رواية خطفني وصار محبوبي ﴿روايه سعوديه مكتمله﴾ الفصل الثامن عشر 18 - بقلم Hanadi2000

بوخالد:ها ؟ ويين خالد ؟
فيصل:والله ياعمي ماقدرت الحقه
ام خالد:يابو خالد دق على الولد اخاف يصير له شيء
الجد:اذكري الله يام خالد مابيصير شيء ان شاء الله
الجده:اهي صادقه ام خالد دقو على الولد لا يصير له شيء
فارس:انا اتصل عليه (واتصل لكن طلع مغلق وكانوا الكل خايفين عليه وقرر يمثل انه رد) آيوه هلا خالد .. وينك انت ؟ .. أها .. اوك خلاص يلا باي ..
ام خالد :وش يقول
فارس ناظر الكل اللي ينظارونه بخوف: هـا ؟ ايه قال انه قريب من الشركه
الكل زفر بارتياح وحمدوا الله
راكان :يلا مع السلامه
الكل:مع السلامه
راكان راح وباس راس الجده والجد
ام فارس:فاارس
فارس:هلا
ام فارس:ها ياعيال متى تتزوجون وتفرحونا ؟
رغد وهي منحرجه ومنزله راسها:بدري لسا تونا مالكين
فارس:قريب ان شاء الله
الجده:على طاري الزواج ترى زواج راكان قرب
نوف:ونااسه واخيررا بيتزوج عموو راكان
عزيز:والله طفش وش اسوي ؟
مشعل:ايوه ججد طفش
عزيز:مشعل وش رايك نأخذ السياره ونفرفر بالشارع كذا يعني ؟
مشعل:آيووه يلاا
عزيز ومشعل قاموا
الجد:يلا يابوفارس ويابوخالد ويابومشعل ويافيصل يلا على الدوام
فارس:دام ماعندي لا شغل ولا مشغله بروح معكم
بو فارس:آيوه تعال يمكن تستانس عندنا
الجد:انا خايف تجي وتفسق مع العيال وماتخليهم يشتغلون
فيصل:اما عاد .. جدي خله يجي ويغير جو
الجد:اوكي يلا تعال
فارس:عادي اروح بهالملابس صح ؟(كان الكل لابس ثوب بس فارس كان لابس شورت و تي شيرت )
فيصل:ياخي عادي تعال ولا تأخرنا
فارس:طيب طيب اسبقوني بس رايح اجيب جوالي ناسيه فوق
نوف في نفسها:وش هالكذب هذا الجوال في يده ! وش ناوي يسوي ؟!
الكل راح
فارس غمز لرغد يعني لحقيني
نوف شافته وفي نفسها:ايووه وانا اقول ليه يكذب طلعت السالفه كذا
***********
فارس:رغود حبي
رغد بخجل:هلا
فارس:الليله بعد مايشوفون فجر ويمشون الضيوف ابغاك تتصلي علي اوكي ؟
رغد:اممم طيب بس ليه ؟
فارس:مو حلوه الاسئله الكثيره =)
رغد:ءءءه مالت
فارس:ها ؟ ماسمعت وش قلتي ؟
رغد:ابد حبيبي ماقلت شيء =)
فارس:يلا ياقلبي رايح :*
رغد:اوك باي
***********
في السياره
وقف عزيز للاشاره والتفت شاف وحده وجلس يضحك
مشعل التفت لعزيز:وش فيك تضحك ؟
عزيز:مشعل ششوف ششوف
مشعل:ششنو..؟
عزيز:ذي ام عباية رأس صدقني بتططيح
مشعل: وش عرفك انها بطيح ؟! الا اذا عينك فـرن
عزيز: يالعله بتشوف الحين
" البنت بتنزل من السياره "
عزيز فتح نافذة السياره:حجيييييييييه عبااتك
طــــــــم طـــرااااخ ( طاحت على وجهها)
عزيز ومشعل:ههههههههههههههههههههههههههههههههه
وتقعد تسب فيهم وتلعن وهم يضحكون عليها
مشعل:ههههههههههههههههههههه الطيححه تحفه صراحه ماتنتفوت
عزيز:ياليت صورناها بس
مشعل:اقول ترى الاشاره خضرا بسرعه امش
عزيز:طيب
**********
سميه:يمه بتروحين بيت جدي ؟
فوزيه:اكيد يعني وش رايك
سمر:مشتاقه للبنات من ملكة رغد ماشفناهم
سميه:يب
منى:وع وش فيكم انتوا ثقلوا شويه دايم تروحون بيت جدي
سمر:اقول خفي علينا
عبدالرحمن:اوص عاد لا اكفخكم انتوا الثنتين
سليم:يمه وين ابوي مارجع من دبي ؟
فوزيه:ابوك من سافر مااتصل علي الا مره
فواز :مره !! اكيد الوالد شايف له شوفه
فوزيه:اقول تلايط بس
