رواية قلبي بينادي باسمك الفصل التاسع وأربعون 49 - بقلم sasso

كان قاعد في مكتبه و باله مشغول بريماس ، دخل السكرتير عليه

السكرتير: في حريم يبغونك استاذ سيف

عقد حواجبه باستغراب

سيف: مين
السكرتير: بيقولو سلمي و روان
سيف: مين هذولا
السكرتير: ما ادري ! ادخلهم
سيف: اوك

خرج السكرتير و دخل سلمي و روان ، اول ما شافهم قام من على المكتب و شاور لهم بأيده يقعدو

سيف: هلا فيكم اتفضلو

قعدو و بص للسكرتير

سيف: شوف ايش يشربو
روان: قهوه
سلمي: ليمون

استغرب سيف من طلباتهم بس سكت ، ابتسم

سيف: حضر لهم طلباتهم و حضر قهوتي
السكرتير: حاضر

خرج السكرتير و قعد على راس مكتبه باصص ليهم باهتمام مستني حد فيهم يتكلم ، لحد ما قطع سكوتهم بكلامه

سيف: صديقتكم بخير
روان: عندها إنهيار
سيف: ليش ، فيها شي ثاني
سلمي: انت تدري ايش يعني كسر مضاعف بالحوض

بلع ريقه بتوتر

سيف: يعني انا مو دكتور بس اكيد شي سيء
سلمي: سيء ، هذي ما تتحرك لأقل من ٦ شهور و علاج طبيعي مو سهل ترجع طبيعيه
روان: ريماس كانت بالسنه الخامسه للكليه و بسببك بتعيد السنه مره ثانيه
سيف: انا اسف بس جد ما كنت اقصد

سكت شويه في توتر و رجع اتكلم

سيف: طيب هي تحتاج شي الحين
سلمي: أنصحك تشوفها
سيف: نعم
روان: يعني تقصد ان زيارتك لها بتخليها تتحسن
سيف: ليش
روان: يعني احساس ان في أحد بظهرك او كذا
سيف: انا ما اقدر ازورها ، ايش الصفه الي تجعلني ازورها ، اعطوني رقم اهلها و بكون على تواصل دائم معهم 

بصو لبعض في قلق الي خلى سيف يعقد حواجبه و يحس ان في حاجه غلط

سلمي: لا ما ينفع اهلها

رفع حاجب و بص لهم باستغراب

روان: اهلها متوفين
سيف: اخوها
سلمي: وحيده

سكت سيف بعدم اقتناع و بص لهم

سيف: انتظرو ساعتين بنروح المشفى مع بعض

هزو رأسهم بمعني تمام و خرجو من المكتب ، فضل ساكت شويه شاكك بسبب لقلقه البنات ، قرر يركز في شغله و يشوف الموضوع دا بعدين
___________________________________

دخلت الفيلا بتاعتها بهدوء لقت رضوى بتجري عليها

رضوى: سالي طمنيني عليكي
سالي: انا كويسه يا ماما
رضوى: واختك ابوكي قالي انكو اتشاكلتو
سالي: سوار كويسه تعبانه شويه بس
رضوى: مالها هي في فيلتها
سالي: مفيش يا ماما جالها مغص بس
رضوى: يعني احساسي كان صح ، في حاجه حصلت امبارح
سالي: لا يا ماما و الله سوار كويسه ، سوار و عبد الرحمن طقشو في بعض بس فسوار تعبت انت عارفاها
رضوى: سالي ، انت مش مخبيه عني حاجه
سالي: لا يا ماما متقلقيش

جت تمشي بس قاطعتها صوت رضوى

رضوى: سالي انا عاوزه اروح لأختك
سالي: اصبري يا ماما شويه و هنروح لها
رضوى: لا عاوزه اروح لها دلوقتي
سالي: ماما ارتاح شويه بس و نروح

لفت وشها و طلعت اوضتها و سابت رضوى تحت لوحدها

رضوى: ساميه
ساميه: نعم يا ست هانم
رضوى: اتصلي لي باختك كدا
ساميه: ليلي !
رضوى: ايوا يا ساميه هو انا اعرف حد غيركم ، اتصلي اسأليها عن سوار و صحتها 

اتصلت ساميه بليلي ، كانت واقفه بتنظف الريسيبشن و رن موبايلها

ليلي: بت يا ساميه عامله أيه
ساميه: كويسه يا اختى انت عامله أيه
ليلي: كويسه يا اختي ، اخبار الشغل عندك أيه
ساميه: حلو الحمد لله

