رواية خطفني وصار محبوبي ﴿روايه سعوديه مكتمله﴾ الفصل السابع والعشرون 27 - بقلم Hanadi2000

ريناد مسكت يده وجلست بالارض : فارس علمني وش اسوي طيب ؟ والله احبببك
فارس ترك يدها وراح وأنصدم ب امه اللي كانت موجوده وشافتهم وسمعتهم
فارس بصدمه : ي ي يمه !!
ام فارس : فاارس فهمني ايش اللي شفته !!
فارس قال لها عن كل شي : بس يمه تكفين رغد ما أبغاها تدري باللي صار !
ام فارس : وش سويت انت يافاررس ! , انت على بالك قلوب البنات لعبه ؟ , يعني انت قصدك انك تعرف ريناد من سنوات !! وعلقتها فيك بعدين تزوجت رغد ؟
فارس :للاسف آيوه ! , بس يمه كان طيش شباب والله ماكنت اعرف انه هاذي النتيجه
ام فارس: حسافة على تربيتي لك يافارس !! , شوف البنت صارت زي المجنونه جالسه تبكي !
فارس : يعني وش اسوي لها ؟ انا قلت لها من البدايه انتي كصديقه فقط بس هي جالسه تفرض نفسها علي ! بعدين أنا مـ..
ام فارس قاطعته : تزوجها !
فارس : أيشش ؟؟ !!
ام فارس :هاذي غلطتك وانت لازم تتحمل اللي سويته ! , قلت لك تزوجها !
فارس :يمه وش اتزوجهاا ! ما في قلبي غير رغد , مستحيل اتزوج على رغد !
ام فارس ضربته على كتفه : تخيل لو عندك اخت ! ترضى يصير فيها كذا ! علمني !
فارس: بس انا ماعندي أخت ! وقلت لك يمه ماراح اتزوج على رغد وهذا أخر كلامي (وراح )
ام فارس راحت لريناد اللي كانت تبكي بحرقة قلب : ريناد !
ريناد وقفت ومسحت دموعها : هلا خالتي ؟
ام فارس لاحظت انه ريناد ماهي سكرانه مع انها سمعتها وهي تتكلم مع فارس وكان شكلها وطريقة كلامها غير عن كذا
ام فارس باستغراب : انتي مو سكرانه ؟
ريناد بصدمه : ها ؟؟ انتي سمعتيني انا وفارس ؟؟
ام فارس:جاوبيني ياريناد
ريناد : الصراحه لا , اللي بيدي بس علبة خمر مافيها شيء
ام فارس :يعني انتي متعمده تقولين هالكلام لفارس ؟
ريناد صارت تبكي : ايه ! , انا اسفه على اللي صار مابكلمه مره ثانيه , بس لاتزعلين علي ولاتقولين لاحد ! , اصلا خلاص انا رايحه الحين برجع لشقتي بس تكفين لاتقولين لاي احد !
ام فارس حظنتها : لا تخافين يابنتي , فارس علمني ايش كان بينكم , وانا اعتذر لك نيابة عنه !
ريناد : والله انا كل يوم ااتعذب عشانه مو راضيه انساه حاولت وحاولت لكن مو قادره والله مو قادره اهئ اهئ
ام فارس : خلاص يابنتي عورتي قلبي , انا القى لكم حل بس لاتبكين
ريناد : صدق خالتي ؟
ام فارس: اي ياحبيبتي انتي اصبري شوي ومايصير خاطرك الا طيب :)
*************
فارس دخل غرفته وهو يفكر باللي صار ورأسه صار يألمه من التفكير : أووووووووووووووووووووووووووفف !!
رغد جلست من النوم فجأه : بسسم الله ! وش فيك فارس !
فارس : ها ؟ لا لا ياعمري مافيني شيء , رجعي نامي
رغد راحت له : كيف انام وانت كذا ! شكلك متضايق ! فيك شي ؟
فارس ضمها وسكر عيونه : بس اشتقت لك
رغد : ههه لاتكذب , انا اعرفك , قول لي بسرعه وش فيك ؟
فارس همس باذنها : خلينا ننام تعبان حدي
رغد : مافي نومه الا لما تقول
فارس :اوه وش هالعناد , طيب بس كنت افكر اذا جبتي اللي في بطنك كيف بتحمله وانا ما احب بكي الاطفال ؟
رغد ضربته على كتفه بالخفيف : من الحين تفكرر !