فواز:ههههه اكيد تزوج عليك
فوزيه:فوازوه اعقل
الخدامه جابت شاي لفواز وبالغلط طاح عليها وجا شوي على فواز
فواز:اااااححح عمى بعيينك رووحيي جيبي الاكلنيكس
الخدامه بسرعه جابت له
فواز اخذه من يدها بقوه وصار يمسح:عمى قوولي اميين يالهبله ياللي ماتطالعيين وين عيوونك علميني وينهم ؟
فوزيه:فوااازووه والتالي معاك ؟ انت كل ماتكبر تدبر الناس تكبر وتكبر عقولهم وانت تكبر ويصغر عقلك الخداامه مااتدري شوف وجهها كيف صار شويه وتبكي
فواز:بل بل بل يمه شفيك كلتيني كل هذا لانه ابوي تزوج عليك آء قصدي كل هذا لاني هاوشت الخدامه
سليم:هههههههههههه فووااز امانه ناظر وجهه الخدامه
فواز ناظرها:يعني وشو ؟ تنتظريني اضمك ولا شنو ؟ بسرعه امسحي الارض
سميه:هههههههه يعني جد حسيت وش فيها واقفه كأنها صنم
سمر:جاها انهيار عصبي ههههههههههههه
الخدامه راحت المطبخ عشان تجيب الاغراض و تمسح الارض
فواز:انا من رأيي تغيرون هالخدامه ماني مرتاح لها
فوزيه:ليه وش مسويه لك
فواز:تستخف بدمها علي امس طاح عليها كاس المويه واليوم الشاي
سمر:فواز يمكن تتميلح هههههههه شكلها تحبك موت
فواز:ياختي طيري بس

سميه فجأه فطست ضحك:ههههههههههههههههههههههههههههههههه اي بطططني ههههههههههههههه
سليم:فجأه ! وش هالضحك
سميه:هههههه تخيلت ههههههههه تخيلت فواز مع الخدامه هههههههههههه
فواز رمى عليها المخده وقام يتروش مره ثانيه
***********
ندى:ايوه حبيبي وينك ؟
راكان:انا في العياده
ندى:طيب اذا ماعليك امر الليله وانت راجع لبيتكم تعال لي عشان ابي احضر النظره الشرعيه حقة فجر
راكان:اوك ياعيوني
ندى:يلا اخليك باي
راكان:لسا توك متصله
ندى:ايوه بس شكلك مشغول
راكان:لا مو مشغول ولا شي اصلا راجع للبيت اليوم فااضي ماعندي ولا مريض
ندى:زيين يعني ماعندك عمليات او شيء كذا
راكان:يب هذا احلى شيء بجلس في البيت واي مريض يجي لازم يكون لي معاه موعد من قبل
*********
غرفة ظلااااام وهدوووء وبااارررده مرره .. ينطق الباب لكن ماردت عليهم وينطق مره ثانيه وثالثه وماحد رد
دخلت الغرفه وفتحت الليت وطفت المكيف وفتحت الستاير:العنوود قووومي
العنود:ممممم هااا وش تبغين
ريما:اقوولك قووومي
العنود حاطه يدها على عيونها:طييب سككريي الليت وسكري الستاره
ريما:انقلعي ياشيخه بعد ماتفشلت مع امك وابوك تبغيني اسكرهم
العنود جلست:نعم نعم هاا
ريما جلست على الكنبه:قومي غسلي وجهك
العنود :بأخذ لي شاور وبعدها بجيك
ريما:اووف .. طيب بس استعجلي
العنود ظلت ساااعه في الحمام وبعدها طلعت
ريما:كان ماطلعتي يازفته
العنود:أوووه نسيت انك هنا
ريما:مو مهم .. المهم الحين روحي جيبي عبايتك
العنود:ها .. ليه ؟ وين بنروح ؟
ريما:بروح الموول
العنود:وش عندك هناك ؟
ريما:أبغى فستان حق الليله
العنود:ليه الليله وش المناسبه ؟
ريما:العنوود جاااك زهايمر ولا ووش ؟؟ الييوم النظرة الشرعيه لفجر
العنود:ايووه ايوه صصح
ريما:تتوقعين بلقى فستان ؟
العنود:أممم وش دراني
ريما:طيب يلاا
********
في الليل البنات متجمعين في غرفة فجر
فجرجهزت ولبست وتكشخت وصايره تهبببببل وجهها آححمر
رغد:وش فيك ترى لسا ماوصل حبيب القلب
فجر:رغييدوه جب
نوف:آه بس ياريتني مكانك ياريت يتقدم لي وليد
رغد:ههههههه اشوفك من الحين خاقه ثقلي فشلتينا
نوف:ماقدر عليه
