رواية خطفني وصار محبوبي ﴿روايه سعوديه مكتمله﴾ الفصل الرابع والعشرون 24 - بقلم Hanadi2000

ا*****
فارس:أنت تركي ؟
تركي:آيوه تركي معك , تبغى شيء ؟
فارس عطاه بوكس على وجهه وطاح بالارض والناس تجمعوا عليهم
تركي قام من الارض:وش فيك مجنون انت ؟
فارس مسكه من قميصه:تحسب بنات الناس لعبه عندك ي *****
تركي:أقول بعد عني لاا اتصل بالشرطه !
فارس:تتصل بالشرطه ؟ , أو قصدك انا أبلغ الإداره أنك جايب كحول وانت عارف انه مممنوع (وعطاه بوكس)
تركي يمسح الدم من فمه :ياخي هدي ! , خلااص
****
رغد: وش هالزحمه وش متجمعين عليه
نور:بسم الله شكلها مضاربه
رغد:تعالي خلينا نقرب ونشوف
نور:يلااا
وقربوا وشافوهم
نور:هذااا فاارس يضررب تركي , انتي قلتي لفارس ؟؟
رغد: لا والله ماقلت له
نور:يووه وش نسوي بيموتون !
**
تركي صار يضررب فارس بوكس ورغد خافت
لكن فارس مسرع مارد له البوكس وبقوه
رغد :بس خلاااصص !!
وراحت وسطهم
رغد:خلااص فاارس ماعليك منه
فارس يكلم تركي بحده وغضب: أن قربت من زوجتي مره ثاانيه رااح تشوف شيء تندم علييه , فاهمنييي !
تركي راح وكل شويه يطيح من الضرب اللي ضربه فارس
رغد :فارس ليه جيت هنا ! وليه ضربته !
فارس:تبغيني أسكت عليه ؟ عشان شوي شوي يتمادى ويعطيك أكثر ؟؟
رغد طلعت من شنطتها منديل وصارت تمسح الدم اللي في وجهه فارس:شوف كيف تشوهه وجهك
فارس:أحح , شوي شوي لا تضغطين على الجرح
رن الجرس والكل راح للكلاس
رغد عطته المنديل :فارس انا تأخرت لازم اروح , أنت روح المستشفى يعقمون جروحك (وتوها بتروح)
فارس مسك يدها وناظرها ببراءه : الحين الكلاس أهم مني ؟
رغد بلعت ريقها وبنفسها:لالالا يا رغد , لاتستسلمين له وتبينين له أنك تحبينه (وقالت):أيوه اهم منك (وراحت)
فارس صار يناظر بالمنديل: ماني فاهمها , بعض الاوقات أحسها تحبني وبعض الاوقات احسها تكرهني كرهه العمى ="(
راشد دقه على كتفه:هاه ي وحش , خذت بحق رغد ونور
فارس:أقول انقلع , ولا فكرت تفزع لي
راشد:شفتك مضبط الوضع الا بالنهايه لما ضربك كنت بجي لكن رغد سبقتني
فارس:آيوه واضح , المهم يلاا خلنا نروح الجامعه
راشد:يلا
****
بيان:عبدالرحمن أفهم أنا زوجة أبووك !
عبدالرحمن:طيب حبيبتي نسيتي العلاقه اللي كانت بيننا ؟
بيان:أحترم نفسك ياعبدالرحمن انا في عمري كله ماقد كلمت رجال غريب أو احتكيت به !
عبدالرحمن:طيب وش تبغين ب أبوي كبير بالسن وعندك القمر واقف جنبك
بيان:ي شين الثقه الزايده
*****
: ياربي أدق ولا لا ؟ , أخااف ادق وتزعل او تسكر في وجهي , المشكله فارس مو راضي يسمعني ! , انا بس بغيت اقوله اني مالي دخل !! , ورغد راح تسكر بدون ماتسمع الكلام اللي ابغى اقوله ! انا بس ابغى اقولها انه اذا فوزيه عطتها الصور فهاذي صور قديييييمه !
دخلت عليها امها:بسم الله علييك حبيبتي ريناد أنتي مريضه ؟؟
ريناد:لا يمهه أنا بخير
ام ريناد:أجل ليه تكلمين نفسك
ريناد:يمه انا كنت أفكر وقررت أرجع بريطانيا
ام ريناد:ما اظن أبوك بيوافق !
