رواية خطفني وصار محبوبي ﴿روايه سعوديه مكتمله﴾ الفصل الثاني عشر 12 - بقلم Hanadi2000

خالد من قوة آلصدمة وخرهآ عنه و عطاهآ كفف محترم !
سجى بققت عيونها ( وسعت عيونها ) و حطت يدها على خدها
خالد تنرفز بس ما اعطاها اهمية و راح يدور خاله طلال ودخل المجلس وشافه يقرأ كتاب
خالد:اهلين
طلال:اهلين فيك
خالد:وين بنتك الحلوه دندوون (دانه) من زمان ماشفتها ؟
طلال:ههه عند امها
خالد :طيب انت ولا كنك خالنا ولا تجي تسأل او تسلم علينا ؟
طلال:وش اسوي صراحه المستشفى جننتني
خالد:طيب ولو كان جيت لنا اصلا رغد زعلت منك
طلال:هههههه إلا رغد ماارضى لاحد يزعلها يلا روح نادها
خالد:الله يخلف وش اناديها يعني ادخل للحريم ؟
طلال:ياخبل قصدي اتصل عليها وخلها تجي
خالد:انا اقول خل هالكتاب عنك وقم نتمشى
طلال ترك كتابه وقام:يلا مشينا
..............
في الفيلا
كانوا الشباب جالسين في الصاله
فيصل .. سليم .. عبدالعزيز ... مشعل ... فواز ... عبدالرحمن
رن التيلفون وقام عزيز
فارس:الوو
عبدالعزيز:الووو
فارس:هلا والله بالحمار أخوي
عبدالعزيز:ههههههههههههه لييه حممار وش سويت ؟؟
فارس:يعني شف من متى ماكلمتني ياقليل الادب
عبدالعزيز:وش اسوي مشاغل الدنيا مثل ماانت عارف .. أييييه صح وانت بدال ماتتحمد علي بالسلامه تقعد تسب ؟؟
فارس باستغراب:وليه اتحمد لك بالسلامه ؟؟
عبدالعزيز:افاااا ماقالوو لك ؟؟؟؟؟
فارس:وش صاير يالنذل ..؟
عبدالعزيز:أخوك المسكين صار له حادث
فارس:ياعممري ياحماار يااخوي طيب صار لك شي ؟؟
عبدالعزيز:هههههههههههه اييه صار لي يعني وش رايك صاير لي حادث يعني مابيصير لي شي ؟؟
فارس بخوف:يعنيي وشوو ؟؟ خوفتني ياحمار على بالي تكذب وش صار لك ؟
عبدالعزيز:وش فيك معلق على كلمة حممار ؟؟
فارس:صدق انك حماار قل لي وش صار لك ؟
عبدالعزيز:الله يسلمك أخوك الحمدلله مافيه الا كسر في اليد اليمنى وكدمات بسيطه
فارس:الحمدلله على سلامتك ياخيي
عبدالعزيز:الله يسلمك
فارس:انا داق بغيت أسالك وش صار على راكان ؟؟
عبدالعزيز:مدري حالي حالك أتصل على أمي واسألها أنا وش دراني ؟
فارس:طيب هو وينه ؟؟
عبدالعزيز:وش دراني
فارس:انت ما منك فايده روح ناد اي أحد
عبدالعزيز:لا تكفى وربي مشتاق لك
فارس:ههههههههه مشتاق لي ولا تكذب
عبدالعزيز:ولييه بكذب ؟؟
فارس:قلت أكيد تبغى شي مني بسرعه قوول ؟؟
عبدالعزيزبحزن:لا ماابغى شي بس محتاجك
فارس حس بحزن أخوه:عزيز فيك شي ؟
عبدالعزيز طاحت دمعه من عيونه وبسرعه مسحها:لا مافيني شي بس أشتقت لك مرره
فارس قلبه يألمه: عزززييز قوول لي وش فيييك بسرعه
