خذ بيدي ولا تسألني الفصل السادس والعشرون 26 - بقلم نهى

خذ بيدي ولاتسألني
بلقم الكاتبة nuha-d-h

رونق
-خالة خايفة

-اي خالة اتحملي مؤقتاً مثل ما گال حماج ضياء وهو راح يدبرلج الحل
-اي خالة صارلة من البارحة مبين شي والمصيبة حتى ماعندي رقم نقاله جان اتواصلت وياه اريد اعرف شصار ورضوان شنو سوة والله راح اتخبل
كنت احجي وية خالة ام مروة
حبيبي كرار ظل يذب من راسه
سودة علية يمكن اتمرض
ام مروة شافت وجهي صار اصفر راحت لزمت راس
كرار
-لتخافين خالة مبي شي بس هذا ابنج مصخن
مروة -خطية كروري بالله شو انطيني اياه خل اغسلة
وانتي حضريلة ملابس

رضوان
اجاني اتصال من امي
وهي تبجي وتعيط وكلشي مفتهمت منها غير مرتك شردت
اني اجيت اتخبل من سمعتها حجت هيج يعني شنو قصدها شردت وليش رونق تشرد شعندها ماكو شي يخليها تشرد
لازم اكو شي صار بغيابي
بوقتها بسرعة طلبت اجازة ونزلت للبيت بنفس اليوم الي اختفت بي رونق
اي اختف بي لان ابد ما صدك بكلام امي ان رونق شردت
بعد ما وصلت هناك كانت الفاجعة
-الحك يمة رضوان مرتك لزموها الشرطة ببيت دعارة
واني رحت للمركز والله يرضى على ابن خالك لؤي
هو الي طلعها وغلق السجل مالتها
جمدت بمكاني من الصدمة لو تبحوني قطرت دم ماكو
انهد حيلي من الي سمعتة
-دخيل الله يمة مستحيل رونق متسوي هيج
شتسوي هناك شعندها وهي متطلع من البيت ابداً
-والله يايمة انت شگد غشيم وعلى نياتك
انت تدري برونق كلما تطلع انت للدوام تلبس عبايتها وتطلع من وراك بدون علمك
شفت هاجر شهكت وحطت ايدهاا على صدرها رظلت فاتحة حلگها
هاجر -يمة !!!!!
التفتت ام رضوان وخزرت هاجر
وهاجر صار وجها اصفر وكعدت عالكرسي مثل الي
انبلع السانها
-كملي يمة احجي وشنو صار
طبعاً اني اسأل امي واحس گلبي يفور
-اي يمة مثل ما گتلك طلعتها من المركز وجبتها وياي للبيت
وكلتلها راح اتصل على رضوان لازم احجيلة عالصار
وهي اتخبلت وظلت تتوسل بية حتى ما اتصل عليك
واني مقبلت اسكت
بس هي غافلتنا ولمت هدومها واخذت ابنها وشردت والله العالم وين
-زين ليش انتي لوحدج رحتي للمركز ليش ابوي والولد وين ليش ما اخذتي واحد وياج شلون ترحين لوحدج لهيج مكان
-ليش يمة انت مو تدري ضياء سافر
وابوك بالشغل واني خو مو انتظرهم منا على ما يرجعون خوانك تكون فضيحتنا على كل السان
گام رضوان من مكانه
انطيني عنوان المركز الي اخذتو من عندة رونق
صار وجه ام رضوان اصفر
اي صار بس خل اشوف لؤي لان هو يعرف اني كلش ما اندل الله يرضى عليه هو الي دلاني
ضيق عيونة وحس اكو شي خمط گلبه
واتذكر خوف رونق وتمسكها بي قبل لاينزل يلتحق
كانت خايفة اي صحيح بس اني
الاعمى الي كنت ممنتبه لخوفها
رحت ركبت سيارتي واني كلي قناعة رونق
ما عندها شي وصلت للمركز وانطوني المعلومات وشلون تم القاء القبض عليها متلبسة مع واحد بالغرفة لكن بوقتها گلبي وكف بس قبل لا انهي كلامي وياهم
سألتهم
اوصفولي شلون لزمتوها متلبسة شنو كان وضعها بالضبط
الضابط -حقيقتا القينا عليها القبض كانت تريد تهرب
من الغرفة وكان الرجل يركض وراهة وكانت الوحيدة من البنات محتشمة بينهم وغريبة
يعني استغربت من شفتها موجودة بهذا البيت
لان شكلها مو مال وحدة تتعامل او تدخل هيج بيوت

وكانت هي الوحيدة تعيط وتصيح وتگول
اني اجيت للخياطة وهي تخيط النا
ظلت تبجي وحتى استغربت وضعها لكن الي شككني بيها ان هي اكثر من مرة رايحة لبيت الدعارة

