البارت الثاني والعشرون
88888888888888888
دقت اضواء وقالت للبنات انو يجون لبيتها بسرعه ولما جو علمتهم كل شي وسمعتهم التسجيل
سمر:أأأأأ انتي ما جبتي العيد انتي جبتي الا بعده وبجداره
اضواء:طيب الحين وش اسوي متفشله كيف ب أداوم بكره
سمر:لا وشوفي الحيوان (وتقلده:وش قالت صحبتك بتعلميني؟
اضواء:بتقوليلي
سمر:ما يهم المهم انه نفس الفكره انا متأكده مليون من ميه انه كان يبتسم صوته لما قالها كانه مبتسم يأأأأأأأأأأ زوجك خبيث
اضواء:طيب انا جايبتكم عشان تلاقولي حل ,بدور؟
كانت بدور حاطه اصبعينها السبابه و الوسطى ع فمها وساكته
اضواء:يعني ابدي أي رائي قولي شي لا تضلي كذا ساكته
بدور :طيب يعني اقولك شي؟
اضواء:ايوا
بدور:الله لا يحطني ب موقفك
سمر:ههااهاهاهاهااه من جد ي اضواء انتي ف موقف ما تنحسدين عليه ابد
اضواء:لا يربي وش اعمل الحين معاي دوام بكره
بدور:لا تناظريني انا الين الحين ماني مستوعبه الا عملتيه
سمر:طيب مددي اجازتك
اضواء:طيب وبعد ما امدد اجازتي وداومت وشفته؟
سمر:والله عاد ذي مشكلتك انتي وزوجك يلا بدور وصليني ب طريقك
بدور:وين زوجك؟
سمر:مع اصحابه وكمان ما قلتله اني خارجه لو عرف اني خرجت بيعفسني
اضواء:بناات
بدور:خلاص سمر خل نساعدها كسرت خاطري
سمر:طيب وش نسوي؟
بدور:طيب اسمعي روحي شغلك واذا قابلتيه طبيعي ولا يعني انك نسيتي وش صار عاد كنتي مريضه ما تتذكري
شغلت سمر التسجيل الصوتي من عند لما اضواء قالت:قالت انو انا اصير ملكك وانام بين احضانك.......0
قاطعتها اضواء:أأأأأأ قفليه ي ربي كل ما اسمعه انجن
سمر:فيه دليل اقواء من كذا انه صار وهي تعرف؟
بدور:معليش ي اضواء بس ابد ما نقدر نرقعها لك
سمر :ويعني تقوليله كلام متزوجين وانك تخيلتي انو انتي وهوا تعملونها لا مو من جدك ابد لهدرجه تفكيرك منحرف
اضواء:يختي وش اسوي الله ياخذك ي سمر
سمر:خيير وش سويت انا؟
بدور:هي صادقه فيه احد طلب تتكلمي كلام المتزوجين قدامها البريئه السنقل؟
سمر:اقول خلينا واقعين هي تعرف ذا الكلام بس لانها ما عاشته ف ذا شي كبير ومحرج ب النسبه لها وعشان اقلك الصدق كل البنات تقريبا حتى الاولاد يتخيلون يعيشون ذا الشي مع الا يحبونه بس المصيبه اذا جاهرتي فيها مثلك ذا حاجه ثانيه
بدور :اقول ما عندك أي حلول خليك ف وجه المدفع وكل ما شفتيه لا تناظريه الين السالفه تنتسي
اضواء:تهقين؟
بدور:ان شاء الله
ف مكان ثاني ف بيته وكان السليمان وعلي عنده
فيصل:ها يعيال وش بتاكلو
علي:نفسي ف بيتزا اطلب من دومينوز
فيصل:لا يا ماك ي كودو ي هيرفي واحد منهم
علي:وش ذا الغلاضه الا فيك اطلب دومينوز وخلاص
فيصل:قلت لا سليمان وش تبي؟
كان سليمان حاط السماعه ف اذانيه ومبتسم وواضح انه مندمج
علي:اووهو الولد مب معانا ف عالمنا
فيصل:وش الا مسرحه كذا؟
ناظر علي لجواله
علي:يسمع تسجيل صوتي
فيصل:افصل السماعه
فصل علي السماعه واشتغلت لما كانت اضواء تقول تدري انو....و وقف سليمان التسجيل
سليمان:يا حيوان
علي:يوووه ذا صوت حبيبتك ؟
سليمان:ايه عندك مانع؟
علي :بتتزوج مراهقه انت ؟
سليمان:عمرها 24 ولساتها مراهقه؟
فيصل:صوتها كانو عندها 17 او 16 سنه
