خذ بيدي ولا تسألني الفصل الرابع والعشرون 24 - بقلم نهى

خُذ بيدي ولاتسألني
بقلم الكاتبة Nuha-d-h

رونق انتبهت على رضوان وابوه وضياء والولد
ركضو عالدكتور
-هَـا دكتور طمنة امي شلونها
-لا الحمدلله امكم زينة بس ارتفاع بالضغط من اثر التوتر الظاهر معرضة لصدمة او اثر تعب نفسي
-الف الحمدلله يعني الوالدة ما عليها شي
-لا لتخافون بس ديرو بالكم عليها ترة هالمرة عدت سلامات ترة المرة اللاخ ما اضمنلكم تطلع سالمة

شفت رضوان التفت على ضياء وزنگة من ياخة القميص
لك صكط شحجيت وية امي وخليتها تتخربط وتوكع مريضة ولطمة بقبضة ايدة على وجها وخلة ضياء يوكع من طوله.
رجع رفعة من ياختة وركض عليهم فاضل ورضا حتى يفكوهم
رضا-دگول يالله رضوان شنو شبيك اتخبلت
رضوان -عوفني عليه بس اريد افتهم شلون يتجرء ويصيح بوجه امي هالعاق الساقط
ويخلي ضغطها يرتفع ولك الله حبك
ومصار عليها شي والله لو صاير بامي شي ادفنك وانت عايش
-ضياء وهو ينتر ايد اخوه من عنده
-حقك متعرف على شنو اني اتعاركت وصيحت على الوالدة
والله لو تعرف الي اني عرفتة يمكن احتمال تحرك الدنيا على راس ام .........
بعدة مكمل كلامه ونزل رضوان دك ضرب على ضياء
خلة الدم يندي من خشمة
ابو رضوان
-لك كافي مدتشوف الوضع تعبان واحنا بمستشفى مو بشارع رحمة على والديك كافي احنا بيا حال وانت جاي تحاسب اخوك
اني كنت گاعدة يم هاجر الي بس تبجي وترجف
صارلي ساعة اسألهة شنو صار ليش تعارك ضياء وية عمتي وظل يصيح عليها
بس هي ابد متجاوبني بس الدموع على خدها اريد اعرف شبيها ظليت بس اسكت بيها واتذكرت شلون نزل رضوان يركض على صياح هاجر واني بسرعة لبست شالي وعباتي وانخبص البيت خبص باخوان رضوان واولادهم وبناتهم هاجر جانت منهارة واني صعدت عمتي وية رضوان بالسيارة وصعدت وياها لان تحتاج مرية وياهة ميصير لوحدها تروح والولد اجو ورانة بسياراتهم
وحبيبي كروري عفتة عند بيت حماي رضا
ظلينا ننتظر الدكتور وبعد ما طمنا عليها
رحت دخلت عليها اني وهاجر وراح رضوان يمكل الخروجية كان عمو گاعد بصفها قرب السرير شافتني
ودارت وجهة وهي تعبانة وكان شالها مفتوح وشعرها كلة طالع انتظرت من هاجر تروح تعدل لعمتي ملابسها وشالهة لكن وين هاجر گاضيتهة بجي رحت اني اتقدمت منها وگعدت اعدل عليها الشال ورتبت ملابسها الي كانت مفرعة لان سوت تخطيط قلب عدلتهة ولبستها عبايتها
ودخل علينا ضياء
-الحمدلله على سلامتج يوم
شفتها دارت وجهة عنة وماحجت وياه لكن من دخل رضوان ظلت تبجي وهو راح عليها وحضنها عبالك هو ابوها من ابنها وهي مثل الصغيرة ظلت تبجي وتشتكي لة عن ضياء
انتبهت على ضياء شلون ضم ايدة بقبضة قوية بحيث بانت الدامرات عزة هذا بس لا يحقد على رضوان لان ضربة لا بس ممعقولة هذا اخوه وتصير هيج اشياء
بين الاخوان
باوعت على رضوان شلون باس راس امة وايديها
وسمعت صوت الباب انفتح ورجع انسد التفتت شفت ضياء طلع من الغرفة مثل الاعصار
هذا شبي تخبل ......
