خذ بيدي ولا تسألني الفصل الحادي والعشرون 21 - بقلم نهى

خذ بيدي ولاتسألني
بقلم الكاتبة Nuha-d-h

دامشي تايهة بالبستان وحسيت بواحد ديمشي وراي
التفتت وشفتة
وحطيت ايدي على صدري وشهگت بخوف ورحت كملت طريقي ركض اريد بس اريد ابتعد عنة ما اعرف ليش هذا الانسان ما ارتاحلة
لؤي - هوب هوب على كيفج ياحلوة مسوينالج شي ردت
بس اسلم عليج شدعوة هالخوف
رونق وجسمها اقشعر وعيونها تدور بالمكان بلكي واحد يطلعلهة
-لؤي ابتعد عن طريقي ومو عبالك مدافتهم نظراتك وكلامك وتلميحاتك الي والله اگول لرضوان عليك وعودك راويني شراح تسوي بوكتها
رحت تركته لكن شفتة اجة وراي يمشي ويضحك على كلامي
-اي صدك نسيت اباركلج على حملج بس معرفت منو ابو الطفل رضواااان لوووووو ضياء
رونق توقفت بمكانها مصدومة .......
لؤي يبتسم بخباثة
-ياحلوة ترة الكل يعرف بفضيحتج انتي وضياء وشلون رضوان لزمكم ثنينكم بفد غرفة ..........

صار جسمي كلة يرجف ومعدتي انعقدت
ونفسي لعبت ........

-لك انت شكد قذر وحيوان منين جبت هذا الكلام ........
وين تريد توصل بهذا كلامك
-عفية عليج سباعية احب الي يفتهم اللعبة بسرعة
تعرفين شريد اريدج الج
طبعا كملت مشي ورجلية يرجفن من ورة كلامه هذا منو دازة علية
-اكل تبن يالعار انت الظاهر زودتها عن حدها الا احجي لرضوان واخلي يحطلك حد
حسيت عليه لزمني من ايدي واني بسرعة نترتهاوسحبتها من منة
-بس سمعيني شوية قبل لترحين
راح انطيها الج من الاخير ابتعدي عن طريق رضوان
اخذيها نصيحة مني الج قبل لتتضررين
-لاااا انت اكيد صار لعقلك شي شنو ابتعد عن طريق رضوان .....
لك هذا زوجي شتحجي انت .......
- هذا هو براحتج اني حذرتج ولقد اعذر من انذر
- شنو انت دتهددني وشلون بالله تريدني ابتعد عن طريقه
- سهلة سودي عيشتة وخلي يطلكج يعني باختصار بعديه عنج واذا تگولين ما عندي مكان اروحله
اني مستعد اتزوجج بالسر
-لااااا انت موطبيعي انت انجنيت رسمي گلي منو دزگ علية
-هذا الشي ميخصج نفذي الي گلتة الج ترة داحجي لمصلحتج
- شتريد تسوي سويه واعلى مابخيلك ركبة ومراح اترك رضوان لو تموت
ولا راح تطولني نجوم السما اقربلك
عفتة ورحت امشي سريع وكعدت اتعثر بالمشي
يالله هذا شيريد مني ومنو دازه
يعني معقولة تمارة تسوي هيج لان انلغت فكرة خطوبتها بسبب حملي ومبين عليها ما راضية بقرار ابوها
لو خاف عمتي ام رضوان بس لا هاي مستحيل تسويها
ممعقولة لان اني مرت ابنها وحامل بحفيدها مستحيل
توصل لهيج دنائة
يالله رحمتك الطف بية والله خايفة لا اكدر احجي لرضوان عن كلام لؤي الي
لان كرصتين من الجحر نفسة يخليه يشك بامري حتى لو اني بريئة يعني بالاول ضياء وهسة هذا لؤي شوية
السالفة معقدة وتثير الشك
شنو الحل وين انطي وجهي المن اشتكي

