رواية خلف الابواب المغلقه الفصل السابع عشر 17 - بقلم مشاعر مبعثره

رواية خلف الابواب المغلقه الفصل السابع عشر 17 بقلم مشاعر مبعثره

قلت له : خير في حاجه ي ابو ليان؟؟

صلح رقدتو وقال لي : قولي نزار عادي انا قربت انسى اسمي من وراكم شي بابا وشي عمو ويا جاري وابو ليان وابو البنات😅😅😅😅😅😅 حرام عليكم .

ضحكت وقلت له : ما عاوز الكبر انت اعترف نحن خلاص راحت علينا ب اولادنا ديل .

: منو القال؟ انا عن نفسي لسه شباب ما بعرفك انتي😉

: هههه يا شيخ؟؟ والله بعد كم سنه تبقى جدو !!😅

: لا حول ولا قوة الا بالله .

: ههههه ، انت فاكرا بعيده؟ والله البنات اصلا بكبرن بسرعه اسي انا من جبت شادن دي خلاص .

: خلاص شنو؟ انتي لسه صغيره وفي عز شبابك وجمالك .

قال كدا وهو بعاين جوا عيوني ، وترني وغلبني الكلام م انقذني الا صوت مهيلم ، عاوزه اقوم قال لي : خليك انا بجيبو لك .

: لالا خلاص انا اصلا ماشه انوم بعد دا .

: لالا خليك عاوزك .

مشى لقاه اتقلب ورقد تاني شالو ختاه جنب ليان وجاني راجع ، لقاني في الباب طالعه .

قال لي ماشه وين؟

: مهيلم.......

قاطعني : نام خلاص .

: حركتو كتيره خايفاه يقع .

: ما تخافي ما بقع رقدتو جنب ليان .

: بس ليه انا اصلا ماشه .

واتوجهت على الباب الهو واقف فيه طوالي قفلو !!!

عاينت له بعدم فهم قال لي : اسي ما قلت لك خليك عاوزك؟

: طيب قول عاوزني في شنو لانو الزمن فات !!

: ما حاجه بتتقال .

عاوزه اتكلم طفا النور ، وانا شهقت بصوت عالي قلت له : انت بتعمل كدا ليه؟ بالجد ما فاهماك .

: المافاهماه شنو يا سمر؟!! يعني لمن زوجك يقول لك تعالي عاوزك معناها بقصد شنو؟؟؟!!!!!!!

عاوزه اتكلم طفا النور وانا شهقت بصوت عالي قلت له انت بتعمل كدا ليه ما فاهماك : المافاهماه شنو يا سمر يعني لمن زوجك يقول لك تعالي عاوزك معناها بقصد شنو

قلبي دا فجاءة بقى يدق بقوه ، وياها حالة اللخبطه البدخل فيها كل م اكون قريبه منو ، ما قادره اطلع كلمتين موزونات .

والضلام ما شايفه كويس ، فجاءة حسيتو بقرب ويحضني ما كان حضن عادي ابدا ، كلو لهفه وشوق واحاسيس امكن نحن الاتنين نسيناها من زمان خاصة هو ، الزول دا من زوجتو اتوفت تاني ما قرب على مرا ولا عاش علاقه قريب الخمسه سنوات ، وفي النهايه انتهى بينا المطاف في السرير .

اول م الاذان اذن انا فتحت عيوني ، انخلعت شديد لمن لقيتني في حضنو ومحتويني بكل معنى الكلمه ، بحيث انو لو اتحركت هو بحس ، وفعلا صحى بي ، انا عشت حالة بتاعة صدمه !! والشي الحصل دا خوفني شديد بقيت افكر في طليقي والكان بحصل بيننا !!! وانا كرهتو قدر شنو اخر فتره لمن انتهينا بالإنفصال .

كان في نفور شديد من قبلي ، واول حاجه عملتا اني قمت . مسك يدي وعاوز يرجعني لحضنو بس قاومتو ، شلت ملابس وطلعت لبست برا ، ما مصدقه الانا عملتو دا!! وكيف ما رفضت ولا حتى طلع لي صوت ، الزول دا قالا لي بالحرف اتزوجتك عشان الاولاد ، وشعورو بالشفقه تجاهي واضح . امكن هو حس بالمسؤوليه لمن شاف القروبات البتابعا واني بتعمد الفت انتباهو!! امكن خاف افكر في الحرام بسبب بعدو عني!!💔 امكن خاف من غضب ربنا واداني حقي الشرعي ك اداء واجب !!!

