رواية خطفني وصار محبوبي ﴿روايه سعوديه مكتمله﴾ الفصل الرابع عشر 14 - بقلم Hanadi2000

فارس:وش جابك ؟ مو كأنك جاي من برا ؟
فيصل:ايوه
فارس:على بالي انك نايم بس وش طاري عليك طالع هالوقت ؟
فيصل:امي مجلستني عشان العله اللي نايمه هنا
فارس:هههه ليه وش فيها المسكينه ؟
فيصل:اليوم عيد ميلادها
فارس:اها .. طيب وين الشباب ماقعدوا ؟
فيصل:كل واحد بسريره محد قام
فارس:العاده يجلس عمار ؟
فيصل:عمار طلع معي وقال عنده شغله وبيجي
فارس:اها طيب بجي معك
فيصل:وش تجي .. خبل الحين بيجي اللي يجهز الحفلات
فارس:اها
*******
نوف نايمه وجلست على صوت جوالها يرن
نوف بصوت كله نوم:الو
..:هلا حياتي
نوف بنفس نبرة الصوت:ام الروقاان على وجهه الصباح ي خي غلطاان طيير بس (وسكرت بوجهه)
قامت من نومها ودخلت داخل وهي ماسكه بطانيتها
عبدالرحمن صادفها:اجل اطير ؟
نوف:عبدالرحمن والله مو فاضيه لك برجع انام لاتستهبل علي ترى بنادي جدي يقوم عليك
عبدالرحمن:طيب طيب هدي ياحلو
نوف:جعل ايامك يزول حلاها
وراحت غرفتها
*******
قاموا البنات من النوم وكل وحده دخلت الحمام تأخذ شور
رغد تنشف شعرها اللي كان مليان مويه
رغد تصارخ:عنيدوه انتبهي لا تزلقـ..
ططررااااخ
العنود تصرخ:اييي ظهري مين حااط الصابونه بالارض يااني بقوم عليه وبضربه ضرب مو صاحي
رغد بشويش طلعت من الغرفه وهي تضحك
خالد:فشلتينا اقول نشفي شعرك بس
رغد:برووح غرفتك بستعمل الاستشوار اللي فيه اوكي ؟
خالد يأشر لها بيده:طيب بس انتبهي لاتخربينه ولا ترى بيجيك كف هنا وكف هناك
رغد غمزت له:اوتسيه .. بس وش فيه في يدك ليه فيها أثر
خالد يحاول يخبيها :هاه ؟ ايهه هذا امس طحت وتعورت ايدي
رغد:حساافه ماشفتك
خالد:انقلعي بس يلا طيري
رغد راحت غرفته وصارت تنشف شعرها
*******
الجد:دامها موافقه انا اقول نستعجل بالملكه
بوفارس:خير البر عاجله وانا معك ياابوي ولا ايش رايك يابوخالد
بوخالد:مثل ماتشوفون
بوفارس:يعني خلاص صارت الخطبه رسميه
*******
ريناد طلعت برى تدور خطه تسويها عشان فارس يكون لها
ريناد:ماابغى أذيك يارغد بس سامحيني فاارس انا حبيته قبلك !