سمعت اصوات من بعيد وشفت رضوان وشايل كرار على اكتافه وابوه وخاله وضياء جاي يتمشون بتجاهنا اني فرحت من شفتهم .......
رحت عليهم وسلمت الكل رد السلام ورضوان ابتسملي من شافني لكن تغيرت ابتسامته من شاف لؤي جاي يمشي وراي شكد ناقص ونذل ......
التفتت علية وخزرني اقترب مني .......
وهمس
-شوفي دقيقتين الكاج بالبيت گدامي .....
-عفية والله تيهت ما اندل منين ارجع ......
-لؤي يصنف
-اي صحيح شفتها تايهة بالغابة واجيت نفذتها .....
باوعلة رضوان ورفع حاجبه
-ليش والبنات وين انتي مو جنتي وياهم
-اي بس وديت بنت فاتن للحمام وضيعتهم للبنات
-يالله امشي گدامي هم يالله نرجع للبيت الظاهر نسيتي نفسج حامل وتحتاجين للراحة
رجعنا للبيت بس رضوان اعصابة نار
اني من خوفي بسرعة صعدت لغرفتي
بس اي ليش اخاف ليش ما احجيلة عن كلام لؤي
اهووو هسة هو مجرد شافة وياي صار نار زين
يمكن هذا لو اكلة عن الكلام الحجاه احتمال يروح يذبح لؤي انتبهت عليه دخل للغرفة عصبي نار
-انا مو سبق وحذرتج من لؤي ليش
تحطين نفسج بهيج مواقف ترة انا متعجبني تصرافاتج الرعنة
التفتت عليه
-اشكرك رضوان لثقتك الزايدة بية
بس تعرف شنو اكتشفت
انت دائما
تگول لازم نبدي حياة زوجية جديدة ودائما اشوفك تشجعني حتى اتقبل حياتي وياك لكن نسيت اهم عنصر وهو اساس الزواج المتين وهو الثقة
وعن طريق الثقة راح نكدر نحجي لبعضنا عن كل ما يدور بگلبنا من مخاوف او احلام او امال او عن امنياتنا
ومنها تتكون الصداقة بينا بس انت دائماً تخذلني
تحسسني بجميع المواقف اني مني السبب ودائماً اكون بنظرك الطرف الخطاء والغلطان
تدري صرت اخاف افتحلك گلبي واحجيلك عن مخاوفي
قاطعها رضوان
-هذا كلامج كلة ماله داعي كل الي ردته منج ان تسمعين
الحجي بس انتي.......
قطع كلامة
صوت نقالي يرن
شفتها سهير .....
-الو هلو سهير شلونج
اي ان شاء الله اجيج واجيب كرار وياي حتى تشوفينة
اي
انتي شلون صارت صحتج.......
يارب عندج العافية
انشاء الله صار سلمينا على رشا من تتصلين وياها

نهيت الاتصال وانتبهت على رضوان نزل جوة لعند اهلة طبعاً هاي فيكة جديدة لان هالمرة هو غلطان فيفضل الهروب
بدلت ملابسي ونومت. كرار ونمت على السرير ظليت اتحرك واتگلب وشوية عدلت المخدة ماكو ما جاي اكدر انام
ليش يعني معقولة دانتظر رضوان يصعد للغرفة
حسيت على صوت الباب انفتح وسويت نفسي نايمة
بس گلبي صار يدك مثل الطبل
اسمعة شلون يتحرك بالغرفة وراح للحمام صار تركيزي
كلة وياه
بحيث انتبهت على روحي حابسة انفاسي
حسيت على خطواتة اقتربت من السرير ورفع الغطا
ونام بصفي لكن شهكت من مد ايديه وسحبني على صدره وخلة ايدة تحت راسي
اول ما شميت عطرة اني حسيت بالراحة وغفت عيني ونمت بأطمئنان للصبح

صرت كل يوم الصبح اگعد قبل رضوان واباوع بوجهة وهو نايم كانت معاني وجهة حادة اني ابد ممنتبها
على معالم وجهه بس الصبح وهو نايم املك الحرية بالتمعن بمعاني وجهة انتبهت عندة طبرة فوك حاجبه
الله اليعلم هذا الاثر نتيجة شنو لو عركة او عركة متقبل غلط اوووف اليوم يلتحق

يعني حتى ملحكنا اني وكرار نشبع منا كمت اكره دوامة الي ماخذة من عندنا
-رضوان اكعد هم يالله تلحك تروح للدوام
رضوان وبصوت مبحوح
-اي هسة

كعدت ونزلت قبله مثل ممتعودة عليه
سمعت عمتي گاعدة من الصبح مو من عوايدها اقتربت من المطبخ سمعتها تهمس بالنقال من دخلت حسيت عليها ارتبكت وغلقت النقال
درت فعلها غريبة جانت بس ما اهتميت الها

