رواية خطفني وصار محبوبي ﴿روايه سعوديه مكتمله﴾ الفصل السادس 6 - بقلم Hanadi2000

*****
نوف كانت جالسه جنب عزوز اللي قال لها انه بِنام ومرت نص ساعه وهي على هذا الحال ..
فجأه عبدالعزيز صار يعفر وهو نايم وينادي بأسم .. آمل
عبدالعزيز نايم:آمل .. آمممممل لاتتركيني آممملل
نوف تصحيه وهي خايفه من شكله :عززوز عززوز قووم عزززوز هييي
عبد العزيز فزع من نومه وهو ينافخ ووجهه معرق
نوف من الخوف نزلت دمعه من عيونها:عزوز شفيك
عبدالعزيز:مويه الله يعافيك
نوف بسرعه جابت له مويه وصار يشرب
نوف بخوف :شفيك عزوز ؟
عبدالعزيز: كابوس
نوف:طيب من هي أمل ؟
عبدالعزيز مصدوم:هآه مين أمل بعد؟
نوف:مدري بس وانت نايم كنت تقول امل امل لاتتركيني
عبدالعزيزحب يضيع السالفه:انا رايح اتمشى
نوف:خذني معك
عبدالعزيز:لا ابغى اتمشى لحالي وثانيا لو شافك احد من الاساتذه راح يعصب على هالكذبه اللي اخترعتوها
نوف:افف طيب خلاص ..
*******
في مكان بعيد عن السعوديه
في لندن
..:أمل انتي بخير ؟
أمل:ايه يمه انا الحمدلله بخير كح كح
ام امل:يابنتي صار لنا 3 سنين وحنا من بلد لبلد ومن مستشفى لمستشفى كل هذا علشانك اذا تحسين انك مو بخير قولي لي يايمه
امل حاسه انها بتختنق وصارت تكح:كح كح كح كح
ام امل نادت الممرضه وجات الممرضه وعطتها ابره مخدره لانها كانت تتألم ..
امل وهي مخدره:يمه ابيه والله احبه
ام امل:من هذا ياامل منو اللي تحبينه
امل:عزوز يمه والله احبه (ونامت)
ام امل خانقتها العبره على بنتها اللي مو راضيه تنسى عبدالعزيز ..
******
عبدالعزيز يتمشى ومو حاس باحد كان يمشي وعقله مو معه كان يفكر بـ "أمل"
عبدالعزيز في نفسه:آه يا امل انتي عايشه ولا ميته ليه تعذبيني ياامل اكثر من ثلاث سنوات مااشوفك قالوا بتتعالجين من مرض ياترى انتي بخير الحين ولا
عند رب العالمين ..؟
كان يمشي وماحس الا صدم في بنت
عبدالعزيز:عفواً مو قصدي
رغد:شفيك عزوز سرحان وفي عالم ثاني ووين نوف عنك ؟
عبدالعزيز:أمل بالخيمه آ.. قصدي نوف..نوف بالخيمه
رغد باستغراب:امملل ؟ وانت لسا مانسيتها ؟ (حست انه تضايق وحبت تغير الموضوع ) طيب ليش نوف ماجات معك
عبدالعزيز:اوووه رغغيده مالي خلقك طسي عني
رغد:وش فيه ذا
خالد:يلا نروح
عبدالعزيز:وين ؟
خالد:نتمشى يعني بنسوي رحله
عبدالعزيز:خخخ بجي معكم
رغد:ونوووف
عبدالعزيز:ماراح اناديها
رغد:لاتصير نحيس
عبدالعزيز:كيفي انا نحيس
...
فارس في يده جوال رغد اللي من امس كان عنده ولا عارف كم الرقم
فارس:اففف مب سهله هالررغد
فيصل:هههههه ليه ؟
فارس:الرقم السري صعب مو راضي يفتح
فيصل:جرب اكتب 8520
فارس كتب وطلع صح:ياالله فصيييل كان قلت لي من البدايه مت وانا افكر
فيصل:هذا رقمي السري بس بغيره ههههه طلع تفكير رغد نفس تفكيري
فارس دخل الصور وتوه بيفتح اول صوره قاطعه صوت خالد ودخل الجوال في جيبه)
خالد:مابتقومون يلااا
الكل قام ومشوا وفي طريقهم
رغد شافت قطو:بناات شوفوها ياعمري تهبل (ومسكت القطو وصار في حظنها)
رغد قربت من فجر:شوفيها تجنن
فجر خافت:هيييي بعديهاا عننييي
ابتسم عمار على حركتها
رغد:وش فيك ماتخووف
فجر:الا انا اخاف منها
رغد:خبله (وفجاه القطو جرح رغد في يدها وانحاش)
فارس يبي يحسسها انه يحبها مع انه مايحبها:عسى ماصار لك شي
رغد برتباك:هااه لا مافي شي (ونزلت يدها اللي كان يطلع منها دم وهي مو حاسه)
خالد:رغغد
رغد:هلا شفيك
خالد:رغد يدك
رغد طالعت يدها وشافت دم:يالله مين عنده اكلينكس (منديل)
فارس طلع من جيبه منديل وراح ليدها ولفها بالمنديل بحنيه وهو يناظرها وهي استحت ونزلت عيونها
خالد:اححم
فارس استوعب وبعد عنها
عبدالعزيز كان مبتسم ويتمنى يصير له موقف كذا مع امل اللي مايدري وش سالفتها ووينها الحين ..
