خذ بيدي ولا تسألني الفصل السادس 6 - بقلم نهى

خُذ بيدي ولاتسألني
للكاتبة nuha-d-h

رضوان -هَـا يمة بشرو شكالت ام كرار من حجيتو وياهة

ام رضوان -يايمة هاي وين لگيتها
لوتشوفها جنها عجوز تخوف شگلت لروحك من ردت تخطبها
رضوان-يمة انة ما دزيتكم الهة حتى تشوفها حلوة لو لا ادري بيها مرة جبيرة واكبر مني بس مو هذا موضوعي
اني سألتج ومجاوبتيني
التفتت على اختة
فاتن متزوجة
رضوان-ام احمد انتي بالله احجيلي شنو گالت لان هاي امج ما وراهة
انتبهت على فاتن وجهة گام ينطي الوان وظلت اتمتمت
هاجر اختة الثانية بعدهة ممتزوجة
هاجر -اني اگلك خوية
جاي اتكمل كلامها وام رضوان گرصتها من زرهة (الفخذ)
هاجر كمزت وظلت تحك مكان الكرصة
-اوووووي يمة شبيج كرصتيني
ام رضوان-وصمة يالغمة سدي حلگج وسكتي
طبعا عرف ان امة عندها شي بس متقبل تحجي بي
رضوان
واني راح اعرف شنو سوت امي ببيت قصي
بس خل استفرد بهاجر وهي تكت الاول والتالي ادري بيها متعرف تجذب او تضم
((طبعا هاجر بنية جدا جملية دبدوبة طيبة وفطيرة بشكل والي بگلبها على السانها امها دائماً تصيح عليها الهبشة
(معناهة ساذجة )))

