رواية كحل عرب الفصل التاسع والثلاثون 39 - بقلم زينب ماجد

رواية كحل عرب الفصل التاسع والثلاثون

( تار لابد منه )

تمني دم الماعثر بالمستحى ولا نكت زيجه

عريان السيد خلف )

هدية : دشيت لبيت عيالي و هم ولا وحيد منهم يعاينلي .. و يو تنوعولي من اطراف مناخرهم عودينه ما ها وبين جيتي ، يا رحمة الله جا انا شريد غير يهدوني بحالي و ما يعاينولي.

عفتهم و دشيت الحجرتي ...

فليح مامش ... عسني لا شفته ولا كابلت وجهه .. من اشوفته اکره روحي .. سبحان الله كل المتزوجين الله يحط المحبة بيناتهم الا اذا و فليح لا هو طايكني ولا انا اطيكته ... عليش ظالين ما نعرف .. عيشة و السلام

غم هالعيشة هاي التكضي وياها وياها هلبت تخلص وتقارج .

شلت الفراش عن الكاع.. و طلعته انقضنه، لجن بيه ريحة ما تنجرح .. ما تعرف ريحة مشروب يو غيرها .

کمت انظف بيها ... جنها مهجورة بس ايطالة العرك تارستها .

رجليه اهیستهن راح ينفجر أعلى كثر الشكل العليهن.

فرشتلي فريش اعلى كدي و تعديت ...

حطيت ايدي اعلى خدي واخذتلي صفنة بدنياي ...

ليمتها اظلن عدهم ؟ .. و يمتى اخلص ، وشلون يو اجا الفرخ و صار عدى و انا اعلى هالحال لا ابوه يودني ولا انا اودنا و عيشة كابد و مكبود و ناس تحفر لناس ... هم تفرج يربي و اخلص من افليح واهله ينرادلها بخت .

اعلی کعدت و دش المزيون فليح

ساعة الشفته ضاك صدري، تنوعلي و يكلي : هااااا رديتي يهديوة

هلا

جر الوسادة من حدري ... كعدت ... و هو خطاها بحظنه و تجنف و هو يكول : ياله اسمعتج .

شنهي ؟

رحتي الفاتحة مطير يو لا ؟

الزلمة مات و الله يرحمة عليش هیچ تکول اسمه ؟

تحنين ليهم ولج ، الفرخ هاذ البطنج امتين ، انت رحتي موش حبله

جا شنی نفخو ابطني و طیکت بساع ، غير انا جنت حبلة وكبرت بطني غاد .

- رحتي للفاتحة بو لاله .. جاوبي ؟

امي نعت العزا .. وابوي كاض الفاتحة وياهم وكلنا بخويطنا نصك الباب و نمش .

- يعني رحتي ؟

جا شني اظلن وحدي ؟

وشفتي سرحان يو لاله

اكلك انا بيا حال و جاي تنشدني ، الزلمة معرس و عده مره وجاهل و مرته حبله بالآخر ...

جاهای موش بحالة و فزنتي اهله حيله و عدعا جاهل

حجاها و طر الوسادة بوجهي ، و كام جرني من شيلتي : البطنج منه موووووو، حبلانه منه و

جابة تنومین نغل برااااااااسي

هد راسي شمااااالك ، ما رايدني اكومن اردن لهلي ، و خلي أهلي يبتلشون بيه .

جا هو ابوج الكوا" يفرزن يمنعجن يضمجن، عايفين هدد هند ... ااااح يو ما ابوي موصيني

ما اكضنج ... جا هسه كطعنج وصلتين

دفعني من راسي : بريووووووو ***

عافني و طلع غميته : انت هم زلمة واعدتك اعلى الزلم ، من آمده الدنيا الجابتني عدك بالاغم .

تنهدت و انا اکومن ... دشت عمتي : شمالكم ؟

جا ما تنشدين ابنج الجاي متحامي اعليه .

رديتي ، لا هله ولا مرحبا

- اشكرنج

طلعت و هي تقر بيدها و تغم ، لهناك اجا ابن سلطان، جایب طشت و چوله و جدر و کال : های

وداهن ایوی ثبت حاکم .