رغد كانت منحرجه وطول ماهي تمشي منزله راسها
عبدالعزيز قرب من رغد:رغد
رغد:هلا
عبدالعزيز:انتي تدرين انه انتي اقرب وحده لي ولاني انا ماعندي خوات فااعتبرك اختي
رغد غمزت له:قل لي وش تبي
عبدالعزيز بجديه:لا لا .. انا اتكلم من جد
رغد بخوف:ططيب خوفتني وش فيك
عبدالعزيز:امل
رغد بصدمه:امل ؟
عبدالعزيز:ايه امل
رغد:هاه وش فيها انت شفتها ؟
عبدالعزيز:ياريت .. انا خلاص بموت
رغد:اسم الله عليك وش تقول انت ؟
عبدالعزيز:ايهه وش فيك تطالعيني كذا اقولك انا بموت اذا ماشفتها
رغد:طيب خلاص انا بتحرى عنها وان شاء الله اذا توصلت لشي راح اخبرك
عبدالعزيز:طيب شنو تنتظرين ؟ الحين ابيك تدقين وتتحرين
رغد:مجنون انت .. اييهه ذكرتني جوالي مو عندي من امس لحظه بأخذه من فيصل لحظه
عبدالعزيز:اوك
رغد راحت لفيصل:فيصل
فيصل:هلا
رغد:ابغى جوالي من امس عندك وينه ؟
فيصل بتوتر:هاه اييهه لحظه عطيته فارس
رغد برتباك:ف فاا ارس ؟
فيصل:ايه لحظه اجيبه لك (راح لفارس وخذا منه الجوال) امسكي
رغد خذته من فيصل وراحت لعزيز
عبدالعزيز:هاه رغيد بتتصلين الحين
رغد:افف طيب طيب بتصل الحين
عبدالعزيز:ايه فديتك
رغد اتصلت بناس كثيرره ومااستفادت واخر مكالمه قطعت في وجهها ناظرت بجوالها طلع مطفي
رغد:طفى جوالي عطني جوالك
عبدالعزيز عطاها
رغد تدق
وقاطعها خالد:يلا نريح شوي
(قعدوا على الارض بعد مافرشوا لهم حصير )
رغد:الو .. هلا .. الله يسلمك انا رغد .. ايوه .. انا بغيت اسألك عن امل تدرين وينها .. ايه امل ال*** .. حلفيي ؟
عزيز فرح وتشقق من الوناسه
رغد:طيب عطيني رقمها .. ايه ..ايه لحظه .. (صارت تكلم عزيز) عزيز سجل سجل..ايه *********
رغد سكرت:نيهاهاهاها(ضحكة شريره خخخ) ماعليه فصلت شوي ههه بس واخيرا لقيت رقم امها وهما في لندن
عبدالعزيز:صدق ؟ حلففي ماني مصدق
رغد تطالعه بطرف عينها:لاتصدق محد ماسكك
عزيز دقها على راسها
رغد:ايي ترى يعوور
عبدالعزيز:اقوول بسرعه دقي على امها
رغد:اووك اوك (ودقت وشغلت سبيكر) ايه هلا
ام سمير (ام امل):اهلين فيك بس من انتي
رغد:هلا والله بخالتي
ام سمير:هلافيك بعد عمري بس ماقلتي انتي مين ؟
رغد:انا رغد بنت فهد ولد تركي جاركم وصديقة امل
ام سمير:حيا الله رغد وشلونك يابنتي
رغد:الحمدلله ياخاله بس بغيت اكلم امل اذا موجوده معك
ام سمير بحزن :امل مريضه يابنتي ومااتوقع انها تقدر تتكلم
عزيز حزن بس سمع هالكلام بس اطمئن انها لحد الحين مو ميته
رغد:طيب خالتي حاولي تكفين
ام سمير:خلاص خليني اقولها واذا تقدر تكلمك بعطيك اياها
رغد:طيب
ام سمير لامل:هاذي رغد بنت فهد ولد تركي جارنا تبغى تكلمك
امل بفرح :صدق ؟ طييب عطيني اياها
ام سمير عطتها التلفون وطلعت
امل بفرح:الو هلا
..:هلا فيك
امل برتباك:عـ ـزيـ ـز ..
