كنت جالسه مثل اللي ع راسه بطحه مدري ليه خايفه يدي على طول على بطني
إن شاء الله كلها كم يوم وينتهي هالعذاب
باقي أربع ساعات ع الفطور
انتبهت ع صوت بندر
: لتين ما رديتي عليّ والله ما يهون عليّ أشوفكم بهالحاله وما أسوي شي
قلت بصبر بندر إنت اطلع منها وهي عامره
ناظرني بصدمة شف أنا أخوك الكبير يالقزمة
شهقت أنا قزمة أجل إنت وش تطلع
: ناطحة سحاب!!
ابتسمت غصب عني هو جنبي فعلا ناطحة سحاب
تحولت ملامحه للجد يللا عاد لتين قولي أي شي خليني اتطمن على مستقبلكم حرام عليك تخربين شغل سنين
صغرت عيوني فيه شغل سنين؟؟ اعترف وش هو هالشغل وأنا بقول لك وش مقرره
جلست أمي وبيدها ظرف بندر حبيبي هذا إنت طالبه من محمد
أخذه اييه توه يوصل؟؟
توها عطتني ياه جاكلين
فتحه والله أنا هالمحمد شكلي بعطيه لفت نظر عشان يتأدب صاير يأخر الشغل على كيفه
أمي بشرود انتبه يا بندر تراه كان ساعد أبوك الأيمن يعني لو صرفته بتتعب بالشغل هو يعرف كل شي هو والمحامي سامح
ولفت ع لتين بوشو سرحانه توتا
هزيت راسي معكم
شدت ع كفها كيف صرتي الحين أحسن
اييه الحمدلله
بندر ترك الظرف كنت قاعد أقول لها تـ...
قطع كلامه مكالمة خارجيه سكوزا ثواني
رد يا هلا والله بأخوي من أختي
:................................
تحولت ملامحه من الفرحه لصدمة
وقف لا حول ولا قوة إلا بالله عظم الله أجرك يالغالي
أمي ويدها ع قلبها مين اللي مات بعد
بندر رجع ياخذ مفاتيحه
وقفت بخوف في مصيبه جايه بالطريق
أمي توقفه لا تروح
بندر ينهي المكالمه انا بنتظرك تدق وإلا أنا بدق عليك
خلاص إلورا
قفل الجوال وهو يمسح وجهه ونظره ع لتين
أبو عبدالله عطاكم عمره
مسكت بطني بألم حسيت بخناجر تطعني
سندتني أمي وهي تسمي علي
بندر وهو يجلسني ع الكنبة الطويلة ارتاحي لتين مو زين عليك
كانت أوصالي ترجف
عبدالله!!
أخوي أكيد متكدر كيف وهو أبوه
حطيت راسي ع كتف أمي ماما عبداللـ..ـه
بندر بتلقائية لا تشيلين همه هو بكره جاي على رحلته
ناظرته باستغراب هو قال لك
أومأ براسه اييه بس ما فهمت منه بالضبط قال بيرجع يدق عليّ
جاتني حالة من الصمت
حسيت كل أيامي بهذاك البيت انعادت
كل شي
الجامعة
والشغل
والطبخ
حتى اختباراتي اللي كان يذاكرها لي عبدالله
هو الصدر الحنون الوحيد اللي كان يضمني
عمي اللي ما يستاهل هالكلمة
كل قسوته وبشاعته
للحين أذكر اليوم اللي ضربني فيه بسبب سيتا
وبسام كان معاه
للحين أذكر يوم دخلني ع الرجال
وبسام غطاني بشماغه
حسيت بمشاعر متناقضه
كل اللي أحسه الحين إني مو طايقه بهاللحظة لا بسام ولا عمي
ولا أفكر حتى إني أبكي عليه
مو قسوة لكن هذا شعور الظلم والحمدلله اللي خلاني أعيش وأسمع هالخبر
وياليتني شفته بعيني وهو يموت ويريح الناس من وجوده ..
خلهممَ| . . .
بَس كذآ ، تذبححَهم " آلغيييرِھ "
ﻵ شآفونيّ آحيآ بكـَ ~
وِ وِ وِ إنت مّييت فينييً
دخلت البيت أنا وسجى ويزيد الفصعون
ورانا ماهر ووافي
تنهدت آآآآه وين سريري
سجى تمد بوزها الحين إنتي من جدك متضاربه مع دلوي
رفعت حاجب ذكرنا القط جانا ينط
نقزت ع سجى وحشتينيييي يا قلبي
ضمتها سجى وإنتي أكثر يا عمري
كأنهم مهابيل يناقزون
سحبت يزيد منها وقعدت تعفس فيه اللين ما صار يبكي بيدينها
تخصرت حتى الأطفال ما سلموا منك
مدت لسانها لي موووتي بحرتك
: بسم الله عليها داليا وش قلنا حنا
لفيت كان وافي وماهر واقفين
الحمدلله إني ما فكيت نقابي
استحيت من ماهر وسجى تمووت حيا من وافي قالك غريب الأطوار عشان كذا تستحي منه تركت ولدها وطلعت على فوق
تذكرت عمي طلال نفس عبارته غريب الأطوار
داليا بنرفزة هي بدأت
ماهر يهدي الوضع شوفي ولدي شلون يناظرني مفجوع
عقدت حواجبها شقصدك؟؟
أخذ يدي وافي وطلعنا غرفتنا
سمعتها وأنا اطلع شوف شلون ماسكه يده يا عساها الكسر يدينها
تقههههر
ابتسمت وأنا أشد عى يد وافي حبيبي
نزل راسه ع كتفي هممم
شفيك حبيبي
فاتح عين والعين الثانية مقفله وأنا قاعده افتح الغرفة بالمفتاح نعسااااان
وأنا بعد نعسانه
مين قالك إنك بتنامين
أجل بتفرج عليك
دخلني الغرفة وقفل الباب لا تنامين سليني
ابتسمت بوشو أسليك حدي نعسانه وافي ومو رايقه
عض على شفاته وهو يجر خشمي بمرح ممزوج بحب يا ربيييي تصبرني
ضحكت بدلع وأنا أفصخ عبايتي آمييين
جالسين في الصالة السفلية أنا وهي نناظر في بعض
ناظرتني وينه راكان
رديت بوجوم مدري عنه
شفيك إنتي كل هذا عشان أبو عبدالله ترا ما يستاهل
غرقت عيونها بالدموع بس عبدالله ما عنده أحد الحين
ابتسمت والله إنك لا يشوفك أحد بس وإنتي تبكين
نزل راكان وبيده علبة
ناظر فيهم عندي لكم خبر
لين بانصات وشو؟؟
أشر ع تاله بكره
: اييه
تربع ع السجاده في الأرض وفتح العلبة وطلع لعبة تركيبه
رفع راسه لهم بكره بيجي أحد
لفت انتباهي كلامه ناظرته بغيض مين؟؟
تنهد بحالميه حبيب القلب عبدالله
فتحت عيوني بصدمة
لين كذاااب
وهو يركب التركيبة كيفكم لا تصدقون
تاله بعدم تصديق وإنت مين قالك؟؟
طنشهم وهو يلعب
رمت عليه الخداية حمـ###
ناظرها بشيطنة اللهم إني صائم
صرخت بقهر حل عنــــــــي
لين وهي تشوف الخدامة داخله وراها رويدا اششش هذي نونا جات
وقامت تسلم عليها
رويدا بابتسامة كومي ستاي؟؟
: الحمدلله شلونك إنتي جدتي
هزت راسها كويسه ناظرت تاله اللي حضنتها وراكان اللي باس يدها
أنا رايحه لروما مين بيجي معي
وش بتسوين هناك؟؟
تاله بتلقائية كولكشن برمضان؟؟!!
قالت بإحباط إنتي راسك ما فيه إلا كولكشن وشوو !!
راكان يصحح المعلومة عفوا نونا وعبدالله بعد
رويدا هههههههههه
صغرت عيونها تدري إنك سخييف
لين عن جد نونـ... آهااا عرفت رايحه للـ موسكو
" مسجد "
ابتسمت عليك نور بظل اسبوع وبرجع انتبهوا على نفسكم
وسلمي على مامتك إذا رجعت
إلورا
طلعت نونا بعد ما سلمت علينا
جلست ع الكنبة بخمول
مدري شصاير فيني عقلي مقفل شلون نسيت إنه جدتي كل رمضان تروح لروما
تقضي فيها كم يوم تجلس عند خالي مؤيد وكل يوم تروح لأكبر مسجد في اوروبا
بس هالمرة خالي مو فيه شكلها بتظل بالهوتيل بس مين معها
: أقول لين مين بيروح مع نونا ؟؟
زفرت وهي تطالع فيني إنتي من جد حالتك مستعصية ما سمعتيها يوم قالت خالي بشير وإياد
تنهدت لا والله ما سمعت
راكان بابتسامة طبعا ما بتسمعين وإنـ...
قاطعته وأنا أقوم لا تخليني أخرب صيامك عليك
رفع حاجب بذمتك ما بعد يخرب يعني
لين تضحك وهي تشوفني لفيت عليه شرر يتطاير من عيني
خلاص عاد تاله طنشيه
رصيت ع أسناني الله ياخذني وأرتاح
صرخ فيني يا غبية لا تدعين كذا إنتي صايمه يعني ممكن تستجاب دعوتك
قلت بغيض أحسسن خلني أرتاح منك ع الأقل
وطلعت الدرج أغلي
متوتره ومتنرفزة وجوعانه بعد !
نتناسى، لأن الكائن الذي نحب ترك العتبه .. وخرج
شفت عقد الشراكة الي قلت لك عليه
اييه طال عمرك وهذي صورة منه
قدمها له
قرأ العقد وعطاه ياه وين الأصل
الأصل معي طال عمرك
ناظره بتركيز أرسله لي فورا والسيد حسام إذا كلمك قول له يأجل شوي موضوع تجديد العقد هذي السنة
ابشر
طيب ووش صار على موضوع منذر ورويد
أخذ نفس طال عمرك لازم نصبر شوي حتى نقدر نضبط الوضع من غير لا يشك خصوصا إنه ساكن مع أبوه
رتب الأوراق بالشنطة وهو يسكر اللاب توب خلاص إنت روح الحين ونظل على اتصال حاول تعجل لي في الموضوع
عبدالعزيز اوكيه ما يصير خاطرك إلا طيب
ابتسم وهو يشوفها قدامه بسام
: حياك تفضلي
ياسمين بابتسامة عذبة لا أنا بس جيت خبرك رحلتي بكره ع كندا وما بقدر أجي ع المطار ممكن شوفك هناك مشان أعطيك الملف تبع خيّ
إلورا نو بروبليما
" طيب، ما في مشكلة "
غراتسيا مره ثانية تعبتك معي
بهدوءه المعتاد وبروده الخارجي بريسيمو بريجو
" العفو، هذا شيء لا يذكر"
لوحت له وراحت
رجع لعالمه وهو يتأمل حرم الجامعة
ضغط ع راسه بصبر
قاطع شروده نغمة الجوال
رفعه كانت مكالمة من أبوه
رد على طول
هلا يبه
يا هلا فيك شلون اختبارك اليوم
الحمدلله ختامه مسك
طيب أبي أشوفك في البيت بعد شوي
أنا جاي ع الفطور الحين
إلورا إذا ما في وقت نتلاقى وحنا رايحين التراويح
ما في مشكلة طيب
قفل منه وقام
شال الشنطة واللاب
طلع من الجامعة يحاول يتناسى همه
يتناسى إنسانة ما عاد لها وجود في حياته
لكن بسام إنسان عنيد ومصر إذا حط هدف قدامه يوصل له
وحبيبته أعند
لكن مو هو اللي يوقف بطريقة شي حتى لو كانت [ لتين ] .
ما أعمى الذي يعطيك من جيبه ليأخذ من قلبك
قفل تلفونه وحطه ع الطاولة قدامها ها يمه شرايك خلي جناح عبدالله اللي جنب جناحي
سوي اللي تبيه حبيبي على راحتك أهم شي يكون هو مرتاح ولا تسوي فيه شي خليه هو لما يجي يرتبه تعرف بيعيش هنا
إلا من كنت تكلم توّ
سامح عطاني الحساب اللي أبوي حاطه لك
رفع عيونه لها تدرين يمه يقول إنه أبوي قال له إنه ما كان راضي يطلقك حتى ما يحرمك من الورث لأنها الطلقة الأخيرة
نجد بهدوء الفلوس ما تصلح شي بالدنيا يا بندر
بندر بأمل بس هالشي يا يمه حسسني بقيمتك عند أبوي يعني هو كان حاس بالذنب باللي كان يسويه فيك مو مثل ما كان يقول إنه ما يطلق حتى ما يشوه اسمه
بلعت ريقها وهي تبعد شعرها بأناقة اييه ما قلت لي بسام ما بتشوفه
كالعاده غيرت الموضوع لا والله بيشغل نفسه كلمته قال إنه بالجامعه عنده اختبار كأنه بيتهرب من وجود لتين
نجد بخوف شلون يعني؟؟
تنهد بندر والله يمه أحس إنه لتين قاعده تخسر حب بسام ومع هذا ما أصدق إنه ممكن يتخلى عنها يمه تدرين زين بحكاية بسام
زفرت المشكلة مو عارفه كيف اتصرف معها وما أبي اضغط عليها أكثر من كذا أصلا مو راضيه تتكلم بالموضوع نهائيا
صغر عيونه الحين كل هذا وحام يمه صدقني إنها كارهته من جد
فال الله ولا فالك خليها تعدي هالشهر وبترجع طبيعية إن شاء الله
زفر ياليت...
{ لَآ إِكْرَاهَ فَى اْلدِّينِ قَد تَّبَيَّنَ الرشد من الغى فمن يكفر بالطغوت ويؤمن بالله فقد استمسك بالعروة الوثقى لا انفصام لها والله سميع عليم } .
قفلت المصحف
حطيت كفوفي ع وجهي ودعيت بداخلي
يا رب
يا رب
يا رب
اللهم إني أسلك التقى والعفاف والمغفرة
يا رب تغفر لي وترحمني وتجبرني وتسترني يا ربي يا ستار
يا رب ترزقني الحكمة والصبر
يا رب توفقني يا رب تبعد عني كل سوء وتلهمني الصواب وتكتب لي الخير وين ما كان
يا رب لا تحرمني من أمي و تخليها لي
يا رب أنت تعلم ما أتمناه فحققه لي يا رب
يا رب تحفظ عبدالله وبندر من كل سوء يا رب حرمتني من عزوتي في الدنيا يا رب تجعلهم عزوة وسند لي يا رب العالمين
نزلت دموعي بغزارة وأنا اتذكر قراري وبسام
هزيت راسي بألم و بلحظة ضعف
يا رب تبعد عني بسام
....إلى الأبد
آلكِلمَه آلِلِي بِـ صَدرِيْ بَآقِيَهْ جُوّه,/
آقُولْ: [هَآنَتْ] ،
وَهِيْ وَآلله مَا هَآنَتْ !
دق الباب
: تفضل
دخل وقفل الباب وراه
حياك بسام تعال
قدام المكتب في جلسة مكونة من كنبتين من الجلد البني المحروق تتوسطها طاولة
عليها مزهرية بورد النجمية
صب له من الشاي الأخضر وعطاه
بسام يشرب قلت تبيني؟؟
بدر بجدية اييه إنت وش قاعد تسوي الحين؟؟
عقد حواجبه يبه مصانع السامي والكابر يبون يجددون عقد الشراكة
وأنا ما أقدر أتصرف حاليا إلا إذا سألت لتين
هز راسه آهاا بس أنا شايف إنه هي بهالحالة ما ينفع تسألها ممكن تتخذ قرار بتأثير مشاعرها وتروح فرصة من يدها
وأنا هذا بعد اللي قاعد أقوله
بدر انزين ووش ناوي تسوي
رجع كوب الشاي الصغير ما أعرف !
ابتسم بدر لأول مره بعد كل هالسنين بسام ولد الفيصل يقول ما أعرف
رد الإبتسامة بمرارة لو كانت أمي مثل لتين بتضطر إنك تعترف بهالشي كثير حتى لو ما قلته
أومأ براسه أنا كنت قاعد أقولك قول لها الحقيقة بس حاليا أنا بقول لك اصبر شوي
سكت بسام بشرود
يرجعه لست سنوات ورآ.....
قمت من النوم أحس لقمة واقفه بحلقي
لوزي نازلة
وحرارة خفيفة بجسمي
الظاهر إني مرضت
بعدت البطانية عني مدري كم بطانية فوقي
ناظرت جنبي ما لقيته
تذكرت إنه اليوم أول يوم دوام لطلال
مسحت وجهي بتعب وأنا أقوم عن السرير
حسيت بشعور بايخ لأني ما قمت معه وهو رايح الدوام
دخلت الحمام
فتحت المويه وأنا أغسل وجهي انتبهت ع ورقة ملصقة ع المرايا
صباح الحب
حبيبتي ارتاحي اليوم شكلك مريضة
بنفطر عند أهلك
كابتن طلال
ابتسمت وأنا اشيلها ما يحرمني منك ربي يا أحلى كابتن
نشفت وجهي ورجعت انسدحت ع الصوفا السكريه بنص غرفتي
أخذت جوالي أدق ع ليلى أمس ما قدرت أجلس معها زين
إن چ ـاك غيري لآ تحبهـ .، تكفى ط ـلبتكَ إلعن أبو جد ج ـده..
صباح رمضاني بنكهة اللقاء// 8:30
وصلنا المطار أنا وبندر وعمي بدر
وحنا بصالة انتظار القادمين
كنت متوترة لأنه باقي أقل من اسبوع على موعدي
قفلت جوالي خفت تتصل وسن وأحد يحس بشي
يا إني مشتاقه لعبدالله
ودي ارجع أنام بحضنه مثل أول
وعيت على صوت بدر الحنون لتين ما بتسلمين ع أخوك
استوعبت نطيت عليه بلهفة ودموعي تنزل عبوووودي
ضحك ع الخفيف وحشتيني يا قلبي
تركته وأنا اتمسك فيه ما ابيه يضيع مني مره ثانية وإنت أكثر
ابتسم بدر طيب عبدالله شرايك تروح تريح وفطورك عندنا
بندر ويده ع كتفه أفا يا عمي وعزيمتنا وين تروح
بدر بإصرار خله عندنا اليوم ومن بكره بيظل عندك لين تشبع منه
بندر ابتسم إلورا خليني أكمل الإجراءات معاه وناخذ الشنطة خليك هنا إنت عمي مع لتين
سرحت في الوجيه قدامي
لفت انتباهي شخص
دققت أكثر شفته هو
بسام!!
تحرك شوي كانت قدامه بنت
رصيت ع ذراع عبدالله لا إراديا
ناظرني باستغراب يألمك شي لتين
ما رديت من الصدمة انعقد لساني
وصدمتي لفتت انتباههم مكان ما أطالع
كان بعيد عنا ما نسمع منه شي
البنت محجبة
كان مبتسم قربت منه بتسلم عليه عروبي
لكنه صدها بلطف
لوحت له وهي تضحك وراحت
لف علينا وجا كأنه يدري من أول بوجودنا
نزلت عيوني ليديني اللي صارت حمرا من الضغط عليها
سلم على عبدالله الحمدلله ع السلامة شلون كانت الرحلة
عبدالله بهدوء الحمدلله إنت شلونك؟؟
بسام وعينه ما جات عليّ حتى والله عايش الجامعه آخذه أكثر وقتي
بدر اللي حس بالجو المتوتر إلورا بندر إنت خلص الإجراءات مع عبدالله وحنا سابقينكم ع السيارة
بسام بتجي معنا؟؟
بسام يطلع جواله وبيده ظرف لا أنا كنت جاي اودع ياسمين واستقبل عبدالله الحين برجع عندي شغل بسويه
بلعت ريقي بغصة عمي أنا بروح السيارة
ابتسم وهو يحوط خصري وأنا معك
مشيت بألم شوفته مع غيري حسستني بغيرة
مين هذي حتى يجي يودعها بالمطار
وش تعني له لهالدرجة
تنهدت بصوت مسموع
عمي لتين تبين أجيب لك مويه
هزيت راسي وعيوني غرقانة لا بس تعبت شوي
شد ع يدي وكأنه يقول لي لا تخافين الكل معك
بس أنا ما عدت أفهم نفسي إذا ما أبي بسام ليه حسيت إني بموت يوم شفته معها
رصيت ع أسناني بقهر على باله بيضغط عليّ يعني
متى يجي يوم الإثنين بس..
*
*
*
DON'T cry over anyone who won't cry over you
لا تبكِ على من لا يبكي عليك
نهاية الجزء السابع والأربعون
.
قراءة ممتعة
تحياتي
لكم إكليل محبة يعانق ورد المودة
بائعة الورد
.