عبدالعزيز يعدل صوته وقال بفرح:أكذب علييييك وش رايك بالمقلب
فارس يدري أنه عزيز يكذب بس ماحب يجبره يقول وش فيه:ههههههههه الله يقطع سوالفك خوفتني .. بس قول لي وش أخبار العايله
عبدالعزيز تنهد:الحمدلله كلنا بخير
فارس يتعمد يذكر رغد لانه مشتاق لها مره وهالايام ماكلمها:ططيب رغييدوه ونوف وفجر أيش اخبارهم
عبدالعزيز:رغييدوه ؟؟ ياقدمها تصدق من زمان ماكلمتها (وكمل وهو مستغرب) بس أنا مستغرب منها
فارس:مستغغرب ؟؟ ليه يعني ..؟
عبدالعزيز يصرف:هآآه ؟؟ لا لا بس يعني مستغرب أنها هالايام ماتنزل وتفطر معنا
فارس:أسممع بقولك بسر
عبدالعزيز:قوول وسرك في بير (بئر )
فارس:انا كملت شهر هناا وبرجع للسعوديه لماا تختبرون النهائي
عبدالعزيز:احلللللللللللف
فارس:والله
عبدالعزيز: ونااسه والله فرحتني بهالخبر 
فارس:يلا ياحمار أكلمك بعدين p:
عبدالعزيز :يلا سي يو
وسكر
فيصل:مين داق ؟؟
عبدالعزيز:فريس
فواز:أممم من زمان ماكلمته
فيصل:وانا كمان
فواز:وش هالملل أقوول ماراح تطلبون من المطعم ؟؟
سليم:اييه الله يسلممك جووعان حديي
مشعل:حتى أنا بمموت بطني قام يطلع اصوات
.
.
.
بعد 3 أسابي
وقت الاختبارات النهائيه " الفصل الدراسي الثآني " بكره أول اختبار يقدمونه :
رغد دخلت عليهم غرفة فجر وشافتهم يسولفون ويأكلون ويتابعون فيلم على التلفزيون
رغد:بناااااااااااات وش هالنفااق وانتي نوييفه على اساس أنك رايحه لفجر تفهمك شيء وأشوفك فاسقه معها

نوف:صدقييييني أنا كنت رايحه لها عشان تفهمني بس هي كنها ابليس وسوست فيني وقالت لي تابعي الفيلم ولما يخلص أفهمك
فجر:آآآآآآآآه مممتى قلت كذا يالكذاااااااابه
نوف قامت:أكلللللي كل هذووول وتابعي الفيلم لحالك أنا رااييحه
(وطلعت)
رغد:هههههههههههههههه وش فيها الخبله ؟
فجر:مدري عنها ههههههههه
نوف راحت لمشعل
طق طق طق (تدق باب غرفته)
مشعل وهو منسدح على بطنه ويذاكر:هم ؟؟ ميين ؟
نوف:أنااا
مشعل:ادخلي
نوف دخلت
مشعل:هآه وش تبغين ؟
نوف:في شي أنا مو فاهمته تكككفى فهمني آيااه
مشعل:أششوف تعالي وريني وش اللي مو فاهمته ؟
نوف راحت له:شووف هذا
مشعل جلس يفهمها وقال لها سجلي كل شي اقولك عشان تذكرين بعدين
نوف كانت مفهيه وتذكرت وليد وحست انه تصرفات مشعل تشبهه تصرفات وليد
مشعل:الحين أنتي سجلتي اللي قلت لك عليه
نوف قطع حبل افكارها صوت مشعل:هآآه .. آيييييه أييه كتبت
مشعل بشك:متأكده ؟؟
نوف:آيووه وش فييك
مشعل:ططيب أشووف
وشاف الدفتر وأشر بصبعه للدفتر:الحين وينه اللي كتبتيه ؟؟
نوف توهقت :آمم مادري .. !