شاورت رضوى لساميه انها تفتح ال  speaker  ، فتحته و سمعت كلام ليلي

ساميه: بقولك أيه يا بت اخبار ست سوار أيه ، ست سالي بتقول انها تعبانه
ليلي: اه يا ساميه ، ست سوار دخلت البيت الصبح مع جوزها مسندها و شكلها كان تعبان أوي
ساميه: متعرفيش مالها
ليلي: لا يا اختى معرفش ، بس هتلاقيها تعبت لما نزلو الصحرا دي
ساميه: صحرا أيه
ليلي: أيه يا بت يا ساميه مش كانت الست سوار نازله مع سي عبد الرحمن للصحرا دي
ساميه: وانت عرفتي منين يا اختي
ليلي: سمعتهم
ساميه: يوه يا بت ، انت بتتنصطي على الست هانم ، عيب يا بت هو دا الي ابوكي علمهولك
ليلي: لا يا اختى و الله غصب عني ، كنت برتب البيت و سمعت الست سوار بتتكلم مع سي عبد الرحمن و بتقنعه تروح معاه
ساميه: طيب يا ست ليلي هي الست سوار تعبانه أوي
ليلي: اه دا لدرجه ان سي عبد الرحمن طلب مني اني اخد بالي منها و متتحركش دا حتى الطبيخ قالي اطبخي انت و متوقفيهاش في المطبخ
ساميه: للدرجادي
ليلي: شوفي يا اختى انا شغاله بقالي كام شهر معاهم ، مشفنش الست سوار وافقت مره أطبخ او ادخل اوضتها

شاورت رضوى لساميه تقرب و همست في ودانها

رضوى: قوليلها اني عاوزه اروح لسوار خليها تساعدك و تودوني لها

قامت و حركت راسها بمعني تمام

ساميه: طب بقولك يا ليلي ، الست الكبيره عاوزه تروح لسوار تطمن عليها ، انت عارفه ان سي تركي مش موجود مش هعرف اوديها ليكي
ليلي: كان على عيني يا اختى ، بس اخاف الست سوار تحتاجني وانا برا ، حاولى تجيبيها وانا هساعدك نطلعها لست سوار عادي
ساميه: طيب ماشي روحي خدي بالك منها و احنا هنجيلك دلوقتي

قفلت ساميه مع رضوى و نادت الممرضه عشان يودوها لسوار ، وقفو قدام الفيلا و فتحت لهم ليلي

ليلي: الست هانم في اوضتها
رضوى: طلعوني ليها

شالو رضوى لحد ما وصلت لباب اوضه سوار ، لفت رضوى ليهم

رضوى: خلاص انزلو انتو ، وانت يا ساميه روحي لسالي عشان لو احتاجتك او حاجه

فتحت الباب لقت السرير فاضي ، دخلت و قفلت الباب وراها ، لقت سوار خارجه من الحمام براحه و ماسكه بطنها

رضوى: سوار

رفعت عينيها و بصت على رضوى

سوار: ماما انت جيتي هنا ازاي
رضوى: سيبك مني انا ، انت مالك عرفت انك تعبانه
سوار: مفيش يا ماما مجهده بس شويه

قربت من السرير و قعدت عليه ، قربت لها رضوى و باست ايديها

رضوى: سوار انت فيكي أيه يا بنتي متقلقنيش عليكي
سوار: انا كويسه و الله
رضوى: اومال جوزك فين
سوار: راح المستشفى يا ماما
رضوى: حد يروح شغله و يسيب مراته تعبانه كدا
سوار: انا كويسه يا ماما و الله ، انا محتاجه راحه بس
رضوى: ليه ما انت كنتي كويسه
سوار: ماما انا مجهده جدا و مش قادره اتكلم
رضوى: خلاص خلاص ، ارتاحي و انا جنبك لحد ما تنامي

مددت على السرير و أدت وشها لرضوى الي مسحت بايديها على وش سوار بحنان

رضوى: عبد الرحمن زعلك تاني
سوار: انا الي زعلته المرادي
رضوى: ليه

سكتت سوار شويه و بصت لرضوى و حطت ايديها على بطنها

سوار: ماما انت عرفتي انك جاهزه تكوني ام امتى
رضوى: انا فكرت اني جاهزه بس اكتشفت اني مكنتش جاهزه
سوار: واكتشفتي دا امتى
رضوى: من سنه

بصت سوار لها باستغراب

رضوى: انا كنت مفكره ان الامومه اكل و شرب و لبس و خلاص ، شوفى انا اتعلمت اني اكون ام امتى
سوار: امتى
رضوى: لما حسيت بنعمتك انت و اختك و عرفت اني مكنتش ام انا كنت داده تأكل و تشرب بس مفيش مشاعر

