رواية خيال الكحيلة الفصل الثلاثون 30 - بقلم nashwa_alsltani

مسائكم  جوري .... 🌹
#خيال #الكحيلة

#بقلمي_نشوى_السلطان

ادحك ساره وسراب ومنال يضحكن عليه .. واني نار وشابة بداخلي

طبيت للهول واني بحظنه لين اميره كبالي .....

هو رافعني بأيديه لفوگ ... واني دحكت الها صفح رفعت الها
تك حاجب ...

كامت الحيلها اول ماشافتني ... انخبصت كامت تعدل بشعرها

من شفتها كلت خليني اكون طبيعيه عليش اخليها تتشمت بيه

سكتت بقيت ساكته ... بصوت ناصي همست نززززلني سلطان

هو ماصد عليه كال الها الولد بره اذا شفتي فهد محتاج دكتور

اخذي وياهم....

اخذني واني بين اديه صعدني الأول درجة ... كتله سلطان اريد احدر وخر عني ... احاجي وداخلي نااااار وكوه متمالكه اعصابي
اريد بس انفجر  بالبجي 

شبيج يولي ...

هو يحاجيني نزلني .. حدرت وكفت على  ثاني. درجة
اريد اعبر وكف كبالي .. وخرت يمين 
تقدم كبالي .. يسار وهم جة وكف بوجهي ...

اميره اختفت من شافتني اخذت ابنها وطلعت للطرمة

اني تخوصرت كتلو وخر اريد اطلع ....

جتف اديه الاثنين وكال ماشي بس وين تطلعين

مووشغلك هذا ..

ايباااااه عجل شغل منو ياولي...

سلطان توخرررر لو لا

. لااا طبعا .. وحجي زايد ماسمع ...

صفنت واكف كبالي حاولت اطلع ماخلاني... صديت ورايه
كلت خل اصعد... شلت عباتي بيدي وصعدت اركض...

صاح لا تكعيييين يولي... ماصديت عليه ... طبيت اركض لفوك

دحكت كبالي الغرف صفنت وين راح ادخل مادري...
فتحت الباب وطبكته بسرعه ورايه قفلته بالمفتاح ...
واني انهت وكل جسمي يرجف... سمعت صوت خطواته جة يمشي

صاح يوووولي اطلعي... مالكيتي غير االحمام تختلين بي...
من كال هيج صديت لين اني بالحمام ... 

يحجي ويايه واني ماارد ...

كحيله كحلاء يولي .. لا تصيرين عقل جاهل افتحي الباب

.مافتحة سلطان روح عوفنيييي بحالي ... تعبت وياك يوميه صدمة

هي صدمة هاي يولي...

سلطاااااان مابيه احجي  تعرف التعب والقهر الي حمله گلبي كل هاي وكلت الحمدلله تهون ... يعني كبل صدمتني وضميت عليه
سالفه انك متزووووج قلبي .. وعديتها رغم ما جانت صدمة جبيره الي .. بس مال اجي والگاهه يمك لا هاي ماتحملها بعددد 

واني احجي سمعت صوت ساره ...

كحلاء اطلعي يولي صدك تحجين شو بالحمام ...

_ حاجيها فهميها ... كليلها لا تصير طفله .... كليله خل تطلع انتفاهم تره تعبااااان .. يومين مو نايم ...

ساره سلطان  بعد اختك دحدر هسه اني احاجيها ...

سلطان ... خل تطلع راح اعوفها ... بس ا تبقى جو حاره

كحلاء  سمعت خطوات رجليه وهو يمشي .. صاحت ساره فكي الباب كحلاء سلطان مو يمي والله ...

سحبت نفس وفتحت  علو كيفي ... واني ميته حررر

ساره ... يولي تخبلتي ليش هيج سويتي ...

كحلاء ... قهرني ساره هاي كل مره يقهرني واعديله ليش هيج ديسوي بيه ليش .... يعني داحس اول وتالي راح ترجع وتصير هي ام فهد  حرمتة سلطان واني .. شنو مصيري ...