الشي دا خلاني احس ب احباط شديد واحتقرت نفسي مشيت اول حاجه اطمنت على اولادي في نومتهم بعداك طلعت برا عشان املا الجردل ، هو لحقني وانا ما قادره ارفع راسي اعاين له قال لي : بتعملي في شنو .

قلت له : عاوزه املى الجردل.

: ما كان تستحمي في حمامنا هناك ، ليه تطلعي برا؟

سكت وما ركزت في كلمة حمامنا دي ، قال لي : وبعدين ليه اتصرفتي معاي كدا لمن صحيتي؟ انا عملت حاجه زعجتك؟؟

سكتت

قرب مني وقال لي : ردي انتي متضايقه مني ع.....

قاطعتو ب : لا ما في شي ، ومشيت املى الجردل ، شالو ملاه لي ودخلو لي الحمام ، تاني ما ضغط علي في الاسئله.

مشيت اتحممت ، كنت حاسه بغرابه كأنو دي م انا ، انا فعلا كنت متزوجه بس في احساس كدا حسيتو مع نزار غريب شديد !! كأنو م انا ، ولا بعرف ليه اتصرفت كدا ، المهم استحميت وغسلت شعري بعداك طلعت ، لقيت ليان قدامي قالت لي صباح الخير .

: صباح النور .

كنت بجفف شعري ، قالت لي : نعيما ، عملتي ماسك ولا شنو؟ عاينت لها ب استغراب ، قالت لي : مغسله شعرك من الصباح!!

خجلت خجله قلت لها : اي عملتو بعدين بعمل لكم انتي ولين وشادن .

انبسطت شديد ومشت تفرحهم ، انا مشيت صليت وبعدها دخلت المطبخ اعمل الشاي ، رفعت يدي عشان انزل الكبابي شفت يدو واصله لهم قبلي ، وهو واقف وراي !! جسمي لمن كش🥶 بقى زي الحاضني .

همس لي صباح الخير يا سمر .

: صباح النور .

: اسمي تقيل على لسانك للدرجه دي؟

: لا لا ما كدا .

: معناها قوليه ، نفسي مره واحده بس اسمعك بتقولي لي يا نزار !! تتعاملي معاي كنزار م ابو الاولاد .

قلت له : ممكن تبعد لانو الاولاد ح يجو داخلين .

: فعلا م صح يشوفونا كدا ، مشى قعد وبحاول يفتح معاي مواضيع وانا ساكته ، لمن الاولاد جو ، شربنا الشاي .

طبعا ما حكيت لسميره بالحصل دا ولا في زول عارف ، اولادي زاتهم جنوني ، امس مشيتي وين؟؟ وشادن قالت لي جيت سريرك لقيتك مافي 🙈 امكن ليان الوحيده الفهمت وبقت تسكت فيهم ، ونحن الاتنين ساكتين !! ما قادرين نفسر هو قام رفع تلفونو ورسل لي رساله.

اتختينا في موقف محرج مع الاولاد.

فتحتها وعاينت له ، لقيتو مبتسم ختيت التلفون وما رديت.

اليوم دا كلو انا م اتكلمت معاه ! ولمن اتصل عشان يشوف الناقص اديتو لين وقلت لها : قولي له مشغوله ، لمن جاء كان محمل بالحاجات .

وركز على اي شي انا بحبو كان في كيس كبير اداني له ليان قالت له الهدايا دي لماما براها؟؟

هاني قال لي : ورينا جابو لك شنو؟ عاوزه افتح الكيس ابو ليان خت يدو فيه وقال لهم : انتو عاوزين تشوفوهم قبلها يعني؟ خلوها براها لو عاوزه توريكم ولا لا.

قلت له : م اوريهم ليه؟ همس لي في اضاني امشي الغرفه شوفيهم براك اول .

شلت الكيس ومشيت به فتحتو ، لقيتهم عطور وملابس وحاجات نسوان خلعني عديل ، طوالي خليتهم قبلهم في السرير ؛ عشان يفهم اني ما عاوزاهم ، وهو ما مجبور يعمل كدا عشاني ، جيت طالعه وقلت لهم امشو.......

الفصل الثامن عشر من هنا

لقراءه باقي الفصول من هنا