مشعل:أققول أطلعي براا بس مشغلتني نص ساااعه وانا الغبي على بالي صدق تبيني أفهمها
نوف:لااا آسسسسفه خلااص عييد بس مررره وحده
مشعل بتأفف :طططيب
***************
رغد راحت للحديقه تغير جو
شافت واحد واضح انه نايم أو يتصنع النوم وحاط الكتاب على وجهه

رغد:عزيز ؟
عبدالعزيز شال الكتاب عن وجهه:هلآ
رغد جلست جنبه:أهليين ماتحس أنك تتجنبني ؟؟
عبدالعزيز:لا مااتجنبك ولاشي انتي اللي ماتنشافين
رغد:ايه واضح بس قول لي ذاكرت حق بكره ؟
عبدالعزيز:ايووه بس قاعد اراجع وأنتي ..؟
رغد:ايه خلصت
عبدالعزيز:آها كوويس
رغد بابتسامه:وكيف فارس ؟؟
عبدالعزيز:يسلم عليك
رغد:الله يسلمه
عبدالعزيز بتردد:رغد بغيت اسألك سؤال
رغد بخوف:وشوو ؟
عبدالعزيز:رغد أنتي قاصده ذآك الكلام ولا بس خرابيط ؟؟
رغد بأستغراب:وش فييك تتكلم بالالغاز ؟؟ اي كلام ؟؟
عبدالعزيز قام:خلاص انسي الموضوع
رغد قامت ومسكت يده قبل لايروح:لااا بسسررعه قووول خوفتني ؟؟
عبدالعزيز بعد يدها عن يده:قلت لك أنسي الموضوع
*********
فارس:بروح أناام
راشد:انتظظظر شووي وش فييك
فارس:مااقدر عيوني تسكر لحالها خلاص بعدين بطالع هالفيلم
راشد:كييفك يلا طس
(طبعاً راشد يسكن مع فارس في نفس الشقه)
فارس دخل غرفته وشاف الابتوب حقه مشغل

فارس يصارخ:راااااشششششششد أنت اللي مشغل لابتوبي ؟؟
راشد:آيييييييه
فارس:طييييب ليييه ماطفيييييييته
راشد:نسسسسسسسسسسسيت
فارس طفى لابتوبه وجأت على باله رغد كان وده يسمع صوتها لكن وش بيقول لها ؟
قرر يكلمها ودق عليها

*************
رغد تكلم فجر:أقوووول ذاككري ذااكري ماراح يفيدك هذا الفيلم
فجر:بغش من العنود
رغد:ومن متتتى العنود صارت تذاكر ؟؟
فجر:هههههههههههههههههه لا هي ماتذاكر بس تبرشم (تبرشم يعني = تكتب الكتاب كله في الجزمه أو ورقه أو يدها يعني تغش)
رغد:مجاااااانييييييين لو يكشفونكم وش بتسوون ؟؟
فجر:هي اللي بتبرشم أنا بس بنقل الاجوبه منها
رغد:ماااالت علييك
فجر:هههههههههه وعليك
رن جوال رغد
فجر نطت :مميين داق علييك ؟؟
رغد ابتسمت:وش دخلك (وطلعت)
رغد بخجل:الو
فارس ذآب:هلا بالقاطعه
رغد:ههههههههههههه قصدك أنت القاطع
فارس:كيف جدي ؟؟ أكييد بعد أخر مره صار يناديك ياحرم فارس ؟؟
رغد:هههههههههههه انقلع بس
فارس:طيب ما أشتقتي لي يادبه ؟؟
رغد:هههههههه لآ مااشتقت لك .. ليه أنت اشتقت لي ؟؟ هع
فارس:ايوووه بالحححيل بعد 
رغد:ههههههههه عيب يلا أخليك الحين 
فارس:وويين توني أكلمك ؟؟
رغد:بذاكر
فارس:وأنتي بس مذااكره
رغد:ههههه أبغى أخذ نسبه حلوه
فارس:طيب إذا أخذتي أقل من 96 بعاقبك
رغد:هههههههه يصير خير الله يوفقني
فارس:طيب أدعي لي يالانانيه بس تدعين لنفسك
رغد بأبتسامة خجل:الله يوفقك معي
فارس خق :آممين
رغد:يلا
فارس:طيب يلآ رغيدتي
وسكرت ولما لفت شآفت فجر وراها وارتاعت
رغد:ياحمااااااااااره من متى أنتي هنا ؟؟
فجر وهي تضحك:من البدايه من البدآيه ههاهاهاهاهاهاهاهاهاها أجل الله يوفقك معي ..؟
رغد:ايي وش فيها ..؟
فجر:ياحرررم فاارس
رغد: قليللللللللللللة أدب كككيف سمعتي ؟؟؟؟؟؟؟؟؟؟؟؟؟؟؟؟؟؟؟
فجر:سر المهنه ههاهاهاهاهاهاهاهاها
رغد:قلبي وجهك
نوف جأت لهم :وش فيكم تتخانقوا ؟؟
فجر:خبوول وين رحتي ؟؟
نوف:أمم أنا كنت عند مشعل
************
سمر:سليييييييييييم خلصت مذاكره ؟؟
سليم: آيوه ومن زماان بعد
سمر:طيب كم ماده ذاكرتها ..؟
سليم:اليوم ذاكرت أربع مواد مع الماده اللي بختبرها بكره يعني يصيرون خمس
سمر:بللللل عللييييييييييك ياظاااااااااالم خمس مووووووواااد في يووم وااااااااحد !!