اشو مفرفح امة ووكعها ورفع ضغطها
ونوب فوگاهة هو ابو الراهي هسة غير يگعد وينجب ويسكت
كل ساعة ينافخ ويباوع لامة بعصبية
اوف ظليت الفضول كتلني اريد اعرف شنو السالفة
بس هسة كلها اعصاب ابنتبهت على صوت رضوان
-رونق يالله گومي الله يرضى عليج خل نرجع للبيت كتبلنا الدكتور على خروجية ميحتاج تبقى امي بالمستشفى
باوعتلة وصارت عيني بعينه وكانت عيونة كلها حنان. وقلق علية
-خو متعبتي
-لا متعبت هسة راح نرجع للبيت واصعد لغرفتي وارتاح
رجعنا للبيت وامة ويانة اشوف وجهة مايكصة السيف

هذولي شبيهم وحدة تبجي ومتقبل تحجي وواحد ينافخ وصاير اعصاب ووهاي المرية الواگعة وجهة ميكصة السيف شكو يا ستار ونوب محد يقبل يحجي شصاير
وصلنا عالبيت وكان الجميع موجود عائلة رضا وفاضل
استقبلونا حتى يطمنون على الحجية
وكعدو يتحمدولها السلامة
واني استحيت اعوفهم واصعد فوك لغرفتي شفتها شوية زحمة
بس الحمدلله رضوان انتبه علية وشافني شلون كل شوية الزم ظهري وامسح براحة ايدي عليه
-رونق گومي صعدي فوگ ارتاحيلج شوية موزين عليج انتي اليوم هواي وگفتي
شفتة گدامهم كلهم اجة علية ومد ايدة وگومني من القنفة
حتى واني استحيت من يمي رفعت وجهي وباوعتلة
همست بصوت ناصي غير مسموع بس الة

-مراح انام انتظرك لتتأخر عفية اريد انام على ايدك
ابتسم
-صار تدللين بس روحي ارتاحي واني شوية وجاي وراج
ام رضوان وهي تنافخ وتگلب بعيونها
-اي بالله يرونق شنو جاي تتهامسين وتتمضحكين انتي وابني مگدرتي تصبرين حتى تختلين بي
وعودك خلي يجي لعندج وكعدي ضحكيه
جان استحيتي على وجهج

اني دنگت وصرت حمرة من الفشلة وابد ولا جاوبتها اشكد زحمة گدام حموييني وعمي
رحت گبل بوجهي صعدت
خرب حظي ادري هاي مو ستوها وصلت للموت وجنا قبل شوية نركض بيها للمستشفى اشو السانها بعدة ابد ولاجنها الله صايبها
واني عالدرج سمعت رضوان كعد يحم حم
-حجية كافي مو زين عليج الحجي
كملت طريقي لغرفتي وعفتة يشرح لهاجر على اوقات اخذ العلاج لعمتي
المهم دخلت للغرفة وبوجهي للحمام سبحت ونشفت شعري بالشسوار ورحت عالكنتور وطلعت ثوب النوم الاسود الي جابة الي رضوان لبستة وتعطرت ودخلت جوة الغطة ميتة نعاس بس ما اكدر انام انتظر رضوان
كعدت اغمض عين وافتح عين
مكدرت انام رغم ميتة نعاس بس هو اتأخر كلش
كمت رحت لسرير كرار وغطيتة خطية كان نايم بس مكشف
ورجعت لسريري مرة لخ اهووو هذا وين صار
بعد ما اكدر خل اروح اشوفة وين صار حتى حمويني سمعتهم راحو والبيت صار هدوء رحت لبست
الجبة فوك ملابسي
ونزلت على اطراف اصابيعي
وصلت لنهاية الدرج وسمعت همس بالاستقال لان الدرج كلش قريب على باب الاستقبال
محبيت اتسمع للحجي لان هذا مو طبعي