فارس : هههههههههههه وش اسوي يعني ها ؟
*************
بعد 4 ايام

عبدالرحمن يكلم بالجوال: اقولك خذ الولد منها ! , وشوف لك حل معها , اي اي تزوجها وسو نفسك تحبها , مالي شغل , بس اهم شيء الولد اذا صار فيه شيء بقتلك انت وياها ! , يلا باي ! (وسكر ) وأخيرا ياسجى بخلص منك ومن شرك
*************
نوف جالسه تغني وجنبها ريما
ريما: أوووووف راسي يوجعني أنطممي
نوف: يلا اقول انقلعي اذا مو عاجبك
ريما ضربتها على راسها :أيه رايحه وانتي غني لوحدك (وراحت )
راكان :نوف
نوف :هلا عموو
راكان :عمى بعين ابليس , الزبده روحي جيبي لي شيبس او جلكسي
نوف: بس على شرط
راكان : ها ؟
نوف : بوس يدي
راكان :طيب يلا جيبي يدك
نوف مدت يدها وهي فرحانه
راكان ضرب يدها ضربه قويه
نوف :أأأأأأأأأأأأأأأأأأأأأأأأحححح
راكان: بتتعلمين السنع ولا اعلمك ؟ يلا روحي جيبي لي شي ينوكل
نوف كشرت : طيب :/ (وراحت )
*******
ندى : لا صدق اي احلى ؟ البيج ولا الابيض ؟
فجر :الابيض
العنود :لا لا البيج
ساره :البيج
رغد :الابيض
ندى :يلا عااد كل وحده لها رأيي ! , ابي لون واحد !
نوف جأت لهم : الابيض أحلى عليك
ندى :صصدق ؟
نوف :يب , الزبده راكان يبي جلكسي وهالخرابيط
ندى عطتها كيسه فيها اكلات كثير
نوف :بل كل ذا لراكان ؟
ندى :يمكن الشباب يبون عطيه وهو يوزعهم
نوف راحت لراكان : أمسك , مو بس انت تأكل لوحدك , عط وليد منهم (واستوعبت وش قالت ) أحم ايه وليد وعمار وفيصل وعزوز احم يعني كلهم ها
راكان :طيب , يعطيك العافيه
نوف : الله يعافيك (و راحت)
**********
ام فارس معصبه :قلت لك يافارس اذا ماراح تتزوجها لا انت ولدي ولا انا اعرفك !
فارس :يمه ايش تقولين ؟؟ هالحقيره وش سوت لك وش قالت لك اللي تبغيني اتزوجها ؟؟ , رغد حامل يمه تعرفين ايش يعني حامل ؟ , ماتتحمل اي خبر سيئ حالتها النفسيه دماار , بس احد يجيب طاري ريناد ترجع !! , وانتي تبغيني اتزوجها !
ام فارس :رغد على عيني وعلى راسي ! واللي يزعلها يزعلني والله عالم وش كثر احبها واعتبرها بنت لي , بس بعد ابغاك تتحمل نتيجة افعالك , انا ما ارضى ابدا ولا اسمح لك تلعب بمشاعر البنت وتقلب حياتها عشانها تحبك ! تزوجها وماحد يدري غيري وغيرك ! حتى ابوك مابيدري !
فارس : يمممه !!! , انا اخلص من مشكله تجيبين لي ثانيه ؟ ماصدقت اني تصالحت مع رغد وانتي تبيني ارجع ازعلها مره ثانيه ؟ ترى حبل الكذب قصير ! واذا تزوجتها رغد راح تكتشف
ام فارس :قلت لك ماحد راح يدري !! فارس قول بتتزوجها وتخليني ارضى عليك ! ولا مابتتزوجها وتخليني اغضب عليك وما أكلمك

فارس : خلاص امي , بعدين أقولك ( وراح وصادف رغد)
فارس ب ارتباك : رغد !
رغد التفت ومسحت دموعها , وصارت تناظر فارس بحنيه : عيونها !
فارس : أنتي سمعتي شي ؟
رغد : ها ؟ لا , ليه وش كنتوا تتكلموا عنه ؟
فارس زفر براحه وقال بنفسه : الحمدلله : أيه ما كنا نقول شيء بس أمي كانت تسولف لي , المهم عمري , شكلك تعبانه ! أوديك المستشفى ؟
رغد مسكت يده :لا مافيني شيء , بس ..