ريناد:يمه انتي قولي له وقنعيه ويكفيني انه فواز هناك موجود
ام ريناد:بحاول معه واعطيك خبر
ريناد:يمه في أسرع وقت بليييز
ام ريناد: ان شاء الله
وبعد فتره ..
ام ريناد جأت لبنتها بحزن
ريناد من شافت وجهه أمها فقدت الامل وصارت تناظر امها
ام ريناد : أبوك قال أنه ...
*******
فيصل:وين رايح؟
خالد:المطعم
فيصل:مع مين ؟
خالد:بلاهاا هاللقافه
فيصل:طس عن مكتبي بس , على بالك بتقهرني لانك في الجامعه , اصلا مايهمني
خالد:آهه , صح واضح مايهمك , يلا في امان الله
فيصل:مع السلامه =")
*********
فارس وفواز وراشد جالسين في حديقة الجامعه
راشد:فواز , تعال عندنا اليوم
فواز:لا لا , ترى اذا جيت عندكم , أصدق نفسي وما أرجع لشقتي
فارس وراشد:حيـآك هههه
فواز:ي خي والله فله القى الفطور جاهز وارجع البيت القى الغدا جاهز يذكرني هالشعور ب البيت ="(
فارس:خلاص تعال عندنا
فواز:خلاص بجي عندكم يومين أغير جو
راشد ناظر ساعته:يلا شباب أنا رايح , عندي محاضره الحين
فواز وفارس:أوكك
راشد راح
فواز:ي ولد
فارس:نعم ؟
فواز: وش في وجهك , مين متضارب معه ؟
فارس:مع واحد واطي وما بعد أبررد قلبي منه و بكمل الضرب
فواز :شكله رآح فيها
فارس تذكر شكل تركي وابتسم
فواز:بسم الله طلع شيطانك !
فارس:فوييز
فواز:ها
فارس:ابيك تدعي يتحقق اللي في بالي
فواز:وش اللي في بالك ؟
فارس:لما يصير أقولك !
فواز:عاد وشو حيرتني ؟
فارس:قلت لك لما يصير أقولك
فواز: أجل أسمع , يالله ياحبيبي يارب (ووقف وهو رافع يديه) أنك ماتحقق اللي في باله
فارس:أيـــآ أبن الذينَّ أورييك (وصار يلحقه )
*******
في الحصه والاستاذه تشرح

نوف:فيني نووم
ريما:مو أكثر مني , عيوني يسكرون لحالهم
نوف:ياريت بس فيه مخده وبطانيه , كان نمت نومه مابعدها قومه
ريما:بسم الله عليك ي هبله
نوف:وش فيك , جالسه استهبل
الاستاذه:ممكن أعرف عن ايش تتكلمون ؟
نوف بثقه:جالسين نقول انه الجو هنا يجيب النوم مافيه نشاط
الاستاذه:برراا , طلعي براا انتي وياها
نوف بصوت واطي:أبركها من ساعه
الاستاذه سمعتها: أيش ؟
نوف تستهبل: أقول أني ندمت
الاستاذه:طلعي براا وجيبي ورقه من المديره
نوف:طيب اعصابك (وطلعت ووراها ريما)
ريما:هبله أنتي
نوف:أصبري شويه نحوس ب المدرسه وأنا أصرفك
ريما:يلا
نوف وريما وهما يتمشون
نوف:أنتي تحبين ؟
ريما بارتباك : أك كييد لااا
نوف:كذابه
ريما:كيفك لاتصدقين , على بالك مثلك أنا , تحبين وتكلمين اللي تحبينه
نوف خقت: اللي أحبه بيكون زوجي المستقبلي بإذن الله
ريما:أكيد , لو مابيكون زوجك كان رحت له وكسرت عظامه
نوف:وهه , أشتقت له فديته بس
ريما:هيي أنتي , من الحين ي الخفيفه
*******
ريناد:الحمممممممممممممدلله , يمه روعتيني , حسبت انه ماوافقق
ام ريناد:حبيت افأجئك ههههههه
ريناد:فديتك ياحبيبتي أنتي
*****
رجعوا الفيلا تعبانين
فواز:وين راشد
فارس:مدري
فواز:مدري وش هالمحاضره اللي ظلت مليون ألف ساعه
فارس:هههههههههههههههه أهبل أنت
فواز:من التعب والضرب اللي انضربته أحس اني سكراان
فارس:أحسسن , الله يمهل ولايهمل
رغد جأت لهم :أنتوا جيتوا ؟
فواز:آيهه , يلا نبغى شيء طيب ع الغدا , روحي طبخي لنا