عبدالعزيز:آمل صدق انا أكلمك ولا حلمان ؟
امل ماعرفت وش تقول ..
عبدالعزيز:امل ماتدرين شقد مشتاق لك
امل بدون شعور:وانا اكثر ..
عبدالعزيز:امل انتي وينك وعسى ماشر وش في صوتك ؟
امل بحزن:انا في لندن بمستشفى
عبدالعزيز:طيب ليش ياامل طول هالوقت مااتصلتي علي ماتدرين شقد كنت خايف عليك
امل:انت لو تعرف وش صار لي تعذرني انا صار لي سنه في غيبوبه ومن مستشفى لمستشفى تعبت خلاص ..
عبدالعزيز بخوف:سلامات ياحبيبتي .. والحين وش تحسين فيه ان شاء الله بخير ؟
امل:دامي كلمتك اكيد بخير
عبدالعزيز:طيب متى راح اشوفك تراني مشتاق لك كثيييير
امل:ان شاء الله اذا شفيت من مرضي راح ارجع للسعوديه
عبدالعزيز:امل تدرين اني الحين مو مستوعب واحس اني في حلم انا اكلمك صدق ؟
امل:ههههه ايه وش فيك اسلوبك ماتغيرر بس صوتك يالله صاار خشن ههههههه بس حلو
عبدالعزيز:وانتي صوتك صار ناعم كثير بس دام صوتي خشن كيف عرفتيني ؟
امل:احم وش على بالك كيف يعني انسى صوت حـ.. (وسكتت)
عبدالعزيز:وش فيك كمليها
امل منحرجه:هاه ؟ وش اكمل
عبدالعزيز بنذاله:قولي حبيبي
امل:امم لا مايصير (فجأه دخلت امها) ايه رغد خلاص بعدين اكلمك
عبدالعزيز:لييش لسا كلمتك ؟ في احد يمك اللي تقولي رغد ؟
امل:ايوا امي تبغى جوالها
عبدالعزيز:طيب عطيني رقمك
امل:احمم مابعد اشتري لي خخخ لما اطلع من المستشفى بشتري لي بس شسمه شنو تنصحيني اشتري ؟
عبدالعزيز:اي شي دامي راح اكلمك
امل:خخ طيب يلا رغودتي بعدين اكلمك
عبدالعزيز:يمهه فديتك طيب ياحياتي باي
امل:باي
(وسكروا)
رغد:هاه قل لي وش قلت لها ؟
عبدالعزيز فرحان:احببك يارغغيدتي
رغد:خبل طيب وش قلت لها ؟ اتوقع انها انصدمت لما عرفتك نيهاهاهاهاها
عبدالعزيز:طيري انتي وضحكتك الشريره اللي كنها وجهك
رغد:انا ؟
عبدالعزيز:لا افا انتي اللي خليتيني اكلمها انتي زين البنات وحلاهم
رغد:احم ايه خلك عاقل وبوس راس عمتك
عبدالعزيز:لو تموتين ابوس راسك هذا اللي باقي اخوي الكبير مابست راسه تبيني ابوس راسك انتي ..
رغد:ئه مالت عليك الحين انا وش يخليني اقعد معك واترك سوالف البناات فديتهم
عبدالعزيز:روحي روحي ..
رغد راحت للبنات وسمعتهم يتكلمون عن فارس ..
العنود:ومتى راح يرجع لبريطانيا ؟
فجر:يوم الاثنين هذا قصدي الاحد لكن راح يوصل الاثثنين
ريما:ترراه خقه هالولد حبيته
فجر:لا ياحبيبتي هذا لرغد
رغد ماتدري شالسالفه:وشو اللي لي ؟
فجر تخزها:احم وسوي روحك ماتدرين انا اقصد فارس ..
رغد:فارس وش فيه ؟ :/
فجر:تجيبين القلب صراحه خلاص ماراح اقول
رغد:احسن ¬_¬
تمشوا وبعدين تعبوا ورجعوا للخيمه كلوا شيبسات وحلاويات وخرابيط وسولفوا لحد الساعه 11 وناموا
*********
وليد:مشعل
نوف مبوزه:خير ؟
وليد:اقول قم بس قم وش فيك جالس في خيمة عزيز ؟
نوف:ماابي اكلمك انا زعلان
وليد:لا تتسيخف وبلا حركات بنات طيب ؟
نوف بخوف:بنات ؟ ليش يعني بس البنات اللي يزعلون ؟
وليد:ايه
نوف محرده:خلاص انا بنام
وليد:اهم شي راضي علي ؟
نوف:ليش انا ابوك اللي تبيني ارضى عليك
وليد:عادي وش فيها
نوف:اقول خلنا نروح لخيمتنا ابرك لنا
وليد:يلا
و راحو ..