كانت ريناد توها ماخذه شور وطبعا كانت ريحتها عطر بس الريحه زايده
لمحت فارس واقف لوحده ولما حست انه مافي احد جنبها راحت له
ريناد تمثل انه جاتها دوخه
فارس مسكها قبل لاتطيح :فيك شي ؟
ريناد تمثل:فارس انت دكتور وفاهمني
فارس:انتي مريضه ؟
ريناد تبكي وضمته:ايه مريضه بمرض الغيره انا احبك فاارس
فارس انصدم من جرأتها كيف تسوي كذا .. وابعدها عنه وهو يكح بقوه ووجهه صار ازرق
فارس مو عارف يتنفس:كح كح كح كح كح (حس الدنيا تدور عليه وفجأه اغمى عليه)
من بعيد شافه فواز ورككض له
فواز يهز فارس:فااااررس فااارررس ايش فيييك ! وييين جهاااززه وينه
ريناد واقفه كانت جامده في مكانها وعلى طول راحت لخالد اللي راح وهو يركض ومعاه جهازالربو
*****
فتح عيونه على الدموع اللي تتساقط بوجهه
فارس بصوت مبحوح:خلاص ياعيوني لاتبكين
رغد تمسح دموعها:الحمدلله على سلامتك
فارس:الله يسلمك
رغد:امك ترى ماعرفت انه اغمى عليك لانها لو تعرف بتبكي
فارس : ايه زين ماسويتوا ماابيها تقلق علي
دخلوا الشباب والبنات عليهم
الكل :الحمدلله على السلامه
فارس:الله يسلمكم
جلس عبدالعزيز جنب فارس:هلا بععزوز
عبدالعزيز:اهلين فيك .. ليه كذا .. ليه مو حامل معك البخاخ ؟
فارس:ضيعته وماجأ على بالي انه بتجيني الحاله
وناظر ريناد
وليد:ولو كان المفروض ماتتركه
فارس ابتسم:ان شاء الله مابتركه
ولما جأ الليل
احتفلوا بعيد ميلاد فجر
فجر:والله ماكنت ذاكره اصلا مدري اليوم ايش
العنود:ههههههه .. اهم شي لما قلنا لك لبسي الفستان
فجر:انا استغربت صراحه
ريما:ككل عآم وانتي بصحه وسلامه وعقباال 10000 سنه
فجر:تسلمين عيوني
لفت فجر تدور شخص معين وطاحت عينها على الهدايا
فجر:وناسه من وين كل هالهدايا ؟؟

ندى:كلنا شرينا لك هديه
العنود:لا مو كلنا .. الشباب ماشرو هديه
ندى:ايه أنا أقصد البنات
ريما:بس راكان جاب هديه وش هالكذب
ندى:خلاص بطيتوا راسي جب
***
نروح لبرا ..
نوف و وليد استغلوا الفرصه وصاروا يسالفون
وليد:ههههههه انتظري الحين متى صار كذا
نوف:يوووه نسيت انت ماكنت موجود
وليد:بس اتوقع الشكل تحففه
نوف:ممرره
وليد يعطيها العصير:امسكي لحظه شويه وراجع لك (وراح)
نوف:لـ لحظه (وكملت بصوت واطي) وين رايح
ورجع ومعه كيسه
وليد بابتسامه:تفضلي
نوف:شنو هذا (ولما جات بتفحه)
وليد:لا لا فتحيه بعدين
نوف:اوك
...
رغد طلعت تدور نوف وشافتها مع وليد وقررت تنتظر بعيد عنهم
عبدالرحمن جأ لـها:رغد
رغد بقلة صبر:نعم
عبدالرحمن: أنا احبكك مره ومعجب فيك
رغد حطت ايديها بخصرها:نعم ؟ خخير ؟
عبدالرحمن:مثل ماسمعتي ياقلبي
فارس كان بالصدفه يمشي جنبهم وسمع لما عبدالرحمن قال " انا احبك مره "
فارس سحب يد رغد ومسكها
فارس:لو سمحت لاتتعدى على ممتلكاتي
رغد فتحت عيونها ع الاخر وهي تناظر فارس :هآه ؟!
عبدالرحمن انقهر و راح
فارس:وش فيك تطالعيني كذا
رغد:انا من ممتلكاتك ؟
فارس:يس
رغد تتلفت:اجل انا من ممتلكاتك ؟
فارس:ايووه وش فيك ؟
رغد:الملكه لما اخلص ثانوي ولايكثر (وراحت)
فارس بتافف:رغغد تعااااالي
...
