الفصل الثالث

رواية خطيئة فريدة الجزء الثالث 3 بقلم مصطفى جابر خطيئة فريدةرواية خطيئة فريدة الحلقة الثالثة أي بتبصيلي كده ليه يحماتي أنا معملتش حاجة أنتي اللي فاهمة كل حاجة غلط أنا كنت بكلم الراجل بتاع الكهرباء بأدب بس يمكن عشان كبرتي في السن ومبقتيش تسمعي زي الاول ونهايتك قريت فا اتهيئلك إني بعمل حاجات مش كويسة. حربية بغضب: فاهمة غلط؟

لأ يا روح أمك أنا فاهمة صح وصح أوي كمان أنتي عايزة تفضحينا زي ما فضحتي أهلك بس هنا محدش هيسكت لك واما ييجي جوزك يتصرف معاكي فريدة بتوتر : اللي تشوفيه يا حماتي. حربية بغل : خشي شقتك وأياكي تكرري التصرفات دي تاني سواء مع محصل كهربا ولا مع بياع عشان لو اتكررت والله هتندمي ندم عمرك وده هيكون آخر يوم ليكي هنا بس مش قبل ما تتعاقبي عقاب مش هتشوفيه في أفلامك. فريدة ببرود: حاضر مش هتتكرر حاجة تاني.

حربية بقرف: لا يا اختي غوري شوفي هتعملي اي جتك القرف. …. بعد مرور أسبوع.. فريدة هي عايشة في جحيم الخدمة والإذلال هي بتشتغل بصمت… في يوم عيسي كان قاعد مع امه… دخلت فريدة بدلع: عيسى أنا عايزة أقول لك خبر حلو. عيسى وحربية بصوا لها بملل .. فريدة بفرح ودلع : الف مبروك عليكم أنا حامل والدكتور قال في الشهر الأول. حربية بذهول: شهر إيه اللي بتقولي عليه إزاي شهر أنتِ لسه داخلة بيتنا انتي بتكدبي يا بت انتي.

عيسى بسخرية : هدي نفسك يا أمي شكلك نسيتي إننا كنا متجوزين عرفي يا حبيبتي. حربية بقرف: يا عيني علي الشريفة اللي انت جيباها لي يا حسرتي عليك. فريدة ببرود : مش هضيع فرحتي وارد المهم إننا ربنا هيرزقنا بولد أنا حاسة كدا ونفسي أووي يكون ولد شبهك بالظبط. حربية بسخرية: دلع ماسخ وملهوش طعم. فريدة بتجاهلها: بس يا روحي انا نفسي في ولد ونفسي كمان في حاجة تانية أوي. عيسى بملل: إيه تاني يا فريدة عايزة إيه.

فريدة شورت على رقبتها: الوحم صعب عليا أوي نفسي في سلسلة دهب سلسلة تجنن تكون هدية مني ليك للبيبي اللي جاي. حربية بسخرية: دهب إيه يا بت ده أنتِ لسه منضفة بيت البهايم الصبح أنتِ فاكرة نفسك بنت الباشا عشان تتوحمي على دهب. عيسى ببرود : مفيش دهب يا فريدة أنا مش معايا فلوس للكلام الفارغ ده لسه مرتبنا مش هيكمل الشهر.

فريدة بغضب : مش معاك فلوس غريبة يعني لما جبت لأمك الجلابية والجزمة الجديدة الأسبوع اللي فات كانت الفلوس موجودة ولما الفلوس تيجي عند مراتك وأم ابنك تقول لا. حربية بغضب: اخرسي يا قليلة القيمة أنا مش زيّك أنا أمه اللي يصرف على أمه مابيندمش. فريدة بغل : وده معناه إن مراته لازم تتهان وتتهزق وتلبس هدوم مقطعة وتتوحم على التراب. عيسى بغضب: اخرسي إياكي تقارني نفسك بأمي تاني أمي اللي شالتني أنتِ مين عشان أقارنك بيها.

