خذ تراني وفيت بوعدي الفصل الثلاثون 30 - بقلم Meranai

البارت التاسع و العشرون

%%%%%%%%%%%%

بعد ما رجعو فيصل وبدور من السوق

فيصل:بدور

بدور:هلا

فيصل :الين الحين وما قلتيلي وش صار معك ب العياده

بدور بخيبه وحزن:قالو اني ما راح اقدر احمل

فيصل:كيف؟طيب وش سببه؟

بدور:الحادث اثر عليا

فيصل:أي حادث ؟

بدور:الحادث الا صار ع امي وابوي قلتلك عليه

فيصل:ايه قلتيلي عليه بس انتي وش دخلك؟

بدور :كنت معاهم ب السياره

فيصل:كييف ؟وليه ما قلتيلي انو الحادث صار عليكي كمان ؟

شاف فيصل انو بدور شاده وجها وتحرك عيونها يمين ويسار فعرف انها تحاول تمسك نفسها لا تبكي

فيصل يواسيها:اجل ما نقدر نقول شي ذا شي الله كتبه ونعم بالله وعندنا خالد يكفينا صح

ومن دون سابق انذار انهارت بدور ولمها فيصل لحضنها وبدون أي محاوله لتهدئتها لانه يبيها تطلع الحره والقهر الا فيها ولا تكتمه فقلبها

ف مكان ثاني

انتظر الين ما خرجو من عندهم وركب دبابه ولاحقهم الين ما وصل بيتهم ظل يراقب البيت من ورا الجدار لعل وعسى يشوف أي شي يدل ع انها ف ذا البيت بعد ثلاث ساعات من المراقبه قرر انه يمشي خصوصا لما شاف فيصل مع بدور وخالد خارجين

بدور:ترا خالد معانا مافي ف البيت الا انتي ورينا(الخدامه)0

ليان :طيب اصلا ب اخرج للحديقه

فيصل:خلودي بابا يلا أبا(وشاله)بدور انا باسبقك للسياره عجلي

بدور :طيب

ليان:يلا روحي

بدور:ما تبين شي من السوق اكيد؟

ليان:للمره الالف تسأليني ذا السؤال واقولك لا

بدور:اجل انتبهيلك طيب؟

ليان:تمام يلا روحي

بدور:مع السلامه (وراحت

نرجع ل بدر

لما كان ناوي يروح شي قاله انتظر شوي وبعد ما شاف انو فيصل خلاص راح خرج مع زوجته وولده انتظر خمس دقايق وهوا يراقب المدخل من فوق الجدار شاف بنت فتحت الباب ولابسه ملابس شتويه وجاكيت صوف لركبتها وشعرها الواصل لنص ظهرها واقصر ب شوي وتمشي وتعرف طريقها بعصاتها الا تحركها يمين ويسار وبعدها استقرت ع بلاط الحديقه حطت السماعه ب اذنها وبدت تغني مع الاغنيه

شافها بدر وكأنه شاف حلم ونط من فوق الدار وركض ليها زي المهبول يبي ي تأكد انو هي ليان راح لها وبدون لا يصدر صوت او يسمح لها يحس انو فيه احد عندها رمى نفسه وحضنها بقوه

اخترعت ليان وبدت تضربه ب اقوا ما عندها بس ما كان يتحرك تصارخ بس ما اكان فيه احد يسمعها وطاحت السماعات من اذنها وسمعت صوت انفاسه وتنهداته

ليان:بدر؟

بدر من بين فرحته واشتياقه:عيونه وقلبه وحياته وروحه وانفاسه

ثواني وبادلته ليان الحضن يدها اليمين ع ظهره وتشد عليه باتجاهها ويدها اليسار تلاعبها بشعره ما بين اصابعها ودفنت وجهها برقبته غمضت عيونها وهي مستمتعه بدفئ عروق رقبته بوجهها واحساس بدر العميق بقطرات الماء الدافئه التي تتساقط ع رقبته في تلك الليله البارده

تأملو احساسي الشاعري هنا وصفقولي
.
.
.
.
.

