رواية خيِّال ومُهرة الفصل الثالث والثلاثون 33 - بقلم amna

«بسم الله الرحمن الرحيم»
«خـيَّـال و مُـهـره»
«آمـنـه عـادل»
========
«لا تنسون التصويت آغاتاتي»

«اللهم صلِّ على محمد وآلِ محمد»

ــــــــــــــــــــــ
ـــــــــــــــــــــــ
وتعطَّلَتْ لغةُ الكلامِ وخاطبَتْ
عَيْنَىَّ في لغة الهوى عيناك

ومَحَوْتُ كلَّ لُبانةٍ من خاطري
ونَسِيتُ كلَّ تَعاتُبٍ وتشاكي

لا أمسِ من عمرِ الزمان ولا غَدٌ
جُمِع الزمانُ فكان يومَ رِضاك

_أحمد شوقي

♡ـــــــــــــــــــــــ♡

«افنان»

اجيت شايله بـ أيدي الأكل احطه بسفره وشفت سجى واگفه گبال رضا و علامات الصدمه مبينه على وجها...

رضا: انتِ شجابچ هنا؟؟

سجى: هذا بيتي انته شجابك؟؟

مالك: شكو شبيكم؟

بقو ساكتين شويه وگالت..

سجى: تتذكر من سويت حادث قبل كم شهر؟

مالك: ايي؟

سجى: اي دعمت هذا...

رضا: هذا بعينچ...
احچي عدل..

سجى: اووووييي شگد بيئه...

مالك: سسسججى احچي عدل...

سجى: اي تعارك وياي بنص الشارع وعفته ورحت...

رضا: بلعتي نص السالفه...
اول شي اني اول ما نزلت من السياره وهي الضربتني ومنها الصوچ...

عاطت بوجهي شبيك اعمى اني بقيت ساكت لان ابنيه وعيب ارد عليها بطريقه مو حلووه...

شو هاي گبل اجت ضربت السياره مالتي برجلها وتصيح...

اني ماتحملت گتلها...

ــ ترى هذا طريقي انتِ الغلطانه بدال ما تعتذرين جايه تعاركين..

ادخلو الناس وحلوها وهي بعدها تصيح اني الغلطان..

مالك: يااابه نعتذر..

رضا: عليمن تعتذر هي الغلطانه اذا واحد لازم يعتذر هي...

سجى: باع هذا عايش الدور...

مالك: روحي هناك سجى..
هاي اختي شويه ماتلزم السانها...

رضا: يمعود اني نسيت السالفه أصلاً..

رحت للمطبخ اجيب الاكل وسمعتها تحچي ويه اختها..

ــ رب العالمين يختبرني بهل شكول الما ينطاقون..

زينب: كااافي ولچ عيب لا يسمعون...

سجى: راح اموووت ولچ سمعتي شلون يحچي وياي نوب فوگاها مالك يصيح عليه..

مُهره: افنان...

ــ هاا..

ــ تعالي نگعد هما يكملون..

ــ تمام..

رحت گعدت و سجى ولا اجت گعدنه كلنه على السفره شفت سجى فاتت صعدت فوگ وهي تخزر بـ رضا حسيت رضا باوع عليها ودار وچه حابس ضحكته..

ياسر: باليل اروح اني و مُهره الكربلاء..

ام رضا: ايي حبيبي روحو زورو ودعولنه..

ام مالك: ولا تهنو بزواجهم..
عوضو ذيچ الأيام...

ياسر: ان شاءالله..

ديار: اني راح اروح ويه افنان...

مالك: خو ابقي هنا..

علي: لا وين اكو هيچ حچي..

ديار: لا اروح ويه خاله ام رضا..

مالك: تمام براحتكم..

حچت وياي روسلينا بهمس..

ــ شبيچ حبيبي ليش ضجتي؟

ــ من وره هاي الحيه سجى..

ــ حچت وياچ؟

ــ لا... بس شفتيها سمعتها تحچي ويه زينب على رضا ولا حبيتها...

ــ مبينه السانها طويل..

ــ ايي..