بسم الله الرحمن الرحيم
الجزء الثامن والأربعون
.., أَكَـآدُ أَتـَهَـآوَى عِند آلإِحـسَآس بِالأَلَم مِنْ المجهُول
مُضطَربَة" أَنـــآ " حُروُفِي مُبَعثَرَرَة هُنَآ وهُنَاااك
أُلَملِمُهَآ لِأُكَوِّنَ حُروف تَنُمُ عَن شَتَاتِ مُوجِع إلَى
حَدِ الآآآآهـ ...!
سحقًآ لقُلوبْ تنْبضُ بعِشقْ منْ لآ يسْتحَقْ !
فتحت الغرفة بعد ما دقيت
عبد الله كـ...
سكت وأنا اتراجع بطلع
كانت أمي وراي
ها وش قالك؟؟
فتحت لها الباب
ناظرتني أمي باستغراب وهي تمد راسها تشوف
حطت يدها على فمها بتأثر
ابتسمت لا تبكين الحين يمه
أمي وهي تشوف عبدالله شبه جالس ع السرير ولتين متسنده عليه
نايمين
همست يا قلبي عليهم
خليني أعدلها لو صحت بتحس بالألم حتى عبدالله
بندر وهو بيقفل الباب لو حسوا بيصحون خليهم شوي
مشيت معها خارجين
شرايك يمه أنا بروح لمكتبي تجين معي أبيك توقعين على كم ورقة
عقدت حواجبها أوراق وشو؟؟
في فرع بفينيسيا أبوي كاتبه باسمك ويحتاج نسكره في بعض التشطيبات
إلورا إنت ما تقدر توقعها؟؟
نو، للأسف لازم إنتي
طيب انتظرني ألبس وأجيك....
تقضي الحكمة على الأعرج ألا يكسر عكازه على رأس عدوه
حطيت صحنين ع الطاولة سجوو هذي حشوة اللحم وهذي الجبن
ثواني بودي يزيد لماهر وبجي
اوكيه لا تتأخري
طلعت أكياس سمبوسة سويتز المثلثات وخلطت شوية طحين بالمويه عشان لما نقفله ما ينفتح بالزيت
رجعت سجى وتربعت ع الكرسي ناظرت الأغراض وين الدجاج
ماما قالت هي مسويه دجاج عشان داليا ما تاكل لحم ولا جبن
أخذت نفس اللهم إني صائم
سجى ههههههههههه خلاص انتي إبدأي بذولي وأنا أسوي الدجاج
جمانة تغير الموضوع كثرت الجبنة لأنه وافي ما ياكل لحم تدرين ولا دجاج وآثاريه طالع على عمي
سجى وهي تفتح العجينة اييه عمي ما ياكل لحوم بس ياكل لحم مفروم
جمانة بضحكة خبث تدرين خاطري مره أأكل وافي من غير لا يدري قطعة لحم نيّ
سجى بقرف الله يقرفك ليه نيّ طيب يعني هو المستوي ما ياكله بتأكلينه نيّ اللي ماحد يستسيغه
هههههههههههه بتخيل شكله يمكن تروح العقده
سجى مره أول ما تزوجت جوني أهل ماهر عمي ووافي وخالتي وداليا
سويت لهم سفره يا طولها
وما كنت أدري إنهم ما ياكلون لحم تخيلي نص الأكل ما نأكل
جمانة بقهر وماهر ما يعرف يتكلم
إلا والله بس يقول كسرتي خاطري ما حبيت أقولك بعد ما شفتك جهزتي كل شي
إلا تعالي جموون وافي كان ينام بطريقه غريبة للحين ما غيرها
ابتسمت وتحولت ابتسامتي لضحكة قويه
سجوو حسستيني إنه في شي غير طبيعي
سجى بابتسامة إحراج لا عاد ما قصدي كذا
هو للحين ينام بنفس الطريقة بس أول ما تزوجت كنت أخاف أنام يعني والله يا سجى ما في شبر بالغرفة ما في شمعة
الحين ثنتين وتخب عليه بعد
ههههههههه أدبتيه يعني
اييه مره سويت فيها إني انخنقت وضاق صدري قام خاف
تعود خلاص
سجى زين سويتي أصلا هو تعود ع الوضع الأول أكيد بنفس الطريقة بيتعود ع غيره
اييه حياتي من المتوسط وهو ينام بين الشموع تخيلي
وأنا أحط الجبنة ع العجينة سجو حلو يكون عندك بيبي
سجى بحنان إحساس الأمومة غير عن كل إحساس والله يا جمانة إنه إحساس ما تقدرين تعوضينه ولو عندك كل شي بهالدنيا
جمانة بتفكير أنا ما عندي مشكلة بس وافي متخوف من الفكرة شوي
: متخوف؟؟!!
اييه يقول إنه ما بعد يكون عنده هذيك المسؤولية اللي تخليه يكون أب
سجى ما عليك منه كل الرجال يقولون هالشي بعدين بالذات وافي أحسه ينفع يكون أب باله طويل وحنون
جمانة صادقه حتى أنا بعد نفس الشي أقول بـ...
قطعت كلامها وهي تفتح عيونها وإنتي وش دراك إنه وافي حنون!!
ضحكت سجى مالت عليك يعني بتغارين عليه مني يا حـمـ## تراني متزوجه أخوه
جمانة ترتب السمبوسة بالصحن بضحكة وباستهبال شنسوي تعرفين هالزمن ماحد يأمن فيه
رفعت ملعقة الطحين والمويه بوجهها والله لأمرغك فيه
جمانة تبعد ههههههههههههههه خلاص استهبل عليك
دخلت داليا اممم جوعانة حدي
سجى كلنا جوعانين حبيبتي بس لازم نصبر
أشرت على جمانة بس جوجو مو صايمه
جمانة تغمض عينها اللهم طولك ياروح
سجى بضحكة عيب حبيبتي تقولين كذا هي أمس كانت فاطره لأنها مريضه
داليا ببراءة بس وافي قال لها إنتي كم يوم عادة تفطرين يعني هي دايما تفطر مو مريضة
جمانة وجهها حمممر رصت السمبوسة اللين ما تقطعت بيدها
سجى تورطت يوووه دلوي ماهر يناديك أكيد يزودي طفشه روحي شوفيه
طلعت من المطبخ أول ما سمعت اسم يزيد
سجى جموون لا تاخذين عليها ترا والله طفلة
جمانة بعصبيه والله وافي بيشوف اليوم إذا خليته ينام بسلام
هههههههه حرام عليك وش ذنبه هي سمعتكم
وطت صوتها بقهر أنا من جد بدأت أفكر إننا لازم نطلع من هالبيت على بيت لحالنا
سجى قولي لوافي بس إذا تعرفين إنه هالشي بيأثر على علاقتك فيه أنصحك لا تقولين له جمون
جمانة بيأس والله يا سجى إنه مشاكل داليا هي اللي بتأثر علينا يعني الحين بناخذها بالضحكة بس بكره لما تكبر بيزيد الأمر سوء
إنتي قلتيها تكبر يعني بتعقل إن شاء الله
ولا زلت أشتاقك ...
رغم كل شي ،
ورغم أني عاهدت نفسي .. كثيراً
لازلت أنقض ذلك العهد!
دخلت عليها كان بيدها شي حطته تحت اللحاف أول ما شافتني
ابتسمت قطعت عليك شي
لا تعالي ماما
وين كنتي؟؟
رحت مع بندر كان عنده شغل
آهاا
اليوم بتجين عند بيت خالتك أكيد صح
مالي خاطر أشوف أحد
نجد بجدية لتين إنتي ما ودك تشوفين بسام سكتنا بس خالتك وعمك لهم عليك حق لازم تروحين لهم كفايه أمس عبدالله ما قدر يروح وأجلوها اليوم عشانه
انفعلت بعصبيه بس أنا ما أبي أشوفه وما يهمني ولا أنا أهمه أصلا
ليش تقولين كذا إذا إنتي ما يهمك بسام مثل ما تقولين مين قالك إنك ما تهمينه
أخذت نفس بنرفزة عايش حياته ومو هامه شي وأمس رايح لصديقته المطار قالك يودعها وفوق هذا كله تقولين لي أهمه
نجد توتا اهدي شوي وش فيها لو راح المطار عشان يودعها معناها يحبها يعني
زفرت ما راح تفهمين عليّ يعني بسام ما قد عرفت إنه له أي علاقة بالبنات ليه هذي بالذات
ابتسمت يعني تغارين عليه
قامت بعصبيه لا وما همني بس مو أنا اللي يروح لغيري من بعدي
وبصراخ بدخل اتحمم
نجد بحزم ومع كل هذا بتروحين اليوم لخالتك
وهي تقفل الباب يصير خير
زفرت وبعدين مع عنادها والله ما أذكر إنه خالد كان عنيد لهالدرجة
ابتسمت بحنين لو ما كان عنيد كان ما ظليت ع ذمته وأهله مو موافقين
بفضول بعدت اللحاف عن السرير أشوف وش خبت يوم شافتني
انصدمت
شفت كارد !
أبيض محفور عليه بالذهبي
عيناك نازلتا القلوب حتى غدت لها آسرة!
أحن لتفاصيلك الدافئة!
بسام
رجعته وأنا اتنهد إذا تحبه ليه تكابر كل هالمكابرة
سمعت صوت عبدالله غطيت شعري
وفتحت الباب
يوم شافني استحى
ابتسمت حياك عبوود لتين بتاخذ شور
ابتسم حلوه عبود
نجد يللا عاد عبدالله لا تستحي مني تراني أكبر من أمك بعد
انقلب وجهه يوم جا طاري أمه انزين مطوله لتين
تعال اجلس بالصالة لين تطلع أنا بروح أشوف بندر
جلس بضيق بصدره وده يسأل عن تاله ووش صار عليها
أصلا مو عارف من وين يبدا خاطره اليوم يملك عليها لكن احترام لنظرة الناس له ونظرته هو لنفسه أبوه ما صار له يومين متوفي
سند راسه ع الكنبة بتنهيدة عميقه لو تدرين كيف أفكر فيك
كان كسرت خاطرك وطلبتيني بنفسك...!
ححح'ـتى عيوني صآرت لأججل خآطرك ! ,
[ متممَممـرده ] اقولـهههآإ نآمممي ,!
تقـول : أصصصصبري [بتخخخ'ـيلـه ,!
قمت فتحت الأبجورة وجلست ع حيلي مو قادره أنام
الكل برا قايمين
عكس الناس أنا
برمضان أنام بعد صلاة العشا أصلي التراويح بالمسجد أو بالبيت وأنام وأقوم الصبح ع الساعة 7 ونص ثمانية
يكون الكل نايم
بس ما أقدر خلاص تعودت كذا
فركت عيوني بنعس
نعسانه حدي بس مو قادره أنام
فتحت الدرج بحذر وطلعت الدفتر
فتحت ع الصفحه حافظه بالتمام وين مكانها
تأملته بحب
حسيت قلبي يدق بقوة
مسكت صدري بألم
يا ربي ليه أحب إنسان مفقود منه الأمل
تأملت ملامحه
مرسومه بدقة أنفه مثل أخته لتين شفتها مره وحده بحفلتها اللي سوتها بداية سنة
أنف واقف مثل السيف
فمه عريض لكن شفايفه رقيقه لتين شفايفها مليانه
عيونه
تنهدت وأنا أقفل الدفتر نسيت إني برمضان وحتى لو مو رمضان ما يجوز إني أشوفه كذا
رجعت سكرت الأباجورة وانسدحت
تمتمت بداخلي دعاء الأرق عشان أقدر أنام
" لا إله إلا الله الواحد القهار رب السموات والأرض العزيز الغفار"
لكن مافي أمل أول ما غمضت عيوني
داهمتني صورته وهو يسألني فيك شي؟!!
رديت بداخلي
: اييه فيني
وإنت السبب..!
سكرت التلفون من لمار كان عندها خالد
زفرت بضيق
قمت صرت أشبر الغرفة رايحه جايه مو عارفه وش أسوي
طردت طيف خالد من بالي خلاص زهقت
خايفه
هذي حياة جديدة ولو حس عبدالرحمن بشي راحت عليّ وقتها
زفرت بضيق ما في إلا هالحل
قمت طلعت من غرفتي رحت لأمي بالصالة
بست راسها وجلست مامي
وهي تقلب بالتلفزيون هممم
ماما شرايك أملك الحين
لفت علي باستغراب وشو؟؟
أملك الحين على عبدالرحمن
أمي بضحكة تملكين إنتي على عبدالرحمن
ابتسمت بإحراج أقصد هو يملك عليّ المهم يعني الزبده
شرايك؟؟
أول شي طلبك غريب إنتي ما كنتي تبين تتزوجين والحين تبين تملكين بسرعه وبرمضان بعد!!
شديت شعري على ورى بقول لها واللي فيها فيها لو ما قلت لها ما بتوافق تقنع أبوي
شوفي مامي أنا كنت أحب خالد ولد خالتي والحين وافقت أتزوج عبدالرحمن وأبغا أبدأ معاه حياة جديدة وما في إلا هالحل
أمي بصدمة إنتي تدرين وش سويتي يا يارا ؟؟ توقعي أسوأ الاحتمالات توقعي عرف زوجك توقعي إنك ما حبيتيه وش بتسوين ليه ما وافقتي على خالد يوم جاك لحد البيت وطلبك؟؟
زفرت بعصبيه أنا استخرت ومدام ربي تمم معناها فيه الخيرة وبعدين أنا الحين ما عاد أحب خالد وحتى لو عبدالرحمن هو تركني ما برجع لخالد أنا أبغا اهرب منه الحين تماما
تبين تساعديني وإلا بنتظر عادي صبرت سنين ما بصبر كم يوم
ضمتني بحنان لا تضغطين على نفسك حبيبتي أنا بقول لأبوك وبشوف وش بيسوي
بقول له إنه في العيد بيقرب العرس وإنتي حابه تتعرفين عليه أكثر وما بيكون وقت مناسب
يارا بألم هو ما بيصدق بس حاولي تقنعيه إنتي
آبشري يا غلاتي أنا مين لي في هالدنيا غيرك....
جميل أن يكون أقرب شخص إليك في الحياة قريب إلى حد الأنا...!
أبيك تدري إنك حيل توحشني
وأحب قربك ولو طالت مسافاتك • • ♥
التفينا على طاولة السحور الممدود عليها أشهى الأكلات
صراحة اشتقت لأكل دادا لينزي
لفت نظري إنه تاله مو موجودة وعبدالله مو على بعضه
وبسام بعد مو موجود
نجد بابتسامة يلدا وينه بسام
خالتي وهي تشرب من كوب العصير قدامها قال إنه بيتسحر برا
بلعت اللقمة بقهر أفهم من هالحركة إنه ما يبغا يكون موجود بالمكان اللي أنا فيه
بندر يرقعها شكله مشغول هاليومين لأني كل ما كلمته قال لي إنه بالجامعة
لين وهي تعطي الخادمة ماتيا تغرف لها سلطة يقضي وقته بالمكتبة أغلب الوقت
سكت وأنا مرتاحة من عدم وجوده لأنه لو دقق فيني بيعرف أكيد وأنا ما أبيه يعرف أبدا الحين
بندر ابتسم شلون تخرجك لين
نزلت عيونها..... ما رحت
رفع حاجب
ابتسمت أنا صح وعدتك بس ما قدرت أوفي بوعدي
آهاا يعني طلعتي خاينة
بدر بحب بنتي أحلى خاينة في العالم
الكل هههههههههههههه
لين بدلع بااااابا
دخلت تاله متحجبة بحجاب أخضر بحري وعيونها ع الأرض
همست بينفونوتي وهي تسلم عليّ وع أمي
وجلست بآخر الطاولة
عبدالله يشرب مويه
همست له بسك تشرب مويه ما أكلت
ناظرني بربكة وأشر لي اسكتي
ضحكت وأنا آكل خالتو وين ميرا
يلدا بحب نامت حتى راكان تدرين عنده مدرسة
يا حياتي يداوم برمضان؟؟
ايوا والله يرجع هلكان حبيبي ينام على طول ما يصحى إلا ع الفطور
ما أقدر امنعه لأنه يتعب دوام المدرسة طويل وبنفس الوقت ما أقدر أخليه يفطر
يا قلبي والله وحشني خليه بكرا يمر علينا بعد الدوام
ابتسمت خالتي بقول له وأكيد ما بيمانع
*
شربني الدوا وقدم لي كوب المويا بعده
صحة وعافيه يا عمري
ابتسمت أنا الحين أحسن لا تشيل همي
انسدح قربي باقي خمس دقايق ع الأذان
مسحت ع شعره شلون دوامك اليوم
تنهد ااااه كان طويل لأنه أول يوم وبرمضان بعد بس ما ندمت أبدا ع الإجازة اللي أخذتها
ابتسمت بحب وعيوني تتغمض بكره بروح الجامعه
إذا حسيتي نفسك لسى تعبانة لا تروحين
لا حبيبي ما بقى ع اختباراتي شي لازم أروح
أصلا كلها أسبوع وبأجز هذا لأني ماخذه ترم صيفي
اليوم الفطور حلو عند أبوك
اييه مشاء الله خالتي ليلى طباخة
حط يدي ع عيونه خليها كذا شوي
استغربت بس ظليت حاطتها وأنا ساكته
شوي ارتفع صوت الأذان
فتح عيونه كنت بعالم آخر بس زين لحقت نفسي قبل لا يأذن
ضربته بخفه ع كتفه قوم صلي أحسن وبعد الشيطان عن راسك تونا ببداية النهار
وهو يقوم الحمدلله دوامي لين أربعه العصر ما يكون باقي كثير ع الفطور يعني مافي وقت كثير يمديني أتأملك فيه إلا ويأذن
ضحكت وأنا أدخل الحمام
بعد شوي بتشوف سالم
طلال من ورا الباب بعد شوي بتشوفين الجني الأزرق
ضحكت وما قدرت أرد لأني بالحمام
بس عادي اللي ما يعرفه إني ما أخاف من الجن...!
لو [ أححح ـبك ] كلمة ت ـاليها الض ـياع..
والله لأعلنها ع ــلى رآس الج ــميع..!
برا برد مرآآ
وكلهم داخل
طلعت أشم هوآ شوي
خايفه يجي بسام بأي لحظة ويشوفني جالسه بنفس المكان اللي جالس فيه عبدالله
شديت الجاكيت عليّ وحجابي ع كتوفي
الهوآ طير شعري
حسيت بدفا وأنا أتذكر عبدالله شلون هادي قليل ما تكلم
كأنه مستحي منا يللا يتعود إن شاء الله
ع الطاولة في الجلسة الخارجية بين الزرع جيك عصير البرتقال محطوط
أخذت لي كاسة نظيفة وصبيت
وأنا أصب انتبهت عليه
شفته ناظرني ونزل راسه ورجع طالعني مره ثانية وبصدمة
: تالـــــــــــه
ارتبكت واهتزت الكاسة بيدي
عبدالله وهو بعيد شوي عقد حواجبه إنتي وش مسويه بنفسك
حطيت يدي ع شعري الأسود المصبوغ وبإحباط
: مو حلو..؟!
عبدالله بقهر لا مو حلو كأنك شيطان
مديت بوزي عندي شوو بعد رمضان عشان كذا صبغته
رد بضيق مو حلو أول أحلى كأنك فلبينية الحين
سكت بضيق لأنه ما عجبه وفجأة استوعبت
: ترآآك زودتها شيطان وفلبينية إنت وش تطلع أجل؟؟!!
رفع حاجب إنتي قولي وش أطلع؟؟ بعدين أنا شكلي طبيعي مو شوّه
غطيت شعري مالك دخل فيني
ابتسم وهو يشوفها تدخل
مو حلو بس هي حلوه بكل حالاتها
ناظرت الجوال بيدي يوووه نستني أدق ع سامر
يا ....كل روحي
( اللهَ) . . . يجازيكـَ ، يآلليَ - ذقـتَ | منك ( الحسـاَيفَ )
أصلا كله منك المفروض ما تتكلم وهي موجوده بنفس المكان
وافي ببرود وأنا وش دراني إنها راح تسمع
شديت شعري بقهر وأنا أبكي والله بموت آخر يوم ما اتحملها
وافي يمسك يديني وبحزم جمانة شقاعده تسوين
بعدته عني بغيض والله ووصل هالشي لأمك وأبوك كل ما حطت راسها براسي والله لأرد لها الصاع صاعين ولو اضطرني هذا إني اضربها بضربها
وافي وبدأ يتنرفز بس خلاص عاد كل يوم على هالحاله
جمانة ببكى أجل نطلع من هالبيت ونروح لبيت لحالنا
سكت وبكل هدوء ناظرها عيدي هالجملة مره ثانية وما بيكون لصالحي لا أنا ولا إنتي
رقعت باب الدولاب اللي كان مفتوح وأنا أجلس ع السرير أكمل بكاي
أكرههههههههها وأكرهك إنت بعد
تنهد يا صبر الأرض لو ما سكتي بترك لك البيت وأطلع
جمانة بصراخ لا لا تتركه أنا اللي بتركه والحين توصلني بيت أهلي
دق باب الغرفة
استمرت ببكاها بايعتها بتراب هالمره
فتح الباب كان ماهر واقف بطرف الغرفة بإحراج
: وافي عسى ما شر أبوي بيحس عليكم
وافي يمسح عيونه ما عليك وش تسوي لو متزوج بزر
ابتسم ماهر أحد ضربك على يدك
ضحك ع الخفيف والله أحلى بزره لو تعقل شوي
سمع صوت شي تكسر
ضحك ماهر وهو يتركه ويروح
رجع لها شافها كاسرة برواز صور من قزاز
تخصر بجدية جمانة بتعقلين والا شلون
صرخت بوجهه ما بعقل لين توديني بيت أهلي
قرب منها حضنها غصب عنها
همس عند إذنها بعبارة
سكتت أهلها
ضمته أكثر وطاحت دموعها
ألم لما تحب شخص وتجيك المشاكل قوية من حولك تحاول تشوه هالحب بأي طريقة
أسلوب الحقارة على غيري تمشيه .. و لا أنا أكسر ضلوعك و أفرقعها..!