خذيتهن من عده و كلتله : الله يزيد بخيره

شلت الغريضات والعيون امبحلكة اعليه .. كل عين اهيسها تريد تأكلني ، دخلتهن وفرغتالهن

امچین ... و حطيتهن .

الهناك اجا ابوي و امي خاطر ياخذون يسرى، كعدت يمهم امي شواي و اجت ليه للغرفة : ها

شكالولج ما كالولج

- ما كالولي شي

ما حجت وياج امه نسوان احموينج

ما حجن .....

شمالج يمه شو وجهج وجه ارمله .. و الضحكة ما تمر ارسومج ، شبلاج ؟

ما بياش شي

جا شماله وجهج محزن .. تريدين شي ؟

انا ما اريدن غير اثنيوين ينزلوني اللحد ووحيد يقرا اعلى راسي القرآن خاطر اخلص من فليحو اهله و عيشته .

اسم الله الزهرة ام الحسن، شمالج يمه توج رديتي ، عليش تحجين هيچ ؟

يمه ما اطيكن عشرتهم و على ما اطييكهم

جا هاي قسمتج يا بنيتي شتسوي ما تضيح الا تفرج ، باجر اصير عدج فروخ و الامور الغير ... و يو شفتي ضحجة فريخج تتسعدين و تنسین اهلهم ... ما يصير صاكه وجبهج وجاتله روححبقهرج ، دبي احمولج اعلى رب العالمين جا ما يظل حمل مطروح يا يمه . ولاون ربح يسهلها

والنعم بالله .

ياله يمه ... انا وصيت جميرة يوميه من المدرسة وتجي ليجاي خاطر تعاونج و یو اعتازیتی شي بس كليلي ، انا عودن يومية العصر امرن اخذ جميرة و اجيبلج التريدينه .

ان شاء الله يمه

ياله يمه هاي جبتلج دهن الحر و تميمنات و هالمخضر هاذ .. لا أطلبين منهم ولا تنشدينهم خاطر لا يخشون كليج بجلمة وتنقهرين ... انا شتريدين اجيبلج ، لجن لا تظلین هیچ مغیره و انت

اعلى وجه ولادة

تنهدت : لا تشيلين همي يمه, روحي والله كريم

- يالله بنيتي اودعنج ...

کامت منی و راحت برا لكت يسرى واكفة لابسة عبايتها وكافة نجيوة، خذتها أمي من ايدها و کامت الحيحب بيها ، كرب أبوي من عدي، طلع افلوس من جيبه و اطاني و كالي : ديري بالج اعلی روحج بويه ، و البانيج كليلي استهظميت من حجه وياي ابوي هيچ ، دمعت عويناتي حين الطلعو .. انا دشيت حجرتي ابجي، جن جاهل و هدو اهله موش جبيرة ، روحي ما تود هالبيت ...

كعدت ابجي لوحيدي ....

واهيس شي يمي فزيت ... مامش احد

عاينت منا ... منا .. مامش ، انا متأكده هیسيت احد يمي ، توني جاي اكو من دش راعي البكي سكران

اول ما فك الباب ، عثر و تبريد بعتبة الباب، صحت : اسم الله اسم الله ...

دفعني منه : امشي علي .. نايمة ويسرحان و تريدين اتدبين النغل براسي

عيب عليك .. انا عرضك عليش تحجي عليج هیچ

.... كام يعفط و يفشر اعليه ، و هم راد يطكني و دفعته عني و الدفعة صارت قوية ، اجا ظهره

بحافة الشباج ، كام يحك بظهرة ويغلط ... كعد بمجانه و هو يغلط ليما غفى و هو نايم ...

مشيت الفراشي خاطر انا من لجن جني سمجة مزوهرة من الحر، وبطني جن جبل و نايم اعلى

صدري منين ما ادور هوى الله ما جاي اهيسنة اعلى كبر تكلي .

شلت فراشي و حطيته جدام الباب .... ومن كون انامن

لا سفت راحة ولا تهنين بنومة ... حر و يطني ها علواتها .. مامش هوی

عيالي تايمين بالحوش ، كل واحد بصف حجرته فارش ، الله مصيبة البين العدي .. لا يهيس برد ولا حر من السم البشريه .