بس وصل لاذني صوت هاجر تحجي وية واحد الي افتهمت هذا ضياء
سمعتها وهي تبجي وتگلة ((وهسة شلون شنسوي لازم نلگة حل ))
مفتهمت شي اهوووو اني شلي غرض
رحت كملت طريقي ادور على رضوان وين صار
شفتة طلع من غرفة عمتي وسد الباب وصار بوجهي
-هاي شنو بعدج لحد هسة منمتي ههه واني گلت هسة الگاهة غاطة بسابع نومة
همست بصوت ناعس
-لا اني مو گلت مراح انام الا على ايدك
سحبني من ايدية اثنينهم وحوطني بذراعه وحضني وباسني من راسي وتنهد بتعب
-اااااااخ اشكد مشتاقلج ومداشبع من هالحضن
وضربتة على كيف بصدره
-ليش اتأخرت
دراني وحط ايدة على اكتافي ووجهني ومشة وياي نصعد لغرفتنا
-مو الوالدة مقبلت تاخذ علاجها الا اني انطي الها بيدي
ومقبلت اتنام الا واني موجود فوگ راسها خطية امي حيل متعلقة بية دونناً عن اخواني
-الله يحفظها الك
خرب حظي مرات احس بعمتي ضرتي زوجة رجلي
مو ام رجلي استغفر الله
والله عليها سوالف
دخلنا للغرفة ونزعت الجبة وشفت عيون رضوان اتسعت من شافني شلابسة جوة الجبة
رضوان بصوت بي غضب
-لج رونق شلون تنزلين جوة ولابسة الجبة ولابسة جواهة هذا الثوب تردين تخبليني
طبعاً هو يحجي شكل وعيونة الي اكلتني اكل كانت تحجي شكل ثاني
اقترب مني
-لج والله اذا عدتيها اكسر راسج
همست بصوت ناعس
-صار ٺــڊٍلََُلََُؖ بس تعال نومني ترة متت نعاس
ابتسم واخذني للسرير وسحبني لحضنة وحط ايدة جوة راسي وبعدها غمضت عيويني ونمت ومحسيت على روحي للصبح
...............
گعدت الصبح على ايد تتلمس بية
وشوية بدت هاي الايد تزحف وحضنتني . واني شهكت
رونق-رضوان عيب صير عاقل

-يالله حبيبي گعدي اريد اتريگ بيج وبعدين ارجع التحق
رونق بشهگة
-شنو ليش ترجع تلتحق ليش انت مو البارحة نزلت
-لج من وراج نزلت بامر طاريء
خبرتهم ان عندنا امر طاريء بالبيت ولازم انزل واخذت اجازة يوم واحد
بس كلة من وراج اجيتج متلهف
-لا لا عفية لتگولها شنو راح تنزل للدوام اي ليش انت صارلك هواي منازل
-گلبي لتضوجين اعوضج والله بس احنا داخلين انذار وميصير اترك الواجب الله وكيلج البارحة بگت روحي بوك
واجيت وهسة لازم ارجع ليحسون على غيابي
ولج كلة من وراج صرت مثل المراهق الي يشرد من سياج المدرسة ومتواعد وية حبيبتة
لج شسويتي بية من وراج صرت اتصرف بطيش وبتهور
صرت احسب للاجازة شوكت تجي يالله مبقى وكت تعاي خل اشبع من حضنج حتى التحق
مديت ادية اثنينهم واخذتة بحضني اريد افتح صدري واضمة وما اخليه يطلع اوووف شراح يصبرني على بعده
وهو استغل خوفي عليه
احلى استغلال واخذني وياه لمكانة الخاص وصرنا نتبادل اللهفة والعشق بشغف ووووووو
................................