العنود وريما وندى دخلوا:السلام
الكل:وعليكم السلام
رغد:جايين مع بعض ؟
العنود:يب انا وريما كنا في بيت جدتي وطلعت مع ندى وركون
ندى:هي هي اسمه راكان
العنود:ههههههههههههههههههه طيب طيب
رغد:على طاري جدتي ولهت عليها صرت مااشوفها الا في المناسبات
ندى:اصلا امي شراهنه عليك كل ماجأت أمك عندنا تقولها وين رغد
رغد:يووه حلفي ؟
ندى:ههههههه روحي لها تحت
رغد نزلت
نوف:عنيييد ورويم يا بعد قلبي وحشتوني
العنود وريما:وانتي وحشتيناا كثيير
ندى:احم
فجر رمت عليهم اكلينكس:بدل ماتباركون لي جالسين تتغزولون ببعض
نوف:انا باركت لك ههههههه
العنود:وانا في البي بي باركت
ريما:ياحياتي يافجور تصدقين نسيت
فجر:وانتي يالهبله صدقتي اني ابيك تباركين لي انا بس خايفه ومدري وش اسوي
العنود ضمتها:ياعمريي انتي ترى عادي يعني لو انا بفسق مع خطيبي
نوف:العنود اصلا لازم خطبتك اكون انا اول الحاضرين
قاطعهم صوت دق الباب
فجر:مين
فتحت الباب:يابنتي استعجلي تراه وصل
فجر:مين اللي وصل -.-" ؟
ام فيصل:خطيبك وامه واخته
فجر:بعد ! "
ام فيصل:يلا بسرعه نزلي وبذرابه ولاتبكين
فجر ضمت امها:يمه خايفه
ام فيصل:لاتخافين يابنتي ، الحين نزلي بوسي راس امه
وسلمي على اخته وجلسي معهم اشوي على مايجي اخوك يدخلك عليه
فجر قلبها يدق مو مستوعبه وش بيصير قلقانه كثيير
ام فيصل:يلا انا بنزل وانتي تعالي وراي
فجر برتجاف:طيب
ام فيصل نزلت
البنات :واحنا بننزل
فجر ترتجف:من جدكم انتو ؟ بتتركوني كذا يعني
ريما:وش رايك انزل معك وعلى بالهم انا العروسه ويأخذوني بدالك امم ترى انا عادي عندي صراحه عمار وسيم
فجر:ها ؟ يأخذونك بدالي .. لا ياحبيبتي خلاص
الكل ضحك عليها
ونزلوا البنات وهي نزلت بعدهم
سلمت عليهم وجلست
أم عمار وهي تناظر رغد:ماشاء الله هاذي بنتك يام فيصل
فجر طاح وجهها
أم فيصل:الله يهداك يام عمار هاذي بنت اخوي وهي مخطوبه .. هاذي بنتي
أم عمار:ايوه ماشاء الله عليها بنتك تهببل الصراحه .. (وصارت تكلم فجر) كم عمرك ؟
فجر منزله راسها:19 سنه
ام عمار:العمركله يابنتي
فجر:الله يسلمك
ام عمار:اعتبريني امك ياحبيبتي ولا تستحين مني واي شي تبغين مايردك الا لسانك طيب ؟
فجر:طيب :)
سمعوا صوت دق باب
ام فيصل:الظاهر هذا فيصل
فجر دقات قلبها تتسارع
ام فيصل راحت تفتح الباب
فيصل:يمه خلي فجر تجي بسرعه الولد له ساعه ينتظر
ام فيصل:ان شاء الله .. (وراحت لفجر) يلا فجر قومي
فجر بفهاوه:هــا ؟؟ ووين يممه ويين أقوم ؟
ام فيصل:ههه وش فيك ؟ يلا قومي اخوك ينتظرك برا
فجر قامت وعطت البنات نظره بريئه
البنات بصوت واطي: فججججر فااايتنق (فايتنق كلمة كوريه معناها = حارب أو كافح )
فجر راحت وهي خايفه وبنفس الوقت فيها ضحكه على شكل البنات وهم يقولون فايتنق
فيصل راح مع اخته للمجلس وقبل لا يدخلون
فجر:فيصل لحظه وقف
فيصل باستغراب:ليه ؟ (وناظرها شافها تبكي) وش فييييك ؟
فجر تمسح دموعها:لا مافيني شيء
فيصل:فجر قولي لي وش فييك ؟؟ أنتي ماتبغين عمار ؟
فجر:الموضوع مو كذا .. بس انا تمنيت يكون أبوي موجود . .
فيصل خنقته العبره وحظن اخته:خلاص ياعمري .. يلا مسحي دموعك الحين الرجال يشوفك يقول شكلها مغصوبه
فجر مسحت دموعها وتسوي روحها طبيعيه:ها ؟ شكلي حلو ؟
فيصل:ههههه لاا لو يشوفك يرتاع وش هالكشه
فجر:فصيييييل !