كوة الفجر باله نمت

اعلى نسيم الفجر العذيبي ... ذبيت روحی ما هیسیت ، ما احسن الا و الباب مدفورة ، فكيت عيني ولنه حماي مار وانا مفرعة .. مبريد الباب خاطر اعاين روحي رديت الباب و کملیت نومتي ليما خلصو ربوك ... لفيتلي اخبيزة بشوية اطماط ... وطلعت اكل بيها بالدرب .

سرحان : جا عمي ما سوينا شي ؟ .. نهوة شتي ، انا ما ارضى يطيها عطية أرضى احد ينهي اعليها

جا هو غير ابن عمها

ولونه ... البت خاطبينها والشيخ وافك اعلى خطبتها و جنه ناطرين يخلص الخشابه ويجي باخذها

- ياهو هان ؟

خنجر و الكل يعرف خاطبها من الشيخ.

- خاطبها شتی ، عاداتنا وتقاليدنا تكول ابن العم من حكه ياخذ بت عمه .. يو ما رادها ذاك

الوكت عودن تتخير .

بت الشيخ ما ينهي اعليها يعمي

جابت الشيخ تنطي لوحيد نكري

تاب و الله بكبره يتوب عاليتوب، احنا ياهو و نطي فرصة

و تطي اخيتك ... شنهي هالحجي هاذ يسرحان ... واحد شلايتي شقاوجي ، شنهو هو و نطي

راديون ، انا اخطينها لابني و ابني احك بيها

عمي جاي اكلك هو خاطبها و ابوي وافك ... جا شنعي تعارض ابوي

- انا يو داري اعارضنا

عليش ... زلمة وراديها ووره الاربعين تتوكل

وره الاربعين شنهي هاذ مو حجي

والله عمي هاذ العدي

لا والله عمي انا هاذ الحجي ما يعرفني الولد ابني رايدها من زمان و ابوك الما اطاها

عمي ابنك معرس و عده جاهل ... شنهي رايدني انزل رادیون اعلى ضره

ولونه ؟ الزلمة ياخذ اثنين وثلاث

البت خاطبينها و حرام واحد يخط اعلى خطبة الآخر جا مو الرسول يكول ( ولا يخطب أحدكم

على خطبة اخيه الا ان يأذن أو يترك )

صلى الله عليه و اله بس انا عمك زلمة ما ارضى واحد نكري ياخذ بت اخينا ، خلها ابالك يو صار الحجي انا ما اصفن وياك

- عمي انا ما ناطر احد يصف احذاي من كون جبت عمري أوحيد ... تريد تصف ما نصف براحتك .

مشى عمهم وطلع متضايك من سرحان ...

و سرحان حاط اياله يخلص اربعين ابوه و تعدي فترة ويطي راديون الخنجر .

دش عمه اعلی زناد و زناد معاند الا ينطي راديون لال تجيل ... و عمه كاله : شتهي التم واحد

منطيها لنكري و انت منطيها لتجيل شمالكم تسودنتم لو شنهي ؟

زناد جا غير اسويها للرجاب وعلي ، شحده يطبها .

انا اكول تريت ... ذول ال تجيل ما ينحزرون ، كلهم ابن عمها نهى اعليها وقضها

لا حرام بالحرم ما اتراجع ، البت أطيتها لال نجيل ... انتهت تخلص اربعين ابوي و تروح لبيت رجلها .

ايمان : اكولك حاكم

ها بويه

شو احس شي يتحرك ابطني ؟

یا ستار شنهي ردلج ابو عبيد ؟

لا ابو عبيد شنو ، پس دا اخاف .. بس لا حامل

جا انت حتى من الحبالة تخافين

ما اريد احبل عفية ، والله شفت الموت بولادة ميمو

خابية خافي ربح الفرح ولد لا اتذبين اعليه هالاسامي هاي .

اووو حاكم شبيك اني وين و انت وين ؟

خايبة شكالولج على جدة ؟ مجيب نسوان كبل ؟ شدراني انا

- لعد اشون ؟

اوو وكيل ولادة ميمو، وكالولي متغسلین مدام دا ترضعين .

