الفصل الثالث

رواية قهوة سادة الجزء الثالث 3 بقلم عمرو خالد قهوة سادةرواية قهوة سادة الحلقة الثالثة : يوسف أخويا يبقىٰ خطيبك؟ لقيت يوسف بيبصلنا إحنا الإتنين مش فاهم حاجة، ولا أنا فاهم حاجة، ولا بسمة فاهمة حاجة .. : أنت بتعمل أي هنا يا عمر! • كنت بتطمن علىٰ الدكتورة بسمة : وتطمن علىٰ الدكتورة بسمة ليه أنت تعرفها منين! • معرفهاش

فضل يوسف بيبص علىٰ بسمة إللي واخداها زينب في حضنها وبتترعش من الخوف والتوتر إللي كانت فيه، أنا سبت القهوة علىٰ التربيزة واخدت بعضي ومشيت، مكنتش فاهم إللي حصل من كام ثانية، يوسف خاطب، وبسمة أصلًا مخطوبة، وأنا كل ده ومش واعي . : يوسف ثانية هفهمك • متتعبيش نفسك يا دكتورة أنتي شبهه أصلًا مختلفتيش حاجة عنه نفس التصرفات نفس القرارات العبيطة نفس كل حاجة بس هتجيبوه منين مأنتو ولاد عم يعني مش غريب عليكم

: والله يا يوسف مكنتش أعرف أنه أخوك ولا أنت قولتلي أن عندك اخ ولا أبويا قالي • ماهو عشان عمر هو البذرة الفاسدة إللي فينا مكنش ينفع يبقىٰ موجود في الصورة : بذرة فاسدة ده أخوك أنت فاهم بتقول أي! • اخويا بالاسم إنما أنا معرفوش ولا عايز أعرفه: يبقىٰ كان عنده حق في إللي قاله مكنش بيكذب • أنتو كمان قعدتوا مع بعض وحكيتوا

: عارف أي الفرق إللي بينك وبينه أنه واضح ومش منافق زيك وراجل عنده كرامه وعزة نفس وقراراته من دماغه مش أمه إللي بتحركه • واعية لكلامك! : واعية لكل حاجة قولتها واللي هعملها • هتعملي أي!

قلعت الدبلة وحطيتها جمبي، فضل واقف كام ثانية بيبصلي واخد بعضه ومشي، وأنا دخلت في حضن زينب وبعيط بهستيريا من الرعب إللي كنت فيه، مكنتش فاهمة أي حاجة من إللي حصلت، وعمر إزاي أبن عمي وأحنا منعرفش بعض، وازاي ميعرفش أن يوسف أخوه خاطب أصلًا، فضلت دماغي تجيب وتودي فيا لحد ما نمت من غير ما احس بنفسي من التعب . : وأنت عرفت منين أن يوسف خطب! • هو أنا مش إبنكم مش المفروض ابقىٰ عارف

: يوسف أخوك مرضيش يخلي حد فينا يقولك علىٰ الخطوبة • ليه! : مسألتوش • وليه مقولتلوش أن المفروض أخوك يبقى عارف علىٰ الأقل : لأننا مكناش هنخلص من اسئلتك لأنه كان عايز يخطب بنت عمك إللي أنت متعرفوش أصلًا وأنا هعرف منين أن ليا عم : هو سافر من زمان ورجع من كام سنة ويوسف عرف بالصدفة وشاف بسمة في الجامعة واتخطبوا من كام شهر

• كل ما مرة بعديلكم فيها تصرف بتجبروني اخليكم في مكانة أنا مضطر احطكم فيها عامةً كده كده مبقتش فارقة بقيت اتوقع منكم أي حاجة تحصل أنا مش عارف انتو ليه بتعملوا كده وهتستفادوا أي بس تمام . قفلت معاها وأنا في دماغي أن دي آخر مرة هكلمهم فيها، خلاص مبقتش عايز أعرف أي حاجة عنهم تاني، ولا اشغل بالي بيهم، كفاية إللي شفته منهم طول السنين دي، أبدا ابص لنفسي ولحياتي ولمستقبلي . : عاملة أي دلوقتي؟ كويسة يا بابا الحمدلله