سليمان:انتو وش تبون انا مستمتع وش لكم ؟
علي:عسى م يصر طبعها كصوتها ما تعرف تعمل ولا شي هههههههههههههه تقولها اعمليلي غداء تقولك ما تعرف
سليمان:ما ادري مين الا قال ل زوجته اعمليلي غداء عملتله اندومي
علي:ياااه تكفى لا تذكرني كنت منتظر ومتحمس
فيصل:اخلصو علي وش تبون من أي مطعم ؟
سليمان:ماك
علي:ليه ماك؟
فيصل :الله يرضى ع هنقرستيشن مسهل علينا كل شي
بعد ما وصل الطلب
سليمان:يا عيال ما تتذكرو شي صار عند كودو قبل 4 سنوات ؟
علي :وشو؟
سليمان:المفروض انت الا تتذكر لانو صار لك انت
علي:وش صار
سليمان:قبل 4 سنوات لما تهاوشت مع بنت عند محل كودو ف المول
علي:تهاوشت مع بنت؟!!(ويفكر شوي:يوووه انت متذكر
سليمان:ما تتذكرو وش صار ب نفس اليوم مين قابلنا؟
فيصل:ايوا ايوا قابلنا ذولاك البنات الا ساعدناهم لما كانو ب الابتدائي حادثه الباص وش مذكرك فيهم؟
علي بسرعه:هب هب هب عدلو نفسكم والا ادق ع حريمك يعدلونكم كل واحد ف ذمته حرمه لا تتبسبسون لباقي البنات التوقيع مخلص ل سمر(و يطقلك الصدر يعني يضرب صدره بيده بس بشويش
سليما:هههههههههه ازحر ازحر
فيصل :ي عيال زواجنا انا و بدور نص الشهر الجاي
سليمان:اخيرا ما بغيتو الاا وش اقنعها؟
فيصل:اكيد صحباتها
علي:الا انت ي سليمان متى ملكتك ؟
سليمان: بعد زواج فيصل الملكه وزواج بيوم واحد
علي:اريح
اليوم الثاني
ف المستشفى
سليمان:شفت ي صالح (دكتور ف المستشفى وزوج ليلى )فريقي فيهم استطاعه يعني كل مالي ادقق ف شغلهم ف انجاازاتهم كيف يعالجون االمريض لما يدخلو معاي عمليه اتفاجاء فيهم اكثر
صالح:ايوا شفتهم قبل امس جتنا حاله حادث مره فضيعه استقبلوا لحاله ثلاثه من فريقك يعني حت انا لو اشوف ذا الحاله بتجيني حاله بس الا من فريقك كانو متماسكين بشكل اتفاجاءت منهم يعالجونهم بشكل طبيعي ويأمرون باقي كانهم هما الدكاتره كان ودي اقلهم تعالو خذو مكاني
سليمان:ههههه ايوا اكيد واحد منهم يوسف اكييد
صالح:اعتقد
سليمان شكلي ب اخليهم يخوضون تجربه لحالهم
جاء دكتور ثاني:سليمان تتمدح فريقك اجل انت تدري انو فريقك ولا شي عند فريقي
صالح:نعمان اترك شرك وابعد عن سليمان
نعمان(الاسم غبي ):كذبت ف شي مجهودات فريقك ترا ولا أي اشي بس لانو انت اول مره تمسك فريق حتى انك مسكت نفس فريقك بعد ما اجتازو الاختبار لانك مب متعود عشان كذا تتمدح ف فريقك (ابتسامه خبث
طق العرق عند سليمان والتفت له:طيب وش رايح نعمل تحدي بين فريقي وفريقك ؟
نعمان:اووه يعجبني
سليمان:انت حدد وش تبي؟
نعمان:ف خلال اسبوع من يوم الاحد الا يعالج مريضين اكثر او يتدخل ف حالات اكثر او يدخل عمليات اكثر فريقه الا يفوز
سليمان:تمام بس عندي شرطين طبعا
نعمان:الاهوا؟
سليمان :احنا رؤساء الفرق مالنا شغل ما يحتسب لنا شي التعب كله ع الفريق ذا اول شي
نعمان:هه اكيد لو دخلت انا كنت فزت بذا التحدي المستشفى كله يشهد لي
سليمان:اووه طيب لا مشينا نسأل الموضفين ب الشهرين الا طاف مين ف الترند انا والا نت
صلاح:ترند المستشفى طبعا
نعمان:والشرط الثاني؟
سليمان:انو كل واحد يتحاسب لوحده ما تجمع تفرد