فارس : بس أيش ؟
رغد: لا خلاص ولا شيء !
فارس بحده : رغد !
رغد ناظرته
فارس : وش كنتي بتقولين ؟
رغد ابتسمت : أول شيء سكر عيونك
فارس ابتسم وسكر عيونه: وهذا سكرناهم
رغد : تعال قرب أذنك
فارس قرب
رغد باسته في خده وهربت
فارس ابتسم وهو حاط يده على خده : تعالي ي بنت !
********
عزيز: بالله ذا شكل ؟
وليد :هههههههههههههههههههههههههههههههه مشعل روح روح بدل ملابسك بالله
مشعل: ليه وش في ملابسي ؟
سليم : وش لابس يالخبل , في أحد يلبس فانيله وجنيز ؟؟
مشعل : أقول ياورع انت وياه تراه مو فانيله
وليد :يمين بالله شكله فانيله ههههههههههههههههههههههههه
عزيز: صح ههههههه
********
فارس رسل رساله لريناد انه يبي يكلمها بموضوع
وريناد ماصدقت وعلى طول راحت له وكانوا في مكان مافيه أحد بعيد عن الشاليه حقهم
ريناد : هلا , أحم , وش كنت تبي ؟
فارس : والله لو أنك مو بنت كان قتلتك من الضرب !
ريناد : وش سويت أنا ؟
فارس :الحين تقولين لأمي أنك ماتبغيني ! وترجعين للمكان اللي جيتي منه ( وراح وهو متنرفز)
عمار : هلا هلا
فيصل : رد يابو الشباب
فارس :أسكت فيصل ماني رايق لك
خالد :وش فيه الحب ماهو رايق لنا
فيصل: يمكن متزاعلين هو و الحب حقه
فارس : بلا هياط انت وياه
فواز : ها فريس ؟ وش فيك
فارس في نفسه : وش فيني غير بنت عمك الزفت : أبد مافيني شيء بس مالي نفس لأي شيء
راكان : طيب شباب قوموا نطلع لكوفي
فارس :آيه والله قوموا صراحه ودي أغير جو من النكد اللي عايشين فيه !
الكل استغرب من كلام فارس
عمار: نكد ؟
فارس يصرف بس ماضبطها : ها ؟ أيه قصدي لاني طفشان وحاس اني متنكد !
************
العنود ترقص :بالله بنات مين يذكر هالرقصه ؟
الكل فجأه فطسوا ضحك
نوف :هاذي اللي كانت ترقص بزواج رغد
فجر: ههههههههههههههههههههههههههه اييه اييه ذكرتها
ساره : ذيك اللي لابسه فستان أزرق ؟
ندى :أيوه أيووه هههههههههههههههههههههههههههه
رغد : بس والله ضبطتيها
العنود : افا عليك بس
ريما: بس بنات , كأن الشباب طالعين ؟ وين بيروحون ؟
سميه : ابي أطلع معهم
سمر :يمكن راحوا لمول أو شي تسذا
نوف :واناا بعد أبي أطلع معهم , أغير جو
العنود : اصبري ياحبي اليوم بنرجع للبيت :(
ندى :صدق ترى في مول قريب من البيت ! , اذا رحنا البيت على طول المول ها بنات ؟
البنات : أيه خلاص
*******
الشباب في الكوفي

عمار : ماتعرف تصرفها ؟
فيصل: ي خي بموت كل يوم تفتح لي نفس الموضوع ! , (وضرب فارس بالخفيف على ظهره) وبسبب ذا , أمي ناشبه لي على سآلفة الزواج
فارس : لحظه لحظه , أنا وش دخلني ؟
فيصل :لانك أصغر مني ومتزوج !
خالد : هههههههههههههههههههههههههههههههه , الحمدلله , امي مو ناشبه لي ولا هم يحزنون
راكان : الحمدلله والشكر بس
فواز : على أيش ؟
راكان : عليكم يالمجانين
خالد : الزبده , فويرس ماهو مثل العاده , وش فيك ؟
فارس تنهد :مافيني شيء
عمار : يتنهد ويقول مافيني شيء , أيه صدقنا
فواز : علينا يافارس
راكان : قول قول وانا عمك
فيصل : وش مخبي علينا قول بسرعه
فارس ضحك عليهم : ياخي مافيني شيء , بس ودي أرجع للسعوديه أحسن من هنا ..