: أخدتي العلاج بتاعك؟ • ايوة اخدته من شوية واكلت قبل ما اخده: طب كويس ربنا يقومك بالسلامة الله يسلمك : يوسف كلمني علىٰ فكرة وزعلان منك بسبب إللي عملتيه • قالك هو قال أي؟ : دي حاجة بين الأخوات ملناش دعوة بيها • وهتبقى متطمن عليا مع واحد بيعمل كده مع أخوه، إذا كان بيعمل كده مع أخوه أمال هيعمل معايا أنا أي! : بسمة أنتي كبيرة وعارفة مصلحتك وأنا مش هغصب عليكي من نحية الجواز دي خالص فأنتي شايفة أن ده سبب أنك تسيبيه؟

ايوة ومش هعرجع في قراري : إللي يريحك هاتيلي بس الشبكة عشان اكلمه يجي ياخدها لقيت شهد دخلت من وراه وراحت فتحت الدولاب بتاعي واخدت منه الشبكة واديتها لأبويا .. : الشبكة اهي يا بابا يلا معلش ملكيش نصيب فيها يا بسبوسة

فضلت بصالها وقرفانة منها، لوهلة افتكرت كلام عمر عن أهله وعن بجاحتهم معاه وعن اسلوبهم، دلوقتي استوعبت شهد طالعة لمين، طلعوا كلهم شبه بعض في كل حاجة، في البجاحة وقلة الذوق والاسلوب المقرف إللي بيعملوه، كان عنده حق أنه يبعد عنهم ويسيبهم بسبب تصرفاتهم، وأنا نفسي تجيلي الفرصة إللي تخليني أمشي كمان . : تمام كده يا مستر عمر؟ • تمام جدًا كده كل حاجة في مكانها هنبدأ شغل ان شاء الله من

أول الشهر في الفرع الجديد: زي الفل وأنا ظبطت مع الاستف كله وكلهم جاهزين • حلو خالص بلغهم بالمعاد عشان يستعدوا : طيب تمام اعتبره حصل • اه صحيح أنت إللي هتبقى مسؤل عن فرع وسيف هيبقى متابع في الفرع التاني وأنا هبقىٰ متابع مع الفرعين إللي هنا وانا هجيلكم كده واتابع معاكم لو في حاجة : تمام يا مستر ربنا يخليك • يلا ياحبيبي اتوكل على الله

النهاردة كنت في قمة سعادتي بعد ما الفرع الرابع خلص وبقي جاهز أنه يشتغل، الموضوع مريح جدًا وانا في غاية الراحة، حققت الحاجة إللي كنت بحلم بيها، واشتغلت في حاجة مش شبهي بس حاولت ووصلت الحمدلله، ده كفايه كمان الشقة الجديدة إللي اشتريتها والعربية إللي هستلمها أول الشهر، دلوقتي أقدر أقول أني حققت حلمي، ووصلت للمكانة إللي كنت نفسي اوصلها، قعدت علىٰ البار بتأمل المكان إللي اشتغلت فيه وانا وبعمل مشاريب وبجهز طلبات، لحد ما المكان بقي أربعة وبقيت صاحبهم مش مجرد مستأجر، مش عارف اوصف شعوري عامل إزاي دلوقتي، بس كل إللي عايز أقوله أني مبسوط .

: مستر في واحدة طالبة حضرتك • في حاجة ولا أي؟ : بتشتكي من الأكل • بتشتكي؟ : ايوة وطلبت تشوف المدير • طيب روح أنا جاي وراك فوقت من اللحظة إللي كنت مندمج فيها مع نفسي علىٰ صوت الباب عشان في واحدة بتشتكي من الأكل، الحاجات دي بتحصل كتير عمومًا يعني حاجة مش مقلقة، هنلاقي الأكل في الآخر محتاج حد ينفخلها فيه، خرجت عشان أروح اشوف إللي بتشتكي دي، عرفت التربيزة بتاعتها وروحتلها .. : حضرتك طلبتي تشوفيني بتشتكي من أي؟ • الأكل