فيصل:ههههه أمزح يلا دخلي
دخلت ودخل وراها فيصل
عمار كان جالس وقام من جمالها انصدم لانها كانت اجمممل بكثثير
فيصل :لحظه لحظه لا تفتح فمك ماراح تجلسون بروحكم ههههاي انتظروا بنادي ثنتين من البنات (وراح)
عمار:اخبارك فجر ؟
فجر بارتباك:الحمدلله .. أنت كيفك ؟
عمار:بخير دامي شفتك
فجر استحت
عمار:رفعي راسك خليني أشوف جمالك
فجر وجهها أحمر ومارفعت راسها
*******
وجأو رغد والعنود ونوف وريما ولا وحده كانت لابسه عباية بس ريما
فيصل: قولوا والله ؟ انا قلت ثنتين
العنود:بليييييييييييييز فيييصصل تككففى خلنا نروح كلنا
فيصل:انقلعي مافييه
ريما:أفاا ياففييصل ليه انت كذا
فيصل: انتي ايه دخلي
ريما:شكرررا
فيصل:انتوا أنقلعوا يلا
رغد:أماااا لييه بس ريما
فيصل:وين عبايتك ها ؟ يلا انقلعي وانتي بعد
نوف:هيي هي اقوول فصييل ترى انا أول وحده تدخل فهمت ؟
فيصل رفع يده يسوي نفسه بيضربها:دخلي لا اكفخك انتي وياها ترى بعلم عمامي ياللي ماتستحون
العنود :طييب شوف ماني لابسه قصير أنا بدخل
فيصل شاف وش كانت لابسه:أمم طيب دخلي
رغد:فييييصصل لا تسوي كذا
فيصل:ياربي !! وين زوجك انتي وياها
نوف:نعم ؟ نعم ؟ هيييي انت انا مو مخطوبه
فيصل:ترى الرجال يستحي شوفوا وش لابسين بتغطون على اختي
*******
عمار بيده رفع راسها وجأت عينه في عينها
فجأه انفتح الباب وفججر خجلت على طول نزلت راسها وبعدت عنه
العنود وريما دخلوا :أحم
العنود: كملوا كملوا
ريما: حنا جينا عن الخلوه
فجر ناظرتهم وهي مبتسمه
عمار ضحك عليهم
العنود:احس انه شكلنا غلط اقوول رويما خلينا نقابل الجدار عشان يأخذون راحتهم
ريما:ايه يلا
وجلسوا على الارض وقابلوا الجدار وكان شكلهم مضححكك
عمار وفجر ماتوا ضحك
*********
نوف:اول مره فيصل ينشب كذا
رغد:ايه والله صدق صار نشبه
نوف:افف خلي اخوك او فارس يجون يتوسطون لنا
رغد:خالد مدري وينه شكله ماجأ من الصباح
نوف:وين عيال العجوز الخربانه ماجاؤ وين سميه وسمر ومنى
رغد:ايه والله صدق ليه مابعد يجون
نوف:بتصل على سمر بشوف ليه ماجأو (واتصلت )
سمر:هلاااا
نوف:هلا بك وينكم ماجيتوا
سمر:وش اقولك ماابغى ابكي
نوف:وش صاير ؟
سمر:احنا في الشارع الحين ومتوهقين صاير حادث والمرور مابعد يجي
نوف:طيب اتصلي على فواز يجيكم أو عبدالرحمن او سليم المهم اي واحد
سمر:اتصلت على سليم هذا هو جاي .. قولي لي شتسوون الحين ؟ فجر دخلت على عمار ؟ لو فاتني شيء بذبح السواق الغبي
نوف:ايه دخلت بس دخلوا معاها العنود وريما فصييل ماخلانا ندخل يقول حنا لابسين قصير
سمر:هههههههههههه .. طيب اكلمك بعدين سليم وصل
نوف:أوك حبيبتي انتظرك
رغد:هـا ؟ وش صاير ؟
نوف قالت لها ايش صار
نوف:يلاا اتصصلي على اخووك او خطييبك يتوسط لنا
رغد:على طاري اخوي ترى ماشفته من الصباح ولا قالوا لنا كان فيه شي او لا
نوف:طيب اتصلي عليه
رغد:اووف طيب طيب لاتحنين (واتصلت على خالد)
خالد:هلا
رغد:الووو خخويلد وينكك
خالد:يعني صدق مجنونه وين بكون مثلا ؟ اناا في المجلس الخارجي
رغد:يكفيني بانك تقول المجلس لانه المجلس الداخلي فيه الحريم المهم ابيك تكلم فيصل عشان يخلينا ندخل
خالد:فيصل رايح لهم عشان يخلي عمار يطلع
رغد:اووووووووفف .. طيب فارس يمك ؟
خالد يبي ينرفزها:فارس مين ؟ ايه صح فارس زوجك
رغد:خويييييلد بذبحك
---
فارس:خلوود تكلم رغد ؟
خالد:يب
فارس:قول لها تطلع انا انتظرها برى
خالد:آوك يالعاشق الولهان
---
رغد:خووييلد مين تككلم لييي سااعه اكلمك ماترد علي
خالد:اقول بلا صواريخ وروحي لبسي عباتك وانقلعي انتي وزوجك
رغد:فارس ينتظرني برى ؟
خالد:ي لييل .. ايووه يلاا
رغد:أوكي الحين طالعه بس وش فيك معصب ومتنرفز ؟؟
خالد:مافيني شيء ..