***********
رغد تتصنع النوم قدام البنات وفي نفسها:
فآرس أحببك اييهه احبك اتوقع اني اذا شفتك بعترف لك وبقول فااررس احححببببك مدري وش اللي خلاني احبه ..؟
يمكن تصرفاته ..؟ أحسه جآد في كلامه احسه صدق يحبني .. بس مثل ماسمعت عنه متفنن في التمثيل ويعرف يمثل على البنات انه يحبهم
خلآص لازم انسااه بس مدري ليه قلبي يقولي اعترفي له بحبك ..؟
..........
اليوم التالي .. واليوم الاخير عند البنات في المخيم ..
دخل عبدالعزيز:يلا بنااات قوموا
سجى في نفسها:بسوي روحي مادري انه موجود وبناظره كني مستغربه ومو مستوعبه يمكن يحبني
رغد جلست من النوم ..
سجى قامت وسوت روحها ماتدري عنه
عبدالعزيز ارتاع ورجع لورى:بسم الله وش ذا الكشه اعوذ بالله من الشيطان .. هاذي ابليس بكبرها
البنات كلهم فقعوا ضحك
سجى انقهرت وصارت تتوعد بعزيز
رغد:هههههههه ططيب وش فيك
عبدالعزيز:عندي ليكم خوش مفأجاه
العنود تحك راسها:هاه وش فيه تكلم
عبدالعزيز:تتوقعون مين راح يظل معكم طول اليوم وماراح يكون مع العيال اللي بمخيم المدعسه ؟
البنات كلهم صرخوا:نوووووف
عبدالعزيز:لاااا
فجر:اجل مين ؟
عبدالعزيز:اناااا
رغد:ووين نوووف من امس الفجر ما شفناها
عبدالعزيز:امزح امزح هذا هي
نوف دخلت وهي تضحك :سبرايز
البنات يصارخون وينططون
عبدالعزيز يناظر ريما:هههههههه وانتي ام كشه ناعمه وش فيك مانقزتي معاهم
ريما لفت طرحتها على راسها:لا انا موب هيلق مثلهم وثاني شي اقوول انقلع بس ترا حنا بنات مو عيب عليك تناظر في شعرنا
عبدالعزيز:ماعليه هههههه عشان اخذ فكره لما اتزوج عن زوجة المستقبل بس مستحيل اخذ ذي (يقصد سجى)
سجى لفت طرحتها على راسها:انقلع بس
نوف فزعت لعزيز:هيي انتي م اسمح لك .. هذا اخخووي
عبدالعزيز:فديت اللي جابك ي بعدي تعالي بس تعالي ابوس راسك وراس اللي خلفوك
نوف استانست وراحت له :يلا بوس راسي
عبدالعزيز قعد في الارض كأنه واحد بيخطب وبيسوي حركة الامير لسندريلا ومسك يدها وباسها
عبدالعزيز يمزح: هل تقبلين الزواج بي ؟
نوف واقفه ومنصدمه
البنات كلهم يصارخون ويصفرون ويصفقون :ايهه يحبها يحبها
عبدالعزيز طلع وهو فاقع من الضحك
نوف بصدمه:بناات !
العنود:هههههههه شفيك يلا دوري لك صرفه على اللي صار من شوي ؟
نوف:انتوا متأكدين هذا عزوز ؟
رغد:يمكن حنا في حلم
فجر:ايه صدق يمكن
ريما:طيب عادي ايش صار ليش مستغربين ؟
نوف:اذا صدق هذا عزوز اعترف من الحين انا اححبه
رغد:لا لاتحطين امل في بالك انوا راح يحبك
نوف:ليشش
رغد:هو يحب أمل
نوف منصدمه:ومنو امل ؟
رغد:شفيك اخترعتي
نوف:قولي لي قبل
رغد:بنت جيرانا
نوف:تدرين امس وش صار فيه
الكل بحماس :وش صار ؟
نوف :كان نايم يمي وانا جالسه فجاه عرق ووجهه صار احمر وصار يعفر مثل المجنون وهو نايم يقول امممل املل ويصرخ امل لا تتركيني
رغد:ياععمري يا عزوز
نوف:طيب قولي لي وش سالفتها كيف حبها ؟ وليش هي تركته ؟
رغد:لحظه اقولك .. من 3 سنوات يعني لما انا وانتي كنا بثاني متوسط هي مرضت مرض يجيب الموت وسفروها وطبعا الكل يدري بحب عزوز يعني
الكل يعرف انه عزوز يحب امل واهل امل يعرفون بهاذا الشي ..