رضوان طلعت منهم واني اضرب اخماس باسداس
لكن اني كلي يقين ومتأكد من رونق متخطي هيج
خطوة وماعندها اي شي يخليني اشك بيها
هي رب الي منطت شرفها من وهي بعازة الخبزة
مستحيل تنطي شرفها من تالي

صرت شايط وافور مثل البركان مقهور من رونق شلون اختارت الهروب على اللجوء الي بهيج موقف المفروض اني اول واحد تلجئ الة
بس مع الاسف الظاهر ماعندها ثقة بية الى الان
رحت على بنت عمها
وكان جوابها بين الخايف وبين المتردد
گالت مشايفتها
-عفية اذا تجيكم اتصلي علية

بعدين كلت اروح على بيت ام مروة والله رحت
وطلعلي ابنها مروان وگال امي طالعة
وسألتة عن رونق
كال لاخوية مجتي النا
-زين اتصل على الوالدة واتأكد بلكي هي متصلة عليها
شفتة طلع نقاله واتصل على امة
وهم نفس الجواب
-زين هاك اخذ سجل رقمي عندك خاف تجيكم او تسمع خبر عنها اتصل علية اكون لك ممنون
- تدلل ان شاء الله
اخ الله جانت ام مروة اخر امل الي
مر يومين وكالعادة
كلبت الدنيا كلاب بالبحث
ومحد يعلم بحالي بس الله
يعني كنت خايف على رونق وكرار
اااااخ الله من اتذكرت كرار انمرد گلبي مرد
حسيت بنار بگلبي مر علية اليوم اسود يوم بحياتي
احس عايش بالجحيم من ورة التفكير الي طير برج من دماغي ساعة اقتنع ان رونق بريئة وساعة
اگول كلشي
يشهد ضدها امي والمركز مالت الشرطة
وهذا لؤي الي اختفى سألت عليه گالو مسافر
سمعت نقالي يرن
طلعتة من جيبي وشفتة اتصال من ضياء
غلقتة بوجهة
اهووو ماناقصك انت الثاني
هم راح يگعد. يبيع براسي مثاليات لو يكعد يستفسر عن رونق وكرار واني احس طگت روحي من كلشي والناس الي اكلت وجهي على المصيبة
الوكعت فوك راسي
ومنا رونق الي مدا الكالهة اثر
رجع مرة لخ دگ عمي دتطير والله لطش
عاد من حرگت گلبي قفلت النقال
والله بهاي الفترة كرهت نفسي وكرهت حتى اهلي
ورجعت لبيتنا
ميت تعب نفسياً وجسدياً
احس بروحي دخلت بحرب اعصاب
صرت بين نارين نار اهلي من صفحة ونار رونق
الي احتاريت وياهة
معرفت هي بريئة لو مدانة
يعني معقولة اني الحب عماني لهدرجة
وشفت امي اتخبلت وهاجر احتارت شتسوي بس تبجي

واحس الدنيا سودت بعيني

رحت للبيت واني نفسيتي زفت واتلكاني ابوي
بوجه مايكصة السيف
-هاي تاليتك تفتر بالمراكز حتى تلكة زوجتك الي مانعرف منين جبتها شفت شلون كسرت وجهنا
-يابة كافي لهنا وكافي زوجتي بريئة وماعندها اي شي متأكد مليون بالمية اكو من وداهة لبيت الدعارة هي مراحت برجلها

-عفية بوليدي السبع عفية بالبطل اشوفك صرت خروف بيد مرتك وكاعد تبرر الهة
شوف انا بعد مايصرفلي الفي هيج شكولات لبيتي
واذا لكيت زوجتك ما اريدها تعتب خطوة لبيتي
-اطمن بوية اصلاً اني مراح اخليها تدخل عليكم الله لايحوجها لبيتكم واني موجود
والبيت الي يرفض مرتي تدخل بي
اني هم ما اتشرف ادخل بي لان احترام زوجتي من احترامي

صرت احارب اهلي ووگفت ضدهم
واحجي وياهم واني ممتأكد بس مو بيدي احبها
رونق مو بس زوجتي هي بنتي هي حبيبتي اعرفها
متسوي هيج شي مثل مااعرف نفسي
ام رضوان -اي يمة هي هاي تاليتك
تبيعنا علمود وحدة مو شريفة
اكلك لزموها ببيت دعارة وتكول
مرتي متسوي هيج شي
شنو يمة لهدرجة ماكلة عقلك رونق
وتخليك تفضلها علينا
درت وجهي عنهم
وخليتهم لوحدهم يحجون لان البية كافيني
دخلت لغرفتي واتمنى ما ادخلها
شفتها باردة مابيها شمعتي الي تضويها
گمت افتر بيها مثل اليتيم المضيع اهله والله هذا شعوري من اختفو
رونق وكرار من حياتي احس بروحي تايه
اباوع لكل ركن بالغرفة الهم بي صورة وذكرى
والله مرضني فراگهم
اتوجهت
لكنتورها وفتحتة وشفت ثوب نومها