فيصل:اللي يبغى يروح للملاهي بمناسبة عيد ميلاد فجر يقول أنا
الكل: أنا
دانه راحت لفيصل:صدق بتودوني معكم ؟؟
فيصل:اييووه وبخليك تعلبي بالسياره
دانه تناقز فرحانه:هيييييي
الكل راح يروح الملاهي بس الامهات والاباء بيضلوا
الجد:كل واحد مسؤول على أخته فاهمين
فارس:ظلم يعني أنا ماعندي أخت
عزيز:أنا أختك
الكل فطس ضحك
فارس:وعع روح أنقلع بس ( وقال بصوت واطي لعزيز )أنا قاعد ألمح حق جدي ... ايوه جدي طيب العنود ماعندها أخو ولا ريما كيف يعني ؟؟
الجد:خلاص العنود وريما أنت مسؤول عنهم
فارس:لآلآلآ خلاص أمزح معك وش فيك
خالد:طيب يلآ خلونا نروح
الكل: يلا
وراحوا
ولعبوا وتعشوا من مطعم
قامت فجر من الطاوله
فيصل:وين يالاميره بتروحين ؟؟
فجر:عجبتني كلمة الاميره خلاص من اليوم لاتناديني إلاّ الاميره
فيصل:خلااص ماعاد بعيدها أسمك فجر ههههههه بس وين رايحه
فجر :رايحه أغسل يدي
وراحت ولما رجعت صادفت عمار
عمار:اهلين فجر ايش اخبارك ؟؟
فجر:هآه ؟ ايه أنا الحمدلله أنت كيفك ؟
عمار:أنا تمام (وعطاها هديتها) أمسكي وكل عام وأنتي بخير
فجر مرتبكه خذت الهديه:وأنت بخير .. شدعوه كلفت على نفسك
عمار:لا كلافه ولا شي هذا الواجب واتمنى تعجبك
فجر اكتفت بابتسامه
وراحو
رجع الكل الشاليه وهم تعبانين الكل راح على غرفته بس نوف راحت الصاله وشافت أكل خذت لها توكس وراحت غرفتها
رغد :وجع أنت مااصدقك دايم تأكلين ماشبعتي ؟
نوف:قولي ماشاء الله بل علييك
رغد:ماشاء الله بس صدق وش تحسين فيه ؟
نوف وهي تأكل:مثل ماأنتي تحسين
وناموا
عند فجر بعد مافصخت عباتها لبست بجامه وتوها بتنام شافت الهدايا على فراشها

فجر:اووه مالي خلق حدي تعبانه (وتذكرت هدية عمار) بكره بشوف ايش فيها
ريما:وش فيك تكلمين نفسك
فجر:أنتي مانمتي ؟
ريما:الحين بنام
*******
اليوم الثاني ..

الجد:وش رايكم بالاسبوع الجاي يوم الخميس يعني بعد مانرجع الفيلا بيومين
بوفارس:مناسب
بومشعل:ايوه صدق مناسب ومااتوقع أحد يكون عنده شغل يوم الخميس
الجد:خلاص يابوخالد قول لبنتك تتجهز وملكتها يوم الخميس الجاي
بوخالد:ان شاء الله
بوفارس:أنا طالع تبغون شيء ؟
الكل:على وين ؟
بوفارس:بوحمد عازمني اليوم العشا عنده وقال جيب معك العيال .. يلا عن اذنكم
الكل:اذنك معك
وراح لعزيز وفارس اللي كانو يلعبون كرة قدم
بوفارس:فااارس ... عزييززز
فارس + عزيز:هلآ يبه
بوفارس: اليوم واحد من الربع عازمني في مزرعتهم وقال تعال انت وعيالك يعني تجهزوا
عبدالعزيز:انا مالي خلق
فارس:وانا مثله
بوفارس:الحين الرجال يقول تعال انت وعيالك وانتم ماتبغون تروحون اقوول روحو لبسوا وتعالو انتظركم في السياره ولا تتأخرون
(وراح)
فارس:ابغى اعرف منوو هذا اللي عازم ابوي عشان ادوس في بطنه وش بيستفيد اذا رحنا معه ؟
عبدالعزيز محرد:ايش دراني عنه
فارس بتأفف:طيب روح البس
عبدالعزيز:يلا وانت تعال
فارس:بجي يعني وش شايفني بهرب مثلاً
*******
رغد:أنا اسفه بس مااقدر صعبه
بوخالد:ليه يابنتي
رغد:انا ماجهزت شيء ولايمديني أجهز في هالاسبوع
بوخالد:خلاص براحتك بس بيكون بعد اسبوعين ملكتك
*************
بوحمد:هلا والله فيكم حيا الله من جا
بوفارس:تسلم ياخوي
بوحمد:اعرفك يابوفارس بـ ابو دلال وهذا اخوي الدكتور احمد وهذا بوخميس وهذا ولدي حمد وهذا اخر العنقود سامر
بوفارس:تشرفنا .. وهذا ولدي الكبير فارس وهذا عبدالعزيز
بوحمد:ماشاء الله كبرت ياعزيز
عبدالعزيز اكتفى ببتسامه
(حمد عمره 24 سنه و سامر 10 سنوات)
بوحمد:تفضلوا جلسو
الكل:زاد فضلك
وجلسو يسولفون
بودلال:اقول يابوحمد
بوحمد:هلا
