خذ بيدي ولا تسألني الفصل العشرون 20 - بقلم نهى

خذ بيدي ولاتسألني
بقلم nuha-d-h

رجعنا رضوان من المستشفى وكان وجه مايكصة السيف
لاحظت عليه العصبية
وصلنا للبيت وكان الكل موجود متجمعين
لكن اول مدخلت اتبدلت معالم وجه رضوان من الغضب الى الفرحة
رضوان -ابشركم رونق حامل وراح يصير عندي طفل ثاني
ابو رضوان گام من مكانه
-الف مبروك وليدي يتربة بجاهك
وگامو اخوانه واختة فاتن باركو لرضوان وباركولي
واجت فاتن حضنتني حبيبتي ربي يهنيكم ويتربة بحضن ابوه وتفرحون بي
انتبهت على ضياء اتقدم على رضوان بتردد
وحضنة
-الف مبروك اخوية العزيز راح اصير عم للمرة السادسة
بس هالمرة غير راح اصير عم اولاد اخوي الغالي وحضنة
حسيت كل كلمة تطلع من ضياء لرضوان بيها الف اعتذار على كل ما بدر منه بتجاهنا
شفت رضوان تغير تصرفه من البرود الى الترحيب بتجاه ضياء
التفت علية
ضياء وهو مدنگ
-الف مبروك اختي ام كرار يارب يتربة بجاهكم انتي وابوه
جاوبتة بصوت هامس
-اشكرك يوم الالك
-الله وايدكم زوجوني بس خل اخلص دراستي وبعدين اكعد اطبل على راس الوالد حتى يزوجني

الا شخص واحد كان وجه مصدوم من الخبر وابد مفرحان ام رضوان كانت عيونها تطلع منها شرر والله لو النظرات تقتل جان اني هسة طريحة الارض
كان خالهم سرمد موجود هو ونشوان وهم گام وسلم على رضوان وهنئه على حملي
بس اتفاجئت من اتكلم
سرمد ابو نشوان
-الف مبروك بنتي ربي يوفقكم ويهنيكم وبما ان
انتي ورضوان حياتكم طبيعية ومداشوف بيكم اي سبب
يستدعي ويخلي رضوان يتزوج عليج
التفت على رضوان
-وعليه راح اعتبركم محجيتو بسالفة تمارة وخطوبتها
وراح اعتبرها ملغية
لان اني انسان اخاف الله وما اريد اكسر بخت بنية
لا بعدين الله يطلعها ببناتي
رضوان وبانت عليه الراحة
-اشكرك خالي وتمارة الف واحد يتمناهة يارب تتزوج الشخص الي يكون يصونها ويقدرها
ما احجيلكم عن مدى سعادتي وفرحتي بالي سمعتة
يعني مدا اصدك ان ربي التفت لحالي يالله شكد رحمتك واسعة
رفعت راسي وصارت عيوني بعيون رضوان وكان الدمعة بعيوني من الفرحة
بس هو قابلني ببرود
بس ام رضوان وجها. گلب لونة وسوت روحها تفرك بگلبها
-لا خوية لتگول هجي والله رضوان يموت على تمارة ليش تفرق بينهم ً لاعفية على بختك ترة رضوان مشتري نسبكم
التفتت لرضوان
-مو يمة رضوان گلة لخالك احجي وياه
احتارت شتسوي
ابو نشوان- هسة الله كريم الخيرة فيما اختاره الله
لتزعلين ان كان الله كاتب لتمارة تصير من نصيب رضوان محد يكدر يوكف بقسمة الله
كلشي قسما ونصيب هسة سدي الموضوع مو وقته

ردت اگوم حتى اروح وية البنات
اقتربت مني ام رضوان وتسوي روحها تباركلي عن الحمل
همست لي بصوت ناصي غير مسموع
-شوفي حبابة مو تفرحين ترة موضوع زواج رضوان ما انتهى ورضوان راح يتزوج تمارة لو مو تحبلين لو تطلع گرون براسج محد يفرقهم
ابتعدت عنها ورحت
للمطبخ حتى اصب وياهم العشا
دخلت عليهم بالمطبخ وعقلي مشغول
بالورطة الي اسمها عمتي الي مدري منين طلعتلي ابد متخلي اليوم يعدي اذا متذب سمها علية