حربية بشماتة: أيوة كده يا ابني أنت راجل أنت عارف قيمة اللي ربتك البت دي مش فاهمة يعني إيه أصول ولا تعرف يعني إيه أم دي عينها على الفلوس وبس. عيسي بسخرية: تبقا مغفلة اوي شكلها نسيت ابوها. حربية بخبث : آه صحيح أنتِ يا مدام قول لي أبوكي بيشتغل إيه بالظبط الراجل اللي رباكي ومكنش معاه يشتري لك هدمه او اللي طردك. عيسى بسخرية : أبوها يا أمي بيشتغل في الطوب باليومية فاكرة كنت بشوف البيت كان علي قده اوي.

حربية بسخرية : يا خسارة يعني البنت كانت بتتمنى تخرج من الفقر عشان تروح لواحد يعوضها بس نابك علي شونه ابني اكيد مش هيصرف عليكي مليم ابقي روحي لابوكي. فريدة بغضب : أيوه أبويا شغال في الطوب ومش زيكم على الأقل بيته مفيش فيه قذارة وبيعامل الناس بشرف مش بيضرب مرات ابنه بالشبشب ويحبسها أهل بيتي شرف ليا.

حربية بسخرية : شرف إيه اللي بتتكلمي عليه شرف إيه يا مدام الطوب ده أنتِ عرتيهم وهربتي من وراهم واتجوزتي ابني عرفي ناس مابتفهمش في الأصول. حربية بصت لعيسى بملامح كلها غل: اسكت يا ابني دي تربية شوراع مش كفاية إنها اتجوزتك دي زمان كانت بتسرق صاحباتها في المدرسة سمعتها زي الزفت أنت فاكرني مابعرفش حاجة. … فريدة بصت لحربية بصدمة وذعر حقيقي رجعت خطوة فريدة بصوت متوتر ومبحوح…

فريدة بتوتر: أنتِ كدابة أنا عمري ما عملت كدا أنتِ بتخرفي. حربية بخبث: أنا أنا اللي بخرف إسألي عنك في الحارة القديمة الحتة كلها كانت بتعرف إنك حرامية الشنط كنت بتسرقي الفلوس من شنط البنات اللي بيتعاملوا معاكي. فريدة بعصبية: دي بتألف يا عيسى أنت هتصدقها. عيسى ببرود: هي ممكن تكون مش بتألف يا فريدة مفيش حاجه بعيدة عنك. حربية بسخرية : شوفي يا ابني ازاي هتربي لك ابنك بقا. فريدة بغضب : هربيه وهتشوفي و هندمكوا كلكم هتندموا.

.. طلعت فريدة تجري من قدامهم والدموع في عنيها… .. بليل.. فريدة كانت بتمسح الصاله سمعت عيسي بيتوشوش في التليفون. عيسى بابتسامة: يا روحي وحشتيني يا عسل. .. فريدة كانت بتسمعه..

عيسى بهمس: لا متخافيش البيت هادي خالص البت اللي هنا دي عرفت مقامها بقت خدامة زي ما أمي عايزة بالظبط.. … أيوه يا قلبي بجهز لك الشقة خلاص أنتِ عارفة أنا عملت كل ده عشان نعرف نتجوز بالراحة ومن غير وجع دماغ الخطوبة هتبقى الأسبوع الجاي وهنكتب الكتاب بعدها على طول. الصدمة حسست فريدة إن الدنيا بتلف بيها هو بيخونها وبيخطب واحدة تانية ومقعدها هي في بيته زي الخدامة..

عيسى بسعادة: مفيش كلام تاني عايز أشوفك يا خطيبتي انتي اللي تستاهلي الشقة والدهب مش اللي قاعدة هنا تخدم فينا دي واوعدك هخليها تخدمك كمان. فريدة ما قدرتش تستحمل أكتر من كده الدم غلى في عروقها فتحت الباب بعنف .. فريدة بزعيق : يا واطي يا خاين مين دي اللي بتكلمها شقة وخطوبة إيه اللي بتتفق عليها يا كداب. عيسى ببرود : آه يا فريدة بتكلم واحدة تانية إيه المشكلة يعني.