مصيرج انتي مرته حبيبته ... يولي والله يحبج شوفي كلها تسولف
شمسوي بدونج ... تعاي اخذي هدومج وفوتي اغسلي لا تقهرين نفسج .. وتفرحين غيرج ...

غير لو اكدر اغسسسل بالي يم امي ومن  هين تلكتني اميره خربت حتى فرحتي...

حقج والله بس امج الحمدلله خابرنه هسه كالو زينه وصرغام اخذ اختج وراح الها ... لا يضل بالج ... صعدت هدومج اني وسراب
فوتي اسبحي ...

سلطان وينه ..!

عجييييب هسه انتي مو ماتريدي هههههه

لا بس اقصد .. يعني

هههههه ماشي  يمكن سلطان فات يسبح بغرفته ...

ليش ياهي غرفته ..!

هاي ثالث وحده غرفته ...

مممم ماشي انطيني هدومي اغسل واطلع والله مابقى هين حتى لو اعرف اعيش امي واهلي يم ام فاطمه ومابقى يمه

ماشي ماشي بس لا تقهرين نفسج وعيونج حمر وخشمج احمر
فوتي اسبحي ارتاحي...

انطيني الهدوم من يمج..  طبيت نزعت الحجاب علكته .. وره البال

صديت ... الحمام جبير  اوف والله مالي حتى خلگ اغسل
هموم العليه تعبتني واني صافنه طبت ساره كالت هاج اهدومج والمنشفةً علگتهم بالتعلاگة ...

كالت شتحتاجين صيحي عليه اني راح انزل اغدي ليلى ماكلت

دقيقه سلطان بعده فوك ...

والله مادري ماشفته شعليج بي عوفي اغسلي وانزلي 
مثل مااهي مهتمه بنفسها انتي هم داري روحج ...

ماشي ... شكرا ساره

على شنو حياتي ... احنه خوات ماسويت شي يله انتظرج

طلعت ساره ... طبكت الباب وراهه... دحكت عالباب خمو يبين شي ... لا امان ... قفلته وذبيت هدومي ...

فتحت الماي بالبانيو كللله ردت اترسه دحگت لوجهي بالمراية هاي شصايره اني يبووووووو دحگو  الحواجب

والله. جن عمي وطبان اول ماشب بهاي شواربي ...

فكيت شعري دحكت على شغلات الحمام شامبوات جسم مال سلطان ايبااااااخ يهتم بنفسو ابو فهد

ذبيت من الشامبوات بالبانيو سويت فقاعات بقيت انتظرو ينترس ماي

صار بي ماي للنص طبيت بي اهجس روحي استرخت اعصابي  جسمي مكسررررر
بقيت العب بالماي والفقاعات نسيت نفسي من قهري كمت اغني (يمحمد بووووويه محمد بچتلي ليييييش تتعمد ويمحمد خاف من الله ياعيني بويه محمد)  .. اي والله يبو فهد خاف من الله ...
يبو فهد اميره شعلت اهل اهلي..

ولين سلطان يصيح ... كحيله بس ديربالج عالماي لا يخلص

صفنت من كال هيج .. جيت الطخ راسي بالحايط .. عضيت اصبعي
وكمت اضرب على رجلي ... خرب حضي يعني ديگول سمعتج كمت اركض لفيت نفسي بالمنشفى  تأكدت من الباب اي مقفوول ... كمت اتخايل راح يقلع الباب ويفوت عليه ...
بسرعة لبست هدومي..  شعري يگطر ماي ...

صفنت خرب حضي شسويت اني ... هسه يكول ميته عليه
بلجي موت الي يموتك كحلاء ...

لفيت شعري بالمنشفى ... وطلعت... اتهدرس على كيفي ...
صفنت هسه على ياغرفه افوت ...

دحكت بصفي عاليسار غرفة ... فتحت الباب على كيفي ...
باوعت غرفة بيها اسره وكنتوو بس مابيه احد ... طبيت بسرعه وطبكت الباب ...  كعدت عالسرير...

