رواية قلب الصخر الفصل العاشر 10 - بقلم الكاتبة ديانا

البارت العاشر ...
ريم ...
وصلنا للبيت والحمدلله اني مرتاحة... نفسيتي احسن ... بعد كلام شيخ صخر  وياية... هدأت ... نزلنا و جان يجي يوكف بصفي و نصه علية و كلي وهو  مبتسم  ... انت مرت صخر ارفعي راسج دتشوفين هالقرية ... كل نسوانها  تحسدج.. المتزوجة و الموش متزوجة ... لان ياما و ياما هدولي بناتهم و تمنوا اخذ منهم بس انه كاطع عقلي من الزواج ...اليوم رح اخذلج حكج و ما اكون صخر الا ما ازوعهم العافية و اخليهم يتمنون لو منولدوا ...
اني ابتسمت اله وكتله ممنونة منك ... كالي لا لا تشكريني هذا واجبي ... كلي باوعي ترة كلت لامي صارلنه سنه متزوجين و انت يتيمة و هدوج الي ... باوعتلة واتفاجئت كلي لا تكولين غير هالحجي ... حتى لا يصير حجينه مختلف و يشكون بينه ... حاوطني بذراعه اليمنه و لزم چتفي بايدة... باوعلي و طيب خاطري بابتسامه زينت ملامحه القاسية وصار كولش   حلووو .. اني استحيت و دنكت ... و طبينا جوة .. الطرمة مليااانة زلم و جهال ... كلهم باوعوا علينه من طبينه و صافنين علية بس ظاهر خزرهم فالكل اندارت وهمه مو غربة كلهم ولد عمه ... و ولد خواله ...
دخلنا جوة و جان يجن نسوان اثنين وحدة كبر امي و اللخ اصغر كلي هذني خالاتي ام محسن و رباب خالتي رباب عايشة ويانه ...كتلهم اتشرفت بمعرفتكم ... هذني باسني و ودوني جوة... هو كلهم الحجية وين ..؟ كالوا بغرفتها ...
اخذني و طبينا جوة ...البيت رح يوكع من الناس ... زغار و كبار كلهم ظلوا صافنين عليه .. كلي بصوت ناصي رح تتعبين بالسلام ... لان اهليتي هواية... بس خلي اول نروح نسلم ع الحجية...
و نرجع نسلم عليهم ...
و وصلنا للغرفة و فتحها وجان ندخل سلم و اتوجه لامه باس  راسها ... كلها حجية هاي مريتي .. و جتي تسلم عليج ... هي مرة جبيرة بس مبينة قوية و متسلطة ... باوعتني بطرف عينها .. جان دكول صخر انه موش امك... ولا اريدن اسمع اي حجاية منك ... اخذ هالبنتو اطلع من غرفتي ... رح تقيم الصلاة اريدن اصلي ....
هو تنهد و ضاج كللها .. زين يمة على راحتج بس ترة عرسي باجر رح تبقين هنا ... مدكومين و تهلهلين لعزيزج ... هزت راسها و كالت انه عزيزي ارتحل و راح ... ما ظل عزيز عندي ...
عجبتني قساوتها .. ليش هيجي ابنها يحبها و يريد خاطرها هيج تواجهها ...
جرني من ايدي و جان يكول بس يمة انه ما اطلع من بيت ابوي ... هنا اتربيت و هنا صرت شيخ و هنا اتزوج و هنا اموت ...
من جرني و حجه هالجملة كلمته الاخيرة خنگتني ... حسيت اني اله انتمي ... وجعني حجيه ....

جرني و اخذني مشة لاخر البيت اكو درج وكف يم الدرج و اعصابه ناااار جان يكلي شوفي اكو فوك غرفة رح اصعدج بيها و كعدي هناك و ابد ما تنزلين ... سمعتي ... ابد ... و انه يخلص الفصل و اجيج و اذا احتاجيتي شي ... انه رح ادزلج خالتي رباب تخمج بين فترة و اللخ ... فهمتي تعاي ...
اني مصدومة ... بالوضع .. ما ادري اشيل هم امه الي متنحسة ... ما ادري اشيل هم رح يغيب و يعوفني وحدي ... گادني   و صعدني فوك وصلنا لغرفة مطلة ع الشارع ... كتله و دمعتي نزلت حتعوفني وحدي ....كلي هي كم ساعة و اجي ولازم تتعودين تبقين وحدج انه عندي مسؤليات هواية.. المهم رح اروح هسة و ان شاءالله اجيبلج حكج و زايد .... مد ايده و بكل حنية مسح دمعة نزلت غصب عني  و باسني من راسي .....