رونق
كعدت على ميز الطعام واني حيل مخنوكة
رضوان راح التحق اليوم وخطية كرار ظل يبجي وراه
يريد يروح وياه واني گوة مصبرة نفسي حتى ما ابجي مثل كرار
اهووو شكل هرمونات الحمل مأثرة على عقلي كلش ومخليتني كلش حساسة ام دمعة

والله حتى ملحگت احجيلة عن موضوع لؤي استغفر الله ابد ما صارتلي فرصة احجيلة
والله بلوة كمت بتثاقل ورحت اصيح لهاجر حتى ابلغها
ان رضوان التحق ومراح يگدر يحضر خطوبتها
رحت لغرفتها ملكيتها رجعت نزلت جوة ادور عليها
ماكو دخلت بالصالة
شفت هاجر كانت واكفة مقابيل امها وظهرها علية
هاجر-انتي ليش تسوين بينا هيج اريد اعرف يعني اذا سفرتي ضياء وطلعتيه من البيت برأيج السالفة هيج راح تنحل لو راح تخلص
ام رضوان -انجبي واكلي تبن .....
ترة لتخلين اخرب حتى خطوبتج من نشوان وتدرين بية اسويها
هاجر وهي تبجي
-حرام عليج والله اكبر حرام
التفتت تريد تطلع انصدمت بوجودي ووجها صار اصفر
-اة اة اة رونق
ابتسمت بوجها حتى اطمنها لان حيل كسرت خاطري
هاي عمتي يمكن اتخبلت لو صار بعقلها شي حتى كامت تقهر ببتها وتسمم عيشتها وتگعد تخرب خطوبت
بنتها هاي شبيها عمتي صدگ خرفت من البارحة لليوم هاجت عالبيت كلة مظل واحد متعاركت وياه بقة بس
عمو ممتعاركة وياه
خطية هاجر من شافتني ابتسمت بوجهة جرت نفس
ورجع لون وجها
- هلة رونق شنو صدگ رضوان رجع التحق
-اي شفتي شلون سودة علية بسرعة اجة وبسرعة راح جان نازل بس ليوم واحد
رحنا سوية عالمطبخ
رونق-هجورة اتركي عنج عمتي لتتعاركين وياهة خطية ترة هي مريضة وموزينة العصبية عليها شفتي بعينج
البارحة شصار بيها من اتعاركت وية ضياء
هاجر تباوع علية ولزمت ايدية وغمضت عيونها
- رونق انتي شكد طيبة اتمنى امي تشوف هاي طيبتج
وخوفج عليها

دخل ضياء وهو ينافخ وشايط
-هاجر حضري جنطتي راح اسافر عكب باجر
انتبهت على هاجر شلون ارتبكت وكامت وهي متوترة
طلعت هي واخوها من المطبخ وعيني اتبعتهم
هذولي شبيهم احس اكو شي بين عمتي وضياء وهاجر
اهووو هسة اني شلي غرض
اوف
دخلت عمتي ام رضوان للمطبخ ووجها تعبان
رونق وهي تگوم من مكانها وتسحب كرسي لعمتها حتى تگعد
-هلو عمة شلونج اليوم ان شاء الله بخير
ام رضوان وهي تعقج وجهة
-منين يجي الخير واني مگابلة هيج شكولات
لا فلحت باولاد ولا فلحت بچناين محد يرضى يسمع كلامي اوف
رونق وهي تسحب نفس وتسوي شهيق وزفير
وغمضت عيونها وحسبت للعشرةزحتى تحافظ على اعصابها و متنفجر بعمتها لان هنا الخاتون مريضة اوووف
واني اصلاً مناقصة ستوة التحق رضوان واعصابي مشدودة من وراه
-صبي جاي راسي راح ينفجر من التفكير الله يلعن بليسهم شنو من خلفة حشة مخلفة جلاب ولا مخلفة هاجر وضياء
-صار عمة انتي بس لتعصبين روحج وهو كلشي ينحل