بودلال :هاذي المزرعه شاريها ولا انت مسويها؟
بوحمد:شاريها
بودلال:طيب الاثاث انت اللي اخترته ؟
بوحمد:تقدر تقول كذا يعني بعض الاثاث انا وبعض الاثاث زوجتي
بودلال:اها
عبدالعزيز:فاضي قاعد يسأل عن الاثاث
فارس بيموت من الضحك لكن ماسكها:ههه جب اسكت
بودلال يشم ريحه:الله وش هالريحه اللي تاخذ العقل وش هالشاي اللي ريحته واصله لهنا
فجأه سمعوا صوت :ططرراااخ
الخادم كان جايب شاي وطاحت الصينيه من يده
بودلال تفشل
عبدالعزيز فتح عيونه ع الاخر:بلل هاذا عينه وحده بوحده اعووذ بالله
فارس وفيه ضحكه:اهم شي لاتناظره الحين يعطيك عين
بوخميس:ماعليه انكسر الشر
د.احمد:حصل خير
بوحمد:ايه .. روح يارازي وسو شاي ثاني
د.احمد:تفضلوا عالغدا
وطلعوا برى ياكلون
كان سامر يلعب جنب المسبح
بوحمد:انتبهه ياسامر لاتطيح وانت ماتعرف تسبح
سامر:ان شاء الله يبه
بودلال:وش فيك خايف عليه ؟ لاتخاف ولدك يعرف يوازن ماراح يطيح
وفجأه طاح سامر في المسبح
فارس راح له على طووول وطلعه من المسبح وجابوا له ملابس
عبدالعزيز:اعووذ بالله من هالعين وش سالفته هالرجال
فارس:بسم الله اي والله ينخاف منه
بوحمد:اححم .. ايه ياجمااعه وش فيكم كملوا اكل
بوفارس في نفسه انا ابغى اخلص بسرعه عشان اروح اعوذ بالله من هالرجال
بوخميس:وش رايكم اقص البطيخ لكم
د.احمد:خوش رايي
بوخميس راح يجيب البطيخ ومسك السكينه بيقصها
بودلال:وش فيك يابوخميس قصها عدل مو كذا
بوخميس مسك السكينه بيقصها إلا فجأه جرح يده:ايييي
د.احمد:حمد بسررعه صندوق الاسعافات
حمد:حاضر عمي
وراح جاب الصندوق ولف يده
د.احمد:الحمدلله الجرح بسيط
بودلال:ماتشوف شر يابوخميس
بوخميس مقهور:الشر مايجيك
عبدالعزيز لفارس في اذنه:فاارس شووف شووف بوخميس قص يده بسببب بودلال والحين يقول ماتشوف شر(وكمل وهو شاد على اسنانه)
هذا الرجااال قاهررني
فارس:مو اكثر مني
عبدالعزيز:عاد انا موناقص عين لابدراستي متوفق ولا بحياتي متوفق وحياتي كلها مخربطه
فارس:الله يستر
بوفارس:شعندكم تتساسرون كانكم حريم
فارس:لا ابد يبه مافي شي
بودلال:عيال هالوقت مايعرفون السنع يابوفارس لاتلومهم بس كل همهم فيس بوك وتويتر
بوفارس:ايه بس لازم نخليهم يتعلمون
فارس:اسف يبه
عبدالعزيز:اسفين
بوحمد:طيب وش فيكم سكروا الموضوع
د.احمد:ايه وانت صادق
عبدالعزيز حط حرته في الاكل وصار ياكل بسرعه
بودلال:اقول بوفارس
بوفارس :هلا
بودلال:عزيز وهو صغير شايلين له اللوز ؟ اشوفه يلهم الاكل لهام
عبدالعزيز غص باكله:كح كح كح
فارس يضرب على ظهره :صحه صحه
عبدالعزيز يكح : كح كح بموت كح
بوخميس:اذكر الله يابودلال عطيت الولد عين
بودلال:اقولك يلهم الاكل لهام اكيد بيغص انا وش دخلني وعيني مو حاره
بوفارس :مين قال عينك حاره ؟ ابد ابد
فارس وهو يضرب عزيز على ظهره:بسم الله عليك
عبدالعزيز:أأيي يمه كح كح
فارس:مويه موويه
د.احمد عطاه مويه وصار يشرب
وصاروا يسولفون ومايعطون بودلال فرصه يتكلم
وبعد سكوت
بودلال:اكثر شي عجبني لما طاح ولدك يابوحمد .. شفتوا كيف نقز فارس ؟ نقز نقزه تقوول ضفدع
بوفارس:انا اقول نروح الحين احسن
عزيز+فارس:اييييه يلاا
فارس لما قام طاح مره ثانيه وصرخ :أأييييييي يببببه رججلي
والكل تجمعوا عليه
الكل:لااله الا الله لااله الا الله
عبدالعزيز:يممه اخووي
فارس يصرخ باعلى صوته :أأآآييييييييي
وبعد فتره رجع طبيعي
بودلال:وش هالجمال ناظروا السما
بوفارس على طول قام وقاطع بودلال :لا بالله رحنا فيها يلا ياعيال قوموا
الكل قام
بودلال:وين رايحين ياجماعه
وعلى طول كل واحد راح وتركوا بودلال
...
