البارت السابع والعشرون
يوم السبت الساعه7الصباح بتوقيت سويسرا كانت تكلم بيلسان
بيلسان :كيف العرسان ؟
ليان:الحمد الله كويسين وانتي؟
بيلسان :حتى انا بخير وخلودي وانتي عساكم بخير ؟؟
ليان:كويسين خلودي جالس يشخر جنبي
بيلسان:ليان ب أسألك سؤال وجاوبيني بصراحه
ليان:وش سؤالك ؟
بيلسان:وش بيصير بينك وبين حبيبك؟
ليان:هاا؟؟
بيلسان:قصدي الرساله الا خلتيني اكتبها له ذي هي اخر علاقتكم ؟
ليان:وش تتوقعي ي بيلسان ؟
بيلسان:يعني ما راح يكون فيه أي تغير ب علاقتكم؟
ليان:لا خلاص ب احاول اني امسح بدر من حياتي
بيلسان:ماراح تقدري ذا حب وانتي حبيتيه ماراح تقدري كذا تمسحيه من حياتك
ليان:اجل باخليه مجرد ذكرى
بيلسان :والذكرى ما توجع ما ترجع ؟
ليان:بيلسان اشبك كل ما ابي اقفل صفحه بدر ترجعي تفتحيها
بيلسان:لانو من كلامك ووصفك وكيف انك تحبينه حراام تتركينه ما ينفع الولد شاريك بدم قلبه يحبك وانتي تحبينه
ليان:انا الحين صرت عاهى عليه
بيلسان بتنرفز:وش عاهى مين قالك مين فهميني محد قال ابد انك عاهى ولا احد وذا حبيبك اكثر واحد فاهم ذي النقطه وتفكيرك المعاق ذا عشان كذا يبي ي حسسك انك مب عاهى ع احد جبلك هدايا ويسولف معك ويضحكك حتى وصلت لدرجه انو يفضي وقت عشانك معطيك وقت مخصص يسولف معك وكمان اذا امداكم يزيد عشان ما يحسسك ب الوحده ولا انك غالبه احد
ليان:هوا كذا والا كذا ب انهي علاقتي معاه
بيلسان:ليييه ؟
ليان:لانو بدور عرفت بعلاقتي ومتضايقه من ذي العلاقه وكم مره تقولي اني اقطع علاقتي معاه والا بتتعامل معي ب اسلوب ثاني وللأمانه ما ودي انو اختي الكبيره تقلب عليا
بيلسان:طيب ليان
ليان:ايوا
بيلسان:لساتك تحبينه مثل اول ؟
اخذت ليان نفس:احبه ي بيلسان احبه واموت عليه يوم اني تركته حسن انو قطعه مني تركتها ومشيت باضل احبه اليوم وبكره الا وبعده بدر الشخص الا ضليت ثلاث سنوات احبه دون ما اعرف وش اسمه دون ما اتواصل معاه بس صوته يرد ع مسامعي كلمات معينه وملامح وجهه كل ما اغمض عيوني اشوفه شكلو الله ما كاتبلي اني اكون معه
بيلسان:ليان
ليان:خلاص قفلي السالفه تعبت ابي ارتاح شوي
بيلسان:معليش اذا ضغطت عليك
ليان:طيب يلا مع السلامه
وغفلت الخط وكانت اختها تسمعها من ورا الباب وانصدمت من كميه الحب الا تكنه ليان ل بدر
صارت الساعه 12 ونص بتوقيت السعوديه وتحديدا الرياض
ف بيت ابو هند ابو سمر
ام شهد زوجه ابو سمر:الحين من جد بتجي ذي سمر ؟
شهد:ما اتوقع من وقت ما خرجت من ذا البيت وهي ما عاد دخلته تقولين تبي الفكه
هند:وانتي وياها وش حارق رزكم ؟
ام شهد:الحين هاذي سمر بتجي والا بس تهلس و تشغلنا ع الفاضي؟
هند :وليه قالوكم شهد وامها ؟؟
ابو هند وهوا يلاعب تولين و عبدالمهيمن عيال هند:يبا هند خلاص
هند:يبا وبكل وقاحه يقولو عن اختي كذابه
ابو هند:ما عليك الحين بتجي وبتنقلب علوم وجههم
ام شهد:لا تتأمل كثير الحين تسحب عليك
ابو هند:لا بأتأمل فيها هاذي بنتي وانا اثق فيها ولا قالت ب تجي يعني بتجي
وما بين كلامهم دق جرس الباب راحت هند تفتح الباب والابتسامه شاقه وجهها وبعد ما فتحت الباب