الله شكد مدي انام ... شايله تعب بس الله يعلم بي ...
كمت اتحسر عالنوم ... كمت دحكت من الشباك عالبيوت ...

كلها حلوه ... رديت سديت البرده ... صفنت وين راح الكة مشط شلون راح امشط .. خل اشوف ساره ...

فتحت الباب ... وطلعت... باوعت ... عالممر ... غرفه سلطان الباب مفتوح شويه ... مممم الضاهر هينه استاذنا ... بقيت واكفه بمكاني وعيني عالباب...

مشيت خطوه وكفت ... كلت لا خل ارجع عشتو ... فوكاهه اروحله بنفسي ... اصلا اني اريد اعوفه اي والله خل اعوفه تاليتي وياه ضيم
اذا بدايتها هيج راح ابقى طول عمري اعاني... والهباطه على گلبي
صديت اريد افوت سمعت صوت فهد وسلطان يحجي بس مافهمت

گلبي لعب .. رجعت تقدمت خطوه اريد اشوف منو يمه
جان ينطبگ الباب ...

وكفت بمكاني لا بيه بعد اروح ولا بيه ارجع ...

ماتحملت ... مشيت بسد الباب ... وكفت ...

جت ساره... صاحت كحلاء ... انداريت عليها اشرتلها اششش

بقيت واكفه سمعت صوت اميره...

هين اني بعد حتى حيل مابقالي ... كمت ارجف ... كتلها ساااااره

اميره جوووه ...

_ مادري والله تعاي شبيج ... تعاي اكلج دحگي 

... تحاجيني ساره واني شلون حايط وكع فوكايه لشتي كلها ترجف .. ماتحملت فتحت الباب ودفعته .. سلطان صار بوجهي
مبدل وسابح ولابس دشداشة واكف ديمشط عالمرايه واميره بسده. فهد بالكاع كاعد  يلعب ... سلطان دحك عليه بالمرايه اول ماشافني كط الفرچة من ايده وصد عليه 

سلطان ... تعاي كحلاء ....

كحلاء بيدي كاضبة الباب وعيني على اميره ... فتحت شعرها وهي ادحك عليه رجعت لفته 

ماحجيت شي بقيت ساكته ودي انفجر بحزتها گوه تمااكت اعصابي
عفتهم وطلعت امشي ... ساره صارت جدامي كالت تعاي طبيت وياهه للغرفه  ...  ..اخذت شالي ...  وطلعت ... هدومي وين
ساره اريد اروح ...

وين كحلاء اسمعي مني ولج والله هي دتحاول تقهرج افهمي هالشي
سلطان  يحبج والله لو يريد گبل ماعرفج جان رجعها بس اميرة
ورقة وانطوووا افهمي هالشي

مااااااريد افهم تعبت وياه تعبت اني مامستعده اعيش العمر
كله خايفه لا يوم يرجعها ماناقصني شي حتى اكون زوجة ثااانيه

هسه منو كال انتي زوجة ثانيه هي طليقته

طليقته وكاعده يمه بغرفه وحدهم والبال مسدووود شيسموها هاي
تره النار البگلبي ماتهدأ .. عوفيني ساره اخذت شالي لفيته وطلعت

واني امشي ماصديت بس حسيت  سلطان بالباب جة يمشي
من عصبيتي حتى مانداريت .. حدرت اركض اريد اشوف احد يوديني ...

الهول مابي احد ..
ادور عالباب اريد اطلع حتى المكان تيهيته ...

طلعت امشي سريع من باب المطبخ ساره وسلطان اسمع مشيتم ورايه بس ما التفتت .. دحكت عالطرمة ..

كاعدات بالحديقة بس سراب رايحه للمستشفى هي وحرمت شيخ حامد

لكيت بس شهد وساره ومنال والحجيه ام ضرغام

صديت لين ذاياب واكف ... !