اباوع عليها هزت ايدها جنها ممقتنعة بكلامي
تركتها ورحت اسويلها جاي
واني احجي بگلبي
والله بالعافية عليج عليهم غيرج ملاكي هيج اولاد ياخذون بالهم على امهم
علمن دايخة بالتفكير لعد اني شكول الي راسي راح يطگ من التفكير بسالفة لؤي الي ما اعرف وين انطي وجهي واشتكي المن اشو كلها عرست وية عرسي
منا سودة علية رضوان ملتهي بالدوام والواجب وخطية
اجة خطف ورجع بسرعة حتى ملحگت اشبع من شوفتة وضياء گاضيها كلة مشاكل وية امة
هو والله لو ما المشاكل جان لجئت الة
وحتى يحظي هاجر مبين عندها مشكلة ومتقبل تحجيها والبيها كافيها مناقصة اجي اني اجملها
وعمتي مريضة خاف احجيلها وتتخربط واصير اني سبب موتها هم موهينة ابن اخوها وبنت اخوها اثنينهم
متآمرين علية
اوف ما اكدر احجي لغير رضوان
كملت الجاي وصبيت لعمتي ورحت جبت علاجها
وانطيتة الهة وسمعت صوت نقال عمتي
شفتها جاوبت
اني رحت لكرار الي يلعب بالطوبة
-تعال ولك اترك الطوبة لتكسر الغراض شكول عليك ضياء بيوم جبت الطوبة والله فلشنا تفلش
سمعت عمتي صاحتني ورحت لعندها
-هَـا عمة
-هاج لزمي هاي بنت عمج متصلة عليج
اخذتة منها
-هلو سهير شلونج شخبارج بشريني
جاوبتني وصوتها يرجف ومبين عليها كلش تعبانة
خفت عليها والله كسرت خاطري وحسيت بالذنب بتجاهة
لان مقصرة وياهة هواي
-اي ان شاء الله اجي عليج عگب باجر لان ما اكدر لا اليوم ولا باجر اجي لان مشغولة بخطوبة حماتي
خليها على عگبة اجيج
الله عليج ممحتاجة شي
سلمينا حبوبة يمج العافية
نهيت الاتصال وعمتي تباوع علية
سلمتها النقال وطلعت
وبهاي اليوم فعلاً التهينا بتجهز هاجر من بدلات من
صالون من فيكات وتحضير كوس المهر على ترتيب الميز مالت المهر وغيرها من هاي السوالف
واني كلش تعبت لان البيت كلة علية وكرار
وعمو وضياء وعمتي كلهم فوگ راسي
وخطية بهاي اليومين رضوان يتصل علية حتى يطمن على اهله وعلية ويكعد يسولف وياي احس بي مخنوگ من الدوام وهو يحس بية مشتاقتلة نظل نسولف اني وياه للصبح
طبعاً كان ذهاب رضوان للدوام تاثير ايجابي على علاقتنا صرنا واحد يشتاق للاخ
وصرنا واحد يعرف عن اللاخ كلشي صرت اعرف شنو يحب وشنو يكره وشنو يتمنى وغيرها من الاهتمامات
وهو بالمقابل نفس الشي
رضوان -ذكريني من ارجع اجيبلج نقال بدل الي عطل
ولانبقى بمنة ست هجورة الي تكعد توگف فوگ راسنا
تنتظر حتى تاخذ نقالهة
-لاخطية وين المكرودة ابد متگول شي بس گول انت تريد تشتريلي نقال
-اي هو اني اريد اجيبلج نقال حتى انزلج البرامج واكعد اتصل عليج كلة فديو ههه
- اسكت الباجر مهر هاجر والبيت كلة مخبوص
-رونق احلفج بداعتي لتلبسين ملابس مفرعة وامانة تاخذين صورة الج قبل لتنزلين وترسليها الي على الواتس اب من نقال هجورة