انت يمتى آخر مرة غسلتي ؟

عوينة أبيهم هم سمته ميمو .. انا شجاني و طاوعيتكم وسميته هالاسم العاوي يو مسمى

فاضل موش اخيرلي ؟

- حاكم شلون يعني

بويه روحي لامي خلها تاخذج وتمش الجدة ، جا انا شنهي و تنشديني ، دكومي هدي الفرخ عد

مرت ستير و امشي .

ما جذبت خبر خذت عمتها وراحت للجدة ، بشرتها هي حامل ، بس ايمان ضاجت حیل وکت العرفت بنفسها هي حامل ... من كون تعديت حيل ولادة ابنها وجيابته، وهم راح ينعاد القيم

فوك ضيم مؤيد .

كواعد ساعة العرفت بأيمان حامل اندارت الاله : جا عمه انت يمني تحبلين ، راح يصير سنة اعلى عرسج ولمساعي لا حبلتي ولا سمعنا طارش ، شنهي شو هادينها سكنه ؟ جا عمه هو جاي وانا كايلتله رد ما اريدن، غير رزق ربج والله لمساع ما كتب لينا رزق

- خافتج عاكر ييمة

لا عمة شني عاكر انا كل شهر أغسل .

- جا شنهي الاسباب ؟

شدرانی ؟

لزوم اخذنج و اروحن للسيد يكطعنج ، خافتج عدج تابعة .

ملوك ... وصلت القصر و نزلت اعليه

دشت ليه ... ظلت تعاين لحديقتها ونقصرها الجانت عايشة بيه .. وين جانت ووين وداها زمانها

ظلت موجفه برا، ليما طلعت ليها صبحية : هلا ام ازناد

اندارت الها : الشيخة ام ازناد

راديون بحجرتها .

ما اريدن ادشن داخل ، خبريها تجي تكعد بالحديقة، الجو طيب .

- تامرين

دالت و طلع سرحان : علیش واكفة عدج ، و ان جان القصر يتعذرج لجنه تعود ما يرد ضيوفه ....

تفضلی

اندار تله : انا ما جاي اتفضل ولا اكعد ، رايدة اتفاهم ويا بتي .. و احلن هالامر

الامر محلول و ابوها اطاها ..

زناد ما يرضى بخنجر ...

ولا يرضى ، شنهو زناد قد مندله ؟ آن جانه شیخ فعلی روسكم موش على .

هدنا من سالفة خنجر انا اكولن يو اطلع راديون من السماوة وتوديها يم اخوها كريم غاد

تكعد عده ليما تقض العجاجة .

كريم بلغني هالاسبوع جايب مرته و چاي، فلس هناك ومامش وحيد وياه و قرر برد و یکعد بالبيت البكفا القصر ، انا كتلهم يزهبونه لجيته .. و رادیون مالها طلعة من القصر الا لبيت رجلها .

طلعت رادیون اول ما شافت امها ركضت لحضنها تبجي سرحان هدهن و طلع .

يمه ادخيلج خلصيني من زناد

خلصي انت بالاول من خنجر

خنجر رايدني وخاطبني وابوي الله يرحمه وافك .. عليش لهساعكم موجفين بطريجي .

ابوج لا وافك ولا هم يحزنون، ابوج اخر ايامه صار اعلی کیف سرحان و هو القنعاد بصويحبه النكري

الله اكبر انا راضية يوادمنا نكري شلايتي سرسري انا راضية وعلي راضية انتم سلكم غرض .

شيوخ اجوج و تجار ... رفضتيهم و ترضين بوحيد يشتغل عد الخوج

وانا يا هو الكالج جاي ادور اعلى واحد زنكين ، يمه انا بت خير والفلوس موش هي مرادي ، انا رايد تلي فحل و مامش غير خنجر يحلالي .

واخوووج ؟ انت عليش تخلين اهلج يتكاصبون

مامش احد متکاصب غیر زناد ... يمن كض المشيخة وليجاي و اهو متولينا طرد كریم و اخذ حك سرحان ورد اعليه .