فريدة بصدمة: إيه المشكلة أنا مراتك أنا حامل منك يا خاين أنت بتهزر صح. عيسى باستفزاز: بهزر لأ دي هتبقى مراتي التانية يا شاطرة وهي اللي هتجيب لي العز مش الفقر بتاعك أنتِ كنتي غلطة وقت وخلص. فريدة بهستيريا: غلطة يا سافل يا كداب أنت كنت بتضحك عليا طول الوقت ده ليه ليه مقعدني معاك زي الخدامة وأنت بتخطط لجوازك. … حربية دخلت.. حربية بملل: إيه الدوشة دي يا عيسى صوتك جاب آخر الدنيا.

فريدة بدموع : يا حماتي إلحقيني ابنك خاين بيتفق على الجواز من واحدة تانية وبيجهز لها شقة وبيسيبني أنا حامل في أوضة زي المخزن. حربية ببرود: وهو عمل حاجة غلط يعني ما كل الناس عارفة ده شرع ربنا يا حبيبتي عيسى راجل وعايز يتجوز. فريدة بدموع : شرع إيه طب أنا مراته وام ابنه.

حربية بلامبالاة: هو له حق يجيب أربعة مش دي مشكلتي…بصت لعيسى.. أنت معاك حق يا ابني شوف اللي يريحك البت دي من الأول مش بتاعة بيوت مش هتعرف تشيل اسمك ولا تربي عيالك زي الناس. عيسى بسخرية : اه والله يا أمي .. .. فريدة مرة واحدة عينيها بدأت تزغلل حست نفسها بيقل وقعت فاقدة واعيها.. حربيو بملل’ خليها مرمية زي الكلب كدا. عيسى ببرود: كويس أهي ترتاح شوية. حربية وهي بتشد عيسى من إيده: تعالي معايا وسيبك منها خليك تكمل مكالمتك .

… خرجوا وسبوها مرمية علي الارض…. .. بعد شويه.. فريدة بتفتح بتعب والم بتلاقي نفسها علي الارض.. فريدة بقهر: يالهوي سابوني سابوني كدا معندهمش لا قلب ولا رحمة.. .. دموع القهر بدأت تنزل من عينيها مش دموع خوف دي دموع مرارة الإهانة والوحدة صعب عليها نفسها بجد فريدة بتكلم نفسها بحزن وقهر…

فريدة بوجع: يارب أنا إيه اللي عملته في نفسي ده أنا بقيت فين مرمية على الأرض زي الكلاب ولا حد سأل فيا زي الخدامة اللي بتتصرف في نفسها أنا كنت فاكرة إني قوية طلعت ولا حاجة. فريدة بندم: فينك يا اما لما كنت بتعب وأنا صغيرة كان بيبقى البيت كله سهران أبويا يجيب لي العلاج وهو قلبه متقطع أمي ماكانتش بتنام إلا لما حرارتي تنزل كانوا بيحبوني بجد حتى لو فقرا .. .. حطت إيدها على وشها الدموع بتنزل زي المطر..

فريدة با نهيار : أنا ليه عملت فيهم كده ليه كسرت قلبهم عشان واحد زي عيسى واحد رخيص زي ده كان عايزني أكون هانم لأ كان عايزني مداس أنا فعلاً غلطت في حقهم كنت فاكرة الفقر هو العدو طلع العدو هو الخيانة وقلة الأصل ياريتني ما هربت ياريتني فضلت في بيتنا اللي مليان حب حتى لو مفيش فلوس.. …. قامت فريدة بصعوبة وهي بتنظف التراب من على هدومها الندم ده … فريدة بتوعد: بس والله العظيم ما هسكت. .. عند حربية…

حربية بمكر: كويس إنك سيبتها تترمي كدا سيبها تعرف مقامها الحقيقي بس اسمعني يا عيسى. عيسى بملل : نعم يا أمي في اي. حربية بخبث : البت دي خاينة وشغلها كله شغل رخيص إياك تسيبها معاك لما تولد البت دي مش مأمونة وهتخطف الواد لو سبتها لحظة. عيسى ببرود: فاهمك يا أمي مش هسيبها طبعاً دي هتترمي بالهدوم اللي عليها أول ما تخلص مهمتها .. حربية قربت منه أكتر.. حربية بفضول: انت هتعمل معاها إيه.