بعد دقايق انفصلو ومسك بدر وجه ليان

ليان:بدر وجهي

بدر:أتركيني اتأمل وجهك ي ليان اشتقتله كثير

خجلت ليان ومسكت يدينه

ليان:يدك دافئه

بدر:تغيرتي ي ليان

ليان:ع كيف؟

بدر:صرتي احلا وجهك خدودك انفك شفايفك يدك(ودخل اصابعه فشعرها وحركه ع طوله ولما حرك شعرها وتناثر ع وجهها:وشعرك ما توقعتك انك تطولينه كذا فكم شهر ذا التغير ضالك

ليان:فكم شهر اشياء كثيره تغيرت

بدر:كم شهر ع فرقاك كأنه دهر

ليان:الين الحين ما سألتني ليه ليه تركتك دون ما اعلمك

بدر: ولا ابي اعرف اهم شي عندي اني لقيتك

ليان:بدر يلا قوم اخرج

بدر:ليه؟

ليان:بيلسان بتجي وهي تدخل ع طول بدون ما تدق الباب ولا أي شي

بدر:وش ذا الاسلوب المفروض تق الباب تحترم سكان البيت

ليان: نننعععععممم نسيت نفسك؟

بدر:لا انا عندي عذري

ليان:طيب الحين انت روح وانا اكلمك بعدين

بدر:كيف بتكلمين وانتي ما عندك رقمي

ليان:كيف؟؟

حست ليان انو اخذ شي من الارض جنبها وبعدها سمعت جوال يرن

بدر كذا تمام

ليان:وشو؟

بدر:الحين رقمك عندي ياويلك اذا مارديتي بسرعه لاجيلك الين هنا ومالي شغل ب فيصل

ليان:تعرف فيصل؟

بدر:ايه خوي اخوي

ويسمعو صوت سياره

ليان:جت جت روح يلا

بدر:اوعديني انك بتردي عليا

ليان:تراني ما اشوف ارد ه كل من هب ودب جت عليك

عطاها بوسه ف خدها (اشوفك مره ثانيه)هذا الا قاله قبل لا يمشي وينطمن الجدار(انا كنت شاكه انو النط من فوق الجدار هي موهبه بدر بش ابشركم تأكدت)

ومن بعد ذا اليوم لاحظ الكل تغير بدر الكامل صاير دايم يضحك وسولف مع اهله ويخرج مع اصحابه وتغير كاااامل صاير له

شك علي ب الموضوع ف قرر يكلمه

دخل عليه علي الغرفه شافه يتجهز لخرجه وهوا مروق

علي:شكلك خارج

بدر:أي والله

جلس علي ع سريره:طيب اجلس ابي اكلمك

بدر:علي خليه بعدين الحين مستعجل

علي ب تشدد:قلتلك اجلس ابي اكلمك

حس بدر بجديه الموضوع وسحب كرسي وقربه من علي وجلس:هلا

علي:البنت الا بغى فيصل يضربك بسببها الا اسمها ليان وش سالفتها معك؟

بدر:بأقلك بس امانه لا تعمل من الحبه قبه(مثل يعني لا تكبرها وهي ما تستاهل)0

علي: اوعدك بس قولي انت

بدر:ذي ليان كانت حبيبتي اول كانت مدرستها مقابله لمدرستنا بعدين ب الصدفه اقابلتها بالمول هي عرفتني لانها كانت معجبه فيني بس انا ما عرفتها وبعدها لاحظت انو فيه وحده من المدرسه الا قبالنا طايم وكل يوم تناظرني ومره انتظرت معاها الين جاها سواقها لانها كانت وحدها ومحد كان معاها وبعدها تعرفت عليها وصرت احبها وبس(طبعا كذا كله كيييس

علي:اهمم بس كذا؟

بدر:ايوا ولما افترقنا غيرت بيتها وماعاد صرت اعرف عنها شي(كمان كيس

علي:هممم طيب وتعرف هي وينها واشتقتلها حيل وش سالفتهم؟

بدرتورط شوي:امكن لانو فيني شوي اعجاب لها

علي:ورسوماتك الا متناثره بكل مكان؟

بدر:لانو امكن هي الوحيده الا عرفت اضبط تفاصيل وجهاا مازلت مستمر اني ارسمها

علي:همم بدر

بدر:هلا

علي:انا عارف انو كل الا قلته خراط كله كييس انا عارف سالفتك انت وليان من طقطق الين سلام عليكم من ماكانت تناظرك ع ايام الدراسه الين يوم تركتك دون ما تدري من بعد زواج اختها

