خذ بيدي ولا تسألني الفصل التاسع عشر 19 - بقلم نهى

خذ بيدي ولاتسألني
بقلم nuha-d-h

-الو هلو سهير سمعت بيج جاية علية
-اي والله اجيت عليج ومليگيتج گالت عمتج طالعة للمستوصف تلقحين كرار
-گولي ممحتاجة شي
-لا والله سلامتج بس ردت اشوف ابن اخوي
واسلم عليج خية اني ترة كلش مريضة وصحتي مو زينة
وخطية جهالي مسيبين ومالهم احد
-يااا يمج العافية اذا تحتاجين شي كليلي
-لا سلامتج هو اني اذا احتاج شي قابل وين اروح غير لبنت عمي ترة احنا مالنا غير بعض بهالدنيا
يالله حبوبة اخذي راحتج عودك هم خلي رضوان يجيبكم
الي انتي وكرار حتى اشوفكم
-صار تدللين ان شاء الله بس ينزل من الدوام اگلة بلكي يقبل يجيبني الج يالله مع السلامة عندج العافية
-الله يعافيج مع السلامة

نهيت الاتصال من سهير وگعدت اباوع عالنقال هاي شبيها سهير مو من عوايدها هاي الطيبة وياي
يالله الجائز حست على نفسها وان مالهة احد بالدنيا غيري اني ومتريد تفرط بية اي والله حتى اني من سمعت صوتها تعبان انقهرت عليها وگلبي منطاني اظل حاقدة عليها ومحملة بگلبي عليها لان مهما كان تبقى بنت عمي واخت قصي وبينة زاد وملح راح اطلب من رضوان ياخذني الهة بس انتظرة من يجي
رحت نزلت شفت هاجر مخبوصة تلعب رياضة وكرار يباوع عليها ويسوي مثلها وهي خربانة من الضحك عليه واسمعها تحجي وية واحد بالنقال بس الظاهر المكالمة فديو
-هَـا شفتة شلون يلعب مو اكلك لتخاف مبي شي ليظل بالك عليه اي امة زينة عودك انت ليش متتصل عليها مو احسن هههههههههه افتهمنا عهههههه بالله مع السلامة
باي
-منو هذا الي جنتي تحجين وياه
-رضوان راد يطمن على كرار ظال بالة عنده كلي دياخذ دواه لو بعده
-اهااا مكلج شوكت بنزل من الدوام
-لا محجة واني هم مسألتة
اكول انتو شوكت الله يهديكم وتتصافون ترة ميصير هيج
-هو اخوج راسة يابس اني شلي غرض لو ترديني اشوف بعيني واسكت ولازم حضرتة يلعب ويتشاقة وية ست تمارة وماخذ راحتة واشوف اني حصرة علية احجي وية احد اذا ما كمز بوجهي
حلال على روحة وحرام علية خلاص مدام زمخ بوجهي كدام تمارة ذاك اليوم خلاص خل يتحمل النتائج
-اي تذكرت خالو سرمد ترة عازمنا على مزرعتة الخيول
-الله هَـاي. شوكت نروح
-سمعت امي گالت الباجر
- حرامات مراح اكدر اروح وياكم لان رضوان مموجود خاف ميقبل
- ما اعرف خلي امي تتصل عليه وتگلة لان انتي متتنازلين وتتصلين عليه
-يالله اني رايحة عالمطبخ مشتهية اسوي كيكة اني اكل
وانتي ضعفي بس تردين الصدك انتي كلش ضعفانة هواي فرق عن قبل
-اي هذا كلة بجهودج وياي واسنادج الي

اوف والله ياربي ونوب طلع اني المعندة وصار الصوج مني
رضوان صارلة سبوعين ملتحق واني احس البيت راح يخنكني وام رضوان مناوية تجيبها لبر ومشاكلها زادت وية اخر مرة تخربطت يعني على ابو مرية مريضة وموزين على صحتها فلازم نتحملها
تگوم تجفص بالمصارين ومحد يردها والله مرات توصل بية الحالة من ورة السانها الي ينگط سم اشمر. روحي من السطح
وعلى طاري السطح تريدني الا اشر ملابس الغسيل بالسطح بس همزين هاجر تاخذهم مني لان هي دتسوي رجيم ورياضة يفيدها
طعلت مواد الكيكة وكعدت اطرگ بيها اتفاجئت من سمعت صوت خلفي التفتت
واني گلبي گام يرجف ووكعت من ايدي الكاسة
دخلت هاجر للمطبخ وصاحت بمفاجئة
-ضياااااء
ضياء وهو يضحك
-لا خياله
راحت هاجر وحضنت اخوها گدام رونق المصدومة
-الف الحمدلله على سلامتك شنو مجاز لو عطلة
-لا والله مجاز طگ گلبي عليكم
التفتت علية ودنگ ومحط عينة بعيني
-شلونج اختي ام كرار
گلبي گام يوجعني من شفتة واتذكرت موقفة وياي
-الحمدلله على سلامتك
انتبهت عليه شلون يحجي ويتشاقة وية اختة