سكتت سوار

رضوى: بتفكري في أيه
سوار: هو انا هبقى أم كويسه
رضوى: طبعا
سوار: أيه عرفك
رضوى: انت اخدتي بالك من كل الناس الي حوليكي كبيرهم و صغيرهم معقوله هتيجي عند ولادك و مش هتاخدي بالك منهم
سوار: بس انا مش شايفه كدا
رضوى: ليه يا حبيبتي
سوار: انا انانيه و مفكرتش فيهم
رضوى: ليه يا سوار ، انانيه في أيه

نزلت دموعها

رضوى: اله هو في أيه يا سوار متقلقنيش ، ولادك فيهم حاجه

هزت راسها بمعني لا

رضوى: اومال في أيه
سوار: ماما انا مش عاوزه اتكلم ، خديني في حضنك

خبطت على رجليها بحسره

رضوى: كان نفسي و الله ، بس مش هعرف اتحرك

مسحت دموعها ومسك كف ايديها و ابتسمت

سوار: مش مشكله ، امسكي ايدي

مسحت على شعرها و ابتسمت بهدوء ، غمضت سوار عينيها و بدأت ملامحها ترتاح و راحت في النوم
___________________________________

دخل الكافيتريا و مسك راسه يحاول يهدى الصداع الي حاسه

تركي: عبد الرحمن

لف وشه لمصدر الصوت و ابتسم

عبد الرحمن: هلا تركي كيف الحال
تركي: بخير كيفها سوار
عبد الرحمن: بخير
تركي: بروح ازورها الحين
عبد الرحمن: هي مو بالمشفى ، اصرت ترجع البيت
تركي: تمزح ليش
عبد الرحمن: تقول ما ترتاح
تركي: طيب انت ليش تركتها ، كنت خليك معها على الاقل اليوم
عبد الرحمن:  عندي معاينات كثيره اليوم ما قدرت أأجلها ، ساعه و ارجع البيت
تركي: طيب فيني أخلص معايناتي و اشوفها
عبد الرحمن: اكيد تركي تنور

أخد باله من انه ماسك راسه

تركي: ايش فيها راسك
عبد الرحمن: لا عادي ألم بسيط
تركي: عاينوك امس
عبد الرحمن: ما يحتاج معاينه تركي انا بخير
تركي: يعني ما عاينوك

شد ايده

عبد الرحمن: لوين عندي معاينات
تركي: بنشوف ايش فيك
عبد الرحمن: يا تركي انا بخير
تركي: ترا عبد الرحمن انت و سوار جننتوني خلصني بطمن عليك
عبد الرحمن: يا ابن الحلال ما في شي
تركي: طيب بكلمك زي سوار يمكن تقتنع " يا عبودي عشان خاطري روح اكشف خليني اطمن عليك" ( بيتكلم مصري و بيقلد صوت سوار)

ضحك عبد الرحمن و زق تركي بهزار

عبد الرحمن: لا لا ما يليق عليك ، وبعدين سوار تقول عبودي احسن منك
تركي: اخ يا عبودي اخ
عبد الرحمن: خلاص تركي نحنا بالمشفى
تركي: حلو انك اتذكرت ، يلا نعاينك

آخده من ايده غصب و وداه قسم الاعصاب و كشف عليه

عبد الرحمن: دريت اني بخير
تركي: أيه بس تحتاج راحه
عبد الرحمن: يا ابن الحلال الدكتور بنفسه قال اني بخير
تركي: حلو كمل كلامه ، تحتاج راحه لانك مجهد
عبد الرحمن: اي دكتور يكون مجهد
تركي: و الله العظيم بكلم سوار تعطيك واحده عبودي تسمع الكلام

ضحك عبد الرحمن جامد

عبد الرحمن: لا لا خلاص
___________________________________

سالي: ساميه هي ماما فين
ساميه: عند الست سوار
سالي: وراحت هناك ازاي
ساميه: انا وديتها يا ست سالي
سالي: طيب انا رايحه لسوار ، اطبخي النهارده اي حاجه سريعه ماشي
ساميه: عنيا يا ست هانم

خرجت من الفيلا و وقفت قدام فيله سوار ، أخدت بالها من عبد الرحمن الي ركن عربيته

عبد الرحمن: هلا سالي
سالي: اهلا يا عبد الرحمن
عبد الرحمن: كنت عند سوار
سالي: لا دا انا لسه جايه ، ماما هي الي عندها
عبد الرحمن: طيب تعالي ادخلى

فتح الباب و دخلت سالي و بعدها عبد الرحمن

سالي: ليلي
ليلي: ايوا يا ست سالي
سالي: هي ماما فين
ليلي: عند ست سوار فوق
عبد الرحمن: كيف طلعت
ليلي: ساعدناها