خلصنه غدا شربنه چاي وطلعنه بسرعه لان چان رضا ضايج رحت للبيت خلصت تنظيف ونمت ثاني يوم گعدت رحت للجامعه لگيت البنات گعدت يمهن..

ــ اگلچن اني شلون ادخل للمحاضره مالت دكتور احمد؟

مُهره: يمكن ما سمعنه البارحه..

ــ واذا سمع شلون والله عيب شگد ثوله اني..

ديار: هو شجابه؟

ــ غير حظي المصخم جابه..

مُهره: ههههههه... غير جاب جنطتچ..

ــ ديلا گومن خلي نروح لا يرزبني..

دخلنه للمحاضره ربع ساعه واجه بده يشرح واني ولا رفعت راسي ابد طول المحاضره منزله راسي ولازمه القلم واشخبط على الدفتر بس بالي يم الدرس..

حسيت بشخص واگف على راسي...

ــ افنااان...

بلعت ريگي ورفعت راسي شفته يخزر بيه..

ــ نعم استاذ..

ــ گومي شرحيلي الدرس..

گمت من مكاني گال...

ــ اوگفي بمكاني هناك..

گمت من مكاني عدلت عياتي ورحت بالمكان الچان واگف بيه وشرحت الدرس كله همزين چنت قاريته قبل يوم وهو من شرح بالي يمه...

كل شويه تجي عيني عليه گاعد بمكاني وحاط ايده جوه حنكه ومركز بكل حرف اگوله..

من خلصت گال وهو يگوم..

ــ تفضلي بمكانچ..

رجعت واني احس بروحي فرحانه وفخور بروحي لان راد يفشلني بس صار العكس..

«تغديت بيه قبل ما يتعشى بيه😂»

خلصت المحاضره وطلعو اغلب الطلاب وهو چان واگف يلم بـ الأوراق مالته اني همين شلت جنطتي وعدلت عباتي من ردت اطلع گال..

ــ افنان..

من گال اسمي حسيت گلبي وگف خاف يفتح وياي موضوع البارحه..

ــ نعم استاذ..

ــ شبيچ اليوم؟

ــ شبيه؟

ــ طول المحاضره انتِ مدنگه وتشخبطين عبالي ممنتبها على الدرس..

ــ لا منتبها حتى گمت شرحته..

ــ تمام عبالي بيچ شي..

ابتسمت و من ردت اطلع حسيت صوته وراي قريب من أذني..

ــ لا تفكرين بـ البارحه اني راح اعتبر نفسي ما سمعت...

التفتت باوعت عليه ابتسم وغمزلي وراح...
بقيت صافنه عليه وهو يمشي وگلبي صار طبل وبنفس الوقت مستحيه وفرحانه وما اعرف شنو هالشعور الغريب..

رحت للبنات ركض اريد اسولفلهن...

ـــــــــــــــــــــــ

«ديار»

ما چنت اتخيل نفسي راح يصير التمنيته لسنين..
الحلمت بيه..
چانت السعاده البروحي محد يگدر يوصفها...
من صدگ احس بنفسي فراشه وتحلق بحب الكل مكان بيه ورد..

عفتهم يشربون چاي ورحت بغرفة زينب لان چانت صديقتي تتصل عليه جاوبتها حچيت وياها من جاي اسد الخط فززني صوته..

ــ يابخت ذيج العيـون
العايش الهن،
ويابعد كلمات گلبي
الما كلتهن !.

ــ گمزتني..

ــ تعالي..

فتح اديه واني رحت ضميته..

ــ شلونج؟

ــ الحمدلله..

ــ مشتاقلچ..

ــ مو البارحه يمنه وطلعنه شبسرعه اشتاقيت...

ــ اشتاقلچ حتى وانتِ يمي...

ــ هههه... شلون؟

ــ يعني اذا انتِ يمي بس يمنه شخص ثالث ما اگدر اشبگ وابوس...

ــ هااا... هههههههه..

حاوط وجهي بـ أديه وباسني بقوه..

ــ شوكت نعرس مليت...

ــ نعرس؟

ــ ايي..