تفاجئ بدر كيف علي عرف ذا كله

علي:واعرف انك كنت تروح بيتها تقابلها حتى بعد ماصار عليها الحادث وصارت ضريره وانت ما زلت تحبها ويوم انها تركتك وانقلبت حالت سييئه لدرجه مب طبيعيه والحين لك اسبوع رجعت حيوي مبسوط ومروق واحسن من قبل هذا دليل ع انك لقيتها ورجعت لها واعتقد انو انت كنت رايح لها صح والا انا غلطان ي بدر؟؟

كان بدر يناظر للارض وشاد وجهه ع تعكير مزاج

علي:يعني كلامي صح

بدر:........صمت

علي:بدر انت صرت رجال كبير وهي بنت شابه وعارف وش يعني لما بنت شابه وولد شاب يتجمعو مع بعض وخصوصا منت محرم عليها

بدر:ماله شغل ي علي مستحيل اني اضرها او اعملها أي شي

علي: انت تقول كذا ب البدايه تكون كلام وبعدها مكت يدين وبعدها ضمه وبعدها بوسه وبعدها زنا الله لا يقولها

كان واضح ع وجه بدر الصدمه وبعدها ناظر الارض لاحظ علي بدر

علي:وش وصلتله معاها يبدر؟

بدر:.......صمت

فتح علي عيونه ع اخر شي وقام وهو معصب ومسك بدر من ملابسه

علي بصراخ:لا تقول انك عملته معاها ؟؟

بدر:لا طبعا شاييفني حقير واستغلالي عشان اعمل ف البنت الا احبها كذا

تركه عليه وجلس وكمان جلس بدر

علي وصوت انفاسه واضحه:لوين وصلت معاها ؟

بدر:.......صمت

علي بصوت اعلى:ما ابي اعيد كلامي لوين وصلت معها ي بدر

بدر بتردد:ضميتها

علي من بين انفاسه:بس؟

بدر بتردد:وعطيتها بوسه ف خدها

علي:بدر لا عاد تقابلها ثاني

بدر بتفاعل:ليييش؟

علي:بدر

بدر بتفاعل:بس عشاني ضميتها وبستها

علي:بدر

بدر بتفاعل:اشتقتلها لي خمس شهور ماشفتها ولا سمعت صوتها

علي بصوت اعلى:بدر

سكت بدر لثواني:انت ما راح تحس فيني لانك دايم مع سمر

علي:ان كان فيه احد بيحس فيك فهوا انا وانا اكثر واحد حاس فيك اسافر اسبوع اسبوعين شهر شهرين ثلاث وما اشوفها اضل ع صوتها بس

بدر:طيب صوتها معك اقل شي انك متطمن انها ملكك وماراح تروح مكان انا كل يوم اخاف ما عاد الاقيها اخاف تروح مني وحرفيا قمت يوم من الايام وهي وينها هي اختفتولما لقيتها حمدت ربي اللف مره بس لسى الخوف موجود اخاف اقوم بكره الاقيها مخطوبه

علي:اسمعني تبي تكلمها ماراح اقولك لا ولا راح امنعك بس انك تروح لها لبيتها وتقابلها ذا شي مب مقبول ابد هي بنت تفكر بقلبها وانت ولد تفكر عقلك لو قلتلها فكري فالكلام الا قلته لك راح تقولي لا هوا يحبني ومستحيل وما اقدر ع فرقاه ومن ذا الكلام بس لو اقلك انت راح تلاقي كلامي انا الصح

بدر:علي بس انا اقلك اني من جد ما اقدر ع فرقاها

علي:اسمعني يبدر انت اخوي الصغير وتهمني مصلحتك ترا فيصل عينه عليك وتراه مراقب البيت وهوا قالي عشان احذرك لانو ولو شافك او مسك عليك شي ليمردقك ويعلمك شغلك وهوا مستحلفلك وهوا كلمني عشان انتبه عليك انا ماراح اربطك عشان لا تروح عندها لاكن انا واثق فيك انك بتسمع كلامي