رونق وهي تبتسم على كلام رضوان صارت تحب حتى غيرتة عليها
-ان شاء الله تدلل استاذ رضاوي
-هَـا شحجينا مو گلنا لا تتنغوصين وتتدلعين بهذا صوتج
مو جد جدي يشتعل من ورة هذا صوتج لتخليني
اضرب الدوام واجيج شارد
-والله يا ريت تجيني هارب حتى اضمك لحضني
- عمي خل انهي المكالمة واروح لا ارتكب هسة جريمة من وراج خل استر على نفسي يالله روحي نامي بس امانة مو تحضنين المخدة ترة والله اغار
رونق وهي تضحك على كلامه يالله لتخاف مراح احضنها يالله روح مع السلامة
نهيت الاتصال وحضنت النقال
يوم ثاني
ابد مفرغت حتى احك راسي التهيت بمهر عاجر الي راحت من الساعة عشرة الصبح للحلاقة اجو عليها نشوان وتمارة وخطية ضياء التهة يكمل شغلات البيت من الكيك والماي والعصاير وغيرها وجاب منظمة الكوشة
الي جانت متفقة وياها هاجر حتى تسويلها الكوشة
والله وعلى العصر الكل اجه وانجمعو الاقارب من بيت عمامهم وخوالهم وخالاتهم. وصار البيت كلة ناس
واني بدلت لكرار واخذة مني ابن حماي رضا وفكني منة
واني بدلت ملابسي وعدلت نفسي ولبست شال مناسب لفستان الحمل واخذتلي صورة بنقال هاجر ورسلتها
لرضوان وبسرعة اتصل علية
-الله عليج مسحي الحمرة وخففي المكياج لا تخليني اعوف الدوام واجي اكسر راسج وارجع
رونق -والله ياريت تجي حتى لو علمود تعاقبني ميخالف قابلة بس اهم شي تجي حتى احضنك وبعدين شتريد تسوي سوي تعاقبني تكسر راسي بكيفك
-ااااخ الله شلون بلسانج اني لابس صدك احجي لتاكليني بحلاوة السانج خففي الميكياج
-صار ٺــڊٍلََُلََُؖ لخاطرعيونك رضاوي راح امسح
-هااا شكلنا مو كلنا منريد هذا الكلام
-يالله التوبة بعد ما اعيدها
يالله مع السلامة روح البيت مخبوص خبص باقاربكم
نهيت الاتصال واني اسعد وحدة بالعالم
وكانت هاجر طالعة تجنن ونشوان طاير فرح بيها واخيراً اتحقق حلمها
خطية هي تستاهل كل الخير
وخلص المهر على خير واني طاح حضي من التعب
بحيث نمت جفي على وجهي من التعب حتى متصلت على رضوان حتى اطمنة واحجيلة شنو صار بالمهر
ويوم ثاني كعدت احس بعظامي متكسرة
اتذكرت سهير اليوم تجي علية
حضرت نفسي وبدلت كرار
ام رضوان شافتني محضرة كرار
-عمة على شنو ماخذة كرار وياج للدكتور خطية خاف يتبهذل عوفي هنا عند هاجر ورحي وية سهير

عمي انعم الله عليها صدك كرار راح يبهذلني بالطبيب
واجتي علية سهير بتكسي ورحت وياها للدكتورة
واستلمنا التحاليل الي كانت مسوية زرع قبل اسبوع
واليوم نستلم النتيجة من المختبر ونروح للدكتورة
المهم استلمنا نتيجة التحليل
ورحنا للدكتورة وكالعادة دخلت لوحدها وبعد فترة طلعت من عندها ووجهة اصفر وعيونها حمر مثل المصدومة
-هَـا بشري شكالت الدكتورة
اشو هاي تركتني ومشت كبل مثل الي فاقدة ومتحس بالي حواليها