هند والفرح واضح بصوتها:نورتي بيت ابونا ي سمر
سمر وبصوت عالي:النور نور اساس البيت عمود البيت كبير البيت
اختفى التوتر والخوف الا كان حمله ابو هند ف قلبه لا تكون بنته جايبته معاها وعرف انو بنته الصغيره جت بقلب ابيض من ناحيته
فصخت عبايته وعلقته وبعدها دخلت وسلمت ع راس ويد ابوها
سمر:كيفك يبا؟
ابو هند:الحمد الله نحمده انتي كيفك عساك طيبه شخبارك وشخبار زوجك وكيف حياتك؟؟
سمر:بخير الحمد الله وكمان علي بخير
ابو هند:يبوك وش ذي القطيه لا تجين ولا نشوفك ولا نسمع صوتك حتى وان زعلتك عصبتك تراني ابوك انتو قوتي كلمه منكم ترفعني وتنزلني احتاجكم ف حياتي
سمر:حقك عليا يبا وانا اسفه والسموحه منك بس انا اقتنعت ف فكره انك زوجتني غصب ولا اقتنعت انك عملت ذا لمصلحتي
ابو هند:معذوره ي بنتي معذوره ي سمارتي اهم شي انك مبسوطه ب حياتك ومع زوجك وزوجك مريحك
سمر:ايه يبا مره علي مريحني وما يقصر معاي ومرتاحين ومبسوطين مع بعض (ومررت يدها ع كرشتها الصغيره بس عشان تبين انها حامل
ام شهد عشان تنرفزها:واضح انو مره مريحك اشبك سمنتي ي سمر ف بيت ابوك كنتي نحيفه وجسمك حلو وتزوجتي ورحتي عندها خرب جسمك وصرتي سمينه
هند:سمينه؟
سمر:هههههه قال سمينه لا مو من جد ذا شي يصير بعد الزواج اسمه الحمل ي قلبي
ابو هند:حامل ي بابا سمر؟
سمر:ايوا ي يبا حامل
ونزل ابو هند دمعتين وبداء دراما الله ي بناتي كبرتو وتزوجتو وصرتو امهات سقى يوم كنت اعلمك المشي ومن ذي المواضيع والبنات جالسين حواليه خلاص يبا لا تبكي احنا حواليك وما بنفترق عنك ومن ذا الكلام وكانت شهد تناظرهم نظره تشويق وفقد لحنان الاب والحزن كأنها طفله غارت من ذا المنظر الا قدامها وتبي تسويه بس ما تقدر لان امها فرقتها عن ابوها وهي صغيره اما ام شهد الا كانت تولع نار الغضب لانها عارفه رجوع البنات كلهم ل ابوهم راح يخرب عليها كونها كانت تتحكم ب ابو هند وتلعب بعقله وبحلاله
مرت الايام بسرعه ورجعو العرسان كلهم من شهر العسل
الليل كان سليمان يبي ينام واضواء جالسه تتفرج لفلم
اضواء:سليمان؟
سليمان:اضواء
اضواء:باترك الشغل
عدل سليمان جلسته:ليش؟
اضواء:لاني مخططه من اول اني لما اتزوج راح اترك شغلي
سليمان:وليش ب تتركي الشغل؟
اضواء:لاني انا اعرف نفسي ما راح اقدر اوفق بشغلي وبيتي وكمان لما انت تداوم اقوم اصباح اعملك فطور وترجع من الدوام استقبلك واعملك الغدا واذا كنت مشغول من الدوام اجي افرفش عليك بدال ما نكون كلنا مضغوطين وش رايك؟
سليمان:ع اني اشك ف سالفه تقومين عشان تعمليلي فطور بس يصير خير
اضواء بنبره الدلع البديهي الا يجي مع انزعاج وتمديد الاحرف :سليماااااان
سليمان بنفس النبره:اضوااااء
بوزت اضواء
سليمان:هههههههه اسمعي عمري انا الحين حيييل تعبان وراسي مليان نوووم لما اقوم من النوم نتفاهم واتركي الافلام ذي ونامي تمام عمري يلا تصبحي ع خير(وانسدح وتغطى ب اللحاف ونام
اضواء:انا حتى ما قلتلك تمام اوووف تمام اخلص ذا الفلم وانام
وكملت متابعتها للفلم