بصت سالي لعبد الرحمن

سالي: طيب استني لحظات انزل ماما عشان تطلع انت

بصت لليلي

سالي: ليلي تعالي اما ننزل ماما
عبد الرحمن: لا انا بساعدكم انت حامل لا تحملين شي ثقيل

طلعت و طلع عبد الرحمن وراها و دخل الاوضه لقى سوار نايمه و رضوى ماسكه ايديها و بتحسس على شعرها ، بصت رضوى لعبد الرحمن و سالي الي دخلو

رضوى: ازيك يا حبيبي عامل أيه

سابت ايد سوار و مشت بالكرسي ليه

رضوى: معلش انا جيت من غير استأذان بس قلقت على سوار لما عرفت انها تعبانه
عبد الرحمن: لا هذا بيتك
سالي: طب يا ماما مش لما تروحي لسوار تعرفيني
رضوى: انت ليكي حساب تاني ، يعني انت عارفه ان اختك تعبانه و متقوليليش
سالي: يا ماما ما انا قلتلك انها عندها شويه مغص
رضوى: مغص أيه ، اختك مش قادره تمشي

بصت لعبد الرحمن

رضوى: عبد الرحمن و النبي طمني سوار مالها
عبد الرحمن: تعبت شوي خالتي
رضوى: ايوا تعبت مالها
عبد الرحمن: انذار بولاده مبكره

خبطت على صدرها بفزع

رضوى: يالهوي ، طب ليه مهي كانت كويسه
عبد الرحمن: اتعرضت لاجهاد امس

سمعو صوت سوار الي مليان نوم

سوار: ماما

لفت وشها

رضوى: ايوا يا حبيبتي انا هنا

قامت من على السرير ، و اتحركت بالراحه لعبد الرحمن

سوار: حمد لله على السلامه يا حبيبي
عبد الرحمن: ايش اخبارك الحين
سوار: كويسه
سالي: طيب يا ماما يلا ننزل احنا نسيب عبد الرحمن يرتاح
رضوى: طيب ماشي

نزلو رضوي مع مساعده عبد الرحمن و طلع تاني ليها لقاها بتصلي ، دخل اخد شاور و قعد قدامها

عبد الرحمن: تقبل الله
سوار: منا و منكم
عبد الرحمن: اخذتي علاجك
سوار: لا انا نايمه من ساعتها
عبد الرحمن: سوار  العلاج ما ينفع يتأجل
سوار: هاخده دلوقتي

بص لملامحها و عقد حواجبه

عبد الرحمن: انت بخير

بصت سوار له و عيونها مليانه دموع

سوار: انا مستاهلش اني ابقى ام
عبد الرحمن: ليش
سوار: كانو هيموتو بسببي
عبد الرحمن: لا ..

قاطعته سوار

سوار: انا انانيه ، فكرت في نفسي و مفكرتش في عيالي ، الاولى اني افكر فيهم ، انا هبقى أم فاشله

مسح دموعها و مسك وشها و رفعه ليه

عبد الرحمن: ارفعي عيونك

بصت في عيونه

عبد الرحمن: انت تدرين ايش يعني ولاده مبكره
سوار: اه هيتولدو بدري و ممكن يموتو
عبد الرحمن: لا يتحجزو بالحضانه لين تكتمل الرئه
سوار: ما هي هي يا عبد الرحمن

خرج نفس و مط شفايفه

عبد الرحمن: سوار انت اكتر شخص ما ينطبق عليه كلمه أناني ، تهتمين في سالي و أمك و تركي و تصالحيني انا و بدور و تشوفي متطلبات ساره و جهاد ، كل هذا و انانيه
سوار: ما اي حد بيعمل كدا الي بيحبهم
عبد الرحمن: لا ، مو اي احد

بصت سوار له و سكتت

عبد الرحمن: غلطتى أيه غلطتي ، اتسببتي بخطر لك و لاولادنا أيه اتسببتي ، بس خلاص هم بخير
سوار: لا هم مش كويسين ، انا هفضل خايفه لحد ما يتولدو
عبد الرحمن: سوار ، ربك الحافظ مو انت ، ربك اذا قدر ان الاولاد يولدون بصحه بينولدو ، مو انت الي تقررين

باس ايديها

عبد الرحمن: في حريم يحملون و يسقطون و ما يساوون اي مجهود ، بس رب العالمين مو مقدر لهم الحين ، هذا رزق
سوار: بس انا خايفه
عبد الرحمن: ادري ، بس الخوف ما بيثبت الحمل ، و ما يخليك توصلين للتاسع بدون مشاكل ، إيمانك برب العالمين بس الي يوصلك
سوار: ونعم بالله
عبد الرحمن: وبعدين اشتقت لعبودي منك