خالد : ياحبيب قلبي وش لك بالهم , خلك هنا واستانس
فارس :ياخي مالي غير بلدي , آه بس لو أسحب على هالسمستر
راكان : وليه تسحب وهو أخر سمستر لك !
فواز : أهبل أنت ولا أهبل
فيصل : قول والله بس هههههههههههههههههههههه
خالد : صراحه أنت مجنون أحد يترك هالجو الجميل ويروح للجو الحار
فواز : أصلا جدي وابوك مابيرضون !
راكان :أكييد ههههههههههههههههههههههه
فارس : وش ذا ! كل ذا لاني أبي أرجع للسعوديه !
خالد تثاوب : ي خي فيني نووم !
راكان : تحمل لليل بعدين نام
فيصل يناظر الساعه : يلا شباب , ترى الحين بيرجعون للفيلا ! , مانبي نتأخر
خالد قام : يلا يلا , عشان أول ما نوصل أنام في سُبات عميق
فواز : يابو السُبات العميق , صل قبل لا تنام , مو تنسى نفسك
خالد : ي شيخ ! وش شايفني يعني ؟
راكان قام : يلا يالورعان ! قوموا !
قاموا ورجعوا الشاليه
بومشعل : توكم جايين ! , يلا بسرعه جيبوا اغراضكم
فيصل : أوك أوك
راكان :بروح عند ندوشتي
خالد: مسكينه خالتي وصار أسمها ندوش بعد
راكان يحرك حواجبه: كيفي زوجتي وأنا حر , أسميها باللي أبيه
خالد :طيب خف علينا ي الشنب
**********
فجر كانت مع عزيز تسولف وتضحك
فجر :هههههههههههههههههههههههههههههههههه من جد !!
عزيز :أقول فجير شوفي مين وراك
فجر التفت وشافت عمار وشكله معصب :هلا
عمار :ممكن تجين معي داخل بكلمك بموضوع
فجر راحت معه في الغرفه اللي هو كان ينام فيها
فجر : ايه ..؟
عمار : أيش مجلسك مع عزيز وطايحه معه سوالف وضحك ؟
فجر : وش فيك ؟ تشك فيني يعني ؟
عمار : انا أسألك ! جاوبيني
فجر :عمار لاتنسى , انا اكبر من عزيز , لا يكون غيران ؟
عمار: أيه غيران !
فجر: تغار من عزيز ؟ لا والله ؟ خلاص زعلت منك , شكلك حتى شاك فيني !
عمار جلس بالسرير وقال بلا أهتمام :خلك زعلانة بس افتحي الدولاب اللي قدامك و عطيني ساعتي
فجر فتحت الدولاب وكان في بالها انها بتأخذ ساعته وبترميها في وجهه إلا تنصدم وتشوف بوكيه ورد وهديه
عمار : وغلاتك لو ما أغار عليك كان مازعلتك
**********
ريما كانت داخل البحر وواصله المويه لركبتها
خالد : هي يابنت تعالي وش تسوين هناا !
ريما ماسمعته وراحت له : ها ؟ وش كنت تقول ؟
خالد: أقول لك الحين بنمشي وانتي هنا , يلا أركبي السياره
ريما : أها , طيب الحين أركب ( وتوها بتروح)
خالد : ريما . .
ريما التفت له ب ابتسامه
خالد تردد وبنفسه : أقولها ولاا لا ؟
ريما تناظره باستغراب : أمر خالد وش تبي ؟
خالد بنفسه : لا لا خلاص ماني قايل لها : ها ؟ أيه . . عبايتك وصخه لا تدخلين فيها بسيارتي أخاف تتوصخ !
ريما كشرت كانت متوقعه شيء وماصار , وعصبت : مالت عليك ! , وش تحسبني وصخه يعني ؟ أكيد ببدلها (وعقدت حواجبها )
خالد ضحك عليها:هههههههههههههههههههه هبله
****************
نوف كانت تشيل الأغراض وتحطهم بالسياره : خلااص ؟؟ ترانيي تعبت ظهري انكسر
ام مشعل :حشى ! حتى لو أنك عجوز ! , روحي جيبي شنطة ملابسي
نوف : اووه يمه ! لا يكون ثقيله ! تراني ما أتحمل
ام فيصل ضربتها على ظهرها : روحي نفذي كلام امك بدون هالهذره الزايده
نوف حطت يدها على المكان اللي ظربتها عمتها فيه : أححح , شنو أنتوا يعني ماتقدرون أحاسيسي ومشآعري ؟ تعبآنه ي خي !
