رواية خيال الكحيلة الفصل الثامن وثلاثون 38 - بقلم nashwa_alsltani

السابع والثلاثون

انتظرت شوي ماكووو

خابرت على شهد ... كتلها شهد سلطان وين

جاوبتني بصوت ناصي...

اميره ونور يمنااااااا ....

صددددك شجابهن وسلطان ويييييين ..!

وج عمي رايح الها للبيت ومرزلها ومخابر اهلها حاجيلهم
وصايره عركة ... من رجع رجعت وراه للبيت لحكته ..
وتعاي وشوفي الصياح لوين ابويه وكلها داخله بالسالفه

تدرين شمدي مدي هسه اجي اكتلها كتله تنسيها العافية

دتعاي والله افزعلج ... بس نكتل هللعرمه ونكسر خشمها ..

عوفي كلشي اطلعي اسمعي شصاير حبابه

لا تخافين كحلاء باجر حنتج خل ترتاح عاد .. ماطلع بيدها شي

وج هسه دزتلي مسج .. تهددني بي اريد سلطان يشوفه مدام هي يمكم ...

اصبري كحلاء يمكن طلعووو دقيقه روحي هسه ...

اكفي .... خرب ولج شهددد داحجي انقطع الخط جت سراب
تمشي صاحت خيررج شكوو منو عالخط

ماكو نكطع هاي شهد تكول اميره يمهم رايحة دشوفين شلون عين گوية ..

غددددي غددددي ولا تحس وين كرامتها هاي ... الله يطمها

اني ماكدر بعد اتحمل سلطان مايجاووووب

اششش الج الج مايصير الغيرج لا تخبلين علينه وباجر حنتج

اهووو اني بيا حال .... روحي عني يولي ...
خل اخابر ضرغام

لاااا ضرغام نايم

_ صديت عليها كتلها شنووو وانتي شمدريج ..؟ 

اكولج يعني شمدريني مبين هو هذا وقت نوم تره

سرررررراب والله خايفه لا البالي يطلع صحيح

اييي وشنو الي ابالج ..!

احس ضرغام ...وووو .... يولي انطيني تلفونج اشوف

وشعليج انتيييييي..!

شنو شعليييي عييييب لا تخزينه ولج النوب علينا الزعاطيط ولج
جاهل بعدج وينج وين هالسوالف والله اكول الامي لا تفضحيني جدام سلطان واهله والله اموتج

هاااا جاهل ... لازم العام فطمتيني من الممة ...
اكولج حلال عليج تكطعين احذيه وحرام عليه موو

تعاي تعاي ... ولج خاف صددددك تحاجي

لاااا طبعا شعلية بية ... شبيج ...!

سررررراب احجي ... لا تصدين غادي

اسكتي كحلاء لا تصيرين خبله اركضي خابري سلطان
جوز اميره هسه بحضنه ... هلووو هلوووو....

فوك القهر انوووب انتي دووووخري عني

صفنت ياربي شصار هسه

رحت خابرت سلطان ادگ مرة مرتين ماكو ما يرد ظليت افكر الف فكره اجت ببالي تالي شويه وگطع صفنتي صوت التليفون سلطان

يتصل بسرعه جاوبت
الو سلطان

عيونو هلا ابويه شلونه بيتكم

گتله سلطان شفت كم مره اني متصله عليك ادحك على تليفونك

گال اي دحكت بس چان عندي شويه شغل ما گدرت ارد

هااا شغل عجل اميره شتسوي جايه للبيت انت مو طردتها شكو بعد تجي
سلطان ترى الي سوته بيه اميره مو شويه هاي رادت تهجَّم بيتنه وتخرب بينه شلون تسمحلها تجي للبيت شلوووون

:على كيفچ ابويه انتي لا تعصبين وافهمي الموضوع اني طردتها وگلتلها بعد رجلها ما تعتب البيت بس هاي المرة تعبتني وهي على

ذمتي تعبتني ومن  مطلگها هم تعبتني ماترد ولا تحترم ولا تخاف ولا تسمع الكلام بزعتني من حياتي والله شنو جايه تگول فهد مريض

