكف وياچ
...واساعدچ

لآن شفت بيچ...الآنسانه الي مانقذتها قبل
زوجتي من صار بيها السحر...
چنت مااصدق بمفعول السحر...
الی ان ذبلت بين اديه
وماتت الله يرحمها...
ظليت بوراها عايش بذنب.....ليش مالحكت عليها
ليش ماساعدتها..
من شفتچ بيومها رفعت راسي للسما

وکلت اشکرك يارب...لأن بهل انسانه
رح اقتل احساس الذنب الي عشته.....

ومن التقيت بوالدچ....
وسولفلي عنچ...انو چنتي مخطوبه...
وتازمتي نفسيآ بسبب طلاقچ..
وي السحر....هل شي تعباچ
واني هل شي خلاني أصر...واثبت عليچ

بیوم صادف عندي واجب...خارج بغداد
وصار رمي واطلاق نار علينا....كل مره تجي بالي..امي
وشلون يصير بيه شي او موت ..ومااشوفها

بس هل مره بوسط القتال انتي اجيتي بالي...
وطول ساعات القتال....اتذكرچ...

واتذكرچ من شفتچ آول مره...
توچ‌نازله من سیارة خطيبچ...
تذكرت ضحكتچ...ويه والدي....
عرفت نفسي...
انو احبچ...
وبحبي لچ.....
رح ارجع هل انسانه المسحوره...الذيچ التضحك

قبلها بفتره...چنت مصوب...
عبوه ناسفه انفجرت بعيد علینا
واجتي شضايا...يم عيوني

من اغمض عيوني من الوجع...
انتي تجين بالي...
وابتسامتچ...تنور ظلام عيوني...المصوبه

عرفت انو اني احبچ....
وعدت نفسي اخليچ تحبیني
ورح أكون الرجل المحظوظ...الي تحبيه
ويسكن بهل قلب الصافي...

طفى جكارته....وهو يقترب مني...باس راسي يتأملني...ويحط اصابعه على شفافي

-ماانكر من اشوفچ...وبعد ماصرتي حلالي
انو ابسط حركه منچ...اتثیر رجولتی...وغریزتي
واتمنى أخذ زايد...منچ
بس كل مااشوفچ تمانعین
آکول خلیها براحتها
لمن تتعود علیه....

ورح آترکچ هسه..فكري بلي كلته لچ..
ورح تتآکدین آني كيف أحبچ...الچ
مو احبچ جسد....

رحت للمطبخ...واني أحضر..ريوك..
افكر بكلامه ومااهتميت له...
خليت الأكل علميز....ورحت للغرفه...
لكيته مخلي ايده جوه راسه...ويدخن..

اتعاطفت وياه.وأني أصيحه...

-ياسر الريوك جهز...اريد نتريك ابسرعه..
لأن اليوم معزومين...

حچی بصوت حزين...وهو يدخن...

-اتريكي...أني شبعت جكاير ....ونترست معدتي دخان
حسيت رادني اتعاطف..
بس اني تركته
وكعدت شربت بس چاي...واکلت جبنه مثلثه
خلصت
ولملمة الاكل...ورحت أحضر نفسي.
اخذت ملابسي...وبدلت بلغرفه الثانيه
ماردته يشوفني اغير ملابسي...خلصت تبديل

لكيته هو سابقني...ولابس بنطلون جينز أسود..
.وقميص أسود....وديلبس بلحزام

رحت الكنتوره...واني اطلعله ستره جوزيه...

-أتفضل ياسر.....البس هل ستره
اكسر عل أسود بهل لون...میصیر آسود..

مااخذها مني...
راح للكنتور مالته وطلع ستره مارونيه لبسها...وهو ضايج

-لاتخافين مااخرب كشختچ...لبس ساعته
والمحبس يشوف الستره بيدي...

-حبي..يله خلينا أنروح...والدچ رادنا من وکت..
بقیت وآکفه واني ضايجه من ردت فعله...
حسيت هو ديتعب من مزاجيتي....
ويحاول يحرك كلبي....من ما لبس الستره

انتبه على صفنتي يسحب الستره من أيدي‌واني ضايجه لويش مالبسها
رفعها كدامي...وهو ياشر على أزرارها...ويظحك

-شوفي هاي أول ماجبتها مابيها ازرار.....

ههههه
يلعن عقلچ...
تلکاه هسه آمألف فلم عليه...
وأنو اني دا احرك گلبچ..