يعني معقولة هيج الحب اعمى
لدرجة گمت ما اريد اصدك واشوف خيانتج الي
لو انتي صدك بريئة

تمرضت انهد حيلي ماتحلالي الحياة من بعدهم
كرهت كلشي لاول مرة بحياتي اشعر بهيج شعور
ان يمرضني فراق الحبيب

دخلت بحرب اعصاب وصرت بين نارين نار حٍٍِْــًبٌٍـــِٓېٍٓ لرونق ونار غضبي منها

نمت بعد عناءً طويل من ورة التفكير والاجهاد
وحتى من نمت الكوابيس مقبلت تتركني بحالي
كلساع افز ويجي صوت بجي كرار باذني
لو اسمع همسات صوت رونق المبحوح باذني
اني يمكن كمت اهلوس
راح اتخبل رسمي متقبل غلط
شنو جاي يصير بية
يوم ثاني
كعدت وما تمنى اصبح
كون الله ماخذ امانتة ولا هذا القلق الي جاي اعيش بي
كنت اتمنى اطلع من البيت وما اشوف اي واحد من اهلي
صرت ما اطيقهم مو لاجل شي بس من ورة نظراتهم
الي تطاردني
نزلت وشفت هاجر كاعدة بالمطبخ وعيونها حمر من البجي ووجها صاير ليمونة
ما اهتميت الهة
شافتني وصبحت علية
وگعدت تحضرلي ريوك
اتذكرت رونق شلون من جانت اتحضريلي الريوك
لو تصبلي الاكل واتذكر ايامنا سوية وشلون جانت تغريني وشلون مرات تگعد بحضني وجنت ما اشبع من نبرت صوتها وابتسامتها
ااااخ يابة
التفتت الي هاجر وعيونها تتهرب مني احس اكو بيها كلام بس مترددة
حطت الريوك گدامي
-لا شيلي الريوك. من گدامي ما اريد اتزقنب
بس صبيلي استكان جاي
لان ما اشتهي العسل
طلعت جيكارتي واني افكر سحبت نفس
وشغلت نقالي
واول مشغلت النقال وصلتني ٤٠رسالة من ضياء
تركت النقال ما اهتميت لكن لفت انتباهي
كلمة رونق بالرسايل قريت وحدة من الرسايل
رضوان ضروري تنتظرني بالبيت اني جاي
احجيلك كلشي
دخلت امي للمطبخ ووجها ثكيل بوجهي زعلانة
التفتت وانقهرت عليها خطية شنو ذنبها
رحت كمت وبستها من راسها وصبحت عليها
-يمة لتزعلين علية ترة والله معذور لتنسين الي جنتو تحجون عنها مو بس مرتي يمة الله وكيلج رونق حبيبت العمر الي ما حبيت لا قبلها ولابعدها
يمة هي الهوى الي اتنفسة صعبة علية مو هينة اروح للدوام التحق اعوف زوجتي وابني مبيهم شي وحايفهم الرحمن
ارجع الكاهة شاردة وماخذينها الشرطة من بيت دعارة
والله شي مايشيلة العقل لو اسولفها للمخبل ميعقلها
جريت حصرة وكمت من عندها

شفت امي وكع منها اكلاص الماي
باوعتلها وجها اصفر
وحجت بصوت يرجف
-عسى ان تكرهوا شيئاً فهو خيراً لكم
يمة الك بيها صالح رونق تبتعد عن طريقك انت تستحق
الاحسن منها
-انة ما اريد الاحسن منها مقتنع بيها تصدكين
انة مثل البزون تحب خناگاهة
شفت امي كامت تصيح بصوت عالي
-اهووووو شخبصتنا بيها رونق رونق ادري الخلقعا مخلق غيرها ترة والله زهگتنا
الله لايرضى على هالعايقة عساك
لا شفتها ولا لگيتها
صارلك ساعة كاعد يمي مثل المرة تنعي على هاي الساقطة الي شردت والله اليعلم المن راحت
دخل ابوي
-انت تاليتها وياك من الصبح تتعارك متگلي
شوكت نفتك من مشاكلك درحمنا
اي مو شليت حالنا وشلعت گلبنا
كمت من يم امي واني ميت قهر وغيض وغضب من رونق
احس بيها خذلتني وطعنتني
گدام اهلي وخلتهم يتشمتون بجرحي والكل صار يگول
هَـا شگلنا لك رضوان ليش مسمعت الكلام
هاك شوف شلون سودت وجهك وشهرتك وصرت على كل السان
-هذا هو بوية اوعدكم بعد متشوفون رگعة وجهي راح اريحكم مني يالله في امان الله
ردت اطلع وسمعت صوت هاجر وهي تبجي
وبكل غضب
-لااااا رضوان انتظر اخذني وياك لتروح بعد ما اكدر اسكت اكثر من هيج اذا بعد بقيت ضامة الي بگلبي
يمكن اموت

يتبع