سليم:ماشاء الله ماشاء الله أعوووذ بالله من عيونك الحاره
سميه:هاهاهاهاهاهاها أنا ماعندي شي بكره ويييييوو
سمر:اييه لانه حضرتك بالجاامعه
فواز:طيب ذاااككري ياسمر
سمر:أصلاً توني في البدايه وذاا خلص خمس مواد في يوم واحد
سليم:يالله أدري أني بكره ما بعرف أحل شي من عيونك
فوزيه : عبدالرحمن
عبدالرحمن:لبييه يمه ؟
فوزيه:يافديتك ياولدي أنت أكثر واحد أحبه من أخوانك
سمر:وأحنا لنا الله
منى:وأناااااا يممه
فوزيه:يلا سكتوا عاد خلووني أكلم أخوكم
عبدالرحمن:هلا يمه ؟؟
فوزيه:تراك كبير ياعبدالرحمن متى تبيني أخطب لك ؟؟
منى:يممممه خطبي له سجى تهههبل عرفتيها يمه ؟؟
سمر:وييييييييع لو يصير اللي يصير ماياخذها
سميه:قطع ماتهبل ولا فيها شي من الحلاوه أستغفرالله
فوزيه:بالعكس أنا أشوفها شحليلها وطيبه
سمر:يمه واضح أنها خبيثه وأكيد تتميلح عندك
عبدالرحمن:تراني أنا المعرس يعني أنا اللي أقرر
سمر تأشر له يعني لاتوافق
فوزيه:هآه ياعبدالرحمن تبغى سجى اللي جأت في بيت جدك تركي ذآك اليوم ؟؟
عبدالرحمن في نفسه أكييد لآلآ ! :أممم أي وحده ماعرفتها
منى:عبدالرحمن وش فيك نسسيتها ؟؟ ذييك اللي عرفتك عليها
فواز يتحلطم:مابقى وحده ماعرفتيها عليه
سليم لفواز:وش تقول؟
فواز :ولا شي

عبدالرحمن :ايييييييييييوه عرفتها
فوزيه:هاه وش رايك فيها
عبدالرحمن:لا يمه ماابغاها سمر وسميه مو عاجبتهم ليه أتزوجها
سميه:صح علييييك
فوزيه:وش عليك منهم ؟؟ المهم أنت تبغاها ولا لا ؟
عبدالرحمن:يممه قلت لك ماابغاها أصلا هي موعاجبتني
سمر:الحمدلله جأت منك
************
راكان:وش عندك بكره حبيبتي ؟؟
ندى:ماعندي شي بس يوم الاحد عندي دوام في الجامعه
راكان:أجل وش رايك أمرك بكره الصبح أخليك تشوفين البنات وهما رايحين المدرسه وبعدها نفطر ؟؟
ندى:أمممم لآ أخاف أقهرهم ههههههههههه على أساس أنا بكره ماعندي أختبار ولا شي
راكان:هههههه لا تخافين ياقلبي بالعكس بيستانسوا
ندى:هههههههه واضح .. طيب أشوف الوضع وأرد لك خبر
راكان:اوككي
*************
جأ اليوم الثاني
رغد سهرانه مانامت طول الوقت كانت تراجع وخايفه تطير المعلومات
وفجر صاكتها نومه بعد ماذاكرت شوي
نوف نامت الساعه ثلاث الفجر والكتاب في وجهها
...