...جريت نفس وجهي نار رجليه توجف .. وكفت سلمت

ردولي السلام وذياب سلم عليه بس مادحك بوجهي

ساره وكفت بسدي كالت امشي كحيله تعاي نامي؟؟؟؟؟؟

...لا مااريد اريد اروح لأمي 

ذياب تكدر تاخذني ؟؟؟

اي تهيري اني هم اريد اشوف عمي ...
..
ماشي يلا بس ابدل ... 

..انداريت سلطان بوجهي

-مشكور ذياب اني اخذها تعاي ...

.. وكف بسدي .. همست بصوت ناصي وخر عني سلطان

..ساره بلا زحمه اريدج شوي  كحلاء ...

..دحكت الها ... شنو ساره اريد ابدل

بس تعاي اكلج بشغله گبل ماتروحين ... تحاجيني وعينها على سلطان ... صديت عليه خازرني بعيونه ... ماهتميت النار الي بداخلي خلتني ماشوف...

..مشيت ويه ساره طبينه جوه كلتلها اريد ابدل ساره

دمشي فوك هسه ....   اني ادليج ...

..الغراض مالتنه وين

..غراضج هين بهاي الغرفه انتي وسراب بس فوتي ...
طبت وسدت الباب ورايه ...

..ساره .. كحلاء  حاسه بيج اعرفج مقهوره وحقج والله بس لاتنطيها مجال هي فتره ورايحه وعلمود فهد لاتخسرين سلطان بسببها

..واني ؟؟؟ وگلبي ؟؟ شنو ماعندي احساس ؟؟ اشوف طليقة زلمتي جدام عيني هي وشعرها الاصفر ومكياجها وعادي ؟؟

ساره انتي تعرفين كلش زين النسوان حيالات اني وياج بنات ونعرف سوالفهن

..بس مو كل زلمة  يكع

..وداعتج اكبر زلمه يكع

..اطلع بملابسي واحاجي ساره اندگ الباب ...

ساره مفتوح فوت...

واني اطلع بالهدوم رفعت راسي لين سلطان كبالي

سلطان-شوكت اجه ذياب ؟؟

ساره .. جة قبل شويه 

.. دحگي كحلاء حجابج مايگع  من راسج  وطلعه للمستشفى ماكو تريدين تروحين اني بيدي اوديج ...

..ضحكت بستهزاء  بس طليقتك حجابها يوكع من راسها جدامك مو
ابن عمي وارووح وياه ... عادي جدا  واني احجي حسيته صاير نار

..ضرب  باب   الكنتور بيده  قوي 

والتااااااالي وياج ... كتلج طلعه ويا ذياب ممنووووووع

.. ساره يااااااخيي صلي على النبي كحلاء صغيره وتشوف هالشي جدامها لاتلومها يا خيي دروح بره هساع

...يعني تغار من ذياب ممنوع اني اوكف يمو والحجاب براسي  وابن عمي ومو غريب .. واني من اكول اميره ليش هين تعصب وتكسر عجيب امرك والله عليك حلال وعليه حرام

..ليش اسكت ساره هذا حق لو الحق ماينراد يعني بنت خالكم امنت بالله بس مو هيج مايصير تره حقي
سلطان هساع تختار لو اني هين لو هي

..يولي لغوة زايده ماريد 

يولي انتي ليش ماتفهمين اركحي هين ولا تخليني اسووي شي
مايعجبج ... عافني وطلع ... 

... من شفته طلع وعافني فقدت اعصابي كمت اتحجج اريد انفجر صحت كتلو ويييين رايح ... اذا انت ... رجااااا

جان ساره تخلي ايدها على حلكي كالت عزه عالماتلج ... شلج بهالحجي .. ولج شو مدي شلون تسولفين  رجع سلطان فتح الباب كال  -شگلتي ؟؟؟؟؟

..كلت طلگني مااريد...