ولقيتها بتبصلي وطلعت بسمة، فضلت ببصلها بستوعب وجودها قدامي، حسيت لساني مش قادر يتحرك، وعيني مش راضية تترفع من عليها، وقامت وقفت قصادي .. : سنة متسألش عليا ولا تدور أنا فين إزيك يا بسمة : أنا كويسة أو بقيت كويسة • عايزة تشتكي من أي؟ : منك • مني! : ايوة جاية اشتيكلك منك مش أنت أبن عمي ولا أي ولا أروح اشكي منك للغريب • وليه

تشتكي للغريب وخطيبك موجود: مش شبهي ومش خطيبي ومكنتش عايزاه ولو فضلت واقف كام ثانية كنت هتشوف أنا عملت فيه أي • مفيش داعي أعرف حاجة، مش فارقلي : بس أنا فارقلي كل حاجة حصلت فرقالي حتىٰ وقفتك قدامي دي فارقة معايا • انا فاهمك يا بسمة بس مش هينفع إحنا مش شبه بعض وظروفنا مش زي بعض واهلنا مش بيحبوا بعض وملوش لازمة نحرق رصيد علىٰ الفاضي : بس إحنا شبه بعض • مين قالك؟

: يوسف لما لقيني بدافع عنك وبعاند معاه قالي أنتي شبهه مختلفتيش عنه في حاجة، نفس التصرفات ونفس القرارات العبيطة ونفس كل حاجة، وقال يعني هنجيبه منين مأحنا ولاد عم • بسمة أنا بعدت عن كل حاجة ليها علاقة بأهلي عشان دمروني ومش شايفين وجودي له لازمة وسطهم، ومش عاملين ليا قيمة عشان مبعملش إللي علىٰ هواهم فأنا اخترت ابعد : مقولتلكش تقرب أنا كمان نفسي أبعد ومش عايزة أبقى وسطهم • أنا راجل انما

أنتي بنت أنا موضوعي مختلف: بس أنا لو معايا راجل مش هيبقى في مانع ياخدني بعيد عنهم • عايزة أي يا بسمة؟ : مش عايزة حاجة يا عمر أنا جيت اتطمن عليك وماشية سلام

أخدت شنطتها ومشيت علىٰ طول من غير ما تقول حاجة، كنت عارف هي عايزة أي، لأن انا كمان عايز نفس الشيء بس مينفعش، إحنا مننفعش لبعض بسبب الظروف إللي محوطانا، مينفعش بسبب أهلنا، مينفعش بسبب حاجات كتير جدًا حوالينا، ليه يا بسمة مأنا ما صدقت أني بدأت اتخطى واركز في حياتي ليه ارجع لنقطة الصفر تاني . : روحتيله؟ ايوة : عملتي كده ليه؟

• كنت عايزة أشوفه واتطمن عليه يا زينب، مكنتش قادرة أقعد أكتر من كده من غير ما أشوفه، كنت ملهوفة عليه ولا كأني عيل صغير مستني يشوف أبوه راجع من السفر بعد سنين غياب : وقابلك هو بنفس اللهفة؟ • ايوة بس مقالش حاجة كان بارد أو كان حريص خايف أكون سبب أني اخليه يرجع يتعامل مع أهله تاني، بس عينه كانت بتقول كل حاجة، بس رغم كل ده مبسوطاله، مبسوطة لكل حاجة وصل ليها وكل حاجة حققها، هو

يستاهل عشان كده ربنا كرمه: وأنتي مش ناوية تركزي مع نفسك وتبقي زيه وتحققي إللي نفسك فيه؟ • معقولة هنجح! : مش هو نجح يبقىٰ أنتي كمان هتنجحي • تفتكري؟ : افتكر جدًا وانا معاكي

كنت نسيت موضوع مشروعي إللي نفسي اعمله من زمان، كان الموضوع عدى عليه كتير وقفلته بعد ما اتكلمت مع أبويا فيه، كنت بحب الرسم جدًا وخصوصًا رسم الفساتين وكان نفسي أفتح براند فساتين من تصميمي، بس قابلت كل ده بإستهزاء من أهلي وركزي في دراستك بلا فساتين بلا قرف، بس النهاردة قررت أبدا أعمل إللي نفسي فيه، طلعت كل الرسومات بتاعت الفساتين إللي عندي وكلمت واحدة تبع مصطنع ملابس، واتفقت معاها أننا نتقابل وهبدا الشغل من دلوقتي .