رونق
سديت الباب الباب ورة
بيت اهل رضوان واني مثل المضروبة على راسي
هاي شنو شجاي يصير يعني معقولة رضوان يريد يتزوج مرت صديقة هذا شلون ينطيه گلبة
ولا امة شبيها وياي تحسسني عبالك اني الي ذابة روحي عليه هاي شجاي يصير بالدنيا اشبيها الناس گامت علية فد گومة ادري ليش يحسسوني وكأن الارملة عار يعني مو بشر حالها حال الناس
رونق وهي تتذكر
من دخلتهم بالهول جان البيت نظيف لان الحمدلله اليوم سهير وجهالهة ما اجو عالبيت
سمعت الحجية ووحدة ثانية يسولفن من رحت اجيبلهم ماي حتى اقدملهم من وصلت للباب سمعتهن
ام رضوان-يمة ولج اخوجن طاح ومحد سمة عليه خايبات لحگن علية هاي وهي حزنانة هيج تخبل لعد من تذب الاسود شراح تسوي بحال اخوجن بس الله اليستر
واشوف ابني متخبل يريد يتزوجها ومعاند الا هي اثاري
هاي فارة عقلة والله مو بس تفر راسة وتفر راس الخلفوه همين
رونق وهي مستغربة وبتسائل
هذا شنو هذا الحجي علية تقصدني الي وين ياحصرة وانة شكلي جني بومة من كل عقلها تحجي هيج والله
يالله
هاي منين طلعتلي حتى اني مشايفة رضوان عمري مشايفتة وقصي بي طبيعة كلش غيور على اهل بيتة وابد ميقبل نختلط باصدقاءة او ازواج خواتة يعني ميصرفلة
مگرود يحظي والله حتى هو مشايفني ما اصدك كلام امة لان الولد ابد ما يوم شفت منة شي يقلل من قيمتة كرجال محترم وصاحب نخوة ومايوم طلعت منة العيبة وعينة مو نگسة
دخلت عليهم
وقدمتلهم الماي وبعد السلام والتعارف شفت البنات حبابات لكن الام كارثة الكوارث
ام رضوان- شوفي يمة شي اكيد انتي تعرفين احنا على شنو جايين
رونق- خالة انتو تشرفون بأي وكت بس لا والله معرفت على شنو جايبن
ام رضون وهي تلم شفايفها تحركهن مثل العاجيز
-ايه يالله ميخالف سوي روحج متعرفين بالموضوع على العموم احنا اجينا نريد نخطبج لرضوان وهو جابنة كوة علينا بعد ما اتعارك وية اخوانة وابوه علمود يتزوجج
وابوه زعل عليه واخوانة قاطعوه من ورة عنادة وراسة اليابس وعاندهم كلهم
وجابني اني خواتة غصب عنا
لهنا حتى نتفق وياج على الخطوبة والعرس والمهر
يمة وانتي تعرفين برضوان محد يكدر يكسرلة حجاية
وانتي حبيبة ارملة وعندج طفل وتعرفين برضوان يحس بالمسؤلية باتجاهكم
ويايمة انة هذا وليدي الي ربيتة وتعبت عليه وصارلة اسم ومركز والناس كلها تحلف براسة
ممتزوج لحد هسة يعني كفر بيوم يجي يريد يتزوج يتزوج وحدة ارملة ومتزوجة قبلة ومخلفة
يمة واحنا نعرف بي عنودي ومحد يمشي حجايتة براسة
حبيبة كل الي اطلبة منج ان
تحجين وية رضوان
كولي ان انتي ماتريدين ترتبطين بيه لان گلبج بعدة ماناسي المرحوم
رونق -خالة الظاهر انتي فاهمة السالفة غلط
وهذا كلامج كلة ما له داعي لان مو اني الي ابني بيتي على حساب هجمان بيوت الناس
وتطمني على ابنج ترة لا اعرفة ولا يعرفني كل الي بيني وبينة ان احنا اهل المرحوم صديقة وهو يعطف علينا
وجاي يساعدني بالمصرف والاحتياجات واصلاً اني قبل فترة بلغتة ان بعد ليجي وليجيب وياه مسواك او مصرف
وگتلة اني اعتمد على نفسي والعيشة كافلهة الله
ام رضوان وهي تطلع فلوس روق دولار بيهن ٢٠ورقة من الجنطة مالتهة
وتحطها بيد رونق
ام رضوان-شوفي يمة هذني اخذيهن الج مصرف جوة ايدج منا لحد ما ادزلج بعد غيرهن
بس بشرط اريدج تبتعدين عن رضوان وتبعدينة عنج
رونق وهي تنفض الفلوس من ايدهة بالگاع
رونق وهي تحجي بگلب مكسور
-خالة رجعي فلوسج لجنطتج
ترة ماي وجهي بفلوس العالم ما افرط بي مو اني الي ابيع واشتري بالناس
وابنج عندج وانتي بعدي عني
اني عني لو يبقى بس هو ما اخذة
دخلت سهير علينا وشافت اهل رضوان التفتت علية وانتبهت على الفلوس الي بالگاع وعيونها اجن يطلعن من مكانهن
طلعو الناس بعد ما اخذو فلوسهم من الگاع
واجتني سهير واكلت راسي بالاسئلة
سهير وهي تاشر على بيت اهل رضوان
-هذولي منو وهاي الفلوس الي جانت بالگاع شنو قصتهن
رونق
حجيت كلشي لسهير وشنو سويت
بس يمة دخليك ياربي انكلب شكلها وعيونها نطت
ضربت على صدرها
-صخام الصخم وجهج ولج اكو واحد يرفس نعمة الله برجليه
ولج انتي فگر وتبقين طول عمرج فگر
اي هسة جان اخذتي الفلوس من عند المرة وبعدين تنطيج تدرين هذني يعيشنج ويعيشن ابنج وهي اذا ظليتي تضغطين عليها كل فترة والله احتمال
تجريلج راتب من خوفها على ابنها
سهير وهي تحرك بعيونها وتگلب بيهن
ايه لو هيج البخت لو ماكو
رونق-اريد اعرف وين البخت بالموضوع يعني اني يتيمة وارملة وعندي يتيم لازم اتكفل بعيشتة وعندي حماتي كل يوم والثاني تهددني تبيع البيت وما يهمها وين اروح
بس الله عليج وين البخت الي جاية تحسديني عليه

سهير -اهوووو گامت تطرد عيون عمي مانحسد
هسة شرايدة منج اني عشنو داخل بجيسي
اي وشوفي حبابة اذا متتزوجين هذا لازم تتزوجين غيره
اول وتالي تتزوجين خو متبقين لوحدج وانتي صغيرة
وخلي ببالج اني ما الفيج لبيتي اني البية كافيني
اي صدك ذكرتيني راح يجي رجال ابو العقارات يقيم البيت يشوف شكد يجيب سعر

وتركت سهير تحجي لوحدها
ورحت على ابني وشلتة بين ايديه وشميتة واخذت صورة قصي ولزمتها وگعدت على السرير وصرت اسولف وية صاحب الصورة