همزين الحمدلله جنت مخلصة كلشي بقت بس السلطة والمقبلات وخطية البنات گعدو يساعدوني ونسوان
حموييني گعدو يباركون لي واتشكرت منهم
وفرشنا السفرة وحطينا الاكل

والكل كعد ياكل وانتبهت على رضوان جاي وبيدة علاكة وبعدين صعد فوك للغرفة ونزل
وحط گدامي بطل لبن
-شربي اللبن حتى يتوازن الضغط
وبعدين قرب الاكل مني حتى امد ايدي واكل لان يدري بية من يتجمعون اخوانة استحي اكل
اخذ كرار من عندي حتى اني اكل براحتي
رفعت راسي واجتي عيني بعين ام رضوان الي عيونها كلها شر
رجعت دنكت وانسدت نفسي من الاكل والله حتى بطني انمغصت
كمت ورحت اغسل وسمعت رضوان گام اترخص منهم
بعدها سمعت صوت رضوان يصيحني
رحت صعدت فوك لغرفتنا
شفتة يتحرك بغضب بالغرفة
-وين كرار
-جوة يلعب وية الجهال ليش صحتني
-اكدر اعرف لش ضجتي من سمعتي بنفسج حامل
يعني معقولة لهدرجة كارهة يصير عندج طفل مني
-لا مو هيج الكلام بس المثل وضعي يكون مو من المناسب يصير عندي طفل واحنا علاقتنا قلقة وانت على وشك تخطب وتتزوج ولاتنسى الظرف الي صار بي الحمل
-هذا مو سبب مقنع حتى ترفضين ابني
دار وجهة عني وحسيت بي من حركتة العصبية بالغرفة
ان هو متنرفز وضايج من ردة فعلي
-اسفة رضوان بس ا.........
وقطع كلامها
-لا تگعدين تتأسفين على الي ببطنج ترة هو مو ذنبة
ترة الغلط مني اني لان فرضت نفسي عليج
خلاص انتهت وياج بعد لهنا وكااافي صبرت عليج هواي
وهسة كل الي اريدة منج بس تتحملين ابني منا لحد ميجي عالدنياوتديرين بالج على حملج منا ورايح وبعدها يحلها الف حلال
-رضوان انطيني مجال احجي وياك اني مكلت ما اريدة الحمل اني كلت متخوفة انت ليش تصعب علية الامور
-يعني صارلج اربع اشهر من حامل ومكلفتي نفسج تحجين بعد شلون يكون الرفض بالله فهميني
ترة اني اعرف كلش زين سكوتج عن الحمل حتى تسقطين الجنين بدون ما واحد يحس عليج

التفت رضوان وراد يطلع من الغرفة
-لا رضوان انتظر الكلام مو بس الك يعني تبقى دائما تحجي وتقرر وتطلق الاحكام وتتركني بدون متسمعني
-شسمع مو ترة زهگتيني بعيشت الله
رونق بحزن - اشكرك على تفهمك وياي
بس اني مجنت اعرف بحملي لان انت من اتقربت مني
واخذتني كنت ارضع بكرار وكانت الرضاعة سبب بانقطاع الحيض لذلك مكدرت اخمن ان اني حامل لان مطرأ علي شي غريب غير الدوخة والم المعدة وحسيت بروحي شوية سمنانة
انتبهت عليه شلون نزل عينة بتجاه بطني ومشة بنظره على طول جسمي
رضوان ببرود وكأنه يعاقب رونق على عدم تقبلها الة
-يالله على كلٍ مبروك على الحمل
رفعت عيني عليه وشفتة ممقتنع بكلامي
رجعت دنكت واجيت اطلع انزل
-وين وين طالعة رجعي
-ليش البنات جوة واهلك واخوانك عيب اتركهم جوة
-لا ماكو عيب يدرون بيج تعبانة وحامل وستوج راجعة من المستشفى بالله شو گدامي نامي على السرير
ولتتحركين زايد خاف موزين عالحمل
وتركني ونزل
وراهة صعدت هاجر فرحانة
-رونق بابا قنع رضوان حتى يقبل ترحين ويانة لمزرعة خالو سرمد الله رونق فد راح تتونسين
هناك اجواء تجنن وخيول عندهم وطبيعة تجنن
حضري روحج على باجر