شاف علي انو بدر محتار يصدقه ويسمع كلامه والا يطنشه ويعمل الا يبيه

تنهد علي

علي:اسمعي الحين انت اولى جامعه اذا تخرجت والله العظيم لا اروح انا وانت وابوي وسطام وايمن نروح عندهم وبالاسم نبي نخطب ليان عبدالله لبدر سالم

ناظر علي ل بدر شاف فاتح عيونه اخر شي والابتسامه شاقه من الخد للخد

علي:ها مبسوط وراضي ؟؟

بدر:اكيد

علي:انت شد حيلك وما عليك الا يسرك

ووقف علي ووفق معاه بدرفتح علي ذراعينه

علي:تعال هنا

بدر يضحك وهوا رايح له:يشييييخ متى اخر مره ضميتك

علي ضربه ع راسه بخفيف:قال اخر العنقود قال شويتين وتوصل طولي

دخل عليهم سطام وايمن

ايمن:بسم الله وش وراكم؟

علي:وشو ما اضم اخوي الصغير؟

بدر:ايه

ايمن :لاااا!

علي:وش جايبكم وش تبون الحين ؟

سطام:ابد بس قلنا وش رايكم نخرج احنا الاربعه كأخوان دون حريمنا ولا اختكم وحدنا

بدر:تماام ننبسط مع بعض

خرجو برا الغرفه

سطام :اجل تمام نخرج فسياره وحده

ايمن:فسياره مين ؟

علي:سيارتي تتعذركم

بدر:انا معي دباب اخرجكم عليه؟

ايمن :ياشيخ طس

علي:طيب ليه مب فسيارتك ي ايمن

ايمن:سيارتي حالفه عليا اني ما ادخل فيها احد

بدر:ايه محد يعرفلك انت الا سوسو

ايمن:ترا كف وانت يسطان سيارتك

سطام :تمام ما عندي أي مشكله

علي:طيب ليه ما تكلمت لا لسيارتك ع طول

سطام:قطيه البانزين لا تنسونها

ايمن:وش ذا

سطام :اييه وتراني ماني عازم احد حكو جيوبكم كل واحد يصرف من فلوسه

بدر:يليييل

علي:خلاص يعيال امشو بالعافيه لقينا ذي الجمعه

وكملو يومهم الحلو بلطافه

فوقت ثاني لما كانت ليان ب المطبخ

بدر:انا وعدت اخوي ي ليان

اخذت ليان نفس:عادي ب النسبه لي ي بدر اهم شي اني اسمع صوتك اتطمن عليك

بدر:ليان

ليان:هلا

بدر:انتظريني كم سنه ان شاء الله تكوني من نصيبي

خجلت ليان وما ردت عرف بدر انها خجلت وضحك عليها

بدر:هههههه طيب يلا تصبحي ع خير

ليان:وانت من هله

بدر:انتبهي لنفسك

ليان:وانت كمان انتبه لك

وقفلوعن بعض

كان يطلع ع الدرج بعد ماسمع مكالمه ليان مع بدر واقتنع انو ما يقدر يفرق بينهم خصوصا بعد ما عرف انه يحبو بعض كثير خصوصا انو هوا مجرب الحب

يتبع

***************************

البارت ذا مخصوص للي يحبون ليان وبدر

ان شاء الله حبتو البارت

وتوقعاتكم للبارتات الجايه

وقدرو تعبي بتصويت واشتراك ونشر واحب اقراء تعليقاتكم واتقبل ارائكم واذا عندك اي افكار او احداث ارسلوها لي ع الخاص

قربت الروايه تخلص ارسولولي افكار ل رويات غريبه واحداثها جديده عشان اكتبها بعد ما اخلص ذا الروايه

افكر اكتب روايه خياليه واسطوره يعني مب قصه حب سعوديه افكر اكتب قصه اسطوريه عن قبائل تسكن الغابات وحيوانات اسطوريه وقوئ خياليه وزي كذا رئيكم تشجعوني عليها ؟؟

تشاو