وهو چذب كلشي ما بي حتى صرت اخاف على الولد اخاف بيوم يتمرض من كثر ما كل مره وگالت فهد مريض تعال اخذه للطبيب

بعدين گلتلها شكو تجين اني مو منعتچ ما تفوتين بعد للبيت شكو جايه
ترد بكل عين صلفه والله ابنك يريدك

المهم لا تدوخين روحچ بيها اني  طردتها هي ونور الشيطان هاي بس اشوفها اعوذ بالله عبالك شايف شيطان

كحلاء:ههههههههههه عاد صدگ والله چنها شيطان

سلطان:عاب گلبي والله ريتني فدوه رحت لهل ضحكة هاي ولچ كحلاء عوفچ من كل الامور وفكري بحياتنه فكري بعرسنه

كحلاء:امممممم
سلطان:اشتعلت اميره ول يابه شوكت يجي العرس ولچ تشعلين  بيه شعل ترى اني مسكين رحمي بحالي يولو

كحلاء:هههههههه اهووو سلطان عفيه كافي والله اخجل

سلطان :امووووت عليچ وعلى خجلچ

اسم الله عليك حبيبي ... اكووول

ها گولي يبعد العين ... والنظره

مشتاقلي....

هااااا اشوفج بديتي اتحارشين ول يابه تره هساع احدر عليكم
ومحد بعد يكضبني ... من اريدج اخذج لو من حلگ السبع
يولي خليني راگد

ههههههههههه عززززه لا لا ياسالفه ردي المجانج

عجل استري على ريشاتج يولي

صار صار استاذنا

يلا ابويه روحي نامي ارتاحي ولا تفكرين بشي باچر وراچ گعده من الصبح وتعب

كحلاء:تمام عجل تصبح على الخير سلطاني

سلطان:اجمعين يبعد سلطانج

نهيت الاتصال ويه سلطان وظليت لازمه التليفون وصافنه شلون راح اگدر بعدني احس بخنگه واضوج لما يذكر طاري العرس تعوذت من الشيطان رفعت راسي جان اشوف سراب صافنه عليه

گلتلها هااا سالمين يول شكو صافنه بوجهي

سراب:عليچ الله كحلاء شنو حچيتو عفيه عفيييه شنو گلچ سلطان وصار وجهچ احمرعفييييه عفييييه گليلي

.. الحمد لله والشكر ربي وبست ايدي وخليتها على گصتي وضحكت على شكلها شلون گاعده تتوسل حتى اگلها شنو حچينه ههههههه
گلتلها روحي منا وخليني انام فااارجيييني باچر وراي گعده من الصبح

رأساً دارت وجهه وگالت عجل اني الي ما وراي گعده من الصبح
خلي انام احسنلي ما من وراچ حچي ولا راح تگليلي شي هو انتي حذاء وهو مگطوع ما رضيتي اداينيني شويه

شمرت المخده عليها وگلتلها ما تحتاجين لا نعال ولا حذاء اعرفچ زين اكيييييد عندچ شي ويه ضرغام اني متأكده
بس والله اني الج اصبري اتفرغلج

سراب:اهوووو شكلچ نعستي وگمتي تخربطين اعوفچ تنامين احسن
عافتني سراب وطلعت صحت عليها عود سدي الباب وراچ صاحت اااايي اااييي اعرف

گلتلها ومال الصگع صوتچ يالعاشقه الولهانه هههههههه
ثاني يوم الصبح گعدت على هوسة سراب وساره ومنال يگعدوني
ساره ولچ كحلاء يلا گعدي هم ياله نلحگ نخلص شغلنه حتى نروح للصالون لا نتأخر
جاوبتها اي هي مو گلتلچ تعالو ب١٢ خلوني انام شويه والله بعدني نعسانه
ضحكو البنات وگالو هههههه اااايي شكلهم البارحه هي وسلطان