فجر:ححلفي حتى اهل امل يعرفون ؟
رغد:ايه بس عادي عندهم
نوف :نفسي اعرف كيف حبوا بعض
رغد:ههههههههه ايه انا اعرف
فجر والعنود ونوف:حلفي ؟
ريما ماتدري ايش السالفه فظلت تسمعهم
رغد:والله
فجر:طيب قولي
رغد: حبهم بدأ لما ...
دخل عزيز وقاطعها:ياويلك ان قلتي .. بعدين تعالي .. انا ابغاك في موضوع
رغد:هههههههه قاعد تتسمع علينا ؟ طيب قول وش تبغى
عبدالعزيز:لا مايصير خصوصيات
العنود:ايه بس رغد ولا حنا مو مألين عينه
عبدالعزيز:احم اكيد لا .. ذي رغد تسواكم كلكم
رغد قامت:ويي فديتك ترى استحيت ..
عبدالعزيز:ههههههه خبله طيب تعالي ..
راحت له
العنود تصارخ :عزيزوه يالحمار تراني حتى انا بنت خالك ياقليل الادب (سوري ماقلت ليكم عن القرابه بينهم بس قلت انهم يقربون لبعض م حبيت اعقد
السالفه واقول هاذي بنت فلان ومادري ايش بس المهم هنا انهم يقربون لبعض بس سجى مايقربون لها ^.^)
عبدالعزيز:ورغيدوه بنت عمي
نوف قاطعته:عزوز احم (وغمزت له) تراني موافقه على شسمه ذآك
عبدالعزيز بخوف مصطنع:لا لا تكفين واللي يرحم والديك تراني امززح انا اححب امول بعد قلبي توها رغد قايله لكم خلاص عاد ماراح امزح معك
نوف:انااا نوف احد يرفضني ='( مالت عليك
عبدالعزيز:ماعليه ماعليه هونيها وتهون .. رغيد يلا تعالي
رغد:هذاني وش فيك
عبدالعزيز مسك يدها وطلع برى الخيمه وكلهم قامو و صاروا يتسمعون عليهم
عبدالعزيز متشقق من الوناسه :اتصلي عليها ابغى اكلمها
رغد:لا والله روح بس روح
عبدالعزيز:علشاني رغيدوه فديتك
رغد:ماابغى استحي من امها امس داقه واليوم داقه
عبدالعزيز:ايه وش صار عادي
رغد:افف خلاص اوكي (واتصلت وهو الدنيا مو سايعته من الفرحه)
رغد:الو
ام امل تبكي:ايه الو ؟
رغد بخوف:وش فيكِ يالخاله ؟
ام امل:بنتي يارغد بنتي
رغد:وش فيهااا ؟
ام امل:في الانعاش بين الحيا والموت ادعي لها يارغد

رغد:ان شاء الله
ام امل سكرت وهي تبكي اما رغد كانت تناظر عزيز بشفقه انه كان يبي يكلمها فحبت تمثل عليه ..
رغد تتصنع الفرح:صدق ؟ وناااسه يلا اجل خاله ان شاء الله بعدين اتصل
عبدالعزيز:هاه ليش سكرتي ؟
رغد تتصنع الفرح :تقول انها بخير وهي في الحمام الحين
عبدالعزيز شك:رغد متأكده ؟
رغد:هآه اييه متأكده ليش تسأل ؟
عبدالعزيز:لانك كنتي في البدايه خايفه والحين فرحانه شاللي يخوف وش قالت لك
رغد تفكر بأي حجه:مدري بس امها كانت حزينه قالت لي امل قلت لها وش فيها قالت انه
امل زلقت بالحمام وبعدين صارت تضحك وقالت امزح معك هي بالحمام اذا طلعت اخليها تكلمك
عبدالعزيز:يعني راح تدق ؟
رغد:هاه مدري
عبدالعزيز مو مرتاح:طيب انا رايح
رغد:اوك
*********
عمار:ايه وبس هذا اللي صار
خالد:اشك انك كذاب
فيصل:لا لا مايكذب عمور
عمار:اصغر عيالك عموور
فارس:هههههه وش رايكم نعلق عليه بعموور
خالد:خلاص هذا اسمه عمور
فيصل:وخالد راح نسميك خلود
خالد:على الاقل خلود ولا عمور هع
فارس:وانت يافيصل نسميك فصول
فيصل:لا لا بلاها ياشيخ ترى ان قلت لي فصول بقولك فروس ترى تطيح هيبتك قدام البنات
فارس:هههههه لا خلاص اتووب
عمار:طيب شسمه تخيلو
فارس انسدح على رجول فيصل:هذاني اتخيل
عمار:هيي عاد فارس مو وقتك تستهبل
فارس:ههههه خلاص كمل
عمار:من قبل اسبوعين تقريبا جأت لي بنت عمي
فيصل:لاتقول ليااان وييعع
عمار:ايهه هي
فارس:ذيك المايعه اللي م صدقت على الله لما رقمتها
عمار:هههههههه احلف ياحمار مرقمها
خالد:كنه بس خلى وحده ما رقمها
فارس:هههه طيب خلاص فضحتوني كمل ياعمار وش صار بعدين
عمار:هههه المهم تخيلوا انها جايه لي تقول (ويقلد صوتها)انا غايبه عن الاختبار والدكتوره مارضت تعيد لي الاختبار وانا قلت لها غصبن عنك راح
تعيدين لي وبما انك دكتور ابغاك تكتب لي اجازه
خالد:لا تقول انك رضييييت !