ضحكت سوار وسط دموعها

عبد الرحمن: أيه اضحكي ، احب ضحكتك و دلعك
سوار: تحب تاكل أيه النهارده يا عبودي
عبد الرحمن: ليلي طبخت اليوم لا تشيلي هم
سوار: ليه مش انا الي بطبخ
عبد الرحمن: بس اسبوع او اثنين لين ترتاحي و تطبخين
سوار: يعني يرضيك تاكل من ايد حد غيري با عبودي
عبد الرحمن: لا ، بس بتحمل لين تكوني بخير

قام و باس راسها

عبد الرحمن: يلا ننزل نجلس شوي مع أمك
___________________________________

دخل الاوضه بعد ما خبط عليها

سيف: السلام عليكم
ريماس: وعليكم السلام
سيف: هلا اختى ايش اخبارك

مثلت انها متأثره

ريماس: بخير ، الحمد لله على كل شي
سيف: امتى العمليه
ريماس: بعد اسبوع
سيف: طيب مين بيحضر معك من أهلك

بصت في عيونه بسرعه و رجعت بصت على روان و سلمي الي بدؤا يحركو أيديهم بمعني لا  وهم واقفين على الباب الي سابه سيف مفتوح

ريماس: أا .. ما في أحد من عيتلي بيحضر
سيف: ليش
ريماس: هم متوفين
سيف: اخ اخت عم اي احد
ريماس: في بنت عمي
سيف: ما في رجال

هزت راسها بمعني لا

سيف: طيب بروح اشوف الدكتور وينه و اشوف التكاليف ، تبغين شي
ريماس: لا

قام من قدامها و اتكلمت بسرعه

ريماس: شكرا لك يا استاذ ..
سيف: سيف ، و ما في شكر انا اسف لاني ما انتبهت و ان شاء الله تكوني بخير
ريماس: انا ريماس ، ان شاء الله
سيف: اذا تبغين شي رقمي مع صديقاتك
ريماس: شكرا لك

هو راسه و اتحرك ، اتحركت روان و سلمي بسرعه بعيد عن الباب و خرج بص لهم بصه سريعه بشك و طلع على الدكتور ، دخلو عليها بسرعه و قفلو الباب

روان: انت ليش قلتي ان عندك بنت عم
ريماس: انت ايش ما تفهمين ، اذا سألك بالمكتب و يرجع يسأل مره ثانيه يعني شاكك بشي
سلمي: و بايش يشك
ريماس: ما ادري بس لازم اساوي اي شي يقتنع و ما يبحث وراي

سكتو شويه و بصت ريماس لسلمي

ريماس: ايش فيك
سلمي: ليتك شفتيه و هو بمكتبه
ريماس: أيه ، رجال قاعد على مكتب ايش فيها
سلمي: لا كان جدا مثير

ضربت ريماس دراع سلمي

ريماس: انت ايش تخربطين نحنا ما نحب عمليتنا
سلمي: ايش اسوى خطف قلبي بجماله
روان: بجماله ولا بفلوسه
سلمي: الاثنين
ريماس: سلمي ، مو وقت مسلسلاتك التركي هذي ، سيف هذا مو سهل و ما ينفع نغفل عن شي
روان: سمعتي

كشرت سلمي

سلمي: طيب طيب خلاص

قامت ريماس من السرير و بدأت تتحرك بتفكير

ريماس: الحين نبغى بنت امينه تمثل دور بنت عمي
سلمي: في حسناء
ريماس: لا لا لا لا ، هذي بينا و بينها مشاكل
روان: خلاص بشوف لك
ريماس: أتذكري اسبوع ولازم تكون موجوده
___________________________________

خرجت من مبني الشركه و تداري عينيها بايديها ، الشمس النهارده شديده و لبسها للون الاسود بيخليها تحرر اكتر و اكتر ، في الاحوال العاديه بتطلب السواق يجيلها يوصلها ، بس السواق مع عبد الله في سفر الرياض ومش موجود ، فتحت الموبيل تشوف ابلكيشن تحجز منه اي عربيه توصلها بس مفيش حد فاضي ، اتحركت شويه لقدام عشان تواجه الطريق تستني تاكسي يوصلها بس مفيش تكاسي ، بدأت تحرك النقاب بحيث يدخل لها هوا بس مفيش هوا بيدخل ، لفت وشها تعد على كرسي بس لقته سخن جدا ، فضلت واققه لحد ما بدأت تحس بصداع شديد بسبب الشمس ، دخل عليها بعربيته و وقف قدامها