للصبح دگ سوالف ما يگدر يصبر ليلة وحده
گمتلهم گلتلهم عاااابت والله لا شويه حچينه والله نمت من وكت

گالت ساره يلااا كافي لاتضيعون علينه الوكت بالسوالف كحلاء گومي تريگي حتى تسبحين ونروح للصالون

گمت واني  اتأفأف ولكم والله بعدني نعسانه وأنتن من ٨ تدبچن فوگ راسي

صاحت سراب يلااا ولچ راح اموت من الجوع وانتي بعدچ تبچين على النوم دگومن ناكل راح امووووت من الجوع

شكلها يضحك درت وجهي على ساره گلتها الله عليچ هم فد يوم شفتي سراب مو جوعانه
ساره:اي ههههههههه دعوفيها تاكل شعليج

سراب هو مو صوچن صوچي اني گاعده انتظر اروح اتريگ وأملي بطني احسنلي
طلعت واحنه مستمرين نضحك ههههههه

طلعنه وراها حدونا گعدت تريگت اكلت قليل وگمت مااشتهيت اكل بالي يم العرس ويم اميره ووووو هوسه وچثير شغلات ببالي دخت كملنه ريوگ وگمت اساعد البنات گالو لا روحي انتي حضري

غراضچ وسبحين بين مااحنه نكمل شغل البيت گلتلهم بعد وكت گالت

ساره ولچ يا وكت هم ياله نلحگ
گلتلها تمااام تمااام رايحه
صعدت لغرفتي رحت طلعتلي ملابس علمود اسبح وحضرت الفستان مالتي والغراض الي اخذهم وياي للصالون المعطرات والاكسسوارات وباقي الغراض خليتهم بالجنطه واخذت ملابسي ورحت للحمام
منا على ما سبحت وكملت ورتبت الغراض البنات خلصو الشغل والتحضيرات خالي گال اني اوصللكم للصالون من ردنه نطلع خابرت على سلطان وبلغته
كحلاء:الووو
سلطان :هلاااا يابعد روحي

كحلاء:حبيبي راح نطلع للصالون وگلت انطيك خبر

سلطان:تمام ابويه  انتي كحلاء مااريد شغلات زايده وبس تكملون دزيلي صورتچ اشوفچ تصبيره شويه منا لباچر

كحلاء:هههههههه صااار من عيوني

سلطان هلا يابه ... :ريتج بعد عيوني ونظرهم 

كحلاءضحكت كتلو :يلااا عمري راح نصعد بالسياره خالي ادهام يوصلنه

سلطان:ها زين ابويه ديري بالچ على روحچ

كحلاء:ان شاء الله
الله وياك

سلطان:الله وياچ يبعدهم

ركبنه ويه خالي
ساره گدام واني وسراب ومنال وره

خالي گال هاي هي نطلع

گلتله ساره اي كملنه اطلع

چان التفتلي خالي ادهام گال عجل كحلاء راح تروحين
والبيت يخلى علينه من دونچ

هو يحجي اني اختنگت  رأساً دموعي نزلو چني چنت بس اريد واحد يحچي وياي حتى ابچي گال ول ول ليش البچي يابعد خالچ هذولي احنه هين جريبين عليكم مو بعيدين وانتي مري علينه واحنه نمر عليچ
گتله اي صح گال ابويه  ما يصلح البچي امسحي دموعچ بعد خالچ
دامسح بيهم وجان تعسني   سراب
چان تگلي يمعوده مو هذا سلطان سلطانچ السلطان سليمان الي تحبي  هسة دتبچين وانتي راح تروحين يمه صدگ بطران عجل والحذاء وگطعته ما غزرت بيچ

صدگ ضحكت من جابت سيرة الحذاء ههههههههههه گالي اي هيچ

اضحكي اليوم حنتچ وباچر يزفونچ وهلهلت گلتلها ولچ عيب خالي منا

گالت  عادي هو خالي ما يعرف اليوم حنة اختي

وصاحت خالي ادهام شدعوه شغل اغنية شويه خلي نصفگ نهوس شو سكته شدعوه گلها مو تدللين جم سراب احنه عدنه هههههه
وشغل اغنية (انه اريد اعوفه كل هلي واريد امشي وياك)گلها ها هاي تفيد