نعمان:طيب اتفقنى اجل ؟(ومد يده عشان يصافحه
سليمان:اتفقنا (وصافحه
وراح نعمان
نفظ سليمان البالطو تبعه وشاف عبد الرحمان ب ط ريقه
سليمان :دحيم اجمع الفريق كلهم وتعالو ل مكتبي بسرعه
عبد الرحمان:طيب
ونادا ع كل الفريق وراحو لمكتب الدكتور سليمان وكانت اضواء من ضمنهم والكل مستقرب ليه الدكتور سليمان استدعاهم
كان سليمان معصب لما شاف اضواء فطس ضحك
يوسف(شخصيه يدق الميانه مع أي واحد):ما اتوقع ناديتنا بشكل عاجل عشان تضحك ي دكتور؟
سليمان:اا طيب اسمع هههههههههههههه
اضواء بصوت مره خافت:الله ياخذك
سمعتها نبراس:صار شي بينكم ؟
اضواء:بعدين
سليمان وهوا مبتسم:طيب اسمعو طبعا تعرفو الدكتور نعمات
خالد:نعمات؟ قصدك نعمان؟
سليمان:ايه هوا المهم و كيد تعرفو الخلاف الا بيني وبينه ؟
يوسف:يووه ومين ما يعرف نسميكم بيننا خطان مستقيمان لا يتقاطعان ابدا
عبد الرحمان:يوسف مو كانك طيحت الميانه مره الله يحفظك؟
سليمان:المهم بيننا تحدي من يوم الاحد الفريق الا يعالج حالات اكثر هوا الفائز
يوسف:حلوو عاجبني انا موافق
اضواء بهدوء:بس دكتور مو انك تحط حياة المريض ف تحدي كأنك تستهون فيه؟
صمت ل ثواني
سليمان قامط ومركز نضره عليها :هوا الا حدد كيف راح تكون التحدي
اضواء بهدوء تأديبي وتناظره كمان :حتى ولو المفروض انك ما توافق ذي بشر ارواح لو فيه مريض درا عن ذا التحدي يقدر انه يرفع عليك قضيه من حقه
صمت لثواني اطول من قبل
يوسف:بوووووووم قمطه الزوجه الاولى
عبد الرحمان :ياخي يوسف ياخي يوسف انكتم وش دخلك كل ما تتكلم تجيب العيد اكثر
يوسف:حاظر
استوعبت اضواء وش عملته وباعدت نظرها عن سليمان
سليمان مصدوم شوي من الا صار:وااو البدايه قويه كيف بعدين الله يعينني
الغرفه كله فطس ضحك
خالد:انت ف موقف لا تنحسد عليه يدكتور
سليمان:المهم خل اكمل ب اقسمك اقسام وانتو حاولو انكم تركزو ع الا بأكلفكم فيه طيب ؟
الكل :طيب
مسك سليمان جواله وارسل رساله وحط الجوال ع المكتب وصلت الرساله ل اضواء مكتوف فيها:تراني ما نسيت موضع التسجيل المكالمه
سليمان :خالد واضواء وميعاد راح تهتمو انتم ب المرضى حاولو قدر الامكان تهتمو ف اقصى حد من المرضى طبعا اذا ماكان فيه أي ضغط عليكم لا تضغطو ع نفسكم طيب؟
خالد واضواء وميعاد:طيب
سليمان:ويوسف والدحمي ونبراس انتم العمليات
ميعاد:ليش هما بس يدكتور الا يدخلو العمليات حتى انا ابي ادخل عمليه
سليمان:انا اشوف ذولا الثلاثه عندهم قوه تحمل قويي تفاجئت لما سمعت الدكاتره الجراحين يتكلمون عنكم لما استقبلتو حاله الحادث قبل امس كان عندك تحكم وتماسك قوي الدكتور واقف من المنظر الا شافه وانتو تحاولو تتحكمو بحالته الدكتور صالح قال انو المنظر كان مره فضيع حتى تردد ما كان واضح عليكم ولا خوف ولا حتى انكم تقرفتو حتى انكم كنتو تلقون الاوامر كأنكم جراحين حقيقين
نبراس وعبد الرحمان:شكرا دكتور
يوسف بثقه:هاها مستقبلي جراح عالمي اكيد
سليمان: ياخي يوسف ياخي يوسف
ميعاد:بس دكتور ذا مو سبب يخليك تستبعدني من الجراحه ؟
سليمان:لا مو ذا السبب ترا انا مراقب كل واحد فيكم وانتي كل ما تخرجي من عمليه تجيك دوخه وغثيان اعتقد وما استبعد انك تستفرغي وتقرفي الاكل عشان كذا انا احاول استبغعدك من العمليات خصوصا ذا افتره