ام فيصل خزتها
نوف خافت : طيب بروح أجيبها (وراحت)
نوف دخلت الغرفه وخذت شنطة الملابس ولما طلعت من الغرفه شافت وليد وهو مستند على الباب ومكتف ايدينه
نوف : بسم الله , فجعتني !
وليد :بسم الله عليك
نوف ابتسمت
وليد : ها أشوفك يامشعل ماتعطينا وجهه وماقمت تسولف معانا ؟
نوف ضحكت من قلب :هههههههههههههههههههههههههههههههههههههه , والله ذكريات
وليد : فديت الضحكه وصآحبتها
نوف ضربته على كتفه بالخفيف : خلاص ="$
وليد خذ الشنطه من يدها : هاتيها أنا أوديها
نوف : مابقول لا , لانه جسمي متكسر
وصاروا يمشوون
وليد :سلامتك
نوف : الله يسلمك =")
وليد : اقول نويفه
نوف ابتسمت : عيونهاا
وليد :فديت عيونهاا أنا , أحم الزبده وش رأيك أفاتح أمي بموضوع زوآجنا ؟ أو على الاقل خطبتنا ؟
نوف انحرجت وماعرفت وش تقول : آءءء , أحم , أيه . .
وليد ضحك وهو يناظرها : ههههههه ها وش فيك ؟ أنحرجتي ؟
نوف نزلت رأسها ولفت راسه بيدها : لا تناظرني كذا !
وليد : هههه طيب طيب
************
رغد : فارس !
فارس التفت لها : هلاا حياتي ؟
رغد : مو قآدره أتحملها وقسم بالله !!
فارس : معليش ياعمري , تحمليها شوي ! , لما نوصل البيت أتوقع ماراح تبقى معنا
رغد : أن شاء الله هذا اللي بيصير !
فارس : ههههههه وش فيك ؟ لهدرجه كارهتها ؟
رغد : وأكثر من اللي تتصور , (وبدت تلمح له) وأنت نفس الشي صح ؟
فارس : ممم , وش رأيك أنتي ؟
رغد في نفسها : لا لا مستحيل , أفف يارغد وش تفكري فيه يامجنونه ! : أكيد أنت تكرهها أكثر من كرههي لها ؟
فارس : هههههههههه صح عليكك
رغد ابتسمت
***********
وراحوا كلهم للفيلا بعد ماجمعوا أغراضهم
وفي الليل الساعه 9 ونص
جالسين يتعشوون
رغد كشرت : شكلها ما بتمشي !
فارس :تولي ماعليك منها
رغد منقهره : شوف شوف بس كيف تناظر فيك
فارس : هههههههههههههههههههههههههه ها حبي , غيرانه ؟
رغد بنفسها : وبموت من الغيره : وليه أغاارر ؟؟ أنا بس أكرهها
فارس : هههههههههههههه مممم اها
رغد سوت نفسها مو مهتمه وصارت تأكل
فارس حس انه رغد الغيره بتذبحها وهمس بإذنها :لا تخافين , ماحد غيرك في قلبي
رغد انحرجت من كلامه
ريناد هنا بتموت من الغيره
الجد قام من طاولة الطعام : يلا تصبحون على خير
الكل : وانت من اهله
الجده : يلا وانا بقوم , يلا ياعيالي روحوا ناموا
الكل : تصبحين على خير
الجده : وانتوا من اهله
ام فارس : تعال فارس بكلمك
فارس : طيب . . ( وبنفسه : اف اف ياااااااااااربي وش هالنشبه رينادوهه ) (وتوه بيقوم )
رغد مسكت يده
فارس ناظرها ومن عيونها عرف انها ماتبغاه يقوم
رغد ابتسمت : انت تدري وش كثر أحبك صح ؟
فارس أستغرب من كلامها بس ابتسم : أيه ..
رغد بتردد : يعني ماراح تفكر أبد تسوي شيء يزعلني ؟
فارس حس انها عارفه ايش صار : أكيد لاا , بس ليه هالكلام ؟
رغد ماتبغاه يشك : لا بس أبغاك تسوي اللي تقول لك امك وماتزعلها بشي
فارس بنفسه : آه يارغد لو تدرين امي وش تبيني أسوي كان ماقلتي كذا ! : آيوه طيب ياعمري
رغد ابتسمت : طيب يلا روح
فارس قام وراح
ام فارس : ها فكرت ؟
فارس : لا يمه لسا مابعد افكر !