رغد:ههههههههههههههههههههههه أحلف ؟ مو أنا اللي أطبخ
فواز:المهم طبخوا , طبخوا جوعاان , ترى بجلس اسبوع هنا وبتأمر عليكم
فارس:ي خي ماكنك قلت يومين ؟
فواز:ي خي كيفي غيرت رأيي
رغد ضحكت عليهم وكانت ضحكتها خققه
فارس صار يناظرها ويحس ب دقات قلبه وفي نفسه:

تدرين يوجعني قلبي لما تزعلين ؟
وتدرين إنك سعادهه هالكون كله ،
وتدرين أطير من السعادهه يوم اشوفكك تضحكين ،
وتدرين إنكك سما وإنكك بحر وإنكك م تتعوضين

فواز دق فارس: هي ي ولد
فارس :ها نعم ؟
فواز:وش فيك تناظرها كذا , أول مره تشوف زوجتك هههههههههههههههههههههههههههه
فارس في نفسه :ياريت تدري ي فواز وش هالخنقه اللي أحسها , متزوج بس ب الاوراق واللي يعيش معنا مايشوف كذا , حتى شهر عسل مارحنا (وتنهد)
فواز شاف فارس وحس انه فيه شيء:خلاص فريس لاتزعل , أمزح معك بس
فارس ابتسم : لا ي أهبل مو زعلان
********
ام مشعل:مشعل , قوم ودني السوق في كم غرض أبغى أشتريه
مشعل:طيب
ام مشعل ومشعل طلعوا ووصلوا السوق وكااان زحمممه في المحل اللي أم مشعل تبغاه
مشعل:أووه نسيت محفظتي (كذاب)
ام مشعل:خلنا ندخل انا جبت معي فلوس
مشعل:يمه زحمه وش تدخلين
ام مشعل :تعال وانت ساكت
مشعل بتأفف :طيب
دخلوا المحل
ولما خلصت ام مشعل وخذت اللي تبغاه عطتهم مشعل :روح حاسب
مشعل راح وحاسب وطلع الحساب 150 ريال
مشعل التفت لامه: عطيني فلوس (ومد يده)
عطته ريال : الله يعطيك ي وليدي
*****
عزيز كان نايم وصحى من النوم فجأه بسبب حلم
عزيز وهو العرق يتصبب من جبينه :الله يرحمهاا
قام وغسل وجهه وصار يناظر نفسه بالمرأيه وفي نفسه :ياربي , وش فيني أنا مو قادر أنساها , انا ماأقدر انسااها الا إذا حبيت وحده غيرهاا , أستغفرالله وش أقول أنا
طلع برا لقى مشعل توهه جاي وهو متنرفز ويكلم أمه
مشعل:بعد هاذي المرره ماراح أوديك هالمحل مره ثانيه
ام مشعل:وش ذنبي أنا هههههههههه يعني ماتعرفني اللي تروح وتقول للحرمه عطيني فلوس
مشعل:حسبت انها أنتي
عزيز:هههه وش السالفه ؟
***

الساعه عشر بالليل ..

فواز ناظر رغد وناظر فارس , حس انه فيهم شيء وجأته فكره:أقول ي اللي ماتستحون انت وياها
رغد وفارس صاروا يناظرونه يعني وشو ؟
فواز: نور وراشد طلعوا يتمشون وأنتوا لمتى يعني ؟ ,روحوا تمشوا وتسوقوا تنزهوا مع بعض , ولا كنكم متزوجين ي شيخ وش ذا
رغد خافت يشك , وبسرعه راحت جنب فارس :صدق فاررس خلنا نتمشى شويه , طفشت بالفيلاا
فواز: آيه ي ولد روحوا طلعوا
فارس :ها , أيه طيب , روحي تجهزي وأنا أنتظرك
رغد ابتسمت :طيب (وراحت)
فواز:وش فيكم أنتوا , لحد الحين متزاعلين صح ؟
فارس:فال الله ولا فالكك
فواز:مدري عنكم أنت وياها , أبد م مره شفتكم طالعين أو اتصلت عليك وقلت لي انكم طالعين
فارس:مو لازم اعلمك متى بنطلع ومتى بنظل ب البيت :)
جهزت رغد وطلعوا يتمشون
كان الجو بارررد مرره
كانوا يتمشون بصمت ماحد فيهم تكلم
فجأه وبنفس الوقت
فارس:رغد
رغد:فارس
ضحكوا على أنفسهم
فارس:قولي انتي قبل ؟ (وابتسم)
رغد بجديه:أنت ما مليت مني ؟
فارس: وش قصدك ؟
رغد:يعني ماتفكر تطلقني ؟
فارس:أبداً
رغد:طيب دام أني م أصلح لك ك زوجه ليه تبغاني ؟
فارس:لهدرجة تبغيني أطلقكك !