ريان: تعالي بوصلك
ساره: لا شكرا انا بخير
ريان: ساره الشمس شديده الحراره ٥٥ بتتعبين
ساره: لا انا بشوف تاكسي يوصلني
ريان: ساره لا تعاندين
ساره: انا بخير يا ريان خلاص امشي ما ينفع توقف كذا بالشارع
ريان: ليش انا ايش الي اسويه
ساره: تكلمني من السياره مثل الي يظبط بنت

استوعب الي بيعمله ، هو متعود على كدا لما كان بيعاكس البنات ، خرج من العربيه و وقف قدامها

ريان: اسف بس عاده
ساره: عاده انك تسولف مع بنات و تظبطهم

سكت ريان

ساره: ريان انا الحين برجع البيت خلاص انا بخير
ريان: ساره انت لابسه اسود متأكد انك الحين بتنشوين ، الله يخليك بوصلك بس ارتاح
ساره: لا انا بخير

بدأ الصداع يزيد و حست فجأه بسائل سخن ينزل من مناخيرها ، حسست على مناخيرها بمنديل لقتها بتنزف ، طلعت المنديل و ظهر الدم الي ريان أخد باله منه

ريان: تنزفين ، ضغطك ارتفع اكيد

دخل العربيه بسرعه يجيب مناديل و هي سندت على مسند جنبها بس شالت ايديها بسرعه بسبب سخونيه الحديد

ريان: خذي هذي مناديل يلا بوديك المشفى
ساره: لا انا بخير

قالت كلمتها و بتدخل المناديل لمناخيرها و غمضت عينيها بتعب واضح ، بدأت تطوح بسبب الصداع و الدوخه ، مسكها ريان من كتفها و دخلها العربيه

ريان: انت بخير بس ضغط

غمضت عيونها بتعب ومقدرتش تتكلم ، ركب جنبها و طلع بيها على المستشفى ، كانت بدأت تغمض عينيها بتعب و ريان بيحاول يخليها فايقه

ريان: ساره فوقى لا تروحي ها

غمضت عيونها و مفتحتهاش تاني

ريان: ساره ، ساره

قال كلامه و هو بيحاول يفوقها ، خبط على خدها بس مش بتفوق ، ركن العربيه على جنب و بص ليها ، كان متردد جدا بس قرر يرفع النقاب عشان تقدر تتنفس ، بص في وشها كان احمر من الحراره و سخن ، فتح تكييف العربيه عشان يحاول يقلل من حراره جسمها بس الحراره مبتنزلش ، وشها لسه احمر ، بص على شفايفها و بلع ريقه ، لف وشه الطريق و مسك الدريكسيون

ريان: ريان هذي غير هذي غير ، انت عندك مبادئ ما تساوي شي وهي ما تبي او مو في وعيها ، هي غير مو مثلهم ركز ، يلا روح على المشفى يلا

طلع بالعربيه على المستشفى ، نزل نادى حد من الممرضين و شالها حطها على السرير ، غطى وشها لما لقى الممرضين بيبصو لها ، دخل وراها للدكتور

ريان: أبي دكتوره مو دكتور
الدكتور: انا الدكتور المناوب هنا ما في غيري ، مين انت
ريان: زوجها 

خلع الدكتور النقاب و فك جزء من الحجاب الي بين جزء من شعرها ، فتح العبايه من صدرها و حط جهاز نبضات القلب ، خلع الحوانتي و رفعو ايديها عشان يقيسو الضغط ، لمح اثار cutting  على معصمها و هم بيركبو الاجهزه

الدكتور: ابغى كلوكوز بسرعه و بلغو الممرضة لتبدل ملابسها

لف الدكتور وشه

الدكتور: مريضه ضغط

سكت ريان معرفش يجاوب

الدكتور: أستاذي بكلمك
ريان: ما ادري
الدكتور: كيف ما تدري ، هي مو زوجتك
ريان: أيه زوجتي ، بس ما ادري

بص الدكتور له باستغراب و رجع كمل شغله ، بدأ يتوتر و بان عليه و دا الي خلى الدكتور يشك فيه ، قرب منه و مسك ريان من ايده

الدكتور: انت مو زوجها ، ايش سويت فيها
ريان: زوجها زوجها ، بس تونا مالكين و ما ادري عنها كثير
الدكتور: لا تتذاكى علي ، ايش سويت لها