اتنرفزت من عنده وهو یضحك عليه..ونحرجت
أبتعدت من عنده بسرعه ونرفزه..وجهي له..
واني امشي وعيونه تنظرله
مااحس أله نضربت بلحايط

وهو يقترب مني...وضايج

-لا بربچ کون آتأذيتي...صارت الضربه بكصتي
وسويت روحي مبيه شي...جاوبته واني ادفعه

-ترى عادي اتصير بارقى الحالات....جاوب بضحك

-اي والله بأرقى الحالات...الواحد يمشي وينضرب

-ليش تعيد وراي...لبس مناظره..وهو يتقدمني

-حبي لا نتأخر طلعت من الغرفه لايصير بيچ شي
وتخليها براسي....

تبعته..واني وجي نار من عنده...يحرك گلبي ويظحك
ركبنا السياره...وبتسامته الجانبيه لساتها
واني كصتي...أحسها عنجوره زغيره...
نزلت المرايه...واشوفها موكلش امبينه...الحمدالله
صوته وهو لساته یبتسم...

-لآن ماتاخذين تعليمات الزركشي....تتاذين

كالها وهو يصف سيارته يم محل حلويات...نزل واني أنتظره
رجع وبيده...علبتين...

-شوفي هاي العمتي...والابو رزان... جاوبته
- واني شكو...

-مو من يسألوني...ليش جبت...أكلهم ازل كالت
الحلويات تزود الطاقه...وتخلي.. وتخلي..وتخلي..

انحرجت من كلامه...وا جاوبته

-شتخلي...ترى ابد ميصدقوك....

يضحك البارد....اتعصب واني النار

وصلنا للبيت ينزل علب الحلويات.
بابا منتظرنا بلباب...دخل ومن دخلنا ..حضنته مشتاقه
واني ابوسه...

ابتعدت اركض الماما...بلمطبخ...
وهو يسلم على بابا
ووظلو يسولفون....واني مشتاقه اليزن

الي سمعت صوته يم ياسر.... رحت للصاله حظنته
وكعدت بوسطة بابا ويزن...واحس مفاركتهم سنين
مو اسبوع....

ياسر وهو يباوع عليه...بابا كلي

-كومي كعدي يم زوجج...كمت واني اكعد يمه...همس

-أخ كلساع تحضنين واحد...واني الفقير حسره

-ترى ذول اهلي...كمت من يمه...

فرشنا السفره....سمچ شوي..ومركة باميا
وخضره والبن...وحبشكلات.
واحنا نتغدى....انتبهت عليه مياكل باميا

بس المي مال مركه ياخذه....شافني صافنه

أبتسم وهو يكمل اكل....
واني انحرجت من صفنتي عليه..

حسيت الكل انتبه عليه...كمت واني احضر..الجاي
ياسر يحب يشربه بستكان....مثل بابا..
خليت بصينيه....
جبته قدمت البابا
والياسر..ويزن..
عيوني تراقبه...من يضحك من يسولف
كلامه موزون...بس ليش ماأحبه
كلشي بي يجذب...ليش ماأرغبه...

كام وهو يترخص وعيونه الي....

-عمي اني رايح الوالد رايدني بشغله....
وبليل اجي أخذ أزل...كمت متعصبه بس مبين عليه

-شنو بليل اريد أبات الصبح تعال...
ظل صافن ياسر عليه
بابا ضاج من تصرفي...تقرب عليه

-بنتي هو هاي وصيتي لاتعاندين زوجج...
من زوجج يكلج بليل...
يعني بليل...او تناقشو بهدوء

اندار بابا على ياسر الي وجه مامتأثر....كله.

-من حقك حقك بعدكم عرسان... ابني بليل تعال.
اخذها......جاوبه ياسر

-لا عمي خليها تبات اني أول وتالي الصبح..
عندي واجب....هنا تنرفزت
طلع واني أتبعه...

-ياسر تريد أجي....منو يحضر جنطتك.. انتبهت عيونه حمر...وكاتم غضبه

-خليچ حضرت جنطي ممحتاج شي
...طلع ضايج

حسیت آن آذيته كلش...
اهلي يضحكون ...يسولفون..واني ضايجه عليه
بيدي الفون...واتمنى اتصل عليه...
بس ماكدرت..
أجتي أم عمر..اسلم على ماما...
ماهتميت الها ولا طلعت

اشوي تأثرت من سمعت ماما...تهمس البابا
أنو عمر انتقل هو ولارا الأربيل..
وبفلوسهم...ومعارفهم
لكو واسطه يكمل دراسته هناك......