لا تحجين هيچ اعلى خوج يراديون

انا ما مجذبه

اسمعي اكلاج ، خنجر ما يصير و يو زوجج سرحان غصب عن اخوج ... راح يتصادم سرحان و اخوج .. و خنجر راح يطيح بيها وموش بعيدة يجتلونه ... اتجفي الشر و ابعدي عن خديجر

بحت : يمه حرام عليكم وعلى حراااام ، مات ابوي و استحكرتوني بسكم عني، كافي على فكد ابوي .. والعباس كلبي تلوع يسكمممممم على يسكممم.

( بستان ال تجيل )

هدية : حماي الجبير صاعد اعلى النخلة ويكص بها لعتك و يذب اعلينه .. و احنا حاطيلته فریش حدر النخلة و العنك اليطيح نشيله وتلم التمرات اليطيحن ونفلس بها لعتك و نحطه بصندايك ... خاطر ياخذونه يبعونه رطب كيلوات بالولايه ..

من كون التاجر ياخذه برخص الماي و يبيعه غادي بسعر غالي ... فزلمنا اعتمدوا اعلى ارواحهم و هم کاموا يصدرونه و ببيعونه .. وخير من الله لجن الله ما مبارك برزقتهم .. كلهم فكور يجيبون الفلس منا يغدي تراب منا ....

وانا وياهم وياهم اشتغل بالكاع ... اشيل بالعنك وبطني عالي و تكل على .. هيسيت الوجع اتلا كفني .. كنت شباع فرخ .. موش ولادة ...

وظليت اشتغل ما هديت الشغل ... الشمس صكعتنا والوذان اذن .. و عمي ما يرضى نرد استراحشواي ، يكول فضو البديكم باله تردون .

اجت اعليه جميرة كامت تعاوني و تشيل وياي ... لجن وصلت بعد ما اكدر احرك رجليه ، وكفت و صرخت : عممممممممممممه الحكيلي عمه

جميرة كضت بديالي و تبجي : شمالج هدوة اصبحن امي ؟

روحي صيحي امي روووووحي

حماي اعلى الشجرة صاعد و عمي وراي و اهيس الفرخ صار بين رجلية ، تراكضن ليه نسوان حمويني وعمتي تصبح : امشي توديج

ما اكدر امش بس الحرك من جدمي يطيح الفرخ ، عمة فدونج، الحكيني راح اموتن

كعدت بمجاني و نسوان حماي فلن اوزارهن و كفكفن اعليه بعبيهن ، و انا اصرخ ، حماي نزل من الشجرة و عمى يكله : أمش صبح فلاح ، بسااااع

بس كل الروحي هيچ و تحركت ... الفرخ طلع من بطني ، رديت ظهري للكاع و سندت روحي بعجوس ادیه و کمت اصرح من كل حيلي ...

وعمتي تصيح : حسج شمالج شهرتينا ... الزلم منا كصت ليه المسر و شالت الفرخ و انا ابجي ... و الوين من الوجع ...

ردتني : خبصتينا و دوهنتيدا وتالي جايبتلنا كليعة لا والغسمة أي والله ، جا يو جايبتلج ولد شتسوين

رديت راسي و بس دموعي تجري منا و منا من الوجع ... كصتلي المسر و مرت حماي نظفتني . وشالن الفرخة ولفنها بجرجف كله تمر .

كامن يصيحن علي : همي نفسج ياله كومي خلصت ....

كومني .. كوة امشي ... اجا فليح يتسرسح و يكل لابوه : شنهي بويه عليش صحتني

خايب مرتك جابت بالكاع شيلها واخذها للجدة خل تعاينها .

انا اخذ هاي هي و النقل الجابته

استحي اعلى روحك نغل شنهي ، جا غير منك - مشت منا موش حامل شحيلها عد أهلها ؟ جاي تنوم نغونتها براسي انا الفرخ هاذ ما اريدله .. و يو ما انت رادها لخاطر يسرى انا ما ارضالها ترد

ولا ارضى تظل اعلى ذمتي ... بت اخوك كح .... بويه ..

خايب انت ليمتها تظل اغم ... جا المرة معوشرة وبشهرها و هي ما صارلها سبع شهور من زعلت یمتی حبلت و يمتى دخلت بالعاشر .. استحي اعلى روحك لا يسمعك عمك و يبلينا بلوة, اخذها باله.