ام خالد تنادي الخدامه:راامااا
راما:يس مدام ؟
ام خالد:روحي جلسي البنات عشان المدرسه
راما: كلو مافي قوم (كلهم مو راضين يجلسون من النوم)
ام خالد:روحي مره ثانيه
وراحت الخدامه لغرفة فجر
راما:فججر فججر يلا قووم مدرسه (جلسي للمدرسه)
فجر:قلبي وجهك لايجيك ذااك الكف ثلاثي الابعااد
راما:يلاا قووم ماافي روح مدرسه ؟(يلا جلسي مابتروحين للمدرسه )
فجر معصبه تصارخ:لااا مااافي روح مااافي رووح يلا ققلبي وجهك
راما طلعت وهي تتأفف من تصرفات فجر
رغد طلعت من غرفتها بعد مالبست مريولها وعدلت شعرها
وصادفت راكان اللي كان متكشخ
رغد:وين رايح من صباح الله ؟
راكان:بروح لحبيبة قلبي
رغد:آيووه من لقى احبابه نسى اصحابه
راكان:افا لا ولو ماننساك يالغاليه
رغد:ايه واضح
راكان:يلا سي يوو
و راح يجيب ندى
رغد نزلت بالمصعد لتحت وشافت الكل جالس بس فجر مو راضيه تقعد من النوم
رغد:السلام عليكم
الكل:وعليكم السلام
وباست رأس جدها وجدتها وجلست
ام فارس:عساك ذاكرتي يابنتي ؟
رغد:ايوه الحمدلله ادعي لي يا خاله
ام فارس:الله يوفقك
ام فيصل:رغد اذا ماعليك امر روحي جلسي فجيرروه مو راضيه تجلس روحي حاولي فيها
رغد:تامرين امر
وراحت لها وبعد عناء قامت وشعرها مو مرتب وحالتها حاله
رغد:بسم الله الرحمن الرحيم وش ذي الكشه
فجر:جب يلاا طلعي ببدل
رغد طلعت
فجر بدلت وخلصت وطلعت ..
*********
راكان:يلا نزلي
ندى:لا فشله الحين تلقاهم يأكلون تبيني أدخل عليهم
راكان:لا وشدعوه يلا نزلي ..
ندى :يووه راكان والله فشله
طلعوا البنات بركبون السياره
راكان لما شافهم صار يناديهم
رغد وفجر دخلوا بس نوف تدور الصوت ولمحت راكان بعيد داخل سيارته وراحت له
نوف:هلا هلا بندووي
ندى:هلا فييك
نوف:أجل جاييه عشاان تغثيناا ؟؟
ندى:لاااا والله (وطالعت راكان) شففت قلت لك
نوف بخبث:وش قلتي له ..؟
راكان:خلااص بلا لقافه يلاا روحي
نوف مدت بوزها:انزيين
(وراحت)
........
راحو يختبرون وبعد الاختبار
ريما:رغد وش تحسين الاختبار ؟
رغد:مره سهل ماتوقعته كذا
نوف:ايييوه مرره سهل
ريما:مدري في فقره شاكه فيها
العنود:حنا اختبارنا صعب صح فجر ؟
فجر كانت سرحانه
العنود:هيي فججر
فجر ابتسمت:هااه ايه هلا
العنود:اللي ماخذ عقلك يتهنى
فجر ماحبت تبين حزنها:خخخ ومنهو غيرك ماخذ عقلي
العنود: لا كذا استحي مااقدر
فجر:هههههههه خبله
********
وليد: شباب قسم بالله اللي بيتكلم عن الاختبار كف هنا و كف هناك سامعين
مشعل:ايه ممن جد آحس اني جبت العيد
عبدالعزيز:وانا كمان
رامي: الزبدة , آنا بطني يوصوص ( يطلع اصوات )
مشعل:آييه نروح البوفية اللي قدام ها (بوفية=كافتيريا آو شي زي كذا  )
وليد: آكيد يا عمي كلنآ
عبدالعزيز : هيا بنا لتعبئة كروشنا
.
.
.
وبعد الاختبارات ..
خذوا الشهادات وكانو مرره فرحانين
رغد جابت
99%
فجر جابت
92%
نوف جابت
98%
العنود
90%
ريما
100%
سمر
94%
ومشعل
100%
عزيز
94%
سليم
100%
وليد
99%
.....