عمار:طبعا لا ومستحيل قلت لها تحملي اللي سويتيه قالت لا فشله بليز عمموري قلت لها انقلعي لااصكك بكف يعدل وجهك اصغر
عيالك تناديني عموري طبعا زبدة الموضوع انها الحماره تتوقعوا شقالت لي
الكل:شقالت ؟
عمار يقلد صوتها:عادي حبيبي راح تتعود بعدين لما نتزوج .. واثقه الحماره
خالد:وانت يالغبي ليش مارديت عليها
عمار:مادري فجأه ماعرفت وش اقول لها لكن لو تموت مااتزوجها
رن جوال فارس:اوف هاذي البنت ماتستحي ماتت وهي تدق علي وش تبي ذي خلاص ياننااس مابكلم البناتت اتووب
خالد:اخرطي
فارس:طيب سكتوا (ورد عليها) هلا والله بقلبي
...:اهلين حبيبي
خالد يأشر للعيال ويكلمهم بدون صوت:بدأ المغازلجي
فيصل لفارس يأشر له يعني افتح السبيكر
فارس فتح السبيكر:كيف الححال ؟
...:تمامو بعد قلبي وانت شخبارك؟
عمار بدون صوت:قلة ادب هههه
فارس :بخخير الحمدلله
...:حبيبي فرووسي متى راح تجي وتخطبني صراحه انا مليت وتقدم لي واحد وابغى ارفضه لكن ابوي مو راضي
فارس:مو مشكله قلبي خلاص قبلي اللي تقدم لك وننهي علاقتنا ببساطه
..:حبيبي لاتمزح معاي كذا ترى ازعل
فارس:بالطقاق يطقكك بس اتكلم جد واصلا انا خاطب بنت عمي ارتحتي الحين ؟
عمار يغمز لفارس ويأشر له يعني من هاذي
.. تسوي روحها تبكي:لااا اكيد اهلك غصبوك عليها
فارس:لا لا احبها ويلا عاد تراك ازعجتيني بأتصالاتك ماعندك كرامه
...:راح تندم يافارس وبتشوف
فارس:قلبي وجهك يلا عاااد (وسكر في وجهها)نرفزتني الحيواانه
عمار:ههههههه بالله عليك الحين تنرفزت ؟
فارس:ايووه
عمار:اجل هالبنت المسكينه عايشه الدور تقولك متى تخطبني
فارس:شفت الثقه عاد يلا كفك
عمار ضرب كف فارس
فارس:بل عليك مو يد احح يدي صارت حمره
عمار:لا تتدلع علينا اقوول
***********

نوف:ههههههه يا حساافه اليوم كله ماراح يعطونا شي بيسوون رحله طبعا اللي مايبغى يروح عادي يظل بالمخيم
ريما:طيب ليش حسافه
نوف:وليد بعد قلبي ماراح اشوفه اليوم كله
فجر:وحنا يالغبيه راح نمشي اليوم وراح تظلين لوحدك 4 اياام وراح يفووتك الحفل اللي بنسويه
نوف:حفل ؟ وليشش ؟
فجر:توديع لفروس
نوف:ايييه عادي اودعه اليوم خخخ واقدر افتح التانقو واشوفه كل يوم
العنود:ايه عاد انتي ماتستحين منه
نوف:عادي عادي متربيه معاه في نفس البيت من يوم انولدت يعني شرايك ..؟
رغد:طيب بنات ترى اليوم بتنامون في الفيلا
العنود:من غير ماتعزميني جايه جايه هههههه بيت خالتي وبيت عمتي ونوف وش تصيرين لي ؟
نوف:هههههه والله مادري بس يعني اكيد تقربين لي هههههه