اني اتفاجئت و جمدت حواسي صح جانت بوسة بريئة وما شفت اي احساس بعينه الي ... ما عدا الخوف و الاهتمام ...
بس اني كلبي سرع نبضه لان جان كللش قريب مني ... و انفاس بوسته من حطت على جبيني دفت برودة الخوف الي جواية ... حسيت بامان ما اشوفة مرعب مثل ما يشوفه البقية ... الموجودين بيتهم من طبينه كلها ترجف و تترقب اله من دخل .. الا اني احس وياه بامان ...
كلي رح اخليج هنا بس لا تطلعين ريم ... لان امي شوية عصبية و ما اقتنعت بفكرة زواجنا و طريقتها ... فما اريد تصير هوسة هاليومين اليوم افض الفصل وباجر افض الزفة ,....
مفروض انقهر و ابجي من جاب طاري الزفة مثل البارحة .. بس اليوم حبيت الفكرة ... اني رح اصير مرت هالشهم هذا و يبقى يدافعلي و ميقبل ع العوجة ...
تمنيت زواجنا طبيعي .. وهو يصير رجلي صدك و اني مرته و يباوعلي بنظرة عاشك و ابادله النية ...
دمعت عيني لهالامنية و كلي ياله كافي ادري بيج خايفة بس ترة اهلي ميعضون ....  مسح على راسي و راح ...اني ما ادري ليش حسيته رايح و يطول ميرجع ... غمضت عيني حيييل و رحت وراه هو وصل يم الباب ...
لزمته من چفه و عصرته حييل ... گتله لا تطول ...
گلي انت شنو رح تكلبينها عزة و بجي ودموع ... ابتسمت
كلي اي اريدنج هيجي تضوين بهالابتسامة ... و ابتسم و راح ...
رحت يم الشباك وكفت و ظليت اباوع من ورة البردة جان يطلع من جوة  ديمشي هسة انتبهت عليه سمراه حلو ... و طوله هيبة .... ملامحه حادة مو اي واحد يحبه ... بس گلبه ابيض ... نيال الي رح تاخذك 😭😭😭😭😭😭
اي ريم اسكتي انت مو من محافظته و لا تنسين هو تزوجج صوري حبر على ورق .. و كلج اني متنازل عن حقوقي الزوجية .. يعني زواج بالاسم ... لا تفرحين باجر حيسوون زفة و كذا ... لا يابة هاي كلاوات يمشيها ع العالم مو تصدكيها ...
يروح و يجي مخبوص و كومة زلم تتمنى اشارته ... لابس سلاحه و ساعة بايده ... جذبني صراحة من شفت همته ...
ورة شوية جتي خالته ... حبابه كلش كلتلي ريم انه ادري بيج ما متريكة ... هذا ريوك ... اكلي و هذا ماي وياه ...
كتلها شكراً.. كالت و من تحتاجين شي صيحيني انه اجي طيارة ... كتلها اخبار العرسان سمعت عدكم عرس البارحة ... (ولا سالت على سارة شكد عيب ..) كالت زفينهم للفندق و اليوم حيروحون للنجف يطيرون لتركية يبقون اسبوعين و يروحون لشقتهم لبغداد ..كتلها ميجون هنا ...؟ كالت لا مو طلاب اثنينهم يدروسون ابغداد و هناك يظلون علما يخلصون ... كتلها هاا زين شكراً
خطية حبابة كووولش .. طلعت و اني ظليت افكر ... يعني سارة متجي لهنا .. هي البارحة حجت وياية بالتليفون و سولفتلهة كل الي صار و انقهرت علية ... و رادت تجي لبيت شيخ صخر و اني ما رضيت.... خطية عروس شنو اكسر عرسها ، كافي الي صار و ابتلش الشيخ بيه وعاف عرسهم هنوب هي هم خطية اخبصها ...
مر الوقت عليه بالكوة ... و صار وقت الفصل وكفت اباوع ... هاااي شنو انكلبت الامة سيارات و عالم ما ادري شكد كووومة ... و نصبوا خيم ... و الشيخ دا اباوعه من بعيد مخبوص ... كلت يا رب شنو هالصخر .. هذا مو صخر خبص هالدنية هاي كلها علمودي ...
ورة تقريباً نص ساعة صار عياط برة و هوسة ... لا هاي شنو صار طلقات و ضرب ... و زاد صوت الطلقات اني الوب شفت رياجيل ركضوا و سيارت شحطت  والي بيها طلعوا رشاشات و ضربوا طلقات ... اني من الخوف رحت كعدت بالزوية و صميت اذني و ابجي ...
وجان اسمع ركع اليبوو جوووة و يصيحون باسم صخر انهاريت و كمت ابجي .... جان تجي رباب خالة صخر اتصوب ريم .....😱😱😱