وليد:مشعل وين اللي مفحط
مشعل: ايه يعني آقولكم تسذا عشان ما تحسدوني
وليد: خففف عليناا يا شيخ
مشعل: لا اللي صدق انا مستغرب منه عزوزوه ماخذ 94%
عبدالعزيز كان سرحان بعدين حس بصوت مشعل:هآه ..؟ وش قلت ؟؟
وليد:يالخبل يقوول لك ليه مأخذ 94؟؟
عبدالعزيز:آيه .. أممم مادري يممكن لاني ماذاكرت زين مع أني حليت كويس
مشعل:طييب غيروا الموضوع
......................
في الفيلا
الجده:ماشاء الله عليكم ممتازات
رغد:بالله عليك مانستاهل هديه ؟
الجد:تستاهلون وعندي لكم مفاجأه
البنات:صصصدق جدي ؟ شنوو
الجد:الله يسلمكم راح نروح الشاليه اسبوعين
نوف:من زممان مارحنا للشاليه
فجر:يب
رغد:طيب جدي نبغى نسافر
فجر:ايييه
الجد:مدري ع حسب الظروف لاني مااقدر اترك الشركه
رغد:طيب جدي متى راح نروح ؟
الجد ناظر ساعته:اممم نقدر نروح الليله اذا الكل موافق
الكل:ايه موافقين
الجد:اجل نتوكل على الله وجهزوا اغراضكم
دخلوا عزيز ومشعل
عبدالعزيز:كأني سمعتك ياجدي تقول جهزوا اغراضكم ؟ اي اغراض
الجد:ايوه الليله رايحين ع الشاليه
مشعل:اها طيب عمي راكان راح يجي ؟
الجده:اكيد وحتى زوجته راح تجي ولا بزعل عليها
عبدالعزيز:ههه زوجته مره وحده !
مشعل:خطيبته مو زوجته
الجده:عقول البهايم تشتغل اكثر منكم يعني الحين ملكوا يعني صارت زوجته
مشعل:ههههههههه عاد بهايم مرة وحدة
الكل راح يجهز اغراضه
رغد اول ما صعدت دقت على العنود : عندووووووووه
العنود: هاااااا رغدووه
رغد: عندي لكك بشاررة
العنود: هااا قولي حمستيني
رغد:بنرووح الشاليه /D:\
العنوود:حلفففي..جاية معاكم انتظروني
رغد:آكييد عيني و دقي على ريموه عشان تجي وانا بدق عللى سمر و سمية
العنود واهي متشققة من الفرح:اوكك
رغد سكرت من العنود و دقت على سمر
سمر:الو
رغد:هلآ بش
سمر: هلا هلا برغغودة
رغد: الله يسلمك ,, آلا اقول جايين الشاليه صوح
سمر:اكييد عيوني , وترى يمكن تجي ريناد بنت عمي صالح
رغد:حياها الله 
سمر:الله يحييك ويحيي آصلك يا بعدي
رغد:تسلمين عيوني+باي نرتب اغراضنا
سمر:بايات
وسكروا كل وحدة ترتب اغراضها , و طبعا الكل بيجي وحتى ريناد بنت عمهم
*********
سجى حست بغثياان وماقدرت تتحمل
راحت للمستشفى تشوف ايش فيها
الدكتوره:مبروك أنتي حامل
سجى بصدمه:ايييييش !! حااملل ؟؟!