-لالا شنو گلتي گبلها  ؟؟؟  يعني هساع اذا اني زلمه اطلكج مو ؟؟

...درت وجهي عنه مارديت

..دحكي بعيني

..نعم ها

..تقرب مني وساره صارت بيناتنه دفع ساره بهدووووء بره

ساره خويه ميخالف عصبيه وهيج كالت .. دقيقه شييك

ساره روحي عني ... طلعها وطبك الباب 

..شتريد تكلي سلطان

..اللهم طولج ياروح تعاااااي عاااااااد عاط بصوت عالي اخترعت سحبني من ايدي قوي وعبر غرفتين وفتح باب الغرفة الثالثة دفعني بيها وسد الباب

..اكعدي

..لاتتصرف وياي هيج كلشي تأمر وتنهي على كيفك اني مو واحد من الحرس مالتك بس تأمر وتنهي شوف سلطان مانصير ضراير لوووو تنطبك السما عالكاع
يعني كل هاي الفتره هي يمك هين وانت مكابلها واني هناك يم داعش گلبي ماكلني عليك وانت يطلع بحضن اميرة مكضيها سوالف وضحك خو اني اللي طلعت عزول بيناتكم لمن انت تريد ترجعها ليش ا...

...يوووولي كااااااااااااااااافي زكح بيه ورفع ايدو كتلج مامرجعها ولا ارجعهاااا ليش ماتفهمييييييين

اني خليت ايدي على وجهي وابتعدت شوي
نزل ايده وعصر قبضة ايده قووووووي وتقرب مني اشر باصبعه على راسي طخني كال:
هذا عقلج شنووووووو لسانج الطويل شنوووو انتي بس شفتيها بنيتي اوهام واحلام كلتي مرجعها ول بابا فهد ابني وهددوني بي شلون اخلي يروح يم امه لبغداد ووحده هناك ؟؟؟ حتى لو بيت خالي وهي بنت خالي يعني هم عرضي اذا كانت حرمتي او لا مو عاد عندي من عدها فهد واخلي فهد هناك زين شلون اجيب فهد وحدو هين !؟ بعدو طفل يريد امه هي فتره واهلها يجون هين وتروح تكعد يمهم بس شويه اعقلي هدي تخبلتيييي

...هو هذا التكدر

عفيه عليك ورحم الله والديك
اني ما افهم هيج ولا راح افهم ولا راح اتقبل هالشي ابد..
فهد ابنك احطو على راسي واشيلى بعيوني وهو طفل ماله ذنب بس امه لا ومحد يجبرني اتقبل هذا الواقع لأن انت من خطبتني انت مطلگها يعني هي مو على ذمتك يعني مو اني اللي اجيت خربت حياتها حتى اني اليوم اشوفها هيج كاعده وهي طليقتك
بعدين اريد افتهم اهلها شلون يقبلون كاعده هين وهي طليقتك ؟ فهمني شلون

..يولي تره هي بنت خالي وبيت واحد هي طليقتي اااي بس فهد ابني
شريد منها اني هي بحالها واني مامدحگ بيها مو شفتيها بعينج لابسه وكاشخه ومعطرة واني مامهتم

..هههههههههههههه اي واضح مامهتم وانت مركز بأدق التفاصيل
سلطان خصم الحجي لو اني لو اميره هين

...لاتقارنين هيج مقارنه كحلاء لا راح اطلع اميره ولا راح اخليج تطلعين انسي
تحملي هذا الوضع هاي الفتره وخلص واذا غثتج بكلمة تجين عليه اني اتصرف بس تكولين اذا انت رجااااال .. تطلكنيييي

شفته صاير نار... خفت 
ادري بنفسي چفصت بالسالفة بس ماتحملت اعصابي نار مو بيدي

قفل الباب وكعد عالسرير اشرلي بيدو  تعاي هين 

..ااا لا مااريد

يووووووولي تعاااال كلت

سلطان اني اني اسفه يعني الحجايه هيج طلعت مني 

..اشرلي بيده تعاي

..ماتحركت من مكاني رجعت ليوره ليم الكنتور انطخيت بالكنتور  اطرافي بدت ترجف حسيت خلص سلطان راح يجرم بيه..