أخدت قرار غريب جدًا، مش عارف هتظبط معايا ولا لا، بس قولت أحاول ولو مرة كمان عشان محسش بالذنب بعد كده علىٰ أي حاجة عملتها أو هعملها .. : عايزني اجوز بنتي لقهوجي؟ قولت أروح لعمي واقعد معاه وافهم سبب الغياب، وفي الآخر طلبت منه اتجوز بسمة .. • قهوجي؟ : أنت ترضاها لو كانت بنتك متعلمة ودكتورة تتجوز قهوجي؟ • لا بصراحة مرضهاش أني اجوز بنتي الدكتورة لواحد قهوجي فرق كبير جدًا بينهم : اهو شفت بنفسك

• تسمع عن سلسلة مطاعم وكافيهات قهوة سادة؟ : أيوة بتوعي : بتوعك أنت؟ • ايوة انا صاحب المطاعم والكافيهات إللي أول فرع أنا إللي كنت شغال فيه وماسكه لوحدي إللي شفتني فيه أنا وبسمة من سنة : وعملت كل ده ازاى في المدة دي؟ • فضل ربنا وبنتك كانت سبب أنها تساعدني اوصل واظهر لناس ومتأخرتش معايا: بسمة؟ • ايوة رغم أننا مكناش نعرف أننا ولاد عم

: هي كلمتني عليك بس أنا متوقعتش أنك ممكن تكون بالعقلية دي والتفكير ده، مكنش في بالي أنك هتطلع مختلف عن أهلك ولا أخوك إللي طول الوقت مشوة صورتك • أهلي ربنا يسامحهم علىٰ إللي بيعملوه، وانا أخترت أبقى بعيد عنهم والحمدلله ربنا كرمني: عمومًا أنا معنديش مانع لو بسمة موافقة • وأنا ليا الشرف أني عرفت أن ليا عم زيك بعد المدة دي : طب تعالى في حضن عمك

قومت واخدته بالحضن وانا مش مصدق أنه وافق واستوعب كلامي، لوهلة حسيت أني طاير من الفرحة وعايز اروح لـ بسمة دلوقتي، بس قولت استنى شوية أكون فكرت هقابلها إزاي وهعمل معاها أي بعد إللي حصل لما جتلي المطعم . : ايوة دي خليها هنا وده كمان ايوة بس كده، أي رأيك؟ • تحفة بجد التصاميم كلها بيرفكت : كلمتي البنات؟ • ايوة وبلغتهم بمعاد الافتتاح عشان الدعاية : ايوة كده دلعني • مبارك

ياحبيبتي فرحنالك مووت بجد: الله يبارك فيكي يا زنوبة تعالي معايا بقا عشان تعرفي هتعملي أي • هعمل أي في اي؟ : هتعرفي تشتغلي علىٰ الكمبيوتر إزاي وتسجلي الاوردرات • قصدك هشتغل معاكي؟ : أنتي شريكتي أصلًا المكان ده بتاعنا مش بتاعي لوحدي • بس ياحبيبتي أنا مش معايا المبلغ

: فلوس أي إللي بتتكلمي فيها المكان ده بتاعنا وأنتي شريكتي فيه وليكي فيه زي مأنا ليا بالظبط زي ما إحنا مع بعض في كل حاجة هنكمل للأخر ونشارك بعض حتىٰ في الشغل

اخدتها في حضني بعد ما مسحتلها دموعها، وأنا كمان عيطت من الفرحة، ودي أقل حاجة ممكن اعملهالها بعد كل إللي بتعمله معايا، دي اكتر واحدة محتاجاها تكون شريكتي في كل حاجة في حياتي، طيبة وسالكة وبتخاف عليا وفي اي وقت بلاقيها جمبي، وانا مش محتاجة أكتر من كده، عشان كده أنا مقدرش استغنى عنها في أي خطوة في حياتي، ده يا بخت إللي يلاقي صاحب يخاف عليه ويكون معاه .