موكفيني يمشوني كوة و انا ابجي، اجتني امي وجميرة وراها تركض : ها هدوة يمه

کضیلی یمه ... منت يمه منت

مت عيني اعليج يمه ، جبتي

حجت عمتي : اي زودتنا كليعة خافن احنا ناكصين مبارك بها الجناين يجيين بهالبنات و يذين

اعلی روستا

جرتني امي منهن و سندتني .. كالتله : خل اخذها للجدة

فلاح ما رضى كام يصيح على : امشي للبيت جدامي ياله

گواغد : خايب تمشي شنهي المرة والدة خلنا ناخذها للجدها تشوفها خافن بيها شي .

ما بيها شي هاي کامت جنها حصونة عرب

ابو فلاح شنهي راضي اعلى حجيه هاذ.

بعد رجلها و الزلمة ما راضي حنسوي

عمتها : جابت و خلصت عليش تكبرينها بعد ... خل ترد المرة و تجفى الشر .

تتراجفون اعلى الفلس من عمت عيونكم ان شالله اعلى هالنفس الضيكة

كولو ما نريد نطي فلس للجدة خافتها تدفع فلوس ، بني والدة بكاعكم و جايبتلكم فرخ و انتم

ردتها عمتي : عليش تغلطين يكويغد يوما جايبة بت و مطينة روسنا ، شنهي جايبتلنا ولد ورايدة بشارة .

جا وجابت بت تموتونها خافو ريكم لا يكلبها بيكم

فليح : فلس احمر ما اذين أعليها والفرخة هاي الجابتها ما اريدنها .. أمشي للبيت يله

هم اعليه راد يطكني ، و شکفته امي علي : خايب بالأغير انت اطك بني من عمت عين الدين أي

والله ، امش عنها

جاي تحجي و صاح ابوي : هااااا ام ستار شنهي

وكوة يجر النفس جاي يركض ساعة الكالولة هدوة تطلك

کواغد : اريدن اخذتها للجدة و ابن اخيك يهوبز فوك روسنا ، البت والدة و جاي تنزف

حاكم : انعل ساسة .... امش صبح الجدة لمرتك يااااله

فليح : اخذها عدك و جيبلها انا بنك ما اريدتها

يحجي ويشامر بديها و هدهم و راح تبعه ابوي راد يكضه ، كضاه عمي و كاله : الزلمة عصبي

شمالك، خلنا نزد البت للبيت وتجيبلها الجدة عليش بعد هالمصابح

رادن يمتني ، امي ما رضت وراحت جابت ابو العربانة ، كعدتني بيها و خلت الفرخة بحظني و

كالتله : امش.

ردتني لبيت عيالي ، و تصبح اعلى نسوان حمويني خاطر يفرشلي فراش نظيف ... جرن فراش و فرشته ، وراحن جابن صينية وطلعت امي جهاز الفرحة .... نظفتها وداوت الصرة و كمطتها ..

رادت تخليها بحضتي بس انا الوين و الدم يجري من عدي ... وبطني وجع موتاني .

دخلت على الجدة ... نظفتني وفحصت السرة مالت الفرخة .. واطتني كبسون ... و كالت لامي تجيبولها العلاج الاكللكم عليه خاطر لا تشكل وياها الانتهابات من كون كامين المسر بمكص

موش معقم .

ناوشتني الكبسون ... شربته ورديت راسي الامن ... وكفت الجدة خاطر تروح .. لا عمتي ولا جناينها كلهن اختان ....

طلعت امي خاطر تطلب فلوس الجدة ما شايله الفلوس التكفي تطيهن ... حجت ويا عمي .. عمي

يكللها : خل يجي فليح

جا هو ابنك موش تبری و مشى، المرة واجفة

حاكم : هاج يمعودة بس فضيها واشتري ارويحت بتج و كرامتها ، الله لا يعوزها لها الكراميد .

خذت من ابوي و اطت للجدة و احت اعليه ... تعاوني ارضع الفرخة .. کج ابوي و صاح : هااا

بويه هديوة

امي لعلمت غريضاتي و صاحت : دش ابو ستار دش

دنج راسه و فات لاحجرة وصاح : الحمد لله اعلى سلامتج بويه ، تتربى بعزكم ..