منو هذا الشاب الحباب الي واگف گبالهامعقولة هذا ضياء مدا اصدك سبحان مغير الاحوال
-هلو ضياء الحمد لله على سلامتك
-الله يسلمج شنو وين كروري وابو كرار ماكو
دخل جوة عالصالة وسمعت امة اتگلتة بفرحة وگعدت تحضن وتبجي بشوفتة
اني بقيت بلمطبخ اكمل الكيكة ومرحت وراهم للصالة
وسمعت صوت عمي ابو رضوان فرحان بجية ابنة
لان الظاهر ابد ممبتعد عنهم هيج فترة طويلة
وسمعتة اتصل على اولاده وعزمهم عالعشا همة وعوائلهم

يعني معناهة لازم اسوي حسابهم على العشا
راح يكونون موجودين رحت وفتحت فريز الثلاجة وجنت قبل يومين لافة كبب وسمبوسة وكلت اسوي وياهم صاج ومقبلات وفنكر كلش كافي
اني افكر شسوي عشا ومعدتي دتأذيني ما اتذكر اكلت البارحة شي بس خاف مستبردة
وگلبي مسافر لغير مكان مسافر وية الي اخذة وراح التحق
رضوان الي طلع زعلان من عندي اخر مرة من اتعاركت وياه علمود لؤي هو سئلني بوكتها شيسوي لؤي طلع وراج من طلعتي عالحديقة
واني هم رديت وانت شتسوي لوحدكم انت وتمارة بالمرجوحة
وهو ظل يصيح بوكتها علية
-انتي متحاسبيني على تصرفاتي فاهمة
اوف بس والله مشتاقتلة اي مشتاقتلة و
ضحكت بيني وبين نفسي
واني داكمل شغل
و الاشتياق احد علامات الحب يعني شنو معقولة
اني بديت احب رضوان صدك اي لعد شنو تفسيرها ان اغار عليه واشتاقله وافكر بي واحن لريحتة ولصوتة
لكن هناك شعورالذنب الذين يراودني
ما اعرف ليش احس مو من حقي احب وانحب من جديد
احس اذا حبيت من حديد
راح اخون قصي
بس الي ديصير بگلبي شي غريب
ان گلبي يحب شخصين يعني حب قصي حبيب الطفولة والمراهقة البريئة
اما حب رضوان غير
اي حب
اني حبيت ضوان لان مشاعري كلها
تتحرك من اشوف رضوان او اسمع صوته
گلبي تزيد دكاته ويرتفع نبضه
بس خب رضوان حب يختلف
احس حبة مثل الاعصار الي ياخذ كلشي بالقوة
بدون سؤال
حبيبتة بعقلي وبگلبي
كرار جداً اتعلق بيه
ومن راد يلتحق ظل يبجي وراه
والحقيقة حتى اني من يجي الليل اضوج اصعد لغرفتي لان اتعودت على وجوده يلعب بكرار مصارعة لو اشوفة يتابع فلم متمدد مقابيل الTV
هو وكرار وياه نايم على ايدة
كرار صار هواي يقلد حركات رضوان
-شنو حبوبة وين صافنة صارلي ساعة احجي وياج متجاوبين يالله شكد فاهية
التفتت على ام رضوان
-هَـا عمة اسفة منتبهت عليج
-لا گولي مغلسة علية مو ممنتبهة
والله يا ربي اتمنى كون الله يمكني عليها والله الا اطلع الضيم كلة من عيونها على گد ما مسودة عيشتي
يعني حتى لو احاول وياهة اصير زينة واتودد الهة
دائماً تقابلني بالرفض والصد
-لا عمة حشاج معاش الي يغلس عليج
-يالله شوفي شغلج وحضري العشا ترة عزمت اخوي والاودي راح يجون
-اي عمة رتبت اموري راح اسوي ك......
-اي اي افتهمنا بس لتخبصينا عبالك محد يعرف يطبخ بس انتي
غمضت عيوني وجريت نفس عميق وحسبت بگلبي من واحد للعشرة
ربي الصبر امنحني الصبر لان خاف يجيني يوم افقد السيطرة على نفسي وارتكب بيها جريمة وتاليتي اطلع بنشرة الاخبار
بعنوان ((الفتاة التي قتلت عمتها ام زوجها خنقاً حتى الموت بالمخدة -))
اوف اعوذ بالله من الشيطان الرجيم
التفتت على شغلي
ورة مخلصت العشا واحس لعبت نفسي وصرت اعرگ عرگ بارد انتبهت على هاجر اجتني تركض وتتنفس سريع وحاطة ايدها على گلبها
هاجر -سكتي گلبي راح يوگف
رونق وبالگوة تحجي
-شكو شبي گلبج
-لج جنت انظف بالاستقبال وحاطة السماعات باذني وملتهية انضف واغني وجان انتبهلج على واحد واگف بباب الاستقبال وگاعد يباوع علية ويضحك
-اي كملي منو هذا
-هذا حبيب الروح نشوان جان واگف لج مو هنا المصيبة
المصيبة من سألني منو انتي
ههههه لج معرفني الا. من گلت اني هاجر ظل فاتح حلكة ممصدك اني هاجر الدبية
-اي حقة صدك انتي من اخر فترة اجة مسلمتي عليه ومشافج و ظليتي كلة بالمطبخ ووية البنات انتبهتلج مرحتى يمهم على الرغم انتي جنتي مشتاقة تشوفينة
-شفتي شلون ترة موعبالج احجي هذا الكلام ترة بس يمج الساني طويل بس من اشوفة الله وكيلج بوخة مبية خير الساني ينبلع ولج والله استحي اوگف گبالة واسلم عليه
رونق وهي تمسح العرگ من وجه وصارت الرؤية بعيونها مغوشة
-وهسة هو وين ويامن اجة
-اجة بس هو وخالو سرمد البنات ومرت خالو ما اجو لان ديحضرون لسفرة الباجر
سمعت صوت هورن سيارة بباب الكراج
گمت من ميز الطعام والدنيا افترت بية
-يالله هاجر طلعي من الثلاجة ال...........
:
سمعت صوت خشن وصل لاذني من بعيد رونق ..رونق گعدي
حسيت بيد تضرب على وجهي