جت أسعد لحظة في حياتي كلها، النهاردة إفتتاح المشروع بتاعي وأنا مش مصدقة أني نجحت بعد كذا محاولة وكذا مشكلة وأكتر من حوار، والحمدلله ظبطت المرة دي وقدرت أفتح المشروع إللي نفسي فيه، كنت شايفة صحابي واقفين وسط الفساتين بيتصوروا معاها، وزينب واقفة مع الزباين بتفرجهم علىٰ الفساتين، وأنا واقفة بتأمل كل لحظة مريت بيها لحد دلوقتي، وبفكر إزاي أني كنت خايفة أفشل ومعملش حاجة، اقتنعت فعلاً أن الإنسان إللي مش جريئ مبيعرفش يمسك أي

فرصة، عدم المبادرة، وقلة الجراءة، والخوف من الفشل بيخلوا الشخص طول الوقت حريص في كل خطوة عايز يمشيها، دايمًا بيحسبلها، طول الوقت بيفكر ويرتب ويظبط فيها عشان تطلع صح، وغالبًا غالبًا مبتطلعش صح، لأسباب يمكن من ضمنها أنه استنىٰ كتير، وكان لازم يبادر من الأول، الخوف وقلة الجراءة وعدم المباردة والحرص طول الوقت صفات لو متجمعين في شخص واحد عمره ما هيعرف يعمل حاجة، ولو عمل حاجة هيوصلها متأخر، ولو وصل متأخر مش هيحس بلذة

الوصول، النضج والعقلانية والتفكير حاجة كويسة وبيرفكت، ولكن المباردة والجراءة بيرفكت جدًا جدًا، يمكن خطوة زي دي اغلبنا متأثر بيها، وأنا واحدة من ضمنهم، وحقيقي بدور على حلول، وببادر في حاجات عشان أدخل في الأجواء ولكن اغلبها بفشل فيها، معرفش دي قلة خبرة ولا أستعجال، لأني مبعرفش افرق بين الاستعجال والمبادرة والجراءة، ودايمًا بحسد الناس الجريئة إللي عندها القدرة تدخل في أي حاجة من غير خوف أو رهبة، الناس اللـي مبتحسبلهاش،

اللي هما لو خسروا هيرجعوا يحاولوا تاني بنفس الطريقة ونفس الجراءة، ولكن بنرجع ونقول ربنا لما قسّم الأرزاق كل واحد اخد نصيبه، ولما قسّم العقول كل واحد عجبه عقله، ومفيش نجاح من غير تجربة، ومفيش طريق ملوش نهاية، ومفيش جزار من غير لحمة، ومفيش عمارة من غير بواب .

فوقت من اللحظة إللي كنت فيها على صوت زينب وهي بتضربني في كتفي .. : في أي؟ عمر : ماله عمر؟ ولسه مكملتش الكلمة لقيت عمر دخل علينا المكان، قومت من مكاني مفزوعة، مش مصدقة أنه جه هنا، فضلت واقفة مكاني مستنياه وأنا في قمة الرعب والخوف والتوتر، معرفش ليه بس كنت خايفة ومبسوطة في نفس الوقت لحد ما قرب مني .. : مبارك المكان بسم الله ماشاء الله حلو خالص • بجد؟ : ايوة بجد • لا مش بجد قصدي عايز أي؟ : جاي اباركلك علىٰ مشروعك الجديد

• بس؟ : يعني وبفكر في حاجة كمان • مش فارقلي عمومًا : ولو قولتلك أني هبقىٰ الراجل إللي هيخليكي تبعدي بيه عن الدنيا كلها هيبقى مش فارقلك بردو؟ فضلت واقفة قدامه مش عارفة أقول أي، عايزة أقوله لا فارقلي وفارقلي جدًا كمان، لساني مش قادر يتحرك مش قادرة أقول أي حاجة، لقيت زينب اخدت منه الورد وقالتله .. : السكوت علامة الرضا يا عمر هي موافقة بس هي مردتش : بس أنا رديت مكانها اصلها بتتكسف

لقيته بيبصلي وبيقولي موافقة، مكنتش قادرة ارد بردو، بس هزيت رأسي بأني اه موافقة وموافقه جدًا كمان ها أي تاني، لقيت زينب بتزغرط جمبي، والبنات كلهم اتلموا حوالينا، وانا مش قادرة استوعب الفرحة إللي كنت فيها، دلوقتي أقدر أقول أتت الرياح بما تشتهي سفننا . تمت .