انتظرها بأعصاب تلفانه مو معقولة كيف صارت تفكر هذي
مشت بهدوء تحسب الخطوة قبل لا تخطيها جاها اتصال من بسام كان هادي وفهمها إنه يبغا من لتين شي وماحد يقدر يسويه إلا هي
خايفه لأنه بسام عمره ما ارتاح لها الحين وش ممكن يكون يبغا مستحيل يكون يعرف بس هو يعرف كل شي
وقفت قدامه في وحدة من الحدايق العامة كان واقف قدام طاولة دائرية من الخشب
بلعت ريقها تشآآو بسام
رفع حاجب وبعصبيه إنتي من وشو مخلوقه ؟؟
هاااااااا؟؟!
بعدت برعب شوفي ؟؟
شوووفي ! وين الموعد اللي حاجزته للتين بكره
بعدت شعرها ورى إذنها موعد شووو
ضرب الطاولة بقوة لا تخليني أشرشحك قدام اللي يسوا واللي ما يسوا
وبصراخ أعلى انطقـــــــــي
تعفس وجهها موعد دكتورة نسائية
إنتي شلون ترضين لنفسك كذا إنتي مو مسلمة حنا ديننا ما يسمح لنا نقتل أبرياء
المفروض تحترمين هالشي ما سألتي نفسك ليش لتين ما جات لأحد غيرك
وسن بخوف بسام وطي صوتك انفضحنا
كمل كلامه بعصبيه لأنها تدري إنه ماحد يسوي الأشياء اللي ما تتسوى غيرك
والله واللي رفع سابع سما لو المح وجهك مره ثانية قريب منها أو حتى مكالمة
ارتفع صوته تنسي تنســــــــــي انسانة اسمها لتين بحياتك
عضت على شفتها ايييه فهمنا خلص
رمى الكرسي ع الأرض بقوة
مالت على أشكالك مثلك ما تستحق إنها تعيش حتى
وطلع مو مهتم لتجمهر الناس حتى الشرطة اللي جات طنشها لأنه ممكن يرتكب شي يتعاقب عليه
ركب سيارته العصبيه عاميته
لا تلقي عليَّ بفاجعة فراقكَ وتمضي بِكَ بعيدًا عنِّي ..
لا تتوارى خلف ظهري لـ تدفن وحدك قلب إمرأةً أحبَّتك بكل عاطفة الكون
رجوتُكَ بربك
... إن أتى الفراق ...
كُن أنت كَما عرفتكَ
حنونًا ..
.. كُن رحيمًا
كُن بارًا بقلبي الذي أكبركَ يومًا ما بحبك ..
كُن أنت فَقَط ..
وسأُنصت لكل ما ستبرره .. حتى وإن كان غير مُبرَّر ..
حتَّى وإن كان سيلزمنِي عمرًا آخر لإستيعابه
وقلبًا آخر لتحملَّه !
في بيتنا كنا جالسين أنا وماما وبندر وعبدالله
بندر فاكها ضحك اليوم مبسوط بزيادة هو وعبدالله إن شاء الله دوم
شربت من الشاي بندوري شرايك نروح التلفريك اليوم
عبدالله ما عليك منها ناويه تطيح اللي ببطنها
بلعت ريقي بخوف وبعدين استوعبت إنه رماها رميه
نجد تحط المكسرات قدام عبدالله عبوودي ع قولة توتا كل
ابتسم وهو ياكل من الكاجو إلا خالتي راكان مو قلتو بيجي اليوم
خاطري أشوفه من كثر ما تحكيني عنه لتين وتـ...
سكت لأنه كان بيقول تاله
تبادلوا النظرات لتين وبندر وضحكوا
نجد شفيكم
هزيت راسي ولا شي
عبدالله متوعدني اييه خالتي
نجد والله كان على أساس بيجي لكن يلدا كلمتني قالت إنه بسام خلاه يرجع البيت مدري ليه
وقبل لا تكمل كلامها
دخلت الخادمة مخطوف وجهها ودخل وراها بسام
رقع الباب بعصبية
أنا انفجعت لأنه بسام لما يعصب يعصب ع البارد شفيه كذا اليوم
نجد قامت وبندر
شصاير؟؟
وقف قدامي وسحبني من يدي قومـــي
عبدالله وقف بوجهه شفيك إنت في أسلوب تتعامل فيه
بسام وشياطين جهنم فوق راسه
تركها بقوة وهو يصرخ في أسلوب !
في أسلوب يوم ما تدري إنه حضرة الأخت حاجزة موعد عند الدكتوره بكره رايحه تقتل ولدها
التفت الوجيه ع لتين بصدمة
كانت ساكته وعيونها بحضنها
عبدالله بصدمة لتين!!
قومها بعصبيه إنتي صدق رايحه تجهضين الولد؟؟
نزلت دموعها وهي تبكي ما أبييييييه افهموني ما ابييه
بندر بنبرة قاسية أنا بجد ما أصدق إنه إنتي تطلع منك مثل هالتصرفات
وطلع فوق تاركهم
نجد تناظرها وتناظر بسام
بسام بنفس العصبية خالتي أنا ما باخذ رأي أحد يوومها عندكم ما دريتوا إنها بتسوي اللي تسويه مع إحترامي لازم تظل تحت عيني أنا
بلعت ريقها ما باليد حيلة تظل مع بسام ولا تسوي عملية ممكن تقتل نفسها فيها مو بس ولدها
زفرت إنت زوجها وإنت أولى سوي اللي تشوفه صح
ناظرها بعصبيه قومي البسي عليك شي انا بنتظرك
ناظرت عبدالله تترجاه الله يخليك ما بروح معاه
طلع من عندها حتى ما يضعف الحين أيقن إنه لتين عنيدة وما يمشيها إلا الأعند منها بسام
ما حد فاهم عليها إلا هو حتى لو كان العكس بنظرها
وبين بكاها و رفضها طلعها
: خالتي أهلي ما يدرون ياليت ما حد يعرف ما أبي صورة لتين تتشوه
عند أحد كافي اللي صار
مسحت دموعها انزين بسام انتبه عليها
خليك حنون معها ترى ما تستاهل اللي شافته مو قليل
باس راسها وهمس
: بعيوني
دق جوالي
أخذته وأنا أقطع البصل عشان شوربة لسان الطير
" كل حياتي "
جاني صوته مستعجل روبي افتحي درج مكتبي بتلاقين دفتر في رقم أول ما تفتحيه
طلعت على طول من المطبخ مستغربة عجلته فتحت الدرج
شفت الدفتر قدامي على طول
كان رقم وحيد
نقلته هو
شكرا حياتي
تعال طلاااال
هممم
ليش مستعجل
لأنه بسام اليوم اتصل علي قال يبغا اسحب ملف زوجته وارسله له بالـ DHL
عقدت حواجبي بسام الفيصل
اييه وعشان كذا أخذت رقم عميد الجامعه
آهاا طيب يللا لا تتأخر اليوم حبيبي
همس وأنا أقدر يا عمري
ابتسمت مع السلامة
سكرت الجوال وبتفكير بينقل ملف لتين أكيد الأمور متأزمة أصلا مستحيل ترجع هنا بعد اللي صار
دورت بالأرقام طلعت رقمها دقيت ما ردت أصلا لها كم يوم أتصل عليها مقفل
دقيت ع تاله أخت بسام وبعد كم رنه ردت عليّ
تشآآو
آهلين تلوو كيفك؟؟
تمام مين معي؟؟
أنا ربى صديقة لتين ما عرفتيني
آهاا يا قلبي كيفك ؟؟
الحمدلله تاله كنت بتطمن ع لتين لأنها مقفله جوالها
تاله بتفكير شوفي أنا بعطيك رقم بسام اتصلي عليه وخذي رقمها الجديد لأني ما بعد آخذه
يا هالفلة عشان طلال يذبحني على غير قبلة
ابتسمت اوكيه إذا أخذتيه على طول عطيني ياه
إلورا لا تخافين
إلا تلوو ليه لتين مو عايشه عندكم
تاله بحسرة لا في مشاكل بينها وبين بسـ..
ما كملت جملتها لأنه راكان دخل بالخبر اليقين بسام رجع لتين لهنا وقاعده تبكي
تاله قامت بربكة إلورا ربى أكلمك مره ثانية
قلبي حسسني بشي اوكيه باي
حطيت الجوال ع الطاولة وسكرت النار ع البصل اللي انحرق
يووووه يا ربي
ظليت دقايق جالسه ع الكرسي أتأمل الفراغ
وش ممكن يكون صاير؟؟
يا ربي حتى وهي حامل مو مرتاحه..
تنهدت يا رب ترفع عنها كل هم وتجعل السعاده طريقها
يقول شكسبير:
تحبني أو تكرهني جميعها مفضلة لديّ
إذا كنت تحبني سأكون دائما في قلبك ♥ وإذا كنت تكرهني سأكون دائما على بالك..!
قفل باب الجناح
أشر لها ع السرير ارتاحي
تسندت ع الجدار وبغصة
: شوف إذا كنت مفكر إنك بهالحركة بتستغلني وبترجعني عندك فهذا بعدك لتين الغبية اللي أول إنساها من اليوم أقولك
رفع حاجب ببرود وش بتسوين يعني .؟
يعني لا تفكر تقرب أو تسوي شي براسك
بسام بهدوء وهو متكتف إنتي تدرين زين إني ما قد لمستك بعدم رضاك
أكيد تعرفين إنه الزواج علاقة حب أرقى من كذا ما الله خلقنا ناس عشان نتصرف مثل الحيوانات
كلامه سكتها
إذا حابه أذكرك أول مره لـ..
قاطعته وهي تفتح أزرار البالطو حقها ما يحتاج تذكرني بشي أنا قلت اللي عندي وأعتقد إنه واضح
قرب منها حضن وجهها بكفوفه
صنمت ما قدرت تتحرك لمجرد قربه
همس وهو يحط جواله قدام وجهها
: بعيوني إنتِ طفلة واليوم أثبتِ لي هالشي بقراراتك الواعية
وشد ع الكلمة الأخيرة
بهت بالصورة اللي بجواله
أذكر إني شفتها من زمان يوم كنت بالخبر عند عمي
صورته وهو يبوس بيبي شعرها كيرلي
ومكتوب عليها
حبيتهآآ طفلة..
وإن قالت: قول آغاا لعيونها ما أقول لا..
ناظرته وهو يبعد عني بينسدح ع السرير يعني مين هذي اللي بالصورة
ابتسم ابتسامة خفيفة وهو يعدل المخده تحت راسه
: تدرين وش أحلى شي يعجبني فيك
لما عقلك يوقف وتسألين أسألة ح ـححححلوة
رمشت عشرين مره ورا بعض
تخصرت بغيض ما أثرت فيني ترا لأنك آخر اهتمامي وعطته ظهرها بتدخل الحمام
سمعت صوته الهادي وهو مغمض عيونه
: على قلبي مثل العسل
رقعت باب الحمام وراها بقهر
*
*
*
Some people make the world special just by being in it
بعض الناس يجعلون حياتك سعيدة، فقط بتواجدهم فيها
نهاية الجزء الثامن والأربعون
.
بسم الله الرحمن الرحيم
الجزء التاسع والأربعون
تُفَآحَـة ْ } - !
لِأَنَ قَلْبَهَا لَمْ يَكُنْ تُفَاحَةٌ حَمْرَاءْ
وَلِأَنَ خِنْجَرَكْ لَمْ يَكُنْ سِكِيْنًا جَائِعًا
كَانْ اَلْأَلَمْ أَعْمَقْ..
كَاْنَ اَلْدَمْ أَصْدَقْ.....!
علموه . . إنـي أحبـــﮧ ومآ سڪن قلبي سواهـ !
دق الباب
قمت عن السرير بتهالك جسمي متكسر حاسه بإرهاق مو طبيعي
فتحت الباب
ابتسمت لي لين وجنبها تاله
: ندخل ؟
شرعت الباب ادخلوا بس ما فيني اتكلم لأني تعبانة
تبادلوا النظرات ودخلوا
انسدحت ع السرير
شفتهم فوق راسي وحده عند رجولي والثانية عند راسي
: خير؟
لين بضحكة بنسويلك مساج عشان ترتاح أعصابك
انكمشت ع نفسي لا ما ابي
تاله تثبت رجولي بيدينها مو على كيفك
وبدأت تضغط ع رجولي ولين مستلمه كتوفي
حسيت باسترخاء للحظات
تنهدت بعمق شلون رمضان معكم
تاله وفجأة حطت يدها ع بطني حلو، وهـ شوفي بطنك صارت كبيرة
بعدت يدها تاله لو رجعتي حطيتي يدك بكسرها
ضحكت عقدة اللمس كلها مجتمعه في لتين
ما رديت
لين تخزها يعني انكتمي إلا صح توتا شرايك اليوم نروح السوق نقضي للعيد
أنا بنعس تقضون للعيد؟؟
اييه نروح فلورنسا
ضاق صدري من هالاسم مدري أشوف إذا أخوك ما سوى حكر كالعاده
تاله احمم توتا
لتين تجاوب الحمدلله عايش
عقدت حواجبها مين؟؟
ابتسمت لتين عبدالله
تاله بحالميه فديته ولو إنه حمـ##
ضربتها بخفه ع يدها ما غيرك الحمـ##
هههههههه والله قاهرني الحين بروح أغير شعري بسببه
لين بصدمة ليه؟؟
تاله تورطت وعينهم عليها
ااا شوفي عاد إنتي وهي تدرون بالسالفة كلها لا تسوون لي فيها
يوم جا شافني برا وقال لي مو حلو شعرك
وبإحباط لا وقال بعد كأني فلبينية وشيطان
ضحكوا الثنتين عليها
تاله تمسج رجول لتين بقهر اضحكوا وأنا المنكوبة
لتين بصرخة رجولي انهرست يا زفت
ههههههههه سكوزا
لين بتفكير وصيت لميرا كم قطعة من ميلان بتوصل لبابا لعمله هناك وبيجيبها معه
والباقي ماما قالت بتجيبه
تاله بهمس الحين لولو تتوقعين وش يصير ع عبدالله مع بسام
ولا شي وش بيصير يعني لو ما يبيه كان ما ورطه وقال إنه خطبك وهو ما كان خاطبك من الأساس لسى
تاله بخوف اييه صح بس قلبي مو متطمن
فجأة انفتح الباب
تيبسنا بأماكنّا وحنا نشوف بسام داخل
رجع اليوم بدري
اوبس نسيت إنه لتين صارت بالبيت
ناظرنا باستغراب شقاعدين تسوون؟؟
لين بابتسامة رقيقة مساج للتين لأنها تعبـ...
قطعت كلامي لما ناظرتها وكانت نايمه بسلام
يا حياتي
ظل يناظرها ثواني وبعدها أشر لنا نطلع
وقبل لا يقفل الباب همس شلون سمحت لكم تلمسونها
تاله بضحكة بالغصب ما عليك إنت
خزها بغيرة واضحه كان قلتوا لي ووفرتوا خدماتكم لأنفسكم
وسكر الباب وراه
ناظرت لين بغيض شفتي شلون ؟؟
ضحكت لين غبية إنتي يغار عليها ما يبينا حنا نسوي لها يمكن يشوف إنه هذا شغله
تاله برومانسيه يا قلبي عليك يا بسام والله لو صحيت لتين وشافته بدالنا بتروح عليه
ههههههههههههه امشي بس
منحت المسيئين لي مِنْ قَلبي الجُزء الأكبر ..
حيثُ يَكمُن التَسآمُح ..
لأسحَقُهُم ..
أثورُ جِداً حِينَ يُخطِئون فِي حقّي ..
ولكِنّني أقِف حيث تَنتَهِي بِي حمَآقآتُهُم ..
لأجِدُنِي هُنــآك في الأعلى ..
فَيصعُب عليّ آلنُزول خِشيَة الأ أعود حَيث كُنتْ ..
إن أصبَحتَ كَ هُم ..!
سجى وهي تفطر ع التمر جمون اليوم كلمتني ربى قالت إنه الكل عازمتهم هي ع تشيليز
جمانة تاكل بهدوء والله مدري
ميلت راسها شفيك هاجده
داليا بضحكة جموون وافي قالي بيوديني السوبر ماركت تبين تجين معنا
جمانة بابتسامة لا مو جاي على بالي إنتي روحي
سكتت داليا وسجى تتابع بدهشة شصاير في جمانة هاديه وموقفه هواش مع داليا لا وبتعاملها بكل حكمة بعد
رفعت حاجب باستغراب جموون !
دخلت أم ماهر بحب هاا شلون شوربة الفريك حلوه جمانة أول مره تذوقينها صح؟ سويتها عشانك
جمانة بابتسامة حلوه تسلم يدك يا ماما عجبتني مرا مشاء الله
بالعافيه يا قلبي ناظرت سجى سجوو قاعده أفكر آخذ حفيدي أخليه هنا وإنتي وزوجك ارجعوا لبيتكم
سجى بفجعة وشوو؟؟
هههههههههههه أمزح معك والله ياليت
سجى بضحكة والله صدقت يا قلبي عليه يزيد ما أقدر أعيش بلاه
الله يحفظه يا رب إلا رايحين اليوم التراويح
نقزت داليا أنا بروح ماما وطلعت تلبس من المغرب
سجى تناظر جمانة والله يمكن نروح بيت جدتي ومن هناك نروح معهم
قامت آهاا إن شاء الله خير
أول ما طلعت قربت من جمانة
جمانة وش صاير معك إنتِ من ذيك الليلة مو طبيعية
رفعت عينها بابتسامة شيطنة ولا شي بس بساير الغبية اقصد داليا عسان وافي
وتنهدت
سجى تدفها ما عندك سالفة على بالي في شي بس زين سويتي
يعني أقول لربى إننا بنروح؟؟
اوكيه ليه لا
آلحب لآ يعطي إلآ ذآته ولآ يأخذ إلآ من ذآته وهو لآ يَملِك
ولآ يُملك فحسبُـه أنّـه آلحب..!
صحيت قبل وقت الفطور بشوي
شباك غرفتنا العريض مفتوحه ستايره لكن الشمس بدت تغيب وعاطيه الغرفة لون الغروب
ناظرت جنبي
بسام نايم ويده ع بطني!!
عدلت جلستي وبعدت يده بحذر
زفرت ببكى يعني هو مبسوط بالولد ويبغاه طيب ليه أنا كذا أحس
فتح عيونه لفيت وجهي عنه بقوم
همس بنعس كم باقي ع المغرب؟؟
قلت بحده الساعة جنبك
ودخلت الحمام
غسلت وجهي وفرشت أسناني وطلعت لقيته ما بعد يقوم
دق الباب
فتحته وأنا البس شبشبي
جوليا
:سينيورا بريما كولوتسيونا
"سيدتي، الإفطار"
أومأت براسي إلورا
دخلت عنده بسام قوم الفطور
ما رد علي وما تحرك
زفرت مو ناقصه ومو طايقه نفسي بعد
جلست ع السرير بتعب بساااام
:........................
احتد صوتي بســـــــــــــــــام
مسك يدي وسحبني طحت عليه
هالحركة اللي أيام يسويها تقههههرني
همس بإذني أعلمك شلون تصحين زوجك.؟
بعدت بربكة
توترت لدرجة إني ما قدرت أرد
بعدت شعري ورآ إذني
قام وهو يتثاوب
فصخ قميصه ودخل الحمام أنا بدخل اتحمم
عقدت حواجبي بس وقت فطور الحين
رفع حاجب يعني يهمك فطرت أو لا اعتبريني مو صايم
وابتسم بخبث
حمر وجهي شديت على أسناني
: أنا بنزل
قبل لا يدخل قال بأمر انتظريني
جلست ع الكنبة وأنا أرص ع كفي بقهر يااارب ترحمني برحمتك..!