***********
ولمن وصلوا الشاليه
رغد:نفسي اجلس عند البحر بس مو قادره فيني نووم
فجر:وانا كمان
نوف:اصلا انا مو قادره اتحمل حتى افتح عيوني
العنود:يلا يلا بس خلونا ننام
ندى:ايه والله بس تعالوا
ريما:هلا ؟
ندى:وين راح ننام
العنود بخباثه:لا احنا الخمسة في غرفه وانتي نامي مع زوجك
ندى:انطمي ي حييوانه
نوف:ههههه طبعا كل وحده في غرفتها
العنود:ماشاء الله كبير كثير شاليهكم احس انه اكبر عن اخر مره شفته فيها
رغد :لا هذا هو ماتغير
نوف:العننود انتي معي بالغرفه
فجر:نو وي اكيد معي انا
رغد:احترمي نفسك انتي وياها العنود معي
العنود:توني ادري اني شخصيه مهمه احم
ريما: وانا المسكينه ماحد يتخانق عشاني
فجر:اصلا وعع من زين العنود ,, وش حلاتش ي رويم نامي معي وانا آختش
ندى:واناا بعد محد راح يتخانق عشاني
راكان نط :فديتك انا اتخانق عشانك بس تعالي نامي معي وانا زوجتس
البنات صاروا يصفقون ويصفرون وهي مو متحمله وجهها اححممر
ريما:إلا اققول ! متى العرس
راكان ناظر ندى وهو مبتسم:ان شاء الله قريب
رغد:صصدق ؟
راكان:يس
رغد:ونااسه
فجر:خلاص انا انحولت بروح انام , يلا ريما let's go
نوف:وانا بعد
رغد سحبت العنود:تعالي خلينا ننام
العنود:يلا يلا
وندى نامت مع نوف
وناموا وجلسوا الصباح وتوه فوزية و عيالها جايين للشاليه
فواز يتمشى عند البحر ورن جواله وطلعه من جيبه ورد
فواز:الو
...:اهليين انا جيت ي شيخ ماني شايف احد بالمطار يستقبلني
فواز: غريبه بس فيصل وخالد راحوا لك ماشفتهم ؟
.... صار يتلفت:مدري ماشفتهم
فيصل من بعيد:هييي انت
... يكلم بالجوال:يلا خلاص شفتهم (وسكر وراح لهم )
وضمهم
خالد:نورت السعوديه بوجودك ي فروس
فارس: منوره باهلها بس يلا اقوول خلونا نروح للفيلا
خالد:روح بروحك الفيلا
فيصل:الكل في الشاليه
فارس:غريبه رايحين من زمان مارحنا الشاليه
خالد:طيب يلا
لما ركبوا السياره
فارس:لاتقولوا جات العجوز الخربانه ؟
فيصل:ايوه جات
فارس:استغفرالله مين قال لها
خالد:جدي الله يهداه
فارس:ياريت بس تروح والله لو فواز وسليم مو عيالها كان انا متبري منها
فيصل:اي صدق الحشيمه مو لها حق عيالها
خالد:صدقت
وبعد فتره وصلوا للشاليه
كان فرحان كثير وكان يدور انسان معين

واستقبلوه الكل بس رغد وعزيز ما شافوه لانه رغد كانت تتمشى مع العنود وعزيز لحاله يتمشى
..
رغد:عنيدوه
العنود:هلا
رغد:اسمعي عندي لك خبر بمليون
العنود:يلا خبرينا
رغد:عررفتيي روان
العنود: آيوهه وش فيها ؟
رغد:زياااد تزوجها مره ثانيه
العنود:حلفففي ؟ وش دراك ؟
رغد:فجر قالت لي
العنود:طيب هي قالت بتسقط صدق سقطت ؟
رغد:مدري اتوقع لا
فجأه حست رغد باحد حاط يده على عيونها
العنود التفت وصرخحت
رغد حطت يدها على يده:وش فيك تصرخين منو هذا ؟ راكان ولا خالد صح
اشر للعنود انها ماتقول لرغد منو اهو
العنود فهمت:هاه مدري
رغد:بلا استهبال منو
قرب من اذنها وهمس:حبيبك
اقشعر جسمها ودق قلبها بقوه وبعدت يده من عيونها وقالت بارتباك:ففآرررس .. الحمدلله ع سلامتك
فارس بابتسامته الخقه:الله يسلممك ايش اخبآرك وحشتيني
العنود:آحم
فارس:ههههههه رغد في احد غيرنا هنا ؟
رغد باستهبال:هههههه لا مافي احد
العنود توسعت عيونها:نعمم خير ؟ كنت بروح بس عناد عليكم بظل هنا ومابخليكم تاخذون راحتكم