دخلت الغرفتي ..وتأمل وجي عل مرايه..
وافكر..

-ليش ماهمني موضوع عمر...أنتقاله من بغداد
كلبي يكلي.عمر راح خلاص ....بعد ماأيس مني...
ليش ماأهتم؟؟

تذكرت هاي التفاصيل....من راح ياسر الصبح
وحتى الحلم...
من صحت عمر....بقوه
لأن عمر الي اختفى بل حلم...مو ياسر......
فصحت عمر...لأن صار فتره ماأذكر عمر...
فصجت لأن مااتذكره..
ومن اختفى مني بلحلم......صحت بضوجه اكثر

شهرآ ونص ماحسيت احبه اله هسه...
حسيت اريده.....
اتصلت عليه.........وهو يجاوب

-ها حبي اشتاقيتي الي....ترى ماصارلي يوم
تمنيت اكله اي...وهو يتكلم

تذكرت هاي التفاصيل....من راح..
وحتى الحلم...من صحت عمر....
لأن عمر الي اختفى بل حلم...مو ياسر......

شهرآ ونص ماحسيت احبه اله هسه...
حسيت اريده.....
اتصلت عليه.........وهو يجاوب

-ها حبي اشتاقيتي الي....ترى ماصارلي يوم
تمنيت اكله اي...وهو يحچی شی ومنعنی

تمنيت اكله اللبيت صار وحشه دونك...بس كتله

-حبيت أطمئن عليك...ضحك وهو يكلي..

-هاي كلمتج رح تبقى تصبيره الكًلبي..

غلقته الفون واني انزل الشقة اهله...
طلعتلي ام ياسر...وهي ترحب بيه...

-هلا بلغاليه زوجة الغالي...

--اهلا عمه...دخلنا وكعدت بصاله...عمي ابو ياسر..فرح

-هلا بلغاليه ترى انتي وصية ابني..
انشاء الله مرتاحه...

-الحمدالله عمي....عمتي يمي..وهي جيب عصير

-ابني يمدح بيج...ويكول هسه أني مزوج صدك

ياابنتي انحسبت عليه قبل زواج...
المرحومه مابقت شهر يمه...وماتت
ماارتاح يبنتي...
ظل وراها سنين ...رافض
.خطبناله وحده
طلعت صاحبة تليفونات....فسخ منها
.
بلكن عندج يلكى الراحه....جاوبتها..

-انشاء الله عمه....
واحس غرت من ذكرت زوجته
دخل جاسر حماي...وبيده علاليك

-شلونك خويه...هذا مسواك وصاني ياسر اجيبه..
وحتى كاكاو...وعصاير..
وأي شي تحتاجي...كولي الي...أو الثامر..
لأن مابينا حيل يتعصب من عدنا...هههه
كالها وهو يضحك....
يعني يمهم عصبي...وكلمته ماشيه
ويمي بس يريد رضاتي...

كل هل اشياء تضغط على راسي..حبه..اليه
وهيبته كدام اهله..
وهم يذكرون مواقفه...وتفاصيله..
رحت للشقه...واجتي اخته تبات وياي.
دخلت الغرفتي...واني اتلمس مخدته..مكانه

اتلمستها و فكري مشغول بيه..
نسيت خطيبي السابق

أو حبيبي..لا مو حبيبي جان ادمان
مجرد ادمان مثل المخدر...الي يمشي بخلايا الجسم جانه هذا احساسي بعمر..
احساس التعويد....

اما هسه اشعر بمشاعر جديدة ..
مشاعر قويه ماعرف اشلون افسرها

تذكرت ياسر من هو ديتكلم وي بابا
وانا استرق النظرات له

اجتي على شفتي ابتسامة...بحينها
وانا اشوفه يتكلم وي بابا
بلحظتها تراقصت نبضات كلبي ع انغام جديده..
أنغام الزوج الحبيب...والسند

عرفت نفسي أنو اني احبه ..بس أنكر
احبه...واكابر
احبه....واريد انهي حبه بعنادي له..
احبه...واريد احتفظ بذكرى عمر بقلبي..
هل ذكرى الي تغيب حب ياسر من قلبي

بعد شهر ونص من زواجنا...يله عرفت
انو قلبي بي ياسر.....
وعدت نفسي من يجي اعترف له
بعد يومين يجي....واكله

-.................................
مرت العشر ايام...
واتصال ماكو من ياسر.. الكل قلق عليه...
بقيت هل عشر ايام...بقلق..
ماأكل...تأزمت حالتي..
واني أي شي أكله اتقيئه...