رغد:براحتك يلا باي
خالد:يلا باي
**************
نوف:هاه ؟ بندخل ؟
رغد:أهئ فصييل الحين بيروح لها يعني خلاص فاتنا
نوف:لاااااااااااااااااااااع .. أورييك يافيصل
رغد:اسمعي .. أنا رايحه مع فارس مدري وين بيروح المهم قولي لفجر انوا فصيل ماخلانا ندخل
نوف: >.< أوكك
********
ركبت السياره:السلام
فارس:وعليكم السلام .. وش هالكشخه وش هالزين
رغد بخجل:تسلم لي
فارس:فديت الخجلانه
رغد تبغي تضيع السالفه:أممم وين رايحين ؟
فارس:الله يسلمك حنا رايحين لشقة صديقي راشد
رغد:وليه تأخذني معاك دامك رايح لصديقك ؟
فارس:هو متزوج وزوجته بنفس عمرك وابغاك تتعرفي عليها عشان أنتي بتروحين معي لبريطانيا وبتكملين دراستك هناك وطول الوقت بتجلسين معها
رغد:يارب ماتكون نفس منى وسجى
فارس:ههههههههه لا ما أتوقع
(ولما وصلوا ودخلوا سلموا وجلسوا)
راشد:كيففك ووينك انت ليه كذا مختفي بس ملكت صرت تتغلى علينا
فارس:ههههههه الحمدلله .. ي خي قولها لا تستحي قول انك مشتاق لي
راشد:مافي داعي انت عارف
فارس:حبيبي والله
..
نور(زوجة راشد):آيوه .. أنتي رغد ؟ صح ؟
رغد :آيوه
نور:أنا نور أعتبريني أختك ولما نكون مع بعض في بريطانيا اي شي تبغينه قولي لي
رغد بابتسامه :طيب
نور:لاتقولين انك مستحيه ؟ عادي سولفي ضحكي اي شي بس لاتتكلمين برسميه
رغد:ههههههههه بعدك ماشفتيني كويس انا هبله
نور:ايه على بالي بعد .. لاني انا دايم مهستره
رغد:طيب عادي وانتي قدام زوجك تهسترين ؟
نور:لا بس قدامه مسويه فيها اني هادئه لكن مع اي احد ثاني يبدأ الهبال
رغد:والله انك فله هههههه
نور:عيوني أنتي الفله حبيتك مرره
رغد:وانا ياقلبي مره حبيتك
نور: توك مالكه ؟
رغد:آيوه ماخذنا شهر
نور:يووه ياعمري أجل قريب العرس لانه باقي بس شهرين ونص على المدارس وفي هالوقت لازم نكون ببريطانيا
رغد:آيوه عشان كذا انا متضايقه .. يعني مدري كيف بيمديني اجهز للعرس
نور:طيب انا بساعدك وش رايك بكره اطلع انا وانتي ؟ او اقول عندي فكره احلى
رغد:شنو ؟
نور:لاتشترين من هنا روحي دبي تلقين ملابس عجييبه انا عن نفسي تجهيزاتي من دبي وسويسرا وفرنسا لو تشوفيني تضحكين علي خذت البضاعه كلها عطورات وكريمات واكسسوارات وساعات وملابس اشياء كثييره
رغد:حمستينيي .. وش رايك على هالاسبوع نروح ؟
نور:اممم مناسب بس لازم اسأل راشد ان شاء الله يرضى
رغد: ان شاء الله
..
راشد:آيووه ومتى الزواج ؟
فارس:ان شاء الله قريب
راشد:آيهه واخيرا بتترك العزوبيه .. ترى الزواج فله
فارس:هههههههههه اهبل
راشد بصوت عالي:وش تبغونا نطلب ؟ من اي مطعم ؟
نور:اووه نسيت ماضيفتكم .. شويه وراجعه (وراحت)
راشد:ها ؟ وش تبغون ؟
فارس:مثل العاده اطلب من هرفي
راشد:رغد انتي تبغين من هرفي ؟
رغد:آيوه عادي
راشد وقف:فارس شوف خطيبتك وش تبغى وانا رايح اسأل نور
فارس: اوك
راشد راح
فارس:وش بتطلبين ؟
رغد:مممم مدري وش رايك نطلب وحده تورتيلا ونقسمها بينا لاني ما بأكل كثير وماني جوعانه
فارس:ولو مايصير كذا ههه تخيلي الشكل بس .. المهم انا بطلب لكل واحد بروحه
رغد:مممم كيفك بس انت اللي بتأكلها
فارس:طيب طيب هههه
راشد جأ ومعه نور
راشد:ها وش اتفقتوا عليه ؟
فارس:واحد دجاج تورتيلا وواحد برجر دجاج
راشد:اوكك (وراح بعيد عنهم عشان يتصل ويطلب)
نور كان في يدها صينيه فيها كاب كيك وشوكولاته وقهوه وكان طالع شكلهم جناان وحطتهم في الطاوله

راشد صب لفارس فنجأل وجأ بيصب لرغد

رغد: لالا ‌تسلم ماأبي قهوه
نور: أفااااا تدخلين بيتي وماتشربين قهوتي (وصبت لها فنجال )
رغد حاولت تغصب نفسها وتشربه وكانت ماتطيق ريحه القهوه وشربت الاول وصبت لها الثاني ورغد ماتدري وشلون توقفها وفارس كان جنبها يضحك