في حياتنا ـآلكثير من ـآلبشر ممكن أن ننصدم بهم
وَلَكِنْ.. لا تنصدم عند لحظه حدوثْ ـآلصَدمَهْ بل تمالكـْ نفسكـْ
وَلآ تسقط ـآٍلا وَاقفا..!
شرب من الشوربة ورجع الملعقة
أخذ حبة من السمبوسة وقعد ياكلها بتأني وكأنه ما يبغا ياكل
نجد عبدالله شفيك ما تاكل
وهو يبلع اللقمة قاعد آكل
شربت مويه وتركت الكاسه ترى مو زين اللي مسوينه في أختكم
بندر بنرفزة يمه يعني اللي هي سوته يتسوى
عبدالله ساكت
نجد بأمومة يعني غلطت لأنها تحت الضغط بعدين هذا ما يعني إنكم قاطعينها ولا تكلمونها صار لكم كم يوم
بندر بغيض أنا ماني مستعد أكلمها لين تقول ليه كانت ناويه تسوي كذا يعني وش سوى بسام حتى تجازيه بهالطريقة
رمى الملعقة بعصبية وش سوى؟؟
إختي غلطت على عيني وراسي وغلط فادح بعد لمجرد التفكير بموضوع مثل كذا لكن لا تسأل ولد خالتك وش سوى لأنه ياما سوى وإنت أكثر واحد تعرف بهالشي يا بندر
بندر بصراخ بسام غلط بعد لأنه كان مضطر و قاعد يعدل غلطه وبيذوق المر عشان كذا
بعدين هي سامحته من أول وإنت اللي خربت كل شي لما قلت إنك بتاخذها معك ع الخبر وبسام طاوعك وشفت وش صار الحين ومع هذا ما قالك إنك إنت السبب أكل تبن وسكت وهو اللي طايحه براسه الشغلة إختك حاطه كل الغلط عليه كأنه هو اللي أذاها مو الحيوان رويد
ساكت بصدمة من الطعنات اللي بتجيه ما كان شايف الموضوع من هالناحية إنه هو السبب برجعة لتين!
بندر يكمل بعدين لا تقول إنها مـ...
قاطعته نجد برجفة خلاص إنت وياه هواشكم ما راح يحل المشكلة عبدالله ما عليك منه بندر مثل لتين إذا عصب ما يثمن كلامه
بندر بجنون لا يمه أنا قاصد كلامي كله حرف حرف خليه يعرف وش قاعد يقول
ووقف بعصبية دف الكرسي بيده وترك المكان
.
يتبع
لهفة العششششاق | قايدها البعاد !
أنا قلت شرايكم اليوم نروح فلورنسا نقضي ونرجع
يلدا ما يمديكم اليوم متى بترجعون إلا إذا بتنامون هناك
" بالسابق كنت كاتبه مسافة بسيطة بين تورينو وفلورنسا والمسافة الصحيحة هي 4 ساعات بين المدينتين وبين تورينو وروما تقريبا 7 ساعات
أعتذر عن الخطأ "
تاله وراكان حلت لهم الفكرة
تاله وااااو صح عليك ماما نظل كم يوم نغير جو وبنفس الوقت نقضي
راكان بفرحة فلورنسا فضيييعه لتين نوريك هي
بسام يقاطعه بحزم لتين تعبانة ما تقدر تروح
أول مره أحس إني بسلم ع راسه لأنه قال شي أنا ابيه
ارتسم الإحباط على وجيههم
ابتسمت بوهن معليش والله بس الصيام متعبني مع الحمل
خالتي يلدا تشد ع يدي يا عمري أنا الله يقومك بالسلامة
آميين
لين بابتسامة ناعمه عادي يا قلبي تورينو مليانة أسواق نقضي منها هالمره ما صار شي
راكان بحقد يناظر بسام زفر اوووففف
بسام ببرود لف عليه حران الجو برا بارد ترى
تاله تخبي الضحكة وآآاك
خزها ها ها ها على بالك تنكتين إنتي وياه
: وش قلت ؟!
بلع ريقه وهو يبتسم أبد سلامتك ولا شي
ضحكت من قلبي يا حياتي ع راكان دايما أحلامه محطمه
انتبهت ع بسام عيونه عليّ
تحمحمت وأنا أعدل جلستي بإحراج
ابتسم ابتسامة خفيفة وهمس
: يا حلاة ضحكتك
مديت بوزي اتفـ...
: حتى كذا حلو.!
أخذت نفس ووجهي بدأ يحمر
وأنا آخذ ميرا من خالتي خالتو متى آخر موعد لميرو
خالتي اللي انتبهت علينا ابتسمت قبل ثلاث أسابيع تقريبا
آهاا يا حياتو اليوم شكلي بنيمها عندي
هههه بتكرهين حياتك xxxxب ساعة لما تنام
ههههههههه تتحرك كثير؟
اييه والله بالأول كان سريرها له حواجز
قعدت العبها فجأة لفيت عليه بربكة ممكن تشيل عيونك
ابتسم وهز راسه لا
رصيت ع أسناني طيـ...
راكان جانا ينط بسام ياسمين متصله عليك
أخذ الجوال بسام ورد على طول
ارتخت أعصابي ونزلت عيوني لميرا اللي حاولت اللين نزلت من حضني
حسيت العيون عليّ قمت وأنا أخبي قهري بابتسامة أنا بروح أرتاح عشان نصلي التراويح سوا
يلدا بحب ارتاحي حبيبتي
طلعت لجناحي وأول ما دخلت قفلت الباب بالمفتاح
جلست ع الكنبة ودموعي نزلت
حاسه بنار داخلي
ليه يكلمها قدامي طيب
مسكت بطني بألم
غمضت عيوني أكتم صوتي وأنا ابكي بحرقه
لين متى بظل على هالحال يا رب...
سواليفك ~ تسافر بي | لدنيا كلهآ ذآتـك..!
قام من النوم ساكت وقبل لا ينام ساكت
واضح إنه معصب بس من ايش مو عارفه لأني سألته وقال الشغل هالكه بس وش المشكلة بالضبط ما حبيت أصر عليه ويعصب علي
هي مره وحده وتبت منها !
لبس ثوبه والشماغ تعطر وقرب مني يعني سكري لي أزراري
وأنا أسكرها
باس جبيني
ابتسمت له بحب
وكملت تسكيرها
طلال مو قلتي لي إنك اليوم عازمه البنات
أومأت براسي اييه
تبين أوصلك
هزيت راسي لا شكلك متضايق اليوم أنا بأجلها
ناظرني بنظرة ما لها معنى أنا قلت إني متضايق؟
لا بس بظل معك يمكن تحتاج شي
ابتسم ما يحتاج أنا رايح أصلي بمسجد النمران وما برجع بدري بقابل وافي وسلمان
تنهدت اوكيه مو مشكلة أجل أنا ما بتأخر
لفيت بروح أجيب له مويه قبل لا يخرج كالعاده
مسك يدي
ناظرته بتساؤل
ناظر عيوني إنتي متضايقه مني؟!
نفيت براسي لا إنت متضايق لما رجعت اليوم
جلسني وجلس أجل بقولك يمكن ترتاحي
الله يسلمك سالم كلفني بسفره...
وقبل لا يكمل كلامه غرقت عيوني بالدموع بترجع تسافر؟!
مسح دموعي بيده بتأثر لا تبكين هذا أول شي أنا تضاربت معاه وقدمت استقالتي!
بهت فيه شلوون؟!؟
ابتسم بغصة أحب البحر بس دامه بيحرمني من حبيبتي يلعنه ويلعن طوايفه
وضمني بحب لا تخافين ما بتموتين من الجوع بظل بأرامكو لكن بالإدراة
شلون وإنت قدمت استقالتك؟؟!
ما يقدر يقبلها هو تهديد لو جيتي للواقع لأنه متقعد
دفنت راسي بصدره وأنا ابكي بفرحه يعني خلاص ماعاد تسافر وتخليني
طلال يضحك بحب والله ما عاد أسافر وأخليك يا قلبي
بعدت عنه وأنا امسح دموعي طلال... أنا ما أقدر أعيش بدونك
بلع ريقه اوكيه حتى الحين ما تقدرين تجلسين بدوني صح
ابتسمت إلا لأنك لازم تروح الصلاة وأنا أروح لعزيمتي يا ويلي جوالي صار له ساعتين يدق بالصالة
ناظر ثوبه
شهقت وأنا أشوف روجي عادم كتفه وياقته
احمم
ابتسم بخبث شرايك اعطيه المغسلة يغسلوه اللين ما أروح الصلاة
قمت بضحكة لا حبيبي في ثياب غيره في الدولاب وفتحت الدولاب طلعت له واحد
زفر بعصبيه طيب
ضحكت بحب بسرعه
ناظرني ربى اخزي ابليس لأنه راكبني
كتمت ضحكتي وش أسوي فيك طيب إنت وقتك غلط
ناظرني بغيض روحي ردي على جوالك لأنه بيكون وقتي من جد غلط وقتها
طلعت بسرعه للصالة وأنا أضحك يا حبي لك يا طلال
شفت المكالمة من جمانة عضيت شفتي وأنا أرد
: آلوو
وش أسمي الحب اللي بينك وبيني وإنتي شي أكبر من الحب وجنونه..!
غسلت وجهي بالمويا كم مرا نشفته وطلعت
جلست قدام التسريحه
بظل زوجة بسام ولو عاندت
واعترف إني أحبه حتى لو كابرت لكني متضايقه منه هالفترة
بس هذا ما يعني إنه الحين يحق له يسوي اللي يبيه
مين فين طلعت هالبنت اللي اسمها ياسمين
ناظرت وجهي المصفر بالمرايا
حسيت برغبة إني اضبط شكلي
مو عشانه عشاني أنا حتى أزيد ثقتي بنفسي
حتى لو طالع غيري ما بتكون مثلي
قمت فتحت دولابي طلعت فستان قصير بحد الركبة
أكمامه قصيره منفوخه لونه وردي فاتح وأبيض
لبسته
تضايقت منه لأنه بطني كانت واضحه فيه
بس يللا شكلي يبغالي اقضي لبس جديد عشان الحمل
حطيت روج وردي بلمعة خفيفة
كحلت عيوني بكحل أزرق وشعري فتحته
شعري مسبب أزمه لي من يوم ما كنت بالجامعه
ابتسمت اذكر إنه ربى كان يعجبها وتقول اتمنى شعري مثلك وأنا كنت اعلق إنها مجنونة
حتى بسام يحبه !
لأنه ملفلف لفلفات صغيرة من بدايته ويتعبني بالسشوار بس الحلو إنه ملمسه ناعم
وعلى سرحاني بشعري تذكرت عبدالله
رجعت الذكريات ورى بعضها قويه قبل اسبوع لما صار اللي صار
للحين ما يكلمني لا هو ولا بندر
دمعت عيوني
يعني أنا من لي بهالدنيا مثل عبدالله كان معي بالحلوه والمره
هو أخوي وأبوي وأمي وكل شي
فجأة شفت بسام واقف قدامي
عقدت حواجبي بسم الله إنت شلون دخلت
جلس قدامي على بالك قفلتي الباب يعني خلصتي مني!
تذكرت ياسمين حسيت دخان يطلع من راسي
ناظرته بحقد
ابتسم انتي ليه لابسه كذا ؟
ناظرت لبسي ورجعت عيوني له وش قصدك؟؟
أخذ نفس بهدوء وأشر علي يعني إنتي لمين لابسه كذا
رجعت ظهري ع الكنبة
: للجني !
أشر ع نفسه يعني أنا جني بنظرك
صغرت عيوني وأحد قالك إني لابسه عشانك
ابتسم وحط يده ع خده متكي ع يد الكنبة
هزيت رجولي بتوتر وش قاعد تسوي ما بتروح لياسمين
: شعرك حلو
ما طلبت رأيك
: عيونك حلوين
افففف يا ربي مالك دخل فيني
: فمك وناظر السقف بتفكير اممم شهـ...
قلت بعصبيه بتوقف والا شلون
ناظرني ورمش نسيتي تسوين كذا
اخفيت ابتسامتي بصعوبة لدرجة حسيت بألم بفكي
ترى إنت رايق وأنا مو رايقة لك
عدل جلسته انزين وش قلتي توّ عن ياسمين ما كنت مستوعب
زفرت طبعا لأنه بالك راح لها على طول
هز راسه لأ، والله بس وش كنتي تقولين
سكت ما رديت من الغيض قطعت زر الفستان الفوقي
شاله من الأرض وحطه ع الطاولة قدامي
وعدل جلسته وقعد يناظر السقف
غمضت عيوني بقهر بســـــــــــــام
لف عليّ بهدوء
: عيونه
شديت ع أسناني مين هذي ياسمين
دف الكنبة حقتي بقوته اللين ما حطها قباله وتربع قدامي
أول شي ياسمين زميلة في الدراسة تخرجت قبلي والحين هي مو موجودة هنا في كندا
: وش أصلها؟؟
كندية من أم لبنانية
وليه حضرتك رحت ودعتها في المطار
لأنها كانت بتعطيني أوراق التقديم لأخوها
: تقديم وشو؟؟
بيدرس طيران هو بعد وهي ما بتكون هنا ولسى ما بعد يوصل أخوها
يعني ما في بالجامعه كلها إلا إنت
رفع حاجب ووين المشكلة لو كنت أنا أو غيري
سكتني جوابه
ما قدرت أرد ولا بفكر إني أرد حتى
لأنه فعلا وين المشكلة أعترف لنفسي قبل لا أعترف له بحقيقة كلنا عارفينها
حسيت بشي دافي
حضن كفوفي ورفعها له باسها
إنتي لو تتركين عنادك بنعيش بسلام
لمعت عيوني لو تتركني بحالي بعد بنعيش بسلام
ترك يدي وهو يقوم
أخذ البالطو حقه وطلع من غير لا ينطق بحرف
تنهدت وأنا ارمي نفسي ع السرير
اااه يا زمان ليتني مت بدالك يا جدتي كان ارتحت من كل هالهم..!
ليت لا هنا لي زماني يوقف ولا عاد يمشي..!
اطلبي لي لو سمحتي سفن بالكرز وناتشوز وماونتن كيك ووو
ربى بابتسامة كلها طلبتها جمون صار كم مره عدتي الطلب
جمانة تمسح ع بطنها بتأكد لأني جوعانه
وديم أشك إنك جوعانه شكلك متوتره كل شوي تناظرين الجوال
جمانة بتكشيرة أنا جوعانة
سارا بنعومة سجى داليا وش مسويه اليوم لجمانة موترتها لهالدرجة
ضحكت سجى لا جمانة كبرت بتفكيرها اتفقنا إنها تسايرها
فجأة ضربت الطاولة جمانة بغيض واضح بوجهها
وهي تترك الجوال
رفعت يدها يا رب بهالشهر الفضيل تخلصني من هالبنت يا رب تتزوج اليوم
ضحكت ربى ما في أمل توها ما دخلت الـ 15 بتزوجينها
ليه حبيبتي جدتي تزوجت عمرها 10 سنوات
سارا بضحكة قلتي جدتي وش دخل داليا
سجى سحبت الجوال
لقته مسج منها تقول فيه
تبين شي جوجو قبل لا نطلع من السيفوي؟؟
حرام عليك ما تقصد شي البنت
جمانة سجى رجاءًا خليني اطلع حرتي هنا لأني بالبيت بظل مبتسمة بوجهها اربع وعشرين ساعة
ضحكوا عليها البنات
وديم والله حالتك صعبة يا جمانة عطيني وافي خليني أكلمه أنا أخليه يعقل إخته
جمانة اييـ... وشووو هالناقص بعد حبيبتي تظل على حركاتها ولا تكلمينه
هههههههههههههههههههه
وديم أجل خلاص حطي لسانك بفمك وغطي جا الطلب
دخلت يارا و لمار ماسكين يدين بعض
البنات بفرحه لمووو
جمانة تبوسها يا قلبي فيصل ونعم الزوج شلون اقتنع
يارا تدق على صدرها حطيته أمام الأمر الواقع قلت له اسمع خايف عليها جيب العيال وتعالوا تعشوا قريب مننا عشان إذا صار لها شي تكون موجود
المهم وهزأته قام وافق
لمار بتأنيب ضمير لأنك حمـ## حرام عليك
جلسوا بيناتهم
يارا تتحمحم عندي لكم خبر
ربى حتى أنا عندي خبر بس قولي إنتي أول
يارا بابتسامة احمم بكره بملك أنا وعبدالرحمن
وجيه البنات ما تتفسر إلا لمار اللي عارفه
وبدأت ردات الفعل
سارا بابتسامة مبروووك لكن شلون ؟
يارا لا تناظروني كذا بكره بعد التراويح بيجي المملك وبنملك لأنه زواجي بشوال ولازم يكون في فترة تدرون بين الملكة والفرح المهم إنه هذا اللي صار
قامت ربى حضنتها وتبعوها البنات يا قلبي تستاهلين كل خير
وديم اييه وش خبرك ربووه؟؟
امم طلال حبيبي بيستقيل يعني ما عاد يسافر ويخليني مثل أول
لمار بحب يا قلبي يا ربى كلمة يخليني حسستني بعذابك
ربى تبلع ريقها لا تخليني أبكي والله مرا تعذبت لما سافر
وديم بضحكة وااااااااو أحلى شي يعني ما بيصير كابتن طلال والله لأذله عليها
اليوم توصليني معك ربى لازم أشوفه
البنات ههههههههههههه
ربى فتحت عيونها والله أكلم ماجد
ما عليك أنا اضبطه
يمممه منك والله تخوفين بلد
ههههههههه ما أكون وديم أجل
دق الجارسون وحط الطلب وخرج
سارا بابتسامة والله مو ناقصنا إلا لمى وخالتي ليلى
ربى بحسرة صادقه لمى عندهم ضيوف من أهل أمها وخالتي ليلى تقول بابا عازمها ع الشيراتون
وديم بتفكير أجل موودي وين بيتسحر يالظالمين؟؟!!
يارا بضحكة خبي له من صحنك
هههههههههههههه
وديم لاااا جد والله ربى ما قالت لك
ربى وهي تاكل لاا يدبر نفسه أكيد
قامت بروح أكلمه وأرجع لا تخلصون الأكل
سجى الله يعينا على الرومانسيه الزايدة لا تتأخرين
طيب
كن في الحياة كشآرب القهوة ، يستمتع بهآ رغم سوآدهآ ومرآرتهآ..!
تمشيت ع رجولي بشوارع تورينو
مدخل يدي بجيوبي الجو بارد مرا
لكن الحره اللي بصدري مو محسستني بمدى برودته
ما ألوم بندر
وما ألوم لتين ولا بسام
ألوم نفسي على جزء من الخطأ
جلست ع الطاولة في أحد المقاهي المكشوفة
وطلبت لي دارك كوفي
أصلا أنا حاس إنه الوضع ملخبط يعني جلستي ببيت أهل بندر قويه
أمه طيبه مرا يشهد الله إنها أحن من أمي عليّ ما أدري شلون تركت بنتها في يوم من الأيام وراحت
لكن مع هذا احراج علي إني أظل عندهم
رجعت للموضوع اللي متضايق عشانه من يوم ما صارت المشكلة ما كلمت لتين أكيد متضايقه هي يكفي إنها راحت هناك بعدم رضاها
وقفت سيارة في الشارع قدامي ونزل منها
لما انتبهت عليه استغربت بداخلي بس ما أظهرت أي تعبير
سحب له كرسي وجلس
السلام عليكم
: وعليكم السلام
أخذت القهوة اللي جابتها الجارسونه أطلب لك
أشر بيده لا
شربت منها شوي وناظرته مين قالك إني هنا
: بندر
عقدت حواجبي وش دراه؟؟
ابتسم وهو يناظر وراي
لفيت لقيته واقف
رجعت لفيت وجهي وشربت من قهوتي ببرود
ضربني ع كتفي وهو يجلس يعني ما تعرف تقول تفضل
ما رديت
بسام شوف إنت وياه اللي قاعدين تسووه حاليا هو تدخل في اللي ما يخصكم
مشاكلي أنا وزوجتي نحلها بأنفسنا إنتوا وش دخلكم ممكن أفهم
بندر تعرف تسكت أنت
عبدالله ما كأنها اختنا يعني
مدامها زوجتي خلاص لا تشيلوا هم حنا نتفاهم
ناظروا بعض وضحكوا الثلاثه كلهم
بسام بجدية بعدين لتين تعرف إنها غلطت ما يحتاج كل هالقسوة ما صار شي
بداخلي ابتسمت سبحان الله حبه لها منعه يعتبر الجرم اللي كانت بتسويه إنه شي كبير الحين ما ألومك يا بندر ع اللي سويته اليوم
بندر يقوم يللا عازمكم على محل مشاوي قريب
عبدالله مشاوي هنا؟؟
اييه محل شامي
بسام أول شي دق على أمك طمنها شوي وتبكي لما كلمتني كل واحد منهم مثل المراهقين عصب مسك الباب وطلع
عبدالله أفهم إنه هذي تهزيئة يعني
بسام بغمزة تقدر تقول
دوت ضحكتهم وهم ماشيين ع حجر الرصيف البارز
في ليلة من ليالي تورينو الفارهة..!!