وبيومها بالليل صعد رضوان وبيدة كرار نايم
اخذتة من عندة وكعدت ابدلة وهو نايم
-يعني ميصير تركينا نايم بنفس ملابس
-لاميصير ينام بهاي الملابس يتضايق لازم ينام بملابس نوم
رفعت عيني وشفت رضوان يراقب حركاتي
وانتبهت عليه شال ملابس كرار وحطهم بالسلة مالت الغسيل
كان تصرفه تلقائي من زوج يساعد زوجتة
لكن مع الاسف هو جداً صعب التفاهم واني جداً خجولة وما اعرف شلون اعبر عن الي بداخلي بتجاه رضوان
شلت كرار وحطيتة بسريره
ورجعت شفت رضوان يطلع من الكتور شي
اتفاجئت من اقترب مني ولازم بيدة ثوب نوم اسود الي
-هاي شنو
-انتي همين ميصير تظلين هيج بهذولي ملابسج هم لازم تاخذين راحتج لبسي وتعاي اشوفة عليج
اني هو يحجي واني وجهي صار طماطة
هسة المفرض اني اتحرك والبسة
بس رجلي جمدو بمكانهم ....
-اةةة بس اني ما اكدر البس هذ.......
-اذا متگدرين اني اساعدج
رضوان
هالمرة نويت ان اكسر الحاجز البيني وبينه وهو حاجز المستحة ولازم اخلي الامور طبيعية بيني وبينها
فلزمت ايدها ومديت ايدي على السحاب اريد افتح الثوب
بس هي سبقتني ولزمت ايدي
-لالالا عفية اني راح ابدل بس انطيني الثوب

اخذتة من ايدة ورحت على الحمام انتظر بلكي ينام وينسى واتعمدت احاول بقدر الامكان ان اتأخر بالحمام
لكن ورة فترة باب الحمام اندك
-يالله وين صرتي شنو نمتي
-اي هسة راح اطلع بس لحظة
لبست وسلمت امري لله
كان الثوب لونة اسود قصير حفر من منطقة الصدر
طلعت واني انزل بأطراف الثوب لتحت
وخدودي احس بيهم نار صارو
شفتة شلون ابتسم ونظرة عيونه كانت بيها الاعجاب
اقترب مني
وفتح شعري لان كنت مسوية كباية
وشمة سحبني من ايدي ونمومني على السرير
ونام بصفي واني گلبي صار طبل
حسيت عليه اقترب مني وسحبني لحضنة
صار ظهري ملاصق لصدره وايديه حوطت خصري
وحسيت بكف ايديه حطها على منطقة بطني
وكأنه يريد يوصل للطفل ويحضنة
ظليت جامدة عن الحركة فترة طويلة واني بحضنة
استغربت يعني شنو هي هاي ماكوشي
بين المحتارة وبين انتظر
بعدها شوية كعدت اتململ
شدني حيل لحظنة
-اريد انام لتظلين تتحركين ترة تعمين على روحج الله وكيلج گوة لازم نفسي عنج فلا تختبرين صبري وخليني حباب وياج لان انتي حامل وتعبانة