رغد مازالت تشرب القهوه وحست أنها بترجع ضربت فارس بكوعها وانتبه لها
قرب جهتها وقربت رأسها منه وقالت بصوت واطي: تكفى صررفني وشلون أوقف تسرب القهوه من نوور
ضحك فارس بصوت عالي ولما ألتفتوا عليه سوا نفسه يكح
راشد:صحه صحه
نور:رغد شكلك خلصتي القهوه هاتي الفنجال اصب لك (وخذت الفنجال)
رغد:لا لا الحمدلله ماابغى
نور صبت لها:يلا اشربيه
رغد ناظرت في فارس تبي الفزعه شربت شوي من الفنجال وقلبت معدتها
قرب فارس منها :نزلي الفنجال وبأخذه أشربه بدالك
رغد على طول نزلته ماصدقت
وأخذه فارس وشربه وكان بالفنجال طبعه روج رغد
رغد كانت تناظره وانحرجت لما شافته يشرب من الجهه اللي كانت هي تشرب منها
لما خلص نزله
فارس: أمسكيه وعطيه نور وهزي الفنجال وقولي بس دايمه ان شاء الله
أخذت الفنجال وهزته بقوه مثل الوحده الفرحانه ضربها فارس بكوعه : بشويش
رغد هزته بشويش :بس دايمه ان شاء الله
نور:بالعافيه
ارتاحت رغد وجلست التفتت لفارس: شكرا حبيبي ماراح انسى هالمعرووف
فارس غمز لها :ولو يابعدي
راشد:احم وش فيهم يتساسرون
فارس:ابد مافينا شي بس نتكلم
********
نوف:اففف ليه توكم جايين
سمر:قلت لك من قبل
العنود:خلاص خلصت النظره الشرعيه
ريما:فاااتكم كاان مستحي ومانطق ولا حرررف
العنود:بس كااان جممميييل
فجر:يلا جب عاد
العنود:وقاموا يغارون بعض الناس
فجر:انقلعععيي
**********
فيصل:ي خخي مااعرف اتصصرف
عمار:طيب قل لي هي جأت ؟
فيصل:ايوهه توها
عمار:ودي ما أساعدك لانك خذتني من الحب بس ..
فيصل قاطعه: هييي أنت أستح على وجهك
عمار بنظره خبيثه:هـا !! ترى ما أساعدك
فيصل:أفا علييك قول اللي تبي الحب القلب العيون الانف اي شي بسس سااعدني
عمار:ههههههههههههههههههههههه طيب طيب
فيصل:أمي تقول تبي تخطب لي وأقولها يمه أنا أستحي مااعرف أكلم بناات مو راضيه تصدق تقول هذاني اشوفك تكلم بنات عمك واذا رحت المول تفلها وش معنى لما جيت اخطب لك تقول ماتعرف تكلم بنات وعييت تسمعني :(
عمار:يالنصصاااب نسييت أول .. أنا اللي استحي وانت تكلمهم
فيصل:ي خيي مدري وش صاار ابي أصير رومانسي :)
عمار:ولقد حان الان وقت فصلة فيصل
فيصل:لا لا امزح وقسم بالله
عمار:ياخي شف هي تجيك وراثه عرفت كيف (نصآآآآآآب هههههه‏ )
فيصل:ي خي يعني لا تسلك لي ,تبي تعلمني الرومانسيه ولا وش وضعك .. خلاص أنا كأني بنت .. هلا والله يا حبيبي .. يلا غازلني
عمار مات ضحك ماقدر يتكلم على شكل فيصل:هههههههههههههههههههههههههههههههههه اييييي ههههههههه بطـ ههههههه ـنيي ههههههههههههههههههههههه
عمار بعد ماهدئ قال بجديه :فيصل انت حساس أكيد فيك رومنسيه بس ماجت فرصه تطلع رومنسيتك فيها عرفت كيف ..؟
فيصل: ساعات اكلم المرايه .. ! امي خافت علي قالت خلاص تعال أنا امثل لك .. لا تستخف :)
خالد جأ لهم :سمععت كل شيء نيهاهاهاهاهاها
فيصل:خويلد أنت اللي بتساعدني أعررفكك
خالد:انا ما أكلم بنات
فيصل:أخسس علييك نسسيت أشلي ذيك اللي عرفك عليها فارس
خالد:آحم مين آشلي ؟
فيصل:بتساعدني ولا ؟
خالد:شف دام انك وصلت لمرحلة انك تكلم نفسك بالمرآيه بساعدك :) ههههه بس شف أنا البنت طيب ؟
فيصل:طيب
خالد يحاول يخلي صوته ناعم : فصوول ايش بتجيب لي بالفلنتاين يا حبي ؟
فيصل:بجيب لك نعله من ابو ريالين , تمشي 250 , تصن جبهتك وتخترقها يا بعد قليبي
خالد:هيي هيي يلا رح انقلع انا الغلطان اجلس امثل لك
فيصل:اخخخر مرره يلا مدري كيف كذا جأ الرد تلقائي ي خيي ماقدر اتخيل انك بنت
*********************
ستار بكس ...

كان حاط يد على خده و هو ما قادر يتحمل دلعها أكثر ، كل حركاته توضح أنه مل منها ، يتثاوب ، يمدد يدينه ، يلتفت حوالينه بس هي مو راضية تفهم .