-((هَـا يا قصي جا وين الوعد يفلان
مو انت الكلت ما اتركج حتى لو كنت خسران
اثاريك ماحسبت حساب للفقدان ))
قصي گلي وين انطي وجهي وبيا مكان اروح
اجيك هناك للنجف واسكن گبور لحد ما يلفيني الموت واخلص
قصي تركتني مثل العصفور مكسور الجناح ومايكدر يطير
رونق تحجي وية نفسها
يعني استغفر الله ياربي اني شنو فايدتي اشو احس بروحي عالة عالناس من طلعت عالدنيا والناس مبتلية بيا
يعني ابد ما عشت مثل البشر الي يعيش ببيت اهلهة وبكل ثقة وراحة يعني مي يحس بالامتنان مثل حالتي عشت طول عمري احس بالامتنان لكلشي اتوقع هذا الشعور ما يخطر على واحد كضة عمرة رابي ببيت ابوه يعرف هذا من حقة ولازم ان يهتمون بي
لكن اني غير اني مجربت هذا الاحساس ابد
وفوگ هذا كلة اني هم ماساعدت نفسي وحصنتها وقويتها حتى انهض واعيل نفسي من بعد وفاة قصي هسة هاي سهير ورشا ومروة وكل صديقاتي
احس بيهن سباعيات ويطلعن ويگضن شغلاتهن
اني من ورة قصي الي ممعلمني شلون الزم بيت وادير شؤنة وشؤن حياتي
حقة يمكن مكان حاسب حساب ان يستشهد وهو شاب ويتركني واني صغيرة هو اني شكد عمري هو ٢٠سنة حتى ما اعرف اروح اشتري كيلو طماطة لوحدي والله يمكن اغرك
فدوة رحتلك ربي هيء لي امري وارزقني من حيث لا احتسب وابعثلي اولاد الحلال حتى يكفون بطريقي ويساعدوني اني لازم اشتغل واحرك روحي شوية ميصير ابقى هيج بمكاني واريد شغل بالله شلون يجي
يعني اريد الشغل يجي يدك بابي
لازم اني اروحلة

رونق وهي تباوع لنقالهة يدك
-هذا شنو رقم غريب ما اعرف اجاوب لو اودي. لسهير هي تجاوب
اهوووو يالله هاك استلم هو انتي رونق من رقم غريب يتصل عليج غرگتي ونوب تردين تطلعين وتشتغلين
والله ياربي
رديت عالرقم
-الو
-الو هلة ام كرار اني وياج رضوان
رونق بستغراب
-هلة شلونك اخوية اسفة معرفتك لان طلع عندي رقم غريب
- اي هذا رقم اللاخ جاي احجي وياج بي
لتخافين اني اعتذر لان اتصلت من رقم غريب ماعندج

-لا والله بس تعرف ممتعودة اجاوب على الارقام الغريبة وابو طبع ميبدل طبعة
-لا عادي هو هذا الصحيح
بس اني مو هذا موضوعي وياج ردت احجي وياج بخصوص الموضوع اني مثل ما امي حجت وياج اريدج على سنة الله ورسولة واجيبج عندي تسكنين معززة ومكرمة وما عليج حاجة والله الشاهد ابن قصي واهلة اشيلكم فوگ راسي وما اخلي عليكم عازة
وابن قصي بعد كم يوم يكبر ويحتاج اب يربي ويوگف جنبه وانة ما اگدر اهتم بي وهو بعيد عني
ولا اكدر اجيكم كل يوم هم شوفت عينج السان الناس ما يرحم هَـا شكلتي
-اسفة خوية ما اكدر اوفق على الزواج منك انت بالذات لان اني ما اريد اخرب بين العوائل وانت انسان طيب وتستاهل كل الخير
والله حتى ريحت المرحوم بعدها معلكة بثوبي هي مو دگمة وتنداس وانسة كلشي
-ام كرار انتي حقج بكل الي گلتيه بس اني مردت شي غير ان اضمن بقائكم قربي صدكي وامني بالله تجين معززة ومكرمة لبيتي ولتخافين ما راح اطالب بحقوقي الزوجية بعد شتردين
-لا اسفة ما اكدر صعب علية مو علمود فد شي بس
-شنو ال بس اكو شي صاير بينج وبين امي احجي كولي
- مصاير شي اذا هي الوالدة كالت مصاير شي معناهة مصار لاتشغل بالك بية اكو الله الكافل انت الي عليك سويتة وخلي ضميرك يرتاح من ناحية اهل قصي
الله ميعوف عبدة ولهنا وتخلص مهمتك ويانة اني وابني والف شكر منك مع السلامة خوية
ونهت الاتصال وگعدت بالگاع
يعني هاي لو وحدة غيري تركصلها بجفية ان تجيها هيج قسمة ترة مو اي وحدة تكدر تحصل هيج رجال ومحترم ممتزوج والله شايل حمالتة ويگلي شتردين شتامرين لكن صعبة علية ما اكدر انسة قصي صحيح راح تكولون دروحي والله بطرانة ومتعافية والمرة المثل حالتي وين تلكة هيج قسمة بس والله خايفة من امة ومن الوالد ما اعرفة
اخاف اخرب اكون السبب بمشاكلة وية اهلها والظاهر امة مو سهلة خاف تأذيني اني وابني شلون ياربي
لازم اصير قوية وواوگف على حيلي

يتبع