في السياره
فارس:شفته يبه وجعه توجعه حشى مو عييين
عبدالعزيز:انا عن نفسي ذقت المووت كان بختنق
بوفارس:الله لايبلانا الحمدلله رجعنا سالمين
عزيز+فارس:اي والله الحمدلله هع
**********
وراحو وعلى طول غرفة خالد (طبعا هالمره كل العيال نامو في غرفة خالد وفيصل)
الساعه 3 الليل
فيصل وخالد كانوا بالسرير والباقي بالارض بينامون بس قبل لاينامون جلسوا يلعبون بالاونو
فارس:انا تعباااان شكلي ببطل لعب اصلا لسا رجلي تألمني
عبدالعزيز:وانا مثلك حاس اني بستفرغ
سليم:هههههه ليه ؟
عمار:ياخي قولوا وش صاير حمستونا
فيصل قام من سريره وجلس معاهم:ايش صاير ومنو بودلال اللي كل ساعه تذممون فيه
مشعل:طيب ايش فيها رجلك يافارس
فارس:عزوز قول لهم
عبدالعزيز قالهم كل شي صار
الكل ضحك من قلب حتى خالد اللي كان نايم جلس من صوت ضحكهم
خالد:ايش فيه وجع طيرتوا النوم من عيني
فيصل:هههههههه مااسمعت ايش ههه قاال ؟
خالد:ابي اسألك يعني كيف بسمع وانا كنت نايم ؟
*************
البنات فكانوا في غرفة فجر وكلهم نايمين ومنهم من يتصنع النوم ..
رغد بصوت واطي لنوف:يلا يلا
نوف:يلا بسرعه
راحو وجلسوا جنب البحر
نوف : أقول رغييد تتوقعين أنو وليد الححين نآيم أو جالس ؟ مرتاح ولا متضآيق ؟ نفسي أروح وأشوفه اشتقت له كثير
رغد : بالله عليك نويف وأنا وش يعرفني إذا اهو نايم أو جآلس مرتآح ولا متضآيق .. أنا حتى فآرس مآدري عنه تبيني اعرف شسالفة وليد
نوف:وش رآيك أنا وأنتي نسوي أكشن وندخل غرفة خالد نشوف مين صاحي ومين نايم ومره وحده اشوف وليد .. ؟
رغد : يآرربي نوووف أنتي مهبولهه من ججدك تبينآ نروح وندخل عليهم .. !
نوف بترجي : يلآ عاد رغود وش بيصير لو رحنآ بس نشوف من اللي نآيم ومن جآلسس
رغد : خلآص نوف قلت لك أنسي مآراح نروح
نوف بتأفف : أنتي ليه كذا !
( بعد صمت طويل جدا )
رغد : نوف
نوف بملل : همم ؟
رغد : وش رآيك جد نروح ونسوي اللي قلتي قبل شوي !
نوف بتعجب: تحكين من جدك رغيد ! ؟
رغد : وأنا لي مزاج اني استهبل عليك .. ايوآ من جدي خلينا نروح
نوف : رغوووود وربي أحححبك
رغد: طيب طيب شكرا بس بسرعه قبل لا اغير رايي
نوف: يلآ , بس بالأول خلينآ نشوف لنا شي نغطي انفسنا به !
رغد : نغطي انفسنا بالبطانيه
نوف:ايه صح عليك .. بس !