ام فارس : رد لي خبر بكره !
فارس :أوكك
ام فارس : وفكر زين !
فارس :طيب يا أمي !
**************
العنود : بناات اليوم مافي نووم !
نوف : آيه نبي نسهر
ندى : عن نفسي مابجي معاكم , صراحه تعباانه حدي ومنهلكه
ساره : وانا بعد ! , دانه هاليومين مريضه فيها حراره ومالها خلق شيء , بروح أجلس معها
سمر: الله يعينك
ساره : ويعيينك حبيبتي
سميه : ط ط طفشانه طفشانه طفشانه , زا زا زهقانه زهقانه زهقاانه
ريما: هههههههههههههههههههههههههههههههه كلنا طفشانين
فجر : أنا عكسكم أنا فرحانه ومرروقه
نوف: ايه بعد هدية الحب , من حقك تروقين
فجر : جب جب
العنود : الزبده رغيد ماهي معنا مفهيه في عالم أخر
رغد : ههههههههه لا لا معكم معكم
نوف : وريناد بعد مفهيه
سميه : هي رينادووه ( وضربتها )
ريناد : هاا ؟ وش فيك ؟ ليه تضربيني ؟
سميه : وش تفكرين فيه ؟
سمر :قولي بسرعه لا أفقع عينك ؟
ريناد :ههههههههههههه الله يقطع إبليسكم , ما أفكر بشيء بس نعسانه
العنود : اقول أنتوا ما منكم فايده خلاص مافي سهره , كل وحده بتموت من النوم
سمر : كآآآآآآآآآآآآآآآآآآآآآآآآآآآآآك , هيا للنوم !
ندى : أقول يادجاجه شكلك مافيك نوم
سمر : إلا فيني , ومهستره كماان من كمية النعاس اللي فيني
ندى : ههههههههههههه هبله
رغد قامت
فجر : على وين رغود ؟
رغد : بروح أنام
فجر : تباً لكم , الكل بينام ! , حتى أنا بقوم انام
رغد راحت
ريما : بنات أمانه ماتحسون أنه رغد فيها شيء ؟
نوف : ايه حسيت !
العنود : لا يكون فارس مزعلها ؟؟
ريناد بقهر : لا مستحيل , انا شفتهم فرحانين من اشوي ويضحكون
ندى : أجل وش فيها ؟
********
فارس دخل الغرفه لقى رغد نايمه بالسرير ومو مغطيه نفسها
راح لها وغطاها بالبطانيه ولاحظ وجهها انها كانت تبكي
فارس عرف انها ماكانت نايمه : رغد ! أجلسي بكلمك
رغد :...........
فارس :رغد !
رغد : .................
فارس :أنا عارف انك مو نايمه
رغد جلست ومسحت دموعها : ليه جيت فجأه ؟
فارس : قولي لي , وش اللي مضايقك ؟
رغد : ولاشي
فارس : انتي متضايقه من ريناد ؟
رغد :لا مالي شغل فيها
فارس :تبين نطلع ونغير جو ؟
رغد : لا , توني قلت للبنات بنام , الحين اذا شافوني بطلع بيحسبوني كذبت عليهم
فارس :ممم طيب شسمه ذآ , وش فيك ؟
رغد : قلت لك مافيني شيء
فارس يبي يضحكها :طيب بالله رغودتي , الجنين يتحرك ولا ؟
رغد :ههه لا تو الناس عليه !
فارس : طيب وش تحسين فيه ؟
رغد: هههههههههه بس ألم خفيف في ظهري
فارس : ياعمري , ياريته فيني ولا فيك
رغد : لا , بسم الله عليك , ادري فيك أقل وجع ماتتحمله
فارس :قومي خلينا نطلع , نغير نفسيتك , شكلك طفشانه
رغد: ههههه وش فيك مصّر تبغاني أطلع معك ؟
فارس : لا مو مصّر بس أبغاك تغيرين جوك
رغد : طيب , قول لي , خالتي وش كانت تبغي منك ؟
فارس : مو شي مهم ( وابتسم ) يلا أرتاحي
رغد : انت بتنام ؟
فارس : لا , بروح عند العيال سهرانين , وأنتي ماتبين تروحين مع البنات ؟
رغد : لا ما أبي أشوف ريناد
فارس بدون شعور : يلعن شكلهاا من بنت !!