*
*
*
Good Friends are hard to find, harder to leave, and impossible to forget
الأصدقاء الحقيقون يصعب إيجادهم، يصعب تركهم، ويستحيل نسيانهم
نهاية الجزء التاسع والأربعون
.
بسم الله الرحمن الرحيم
الجزء الخمسون
علمًنيَ كَيفً آحبكً بلآ آلــــمً . .
وُ كَيفً آحبًكً بلآً ندمً !
كيَفً آحَبكً بلآَ نددَمً ؟!
كيَفً آحَبكً بلآَ نددَمً ؟!
شكرآ لـ ترككْ ( بعض ) الذكريآت آلتي ترآودنيْ عنْدمآ آشتآقُ إليِك
رجعنا للبيت متأخرين ع الساعة ثلاث تقريبا
البيت هادي وأنواره مطفيه ما عدا الصالة السفلية
ابتسمت بنعس أكيد هذي أمي تنتظرنا
ابتسمت تنتظرك تقصد
بندر عبدالله عن السخافة إلورا مو مصدقني شوف بعينك لا تجي معي طيب
عبدالله ما فهم وش بتسوي
أشر له تخبى أمي جايه
تخبى ورى الباب الخشبي العريض
جات نجد وهي لافه حجابها ع شعرها بندر حبيبي رجعت وين عبدالله؟؟
باس راسها يمه ا..
قاطعته بنبرة خوف واضحه بصوتها وينه أخوك
بندر ابتسم بهدوء يعني إنتي معتبرته أخوي من جد يمه!
نجد بعصبيه طبعا أخوك ما عشتوا مع بعض أكثر من ست شهور وأكلتوا وشربتوا سوآ وينه أقولك يا ويلك لو تكون مزعله بعد
حضنها وهويبوس راسها ويدها الله لا يحرمني منك
طلع عبدالله بصدره ألم وضيق هذي نجد اللي ما ربته ولا سهرت عليه ولا عاشت معه إلا هالكم أسبوع اعتربته ولدها وأخو ابنها من لحمها ودمها
وأمه؟؟!! وش بيده يقول..........؟!
عبدالله بإحراج لولا إنك محرمه علي يا خالتي كان بست راسك الله يخليك لعيالك يارب
نجد تلطف الجو بعد ما ارتاحت بوجوده آميين ويخليك يعني متفقين عليّ حضراتكم
بندر يضحك تقدرين تقولين
ابتسمت بحب طيب رحتوا للتين
عبدالله بتلقائية اتفقنا بكره نروح أنا وبندر بعد الفطور
الله يرضى عليكم آميين
آميين، نعسان حدي إذا أذن الفجر صحوني
عبدالله يدفه وهو يمشي من الحين بقولك ماني مصحيك لأنك بس تعبت تقول خيشة نوم ما تحس بشي
بندر يضحك أحسن منك إذا أحد عطس عنده قام
نجد بابتسامة إلورا ما بقى شي ع الأذان صلوا وناموا
بندر يلف نسيتي بكره عندي دوام والسيد عبدالله بعد بيبدا دوامه دلعناك كثير ترى بكره تجي معي ع المكتب أوريك شغلك
عبدالله بابتسامة يصير خير إن شاء الله أنا بظل هنا اللين يأذن وبطلع
وطلعت نجد وولدها
ظليت لحالي أفكر وسرحت بأمي
من يوم راحت الامارات ما سمعت صوتها أرسلت لها إني رايح لايطاليا وما ردت خاطري أعرف ليه بتتهرب مني في شي بعد ما أعرفه..؟!
أهو مؤلم حبهُ !
أنت الذي من بين الملايين انتقيتني لأكون لك !
هل سـ تحبني ؟
فركت يديني ببعض بتوتر كبير
أحس إني ببكي أول ما أطلع له
أمس أبوي جاب المملك وجا عبدالرحمن ملكنا ع الورق وطلع ما شافني ولا كلمني حتى
لأنه أبوه كان راجع من السفر
وقال إنه الصبح جاي
وهذا الصبح طلع وأنا قاعده انتظر
تذكرت خالد أمس دقيت ع خالتي ورد عليّ حسيت بصوته كلام لكني ما سمحت لنفسي أتذكر أيام حبي الخالية له وقفلت على طول
لأني لو ظليت أكثر بتألم أكثر
دقت الباب أمي يارو إذا خلصتي إنزلي بسرعه ابوك استقبل عبدالرحمن لأنه وصل
بلعت ريقي وأومأت براسي برعب طيب
ابتسمت وهي تبوسني لا تخافين ينحب شكله
ينحب!!
آآآه يا قلبي
عدلت شعري المموج قدام المرايا
رجعت بخيت عطر ونزلت بربكة واضحه بوجهي قبل أي جزء فيني
ناظرني ابوي ابتسم وأشر لي تعالي
دخلت واكتشفت إنه تركني لحالي
وقف ما شفت وجهه بس قرب مني مد يده يسلم
من ربكتي ما عرفت وش أسوي
سمعت ضحكته الخفيفه وبعدها مسك يدي برقة وحطها بيده
سلم عليّ بحرارة وجلسني ع الكنبة
بصوت غريب عليّ شلونك ؟
بلعت غصتي أحس جسمي كله يتصبب مويه
وبصوت مدري طلع أو لا الحمدلله
معليش اعذريني أمس ما قدرت أشوفك أبوي راجع من اليونان صار له شهرين مسافر
قلت بخاطري يعني ما حضر ملكته؟!
كمل وآسف بعد لأني جاي بالصبح وحنا برمضان بس تدرين أحسن
رفعت عيني له وكانت أول مره أشوفه فيها
بلمت يوم قال
: لأني كنت بخربها من أولها!
والله حسيت للحظة الدنيا مغبشه ما عاد أشوف من الحيا غمضت عيوني بقوة وفتحتها شفته جنبي
بعدت لا إراديا
ابتسم ابتسامة تطمن تدرين إنك حلوه ما توقعتك كذا
عقدت حواجبي بدون رد وش توقع أجل قرد مثلا!
ضحك ضحكته الخفيفة مره ثانية أدري راح خاطرك بعيد بس أهلي ما وصفوك لي كذا
سألت بتلقائية وفضول أهلك؟؟
أومأ براسه وهو يمسك كفي اييه وحده من خواتي شافتك بحفل تخرج الجامعه حق أخت زوجها
قلت بهدوء مين خواتك ؟
ابتسم بحب توين سمر وسحر وفي وحده بعد اسمها يارا على اسمك
ابتسمت لابتسامته يعني مو بس إنت توأم حتى خواتك
ضحك بخبث يعني في أمل إن شاء الله
عقدت حواجبي بتفكير أمل لايش؟؟
ويوم استوعبت حمر وجهي لدرجة حسيت إذني بتطيح من مكانها
سحبت يديني بهدوء إنت كنت عايش بأمريكا صح؟؟
: اييه
ليه طيب؟ إذا مو للدراسة !
تنهد وهو يناظر الساعة في رمضان تحسين بالجوع أكثر أو بالعطش
تصريفه واضحه عيني عينك مدري ليه خفت يكون شي بطال بس ابتسمت
أعطش
مسح ع بطنه وشكله ما في بطن من الأساس والله أنا الإثنين
ضحكت بحيا الله يعينك باقي كثير ع المغرب
هز راسه الله يعيني من جد
دق جواله طلعه من جيبه واعتذر هذا تلفون العمل اسمحي لي
مسموح
تأملته بخلسة وهو يكلم
مرتب واضح إنه ابن عيلة وناس
بس كبير !
ابتسمت يعني واضح فرق السن بيننا
وجريء ياويلي هم دايما كذا الرجال كل ما تقدم فيهم العمر تزيد جرأتهم
حسيت بشي غلط
شفته حاط جواله ع الطاولة ويناظر النجف بابتسامة
رجعت شعري ورا إذني بإحراج قلت شي؟؟
ناظرني بضحكة يخفيها وين وصلتي؟
هآآ لا كنت أفكر بـ..
ضغط ع أنفي بخفة ما عليك أنا لازم أروح الحين
اييه يارا بما إننا بنتزوج قريب إن شاء الله لازم تحطين ببالك
حنا عائلة كبيرة ومتماسكة يعني شفتي مثل أمس ما جيت عشان أبوي والحين مضطر أخرج عشان العمل ياليت تتفهمين الوضع
احترمت عقليته كثير لا مو مشكلة طبيعي هالشي في كل العوائل
ابتسمت باختصار لا تشيل همي ما عندي أي مشكلة
باس جبيني استحيت منه
ابتسم وهو يوقف هذي حوبة توأمي عبدالإله في يوم ملكته أبوي طاح تعبان واضطر يرجع البيت ويترك عروسته والظاهر إنه حظي مثله
ابتسمت حمستني أشوف عيلتك
قريب إن شاء الله
رجع دق جواله
عفس وجهه والله درينا يا صلووح ارحمني شوي
هههههه يللا مع السلامة
مع السلامة لا تنسين بدق عليك بعد الفطور
أومأت براسي إن شاء الله
جلست لحالي يوم طلع
حاسة براحة فضيعة تجاهه
تهيأ لي طيف خالد
طردته وأنا أقوم عبدالرحمن واضح إنه طيب يستاهل مني كل خير
وإن شاء الله ربي يقدرني أسعده
أَنْ تَسْتَغْرِقَ الأَنْفَاسُ الجَسَدْ ..
لبست برمودا صفرا وبادي أبيض منقط بأصفر ينربط ع الكتف بفيونكا ناعمه
ربطت شعري ذيل حصان وحطيت لمسات خفيفه تناسب الصباح من الميك آب
ما أدري وش خلاني أتذكر لما كنا بصقليه أول أيام بعد عرسنا يوم جا بسام وجاب معه ساندوتشات وقعد يسويها يمكن لأني بعد كنت لابسه أصفر!
تنهدت بحزن كانت أيام حلوه ومو حلوه
طلع من الحمام
أشرت له بشويش لأنه ميرا نايمه
ناظرها وجلس بتكاسل ع الصوفا
همست ما بتروح الجامعه
هز راسه لا
وقفت قدامه ودنقت شوي وبتساؤل ليه؟
رفع عينه لي حسيت إني قريبه مرا بس ما حبيت أبين له إني متوتره
وظليت ع مكاني
وبعد تأمل لثانيتين قال ما نمت زين وما عندي شي مهم اليوم
آهاا
رفعت ظهري
مسك كفي وجلسني بحضنه
قرب مني زيادة ودفن وجهه بشعري
وبتنهيدة عميقة همس
: ورب الكعبة وحشتيني !
حطيت يدي ع رقبتي بتوتر وربكة واضحه
على قد ما إني بحالة نفسية ما تسمح لي أفكر فيه
بس أنا طول عمري ضعيفه قدام طيف بسام أجل وشلون وهو قدامي
دق الباب وفتحت موليا
وقفت ببجاحة سنيوري بسام لا آوتو إي برونتا
" سيد بسام سيارتك جاهزة"
بعدني بعصبيه عنه وقام
طلع وقفل الباب وراه
سمعت صراخه وأنا اروح له بسرعه
بسام بعصبيه وكأنه جني راكبه هزأها مسح فيها البلاط بالايطاليه
لأنها فتحت الباب بدون إذن !
كل خدم البيت يدقون الباب وما يدخلون إلا إذا انفتح بس هذي مدري وش جاها
وعلى صوته طلعت خالتي يلدا ولين
خالتي تناظرني وش صار؟
قلت بإحراج فتحت الباب قبل لا يأذن لها بسام
لين بهدوء من حقه أجل ماما
لف علينا شوفي يمه هالحيـ... ما أبي أشوف رقعتها هنا
يلدا تهديه طيب حبيبي لا تعصب إنت خليك صايم وناظرت الخدامة طلبت منها تكون مسؤولة عن الدور الأرضي ومالها دخل بجناح بسام مطلقا
ابتسمت له والحين صباح النور
زفر بضيق وهو يبوس راسها صباح الخير يمه
يلدا تهونها إلورا بدخل أشوف ميرا أكيد أزعجتكم
لتين بحب يا قلبي أنا والله ما حسيت عليها
ناظرتني لين بعد ما دخلت خالتي وبسام وابتسمت بخبث ليه مقهور لهالدرجة وش كان مسوي اعترفي
حمرت خدودي لا والله عادي بس مدري بسام إلا الخدم
يعني هو جريء قدامكم بس الخدم لا
لين بابتسامة وهي تربت ع كتفي اييه هو يخاف من الحسد
ضحكت بلا معنى يعني من حلاة العلاقة عشان يحسدونا عليها
لين بقهر تدرين لو ما انتي حامل كان عطيتك طراق يحلي العلاقة زين
ههههههههه الحمدلله أجل إني حامل
واستوعبت بعدها لكني اكتفيت بابتسامة مره مثل حياتي
طلعت خالتي يلدا وهي شايله ميرا توتا إذا خلصتي انزلي عندي لك مفاجأة
استغربت لكني قلت بابتسامة حب لهالإنسانة إن شاء الله
عندما لا تجد الحياة مغنيا يتغنى بقلبها تلد فيلسوفا يتكلم بعقلها
سمعت التلفون يدق بس كنت بالمطبخ وما مداني أرد اللين انقطع صوته
: نعم
جاني صوت بنت استغربته بالبداية
: احمم موجوده ربى
عقدت حواجبي لأني تذكرتها ابتسمت اييه موجوده مين أقول لها
بشبه حده صديقتها
قلت برواقة لا تكذبين حنا برمضان
شهقت بخفوت وإنت وش دخلك عطيني هي وإنت ساكت
طلال ببرود ماني معطيك كيفي حر زوجتي
وديم بغيض اللهم إني صائم
وأنا بعد صايم
إنت وش صاير فيك بتعطيني هي وإلا شلون
لا مو فاضيه قاعدة تطبخ
وطوط طوط ...
ضحك وهو يدخل المطبخ ربى بتصير حريقه اليوم
ابتسمت وهي تلف عليه ليه الله يجيرنا
هههههه وديم دقت هبلت فيها وقفلت بوجهها
ناظرتني وهي تترك الطماطم من يدها جد؟!
جلست ع الكرسي اييه
هههههههههههه حرام عليك طلال إنت من غير شي قاهرها
دق التلفون مره ثانية
غسلت يدي بسرعه
طلال مبتسم سلمي لي عليها ههههههه قولي لها الكابتن طلال يسلم عليك
ضحكت والله لتلعن خيري
ورديت آلوو
بعدت السماعة عن إذني من صوت صراخها
شلون يرد ع التلفون وقاعد يستهبل عليّ بعد والله لأنه قفل السماعة بوجهي والله ليشوف خليني أشوفه بس يتحمل وش بيجيه
طلال يضحك وهو داخل غرفتهم أنا بروح أنام إذا أذن صحيني
هزيت راسي إن شاء الله ورجعت لوديم
أول شي هدي أعصابك إنتي أنا وش دخلني كل هالهواش لي
لأنك متزوجة هالـ.. استغفر الله خرب لي صيامي الله يخرب ابليسه
اخفيت ابتسامتي اييه وش كنتي تبين
وديم بقهر ولا شي اتصلت أهزأ
ههههههههههه خلاص عاد ودوم إنتي لأنك تنقهرين هو يحب يعاندك
بس لازم يفرق ماني بزر قدامه
يعتبرك إخته صدقيني
يا زينه وهو ساكت بس
أخذت نفس حسبي الله على ابليسك يا طلال نكبتني نكبة بتظل شهرين تذلني عليها الحين
ويوم شافتني ساكته تنهدت لا تزعلين ربى بس والله زوجك يقهر
ابتسمت أدري خلينا منه الحين إنتي جد وش كنتي تبين
بس كنت بقولك صح لتين سحبت ملفها من الجامعه
أنا بحزن اييه خلاص طلال سحبه لها وأرسله
زفرت يا قلبي عليها الله يسعدها إن شاء الله
آميين
يللا روحي كملي طبختك أنا بروح أساعد أمي
سلمي لي عليها كثير
وديم بحده وكأنها تذكرت يوصل
ابتسمت باي
قفلت السماعة الله يعينك يا ماجد لو زعلت عليك ودووم !
مشكلتي إني أتظاهر بالفرح !
نزلت أنا وبسام سوآ وحنا نازلين
كانت تاله طالعه من الأصنصيل وهي لابسه
على وين؟؟
ارتبكت يوم وجه لها السؤال
ااا بروح المشغل
وقف باستفسار وش بتسوين بالمشغل توك ما صار لك اسبوعين فيه
احمم ما عجبني شكلي بغيره قبل العيد
ناظرها بنظرة يعني تراني فاهم عليك
إلورا اطلعي الحين لا تنزلين تحت بعد نص ساعة أنا أوصلك
إلورا
طلعت بسرعه كنت خايفه يكتشف إني بغيره عشان عبدالله وشكله عرف بس ليه ما يبيني انزل تحت اوففف ياربي
نزلنا للصالة السفلية كانت خالتي يلدا بس جالسه ومعها...
عضيت شفايفي يوم شفت عبدالله وبندر جالسين
ناظرني بسام
ابتسم وجلس ع الكنبة
انحرجت
في اللحظة هذي بالذات حسيت بمدى قبح اللي كنت بسويه
قربت من بندر اللي كان جالس ع اليمين
مديت يدي
صافحني وباسها
حاولت امنع نفسي من البكا
وقف عبدالله وحضني
تشبثت فيه وقعدت ابكي
هالإنسان الوحيد اللي أحس براحة تامه معاه
لا خوف ولا توتر ولا أي مشاعر غير الأخوة
يلدا بابتسامة كذا بكيتوا بنتنا
وأخذتني من حضنه حضنتني بحب وهي تمسح ع شعري
أنا مدري وش السالفة بس اللي أعرفه إنكم إخوان تزاعلتوا والحين تراضيتوا
مسحت أنفي وابتسمت اييه
بندر يوقف أجل حنا لازم نمشي اليوم أول دوام لعبوود وأشر عليه
عبدالله يناظره بطرف عينه من أمس ساكت وإنت ما في إلا تقول عبوود
بندر بضحكة أجل وش أقول عَبْدُاَلَلّهْ
عبدالله ميل فمه لا بس أنا بقولك بندورا من اليوم ورايح
لا دخيلك
ضحكت على مناقرهم
بندر بلطف يا حلوك وإنتي تضحكين يا لتين وهو يناظر عبدالله تحس شي غير كل ملامحها تنقلب
استحيت منهم
كمل عبدالله بحب اييه والله يوم تبتسم تحس الدنيا كلها تضحك ولما تزعل الله لا يوريك
بندر بنغزة وراني وخلصت الله يعين بس
كشرت شقصدكم يعني ترا بكل حالاتي حلوه
هز راسه بندر يصطنع الخوف اييه صح
يلدا بضحكة ههههه اييه هجديهم يا لتين العيال ما يجون إلا بالعين الحمرا
ههههههههههههههههههه
قام بسام مسك يدي بتملك طيب حتى حنا خارجين
بندر يخفي ابتسامته إلورا الله معكم
ناظرته بقهر ليه يخرب عليّ قعدتي صحيح هم الحين ماشيين بس كنا مبسوطين
وقفنا برا ننتظر تنزل تاله وتجيب لي جوليا البالطو حقي وحجابي
ناظرته بقهر وين رايحين
بنوصل تاله ونتمشى
بس أنا ما ابي اتمشى
رفع حاجب وأنا أبي..!
تخصرت روح لحالك طيب مو لازم تغصبني على شي ما أبيه
مسك راسه خلاص لتين مو لازم تسوين من الحبه قبه على كل شي
عصبت تنرفزت إلا جنيت الحين مين اللي بدأ المشكلة أنا وإلا أنت قلت لك ما أبي أروح معك مو غصب
أشر لي اشش بتجين وإنتي ساكته
سحبت البالطو من جوليا بعصبيه استغربتها بس خرجت وما علقت وهي تقدر بوجود الغول اللي حنبي!
لبسته فوق لبسي وأنا أزفر الله يعدي هالتمشيه على خير
ابتسم وهو يفتح لي الباب
مشيت قدامه وجات تاله جنبي همست لي شفيك معصبه
لفيت عليها بغيض لأني متزوجه أخوك
ابتسمت والله يا حظك أجل !