رغد باستغراب:بس ايش ؟
نوف:تعالي المطبخ بس بشرب مويه
(دخلو المطبخ رغد ونوف ) رغد:يلا اشربي المويه
نوف شربت
نوف : رغد شوفي هنا سكينه بآخذها
رغد : يآمهبوله لا تتهورين ! وش بتعملين فيهآ
نوف : لا بس أذا صحى احد بخوفه فيهآ
رغد :مجنونه الحين يطلع احد وتضربينه بيها ونتوهق
نوف : ورى ما تكرمينا بسكوتك وتخلينآ نروح
رغد:جب يلااا
(بعد ماتجهزو ووصلو عند غرفة العيال)
نوف : رغد أنا خآيفه كثير خلينآ نرجع
رغد بعصبيه: لو على جثتي مارجعنا بعد ماحنيتي علي واصريتي انو نروح الحين تقولين نرجع.. مستحيل ارجع طيري بس خلينا ندخل
بعد مادخلوا نوف سكرت الباب بالغلط وكآنت الغرفه ظلمه وهدوء
وكانوا يتكلمون بصوت واطي
رغد : حسبي الله عليك يانويف لما دخلتينا هنا
نوف : أسكتي لآحد يسمعنا
رغد: نوف يامهبوله كيف بنشوف ! حتى البآب صرت مدري وينه !
نوف : طيب أحنا خلينآ نكمل مشي وربي يفرجها
رغد : من جد مهبوله ..
رغد بصوت وآطي : آيييي !
وطآحت جنب واحد من الشباب
نوف بنفسها يآربي رغيييد طآحت ومدري وينها .. افف أنا خلني اطلع لايجي الدور علي
رغد تبكي وبنفسها مستحيل اسمع كلام نويف بعد هالمره .. أنا حتى مو عآرفه أقوم ولآ ادري منو اللي طحت عليه !
نوف وهي طآلعه: رغود مسكينه مدري وشحآلها الحين
رغد سمعت صوت الباب ينفتح ودخل واحد و بكيهآ زاد
عمآر : يآربي وش ذآ البرد ( ودخل وتغطى بالبطانيه ونآم)
رغد بنفسها الحمدلله ماقدر يشوفني بس كيف بطلع والحين ظلمه واخاف أقوم من جنب ذآ ويحس فيني ياريت يكون خويلد أخوي
... بصوت كله نوم :هييي عزيزوه إيش فيك منسدح علي وش رآيك تجي أحظنك بعد ؟
رغد في نفسهآ ياويلي ذا فارس اناا رغغد مو عزييز ..لاا ماابي فارس يدري انه انا رغد ابغى اطلع بدون مايحس
وكآنت رغد كل شوي تلصق في فآرس وهي مو حآسه من الخوف !
فآرس بعصبيه: وش فيكك أنت ..كل شوي لازق فيني بعد تعآلل أدخل في ملابسي
رغد صارت تبكي بصوت خفيف
فآرس باستغراب :قلنا انك حساس لكن مو لهدرجه .. ياخي شسالفتك انت شاذ ؟
عبدالعزيز بصوت كله نوم:فارس مجنون مين تكلم
فارس حس انه عزيز بعيد عنه واللي جنبه شخص ثاني
رغد خافت وصآرت تبكي أكثر
فآرس ميز صوتها
وقال بصدمه وبصوت واطي : رغد ! وش جآبك هنآ
رغد وهي تبكي : فآرس طلعني من هنا اهئ اهئ
فآرس : طيب حيآتي أنتظري شويه عشان اتأكد الكل نايم ولا لا وبجيك
رغد وهي خآيفه وتبكي : فآرس لا لا تتركني أخاف
فآرس غطى رغد بالبطانيه: 3 دقآيق مآراح اطولل
( رجع فآرس بعد ما تأكد ) ولقى رغد نآيمه
فآرس بنفسه أكيد مآراح أخلي رغد هنآ عشان يشوفونها العيال لازم اطلعها بس كيف اطلعها !
..