......................

رضوان-الحمدلله على السلامة هذا خوش استقبال محضرتلي
دنگت وحصرتني البجية ما اعرف ليش
-الله يسلمك حجيتها ببرود
-گومي خل اخذج للمستشفى خل اجيكج

-هاجر - والله خوفتينا عليج
- بس اريد ماي عفية عطشانة
اخذني رضوان وهاجر للدكتور بعد ما تركنا اهل رضوان مخبوصين
اقترب رضوان وصار قريب
-شنو شبيج موجوعة من شي
-لا مموجوعة لتخاف هسة راح اگوم وارجع وياكم للبيت
سألت هاجر على كرار وطمنتني ان هو بالبيت بقى عند ضياء
حسيت برضوان صار عصبي لان انتبه علية ما اريد احجي وياه
راد يحجي وياي ودخل علينا الدكتور
-اخذ ايدي وشكل جهاز الضغط على ايدي
وشاف الضغط كلش هابط
الدكتور-ضغطج هابط التفتت على رضوان من ترجعون للبيت خلي زوجتك تشرب لبن وحط وياه شوية ملح علمود يتوازن الضغط
رضوان -ليش هبط الضغط عندها
-شي اعتيادي لان كل حامل معرضة لهبوط الضغط
هنااااا عم السكون في المكان
رونق هاجر ورضوان واحد يباوع للاخ
رضوان وبدت تتغير معالم وجهة من الصدمة للفرحة بالمفاجئة
-شنو گلت دكتور متأكد
-اي متأكد لان تحليل الدم يثبت اكو حمل
لازم من باجر ترحون تراجعون عند طبيبة نسائية
يالله مبروك
تركنا الدكتور
واني كاعدة بين المذهولة من الخبر هاي شلون وشوكت
يعني معقولة من -........ بس صارلي هواي كلش هواي
معقولة اني حامل صاري اشهر واني محاسة على روحي مدا استوعب الخبر
كان شعوري بين الخايفة وبين الضايجة
ليش حملت ما اريد اشيل هم فوك الهموم العندي
كلش كافي كرارابني بعدة صغير ورضوان الي تريد امة تزوجة فميحتاج اروط نفسي بحمل هاي وين جانت لي

انتبهت على رضوان اقترب مني وهو فرحان والدنيا ما سايعتة لكن استغرب من شافني متضايقة ومبين علية مفرحانة
خزرني ورجع للخلف ودار وجه وطلع من الغرفة

يتبع