..... كام من السرير اجه يمي جمدددددت دمي نشف غطيت وجهي بأيديه

..والله اسفه مو قصدي اعتذر سلطان  واني احجي بجيييت

..سحبني شوي شوي بهدوووء حضني واديه الاثنين محاوطة خصري

-هساع اني شسوي ؟؟؟ اعاقبج لو اعوفج على هاي حچايتج لو امسح هاي الدموع الغالية فهميني

..ساره تدك بالباب والحجيه ام ضرغام تدك بالباب
يمممه افتح الباب هاي جاهل ماتفتهم يمه احلفك بالله افتح الباب

..روحي ساره ماكو شي اخذي الحجيه وروحي

..اني اسفه والله سلطان مو قصدي بس ماتحملت

..دنج عليه   رفع راسي بأيديه وباس شفايفي بهدووووء سحبني بيده عليه اكثر باسني قوي ووخر خله كصته على كصتي  وهو مدنج راسو عليك

-تدرين لو زلمه غيري وكلتي هاي حجايتج جان شسوه ؟؟

..هزيت راسي اي

..بس اني ضعيف يمج لييييش ماادري
معصب هساع نار بداخلي بس مااكدر أأذيج

...اسفه اعتذر

..سحب الشال ووكع بالكاع تلمس رگبتي غمضت عيوني حسيت لزم ركبتي قوي سحبني من خصري

-الكلمة اللي تحجيها فكري بيها قبل لاتحجيها هالمرة لزمت اعصابي مره ثانيه لا كحلاء

..اي هزيت راسي

يوولي ابوي انتي افهمي لا اميره ولا اي وحده بالدنيه تهمني ..
انتي عندي شسوي ادحك الغيرررج...

ميخالف سلطان بس ماتحمل والله موبيدي خايفه من الايام الجايه

لاااا تخافين ... مستحيل الي ابالج يجرى .. اميره راحت انتهت من زمااان

يعني هسه هي باقيه هين ليش ...

يولي ابني عدها هددوني اكثر من مره ورادو يخطفوا
گوه طلعتو من الانبار شلون تريدين اعووف ابني هناك بنص الموت

ماكتلك عوفه بس ليش  هي يمك ليش مو يم اهلها

هي فتره وتكضي  وكلمن يرجع الاهله خالي راح يجي ...

يعني شنووو ...!

يعني عيوني الج وماتشوووف غيرج ... العنده كحيله
شيسوي بغيرهااا...

من الدومع للعصبية مدري شسوالي بكلمتين مثل الجهال اقتنعت ورضيت ... ابتسمت ...

گال ... يولي ما الله يهديج ونعرس

هااااا يعني شنو ...

يعني ماتدرين شصار بحالي .. خرب ساعة داعش ولا جان
اني هساع وووووين

سحبت نفسي من عنده مديت ايدي عالگاع ... اريد اشيل الشال

رفع ايدي وكال عوفي .. وكام يلاعب خصلات شعري
وهو مبلل ...

اكول شبي محمد وياج ها ..!

صفنت يا محمد ..!

محمد المايخاف من الله ... يمحمد تره فوگ الله

كتلوو هااااااا

يولي ماتخافين الله ... ولج مشتاااااااااك

واني هم مشتاگتلك والله ...

واني احاجي صار تقرب باسني من شفتي ...

دفتعه كتلو كاااااافي

ابتسم وكال بخييييلة

اي وانت طمااااااع

اموت على اهلج الجابووووج

ابتسمت كتلو عييييب اطلع تره اهلك برره والناس شراح تكول علينا

تره انتي مرتي ....

مرتك اي بس مو هسه من تاخذني وتزفني جدام الناس ... شلت الشال ومشيت

بقى هو بمكانو. واكف كال وييييين يولي

ابتسمت كتلو على محمد .... فتحت الباب طلعت

ولين اميره كبالي .....

يتبع