گلتلها اااايي هاي صدگ بمكانها مو كحلاء واني مستمره اضحك عليها وخالي والبنات وهي والبنات يصفگون بس سراب شويه زياده عبالك هي اخت العريس مو اخت العروس ههههههههههه

وصلنه للصالون ونزلنه واتفقنا ويه خالي من نخلص نتصل عليه دخلنه للصالون واتفقت ويه ام الصالون مكياج خفيف يلوگ ويه لون الفستان وبنفس الوقت شي مو اوڤر
وهم الي يشتغلون بالصالون كل وحده كضبت  وحده منه اني وسراب وساره ومنال

منا لل٤العصر كملنه صلاوات البنات وحده احلى من الثانية ولا 

ساره طلعت تموت گلتلها الله يساعد گلب خالي اليوم من يشوفچ
ساره:ههههههههههه اي والله خايفه عليه اليوم

بلا انتي سلطان مو يمچ بس باچر اگعد افكر بيچ على گد ما انشلع گلبه سوده عليه اخوي

سراب .. لا تخافين جميع عراسن العراق شغلتهم اول ساعتين يشلعون ماشات خل يتعب شوية حظرة السياسي ...
خل يحس بمعناتنه ....

كرصته كتلها وللللللللج عيييب

اهووو تره هنة ماشات عليج الله ساره منو الشلع الماشات انتي لو خالي .... دروحن بس صافنات شكد معقدات ...

ساره هههههههههههه فديت سروبه شكد حلو طبعها وتحشيشه

واحنا نضحك على سوالف سراب
وصل خالي واتصل على ساره گلها طلعو اني بالباب طلعوني

البنات وصعدوني لان گوه اصعد من وره الفستان ههههههه وكلنه ملفلفات ما يبين منه شي وسكانه من بره يضحك

صعدت ساره خالي گلها ترى مااصبر اريد اشوووف هسة
ساره ههههههه ادهام منا الشارع والبنات عود من نوصل

ادهام:ترى والله ولا اتحرك من مكاني

يبوووو ادهام شبيك

شبيه ماتو اهلي يولي خلني اشوف

كتله ارفعي عيني خالي ماعنده قدرة تحمل

ساره شويه شالت الملفع عن وجهه جان خالي يصيح اللهم صلي

على النبي اللهم صلي على النبي مريتي حليوه ... لا يحسدوج

ههههههههه ضحكنه
وصلنه للبيت نزلوني البنات وگعدت بالصاله

وشويه واشوف شهد وام محمد وام ضرغام والبقية كلهم موجودين وزهراء بنت عمي
وخطيه امي مگعدتها على كرسي يعيني شويه تگدر تتحرك احسن من الايام الفاتت
شويه واجت سراب وشغلت الديجي وگامت تهز وبلشت الحفلة وشبعنه رگص وضحك تونسنه كلش شويه واجت ساره طفت

الديجي گالت اذان يخلص وقت الصلاه ونرجع نشغله
ابوي وخالي ادهام راحو للجامع گالو فد مره نخليلكم البيت لان عيب كله نسوان وهم حتى يصلون بالجامع

گعدنه ناخذ صور وگلت لسراب تصورني اخذت اكثر من لقطه

كتلها راح ادزهن السلطان

ساره لا يولي خطيه لا يجيج هساع عوفي

لاااا هو كلي دزيلي

عجل تهيري جوز ياخذج هالحزه

لا عيني لا ههههههههه گمت دزيتهم لسلطان شويه واتصل

بس رديت صاح اشتعلوووووو شيصبرني الباچر بس فهميني والنوب گاعده وتسوين إغراءات ما گلتي هذا مسكين خطيه شلون راح يتحمل

كحلاء :والله صور برييييييئه بس انت تفكيرك يحرفها ههههههه

سلطان :منين بريئه ابويه من ضحكتچ هاي مبينه متقصدتني وگاعده تلعبين على گلبي ويييييل حالي ياوويل الصبر يارب الصبر مدري اجي هسه شنكولين

ووووين

اخذج نعرس يايابه ... هسه الا  بدله  تعاي اسويلج يمي احلى عرس

عررررس مووو ...!