مرت خمس شهور حياة ابطال روايتنا حوه وهادئه حييل غير ليان الا تقوي نفسها وتحاول تنسى بدر بس هيهاات اما بدر انقلب حياته 180 درجه لا عاد يخرج بس الجامعه والمسجد والسوبر ماركت اذا يبي شي ما عاد يخرج مع خويانه ولا عاد يجلس مع اهله وااضح عليه الإكتأب وحابس نفسه وبغرفته ولا يخلي احد ابد يدخله ولا احد
يوم ولاده سمر الساعه9 الصباح
فغرفه سمردخلو اضواء وبدور اما ب النسبه علي الا كان واقف ب الممر ووجهه خالي من المشاعر منت عارف هواقامط العافيه خايف متوتر ما تدري وسطام وايمن يضحكو ع علي وقال يهدونه
سمر بصراخ:ماااني والده ما ابي اولد
ساره:بكيفك هوا
سمر:يوجهععع
تهاني:شي طبيعي انو يوجع طفل بيخرج منك جزء منك راح يطل ع الحياه
سمر:لااااااااااا ما راح اوللد لااا اهواهواهو اهو ياااه اها اها اها
الممرضه:يجماعه الرحم صار 9 ولاده الحين اذا تقلص راح نولدها قيصري
سمر:كيف القيصري ؟
الممرضه :يعني عمليه
سمر:عمليه يعني بنج طيب قيصري
بدور :لا ي ثوره طبيعي احسن صح انه متعب بس احسن
سمر:لا لا لا ااااااااااااااااا
اضواء:انتي بس تفكري ب راحتك فكري ب البيبي ب صحتك ب السلبيات بعدين
ساره :خلوها دواها عندي تدرين ي سمر لما تولدي قيصري انو جسمك يخرب ويصير كتل دهنيه ف جسمك كثير ويتصيري وييع وعاد شوفي علي رجال طول ب عرض حلو ويخقق البنات كلهم ويشوف نفسه ويشوف زوجته كيف ويبدا يقرف منك وبعدها ييكلم البنات ويتواعد معاهو ومدري وش والله اعلم اذا بيتزوج عليك والا لا
سمر:والطبيعي؟
ساره:لا يرجع جسمك مثل اول واحلا كمان مع الرياضه والاكل الصحي شوفي جسمي كيف وانا والده مرتين وكمان شوفي تهاني اجسامنا عسل كلنا الاثنين ولدنا طبيعي وحافضنا ع رياضتنا
سمر:لو سمحتي
الممرضه :ايوا ؟
سمر:طبيعي
واخيرا وافقت ولما كانت رايحه لغرفه الولاده ب الممر وهي تصارخ والكل معاها وعلي اولهم
بدور:سمر ترا الحرمه الا تولد باب السماء تكون مفتوحه لها
اضواء:ادعي امكن الله يستجيبها لك
سمر وهي داخله غرفه الولاده وتصارخ:بادعي عليك ي علييييييييييي
علي :خيير وش سويت؟
الممرضه :خلاص حدك لهنا
الساعه 4 ونص العصر اعلنو ولاده سمر ب توأم
رائد و رويده
هاذي أسماء اطفال سمر وعلي وخييرا صارت سمر ام الحين بدور واضواء منتظرين هل سمر بتعقل وبتسير رزينه وهاجده والا لا
بعد يومين ب الضبط
ف العياده النسائيه
......:كيف يدكتوره يعني انا ماراح اقدر احمل؟؟0
يتبع~~~~~~~~~
سلام عليكم
احسني فخووره اني نزلت بسرعه بعد ما نزلت البارت الا طاف يعني فيه امل اني اكتب البارتات بدون تأخير زي اول
المهم
وش رايكم ب البارت
كيف راح تكون حياة علي وسمر بعد ما جابت التوأم
بدر وليان هل راح تكون هاذي نهايه علاقتهم ؟
مين هاذي الا ما راح تقدر تحمل ووش راح تعمل مع هاذي المأساه
قدرو تعبي بتصويت واشتراك ونشر واحب اقراء تعليقاتكم واتقبل ارائكم واذا عندك اي افكار جديده ارسلوها لي ع الخاص عشان اضيفها بس بشرط تكون مسايره لل احداث وتعملو حساب البيئه الا عايشينها و العادات والتقاليد واشياء منطقيه
افكر انو انهي الروايه قولولي كم بارت تبونه يكون وانا باحاول اني اخليه ع العدد الا الاكثر يصوت عليه
الي اللقاء
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!