لاول مرة انام براحة للصبح بدون تفكير
كعدت يوم ثاني ملگيت كرار بسريره والتفتت على جهة رضوان مموجود بمكانه
كمت بسرعة مفزوعة لان كان الوقت متأخر
يبوي هاي ليش محد گعدني لحد هسة
والله هسة عمتي تاكل راسي اهوووو
رحت طلعت لي دشداشة مستورة لان اليوم عمي والولد موجودين مريت من يم المرايا وانتبهت على لبسي
واتذكرت رضوان وابتسمت كان البارحة جدا عطوف وياي
نزلت وشفتهم كلهم گاعدين على ميز الطعام يتريگون
وديحجون عن السفرة وانتبهت على هاجر كاعدة تحضر دولمة للسفرة لان هي اختصاص دولمة
-صباح الخير
الكل-صباح النور
رضوان-هَـا شلون صرتي اليوم
- ايه صلوات نزلت العروس بعد وكت رجلج وابنج گاعدين قبلج جان استحيتي على روحج
-يمة يعني تعرفين كلش زين البارحة هي تخربطت
واني خليتها تنام ونزلت اني وكرار بدون متحس علينا
لان حامل خليها ترتاح
-شنو يمة قابل كاربين عليها الله وكيلك هي كل يوم تكعد متأخرة وتلكة كلشي جاهز اني مرايدة منها شي غير تگوم بواجبك انت وابنها
سكتت محجيت اي شي لان اعرفها هي تضغط علية حتى تطلعني عن طوري حتى تخليني افقد اعصابي
گدام رضوان
رحت لعند هاجر حتى اساعدها
رضوان وهو يخزرني
-تعاي گعدي اتريكي بالاول لان موزين عالجنين
گعدت بصفة وهمس باذني
- اتريكي زين مو تغلسين وتهملين صحة ابني ترة ديري بالج عليه

يعني هذا بكل عقلة يحجي ومصدك
ان اني ما اريد هذا الحمل واحاول اسقطة لاعاد مو لهدرجة
مع الاسف عليه غير ماخذ عني فكرة مو حلوة
الظاهر هو نسى اني ام وماكو ام بالعالم تكره او تأذي اطفالها
بس سكتت ومجاوبتة لان لا المكان ولا الوقت يسمحلي اجاوبه
اتريكت بعدما اصر هو على ان اكل
خلصت واكعدت اكتر بالمطبخ وية هاجر
هاجر-رونق اليوم نشوان راح يكون موجود بالسفرة ومحتارة شنو البس لان اتفاجئت البارحة بهدومي صايرات كلهم كبار علية والله ممصدگة يعني اتخيلي التنورة تسرح علية صارت
-خل نكمل تنظيف وبعدين نصعد اني وياج ونشوف شتلبسين

رضوان وهو يسوق بالسيارة متوجه للمزرعة وكنت اني وهاجر ووامة ويانة بالسيارة وضياء هو وابوه بسيارتة
والبقية كل عائلة بسيارتها
طبعا عمتي گعدت بالصدر واني وهاجر ورة
وصلنا كنت لابسة بنطلون بيجي وعليه قميص طويل لونه جوزي وعليهم شال
وصلنا ونزلت من السيارة طبعاً كانت سيارة رضوان عالية وصارت نزلتي بقفزة بس خفيفة
رفعت راسي وصارت عيني بعين رضوان وخزرني
- انتبهي على روحج اشو انتي دتنسين روحج حامل

تركتة ورحت امشي وية هاجر ما اعرف ليش
صار كل حجاية والثانية يبسمرني بعدم تقبلي للحمل
ربي الهمني الصبر