افتكر ريان تركي

ريان: انا بثبت لك اني زوجها

اتصل ريان على تركي الي شرح له كل حاجه و جاله بسرعه ، دخل تركي على ريان و الدكتور

تركي: هلا دكتور انا دكتور تركي ابن عم ساره
الدكتور: هلا فيك
تركي: ايش في ليش تضايق ريان
الدكتور: كيف زوجها و ما يعرف اذا كانت مريضه ضغط او لا

بص تركي لريان بعدم فهم

تركي: توهم مالكين و ما يدري

هدى الدكتور لما سمع كلام تركي و عرف ان ريان مش بيستعبط ، لف وشه و دخل يكمل شغله

تركي: زوجها !
ريان: هذا الي خطر على بالي
تركي: كنت اعطيني خبر
ريان: ما خطر على بالي ، كنت مستعجل و ابغى اوصلها المشفى
تركي: ايش حصل
ريان: وقفت بالشمس فتره طويله ، نزفت خشمها و فجأه غميت
تركي: طيب خير لا تقلق شي بسيط ، بخبر سيف

مشي تركي من جنبه و مسح على شعره بتوتر و افتكر شكل ايديها و بدأ يفكر أيه السبب
___________________________________

وقفت قدام الفيلا و فتحت لها ليلي ، دخلت لقت عبد الرحمن و سوار و سالي و رضوى قاعدين ، قام عبد الرحمن لما شافها و ابتسم

عبد الرحمن: بدوره
بدور: هلا عبد الرحمن

حضنها

عبد الرحمن: بخير الحمد لله
بدور: انت مجنون ، في رجال عاقل ياخذ زوجته البر
عبد الرحمن: خلاص بدور خلاص
بدور: ايش الي خلاص ، انت نسيت ان سوار حامل
عبد الرحمن: لا ما نسيت بدور خلاص

وطى صوته و ميل على ودنها

عبد الرحمن: امها ما تدري ، نتكلم بوقت تاني

بصت على رضوى و رجعت بصت عليه و هزت راسها ، اتقدمت و سلمت على الكل و جت عند سوار ، حاولت سوار تقوم

بدور: لا لا ، لا تقومي انا بجيك

نزلت باستها و حضنتها

بدور: ايش اخبارك
سوار: كويسه الحمد لله
بدور: جد ولا تستهبلين

ضرب عبد الرحمن كتف بدور بهزار ، ضحكت سوار

سوار: بجد و الله ، الوجع خف شويه
بدور: الحمد لله

طلعت علبه شيكولاته كبيره من شنطتها

بدور: ادري انك تحبين الشيكولاه ، اشتريتها بس لخاطرك
سوار: تسلم ايدك يا بدور
عبد الرحمن: بس الشيكولاه ممنوعه بالحمل

بصت بدور لعبد الرحمن

بدور: جد
سوار: يا عبودي حرام ، كفايه انها فكرت فيا ، تسلم ايدك و الله
بدور: ما كنت ادري
سوار: هعينها اكلها انا و انت بعد ما اولد ، ومش هأكل عبودي  غير حته صغيره قد كدا

ضحكت بدور و بصت لعبد الرحمن و طلعت لسانها

بدور: شوف يا كاسر الخواطر انت ، اتعلم
عبد الرحمن: طيب طيب

دخلت ليلي

ليلي:تشربي أيه يا ست هانم

أدت سوار الشيكولاته لليلي

سوار: بعد إذنك يا ليلي اعملى قهوه للكل و قدمي معاه الشيكولاته دي
بدور: بس هذي لك
سوار: انا هشبع لما تاكلوها ، اوعدك هناكل مع بعض واحده تانيه بعد ما اولد
ليلي: وانت يا ست هانم
عبد الرحمن: عصير برتقال ، و لسالي كمان
ليلي: عنيا حاضر

بصت بدور على رضوى و ابتسمت

بدور: خالتي
رضوى: نعم يا حبيبتي
بدور: خبريني مين تحبين اكتر سوار ولا سالي
عبد الرحمن: ايش السؤال هذا ، اكيد انا
بدور: ما عليك منه خالتي يلا جاوبيني

ابتسمت رضوى

رضوى: محدش اكتر من التاني ، كل واحده ليها حلاوتها
سالي: لا انا بقا عاوزه اعرف

ضحكت رضوى

رضوى: سالي مجنونه ، بحب فيها جنانها و هبلها و طيشها اه هي بتودي نفسها في داهيه بس بتتلحق
سالي: انا مجنونه يا ماما
رضوى: دا حتى جوزك اعترف بكدا
سالي: يا ماما دا جناني دا هو الي خلاه يحبني
سوار: في دي عندك حق فيها
بدور: و سوار
رضوى: فيها حته امومه فطريه كدا معرفش جايه ازاي ، عارفه تفاصيل كل واحد عندها قدره غريبه في انها تخلي الي قدامها سعيد ، انا كنت مفكره اني أم لسوار اكتشفت ان هي الي أمي و أم سالي ، لما شفت تركي و شفت اهتمامها بيه عرفت انها بتعيش كدا دي طبيعتها بتدي ومش بتقول لا