طنشتها وأنا أركب السيارة
شفت بسام يكلم السواق وبعدها دخل
،
يتبع
من الغبــــــــآء جدا
أن تقضي وقتَ غيابهم مُكــــبّلاً
" بشوقك لهم "
بينما هم :
اختاروا البــعُـــد
لترتيب حياة أخرى خالية " منك "
أنت ترصف الشوقَ أشعاراً لعودتهم . .
وهم يختارون أكثر كلمات الاعتذار
بريقاً يُغطّي بشاعة أنانيـتهــــم
. !
أنانيتهم ='(
قفلت من جمانة اللي حابه تطمن على مستقبلي على قولتها
عدلت مكياجي كويس
هالمره لبست فستان سهره ناعم
أسود ع الجسم ما فيه أي شي يزينه غير عقد الملكة من الألماس الحر
رتبت شعري تعطرت من clou'e
لبست صندلي الكعب ونزلت تحت
انتظرته شوي قال بعد ربع ساعه بيكون هنا
مرت عشر دقايق
قمت عدلت التحفه ع الطاولة الكبيرة
فتحت طرف صحن الشوكلت
وشلت المبخره حطيتها ع المدخل
وع المدخل وقفت أناظر شكلي
أخذت نفس عميق وأنا أفكر
فقط بـ عبدالرحمن
حسيت بالاهتمام منه جا بنفس اليوم مرتين واعتذر لأنه خرج بدري الصبح عشان كذا جا الحين بعد التراويح
لفيت بحيا وأنا أشوفه من المرايا واقف عند الباب
ابتسم وهو يناظرني مساء النور
ابتسمت بخجل مساء الخير ... تفضل
دخل معي وعينه علي
بلعت ريقي بروح أجيب العـ..
جلسني لا تجيبين شي أنا جايب لك
وحط الكيس اللي معه بحضنه
ناظرني بخبث غمضي عيونك
ابتسمت لازم ؟
أومأ براسه اييه
غمضت عيوني ببطأ
ويديني بحضني
انتظرت ثواني مرت دقيقه يمكن ولا شفت شي
فتحت عيوني بضجر وش قـ...
سكت يوم شفته يتأملني
حمر وجهي
ابتسم سوري ما انتبهت ع نفسي أنا شكلي كل ما بجلس معك بلاحظ شي جديد
ابتسمت ع جنب وش لاحظت الحين
عض على شفاته غمضي مره ثانية عشان أقولك
رفضت بدلع تراك مصختها
ناظرني بصدمة نسيت نفسي
وبعدها ضحك عليّ بقوة
انحرجت
فتح الكيس وطلع علبة بحجم الكف من قزاز مموج
حطها قدامي وش تتوقعين فيها
صغرت عيوني وأنا أفكر اممم خاتم
: لا
شكلها علبة ساعة
بعد لا
ضميت يديني لصدري بإحباط أجل؟؟
بحماس اوكيه غمضي عيونك هالمره عشان تشوفين
غمضت عيوني بطاعة
حط اصبعه ع جفوني برقة فتحتها
اللي اكتشفته اليوم جفونك!
مساحتها كبيرة مشاء الله
ضحكت بحيا قوي ملاحظة مشاء الله عليك
واستوعبت أشرت ع العلبة ما فتحتها
ابتسم اوكيه أول وأشر ع خده
بلمت هآآآ بالأحلام السعيدة يا حبيبي
عبدالرحمن يخفي ابتسامته من أول يوم قلتي لي حبيبي وبوسه بخلانة فيها
راح وجهي بللت شفاتي وأنا أرص ع عيوني ما قدر
عبدالرحمن بمشاكسة رجع العلبة ع الكيس ما في أجل
ناظرته بقهر انزين ما في ومافي اللي تبيه بعد ولفيت بغيض
ضحك عليّ طيب ما ضيفتيني
قمت أخذت الدله وصبيت له وعطيته الفنجان وضيفته من الشوكلت
أشر لي أيه أحلى
هالسؤال كل الناس تسأله بس ضيفناها الشوكلت
أشرت له وأنا مقهورة على وحده بالبندق
ابتسم باستفزاز وإنتِ ما بتاكلين
هزيت راسي لا
ناظرني وهو يشرب القهوة ما غيرتي رأيك
قلت بهدوء لا
ضحك أجل خلاص أنا كل ما جيت بجيب هالعلبة معي وإذا وافقتي ع شرطي بعطيك هي
حقدت عليه زاد فضولي أعرف بس ما بسوي اللي يبيه ولو مات
ابتسمت ببرود أجل بتصبر كثير
عبدالرحمن برقة أصبر وش وراي كلها شهر وتكونين عندي بتسوين أكثر من هالطلب
يعني وافقي الحين أهون
شهقت وأنا أحط يدي ع فمي عبدالرحمـــــــــن
ناظرني ببراءة وشو؟؟
تخصرت وش قلت توك عيييب
ضحك من قلب
خزيته بعيوني ما يضحك
همس وهو يقرب مني وأنا وش قلت ما قلت إلا الواقع
بلعت ريقي وأنا أتخيل إني بعد شهر بكون مع هالإنسان
عقدت حواجبي بربكة
باسني ع خدي فاجأني
بعد وهو يرجع ظهره ع الكنبة لا تفكرين كثير خلي الأمور تمشي مثل ما هي
بعدت شعري لورى ومجرد مرور الفكرة ببالي أرعبني لدرجة إني ما حسيت بآثار الحركة اللي سواها
مَرآت ربگ " يرزقگ " خوْة إنـسـًآن وآحدٍ وْيسوى فيْ عيوْنگ » قبـآيـًل !!
في مكتبه الواسع قاعد يشرح له طبيعة العمل
سكت فجأة ورفع عيونه له عبدالله باختصار أنا قررت أحطك المدير العام
عبدالله بصدمة بندر أنا توي مبتدأ ما أعرف شي بالعمل أخاف هالشي يسبب خسارة كبيرة للعمل
بندر يعدل جلسته اسمعيني زين حنا عملنا لا هو مصنع ولا هو شركة عملنا تجارة ألماس
مناجم ألماس مسؤولين عنها نتاجر فيها من غير تحويل
يعني الموضوع ما فيه ربح وخسارة هذا أولا ثاني شي أنا أثق بدراسة جامعة البترول والمعادن وإنت خريج هالجامعة
بس دراستي ما لها دخل بالعمل هنا
بندر بتنهيدة يعني بالله في السعودية كنت بتلاقي عمل غير بشركات دوامها يهد الحيل ويشيب الواحد بدري
زفر انزين وبعدين
وشو بعدين من اليوم إنت المدير العام
لف عليه لحظة ومين كان قبلي
بندر يناظر السقف وهو متسند ع الكرسي الجلدي
أبوي كان مسؤول عن كل شي وأنا المدير العام بالإسم كنت أسافر أغلب الوقت عشان المبيعات والعقود والحين صرت صاحب هالتجارة وإنت مديري العام
ابتسم شرايك يا سنيوري عبدالله
ابتسمت بمرارة مدري وش أقول
إلا صح تعال بندر أنا سمعتك تقول عندكم فروع بالرياض ومدري وين
امم عندنا فرع مكتب مو محل بيع إنت فهمت عليّ قبل شوي
بإيطاليا في فرع بتورينو الأساسي اللي هو هذا وفي بجنوة وفينيسيا وروما وميلان
وفي واحد قاعد أدرس الخطة بفتحه يا بالرياض يا بالخبر
عبدالله بتفكير طيب ليه وحده من ذول
بندر لأنه الرياض العاصمة وبنفس الوقت أنا برأيي الخبر أحسن لأنه تعرف الرياض كبيرة ومتشعبة
الخبر لها حدود بعدين في كثير محلات بالخبر مو موجودة بالمملكة أو بالشرق الأوسط إلا فيها وقريبه ع مدن الخليج
أومأ براسه آهاا
قام من مقعده وراح جلس ع الكنب قدامه دنق عليه اسمع عبدالله أنا حولت لك راتب هالشهر مقدما وخلينا الحين نكتب العقد
قاطعه بندر هالراتب ماني ماخذه الحين يا تعاملني مثل باقي الموظفين يا إما الله يخلي شركات الشرقية
خزه بعيونه عن السخافة لا تسوي لي فيها أنا الحساس هذا شرطنا بالعمل دايما مع أي موظف
ناظره بعدم تصديق مو قادر أصدقك مدري ليه
ضحك بندر صدقني بعدين إنت الحين قدامك زواج وإلا مو ناوي تخطب البنت انحرقت وهي تنتظر حضرتك
ناظره بطرف عينه وإنت وش دراك
ابتسم لا تخاف ما كلمتها ولا شفتها بس توقع
اييه خلي توقعاتك لنفسك
ابتسم وهو ينادي السكرتير محمد مو ناوي توقع العقد؟
تنهد براحة يخالطها خوف من المستقبل إلا
دخل محمد وتفاجأ بقرار بندر الغير متوقع لكنه ما تجرأ يناقشه بالموضوع
هالإنسان إذا مشى بالمكتب الكل يوقف له إحترام وبالأحرى هيبة وراثها من أبوه
بعد ما وقعوا العقد استأذن محمد
شفيك تناظرني كذا كانك بنية بليلة عرسها
عبدالله ضحك غصب عنه حمـ##
قوم أجل خليني أعرفك للموظفين
عبدالله بابتسامة امتنان شكرا بندر
ناظره على وشو
على كل شي...كل شي من هذيك الليلة
كان يقصد الليلة اللي شافه فيها بسويسرا وتعرفوا على بعض
ربت ع كتفه بندر إنت أخوي والأخوان ما بينهم شكر ومره ثانية أقولك لا تسوي لي فيها أنا الحساس
ههههههههههه مسكت معك
هههههه شكلها
ڵـۈ آهـڊېـڪ زهـۈر آڵـڪـۈن ڪـڵــﮧ ,, حـبـې ڵـڪ مـآ ېـنـۈصـڣ ♥ ♥ ♥
وصلنا تاله ومشينا وبسام ما رضى ينطق بحرف
وأنا أعصابي زاد تلفها
وقف السيارة عند مبنى شكله غريب شوي سوره مرتفع ومافي مباني كثير جنبه
نزل من السيارة وفتح لي الباب
نزلت بضيق قلت له ألف مره أكره شي عندي أكون مثل الأطرش بالزفة
مسك يدي سحبتها
لف ذقني له وناظر عيوني بإصرار وحط يدي بيده وكأنه يقول بلا عناد لأنه اللي براسي بيصير
رصيت ع أسناني وأنا امشي معه مجبره
من يوم ما شافه الحارس فتح لنا البوابة على طول
دخلنا كانت مساحة خضرا كبيرة
ما فيها شي غير الخضار المكان غريب يعني ما في شي جا ببالي ممكن يكون هو
ناظرته باستفسار
كمل مشيه وهو ماسك يدي مشينا مسافة صغيرة وبعدها وقفنا
مساحة كبيرة كلها ورد
مزروع بشكل هندسي على شكل مربع وبالنص كوخ صغير
صغير مره يعني أعتقد ثلاث أمتار في ثلاثة بالكثير
يوم شفت الورد تركت يده
رحت بعالم آخر
نزلت له جلست ع ركبي وأنا اشمه
تنهدت بعمق وأنا ألف عليه
: ما أعتقد إني أعشق شي أكثر من الورد
ابتسم حتى أنا...؟!
ناظرته ولفيت وجهي عنه وأنا أقوم
رجع مسك يدي تعالي بوريك شي
ومشينا بممر مزفلت ضيق بين الورد باتجاه الكوخ
طلع مفتاح من جيبه وفتحه
.....و لاشي !
فاضيه ما فيها إلا جلسة صغيرة
بس المكان آسر خاصة المنظر من الشبابيك الصغيرة اللي تطل ع الورد من كل اتجاه
ناظرته بابتسامة يجنن
بسام بنظرة وهو يتأمل المكان هالمكان جاهز من سنين
لفيت عليه بفضول حقك؟
أومأ براسه اييه
زاد فضولي من متى موجود؟
ناظر عيوني وأنا واقفه مقابله تماما وبيني وبينه مسافة واضحه بالطول
: من يوم ما عرفت إنك تحبين الورد !
ظليت أناظره بصمت
حكاية غريبة مزيج من الغموض ما سألته لأني أدري لو سألته ما بيجاوب
حفظت الدرس زين
بسام يفاجأني وأنا ما علي إلا إني اعبر عن ردة فعلي بدون انتظار أي جواب منه
بس لين متى ؟؟!
الله أعلم!!
حضني من الجنب يللا مشينا
طلعنا منه بصمت
اللحظات ساكنة والورد يتمايل مدري هو يلوح لنا موّدِع أو يرتجف من نسمة هوا بارده هبت علينا كأنها تذكرنا ببرودة حياتنا وصقيعها..!
*
*
*
Nobody is perfect until you fall in love with them
لا أحد كامل في نظرك، حتى تقع في حبه !
[ كلمة تعبيريه فالكمال لله وحده ]
نهاية الجزء الخمسون
آرفيدرتشي لكل من مر من هنا
على أن ألقاكم قريبا بإذن الله
جوري وياسمين..!
بائعة الورد
تحيتي للجميع ولكل قارئ منكم توليب وهل هناك أجمل من التوليب...!
.
مشاء الله تبارك الله لا حول ولا قوة إلا بالله ولا تضره
بسم الله الرحمن الرحيم
الجزء الواحد الخمسون
[ بـَصْــمَـه ]
آثار قدميه
تتجه
.. إلى الأمام
وآثار قدميها تتجه إلى الخلف
وتقصي الآثار يبوح بحكاية فراق
فمن هنا مرّت امرأة
ومن هنا مرّ رجل
ومضى كلاهما في طريق
و .. انكسر شيء
كل ملامح الفرح اللي رسمتها بداخلي}~ اختفت....!
مر آخر اسبوع من رمضان بسرعة البرق ما حسينا فيه
شهر رمضان من أحلى الشهور عندي يمكن مو بس أنا كل المسلمين
أحلى شي لما نروح لمسجد في تورينو ونشوف المسلمين الايطاليين مجتمعين فيه
رجال ونساء حتى الاطفال وكبار السن
بس في هاللحظات أحس إني بنت مسلمه عربية عايشه بايطاليا وأفتخر بهالشي
وحدة الإسلام أقوى من أي وحدة في العالم
بسام خلص أوراق عبدالله وتاله في السفارة وملكوا فيها
بس إلى الآن ما حصل شي على أساس سابع يوم من أيام العيد يصير فرحهم هو فرح وملكة بنفس الوقت
تاله تفكيرها غربي بحت مو معترفه بالملكة من الأساس
تبغا فرح على طول!!
انتبهت على ماما
حطت الصحن قدامي شرايك
أنا بإعجاب وااااااااااو
صحن شوكلاته كبيييير يغلب عليه الذهبي والتركوزا ع الخفيف
مراا شكله حلوو ماما
ابتسمت وهي تحطه ع الطاولة
خالك بشير جابه قال ماحد يلمسه أبدا قبل العيد بس لين إذا تبي تاخذه تحطه بغرفتها بعد حلالها
ابتسمت يا قلبي عليه
صح رجع !
ماما وهي تعدل البراويز وتتأكد من تجهيزات العيد كلها اييه رجع
ونونا..
لفت علي بحذر وبهمس جلست جنبي لو عرف بسام أو لتين مو حلوه
جدتك بألمانيا
عقدت حواجبي بألمانيا!! بس بكره عيد بعدين وش قاعده تسوي بألمانيا
تنهدت وهي تعدل حلقها راحت لرويد ومؤيد
عضيت على شفتي شلون تسوي كذا؟؟
ما أدري تدرين ما حد يقدر يقولها شي
هزيت رجولي بنرفزة والله يا ماما ماحد مخرب رويد إلا جدتي وكل اللي صار بسبب مصاخته والدلع الزايد اللي عايش فيه
اففف ياربي نكد علي فرحة العيد بطاريه
مسحت ع شعري شلون بنخلي بسام ما يحس
ابتسمت بسخريه هه هذا إذا ما كان يعرف قبلي وقبلك بعد..
مآ وحششني لييلة الباآرح سسووآك ،، كنههآ من طوولهآ صآاررت دهرر
تركت الفستان معلق ع الدولاب من برآ ولفيت على فوني اللي رن
أخذته وانسدحت ع السرير
رقم غريب
رديت بعفويه
: تشآآو
سمعت صوت رجال استغربت ورجعت شفت الرقم ورديت
بينفونوتي
: ما اتفقنا نتكلم مع كل ناس بلغتها
شهقت عبدالله!!
: بلحمه وعظمه
عضيت على شفتي وأنا أقوم أقفل باب غرفتي بالمفتاح دخلت الحمام وفتحت المويا
عبدالله باستغراب شقاعده تسوين؟؟
أنا بخوف أخاف بسام يشوفني والله ليزكي فيني
ابتسم ما له دخل خلاص إنتي الحين زوجتي
تاله بحب حياتي إنتا
عبدالله بتوتر تجذبه بجرأتها وعفويتها معاه
ابتسم أُونياني إي سيستا بيني
" كل سنة وأنت بخير "
حفظتها عشان هاللحظة
ضحكت بحب يا قلبي هذي أول جملة ايطاليه تقولها
عبدالله وهو يفتح شباك غرفته اييه حسيت إنه لابد منها مدامي بعيش هنا
إنتي متجهزة عشان بكره
أومأت براسي اييه بكره أكيد بتجي ع الفطور عندنا
مدري أنا لسى ما أعرف شلون عيدكم هنا
أخذت نفس وأنا أتربع ع السرير شوف أنا بفهمك عادة نروح نفطر عند جدتي وبعدين نعيد على خالتي نجد وبالليل نجتمع ببيتنا
بس هالمره جدتي مو موجوده فبيصير الفطور عندنا
آهاا يا حظي أجل بفطر معاك بكره
ههاي والله عشان بسام يخنقني معاك
عبدالله بعصبيه ممكن لا عاد تجيبين سيرة هالآدمي
تاله تراه أخوي هاا
بحده ويعني مو أنا زوجك ؟؟ كل ما قلت لك كلمة قلتي بسام وش بيسوي يعني
تاله اييه كمل شرايك نتضارب بليلة العيد وبكره ما نكلم بعض
عبدالله بنرفزة أنا أدري عنك
تاله بغيض ممكن أسكر الحين
ولع لا مو ممكن
زفرت إلورا وش كنت بتقول
عبدالله وهدأ وبصوت رقيق كنت بقول إني أمس تمنيت نظل سوآ طول الليل نتمشى ونعيش ليلتنا
لعبت بشعرها معليش حياتي كلها أسبوع وأصير لك
ابتسم بخبث مين بيفكك مني وقتها
ضحكت بدلع ولا أحد...
بَآحط قلَبي ., بين آيدينك .,'هدييه .,
سكرت لاب توبي
اليوم الصبح كلمت لتين
يا قلبي عليها تعبانة صحيح راح الوحام تقريبا والغثيان بس جسمها مو متحمل الحمل
قمت أتأكد من أغراض طلال
الثوب، الشماغ، العقال، الجزمة " القارئ بكرامة "، العطر، الكبك
اممم كل شي جاهز
سكرت الدولاب ولبست روب النوم حقي لونه أبيض على سكري اليوم ليلة عيد
وحضرة السيد طلال مو موجود
خاطري أعرف وين راح وما يرد
والأحسن إني ما ألح بالاتصال
دقيت ع ماجد أبارك له
هلا وغلا والله بست الكل
هلا فيك مجوودي كيفك؟؟
الحمدلله بخير إنتي شلونك وشلون طلال
كلنا بخير كل عام وإنت بخير
وإنتي بخير وصحة وسلامة يارب إذا طلال جنبك عطيني ياه أبارك له
سكرت الأنوار وأنا أفتح الأباجورة لا والله مو موجود طلع ولسى ما رجع
آهاا خلاص أنا اتصل عليه خلينا نشوفك بكره
إن شاء الله
قفلت منه حطيت الجوال ع الكمدينة
تثاوبت بنعس وانسدحت ع السرير
فاتحه عيوني بنتظر طلال لين يجي اليوم أول ليلة عيد نقضيها سوآ
تغمضت عيوني ورجعت فتحتها بصعوبة
شفته دخل
فتح قلاب ثوبه وهو يقرب مني
باسني برقة نعسانه..؟
فركت عيوني وأنا أقوم لا
قومني معه تعالي بوريك شي
طلعت معه للصالة
شفت علبة كبيرة موقفها ع السيراميك
ابتسمت وش هذا؟؟
ناظرني بابتسامة افتحيه
حاولت افتحه بس ما فيني حيل مع النعس
فتحه معي
ضميته بحب يا قلبي يا طلال ليش تعبت نفسك
لخبط شعري وهو يبوسني الغالي ما يستاهل إلا غالي
وكل سنة وإنتي طيبة يا عمري
كل سنة وإنت أغلى وأعز إنسان على قلبي الله لا يحرمني منك
همس وهو يقوم آميين
مسك يدي تعالي ننام ورانا قومه بكره
تركت اللاب الجديد ورآي ورحت أقاوم النوم معه...!