كان حاط يده على خده ويهز براسه يسلك له
البنت : صار لي ساعة أتكلم عن نفسي ، ألحين كلمني عن نفسك شوي يا سامي
فواز و هو ناسي : سامي !!
البنت بإستغراب : أيوا ،سامي ! هذا إسمـ ..
فواز و هو يقاطعها : آه ، سامي ،سامي هذا إسمي ..
البنت : سوومي !
فواز في خاطره : عاد صرت سونامي: نعم .
البنت : كلمني عن نفسك
فواز بملل : أنا .. ما عندي شيء أقوله لك ..
البنت جت بتكلم بس فواز قام : عندي شغل بعدين أكلمك
البنت بحزن: طـ طيب
فواز قام:أووف وش ذا والله تحسفت اني جلست معها حشى راديو

***************************
عمار:شف شف هذا هي أعترف لها ترى عادي
فيصل:تخسي !!
عمار:ها ؟ وش صار ؟
فيصل:انقلع بس انا اعترف ؟ المفروض هي اللي تعترف مو أنا
عمار:عادي ترى انا اللي اعترفت لاختك اني أ... (وحس على نفسه وسكت)
فيصل:وشو كمل ؟
عمار:لا بس امزح هع
**************
بعد أسبوع ....

*
*
*
نوف تنهدت:آهـ
رغد:سلامات عيوني وش فيك ؟
نوف:مشتآققه !!
العنود:وآنا تسمآن (كمان)
فجر ماكنت معهم كانت تكلم عمار بالجوال
ريما:شوفوها بس تكلم حبيب القلب
ريناد:ههههه خليها على راحتها
سميه:هيي انتوا شوفوا الساعه كم !
سمر:صدق قوموا نروح الموول
ريناد:عجيب منى وينها مو وياكم ؟
سمر:منى مع سجى طول الوقت معها
نوف:أووه سجى من زمان ماسمعنا عنها شخبارها زين حست انه حنا مانبغاها
رغد:قوموا نروح للمول يلا
نوف:وين ندى ؟
رغد:قالت رايحه للحمام
العنود:طيب يلا
نوف: انا رايحه أجيب عباتي
راحت نوف ومرت على غرفة راكان سمعت صوت ندى وفتحت الباب:هاذي اللي رايحه للحمام
ندى:زيين دخلتتي وش اسوي مع عمك هو سحبني
راكان:وشو ؟ كيفي زوجتي وانا حر يلا خليك
ندى خذت شنطتها من على سريره:لا أنا رايحه المول
راكان:خليك أنا أوديك
ندى:لا مايحتاج أنا رايحه مع البنات
نوف:يلا عمي بلا هبال خلها تروح
راكان:أمممم طيب
ندى:فديتك ياحبي
راكان غمز لها وابتسم (كاان جنااااااااان يخقق)
نوف:أنتوا ناويين علي :/ فجر تتغزل بخطيبها ورغد مع فارس وانتي مع عمي وأنــــآاا ؟؟
راكان:ولايهمك أضبطك مع واحد من الربع
نوف:هاهاهاهاها ماابيي
رغد تنادي بصوت عالي:نووووووووووووف وييييييييينك
نوف بصوت عالي:جاييييييه جاااااااايه
وراحت
(وراحوا كلهم مع السواق وبالصدفه كانوا فارس وفيصل وخالد وفواز رايحين لنفس المول)
كانوا بالسياره وشافوا البنات مارين قدامهم
فواز:أوهه جايين البنات
فيصل يبغى يغيظ فارس:أوهه فارس شف رغد تهببل شكلها جنااان شف شعرها من ورى
فواز كمل:اييه أييه ياخي شوف الجمممال ياحظك فيها يافارس فيصل شووف العيون بس
فارس بعصبيه:أقووول انت ويااه كل واحد يحط يده على عينه واللي يشوفها كف على وجهه
خالد:ههههه حتى انا ؟
فارس وهو يقولها بسرعه:اييه حتى انت
خالد:يلا شباب يلا كل واحد يحط يده على عيونه

....................................