العنود:بس صراحه صلة القرابه بينا غريبه شويه.. يعني امك تصير بنت خالة عمة ام جدتي
نوف توسعت عيونها:نعم ؟ حلفي صدق ؟
العنود:لا لا امزح معك يالخبله بس تقريبا يعني كذا ههههههه
سجى :واخيرا راح اشوف فيلتكم
نوف تأشر للبنات يعني لاتعطونها وجهه
فجر:ههههه
صاروا يسالفون قاطعهم صوت فيصل اللي واقف جنب الخيمه:يلا بنات بنرجع
نوف:لاااااا
ريما:احسن واحد فيصل مو عزيز وفارس يدرعمون علينا لا احم ولا دستور
رغد:هههههه عادي عندهم وترى فيصل مثلهم نسخه مطابقه لهم لكن مسوي نفسه يعني مايدخل بس انا وفجر ونوف كل ساعه داخلين وطالعين وحنا
عادي عندنا ولا كنه صاير شي
نوف:هههههه اي والله مثل ذاك اليوم بالفيلا قاعدين حنا الثلاثه نسولف مع جدي ودخلوا الشباب وحنا قاعدين فجأه صرخ علينا جدي (وتقلد صوته)
يلا يلا قوموا كل وحده تروح تلبس طرحتها وانتوا كل ماتكبرون تدبرون
فجر ورغد فطسوا ضحك :هههههههههههههه
فجر:يعني لو احد من عيال عمامي خطبنا ماله داعي نظره شرعيه خلاص حفظوا اشكالنا
رغد:هههه ذاك اليوم يقولي فيصل وحنا بالحديقه لما طاحت طرحتي خذتها بسرعه ولفيتها قال مدري شالفايده شعركم يبين ولا بعد يعني اسم قدام الناس
تتحجبوا وانتو بالبيت لا حيا ولا مستحى على قولة جدي
نوف:ههههههههه ايييه سمعته لما قال لك كذا
سجى:عيب عليكم يالبنات
رغد:لا والله خلينا الادب لك يالحلوه على الاقل حنا صدق يشوفونا عيال عمنا وترى على فكره يعني اذا سافرنا برا السعوديه مانلبس لا عبايه ولا طرحه
لكن مانطلع مع اولاد غريبين ونأكل معهم بالمطاعم (تقصد سجى)
سجى عصبت:شقصدك ؟
نوف بحده:قصدها انك وحده ..
قاطعها صوت العنود:خلاص كفااايه
نوف ناظرت سجى بستحقار ..
خالد درعم عليهم :يللااا عاااد
ريما على طول حطت طرحتها على راسها
العنود:خخخ توهم يتكلمون عنكم شكلكم ماراح تتركون هالطبع
خالد:ليش وش تقولون يلا اعترفي عنيدوه
العنود:والله يا ولد خالتي شسمه قاعدين يتكلموا عنكم ويقولوا انكم تدرعموا عليهم
خالد:هههه قصدك مثل ماسويت الحين .. عادي ترى في البيت دايم كذا وهذولا عادي عندهم .. بس الحين قاعده تتكلمين ورى ما لبستي طرحتك ؟
العنود:توك تقوول عادي
خالد:ايه عادي خلاص ..امم طيب قوموا
نوف قامت وحظنت البنات :اهئ اهئ بشتاق لكم
البنات:وحنا بعد ياقلبي
خالد:يلا جهزوا وحنا ننتظركم ..(طلع)
بعد صياح وبكي من نوف طلعوا بعد ربع ساعه والبنات ركبوا السوبر و الشباب الام بي دبليو
وصلوو الفيلا وبالتحديد راحوا الصاله وهناك الامهات والاباء والجد والجده جالسين يسولفون ..