اي بس كولي اي ...

لاااااااااا

گاعده احچي ويه سلطان واجتي ساره گالت يلا راح نبلش الحفله
نهيت الاتصال وياه وگتله الى اللقاء غداً حبيبي

رد عليه الى اللقاء يااابعد حيلي

ورجعو البنات يرگصون وگوموني شويه رگصت واجت ام ضرغام حنت ايدي ووزعو العشه شويه واجو ضرغام وليث حتى ياخذون

البنات ويوصلون بدربهم منال والبنات

..........
جان اشوف سراب واگفه يم الباب وماده راسها وتوزع ابتسامات گلت والله وراها شي لازم اتأكد رفعت البرده واباوع من الشباك واشوف ضرغام لابس دشداشه ومحزم مرتجي عالسياره يدحك عالباب مبتسم ///

نزلت البرده ورحت عليها اني وفستاني گوه امشي گلتها هااا هم گولي ماكو شي

هي جطت من مكانهت  وسدت الباب گالت اعووووذ بالله شنو انتي جفلتينب عزه عليج

رحمي بحالي عجل بس انتي ينگطع حذائچ وتاخذين من بيت العليان

گلتلها عجل ما تگولين شبيچ تضمين عني واني اختچ

لا بس استحي ونزلت راسها خجلانه

گلتلها ولچ ما عرفتچ وانتي خجلانه ههههههههه معقوله هاي سراب له له مستحييييييل. احاجيه وميته ضحك

بهالحجي ضربتني على الخفيف وگالت والله مو صوچچ وراحت

تركض  مستحيه خطيه سراب والله علواه صدگ وتصير من نصيب ضرغام خوش زلمه معدل

رحت لغرفتي ونزعت الفستان وغسلت وتوضيت وصليت بعدها

رحت شفت ماما وسلمت على بابا خاف باچر مااشوفه لان لازم اطلع من وكت للصالون طبيت لكيته
كاعد ديدحك عالتلفزيوو

كتله بابا ...

سمع  صوتي وكال تعاي حدوي اشرلي
كعدت بسده ...

بقيت ساكته ماعرف شنو احجي ...

مد ايده عليه وجرني الصدره

بجيت وكتله راح اشتاق الكم والله

واني اححي انتبهت  نزلو دموعه

كال بنيتي انتبهي النفسج تره الحياة مثل الغابه  وانتي هالحياة جدامج حياة اخرى راح تلكين بيها الزين والشين
خليج قويه وكوني ام بيت معدله اصيله ارفعي راس ابوج بنيتي

هزيت راسي واني ابجي

هو يحجي  و يوصي بيه حاضني واني دموعي تصب شلون راح اگدر افارگ اهلي

شويه وصعدت نمت بس خليت راسي على المخده غفيت من وره التعب

گعدت الصبح من ٨گعدتني ساره مخنوگة كلش واحس خايفه بس من شنو ماادري تعوذت من الشيطان دخمت الفراش بالكاع سراب نايمه
عسيتها بيدي كتلها اكعدي ...

كمت لميت شعري وحدرت

بسرعه تريگنه وسبحت وطلعنه موعدنه ويه الصالون ب٩ طلعنه اخذنه خالي اني وساره وسراب ومنال مناك تجي ورانه يجيبها ذياب

وصلنه للصالون رأساً بلشت تشتغل مكياج على تسريحة كملت من شفت شكلي بالمرايه حسيت وحده ثانيه مو اني وساره وسراب يقران

المعوذات عليه طلعنه من الصالون ب١ ونص جة  علينه خالي باركلي خالي ودمعته بعينه واحس العبرة خانگته وصلنه للبيت لگيت

ابوي بالربعه گاعد دخلت سلمت عليه باس راسي وحضني ويبچي دموعي نزلو لحالهم

شويه گعدت ل٣ ونص  القرأن بيدي

جان اسمع تلكل يصيح جووووي جوووي الزفافه بحزتها  خوف على توتر مااعرف أُوصِّف احساسي شنو اباوع لامي عيونها تدمع

واني دموعي صار وينزلون ما گدرت بعد أسيطر 
اسمع صوت الطلقات

كتله لاااا هاي منو ديرمي ...