الله يسلمك بويه

بالله كواغد حيبي البت خل اشوفتها

كواعد : لا لا حليوة ... أحلى من امها ، بيضة ومعانيها مخرطة .

ناوشته، و انا اعاينلهم بتعب، خذها بين اديه ، وصاح : اللهم صل على محمد وال محمد ، بويه کمر

جا موش كلت الك حليوة الحجي بيناتنا همزين ربك ما طلعت اعلى أمها

ضحك و هو يكللها : يعانيج العباس كون، خايبة شمالج ويا هديوة ، و علي هم اكو بجمالها

ياااااع جا غیر مريم العذراء بزمانها .

ضحك و هو يعاينلي : شمالج بويه ، شو حتى الضحكة ما تمر اعلى ارسومج

- تعبانة بويه

هانت هانت صباعية و كمت بسلامة و ان شالله يومين و تكومين ، وبويه اسمعي مني

لا نتكدرين ولا تسمعيلهم ... شما يحجون صكي اذانج عنهم

کواغد : سبحان الله حجابتي

حاكم : لا تتعينين وياهم الطوج نعم الله اعليهم الما اعوج يطبهم هرش ، انت نا طالعة من قطر

الكاع ، شنستازين انا وامج موجودين بس امري و التريدينه يمح .

کواغد : لا عليش تهتم الهم، يولون بس اكلك عاين جا غير للمرة جايبة يجيبولها غدة لكمة

ولج ذوله طردوني وانا بالكماط خاطر انا و امي ما تاخذ حصصنا ، الفكر يجري بدمهم .. لا

تعايتولهم هسه انا اوصى لاله تشويلها ذيج السمجة التطيب افادها .

جمارة : بويه من اشوفنها

ضحك و هو يناوش جمارة، صاحت كواغد : يا على بختك تطي بت انفاس الجميرة لا تخافين كافها

جمارة تعاين بيها و تکله : بويه هاي بتي

ضحك حاكم و هو يكللها : اثنينكجن بناتي

ابتسمت هدوة اندار الها حاكم و هو يكلها : اي هیچ و اضحكي يا بويه عليش مكدرة روحج ، اعوينة ابيهم ابوج بالحياة و تعاينين ليهم ... ان جائن عدى اثنيوين انت و جميرة مساع صارن

ثلاثه ... انا ابوها لا تعاينين لذاك البغل فليح .

الله يديمك بويه ولا يحرمنا منك

کواغد فروخ البت عزاز يحاكم . الا اكلك ازود من فروخ الولد .

حاکم : جا اعلى معزة الام ، من كون فروح الولد جدام عينج لجن هاي بعيدة ، وتشتاك ليها و من

تجي تحطها هي و فروخها بلبة كليك ..

کواغد: اي والله ضكرنتي بيوي عده ۸ اولاد و هو يغبش اعليه عمت عيني ، يتمدد ويا فروخي يحبب بيهم ... خوبن ستار لا تحجبها اعز حتى من ولده، ولو واحد من ولده صاح يستير جا

شيخلصهم من ابوي . من عيني عليك بووووووية

ویجت و کامت تنعی : اااااااخ بویه با بویه

غاااااالي الأبو وظله شحلاته

حلوة بسمته و حلوة صفاته

ويلتمن بكثره بناته

يحبن راسه و يشمن عباته

بس شحال المودع حياته

يجوي جمر بالكلب موته

و کامت تتعب و تبجي ، وهدوة تبجي وياها ، حاكم عافها براحتها بس من زادت بالبجي و كامت تلطم على رجليها .. صاح : هااااا كواغد شنهي القضية ، جا هي فاتحة يو جيابة ، بسسسسح .

اي وعلي الضكرت ابوي

جا شكرتي دمعي ابجي موش تنعين و تلطمين، البت توها جايبة وخليتيها تتعب وياج .

مت عيني اعليك بويه ومت عين التراب الطمتك يا بويه .

خابية بسسسج شجاج

اندار الهدية وحاجاها : البت شتسمونها بويه ؟

انا جنت مغررة يو صار عدي ولد اسميه عباس و يويت اسميها دموع .

شنهي دموع بويه ، لا موش حلو

بويه جبت خيالتي بيها بس دموعي هماله، ما يلوك الها غير اسم .