فآرس حمل رغد وطلعهآ برى وجلسها على كنبه كبيره وكان المكآنن هادئ كثير ومافي صوت غير صوت موج البحر وكان وقت شروق الشمس
فآرس جلس قريب منهآ وكآن يتأمل في وجهها البريئ
فارس:رغودتي .. قومي اخاف تمرضين والجو بارد .. خفت اوديك داخل واحد يشوفني ويسوي لي مشكله
رغد قامت وجلست:امداك جبتني هنا وكيف ماحسيت ؟
فارس:ايه لانه حضرتك نايمه بعمق بس قولي لي وش جابك عندنا
رغد قالت له عن السالفه
فارس:ههههه خاينه نوف طيب وينها
رغد:مدري
ورن جوالها
رغد:نوف يازفته
نوف:احمم شسمه
رغد: وينك
نوف:انا شفتك طحتي قلت بطلع لاني خفت احد من الشباب يجلس واتوهق
رغد: ايه حضرتك رحتي وتركتيني بروحي اتوهق
نوف:اهم شيء عدت على خير زين انك طلعتي تراني اشوفكم من النافذه انتي وفارس .. بس يلا تعالي
رغد: هذاني بجي الغرفه بس بضربك
نوف:هههههههه بااااي بنام
رغد: يلا باي
وسكرت
نوف شافت انو في احد يتجسس عليهم بس ماعرفت مين
نوف:مايهم اصلا الكل يدري انهم مخطوبين
..
فارس:ايش تقول ؟
رغد:تقول خافت وراحت للغرفه وهي تنتظرني .. يلا اخليك رايحه بنام عيوني صارت تألمني
فارس:يلا ياقلبي نوم العوافي احلام سعيده
رغد:تسلم
وراحو ينامون
رينآد كآنت موجوده بس متخبيه وسمعت كل الكلآمم اللي دار بينهم ولما راحوا نزلت راسها وهي تبكي
...:انا اقدر اساعدك عشان تفرقين بينهم
ريناد مسحت دموعها على طول:هااه ؟
..:اقولك أنا اقدر افرقهم ويصير فارس ملك لك انتي
ريناد:مرت عمي !! كيف تقولين كذا
فوزيه رمت ظرف لريناد
ريناد فتحت الظرف وهي منصدمه
فوزيه:انا كنت مخططه انك تجين هنا عشان تشوفين حبيبك فارس واذا ماتدرين اعلمك اني انا اعرف العلاقه اللي كانت بينكم وبسوي اي شي
عشان ما اخلي رغد وفارس يتزوجون
ريناد:بس من وييين لك هالصور ؟
فوزيه:انا اراقبك من زمان وادري ياعمري انتي مابنيتي هالعلاقه إلا لانك بريئه وعلى بالك راح يتزوجك
ريناد:انا اسفه لكن أحسن لي اني اموت حسره على فارس ولا اخرب على رغد وفارس
فوزيه:لاتسوين فيها انك مؤدبه .. انتي تحبين فارس لاتكذبين على نفسك كيف تقبلين انو يكون فارس لوحده غيرك
ريناد صارت تبكي بشكل هستيري:ايييه احححببه يعننيي وش تبييني اسوووي ؟؟ تبيني اقوله تعال تزوجني وهو حتى مو طايقني ؟!ولا تبيني اروح واخرب
عليهم وانا مابستفيييد شي ؟ وش بيصير لما اخرب بينهم ؟ بالعكس بيكرهوني اكثر !! وحتى رغد مالها ذنب ليه اخرب عليها حبها
فوزيه:فكري بالموضوع زين وبعدين اذا خربنا عليهم نخطط نسوي شي ونخلي فارس يحبك وفي النهايه تتزوجي من حبك الوحيد
ريناد راحت معصبه من كلام فوزيه بس صارت تفكر وتوصلت لقرار
__________________________________

..