مع صباح يوم جديد
البيت كله حركة
ما كنت أتوقع العيد كذا في تورينو
بيتنا أو بيت أهل بسام مليان الكل جايين يعايدون علينا وفي ناس ما أعرفهم
حتى في بعض اللي يتعاملوا مع داما بيانكا جو !
ابتسمت وأنا أشرب كاسة العصير تلوو كلمتي عبدالله
ناظرت حولها وابتسمت بخبث لما تأكدت من عدم وجود بسام اييه أمس كلمني والحين هو برا مع الرجال أخاف بسام يشوفني معاه
تركت العصير وأنا آخذ حبة الشوكلت اللي عطاني ياها راكان ما عليك منه صار زوجك
تنهدت والله أمس كنا راح نتضارب أنا وعبدالله بسبب هالموضوع هو يقول نفس كلامك وأنا خايفه من بسام
ناظرتها بنظرة طبعا راح تخافين اللي ع راسه بطحه إنتي عارفه وش سويتي
بلعت ريقها ويعني إني جدية التوبة تذب ما قبلها
بلمت وفجأة صرت أضحك بقوة
حاولت امسك نفسي تجب مو تذب وين حنا
تاله برجة ابتسمت المهم إنه الفكرة وصلت
ما في المهم يا حبيبي هذا حديث
ضربتني بخفه تعرفي تاكلي هوآآ
هزيت راسي ببراءة لا شلون؟؟
آهاا روحي لراكان يعلمك
راكان اللي صار له خمس دقايق واقف وأنا مو معاه
رص على أسنانه يا لابيلا لو سمحتي تلفونك يدق صار له ساعتين بغرفتك
وإنت وش دراك؟؟
وأنا نازل سمعته
قمت بتكاسل انزين راكان ؟؟
وهو يدخل الأصنصيل معي كوالي؟؟
"ماذا؟؟"
ابتسمت شرايك اليوم نروح نتعشا سوآ
رفع حاجب أنا وإنتي
ضربته ع راسه نو شور كلنا سوآ
ابتسم وش يعني شور؟؟
ضحكت وأنا أطلع من الأصنصيل يعني أكيد بالانجليزي
آهاا اوكيه قولي لداد وما بيرفض لك طلب مع إننا عادة نتعشى في العيد في البيت كلنا مع بعض
هزيت راسي شفت إنت قلت اوكيه تأثرت فيني
ابتسم بحالميه وفي أحد ما تأثر عليه هالفوشيا وأشر علي
قلت بصوت مسموع بساااااااااام
تحول وجهه لرعب خلاص بروح أعوذ بالله منك ما تخلي الواحد ياخذ راحته مع إنه بسام مو هنا
ضحكت وأنا أدخل جناحي
كان الجوال فعلا يدق للحين
استغربت وش هالمكالمة المهمه
أخذت جوالي كان رقم خارجي يعني مو من ايطاليا
يمكن سعـ...
رديت قبل لا أكمل تفكير
آلوو
: لتين لا تقفلي أنا كنت بقولك بسام ما بيرجع لك سوانو إذا ما وافقتي تتركيه وتجين لي
"سليم"
عقدت حواجبي لما ميزت صوته إنت معتوه أصلا
بسخرية مو مصدقتني دقي ع تلفونه بتحصليه بلوكّاتو ومو موجود في بيتكم لأني ايوا سولو اللي أدري وينه
"مقفل, أنا الوحيد"
تذكرت كلمة راكان توه
تقفل الخط
ارتجفت بخوف بسام ماحد يقدر يسوي له شي أكيد يكذب
مسكت بطني بألم قوي اجتاحني
آخر مره شفته تضاربنا بسبب موضوع دراستي
اليوم الصبح بالعيد وطلع وجلسنا كلنا تحت من غير لاحد يحس بشي وبعدها طلع يوم جوو الرجال
رصيت ع نفسي
وقمت بنزل أشوف وينه
محظۈۈظ من هۈــﮱ ڷه آنڛآن يهۈآه ۈمحظۈظ من خڷه يرآعيــﮱ شعۈره ,,
في مجلس بيت خالتي
طلعوا ماهر وسجى يعايدون
وجلست مع وافي شوي وبعدها نروح لأهلي ونرجع ننام عشان زيارات الليل
صراحة ما صدقت !
داليا بجلالة قدرها قاعده تضيفني شوكلت
لا وماسكه الدله بتصب قهوة
ابتسم لي وافي وكأنه يقول شوفي مشاء الله عليها
جاملته بابتسامة وما لحقت أكمل ابتسامتي إلا وصرخت
كبت القهوة عليّ بالغلط
قلت بقهر انحرقت التنورة!!
وافي وهو يمسح رجولي بالمنديل ناظرها جيبي ثلج بسرعه
حزنت عليها واضح إنها بالخطأ انكبت مو قاصده
أخذ منها الثلج وهو يحطه ع رجولي
معليش حبيبتي استحمليه شوي
مسحت الدمعتين اللي نزلوا لأنه الفنجان صغير وما انكب كثير
ناظرني بحنان راح الألم
برمت شفايفي الحين بتتشوه فخوذي
ابتسم وناظر داليا لا تخافين دلوو ما صار شي
داليا شوي وتبكي آسفة جوجو ما قصدي والله
والله العظيم ما قصدي اكبها عليك
ناظرتها بطرف عيني لا حبيبتي ما صار شي عادي
همس بإذني وافي
: حتى لو تشوهتِ بعيوني أحلى إنسانة
توردت خدودي وأنا أنزل التنورة
ناظرت داليا اللي جالسه بصمت وتأنيب ضمير
ابتسمت دلوووي حبيبتي عادي والله ما انحرقت كثير شوفيني لو انحرقت كان شفتي جمانة الأصلية
وفتحت عيوني على وسعها
داليا ووافي هههههههههههههه
رفع يده الحمدلله أجل إنك ما انحرقتي
صغرت عيوني
ابتسم ورمى لي بوسه وهو يقوم أنا بطلع أعيد مع أبوي وأدق عليك عشان نروح لأهلك اتفقنا
هزيت راسي اييه اتفقنا هربت يا خوااف
داليا تضحك واااافي تخاف من جمانة!!
وافي بإنكار أناا
رفعت حاجب لا جدتي
ضحك وهو يخرج أنا أخاف بس أخاف على نفسي صراحة وغمز لي
ابتسمت لداليا ببراءة أصرفها أنا بطلع ارتاح شرايك تجين معنا الليلة عند جدتي
نقزت بفرحه جد؟!!
أومأت براسي اييه إذا هذا يسعدك ويسعد أخوك..!
.
يتبع
كل شي فيني يبكي من سبايب غيابك..،
دخل ع البيت بوجوم
ناظر الجالسين وهو واقف بمكانه وينها لتين؟؟!!
تاله كانت هنا من نص ساعه دق جوالها وطلعت تكلم
جيهان تزفر تعال اجلس بسام ما شفناك اليوم
طنشها بطلع أشوف زوجتي
راكان يضحك مع تاله
ماحد مسكتها إلا هو
دخل الجناح وترك الباب مفتوح معصب اليوم أخلاقه مزفته
من بداية الصبح اختلقت له مشكلة والحين ...
عقد حواجبه يوم ما لاقها
السرير فاضي
انصدم بشي أحمر ع الأرض
بعد اللحاف بقوة
لونه اختفى مع الدم!
دم المكان كله دم وبتلقائية توجه للحمام
شافها جالسه ع الأرض ماسكه بطنها ودموعها ع خدودها تسيل واضح إنه الألم مقطعها وآكل أحشاءها
عضت على شفايفها وهي تمسح الدم اللي بيدها بلبسها وبضعف
يوم شافته بسـ...ـاااام
راح لها بسرعه بخوف لتين حبيبتي شصار وش هذا؟؟ ليه كذا ؟؟
ارتخى راسها ع صدره وغرق بدمها
لتين وهي تقاوم الإغماء همست وهي تشد عليه بكل ضعفها
رويد رويـــــــــــــد
بعدها عنه بخوف وصوته علا لتيييين قومـــي
تركها بالأرض وراح للتلفون بسرعه دق ع أمه
خلال ثواني كانت فوق هي وبدر ولين والبقية تكفلوا يكلموا الإسعاف
تاله تبكي وهي تشهق ليش كل هالدم إلورا
لين تسكتها مو وقت أسألتك تلوو
دخل عبدالله وهو يجري
كان بسام مغطيها بشرشف السرير وعلى دخلته دخلوا الإسعاف حطوها ع الحمالة بسرعة وبدوا يوقفون النزيف
عبدالله والخوف بعيونه ناظرهم بعصبيه كم صار لها تنزف ماحد داري عنها
بسام مو ناقص أحد بعد عنه وراح معها
بندر بربكة عبدالله إن شاء الله ما بيصير إلا الخير هدي أعصابك
صرخ بوجهه شلون أهدي أعصابي وإنت شايف كمية الدم اللي بالحمام وإلا لا
لأول مره أشوف أمي تبكي بهالشكل حتى بابا كان يضمها وواضح إنه متأثر لدرجة إني شفت الدموع بعينه
الجو انقلب فوق تحت
خالتي نجد مو فيه وبندر راح يجيبها ع المستشفى
ناظرت تاله شوفي عبدالله أنا بطلع آشوف ميرا وراكان
البغض جثة راقدة فمن منكم يريد أن يكون قبرا؟؟
دخلوها على غرفة العمليات على طول
بسام واقف على أعصابه عند الباب
نجد وهي تمسح دموعها وتدعي بقلب يا رب تقومها بالسلامة
طلعت الممرضة
وراحت لبسام على طول
Mr. Bassam Purtroppo il medico non era in grado di cercare il consenso del paziente pulisce te in questo momento
" السيد بسام لسوء الحظ لم يتمكن الطبيب من الحصول على موافقتك هو يقوم الآن بإجراء عملية تنظيف للمريضة "
نجد بصدمة تنظيف؟! يعني راح البيبي
ناظرها بسام بنظرة أهم شي تقوم هي بالسلامة
أومأ للمرضة إلورا غراتسيا
ابتسمت باطمئنان وراحت
تسند ع الجدار بتفكير
بندر همس له بسام وقف تفكر بيجيك شي لا سمح الله
لف عليه وعدل وقفته بندر رجاء لاحد يتدخل أنا من بعد اليوم بتصرف حسب ما عقلي يقولي لاني سائل لا بقرابة ولا بدم
وطلع من المستشفى وهو يطلع جواله
بندر يناظر أمه الله يستر
ستحبني , ؟سأحبك بالتأكيد ..,
قدم لها بوكيه الورد وباسها ع جبينها وبرقة
كل سنة وإنتي بخير يا رب وإن شاءالله العيد الجاي نكون سوآ
ابتسمت بحيا إن شاء الله
عدل جلسته ويديني بين يدينه شد عليها إنت تستحين دايما وإلا بس معاي
ارتبكت
لأني استحي منه وبنفس الوقت ما بعد أتعود عليه كثير
وبأسى ابتسمت عبدالرحمن؟؟
ناظرني عيوني لك آمري
أخذت نفس بتوتر تتوقع إنك راح تحبني مع الأيام
عقد حواجبه مستغرب السؤال
وبعدها لمحت شبه ابتسامة ع شفايفه
رفع حاجب وهو يحط عيونه بعيوني
نزلت عيوني بربكة زادت
رفع ذقني ورجع ركز عيونه عليّ
: أنا بدأت أحبك من أول مره شفتك فيها
تنفست براحة
مسح ع شعري وهو يحضني وهمس لا تخافين يارا أنا بكون لك الزوج والأخ والأب وما بسأل عن سبب السؤال اللي سألتيه
بعدني عنه وناظرني بدقة لأن الرجال يعرف يميز البنت النظيفة عن غيرها
حسيت قلبي بيطلع من مكانه إحساس غريب ما قد حسيت فيه يوم كنت أحب خالد
وبصدق حطيت راسي ع صدره
حضني بحنان
من اليوم حسيت إنه عبدالرحمن شي [ جميل ] بحياتي..!
تفضّل آقرآ في عينيّ ملآمح حِلمْ { مِ تْ حَ طّ مْ
بصوت حاد اسمعني زين اليوم يوصلني الجواز بأي طريقه كانت حتى لو تدخل عليه
بوسط بيته
قفل الجوال وحطه بجيبه
دخل المستشفى
كانت أمه وأبوه ونجد وبندر وعبدالله موجودين عند لتين اللي طلعوها من غرفة العمليات
ما دخل عليهم راح على غرفة الدكتور على طول
طلب منه يطلب منهم يخرجوا من عندها وما يبقى عندها أحد
وفعلا بعد ربع ساعة شافهم خارجين
طلع الأصنصيل كاره نفسه
مو حاب يشوف أي أحد
دخل عندها
كانت نايمه بالأصح مغمضه عيونها
تكتف وهو يتأملها بصمت
كان سارح بتفكيره بعمق
انتبه عليها فتحت عيونها بتعب
كان وجهها مايل للصفرة شفايفها بيضه
نزل لها وباس راسها ومسح عليه
: شلونك الحين؟
حطت يدها ع بطنها وعيونها بثواني غلفتها الدموع
وبصوت خافت
: ربي عاقبني وأخذه لأني كنت أقول ما ابيه
بسام بابتسامة يطمنها معليش حبيبتي خيره إن شاء الله ربي يعوضنا
حاولت تمسح دموعها وهي تبكي بقهر أنا السبب إنه راح أنا ما حافظت عليه
جلس ع السرير جنبها وضمها لصدره اششش خلاص انسي اللي صار هذا اللي ربي كاتبه
بعدت عنه وعيونها تلمع يعني إنت ما كنت تبي الولد
بسام باستغراب إلا بس ربي ما كتب له يعيش
رجعت تسأل باستفسار بس ما أشوفك تأثرت
غمض عيونه ورجع فتحها شد على يدينها اسمعيني لتين
في أشياء كثير تصير بحياتنا لازم نسايرها وما نضعف ونوقف عندها وإلا بننتهي قبل نهاية هالدنيا
يعني قولي لي الحين لو قعدتي تصيحين ليل نهار بيرجع البيبي خلاص ربي ما كتب له يعيش يمكن كذا أحسن لك عـ....
قاطعته وهي تسحب يدينها اييه كمل احسن لي لأني كنت أقولك ما أبيه أنا كنت أدري أصلا إنك كذا بتفكر أنا أستاهل لأني كنت بنزله ونزل من نفسه الحين بـ...
حوط وجهها بكفوفه لتين خلاص
بعدته وهي تبكي وبصوت مسموع قول عادي قول اللي تبي تقوله أنا ما عاد يهمني أصلـ...
ثبتها بيدبنه وبحده لتيــــــن لتيـــــــــــن
هدأت ونفسها يعلا وينزل بضعف
أشر لها بيده خلاص قلنا ننسى هالموضوع تماما ما ابيك ترجعين البيت وإنت تفكرين فيه
نزلت راسها وطاحت دمعه مسحتها بوهن ورويد؟؟
شد ع قبضة يده قلنا ننسى الموضوع تماما
بلعت ريقها اوكيه أنا لي طلب عندك
ارتخت ملامحه وهو يناظرها وبهمس
: إنتي ما تطلبين يا نانا إنتي تآمرين آمر
عقدت حواجبها وهي مستعده للرفض والعناد بخرج الحين من المستشفى
وقف لك اللي تبيه بروح أكتب لك خروج وأرجع
طلع من عندها على طول
تأملت الغرفة المليانة بالبياض
تنفست بصعوبة وهي تغطي عيونها بيدينها
الله لا يسامحك يا عمي
لين ما أموت بظل متذكرة إنك السبب في كل شي قاعد يصير لي الحين..!
دائما يرحل من حياتناُ من كان يستحق لهُ أن يبقىُ
شبر الصالة رايح جاي
دخل بندر وبصوت مسموع
: كلمت بسام يقول هو جاي الحين ومعه لتين
يلدا بصدمة شلون؟؟
نجد بضيق شلون يسوي كذا مو عارف إنها توها مجهضة لازم ترتاح راحة تامة
بندر يناظر عبدالله وبدر الساكتين
يقول إنها هي طلبت تخرج ووقع على مسؤوليته مع إنه الدكتور رفض
تنهدت نجد لا حول ولا قوة إلا بالله أنا بس لو أعرف وش اللي صار لها حتى يصير اللي صار
راكان بعد صمت كان جوالها يدق ولما طلعت أنا كنت معها وبعدين تركتها ما كان فيها شي كانت تضحك بعد
عبدالله بتلقائية كان جوالها يدق قبل لا تدخل غرفتها
تاله اييه صح كان يدق كثير عشان كذا طلعت تشوفه
وقف بسرعه بطلع أشوفه
طلع ع الجناح مع تاله
كانوا الخدم نظفوه ومسحوا آثار الدم منه
عبدالله بعبوس فتح الشبابيك
: ريحة الدم فايحه !
تاله بقول للخدامة تمسحه بمعطر ما ينفع تكون لتين هنا إذا ظلت هالريحه
عبدالله وهو يدور ع الجوال أجل بسرعه قبل لا توصل
طلعت من قدامه
شاف الجوال ع الكمدينة وعليه دم شكله طاح من يدها وكانت تتصل فيه
دور بالأرقام ما في أي اسم بس رقم غريب
دخلت تاله هاا؟؟ وش شفت؟
عقد حواجبه زيادة رقم غريب خارجي ومو من السعودية ومقفل بعد
زفرت خلينا نعطيه لبسام إذا رجع
حك خده باستغراب ما بيكون شي صغير اللي خلاها تجهض بس وش تتوقعين يكون؟
هزت كتوفها ما أدري بس ماما تقول هي توها تدخل الرابع والحامل بالشهور الأولى أي خبر سيء يأثر عليها على طول
حضن كتوفها وهم طالعين ترجع ونسألها
♥ ~
رّبْي أسألكْ بِتَحقيقْ حَلمْ طآلَ انتظآرهَ
جوفريز كوفي// 9:00
ابتسم وهو ينزل الكوب ع الطاولة عندي خبر
ضمت يدينها لصدرها شوو؟
احمم بعد سنة بالضبط بإذن الله يكون زواجنا
وديم بابتسامة خذ راحتك حبيبي مو مستعجلة
رفع حاجب بس أنا مستعجل
اخفت ابتسامتها بحيا بالعجلة الندامة
ماجد بضحكة لا هذي متأكد ما فيها ندامة
ضمت يدينه بكفوفها متى ما كان الله يسعدنا فيه إن شاء الله
: آميين
دق جواله
طلعه أكيد أحد بيعايد كالعادة
لا والله هذا بسام ..
عدلت جلستي شوفه أكيد شي مهم
أومأ براسه أكيد لأنه عايدني أمس الليل
رد عليه بترحيب
مرحبا مليون بالغالي ..
:.............................
الله يحييك
:.............................
شفت ملامحه تغيرت وباهتمام
أكيد أقدر أعرف أخويائي للحين هناك لا تشيل هم إنت
:.............................
اوكيه آبشر ......... لا تقول ما بيننا كلافة
في أمان الله
قفل الجوال وطالعني لازم نلحق عزيمة أهل طلال
أخذت نقابي والشنطة وش عنده بسام ؟
زفر والله شكله عنده مشكلة يبي معلومات واحد ع رحلة لألمانيا
آهاا الله يكون بعونه
مدت يدها يللا نمشي
باسها بحب نمشي ليه لا..،،
تعال وشيلني منّي تَعبت امشيك وامشي لك
تعال وهدهد أشواقي وخذني عَتّم ظلالك
ذبلت ومابقى فيني سوى همسات شوقي لك
ابغفى دامها ملّت تنادي جيّة وصالك
حضنتني ماما وصارت تبكي
وخالتي يلدا أكثر
الكل متأثرين لأنهم فقدوا حفيد العائلة الجديد
الغصة خانقتني ألوم نفسي ع اللي صار
انسحبت بتعب مسندني بسام وعبدالله وبندر معهم
لفيت على أمي ماما لا تعبين نفسك أنا برتاح بغرفتي إذا تبين ارجعي البيت
هزت راسها إنتي ارتاحي ولا تفكرين بشي
بسام أشر لعبدالله وبندر شوي
رفعني بين يدينه ارتخيت بضعف وراحة
بندر بابتسامة الحمدلله ع السلامة يا توتا
ما قدرت أرد لو تكلمت بحرف واحد بصيح
أومأ براسه لبسام وهمس إلورا طلعها
طلعني لفوق
سدحني ع السرير غطاني زين
سكر المكيف وفتح الستاير لأن الشبابيك مفتوحه
جاب بطانيه ثانيه وغطاني فيها
وجا بيطلع
ناديته
لف علي بتساؤل
غرقت عيوني لا تروح
قرب لعندي وجلس جنبي ع السرير
فصخ جزمته وتربع قريب مني
مسح ع راسي لتين حبيبتي إنتي خايفه من شي؟
ارخيت راسي ع المخده وحطيت يدي ع كفه
غصب عني نزلت دمعه وحيده ع خدي حرقتني من الداخل
: آخاف أفقدك
ما سمحت لنفسي أشوفه
بس حسيت فيه يوم اتكى جنبي وحضني
تشبثت فيه
هو طعم الأمان والراحة
واليوم بس حسيت إني راح أفقد هالحاسة للأبد ..،
*
*
*
Good friends are like stars you don't always see them, but you know they are Always
There
الأصدقاء الحقيقيون كالنجوم، لاتراها دوما؛ لكنك تعلم أنها موجودة في السماء
نهاية الجزء الواحد الخمسون
.