لا بويه لا ما ارضى ، سميها ( ازهار ) دامها البت حلوة و جنها زهرة ، لا تظلمينها باسم يظلم

بختها ما يصير .

کواغد : جا انت تسميها يو اهلها

عوينة اهلها ، هم وينهم من ساعة الجينا وليجاي كرب منهم وحيد شفنا طوله .

باله بويه انا اروحن ظلي انت كواعد يمها ، انا بالليل امرن عليكم ، اشوفتها و اخذج وباي .

الله وياك ، لا تنسى السمجة حاكم

لا لا ما انسى .

راح و حميرة و امي مكابلتني و كاضات الفرخة .. نومتها أمي بمهدها خاطر لا تتعود اعلى الحضن و کامت تهز بالصينية وتصيح : يممممه البنات التيوين و اصبح ازدحاااام -

يممممهمه شنی

يمه جا جذب ... البنيات همجن تكيل الولد تعرسيله و ما تدرين عنه ، الا انتن ، الكعد تن عدي ها طلعت ها ها شسوت ها شافوها ها کربوها ... و يو راحت عد رجلها همها زادها هضموها ها

مكوها و ليل نهار همچن اعلى الفاد.

... وحيدة انت و ما حطيت الزاد جدامي لا ما عرضتي بعيني و اظل احسب هدوة كلت يولا جويعانه يو لا مرتاحة يو لا .. وهاي انت وحيدة و مدوهنتني جا يو ١٠ سيظل بحالي .

ازدحام يمة ازدحااام

تبسمت ليها بتعب ، و غمضیت اعبونی، حجت : لا تنامين يمه اكليلج لكمة كبل لا التامين

ما اشتهي الزاد

ولونه ... اجبري ارويحتج خاطر يصير بصدرج حليب ترضعين البت .

كامت من مجانها وراحت خاطر تشوفهم وينهم وتلكاهم كل واحد بحجرته متمدد ، و عمتها

نايمة، دكت الباب اعليها فزت : ها ام ستارها

جا البت جايبة و انتم تايمين ادري احسبو احنا اهلها مامش شنهي تموت وما تدرون عنها .

-تعيباته والله وخذتني غفه ، جا شني ما كلت

جا انتم حطيتو اجل وما كلت ...

هسه اکلل لوحدة من الجناين تسهيلها تمر بدهن الحر

- بس هاي ؟

جا شسويلها، غير يجي رجلها يشوفها ، احنا اشبلانا ؟

- خايبة يمه جميرة ظلي يم أخيتج خلني اروحن البيت از هبلها الزاد و اجيبنه .

ليست عباتها ، و عمة هدوة ما اهتمت ردت نامت راحت کواغد اشترت الها سمحة و مشت البيتها ، لكن حاكم هم مشتري كالت : ضميها الها بثلاجة المتيريسة ، باجر انسويها ، و هاي احمي الدهن خلني اكليلها بسرعة

سوت الها صينية تمر و دهن حر و جوز ... كلت الها السمجة اعلى السرعة وخبز و کرفس زودت الها خاطر يعوض الدم عدها ، وخذت الصينية اعلى راسها و مشت دشت حجرة هدية كعدتها

ووكلتها ، وخلتها ترضع البت .

وتومتهن اثنينهن وظلت كاعدة يمهن ... لليل شافت هدوة زينة تكدر تكعد و تکوم ، اجا حاکم

كعدو شوية و كام اخذ كواغد و حمارة وكال الها : الصبح يجن يمج ...

طلعوا .. ليفاااااد اجا فليح سكران ... دش اعليها متخلف بيها ، اول ما فات و دفرها .. وشايل البت و راكعها، مجروحه الفرحة بكصتها و كامت تنز دم و هدوة يدفر بيها و يصرخ : جايبتها من سرحان

ويفشر ذاك الفشار اليكشش البدن ويحتل بيها

کاض راسه و متولیها بوكسيات اعلى وجهه ... استونها طاحن بحلكها و الدم ما يعرف منين

يجري .

متلاحكيلها عمها و عمتها داشین اعليه ، جارين هدوة منه ... وشايلين الفرخة وطاردينه ، هدوة كوة تجر النفس .. و البت ناطة من البجي تصرخ