عيسى بمكر:احنا هنتحملها شوية يعني هبقى كويس معاها عشان متعملش دوشة في البيت وتولد الولد بالسلامة أول ما تولد هنطردها والواد هيفضل لينا مش عايزين البت دي تاخد منه حاجة. حربية بخبث : ايوه أنت كده ابني أنت كده بتفكر صح الواد ده هو الغنيمة بتاعتنا وهي هترجع للفقر تاني … فب اوضة حربية.. دخلت فريدة وماسكه مقص بغل وبدأت تقص هدوم حربية مش بتقصها بالراحة بتقصها بـ

فريدة بهمس: ده عشان الإهانة وده عشان المخزن وده عشان اكلمكم ودا لأبويا الغلابة مابيتنسوش يا حربية. في وسط القص والتقطيع شافت فريدة علبة صغيرة متخبية تحت المخدة فتحتها لقيت فيها دهب سلسلة وخواتم.. فريدة بابتسامة جشع : ودي عشان وحم الواد يا حماتي حق اللي بيتوحم على الدهب. فريدة حطت الدهب في جيبها بسرعة و طلعت من الأوضة بسرعة وراحت أوضة عيسى كأن مفيش أي حاجة حصلت..

بعد لحظات حربية دخلت أوضتها صرخة طلعت منها هزت البيت كله صرخة قهر وجنون.. حربية بصريخ : يا لهوووووووي هدومي كلها مين عمل كدا مين دمر هدومي الجديدة يا خراب بيتييي. عيسي دخل.. عيسى بصدمة: إيه ده يا أمي مين اللي عمل المصيبة دي.. دخلت فريدة ببراءة تمثيل : إيه يا حماتي في إيه يا نهار أبيض إيه ده كله. حربية بغضب: أنتِ يا زفته أنتِ اللي عملتيها يا قليلة القيمة مين غيرك ممكن يعمل كدا يا بنت الحرامية.

فريدة ببرود: أنا وليه أعمل كدا ده أنا كنت مغمى عليا يا حماتي والوقتي بس لسه فايقة أنا مالي ومال هدومك. حربية بغضب: كدابة أنتِ حقودة أنتِ عايزة تخربي البيت علينا. عيسى بجمود : كفاية يا أمي متظلميش فريدة كانت مغمى عليها دلوقتي ومستحيل تكون عملت المصيبة دي. حربية بذهول: بتقول إيه يا عيسى أنت بتدافع عنها.

عيسى ببرود : أنا بدافع عن مراتي يا أمي وبراحتك لو مكنتيش أنتي اللي عملتيها بغلطة عشان تخلي فريدة تبان وحشة يبقى ده عمل الشيطان بلاش تظلمي البت وهي حامل. فريدة بصتله بصدمه حربية بغيظ : يالهوي عليك يا ابني مالك كدا دي سحرت لك البت دي عملت لك عمل بتدافع عن واحدة قليلة الأصل زي دي قدامي. عيسى : شوفي مين اللي دخل الأوضة غيرك كفاية دوشة.

.. حربية لسه هتتكلم لكن عينها وقعت على العلبة اللي كانت تحت المخدة شافتها مفتوحة وفاضية… حربية بفزع: يا مصيبتي الدهب فين دهبييي الحق يا عيسى الدهب اتسرق الدهب تحويشة عمري اتسرقت اكيد بت الحرامية دي هيا اللي خدته حربية قريت من فريدة ومسكتها من شعرها: فين دهبي انطقيي بدل ما اخلص علييكي .. فريدة صرخت بأعلى صوتها بتمثيل وهي بتبعد نفسها من إيد حربية… فريدة بتمثيل: آآآآه سيبيني ابني ابني هينزل الواد هيروح يا مني يا عيسى.

عيسى بسرعة شد أمه بعيد عن فريدة بقوة: سيبيها سيبيها يا أمي كفاية بقى مش مهم الدهب الواد أهم. حربية بتهديد: هو اي اللي مش مهم دنا هسجنها مش هرحمها وهخليها تتعفن في الحبس. فريدة بصدمه: …..