رغد استغربت منه : ليه فجأه ؟
فارس :ها ؟ أيه قاهرتني , ياريت تروح لبيتها وتفكنا من شرها , الزبده عيني أنا رايح عند العيال , تبين شيء ؟
رغد ابتسمت : سلامتك
فارس باس جبينها وقام : الله يسلمك (وطلع)
وبعد فتره دخلت العنود و نوف وفجر على رغد
رغد :بسم الله ! وش جابكم ؟
العنود: فارس
فجر :قال لنا نروح لك
نوف : ونونسك
رغد أبتسمت : طيب وين باقي البنات ؟
فجر :قال بس انتوا , بدون الباقي
العنود : ترى ماحد يدري انه حنا عندك يحسبوننا نايمين
نوف :طيب رغيده , وش سالفتك ؟
فجر :قولي قولي , حنا خواتك
العنود :خواتك يالزفت خواتك , تخبين شيء عن خواتك ؟
رغد : ههههههههههههههههه فديتهم خوآآآآتي
نوف :أستغفرالله , رغيده لاتضيعين السالفه وقولي ؟
رغد : لا بس من الحمل ظهري يألمني
فجر : من عيونك واضح انك تكذبين
العنود :لا يالحب مافي امل تكذبين ونصدقك
نوف : آيه يابعد عيني ! لاتكذبين لا أضربك الحين
رغد : تراكم مجانين ههههههههههههههههههههههههه
العنود :الزبده قولي
نوف : قولي
فجر : قولي
رغد تنهدت : طيب طيب
العنود : آيه ؟
رغد بتردد : ف فارس !
فجر: بقوم أذبحه ! أكيد مسوي لك شي ؟
رغد : لا المسكين ماسوى شيء
العنود :طيب كملي
رغد : سمعته هو وخالتي يتكلمون عن ...
فجأه دخلت عليهم ريناد : انتوا هناا ؟ , وأنا جالسه أدوركم
رغد بنفسها : وش تبي ذي أفففففففف
العنود : أحم , أصلا حنا كنا بنقوم الحين عشان ننام
فجر : أيه صصح
نوف :يلا بنات قوموا
ريناد : أجل أنا بجلس مع رغود أسولف معها أشوي
رغد فتحت عيونها ع الاخر
البنات طلعوا وبقت ريناد ورغد
رينااد كانت تسولف
وبعد فتره
رغد رسلت رساله للعنود بسرعه نادي فارس خليه يجي الغرفه الحين , هالنشبه مو راضيه تطلع
ريناد : أيه رغد , وش فيك ساكته ماتكلمتي ب ولا حرف
رغد : ها ؟ أيه مدري وش اقول
ريناد بابتسامه : كيف يتعامل معك فارس ؟ يعصب ولا ؟ تكلمي عنه ؟
رغد عقدت حواجبها وبنفسها :خيير !! مين انتي عشان تسأليني هالسؤال
فارس دخل : حبي رغود وينك
رغد قامت وراحت له : هلا , أنت جيت
فارس :آيوه ( والتفت ) أوه عندك ضيوف مادري !
ريناد : يلا رغد انا رايحه
رغد : أوكك
ريناد راحت وماسكرت باب غرفتهم كانت تسمع أيش كانوا يقولون
فارس : حبيبتي , جهزي لي بجامه انا رايح اتروش عالسريع وبنام حدي دايخ
رغد : طيب
فارس راح يتروش ورغد كانت تجهز ملابس لفارس
رغد لما حست انه فارس تأخر نامت
فارس طلع من الحمام لقى ملابسه موجود , لبس وطلع لقى رغد نايمه وماحب يصحيها , وراح لباب الغرفه بيسكر الباب إلا لقى بنت واقفه
فارس :خير ؟
ريناد : أووه وش هالزين , كل هذا لرغد ؟
فارس : اكيد , لحبيبتي وروحي ودنيتي رغود
ريناد أنقهرت : طيب وش قررت على كلام أمك ؟
فارس : تدرين وشو ؟
ريناد : شنو ؟
فارس : والله انك قليلة أدب وماتستحين على وجهك ! تراك مجنونه ههههههههه روحي للمصحه النفسيه يمكن يلقون لك علاج ( وسكر الباب بوحهها )
راح لسريره وهو تعباااااااااااااااااااااان انسدح وهو يفكر وش بيقول لأمه بكره ؟! وتنهد ونام
**********
الصباح الساعه 8 ونص

رغد : يلا وليد قووم مدرسسه !!