من هذا البارت بدت الأحداث تظهر بالتسلسل لأنه الرواية في عدها التنازلي للنهاية
أسعدني حبكم لها ورفض البعض إنهاءها لكن لكل قلم نقطة ينهي بها ما بدأ به
..
أسأل الله لي ولكم حسن الخاتمه
القاكم السبت بإذن الله
تحياتي
بائعة الورد
مشاء الله تبارك الله ولا حول ولا قوة إلا بالله ولا تضره
بسم الله الرحمن الرحيم
الجزء الواحد الخمسون
[ عِــيــدْ ]
..منذ أسابيع
مر العيد من أمامي..
حدّق في وجهي طويلاً ، ولم يعرفني
وحدّقت في وجهه طويلاً .. ولم أشعر به..
كلانا وقف فاقداً ومفتقداً الآخر
وبعد أن ابتعد..
أخبروني أن العيد كان هنا
عُذراً أيها العيد..!
لم يكن حزني يسمح لي برؤيتك...
انَا عُمرَي بقَايا شًمع 'احَرقنيُ الاسْى والدَمع، اذا ماُفيكَ ترحمَنْي,
احَرق مابقْى منَي..!
حاسه بنشاط اضافي اليوم
نزلت الدرج بهدوء
كملت اسبوعين بعد العملية
الكل كان مشغول فيها وقدرت اتناسى جرحي ولو بعضه،،
ما كان على طاولة الفطور غير لين وتاله بلبسها تفطر بتخرج بعدها
بعدت لي الخادمة الكرسي باستغراب بونجور نو سنيورا
أومأت براسي وأنا اجلس بنجور نو
عيونهم عليّ
وحده تقول إنتي وش نزلك والثانية خايفه من وجود بسام والمشاداة اللي رح تحصل لو شافني
رفعت حاجب وأنا احط الجبنة على قطعة خبز الشيباتا خيير حرام الواحد يفطر يعني
لين بإحراج وهي تاخذ كوبها لا، بس يعني مو تعب عليك كان قلتي لنا نطلع لك الفطور
عضيت من ساندوتشي مابي زهقت وأنا جالسه ع السرير
ناظرت تاله إنتي رايحه الدور
هزت راسها بحماس اييه بما إنك مو تعبانة تقدرين تحضرين الشوو بكره
ابتسمت إن شاء الله شرايكم نطلع اليوم
لين تركت الشوكة لا إنتي من جد ناويه نكد اليوم لتين
عبست بوجهي وليه إن شاء الله عشان بسام ماله دخل فيني بطق لو جلست أكثر بعدين الحمدلله ما فيني شي وبنظرة إذا جلستي بالسرير بترجع لي البيبي بجلس لين أعفن فيه بس مو كل كلام الدكاترة صحيح
تاله تتنهد عنيدة
مديت بوزي وأخوك أعند وما يمشي إلا كذا
تاله ما ينشره عليكم عيال خالات
قلبت الجملة براسي أول مره أفكر إنه حنا عيال خالات مو راكبه الفكرة أبد
ضحكت لين أجل خلينا نسوي مخطط لليلة
لتين بشيطنة تركت الخبزة من يدها شوفوا أنا بقولكم شرايكم نروح نتغدا برا هذا أول شي وبعدين نروح نتزلج
لين وتاله مره وحده هاااااا..!!!
لين بعصبيه أنا اللي بكفخك اليوم من جدك إنتي صاحيه توك قبل اسبوعين مسويه عملية واليوم بتتزلجين تدرين طيحه وحده وش تسوي فيك ؟؟
تاله تكمل بفلسفة بعدين نسيتي إنه زواجي نهاية هالاسبوع والا عاجبك إنه زوجك أجله بتأجليه للأبد إنتي
: اوووفففف
ابتسمت لين فديت الاوووف والله منك غير شكل
تاله بخبث وأنا أقول بسام ليه يحب يعاند وينرفز آثاريه بيشوف هالشفايف وهي تتأفف
شديت على اسناني بإحراج تاله والله لو ما سكتي لأدهنك بالتشيييز أخلي نونا تطردك اليوم
وقفت على طول وهي تسحب شنطتها نسيت نفسي باقي ربع ساعة وتبدا البروفا ياويلي..
وهي طالعه خبروني وش بيصير بكون معكم
تنهدت وأنا اترك الأكل انسدت نفسي أجل وين تبينا نروح
لين بهدوء عندي اقتراح حلو شرايك بما إنه زواج تاله هالأربعاء نروح مشغل منه تغيرين شكلك إذا حابه ومنه جلسة مساج كامله عشان أعصابك ترتاح كفاية اللي صار
قلت وأنا أفكر بصوت عالي إذا غيرت شكلي بسام راح ينتبه وأنا بتحاشاه
لين بتعقيدة وبعدين يعني لين متى؟ ليه تتحاشيه مو هو زوجك؟؟
سندت ظهري ع الكرسي لين اللي بيني وبين أخوك أكبر من إنه نتكلم فيه ببساطة وكأنه مشكلة عاديه
رفعت حاجب انزين اجلسي معاه وافهمي منه
ضحكت بسخرية افهم منه ليه هو ينفهم بس دخيلك لا تزيدين الجرح جرحين
بلعت غصتي وأنا احط يدي ع خدي الحين بسام أجل زواج تاله وعبدالله عشان اختباره
حسيت فيها ارتبكت اييه
ناظرتها لمدة وبعدين قلت إلورا بروح معكم ع الـ باربير
ابتسمت ع الصالون؟!
دايما انسى وأقول كلمات انجليزية وهم مو لهالدرجة بالانجليزي
الايطاليه متقنينها مع انه الايطالي كثير منه يعتمد ع الانجليزي والكلمات فيها تغيير بسيط
بس ناس طول عمرها عاشت بايطاليا وش بيعلمها غير لغتها...!
• أنَـإا أدريَ عنيّ تنشَغلــِﮯ وَ ... [ فيَنــِﮯ ] يَنشغـلُ فـكرگ ♥
ناظره بتساؤل وين أوديه هذا؟؟
بمكتب المهندس الجديد
لف بيروح ورجع أي مهندس جديد؟!!
بزهق ياخي المهندس الكابتن صار له فتره هنا للحين ما عرفته
عقد حواجبه يتذكر لاااا تقول اللي رافع خشمه للسما كأنه ما في مهندس كابتن غيره
ابتسم شبه ابتسامة ما غيره روح عطيه ياه والله يعينك لأنك تأخرت
أخذ الملف وطلع لمكتبه في الدور الثاني من مبنى الشركة
يزين الباب ع اليسار لوحة معدنية منقوش عليها
E.C.Talal Al-fahad
اختصار engineer, captain
كشر بوجهه يا حبه للفشخره
دق الباب
كان قاعد ينتظر الملف من نص ساعة وصار له يومين متأخر حده معصب ومطرطع والموظف اللي راح يدخل بيندم ع اليوم اللي انولد فيه
على دقة الباب
دق الجوال طنشه لكن لفت انتباهه الاسم
خفت عصبيته شوي وارتخت أعصابه
أخذت نفس جا موعد دوآي رديت برقة
جاني صوتها أنعم من الحرير حبيبي لا تتأخر اليوم أدري إنك مشغول بس مسويه لك أكله تحبها
ابتسمت بحنو والباب رجع يندق مره ثانية خليه ينقع عشان يتعلم شلون يتأخر مره ثانية
: عيوني لك حبيبتي ماني متأخر
بان بصوتها الفرحه اوكيه باي
قفلت منها وقلت بصوت جهوري تفضل
دخل بوجوم مهندس طلال هذا الملف اللي طلبته
رفعت حاجب خله ع المكتب وياليت ما تتأخر مره ثانية يا تركي
أومأ براسه آبشر طال عمرك
فجأة رفع راسه وابتسم يعطيك العافيه
رد الابتسامة باستغراب الله يعافيك
: تقدر تتفضل
خرج من عنده بانفصام بالشخصية آثاريه طيب والله أجل ليه يسوي فيها إني واثق ولحد يكلمني
زفر بقلعته ما علي فيه أهم شي شغلي وما أتأخر عليه ما بيقدر يمسك علي شي وقتها..
عن آلكلآم آلشين يآ زين آلسكآت
.......... نآس ِمآ توصل مسـتوآهآ خلـّهآ
قفلت جوالي ورميته بالشنطة خبرتني لين إنهم بيروحون المشغل
مكاني المفضل بعد غرفتي!
شفتها تناظرني ورآها شي
طنشتها وأنا أٌقوم أعدل فستاني قدام المرايا
ابتسمت لي مارينا مولتو بيلّو
" جميلة جدا "
رديت لها الابتسامة بحب غراتسيا
فجأة وقفت وجات عندي تاله..؟
وأنا أعدل الفستان ما ناظرتها وشو؟؟
كأني سمعت إنه لتين بتطلع معكم اليوم
لفيت عليها بغيض مو شغلك وما لك دخل وما يخصك الموضوع خليك بعيده يكون أحسن
تخصرت بدلع أجل لو بسام عرف عادي
عقدت حواجبي بقهر جيهان خليك بعيده قلت لك والا والله بتقلب الطاولة عليك لتين لسى ما عرفتيها شكلك
عضت على شفايفها ماميتوو خفت تصدقين
حقرتها وأنا امشي تآفهه وعمرك ما تكبرين عقلك أصغر من النملة
طلعت ع الستيج دوري وأنا مقهورة لدرجة إني كنت بطيح على وجهي لو ما البنات ساعدوني
الله يقلعها بس تشوف والله لأحرض لتين عليها
لمحت جدتي تأشر لي وكأنها تقول ريلاكس بهدووووء
أخذت نفس وخرجت...
هُناكَ ٲشَخاص يَحتاجُهم عقلُك وَ هُناكَ ٲشَخاص يَحتاجهُم قلبُك' وَ هُناكَ مَن تَحتاجهُم ,لأنَك بِ بساطة تُصبح بدونهم َبِلآ عِنوان !
تحَتاجُهم لِ تِفاصيلَ ( صغيرةَ ) لآ تسَتطيعُ أن تَقولها لكُل ٲحد ' وَ لأنه ليَس كُل شخص سَوفَ يُصغي إليك وَ يستَمع لِ تَفاصيلُكَ الصَغيرة
هي أشياء ِصَغيرة ' هي أشَياء لآ تُشتَرىَ ! ♥
طلعت من الحمام دموعي على خدي نشفت نفسي ولبست ملابسي
أحس بضيقة
هاجس خالد ملاحقني
أنا ما عدت أحبه
بس في شي بداخلي يألمني لأنه جا وطلبني بعدها
يعني صعب تكسر بخاطر إنسان كان يعني لك شي في يوم من الأيام
على طول خاطري أكون جنب عبدالرحمن
أول مره أشوف عروسة تتمنى تغمض وتفتح تلاقي نفسها بيوم زواجها
جلست ع السرير بغبن
ضميت رجولي لبعض ونزلت راسي لحضني
بكيت بقهر
من ايش.. ما أعرف كل اللي أعرفه إني ودي أكون معاه
هو الوحيد اللي انسى العالم بوجوده
بأبسط الأشياء ينسيني يارا العاديه
أكون إنسانة ثانية معاه
شديت ع راسي بنحيب
وبضعف دقيت عليه
حاولت أخذ نفس وأخلي صوتي عادي
جاني صوته الحنون
: يا مرحبا والله نور تلفوني
بلعت غصتي عبدالرحمن!
باستغراب يارا!! فيك شي
نزلت دموعي حاره عبدالرحمن أنا متضايقه
ووضح بصوته الخوف ليش حبيبتي شفيك؟؟ أحد قالك شي ؟!
مسحت دموعي لا بس معليش تجي اليوم بشوفك
قامت الشياطين تلعب براسي ليكون مغصوبة عليّ البنت وبتقول إنها رافضتني
قلت بتلقائية اوكيه قفلي وبعد خمس دقايق افتحي باب بيتكم
سكرت منه
حتى مالي خلق أقوم أغير
أمي لو عرفت إنه عبدالرحمن جاي بتزعل ما بقى على عرسنا شي والمفروض ما يشوفني
بس ما يهمني بشتري راحتي أول..!
لَنْ يَكون مِن السَهل عِبور حُدود قَلبي
أُريد أَن أَحفَظ مَا تَبقى لِي مِن صَفاء ونَقاء
لَن أَسمح لَهم تَشويه المَساحات الرائِعة بِداخلي
وإِفساد المَساحات المُؤثثة بالجَمال
... فَهم لا يَستَحقون مَكانَاً في صَميم القَلب
سأُزيَن حَياتي بالأَمل وأَبدَأُ مِن جَديد.!
سبقتني لين للسيارة
لفيت ودخلت غرفة راكان
راكان حبيبي
رفع راسه عن المكتب وفتح الدرج دخله فيه وقفله بسرعه
رفعت حاجب لصالحي وش هذا اللي حطيته بالدرج
بلع ريقه بتقولين لبسام؟؟
ابتسمت نو بشرط
ناظرني بتفكير وشو؟؟
تحمحمت إنت تدري ولا تقول لا بسام ليه أجل زواج تاله وعبدالله
سكت شوي وقام ما أعرف
لفيت أجل بقول لبسام
ناداني وهو ينسدح ع السرير إلورا بقول
لأنه ياسمين بتجي تسجل أخوها وكان بيعزمهم لكن أجلها لبكره لأنه مدري وش كان عندها
فتحت فمي بذهول مو معقولة بسام مأجل زواج أخوي عشان الحيـ### حقته
شديت ع الشنطة اللي ع كتفي وأنا أغير الموضوع اوكيه وش كنت مخبي؟
قام فتح الدرج وطلع البوم صور
ويوم طلعه دخلت خالتي يلدا بشهقة راكـــــــــان !
ارتبك مام كنت قاعد اتفرج عليه ما وريته لتين والله
خالتي يلدا تاخذه بتوعد لفت علي بابتسامة لتين حبيبتي لا تتأخري بيرجع بسام وبتصير حوسه
ميلت فمي بقوايه ما عليّ منه خلي يجي ويسوي اللي يسويه
أول مره أرد عليها كذا وطلعت وتركتها مصدومة
أحسن لين متى بظل اسكت وبعدين وش فيه الآلبوم حتى ما توريني ياه
وبسام حسابه عندي بيشوف المعاملة زين
طلعت للسيارة بعدت الخادمة ركبت وانا اسكر الباب بعصبية
لين سكنهم مساكنهم توك وش حلوك لا تقولين شفتي بسام
قلت بغيض لين رجاءًا فكينا من هالسيرة مو طايقته من جد
تنهدت إلورا ع راحتك
لآ صآر نآيم وش ليّ بآلسسهر , !.. آصلآ أنآ سهرآن لخآطر ...عيووونه . . ♥♥
اليوم ما رجعت من الدوام إلا العصر تغديت ورجعت رحت المغرب وهذي الساعة 12 توني داخل البيت
الكل نايم والبيت هاجد
غمضت عيوني وأنا افتح باب الجناح بالمفتاح دعيت بداخلي تكون جمانة صاحية
اليوم كله ما مداني اجلس معها
لها وحشة والله
فتحت الباب
دخلت غرفتنا
المكيف عالي
الغرفة باردة والظلام يلفها
الشموع مطفيه باستسلام بس فيه كم وحده لا زالت تقاوم
قربت للسرير بأمل شفتها نايمه بالعرض
تحبطت واضح إنها كانت تستناني
جيت بغطيها قميصها مكشوف
لقيت حل أحسن
بدلت ثيابي ببيجامة وحطيت راسي جنبها
غطيتها بحضني يمكن هالغطا أدفى...!
تركت لتين وتاله بغرفة المساج وقعدت اتفرج ع الكاتلوج
شعري لتحت إذني لونه بني بندقي هذا لونه الطبيعي فكرت أغمقه شوي وأقصقص أطرافه ما فيني أقصه أكثر من كذا بيقصر كثير وما يمديني أسوي فيه شي لزواج تاله
على طاري الزواج دق تلفوني هذا بندر مسكين هو اللي متعبل بهالزواج عبدالله معتمد عليه بما إنه ما يعرف شي بايطاليا
رديت بترحيب تشآآو
: تشآآو لين كومي ستاي؟؟
الحمدلله تمام موروتو؟؟
" وإنت؟؟"
ابتسم الحمدلله إلا كنت بسألك لين وش لونها مسكة إختك المصون
استغربت ليه ما كلمها يمكن بيفاجأها بشي امم لونها بين الوردي والخربزي
آهاا وكأنه يكلم أحد بين الوردي والخربزي تقول
بندر إنت تكلم أحد
تنهد اييه عبدلله وملزم عليّ ما أكلم تاله حتى زواجه ما بيخليني أحضره
انصدمت جــــد!
ابتسم اييه والله أنا الوحيد اللي أغطي بعدين بيني وبينك أنا عندي سفر قبل بيوم عشان فرعنا بالخبر الجديد
فرحت له بندر طيب ويستاهل كل خير ع البركة والله بس خسارتك تاله بتزعل لو عرفت
ضحك قولي لها عبدالله قال بتخاف على زعله وبتنسى الزعل
لا جد بندر ما بتجي جدتي عرفت
رخى صوته اييه بعدين ما لها وجه تقول شي بعد ما راحت ألمانيا
استوعبت كلامه وضحكت
جاتني الموظفة تقولي إنه دوري جا
: بندر معليش أنا بالمشغل مع البنات بعدين أرجع أكلمك
ابتسم إلورا انتبهي ع نفسك وقولي لتاله لا تغير بشكلها شي لا يلعن مجاديفها عبوود
ضحكت عليه قول له آبشر
قفلت منه وأنا أروح معها
تنهدت وأنا اجلس ع الكرسي إن شاء الله تمشي الأمور تمام وما يخرب على فرحتها شي..
أنا لك ماني لغيرك ♥ "
أول ما شافني ترك الكيس اللي بيده
ووقف قدامي
عبدالرحمن كنت بقـ...
قاطعني انتظري قبل لا تقولين أنا بقولك
حسيت فيه شي كأنه متوتر
هزيت راسي اسمعه
ناظرني وبعيونه انكسار إنتِ حد غاصبك عليّ.....؟
تفاجأت من سؤاله
ناظرته بصدمة الحين أنا جايه أقولك أبيك ولا تتركني وتروح لأنه ما لي غيرك إذا ضقت
تجي تسألني هالسؤال
تنح وهو يناظرني وفجأة حضني بقوة
قال وصوته واضحه فيه الربكة
: تدرين إنك طيحتي قلبي قطعت كل الإشارات عشان اسمع هالكلام بعد ما كنت خايف تقولين ما ابيك
ضحكت وأنا اضمه أكثر مستحييل
تركته وأنا اناظر عيونه مستحيل أتخلى عن راحتي
ابتسم وهو ينفخ صدره انزين سوي الشرط بسرعه عشان اعطيك العلبة ترا أنا تحمست مو بس انتي
وأخذ الكيس بيده
رفعت حاجب يا هالكبرياء اللي مقطعكم يالعيال يعني ما تقدر تنهي هالتحدي وتعطيني ياها من غير شروط
ميل فمه لا
مسحت العرق الوهمي عن جبيني ورفعت نفسي ع اطراف اصابعي
نزل نفسه شوي
ولأني قصيرة ع قولة جمون ما قدرت أوصل لخده
سحبته لعندي لين نزل بمستواي وهو يضحك
بسته وأنا مغمضه عيوني بسرعه وبعدت
ضحك علي وهو يمسك خده ما بغسل وجهي عشان ما تروح
ههههههه بعطيك غيرها
وكأنه عجبته السالفة أجل سوي لي طريق للحمام خليني أتوضا
ضحكت من قلبي وكأنه الضيقة اللي فيني تلاشت بثواني معاه
ابتسم عسى الله لا يحرمني من هالضحكة
شبكت اصابعي بحيا انزين وريني وش فيها العلبة
جلس وجلسني معاه طلعها من الكيس
حطها قدامي
مستعدة؟؟
أومأت بحماس اييه
1،2،3..
.
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!