من انام بليل...الكوابيس يجني...
عاشر يوم
رحت الأهلي
لأن ماما أداريني...
بعد ماتازمت..نفسيآ..
خوفي من أخسره...هو هذا بالي..

وا أقسمة انو من يرجع اداريه...واخذه الحضني..
غدير يمي..وهي تهداء بيه...

-لا تفاولين عليه حبي يرجع...جريت ايدها..

-يرجع مو... اي يرجع...ضرب وجي..وهي جر ايدي
-كافي أزل اشبيچ...

-اني اكلچ اشبیه.....اني وحده كلما يسافر زوجها
أدكول من يرجع اداريه..

ويرجع وارجع الطناكيري.....واتعبه..
لچ حتی مااظحك بوجه...تعبته

يجوز الله انقهر عليه اخذه مني...كد ماامن عليه
وهو يبلع ويسكت....
لچ حتی من یرید یطلعني ارفض..
واكله بوجها مااريد اطلع وياك....تدرين اشكلي
من كتله مااريد اطلع وياك....كلي وهاي عود متعصب

اليهنا وكافي ازل حبي لچ..... ديقتلني ويذلني

لچ وانتي يمي احبچ..
بس یرجع قلبي يلعنني‌..ویلعن حظي
..ويكلي اتركها متحبك..
بس من اشوف عيونچ قلبي ينفض عنه لعنته
ويرجع يحبچ ...

لا طلعین...ظلي هنا الوحدتچ...
خلیته یطلع وحده....
بیومها مااعتذرت منه...
نمت وخليته ينام ضايج
بزعته من روحه.....

بس من یجي اليل اخاف...اجي الحظنه
وياخذني الصدره....ولاچن متعبته..

هاي اني...غدير

بعدها ..اختنكت من بيت اهلي..
رجعت للشقه..واني مشتاقه له..

شغلة فيديو العرس....واني اتابعه

تذكريت الضبره مال حاجبه...اشكد چنت اقرف منها

بس هسه اشوفه...نیشان شجاعه...
اشوفه...وشم منطیته وسامه..

تذكرت صوته الخشن..اشكد اكرهه
هسه عرفت صوته كله رجوله وحنيه..

تذكرت ضخامته وطوله...اخاف منهن
بس هسه عرفت انو صدره أمان وسامه

شيباته المتفرقات بشعره...امقتهن
هسه اشوفهن نجوم يزينن ليل شعره

تذكرت من يجي من الجيش يريد يحظني
اكره ريحة ملابسه
اكله روح اسبح يله...... لاتجي يمي..

هسه عرفة الي بيه عطر الرجوله عطره..

يمي الفانيل الرصاصي الي چان لابسها..
حظنتها واني ابچي...
الساعه بثنين بليل...

اسمع صوت المفتاح.....خفت واني اجيت
ماكلت الاهله.....اجيت غفل..
كمت واشوف ياسر...وجه مترب...وملابسه

ركضة عليه احظنه...واشم ركبته..
واشم صدره....وهو حاظني حيل....

أبوس بيه بكل مكان...وهو يبعدني..بس فرحان

-لچ بس اسبح وارجع الچ......

-لا ما تسبح...مشتاقه الهاي الريحه..
مشتاقه الك...لاتتأخر بعد هيچ.....

شالني للسرير..حاضنته حييييييل وبحب وبقوه
ابوس بيه....وفاقده نفسي يمه....

--لچ لو ادري اتاخر من زمان احتى تحبيني

-اسم الله عليك حبي...

حضرتله الحمام....وهو يسبح...
حرت شسويله اكل...واني احضر نفسي له
لبست ملابس شفافه...

وكعدت منتظرته.....دخل وهو يشوفني
ظل صافن عليه....
تمدد يمي...وهو يدير وجه...

-يلعن التعب حبي ترى تعبان..چنا بصحراء
جريته جسمه وشفته يضحك.قلب جسمي
صار فوكي....يتأملني بعيونه الحلوه السود
ويحرك حواجبه المقوسه.....

-منو هاي الجريئه....الي تريد اطبق تعليمات الزركشي

-هاي الجريئه زوجة الضابط ياسر...

جريت وجه الي واني ابوس شواربه
قربت اشفافي له......
وعشنا ليلة العمر...الماعشناها قبل

جاي اكوم طفت الكهرباء.. رجعت له احظنه...
وهو يكلي..