دخلت للمزرعة وكانت كلش جبيرة ممتوقعتها لهدرجة يعني اذا امشي بيها لوحدي احتمال اضيع الطريق
لذلك لازم اكون حذرة وابد ما اتمشى لوحدي
دخلنا واتفاجئت بالعشيرة. كلها جاية طبعا هذولي اقارب ام رضوان خواتها اولادهم وبناتهم واخوانها وسلمت علهم كلهم وكانو جداً حبابين
زين بس اريد اعرف هاي ام رضوان عليمن طالعة
وصلت بالسلام لمرية كلش حبابة يطلع عمرها بالثلاثين وعرفتني عليها هاجر تصير بنت خالها وزوجة لؤي
التفتت ادور على رضوان وكرار بعيوني وينهم لكن هاجر كالت راحو لعند الرياجيل هناك مجتمعين بالمزرعة الخلفية
ظليت گاعدة يم النسوان
ودخل رضوان ولؤي ونشوان وضياء حتى يسلمون على جدتهم ام سرمد
لكن انتبهت على هذا الاسمة لؤي اكلني بعيونة وابد منزلت من علي .......
اني سويت نفسي ابد ممنتبهة عليه
سلم علية ورديت اليلام بصورة عشوائية
وحاولت ابد مانطيه مجال
ولهيت نفسي وية كرار الي كل ساعة راكض لحضن ضياء لان ينطيه السويج مالت السيارة
اتذكرت ضياء بيوم كنت لوحدي بالمطبخ واجة اعتذرلي عن الي بدر منة. وكان كلش فشلان عركان من المستحة
بس اني اتقبلت اعتذاره بكل روح رياضية
لكن تبقى الحزازيات موجودة يعني ابد ما ابقة وياه بنفس المكان لان رضوان بسرعة يخزرني وافتهمت عليه واخذتلة طبع
لكن هذا الي اسمة لؤي شبي شجاه ادري مو مرتة هنا
بعدين صبينا غدة وكعدنا كلنا بالحديقة وكان الجو يجنن
وكان رضوان واضح عليه الاهتمام بتجاهي وكلساعة يكلي اكلي ويقرب الاكل علية
حتى الكل انتبه عليه وظل يضحك
على كلام فاتن بيوم تبسمر برضوان
-الله الله عالحب والاهتمام اني غرت قررت اسوي بيبي جديد التفتت غلى زوجها وغمزتلة
رضوان ببتسامة
-يالله يابو الشباب شد الهمة اختي تريد طفل
اباوع على الكل ضحك الا ام رضوان وتمارة...........

فقررت ابد ما اباوع على صفحة ام رضوان لان شوكت ما اجيها اشوفها الله غاضب عليها شوكت تصفة وياي هالمرية ما اعرف
بعدين كامو البنات وصاحوني حتى يراوني المزرعة
التفتت على رضوان وانطيتة خبر
وكال تركي كرار عندي حتى اراويه الخيل

وكعدت افتر همزين رضوان اصر ان البس حذاء افلات
رحت اتمشى وشفت الخيول والسايس الي يكون مسؤال عن الخيل وكان خالهم مسوي على بعد مساحة حوض اسماك تجنن
هاجر-شفتي حوض الاسماك شلون جبير
-اي كلش حلو
- تصدگين اليوم السمك المسگوف الي تغدينا بي جابوه
كلة من هذا
وبعدين اخذني البنات على بستان بي نخيل وتمر وگعدنا نشلع تمر وناكل ورحنا بعدين ساحة ثانية مسويها خالهم بيها العاب يعني بيها منضدة
وكرة سلة وكرة الطائرة
يعني الله يرزقة خالهم مبين عليه الله رازقة من وسعه

وشفت البنات سوو فريق كرة الطائرة بينهم واني كعدت اباوع عليهم واشجعهم واحسب الهم النقاط
انتبهت على طفلة صغيرة اجت بتجاهي
-عفية خالة وديني للحمام
شفتها مستعجلة كلش اخذتها وصرت افتر بالمزرعة وكعدت ادعم منا ومنا لحد ما وصلت للحمام خارجي الظاهر مال ضيوف المهم اتأكدت منها دخلت يالله تركتها
رحت رجعت على نفس الطريق حتى اشوف البنات
اشو انتهى الطريق لغير مكان وضيعتهم رحت اريد ارجع لمكان الحمام على الاقل ابقى هناك حتى اي واحد يجي هناك يرجعني
وهم شفت نفسي بغير مكان عاي شنو قابل دخلت بمتاهة ونوب المشكلة نقالي بقى بالجنطة نسيتة اهووو بالله خل اروح من هذا الاتجاه واجرب
لكن واني دامشي حسيت بواحد ديمشي وراي
التفتت وشفتة وحطيت ايدي على صدري وشهگت بخوف

يتبع