رغد بدون شعور: ماتدري وش كثر أتمنى هالشيء ! (واستوعبت وش قالت )
فارس: طيب ليه ؟
رغد:أبغى أرجع للسعوديه ابغى اشوف أهلي أشتقت لهم أبغى أكون ب حرييه ما يملكني احد وأعيش بدون حب ولا خيانه ولا خرابيط
فارس: طيب اطلقك بس عندي شرط
رغد ناظرته يعني شنو ؟
فارس: وش اللي غيرك علي فجأه ؟ ليه صرتي كذا , من يوم تزوجنا وأنتي أنقلبتي علي ! معقوله كنتي تكذبين علي قبل الزواج ؟
رغد:عندي أسباب خلتني أتغير عليك وحطمت كل الحب اللي كان بيننا ! (كانت تكذب لكن كل ماتتذكر الصور تتجمد مشاعرها بالنسبه له) ما أحبك يافارس , وماابغى أظل كذا متزوجه بس بالاوراق و أبغى أعيش حيااتي ! أنا أتكلم جد ما أمزح !!
فارس كان قريب منه كرسي , جلس فيه وهو يحس بتعب وقلبه يألمه وحط يده على قلبه
رغد:لاتحاول تسوي فيني مقلب ! لاني مابصدقك أبد
فارس ابتسم رغم الألم اللي يحس فيه ويحاول يكون بطبيعته:خلاص سبقيني للفيلا وأنا جاي وراك
رغد:أوكك (وراحت)
******
نوف:أقول مشيعل ي خي خلاص مافيه مخيمات السنه ذي
مشعل:ليه وش عندك ؟
نوف:لا بس أشتقت لذيك الايام الحلوه مع الربع
مشعل:أنقلعي بس , الحين صاروا الربع ها
نوف:اللي هو , المهم وش صاير اليوم أسمعك تصرخ ؟
مشعل:مالك دخل , يلا أنجلعي
نوف:مالت عليك
فجر:يالله , الحمدلله انه بكره الخميس ماافي دوااام وقسم بالله رآححه =")
نوف:نبغى نطلع عاااد
فجر:أحس أني بنفججرر صدق ابغى اساافرر و خلااص اصلاا حنا بنروح لبريطانياااا عشان نزور رغوود وفارس
نوف:أيه أيه يارييت
الجد:يمكن , ليه لاا
فجر: صدق ؟؟؟ صدق جدي ؟؟ قول والله
الجد:يعني بكذب عليكم ؟
نوف:جدي والله لو تطلع السالفه مقلب بروح أبكي
مشعل بنذاله:روحي ابكي
نوف:ماحد كلمك انت , جدي متى طييب ؟
الجد:العطله اللي رآح تجي بعد أسبوع (العطله اللي بين الفصلين) , نروح كلناا ونفأجئهم
عزيز:يعني السالفه صدق؟ فدييييتك ياجدي
الجد:تستاهلون انتوا , وبعدين أنا قلت بوديكم بريطانيا عشان أنتوا ماتسافرون بسبب الشركه
فيصل:صراحه بتكون أحلى سفره
خالد:أكييد ! , بالله من كم سنه مارحناها ؟؟
فيصل:لما كنا في ابتدائي
نوف:قبل لا انولد انا هههههههههههههههههههههه , انا ماعمري رحت بريطانيا
فجر:أنا يمكن رحت مع أبوي قبل لايتوفى الله يرحمه
الكل: الله يرحمه
نوف:متحمممسه أشوف رغيييييد
فيصل:بس جدي مين بيجلس في الشركه اذا حنا سافرنا ؟
الجد:نايف
خالد:نايف خويك صح جدي ؟
الجد:أيوه
******

يوم الخميس الساعه تسعه ونص الصباح
نوف:يارربي ! السوااق اللي مايستحي قفل جواله
ريما:مافيه غيره ؟ , أتصلي على الثاني
نوف:الثاني مأخذ عمتي ام فيصل
ريما:طيب وش نسوي؟ , حنا سواقنا سافر
نوف:اصبري بلقى احد يودينا
ريما قالتها بسرعه:أتصلي على خالد
نوف:أيووه صصصصح !!