ــ نتزوج.... شنو نعرس؟

ــ شنو الفرق لا تصيرين حوله...

ــ خوش..

طفرت من مكاني من زينب دخلت...

مالك: هي شنيه ماتخلوني اختلي بمرتي..
غير ادگين؟

زينب: مالك ترى هاي غرفتي...

ديار: ههههههه... هي شمدريها احنه هنا...

زينب: اي والله مادري عدكم ختلات بغرفتي.

مالك: نچبي لچ شنو ختلات غير مرتي..

زينب: ديلا اني حروح اخذو راحتكم..

مالك: تعاي هو انتِ زر** بالسالفه اني راح اروح..

طلع وبقينه گاعدين شويه ورحت اني ويه ياسر و مُهره وصلوني البيت عمتي وراحو الكربلاء..

اجو عليه الوقت متأخر رجعت للبيت گبل نمت من گعدت الصبح رحنه للجامعه..

مرت الأيام واحنه نداوم الحد ما خلصت امتحانات نصف السنه وعطلنه..

طلعت ويه مُهره وياسر بـ أول يوم عطله رحنه للمولات اشترينه ملابس بعدين تغدينه ورجعنه للبيت اول ما دخلت للبيت شفت موبايلي متصل عليه مالك 5 مرات وداز رسائل واني مسويته صامت وحتى نسيت اگله قبل ما اطلع من البيت..

اتصلت عليه و اني قلقه..

ــ الوو هاا حبيبي متصل عليه موبايلي چان صامت...

ــ وين چنتي؟

ــ طلعت ويه ياسر و مُهره

ــ ليش ماگلتيلي؟

ــ والله نسيت وعبالي ما اروح وياهم بس ياسر ما قبل ابقى وحدي بالبيت قبل ميطلعون گال بسرعه بدلي...

ــ زين متذكرتي انتِ عندچ زوج وحرام تطلعين بدون متگليلي..

ــ والله نسيت..

ــ تمام بس هاي اخير مره..

ــ ان شاءالله...
زعلت؟

ــ لا... بس ضجت لان لازم اول شي تفكرين بيه اني اقبل لو لا..

ــ اي حبيبي صح اعتذر..

ــ يروحي...

ــ تدري بيه احبك هواي وما اگدر اتحمل من تزعل عليه..

ــ اي ادري...
وگتلچ هاي اهير مره حتى ما ازعل واسمعچ كلام يجرحچ..

ــ ان شاءالله...
بس ما گتلي ليش اتصلت عليه؟

ــ ها اي..
اريد قبل الدوام نسوي العرس..

ــ ها بس اني ممجهزه اي شي..

ــ اي گلبي عندچ هذا الأسبوع كله خلصيه بالسوگ..

ــ مادري...
خاف تصير هوسه عليه..

ــ لا ميصير شي...
لازم نسوي العرس قبل ميبدي دوامچ..

ــ ان شاءالله خير..
گلت للولد؟

ــ اتصلت على علي وانطيته خبر..

ــ ها تمام..

بقينه نحچي شويه وبعدين رحت المُهره لگيتها گاعده بالصاله وياسر نايم على رجلها گعدت يمهم..

ــ خابرني ما لك يريد يسوي العرس قبل متخلص العطله...

مُهره: هاا شعجب؟

ديار: گال لان بعد ماكو فرصه احسن من هذا الوقت..

ياسر: ها ان شاءالله خير..

ثاني يوم رحنه البيت عمتي ام رضا حتى هي تروح ويانه للسوگ تغدينه يمهم و راحت افنان تبدل و تجي ويانه..

واستغربنه من اندگ الباب وفتحه رضا و دخلت مره وياها بنيه شابه منعرفهن سلمنه عليهن وگعدن..
گالت المره لـ ام رضا...

ــ احنه جايين نشوف بنتچ افنان نخطبها لابني احمد...

بقيت صافنه احمد نفسه الدكتور بالجامعه باوعت على مُهره وهي تباوع عليه وابتسمنه...

يتبع🦋.....

ـــــــــــــــــــــــ

لا تنسون التصويت والتعليق بين الفقرات

احبكم هواي ♥