الشباب يسولفون
راكان:يلا شباب نروح للمول ؟
خالد:ايه من زماان مارحت
فيصل:ايوه خلونا نروح
مشعل كان يكلم جوال وسكر:ترى البنات بيجون
فواز:حنا مستعجلين قول لهم بسرعه
مشعل:اوك
اتصل مشعل على نوف وقالها بسرعه يتجهزون وكل البنات كشخوا وطلعوا مع الشباب وطبعا الشباب يمشون لوحدهم والبنات لوحدهم
العنود:بنات انا حدي مشتهيه استهبل وش رايكم اتميلح عند هالهندي
ريما:لا تفشلينااا
الكل:يلااا
العنود للهندي:هاي
الهندي:هاي
العنود ترمش برموشها بسرعه:انت واجد حلو
فجر:انا خقيت عليه وه وه وه
نوف:واايي انا في يحب انتا
الهندي ماصدق خبر:انتو يبغى رقم مال انا ؟
العنود:لا لا شكلنا عطيناه وجهه بزياده ؟
نوف:اي والله اقوول خلونا نروح
وراحوا عنه
رغد:واااي شوفوا ذا الخقه
ندى:يسسدح يهبل
العنود:هيي انتي مخطوبه يلا انقعلي لاتطالعين شباب
ندى:جب
جأ لهم الولد المملوح :اهليين
فجر :نعرفك تعرفنا ؟
الولد:لا بس حبيت اتعرف
ريما:يلا بس انقلع
الولد:مين كلمك انتي ؟ .. انا اكلم الحلوه ذي (يقصد العنود)
العنود تتلفت:انا ؟
الولد:ايوه انتي يالبببببى العيون
العنود ماصدقت وقامت تحرك عيونها بخجل
البنات يناظرون العنود باستغراب
الولد ماصدق انها عطته وجهه وارسل لها بوسه:امووووووووح فديتك والله
العنود ابتسمت .. ورفعت شنطتها وططررررراااخ على خشته :هههههه ياحليلك تعرف تنكت
ومشت عنه
البنات توهم يستوعبون وضحكوا بصوت جماعي وراحوا معها
سمر:ويك ويك ويك قوييه
سميه:ههههههههههههههه مسكين طاح وجهه
العنود:احم على باله بعطيه وجهه
***
فواز:لايفوتكم رقمت بنت جمااال تذبح
خالد:ههههههه شباب ماحسيتوا بشيء غريب
الكل:وشو
خالد:فارس مارقم ولا غازل بنت اول مره تصير
راكان:ايوه حسيت
عزيز:اووه اخوي مؤدب وش فيكم
فارس:صدق معطيكم وجهه يلا انقلعوا
مشعل:ايه مسوي فيها يحب فلاانه (يقصد رغد )
فارس باحراج راح وماعطاهم وجهه
جات له وحده خاقه
البنت:هلا
فارس باستغراب:اهلين
البنت:وااااي تهبل ممكن رقمك ؟
فارس ابتسم بسخريه:لا مو ممكن
فيصل راح مسرع لفارس:هييي هيي تعال (وانتبهه للبنت)
فيصل:هلا وغلا ؟
البنت:انتم اخوان؟
فيصل:ايوه ليه ؟
البنت:تشبهون بعض كثير .. بس انت (تقصد فيصل) ممكن رقمك ؟
فارس عصب:قلة ادب .. خير اختي جايه وتطلبين ارقامنا ترى هذا أسمه قلة ادب
البنت راحت منقهره
فيصل تفشل:وش فيك ؟
فارس بمرح:قليلة ادب تطلب رقمي وبعدين تجي لك
فيصل:ههههههههههه بس هذا سالفتك يالغبي .. اقول تعال يلا
من بعيد .. كانوا بنتين يتكلمون عن الشباب
البنت الاولى:عرفتي هذووليك ؟
البنت الثانيه:تقصدين هالشله ؟
البنت الاولى:ايه
البنت الثانيه:يهبلوون كل واحد فيهم احلى من الثاني
البنت الاولى:ذولا احفاد تركي بن عبدالله ال**** وهو راعي شركه مشهوورره واغنياء حدهم
البنت الثانيه:احلفي .. يعني جمال وفلووس وش رايك نتميلح عندهم
البنت الاولى:اخاف يفشلونا ماشفتي كيف ذاك الخقه كيف فشل البنت اللي طلبت رقمه
البنت الثانيه:ماينتفوت اقوول تعالي معي نكلمهم
البنت الاولى:مستحيل بس اصبري انا عندي فيس بوك واحد منهم واكيد حاط رقمه نكلمه اذا رجعنا
البنت الثانيه:طيب
...
راكان وقف:عيااال صبرووا لحظه
الشباب:ايش فيك ؟
راكان:لحظه خلونا ندخل هالمكان
خالد:ليه وش فيه ؟
راكان:شكل ملابسه كويسه بدخل اشوف لي شي اشتريه
فيصل:اجل حنا رايحين للمطعم صراحه جوعان
سليم:وانا مثلك
راكان:روحوا بس بدق عليكم فهمتوا ؟
الكل: يس ممان
ودخل راكان يحوس بالمكان