****
خالد جالس مع ربعه ويسولفون
خالد : نويف داقه مدري وش تبي .. الوو
نوف : هلا بولد عمي الجمييل كيفك عساك بخير ؟
خالد : عطينا من الآخر ..؟
نوف : ههههههههههههه عاد كأنك تدري اني ابغى منك شي
خالد: اي عارفين انو ورى مصلحتك شي
نوف : هههههههه طيب بقولك تقدر تودينا انا وريما المكتبه لأن ناقصتنا اشياء كثير للمدرسه
خالد : ياربي .. طيب وين السواق عنكم
نوف : مو موجود واتصلت فيه مارد
خالد : دقيقتين لو ما القاكم برا بمشي
نوف : يلا يلا نازلين (وراحت ركض عند ريما)
ريما : شفييك لاتطيحين علينا
نوف : قومي قومي خالد بيودينا المكتبه وقال لو ما اشوفكم بعد دقيقتين برا بمشي
ريما : يلا يلا بلبس عباتي وبنزل انتي سبقيني
(ونزلو مع بعض وراحو للسياره وكان خالد موجود )
خالد : وحده تركب قدام ولا تحسبون بكون سواق لكم !
( نوف وريما يناظرون بعض )
نوف : خلاص الحين انا قدام واذا جينا بنرجع انتي اركبي قدام
ريما : اووك
خالد بعصبيه : تتعازمون !
نوف : لا بس كنا نتفق
.. وصلو واخذو الاشياء اللي كانت ناقصتهم بس نوف طولت لأنها كانت تبحث عن كتاب ..
ريما : نوف انا بروح اركب السياره
نوف : وجعوه انتظريني شوي
ريما : سوري تبين خالد يقول التأخير مني , مو ناقصه انا
(ريما راحت و ركبت قدام على حسب اتفاقهم )
خالد : وين نوف
ريما : ايييه اهي بس شوي وبتجي مابتطول
خالد حب يستغل الفرصه : ريما بقولك شي
ريما بحماس : ايوا قول اسمعك
خالد : هو بصراحه يعني يمكن يكو..
نوف ركبت السياره : اسفه عالتأخيييير خلود
خالد في نفسه : يلعن شكلك ابداً مو وقتك : لا عادي ما تأخرتي ولا ثانيه (كان يقولها وهو شاد على اسنانه)
بعد صمت
خالد : اقول , مين أخر وحده فيكم كلمت رغد ؟
نوف:تونا مكلمينها انا وريما
خالد:وكيفها ؟
نوف:تقول انها زعلانه عليك لانك ماتكلمها
خالد:أنا دايم اتصل على فارس واما يقول لي نايمه ولا في الحمام ولا هي في المدرسه وانا بالجامعه
نوف:وقف وقف , خلنا نتصل عليها الحين ونفأجئها فيك
خالد وقف :يلا
نوف اتصلت ورغد ردت
رغد:وهه اشتقت لكك ي الدوبه
نوف:ههههههههههههههههههههههههههه من البدايه اشتقتي لي , بدون ماتسلمين علينا
رغد:ههههههه توني مكلمتك , أسلم مرتين يعني
نوف:طيب سمعي سمعي مين جالس معنا (وعطت الجوال خالد)
خالد:أهليييييييين
رغد:ي أميي , فديت هالصوووت وراعييه , خلييييييييييييدوه والله وحشتنننييي مرررررررررررره
خالد: أبد مو اكثر مني (وطلع من السياره ) اصلا عادي , مااشتقت لهبالك ولا اشتقت لك لما تنامين بسريري واتفاجئ فيك واجر شعرك ولا اشتقت لك لما تحنين علي
رغد صارت تبكي:عيووونيي أنت , لاتخلييني ابككي !
خالد:كيف مااخليك وأنتي جالسه تبكين , خلاص حبيبتي رغيده لاتبكين
رغد لازالت تبكي :وحشتني مره
خالد:طيب لاتبكين , ترى بسكر في وجهك ههههه
رغد مسحت دموعها وضحكت:ههه لا خلاص ماابكي
خالد:يلا حبوبه لما ارجع البيت اكلمك
رغد:لاا لسا ماكلمتك كويس , أبغى اكلمك
خالد: وانا بعد ابغى اكلمك بس انا الحين بالشارع (وقال بصوت واطي) والحب حقي بالسياره
رغد:هههههههههههههههههههههههههههههههههههه خااالد تححب نووف ؟؟
خالد:لاا , أعوذ بالله
رغد:أجل مين ؟ هههههههههههههههههه
خالد:شسمه خطيبتي المستقبليه
رغد:ميين هي , قوول خوويلد بلييز
خالد:بعدين اقولكك , عشان أبغاك تكلمينها وتسذا
رغد:أوكك , بس ها أتصل علي لما ترجع البيت لا تسحب
خالد:أووكك =)
*******
بعد ثلاث أيامم ..