سراب هذا ضرغام

كتله لااااا اخاف يمه كليلهم لا يرمون

سراب لااا سلطان اخذ منه المسدس ...

ادحك عليها ماده راسها من الشباك واتجيب النا علوم

كالت جة سلططططططان

رفعت راسي لين سلطان بوجهي !!!!!

فات يمشي مبتسم رفع ايده سلم عالكل

بخزتها نصو المسجل اسمع البنات كلها تكول والله عبالنه جبيررر طلع شاااب ... هنيالج كحلاء ... يتشاورن بس اذاني يمهن

سلطان گعد يمي لزم ايدي وقرب راسو باذني وهمس الله يعين  گلبي على هذا الجمال ضغط على ايدي وهمس ليش الدموع يابعد حيلي ريتهن غسلني

بقيت ساكته ومدنجة بس اديه يتراجفن مانطقت بحرف  انتبهت

النسوان تهوس هاي الرادها وهاي التمناها

وام ضرغام خطيه تهوس بالنص جان ادحك باب الهول انفتح

فات ابويه يمشي ...
تقرب  علينا ادحك عليه مقهوررر يكسر الگلب
عين يمكن مابقت دمعه بعيني

كضب  خله ايدي بايد سلطان وگله بأمانتك ترى بنتي مدلله

گله سلطان بعيوني عمي لا توصي حريص انت گاعد توصيني على روحي ... طبطب علو جتافه ابويه كال ماعليك قصرة شايفين الخير ابني ... طلع يمشي وامي وراه

صاحت ام محمد هلهلت يبنواااات اليوم فرحتنا جبيره

سلطان ... شلون يابه البنيه مابطلت بجي وكف وكال
والتالي شبيج اني ابوج واني رجلج لا تبجين يبعد شيبي

مد اديه وكام يمسح بدموعي ... قرب راسي على صدره كال يله
نمشي

كتله بكيفك ...

طبعا بكيفي غير مالتي عجل عايزه وتكولين لا ...

صاح يله يابه خل انتوكل ... كادني وطلعنا نمشي وكل تهوس ويدبجووون ... الهلاهل بأذاني ... مادري ليش جت على بالي اميره
سحبت نفس ... وصعدوني بالسياره

طلعنه وصعدت بسيارة سلطان يسوق واني گاعده بسده گدام صعد وسد الباب گال ياااايبه مو مصدگ والله اليوم ننام سوه اليوم طولي ينمد على طولج خل نصل للبيت ..

نزلت راسي وابتسمت گال مالي دخل اليوم خلي حيلچ كله الي

گتله سلطاااان

گال شكو غير عرسان واليوم يومنه

ادحك والسيارات گلبو الدنيا بالهورنات

وصلنه للبيت شفت الزلم بالباب محظرين الخروف يذبحوه

نزل سلطان ودار فتحلي الباب حتى انزل نزلني هو وساره جت تساعدني هي وسراب

سلطان بسدي مشينه ... جان يكف الرجال

مد الخروف حتى يذبحه

جوه رجلينه ذبحه وخلص كال يله ابويه  صديت عالحديقه الجوبي
بالنص حدرو الولد كلها ... وابو المطبگ ...

صرغام كضب راس الجوبي وكام يجوب ويفر بسبحته

كضبني سلطان ومشينه رفعت راسي چان اشووووف.....

يتبع....

الي يسأل على كحلاء وعائلتها بعدهم تعبانين
كحلاء خلع بكتفها لكن الباقين متأذين اكثر خطيه