رحت وراهة شنو شبيج سهير خوفتيني
شفتها اتصلت بالنقال ودموعها تنزل
ورة شوية شفت اجتي سيارة سودة مضللة
وركبت بيها وركبت وياها سألتها
-سهير شبيج وهذا منو ابو السيارة الي ركبنا وياه
هم ظلت ساكتة وصافنة گدام وبالهة ابد من يمي عبالك بغير عالم
المهم وصلنا لبيتها ونزلت
واجيت انزل وراها
التفتت علية قبل لتنزل وحجت بتثاقل وگوة تطلع منها الكلمة
-رونق عفية روحي للخياطة واخذيلها هاي قطة القماش وجيبي الدشداشة مالتي الي عندها
التفتت على السايق وسألتها
-يعني شنو هذا الولد يندل مكان الخياطة
-اي لتخافين هذا ابن جوارينا دائماً
أأجره يوصلني لاي مكان
وهو سبق وان ماخذني قبل للخياطة فيندل مكانها
-خوش اروح بس من ارجع اريدج تحجيلي كلشي
وشنو گالتلج الدكتورة شفت دموعها ترست عيونها
وسدت الباب واتحركت السيارة
ووصلت لبيت الخياطة
التفتت للولد
-عفية انتظرني شوية مو تروح مراح اتأخر بس انطي القماش واجيب الخياط وارجع
والله نزلت ودكيت الباب وفتحتلي بنتها
بس استغفر الله ياربي يعني طالعة تفتح الباب وهيج مفرعة هاي شبيها ماكو مستحة بالله طلع رجال الي داك الباب هم راح تطلع هيج
اهوووو هسة شلي غرض بيها
دخلتني عالهول كالت اتفضلي هسة ماما شوية وتجيج
دتطبخ
طبعاً اباوع على الوقت كل ساعة لان صار الوقت كلش متأخر سبعة بالليل لان من الساعة ١١للسبعة خلصناه كلة بالدكتورة ماشاء حتى من المحافظات يجونها فلذلك اتاخرنا كلة علمود ننتظر سرانة يوصل
انتبهت اشو هاي الخياطة اتأخرت ادري وين صارت
رحت كمت من مكاني دكيت الباب
سمعت
-عيني اهل البيت وينكم
سمعت اصوات ضحك عالي وموسيقى طالع من باب الظاهر هذا باب الاستقبال
يبوي والله اشكد عيب بس لاعندهم مناسبة خطوبة مهر او حنة ما اعرف بس شكلهم عندهم حفلة
دخلت ليجوة شفت البنية دخلت على غرفة رحت وراهة
-عفية حبوبة شنو نسيتيني مو صارلي ساعة انتظر
-البنية اهوووو
والله نسيتج تعاي كعدي هنا هسة راح اصيحلج ماما
دخلتني على الغرفة الي جانت بيها
شفتها غرفة نوم تركية كعدت انتظرها بس فجاءة واحد فتح علية الباب التفتت بشهكة عليه
يمة هذا رجال شيسوي هنا
شفتة اتقدم علية يمشي يترنح وعيونة
حمر
كمت من مكاني
-هاي شنو انت منو
حجة بصوت ثگيل
-اخ يابة والله قطعة استندر صدك الفلوس مضايعة بيج
-لا يمة شدتحجي. لاعفية بعد عن طريقي خلي اطلع
رحت عليه
-لا ياحلوة ماحزرتي دخول الحمام مو مثل خورجه
مشة بتجاهي
واني لطمت على صدري من الخوف
وركضت بالطرف الثاني من السرير وصار جسمي كلة يرجف من الخوف ورجلية صارو خيوط
-يمةةةةة عزةةةة العزاني هذا شيريد مني
شفتة اقترب مني ونيتة واضحة بعينة شنو راح يسوي بية
واني ظليت الطم واصرخ بعالي صوتي
- يمة لااااااا يالله لاااااا

يتبع