الصباحح

فارس ركب السيارهه وجأته رساله من راكان في الواتس أب
مكتوب عظم الله اجرك يَ فارس وتصبر يَ بعد قلبي "
فارس خلاص قام يربط المواضيع ببعضها وفي نفسه : مين يَ رب مات ؟؟
لا يكون جدي ! .. لا يمكن واحد من عمامي ! .. وقال خل أتصل عليه وهو وجهه أصفر من الخوف !
وأتصل عليه
فارس على طول: الو مين اللي مات ؟
راكان : ههههههههههههههههههههههههههههههه
فارس: تكلم , بلا استهبال !
راكان: لازم نخوفك عشان تتصل يَ فارس ؟ هههههههه ومحد مات لا تخاف
فارس: عساك ال منيب قايل يَ الوصخ --" وانت مين عشان اتصل عليك هاه قلي ؟

راكان : انا عمك وتاج راسك يَ الحمار .. المهم كيف جو بريطانيا مفكر اني اجيها
فارس: انقلع * وسكر الخط بوجهه *
فارس : يمين بَ الله بغى يجلطني --" .. اجل يتفاؤل بَ الموت =/
رغد ركبت السياره :يلا عشان ما اتأخر
فارس:أبغى يوم ماتقولين هالجمله ! داييم تتأخرين انتي ؟
رغد:يووه فارس يلااا حرك السياره ماابغى اتكللم معااك (كانت متعمده تقول هالكلاام)
فارس قالها بنذاله:طيب طيب
وحرك السياره وصار لهم فتره
رغد:مو كأن هذا مو طريق المدرسه !
فارس بدون مايناظرها:حنا اتفقنا انه مانكلم بعض صح ؟
رغد:بس هذا مو ..
فارس قاطعها:أوششش , خلااص انا عارف الطريق , لاتتكلمين
رغد بتأفف صارت تناظر النافذه
بعد فتره وصلوا
رغد :وين موديني أنت , هاذي مو المدرسه
فارس:أنزلي
رغد نزلت
راحوا لمكان أسمه London Dungeon
بيت الرعب المشهور بلندن
رغد كانت تخاف من هالاشياء :لاا ماابغى ادخل
فارس:وليه ؟ أنتي تخافين ؟ (وصار يضحك)
رغد:لا مين يقوول ! بس أنا أبغى اروح للمدرسه
فارس:قولي من البدايه انك تخافين (وابتسم بخبث)
رغد:لا مااخااف , يلا خلنا ندخل ونشوف مين اللي بيطيح من الخوف (تقصده)
فارس ابتسم:يلا
تبدأ الجوله من الابراج المحصنة اللي نقلتهم تحت الارض ويعني أسم أنهم سافروا عبر الزمن للقرن 18 ونزلوا في سرداب
كان في حارس هو اللي فتح السرداب
الحارس :We turn to the second part of the game to trip spirits wandering in a maze of fear
(نتقل للجزء الثاني من اللعبة الى رحلة الارواح التائه فى متاهة الخوف)
كان في هياكل عظميه ودم وهالاشياء
رغد ماسكه طرف قميص فارس ومسكره عيونها ماتبغى تشوف
فارس مبتسم :ها وين اللي ماتخاف
رغد تركت قميصه:آيوه ما أخاف انا بس خفت اضيعك
الحارس (بالانجليزي): يبدأ الان الجزء الثالث من الرحلة التاريخة الى عام الطاعون عام 1666
كان في جثث متحللة ويخووف شكلهم وبعدين الحارس قادهم لشوارع متهالكه ويسمعون صوت صرخاات تخووف واجراس
رغد ماتحملت وخصوصا تشوف جثث
فارس ماكان خايف ابدا بس يضحك اما رغد ترتجف من الخوف
الحارس :الجزء الرابع هو حريق لندن الكبير عام 1966
كانوا وافقين في غرف وانابيب الحريق وفيه دخان وريحة دخان وفيه اضواء كنه نار
وبعدين راحوا للجوله الخامسه والسادسه والسابعه ورغد مو متحمله كانت تبكي بدون ماتطلع صوت وماسكه طرف قميص فارس اللي يضحك عليها
الحارس : الجزء السابع هو قاعة المحكمة من القرن 18
جأ واحد شكله زومبي والدم يطلع من وجهه وصار يمشي بينهم وقرب من رغد
رغد صارت تصرخ ومسكت يد فارس:فاارررسس خليناا نرررجععع !!