دخلوا البنات والتقوا بنور
نور ضمت رغد:اهليييين
البنات كل وحده تناظر الثانيه مستغربين من نور ماعرفوها
رغد:بنات اعرفكم على نور زوجة راشد صديق فارس وبنفس الوقت بتكون رفيقتي بالسكن
البنات:آيوه هلا .. أخبارك (وتعرفوا عليها)
تفرقوا البنات كل وحده دخلت محل
رغد ونور كانوا مع بعض
ونوف والعنود وفجر وندى وريما وسمر مع بعض
ريناد وسميه مع بعض
---------------
فوزيه كانت رايحه الفيلا
رن التلفون وهي داخله
قامت ام فيصل وردت:الو .. ايه طيب لحظه (ونزلت السماعه) يام خالد أخوك طلال يبغاك
ام خالد راحت وخذت السماعه:هلا والله باخوي وش اخبارك ؟ .. صدق ؟ .. مبررووك يتربى بعزككم .. وامي وينها ؟ .. طيب ان شاء الله .. يلا مع السلامه
الجده:طمنينا يا ام خالد كني سمعتك تقولين يتربى بعزكم ؟
ام خالد:اي والله ياخالتي سارة زوجة اخوي ولدت اليوم الفجر واتصل علي يطمني ويقول لي تعالي البيت لانه امي لوحدها
الجده:باركي لها نيابة عني
ام خالد:ان شاء الله
ام فارس:خليني أجي معك يام خالد
ام خالد:حياك ياقلبي
فوزيه:وش جابت ؟
ام خالد:ولد
فوزيه + أم فيصل + ام مشعل:يتربى بعزهم
ام خالد:الله يسلمكم

-------------
فيصل:يووه شف شف
فارس يلف:شنو ؟
فيصل:ياخي ذي هالهبله البنت قدامها مويه وهي تسولف ومو منتبهه بس انتظر تزلق عشان نضحك عليها
فارس:ههههههههههههههههه ايه والله مشتهيي اضحك بس حرام تتفشل
فيصل:ورني كيف بتنقذها يالرومانسي
فارس:لا مالي دخل فيها هههههههه
البنت كانت تسولف وابدا مانتبهت للمويه وشوي كانت بتزلق على ظهرها بس فارس كان وراها ومسكها :انتبهي
البنت وهي مو مصدقه:ف فاارس !
فارس لما شاف وجهها :أنتيي !
سميه واقفه ومنصدمه من الحركه بس ابدا ماجأ في بالها شي غير انه فارس انقذها لانها كانت بتزلق
وفي نفس الوقت كان وراهم رغد ونور جايين ومعهم موكا من ستار بكس
نور:شووفي رغغد مو هذا فااارس !!
رغد وتعابير وجهها غضب وعيونها غرقانه دموع وطاحت الموكا من يدها :ومنووو هاذيي اللي ماسكها كذا !
نور:رغغد هااذي ريناااد !!
رغد:وشوو !! (راحت رككض تبغى تطلع من المول متجاهله نور اللي كانت تناديها)
فارس سمع وحده تنادي رغد ترك ريناد والتفت شاف نور
فارس في نفسه :معقوله شافتني وانا ماسك ريناد وفهمت غلط ! (وراح ركض لنور)
فارس:نوور وش فيها رغد !
نور معصبه:يععني ماتدري ؟؟ ياسخييف رووح الحقها لاتسوي بنفسها شي
فارس تنهد وراح ركككض يدورها
رغد كانت تمشي بسرعه وهي تبكي وفتحت شنطتها وطلعت الجوال تكلم السواق:الوو تععال الحيين وبسررعه !
*******
فيصل راح لسميه وريناد:وش السالفه
سميه:مدري شكل رغد شافت فارس ماسك ريناد وفهمت غلط
فيصل:طيب وين باقي البنات ؟
سميه:مدري يحوسون في المول .. وانت جاي مع فارس ؟
فيصل:لا معي اخوك فواز وخالد
سميه:وينهم ؟
فيصل:لاتصيرين فضوليه
سميه:هذااااك انت سألتني ماقلت لك لا تصير فضولي
فيصل:ههههه لا انا غير
سميه:لااا مو غيير
ريناد:طيب يلا خلينا نمشي
سميه لفيصل:باي
فيصل في نفسه :وش هالنشبه ذي ابغى اتكلم معها : يلا باي .. وأنتي (يقصد ريناد) انتبهي ناظري الارض مره ثانيه
ريناد : طيب
طبعا ريناد كانت مستانسه كان بالنسبه لها هالموقف حلم كانت تتمناه من فارس
**********
نور اتصلت على البنات وراحت معهم وقالت لهم السالفه
نوف:ياحرااام
ريما:يوووه ان شاء الله يقدر يلحقها
العنود:ولد عمتيي طلع قليل ادب
نور:العننوود فارس ولد عمتك ؟
العنود:آيوه
نور:وناسه اجل رغد بنت خالتك وفارس ولد عمتك
العنود:يب
فجر:اقول نوف
نوف:هلا
فجر:طلع صدق الكلام
نوف:ايووه يعني ريناد عندها علاقه مع فارس
ندى:وش ذا الكلام خلونا نتأكد
نور:وش نتأكد انا ورغد شفناه ماسكها ووجهه قريب من وجهها بس صدق مايستحي على باله بريطانيا نفس هنا
سمر:ماتوقعتها من فارس
ريما بحزن:ايه
سمر:مسكينه رغد مدري الحين وش وضعها
*********
نرجع لرغد
كانت برى المول تنتظر السواق
كان فارس يركض وهو يناديها :رغغغغغد رغغغغد
رغد مسحت دموعها والتفت شافته فارس كانت متضايقه وماتبي تكلمه صارت تمشي بسرعه وماكانت منتبهه انه في سياره جايه
كانت السياره تسرع ورغد ماكانت منتبهه كل همها انه فارس مايوصل لها
فارس:لاااااااا ررررررغغغغد !! (وفي نفس الوقت صدمت السياره رغد)

........................
👇👇👇👇👇⭐