رحت اسوي ريوك لرضوان وانتظرتة ينزل
بعدها نزل وجان عاكد حواجبه وينظرلي
-صباح الخير
حطيت عيني بعينه وقررت منا ورايح اني الي ابادر
ابتسمت بوجها
الفات مات وهسة ابدي من جديد
-صباح النور ابو كرار
شفتة جمد بمكانه على كلمتي
ورفع حاجبه
لكن التفتنا اثنينا على صوت شهگة ام رضوان الي كانت فاتحة حلگها
-ديري بالج تدوري راس ابني بهاي سوالفج ترة متعبر عليه
-لا بالعكس يمة خليها تحجي ترة ابنج عطشان لهذا الكلام الحلو اصلاً هي بدون متحجي اني ابو ابوي مشتعل ونوب هسة هي حجت
ام رضوان
-على شنو يمة مشلوع گلبك ترة النسوان خمسة بربع
رضوان وهو يباوع على رونق بلهفة عاشگ مفضوح
-يمة ما اريد الخمسة اريد بس وحدة كون الله يحنن گلبها علية
-لا والله طالت وشمخت امدة حظج يسعدة على هالولد الي المغسول حظة فدنوب من ورة السحورة
التفت رضوان لامة انطاهة نظرة خلتها تبلع السانها
وگامت وطلعت من المطبخ وهي عيونها نار
التفت على رونق الي گاعدة تصب الريوك على الميز
جرها وگعدها بحضنة
-اي بالله كملي شنو جنتي تگولين وامي قاطعتج
-اةة اني
هو نزل عيونة على شفايفها الي تتحرك
وهو بغير عالم عايش وية الشفايف ويشوف شلون تتحرك وتحرك باعصابة
منطاهة مجال گبل سحب شفايفها بين شفايفه
اخذ شفايفي واني دخت بس هاي فرصتي واجت لعندي
حوطت رگبته بيدية وصرت ابادلة البوسة بحماس
وبلهفة ولاول مرة ردت اوصلة حٍٍِْــًبٌٍـــِٓېٍٓ
سحب نفسه مني وكعد يباوعلي متفاجيء
-العفو هاي منو البنية الكاعدة بحضني ممكن اتعرف
اني هو يحجي واني دايخة وذايبة من ورة بوستة
رجعت هالمرة اني سحبتة الي
لحضني واخذت شفايفه بجرئة خليتة اجة ينجلط من المفاجئة حسيت بنفاسه وحركاتة صارت جريئة اذا بقة الوضع هيج ساخن تاليتة راح تنتهي
واحنا اثنينا عالسرير منقبل غلط من گد اللهفة
فبتعدت عنة لان لا المكان والزمان يسمح نكمل
رضوان يحجي بصوت خشن من اثر الشغف
-ليش ليش ابتعدتي بعدني مشبعت دخيل ربج وين جنتي ضامتها هاي اللهفة اخ يابة
والله لوما دوام حان تحلمين اهدج اليوم
رونق تضحك بوجه
-رضوان انت مو البارحة نزلت مجاز ليش ترجع اليوم تلتحق ترة حتى بعدة كرار مشبع منك شوف
-اااخ يابة يعني بس كرار الي مشبع لو حتى ام كرار
يالله العموم ترة هاي الفترة عندة انذار المفروض اصلاً ماانزل ولا يوم الا من ينتهي الانذار
بس شسوي مو بيدي لازم انزل واطمن على كرار خطية متعود ينام على ايدي واخاف عليه يكعد بالليل وميلكاني
رونق بخجل -رضوان تعرف ااااني اااااح.............
دخلت هاجر عليهم بالمطبخ مثل الاعصار
وكمت من حضن رضوان بسرعة
واني مرتبكة اعدل بشالي ووجهي وهو يباوع علية ويضحك
هاجر -خير خير شنو هاي شدتسون بالمطبخ مو عيب
مو عندكم غرفة
رونق وهي تكوم بسرعة من حضن رضوان
روضوان
-شبيج دخلتي علينا جنج سيارة اسعاف
شكو شصاير
-هههههه الظاهر قطعت عليك اللحظة الرومانسية
گام رضوان
-يالله اني رايح ممحتاجين شي
رونق -لاسلامتك
التفت على هاجر
-لج كبري شوية شلون بيج
راحت هاجر باست اخوها
-خليني صغيرة احسن ما اريد اكبر الحك عالهم
-يالله مع السلامة
انتبهت عليه غمزلي وعضلي شفة
رضوان -اااخ يابة الكاع محضورة
-يالله روح لتخليني ابجي
انتبهت لهاجر شلون تحرك بحواجبها جنها افلام كارتون
راح رضوان واخذت بيدي طاسة الماي
وشمرتة وراه من طلع
هاي كانت عمتي ام قصي الله يرحمها منو الي رايح بطريق سفر تشمر وراه ماي ما اعرف ليش
كأنت تكول حتى يرجع سالم

دخل ابو رضوان ووياه ضياء وهو يضحك وية ضياء
-صباح الخير ياوردات
-صباح النور باباتي دوم الضحكة بس شنو سبب هاي الابتسامة
ضياء -ايه اكو وحدة اجوها خطابة البارحة بالليل طلبوها من بابا واني وبابا جاي نضحك لان مستغربين هاي الوحدة شوكت كبرت وصارت مرة وراح تتزوج
رونق ببتسامة
-بالله منو هاي الوحدة
ابو رضوان
-هجورة البارحة اجوج خطابة طلبو ايدج مني
هاجر ووجها صار الوان بين الخوف وبين الفضول
لزمتها من ايدها لان ظلت تفرك بيدها وعرفت على طرف السانها سؤال منو المتقدم بس تخاف تسأل
رونق -عمو منو طلب ايدها
-اخوي سرمد طلبها لابنه نشوان لان البارحة نشوان حاجي وية ابوه حتى يخطبها الة واني جاي اخذ رايها
سمعنا صوت طبة بالگاع التفتنا شفنا هاجر وكعت مغمي عليها
-ههههههه الله يفضحج عوبة شهرتينا شبيج ممصدگة
بس خطية حقها حب طفولتها وحلمها جاي متقدملها مو شوية
يتبع