-يجوز اني الوحيد بهل بلد يحب طفية الكهرباء

حضنته فرحانه كتله ياسر سامحيني ..
بعد ما أهملك
واخليك انت حياتي ..
تملكها بماضيها" و مستقبلها "و حاضرها
وبسببك جبت كل اقراص أغاني مغنيك المفضل

-منو قصدچ

-دیمس روسس صرت اعشق اغانيه اشوف كل كلمه بيهن انت لان احبك موت

-الله على هل غزل ليطير العقل حتى انه نغمه موبايلي صارت اغنية ديمس روسس
الي بيها يتحدى انو يخلي حبيبته تحبه

-وفعلا خليتني مو بس احبك اعشقك

-انه الاعشقچ وبگلبی اخذچ الابعد مکان بلعالم بحبی الچ

قرب شفافه من شفافي وهو يسحقهن
واني وياه بكل لمسه"ونغزه من شاربه..

.............
بعد مرور اربع اسنين
شفت لحبي الیاسر الحب من منظور أخر ..
مو مجرد افتنان بشخص..
القدر یجمع بينهم بقصة حب
. شفت الحب الحقيقي مايصير اله ..وي الزوج
.شفت بياسر الاحترام"
والتضحية" والوفاء والصداقة"
والصدق"
وعرفت من خلال ياسر معنى الحب
مو أنك تبقى مع الحبيب
عرفت معنى الحب هو أنو اتشوف الحبيب مرتاح
حتى لو مع غيرك ..
ياسر من حبيته
حبيته حب مو نابع من افتتان مثل عمر
بالعكس حب ناجم عن أشياء حلوة

وعرفت .مشاعري مع عمر
ممكن آسميها بالهوس وحب المراهقة ..
بس مو حب..
لأن الحقيقى هو یاسر أبو نائل

عندي ولد والحمدالله.
چنت ضايجه من قرار بابا ارتبط بياسر
بس عرفت اختیاره صح...

من أكعد بصيدليه....واشوف الناس تجي
تشتري علاج...
اكول هسه ذول هم عدهم خبايا جواهم
وخباياهم خير...ولا شر

عمر بلنسبه الي صار واحد من خبایا الروح...
الي كل انسان يخبي شي داخله....
يخبي مثل ذكرى....عشناها
و أنحن ألها....نوبات

.....الخاتمه....

خبايا الروح كل انسان جواه.....انفس كثيره
يخبيها من العلن...

اكو خبايا على شكل غيره وحقد...مثل سميره
خبتها فتره.... بس ظهرة للعلن

اكو خبايا حب نظيف....يزن من حب بنت عمه

خبايا مواقف من انذكره نتمنى بيه يرجع الزمن...

ابطال قصتي...مو بس ياسر"وازل"وعمر..
ابطال قصتي..ابو يزن الاب المثالي المتفهم
ام يزن المرأه الصابره...الوفيه....

السحر...فرق اثنين...بس القدر جمع اثنين
احذرو من اقرباء السوءقبل صديق السوء

بطلتنا رغم شفائها من السحر......
بس اثار السحر خله عدها خوف من الظلام
وامراض ثانيه...جسديه

نهاية قصتنا دعواتنا القلبيه..
الكل ابطال قصتنا......

دعواتنا الرجالنا العسكرين...ونسائهم الي يصبرن
ويعيشن ايام قلق وخوف"على الزوج"

ماذكر ليس البدايه...
وماختم ليس النهايه...القصص الواقعيه
دائما نهايتها مفتوحه....
لحتى يأذن أصحابها بتكمله......

ولاتنسون تعليمات الزركشي....

لاتشمرون بقايا الشعر عل ارض دفنوه
لاتسولفون بمكان اظلم...ولا بيت الحمام..

ملابسكم في كبد اليل...لاتخلوهن مشرورات
الملابس لاتركوهن بلحمام لأن تسحب طاقه سلبيه
ومن تلبسوها؟؟

ورقة الغار كل اربعاء تحرق..للامان....

اتمنى عجبتكم الخاتمه...

جمال الحياة بأبتسامه...
فلا تحرم نفسك منها....

حتى لو كان واقعك مبكي..
الأبتسامه دواء..لنفسك ولغيرك..
فابتسم...يبتسم لك الحظ

اختكم دائما وابدا

نازك الحمراني

فاروي اغنية ديمس روس...اهداء الازل