راحو وباسوا راس جدتهم وجدهم
الجده ليلى:وينكم فقدانكم يابناتي
خالد:ايه يمه بس البنات ولا حنا ولا شي عندك
الجده ليلى:لا معزتكم وحده
فارس:طيب مافي ترحيب يا يمه
الجده ليلى:هلا بفروسي بعد قلبي
فارس :لا يمه ماني صغير تقولي لي فروسي
الجده:انت وش تبغى راح تموتني خلاص ماني بمكلمتك
الجد تركي:خلاص يافارس لا تأذي جدتك
فارس:اوك اوك نو برابلم
رغد راحت لامها:مامي
ام خالد:هلا
رغد:ماما لاتحسبونا في الغدا راح نتغدا من المطعم
العمه ام فيصل:وانتوا كل يوم من المطعم
رغد:هههه ايووه
(راحو البنات المجلس الخارجي اما فيصل وخالد وفارس جلسوا جنب جدهم ويهذرون على راسه ويستهبلون)
الجد تركي بيضربهم بالعصا:قم قم انت ويااه
قاموا وهم فاقعين ضحك
بوخالد:بس ياعيال ترى مصختوها
فارس:معليه عمي .. جدي مايبغى يسمعنا كل ماسولفنا له قام بيضربنا
الجد تركي:ايووه تستاهلون قاعدين يطقطقون علي ويسميه سووالف
خالد:ايه جدو حنا قاعدين نسولف معك
الجد تركي :اذا هذا سوالفكم اقلبو وجيهكم
فيصل:عاد جدي انا ماتكلمت تبغى تزوجني ؟
الجد:انقلع بس من قال انكم بتتزوجون انا مدري مين راح يبيع بنته لكم
الجده:يلا ياعيااال قوموا عن جدكم ولا بقوم عليكم
فارس لخالد بصوت واطي:كنها بس تقدر تقوم
خالد فقع ضحك ودق كف فارس وهما يضحكون
الجده:وليش الضحك انت ويااه
خالد:ابد جده بس قالي نكته
فارس باس راس جده وجدته :سامحوني
خالد التفت لفيصل مستغرب وهم فيصل التفت لخالد
فيصل:وش ججايه سعيد الحظ ؟
خالد:حالي حالك ياولد عمتي مدري وش صاير بالدنيا
فارس:ماراح اعطيكم وجهه لاني مؤدب
الجده:ايهه يمه فديتك يافارس انت المؤدب الشاطر
فارس يستهبل :ايه انا شاطر بس ياجده وش رايك تخطبين لي ؟
فيصل :لاااا ياجده وش تخطبين له انا اكبر منه كييف يعني تخطبين له انا عمري 25 واشتغل بشركة جدي اما هو 24 ولسا بالجامعه
فارس:خلي الشركه تنفعك انا دكتور ياحبيبي دكتور
الجد:لا تتمادى بكلامك يا فويرس
فارس:سووري
**********
العنود:وش رايكم نطلع بالحديقه احسن من هنا
ريما:ايهه ونبغى نجلس بالجلسه اللي هناك
فجر:انا ودي احط رجولي في المسبح ونسولف
رغد:يب عجبتني فكرتك يافجر بس اخاف اطيح ولحد الحين مااعرف اسبح
فجر:وش اللي بيطيحك يالشيخه
العنود:وانتي لسا ماتعلمتي تسبحين تراها سهله
رغد:لاتذكريني بلييز
(طبعا رغد ماتعرف تسبح والسبب انه وهي صغيره كانت راكبه يخت وطاحت في البحر وغرقت وكان راح تموت لكن الله حفظها ومن يومها صارت
ماتسبح الا وهي لابسه الكفر عشان ماتغرق والبنات مايضايقونها لانه اذا ضايقوها راح تزعل وماراح تسبح كافي انها تعقدت من السالفه ومو راضيه
تتعلم كيف تسبح)
سجى مو وياهم ابد كانت تناظر البيت بنبهار وتقول في نفسها هذا قصر وش كبررره اذا هذا بس اللي هنا اجل داخل وش فيه ! انا لازم اتزوج لي واحد
من عيالهم واحاول اتقرب من البنات ..
فجر:يلا نطلع ؟
رغد:ايوه يلا
فجر:رغد خذي صينية الحلا والقهوه وديها جنب المسبح
سجى بنفسها وبكل خباثه :المسبح.. ايهه الحين وقت انتقامي لك يارغد (سجى طلعت من المجلس الخارجي وفي يدها فنجال القهوه راحت وكبت القهوه
جنب المسبح وكانت مقرره انه رغد تجي من هالجهه عشان تزلق ..
رغد طلعت والعنود وفجر وريما يسولفون ويمشون ببرود
سجى:رغد تعالي هالجهه
رغد مشت وفجأه زلقت وطاحت بالمسبح وصارت تطلع يدها وتصارخ ساعدوني لحد ما خلاص انتهت
رغد في نفسها وهي خلاص بتموت:خلاص هذا اخر يوم في حيااتي
العنود لسجى:عسى ماشر سمعت شي يطيح
سجى تتصنع الانصدام وتأشر على المسبح:ررغغد رغغد
*************
فيصل:الفلم يارجااال وينه نبغى نشوفه الحين
فارس:في الملحق .. خالد رح جيب الفلم
خالد:انت اللي حطيته في الملحق تحمل وروح جيبه
فارس :اف منك
(طلع ولا ينصدم بسجى اللي تأشر على المسبح وتقول رغد رغد والبنات صارخووا )
فارس في نفسه:لاا رغد ماتعرف تسبح ليش هاذي تقول رغد وتأشر ع المسبح لا يككووون !!! (على طول وبدون تفكير نط في المسبح

👇
👇
👇
⭐
😊😊