مسك عبد الرحمن ايد سوار و بص لها ، بصت سوار لعبد الرحمن و ابتسم لها و باس ايديها

عبد الرحمن: خالتي ، سوار بتكون ام شاطره ؟
رضوى: شاطره بس ، دي هتبقى احسن ام في الدنيا

ابتسمت سوار و حطت ايديها على بطنها و حسست عليها
___________________________________

فتحت عينيها و حطت ايديها على راسها بتعب ، دخلت الممرضة عليها

الممرضة: انت صحيتي
ساره: انا وين
الممرضه: في المستشفى ، ثواني هبلغ الدكتور

خرجت الممرضة تنادي الدكتور الي دخل بعدها

الدكتور: هلا مدام ساره

قلبها وقع في رجليها لما سمعت كلمه مدام

ساره: اهلا
الدكتور: الحمد لله تجاوزتي الخطر
ساره: خطر ايش
الدكتور: جاكي ضربه شمس و الحمد لله صرتي بخير
ساره: بس انا للحين احس بصداع
الدكتور: هذا طبيعي ، الحين اخوك و زوجك بيدخلون لك
ساره: زوجي
الدكتور: أيه زوجك ، الاستاذ ريان هو الي جابك لهنا
ساره: أيه فهمت

خرج الدكتور و نادى على سيف و ريان ، دخل سيف

الدكتور: و جوزها
سيف: بيجي الحين

خرج الدكتور و دخل سيف لمس شعرها بحب

سيف: انت بخير
ساره: أيه الحمد لله
سيف: ليش ما كلمتيني
ساره: ما حبيت اشغلك
سيف: ساره الساعه الي باخذك فيها ما تأثر ، تدرين اليوم جد حر
ساره: ما انتبهت لين حسيت بالحر
سيف: خلاص الحمد لله انت بخير الحين ، ريان جابك المشفى الحمد لله لحقك

سكتت ساره و سمعو تخبيط على باب الاوضه ، قام سيف و فتح

ريان: اذا ممكن تخبر ساره تتستر ندخل لها

هو راسه بمعني تمام و قفل الباب

سيف: البسي نقابك و حجابك ريان و تركي  بيدخلو يطمنو عليك

هزت راسها و بدأت تلبس ، ساعدها سيف تلبس النقاب بسبب المحاليل الي في ايديها ، فتح الباب و دخل

تركي: عساكي تكوني بخير ساره
ساره: الحمد لله بخير
ريان: ألف سلامه عليك
ساره: الله يسلمك

بص تركي لسيف و شاور له يخرج بس سيف عمل نفسه مش فاهم ، قرب تركي له و قال في ودنه

تركي: اتركهم يتكلمون مع بعض
سيف: لا ما في خلوه
تركي: ترا انت الثاني ، يعني الشغل ما يكون فيه خلوه ، يلا تعال

مسك ايده و شده و على صوته و ابتسم

تركي: بروح مع سيف نشوف قسم المحاسبه

بصت ساره عليهم لحد ما خرجو و بصت لريان الي كان مركز معاها ، كان مركز في عينيها و بيفتكر شكل وشها و شافيفها ، غمض عينه و بدأ يركز ويبطل تفكير فيها ، قاطعه صوتها

ساره: شكرا

فتح عينه و ابتسم

ريان: العفو ، انت بخير الحين
ساره: الحمد لله
ريان: باخذ تقرير من المشفى و اقدمه للمدير تاخذين مرضي
ساره: لا ما يحتاج ، انا بخير
ريان: لا ، انت نزفتي كثير و تحتاجين الراحه

سكتت ساره ، نزل عينه على ايديها الي كانت مشبوكه في بعض بتوتر

ساره: هم ليش يقولو لي مدام

هرش في راسه

ريان: الدكتور سألني مين انا وقلت اني زوجك ، عشان كذا يقولو لك مدام

هديت ساره و توترها قل و دا الي خلى شبكه ايديها تخف

ريان: ابغى اسألك شي
ساره: اسأل
ريان: ليش حاولتي تنتحرين

بصت ساره لريان و مسكت معصمها كرد فعل طبيعي ، نزل عينيه لايديها و رجع بص لها مره تانيه

ريان: فيني اكتم الاسرار
.
.
.
.