ميعاد :طيب جربني اخر مره
سليمان :لا مابغامر خصوصا وانتي حاول مضر لك انتي والجنين
ميعاد ب صدمه :كيف عرفت اني حامل ما قلت لاحد انا ؟
سليمان:عيب عليك انا دكتور مو كخه يلا ميعاد واضواء وخالد يخرجو جراحينا يجلسو هاا ولا تاخذوها ذي منافسه بيني انا ونعمات
خالد:نعمان ي دكتور
سليمان:أي كان خذوها منافسه بينكم وبين نفسكم انكم بتطلعو امهر من ذي قبل والحين يلا تفظلو
فتح يوسف البياب ويأشر لهم يلا اخرجو
كان سليمان يناظر اضواء ويضحك ب شويش ولما كانت تمشي اضواء تقوله
اضواء بصوت خافت:لا تضحك لا تضحك لا تضحك
ولا زال سليمان يضحك خذت اضواء كتاب كان موجود ع المكتب وضربته ف راس سليمان ب خفيف وبسرعه وحطته وخرجت
ناضر سليمان ب الا كانو واقفين نبراس ويوسف وخالد وكانو واضح عليهم الصدمه والتفاجئ
سليمان:ما عليكم امور زوجيه ايوا وين كنا ؟
ف مكان ثاني ب الشركه
كان فيصل معصب من الانتاج الا انتجه موضفينه ما عجبه راح للسكرتير حقه
فيصل:انزل تحت والاقي الموضفين كلهم الا ف القبو والا ف الدور الثاني كلهم منتظريني تحت بسرعه
بعد ما اجتمعو
فيصل بعصبيه:مشاء الله شغلكم مره رهيب يعني ما توقعته يكون بذا الفخامه
احد الموضفين:الحين انت معصب ي استاذ والا راضي عن شغلنا يعني ما فهمنا ؟
فيصل:الكتلوج مين المسؤل عن تصميمه؟
مريم(زميله بدور:اقول بدور وشبه زوجك معصب؟
بدور:مدري
احد الموضفات:بدور
فيصل:ما كلفت الموضفه بدور بأي شي
نفس الموضفه :الكتلوجات عليها ي استاذ
فيصل:انا اقول انا ما كلفت بدور بأي شي
نفس الموضفه:ليه تدافع عنها بس لانها زوجتك واصلا كلنا نعرف انو بدور هي المسؤله عن الكتلوجات محد راضي يتكلم هنا لانو هي زوجتك
ناظرها فيصل:وش اسمك انتي؟
الموضفه:وشو بتفصلني؟مو لازم من وقت ما ملكت ع بدور صرت اشك ف الموضوع اصلا انا باقدم استقالتي
خذ نفس فيصل:تبين تستقيلي المكتب فوق قدمي استقالتك وخذي ملفك وخذي اتعابك من المحاسب ومع السلامه ما اطرد موضفين كذا من الراس ذا اول شي ثاني شي ماني عجوز مخرف ما اتذكر الا وكلفتهم ب الشغل بدور ما كلفتها شي وكلام يوصلكم ويتعداكم اول واخر مره اسمع احد يشككني بشغلي او كيف ادير ذي الشركه مفهوم؟
بعض الموضفين :حاضر استاذ
والبعض الثاني:عداك العيب استاذ,,محشوم استاذ(وزي كذا
فيصل ناظر ساعته:يلا كلكم روحو بيتكم
احد الموضفين:الساعه 5 ونص بدري
فيصل:ابي اشتغل ب راحتي ولوحدي يلا كلكم ارجعو لبيوتكم
وبداء يمشي لمكتبه بعدها التفت للموضفه الا تكلمت ب البدايه
فيصل:أأأ وانتي وش الا حارك تغيرت والا لا ؟والا مقهوره من بدور لانها دايم تخطف النظار ومتفوقه ف شغلها وتزوجت المدير ؟؟ هاذي امور زوجيه بيني وبينها وتمنى محد يضايقها ب ذا الموضوع(وبعدها راح
بعد دقايق لما الشركه ما بغى فيها احد تقريبا
مريم :تكفين نور تعالي معاي خايفه يشوفني المدير يصارخ عليا
نور :طيب يلا بس بشويش بدون ما المدير ينتبه لنا
طلعو للدور الاخير لمكتب مريم لما سمعو فيصل يتكلم بصوت مرتفع