فارس فطس ضحك:الحين تقولين انك ماتخافين
رغد وهي تبكي:أيووه أخااف خلاص بس رجعني اهئ اهئ
فارس:لاتسوين نفسك تخافين , اعرفك انك ماتخافين من هالاشياء
فجأه يسمعون اصوات صرااخ وناس اشكالهم زومبي يخوفون مرره يجوون وينطون عليهم ولا يمسكونهم وكذا حركات تروع وتخوف
رغد حظنت فارس:تككفى فاررس رجعنيي والله خاايييفففه
فارس مبتسم ومستانس رغم الاجواء المخيفه
فارس مسكها:هههههههههههههه طيب مَ بخليهم يسوون لك شيء
الحارس:الجزء الثـامن الان , اركبوا القوارب
ركبوا القارب ورغد وهي تشاهق ماسكه فارس وهو مستانس ع الاخر
وكانوا يشوفون المجرمين والاشياء المسروقه والشنق وكانت رغد منزله راسها ماتبغى تشوف

بس فجأه يطيح القارب في مجرى مائي وطبعا رغد في حاله ماينحسد عليها تصرخ وتصيح لحد ماوقف القارب
وخلاص خلصت اللعبه وطلعوا
فارس:خلاص ياهبله مو لهدرجه وش هالخوف
رغد صارت تضرب فيه:أنت السبب !! خلني اطلع معك مره ثانيه (وصارت تمسح دموعها )
فارس في نفسه:ارحميني ي بنت الحلال
رغد:وش فييك تنااظر , رجعني الفيلاا
فارس:لا فيه مكان احلى من الفيلا
رغد:ماابغى اروح
فارس:ههههههههههههههههههههههه لاتخافين مابوديك لـ اماكن مرعبه
رغد:ماابغى , رجعني
فارس:طلعتي خواافه ي رغيد
رغد:لاا مو خايفه بس ماابغى اطلع معك ولا مكااان
فارس مسكها وهمس في أذنها:احنا لازم نطلع ونتمشى , لانه حنا مراقبين , ولا ترى مو حباً فيك (يكذب طبعا)
رغد صدقت :قول والله ؟ ميين يراقبنا (وصارت تتلفت)
فارس:لااتلتفتيين
رغد:طيب ميين ؟ فواز ؟
فارس بصوت واطي:مدري مدري , بس خليك طبيعيه ولاتلتفتين كثير
رغد:كيف ماتدري !
فارس بصوت واطي:تراهم قربوا ,يعني يسمعونا كلامنا , أوص أوص
رغد خافت وماتدري شتسوي
صارت تفكر وش تقول وفارس يناظرها وخق
فارس مسك يدها:يلا نروح ؟

رغد متوتره وقلبها يدق بسرعه :أيه
فارس وهو يهمس في اذنها:انتبهي لكلامك , لاتقولين شيء بالغلط وتوهقينا , ترى يوصل هالكلام لجدي
رغد بصوت واطي:طيب
رغد:ممم فارس
فارس ابتسم : هممم ؟
رغد :وش رأيكك نروح البحر ؟ , نفسي أروح البحر ونتذكر لما كنا في الشاليه , أيام حلوه صح ؟
فارس:أيام أكثر من حلوه , طيب ماعندي مشكله , نتمشى شويه وبعدين نروح
رغد:أوكك
فارس وقف عند مقهى وطلب 2 موكا بارده
فارس جلس وحط الموكا ب الطاوله
فارس:رغود
رغد مو متعوده يناديها كذا فارتبكت :ه هلا ؟
فارس بيموت ضحك بس مو باين عليه بعدين قال بجديه: ذاك اليوم لما رن الجوال , وش قالت لك ريناد ؟
رغد تغيرت ملامح وجهها وقامت من الكرسي :انا ابغى ارجع البيت !
فارس مسكها :انتظري , طيب والبحر ؟
رغد:خلاص ماابغى اروح , أحس اني تعبانه
فارس:أوديك المستشفى ؟
رغد بصوت شبهه عالي:فااررس قلت للككك رجعععننني البيت (وطاحت دمعتها اللي بسرعه مسحتها ماتبغى تبين لفارس انها تبكي)
فارس:لا ما برجعك للبيت ! اذا انتي تعبانه انا راح اوديك المستشفى !