فارس: ههههههه والله عن نفسي بأخذ راحتي بس مشكلة رغد انها تستحي
رغد بارتباك:نعـ ـم ؟ ممين قآل اني استحي منكك
فارس:اممم واضح .. وش فيكم واقفين هنا خلونا نروح عندهم
العنود + رغد:يلا
وهما يتمشون
فارس:رغد ما قلتي لي كم نسبتك ؟
رغد:99%
فارس:كويس وش تبين هديه ؟
رغد:ههههه شدعوه يعطيك العافيه مشكور
فارس كأنه تذكر شيء:ايوه الله يقطع ابليسك وين عزيز
رغد:مدري بس اكيد يتمشى لحاله
فارس: يلا اخليك بروح اشوفه
رغد:اوك
فارس صار يدور عبدالعزيز وشافه جالس بمكان بعيد جنب البحر وكان حزين
فارس قطع قلبه حال اخوه وراح له وجلس جنبه بس عزيز ماانتبه
فارس:احم
عزيز لما سمع صوته بسرعه التفت:فااااارس (وحظنه)
فارس:هههههههه اي اي لاتضمني كذا بقوه
عبدالعزيز:وينك تووك جااي
فارس:اي توني ههههه
عبدالعزيز:تصدق السعوديه بدونك ولاشي
فارس: احم يعني انا متواضع بس صدق حسيت انكم عايشين بسخافه بدوني
عبدالعزيز:ياشين الثقه الزايده بس كلامك صحيح
فارس مستغرب:عزووز مريض ولا تبغى شي ؟
عبدالعزيز بأبتسامه: انا بس مشتاق لك
فارس بحزن: تعال تعال ياخوي ابي اضمك
وضموا بعض
***
فوزيه تناظر فارس وعزيز بغيظ:وش فيهم عيالك يأم فارس كأنهم موشايفين بعض من ست سنوات
ام فارس:ايوه عيالي يحبون بعض وماحد منهم يستغنى عن الثاني
فوزيه:عشتواا
ام فيصل:خلاص يا فوزيه اسكتي
..........
عند البنات
نوف:بناات لايفووتكم
البنات:وش فيك ؟
نوف جرت مشعل ومسكت يده :شرايييكم فيناا
(كانوا لابسين مثل بعض)

ريما:كككيييوت صدق تؤام
سمر:يب تهبلون
سمية:كأنكم خطيب وخطيبته
ندى:بالعكس تجننون
مشعل:ترراااني عطيتك وجهه نويفه
نوف وهي ماسكه يد مشعل بترجي:تكككفى صيرر مثل اخو صديقتي بليييز
مشعل:وش فيه بعد اخو صديقتك
نوف:اخوها يحبهااا مرره وخقه وكشخه وكل شي زين وحلو فيه
مشعل بنظره حاده:وانا طايح من عيينك
نوف:لاا ابداً جالسه امزح معك وش فييك اخوي حبيبي
مشعل:ما أقوول غير لآيكثر وبس
رغد:لاتقههرووني روحووا بس
مشعل:وش نقههرك ؟؟
رغد:لاتخليني اصيح خووييلد هالايام مشغوول كثيير وحتى كلام مايكلمني
فجر:ياخويتي مو بس انتي حتى انا فصصيل مايكلمني
العنود:آحم أنا وحيدة أمي وابوي
ندى:أنا طلال بس ينرفزني
ريمآ: وآنا سالم مطلع لي قرون < أخوها في آول ثانوي
سمر: وأنا ذا الآخوان جالطيني
سمية:يووه يووه بس جلطة الا سكتة قلبية مره وحده
مشعل:ههههههههههه شفتي يانوف انتي الوحيده اللي عندك اخو خقه وجميل ويسدح ويحبك فحمدي ربك
نوف حطت ايدها على خصرها:لا والله اققوول لاتغتر علينناا روح بس روح الله يصلحك
مشعل وهو رايح:آممين
سمر:صدق بناات بنت عمي المسكينه سحبنا عليها
فجر:حسيييت
العنود:الزبدة , شسمكك ؟
ريناد: آسمي ريناد 
رغد:وآو آسمكك كيوت
ريناد: وانتوا شآسماكم ؟
نوف: آنا نوف و ذي رغد وذي فجر و ذي العنود و ذي ريما واخر وحدة ندى زوجة
راكان و خالة رغد
رينآد:آها ’ تشرفنآ
و قععدوا يسولففون و آندمجت معآهم رينآد لما تفرقوا
........
فجر راحت وجلست بالكرسي اللي كان موجود قدامها وسندت راسها على الطاوله

شويات الا حست بخطوات تقرب منها
قال لها باهتمام :فجر فيك شي ؟
رفعت راسها وانصدمت أنه ..........

نهايةة البارت___________________________________________

توققعاتككم ..؟

😘😘