وليد يأكل توست : والله جوعان , أصبري تو الناس لما تصير الساعه تسع
رغد :أنا مالي دخل فيك , بروح واخاف اتأخر
فجر :وييو بعض الناس عندهم مدرسه
رغد: أصلا عااااااااااادي
وليد : صدق عادي جدا ,أصلا حنا نحب الدراسه (وقام ) يلا مع السلامه
الكل : مع السلامه
وراح هو ورغد للمدرسه
فواز : ها فريس قوم ورانا محاظرة الزفته اللي تحبك
فارس :ههههههههههههههههههههههه انا مابتطردني ضامن نفسي , بس انت الله يعينك
نوف: وووااوو مين ذي اللي خاقه عليك؟
فواز : الدكتوره مغرمه بفريس
فارس وفواز : مع السلامه
الكل: مع السلامه
فيصل :أقول شباب قوموا نروح للمول ونشوف وش الجديد عندهم
فجر : قصدك عشان تقز البناات يالوصخ
فيصل :شوف شوف وش تفكر فيه ! م حد وصخ غيرك
خالد :يلا عشان ماتزعل فجيره حتى البنات تعالوا معانا اللي يبغى
نوف :أنا أبغى
العنود: وانا بعد
سميه : وانا
فجر : وأكيد انا
خالد :و الشباب مين بيروح ؟ أصلا شكلكم نايمين شكل مافي أحد بيروح غيري انا وفيصل
عزيز : أنا ابي اروح
مشعل : وانا بعد
عمار : وانا
فيصل :يلا مشينا قوموا تجهزوا
(وتجهزوا وراحوا)
****************
فجر : عنييده حلو هالفستان عليك
العنود :لا بالله ؟ وعع يفشل
نوف : عنيد صدق ماعندك ذوق , بالعكس يهبل
سميه :أييه حلو
العنود : من ناحية حلو فهو حلو لكن يفشل عليّ
جا واحد لسميه (بالانجليزي ) : هل أنتي مرتبطه ؟
سميه (بالانجليزي ) : عفوا ً ؟؟؟
العنود : وش يبي ذا ؟
نوف :ها وش تبي من بنت عمتي ؟
الشاب (بالانجليزي ) : واااو كم انتن جميلات , هل انتن مرتبطات ؟
فجر : وش يخربط ذا !!
نوف : يالهبله يقول انه حنا جميلات
فجر : ثانكس ممماان
الشاب استانس انها عطته وجهه ( بالانجليزي ) : العفو
نوف : وخروا عنه , يخوف لا يكون يسوي لنا شيء
العنود :صدق بنات لا تعطوونه وجهه
فجر تقلد العنود: من ناحية يخوف فهو يخوف لكن القمططه ي بنااااااااااااات
وصاروا يمشون وهو ناشب عليهم وبالاخص سميه
سميه وقفت وصارت تصرخ في وجهه (بالانجليزي ) : اذا لم تبتعد عني أقسم باني سأستدعي الشرطه لك !
الشاب (بالانجليزي ) : لكن أنا معجب بك
فجأه لمحت الشباب اللي كانوا جايين لهم ونادتهم : تعااااااالووا شوفو ذاا !
فيصل راح لهم والشاب اول ماشاف فيصل راح بخوف
فيصل :قوموا بس خلونا نرجع , الحمدلله والشكر , يعني ماتعرفون تضربونه عشان مايلاحقكم ؟
فجر: تخيل بس حنا نضربه !! , لا تضحكني فيصل !
***********
الظهر جأ فواز وفارس
واستقبلتهم ام فارس
فواز : هلا خالتي
ام فارس :هلا بك
فارس: يمه رغد جأت ؟
ام فارس : لا
فواز راح
فارس :ي ليل !
ام فارس :وش قررت يافارس ؟
فارس : طيب ! انا موووافق يايمه !! فرحتي ؟؟؟
رغد كانت داخله البيت وسمعت الكلام و اغمى عليها !

!

👇👇⭐🙏🙏😍😍😘😘😘
__________________________