رغد:لاتتعمد تسوي كذا لاني مابسمع كلاامك , اذا مابترجعني , أنا بأخذ تاكسي يرجعني
فارس حب يذكرها باللي يراقبونهم:ترى بيسمعون كلامك !
رغد:خلهم يسمعون وأنا أبغاهم يوصلون الكلاام لجدي ,أنا ماا أبغاااك وما أحبك ومو متحممله فكرة اني اعيش معك !! أنا أبغااك تطلققنني وارجع للسعوديه
فارس ابد ماكان متوقع هالكلام منها ! وفي نفسه: ماتغيرت نفسيتها الا لما كلمتها عن ريناد , أكيد قايله لها شيء !
رغد صارت تركض للشارع تدور تاكسي
فارس راح لها وهي تركض ومسكها :لاتعيدين القصه اللي صارت لك !(يقصد لما صدمتها السياره)
رغد:مايهمني , عسااني امووت ولا أعيش معك دقيقه وحده !

فارس بضيق :رغد !! , اذا لهدرججه أنتي كارهتني , خلاص لك اللي تبغين , أنا برجعك للسعوديه وبفكر بموضوع الطلاق !
رغد انصدمت ماتوقعت انه بيقول كذا , كان في بالها انه راح يصبر عليها لحد ماتتعدل الاوضاع , حست بخنقه ودموعها شويه وتطيح
فارس وقف تاكسي وقال له عن العنوان وفتح الباب لرغد :اركبي , هو راح يرجعك الفيلا
رغد منزله راسها ماتبغى تبين دموعها وركبت
فارس بضيق سكر الباب ومشى لسيارته
رغد نزلت من السياره بعد مامسحت دموعها
رغد: فارس
فارس التفت لها
رغد: ابغاك انت ترجعني
فارس فتح لها باب السياره : تفضلي
رغد ركبت ولانه كان الطريق طويل سكرت عيونها وهي تفكر كيف تكون مع فارس ، تطلق مثل ماكانت تبي ولا ترجع له وتنسى الصور
رغد كانت جد محتاره ماتدري وش تسوي بعد اللي قاله فارس هي بس حست بخنقه

فارس ركب السياره وشافها كان واضح عليها انها متضايقه
فارس بدون مايناظرها: المفروض تكوني اسعد وحده ب العالم لانه اللي تبغينه راح يتحقق
رغد بدون ماتتكلم لفت وجهها للنافذه
رن جوال رغد ، شافت المتصل نور
رغد:اهلين نور
نور:رغود اسمعي ترى انا وراشد راح نتغدا برا يعني انتي سوي الغدا اليوم ولا روحوا لمطعم
رغد:اي خلاص اوكك
وسكرت
رغد:راشد ونور راح يأكلون برا
فارس:اصلا انا مو جوعان ، اذا تبغين تأكلين سوي لك او طلبي من المطعم
رغد قالت له بصوت واطي:لحد الحين يراقبونا ؟
فارس:تكلمي عادي هم مايرقبونا الا اذا كنا برا في اماكن عامه
رغد:طيب عشان مايشكون باللي صار ، خلنا نروح المطعم ؟
فارس في نفسه :رغد حددي ، انتي تحبيني ولااا لا ! :طيب
راحوا المطعم وصاروا يأكلون وماتكلموا ولاكلمه ورجعوا الفيلا وهم نازلين من السياره
رغد وقفت فارس:فارس ، انا راح اقولك وش اللي غيرني عليك !
فارس ناظرها بحماس:اي قولي ؟
رغد :تذكر بيوم زواجنا ؟
فارس:ايه ؟
رغد بتردد:كنت البس فستاني وشفت ظرف فيه ..
قاطعهم صوت داخل وكأنه احد يدق الباب
فارس: اصبري لحظه اشوف مين يدق الباب
رغد:اوك , وانا بأخذ شنطتي من السياره وجايه
فارس راح وشاف وحده تدق الباب
فارس (بالانجليزي):عفوا ي آنسه لكن أنا صاحب المنزل ، ماذا تريدين ؟
ريناد لفت وراحت له وماانتبهت لرغد اللي كانت جايه :واخيررا شفتك يافارس (قبل لاتكمل كلامها رغد صارت تمشي بسرعه ودخلت داخل)
فارس : ل لحظه رغد ! , (وتنهد)