فيصل:ي بدور الله يهديك ارجعي بيتك اكيد ليان محتاجاك الحين روحي
مسكت بدور الجوال ودقت
بدور:الوو ..ليان اسمعي انا بأتأخر ف الشغل حبتين تقدري تنتبهي ع حالك؟,, ما عليك الحين ب ادق ع وحده من البنات اضواء او سمر يجلسو معك,,لما ارجع البيت افهمك كل شي ,,طيب اذا تبين أي شي لا تترددي تدقي عليا طيب؟,,طيب حياتي باي (وقفلت
فيصل:بدوراقولك ارجعي بيتك
بدور:قلتلك لا
فيصل:بصفتي المدير اقلك ارجعي
بدور:وبصفتي زوجتك ماني راجعه
صمت لثواني
فيصل بضحك:هههههه طيب تعالي للمكتب
بدور:تدري انو انا الا كلمت بتمشي ليش تعاند ؟
باعدت النقاب والطرحه وحطتها ع الكنبه وجلست تشتغل مع فيصل
مريم:كيوتين
نور:يهبلو مع بعض,خذيتي الا تبينه؟
مريم:يوه نسيت يلا رحنا
ف مكان ثاني
كانت تكلمه ع الجوال
بدر:ايوا وش تعملي الحين ؟
ليان:ابد جالسه اتفرج لمسرحيه مدرسه المشاغبين(هي كفيفه ما تشوف ولانو اللسان متعود ع كلمه اتفرج ف قالت اتفرج بدال اسمع
بدر:غريبه ع غير العاده ما قلتي انا وبدور ؟
ليان:لو بدور هنا كنت باكلمك ب الصاله؟
بدر:اختك مب هنا ؟؟
ليان:اصلا هي ما ترجع الحين بالعاده ترجع 7 وحولينها قبل شوي دقت عليا وقالت انها بتتأخر شوي
بدر:يعني اقدر اجيك الحين؟
ليان ب شوي خجل وتردد:اوكي
بدر: الحين اجيك احبك(وقفل الخط
ليان بدت تناقز من الحماس وترتب شعرها وتخط لها قلوس(ملمع شفاه)وتتلمس ملابسها ووجهها اذا كان مو مرتب او وصخ خرجت تنتظره ف الحوش بعد انتضار دام ربع ساعه او اكثر حست بأحد نقز ف الحوش عملت حالها ما انتبهت ولما كان بيفجعها
ليان :بدر لا تحاول عارفه حركتك
بدر:اوووف لازم اغير حركه اجل
ليان :هههه
شمت ليان ريحه الورد
ليان:ورد؟
بدر:ايوا دوار الشمس يناسبك
خجلت ليان وخجل شوي شوووي شوووووي معاها بدر
بدر:ايوا كمان خذي ذا
ليان:صندوق؟
بدر:افتحي غطاه
فتحته ليان وقربت وجهها من الصندق حست بشي ناعمه وصغيره يضرب وجههاا بنعومه
بدر:هيي وقف وش تسوي؟(وخذا الا جوا الصندوق
ليان:وش ذا بدر؟
بدر:ادري انك تحبي القطاوه جبتلك اثنين واحد من النوع ماين كون لونه بني والثاني بورميلا لونه رمادي جبتهم صغار وش بتسمينهم؟
ليان متحمسه :بدر ماني عارفه وش اقولك يعني شكرا ما تكفي بس ..احبك
كان واضح شوي ع بدر انه خجل شوي
بدر:وش بتسمينهم؟
ليان:براون(بنتي ع لون القط)قريي(رمادي)حلو؟
بدر:ايووا حلو
خذتهم ليان وتلعبهم:يما فديتهم عيالي
بدر:عيالك وحدك؟
ليان:هممم؟
بدر:يعني مو عيالي كمان ؟
ليان بخجل واضح ع وجهها :اجل عيالنا؟
بدر:يب عيالنا الين نتزوج ونجيب عيال حقيقيين
ابتسمت ليان ابتسامه مره جميله وظريفه :من جد الين نتزوج ونجيب عيال ؟؟
خجل بد كثير وغطى فمه بعكس راحه يده وباعد نظره عنها :ايوا لين نتزوج وجيب عيال
ضحكت ليان ضحكتها اللطيفه وهي تلعب مع القطاوه وكان بدر جالس جنب ليان يلعب ف خصل شعرها الا صار طوله لكتوفها
يتبع
وسوري ع التأخير ذ الا طلع معاي
توقعاتكم وارأكم
وقدرو تعبي ب اشتراك وتصويت ونشر واحب اقراء تعليقاتكم وتقبل ارائكم والا عنده فكره للبارت الجاي يكتبها وبيرسلها لي خاص
تشااو
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!