رواية قلبي بينادي باسمك الفصل السابع والعشرون 27 - بقلم sasso

خالد: انا بشوف وينه تركي
سيف: شوفه وين ليكون محتاج شي
خالد:بتصل فيه
سيف: لا شوف ليكون الخيل في شي او كذا

مشي خالد و فضلت سالي مع سيف ، وقف جنبها يحرك حصانه قدامها يحاول يلفت نظرها بأي حاجه ، بس هي مركزه في الطريق مستنيه تركي و سوار

سيف: ترا سالي انت بأي صف
سالي: انا في تانيه جامعه
سيف: و الله ما يبين عليك ، الي يشوفك يقول انك بنت ال ١٥ سنه او كذا

بصت له سالي مستغربه

سالي: شكرا لزوقك
سيف: وانت مخطوبه شي
سالي: لا
سيف: تحبين أحد

بصت له سالي مره تانيه و هي مش فاهمه هو بيلمح لإيه

سالي: تفرق؟
سيف:بالنسبه لي أيه تفرق كثير
سالي: وانت عاوز تعرف ليه
سيف: انا أبيك ، خطبتك من تركي بس ما وافق

سكتت سالي و بصتله وملامحها باين عليها انها مش فاهمه حاجه

سيف: يهمني أعرف اذا تحبين أحد او لا
سالي: معتقدش انه من الصح اننا نتكلم
سيف: كذا او كذا كنت بشوفك بالشوفه الشرعيه ، وبسألك نفس السؤال ، قولى انك تبيني و انا و الله لأهدم كل شي لخاطرك
سالي: انت بتقول أيه ، هو انا أعرفك اصلا !
سيف: تتعرفين على عادي
سالي: ازاي
سيف: ناخذ أرقام بعض ، وقت تحسين انك تعرفيني أخطبك

لفت سالي وشها لما سمعت صوت حصان تركي و سوار و معاهم راجل غريب أول مره تشوفه ، نزلت سوار و سالي حضنتها تتطمن عليها ، نزل تركي وقف جنب سالي و عيونه في عيون سيف و بتطلع منها شرار

سالي: انت كويسه
سوار: اخر و أول مره هركبه
سالي: هو أيه الي حصل
عبد الرحمن: العنود كثيره الحركه
تركي: يلا الحين صارت الساعه ٥ الكل يستنانا

ركبت سالي الحصان و بدأت تمشي ، دخل تركي في النص بينها و بين سيف و بص له بصه جامده خلت سيف يلف وشه
___________________________________

ساره: وين ماما
جهاد: مع جدتي
ساره: ايش سوت مع خالتي
جهاد: ما اعرف
ساره: انا ما أستفيد منك في شي

لفت جهاد و شها ليها و سابت الموبيل

جهاد: لا ما تستفيدي ، وانا ما كنت اعرف انك بكل الشر ذا
ساره: أي شر
جهاد: الغلط على انا ، انا وثقت فيك و عطيتك الموبيل
ساره: انا ما سويت شي ، هي الي سوت هي الي ترسل صورها لشباب
جهاد: و اذا ، الله سترها ليش تفضحينها

سكتت ساره مش عارفه ترد

جهاد: انت تفكرين ان تركي بيشوفك لما تثبتين له انها بتساوي شي غلط ، بس تركي ما راح يستأمنك على بيته و ماله و حياته ، انت فضحتيها تقدري تفضحيه
ساره: لا ما اساوي كذا ، انا احبه
جهاد: انت ما تحبينه ، انت تحبين فلوسه ، تحبين قصره ، تحبين مركزه ، اذا جد تحبيه تستودعيه عند الله واذا لك نصيب فيه بيخطبك

سكتت ساره ، جهاد واجتها بحقيقتها الي مش عاوزه تبص عليها ، جهاد أختها الصغيره الي عمرها ما اهتمت بيها و برأيها طلعت فاهمه الدنيا اكتر منها ، خرجت برا الاوضه و طلعت على الصاله تدور على خديجه
___________________________________

حفصه: وزعو الاطباق صح ، ما ابي شي ناقص
فدوي: ابي أحد يوزع الاطباق في مجلس الرجال
خديجة: نادي الخدمات
فدوى: بيساوو شي تاني

نزلت ساره و قربت من خديجه تتكلم معاها

فدوى: اه ساره ، وزعي الاطباق هذي بمجلس الرجال
ساره: وليش انا الخدامات موجودين
فدوى: مشغولين أبي أحد يساعدني

دخلت سالي و سوار و ساره عيونها على سالي مبتفارقهاش

سوار: محتاجه حاجه يا طنط
فدوى: لا حبيبتي ارتاحي انت
سالي: احنا ممكن نساعد لو عاوزه
فدوى: التجمع هذا على شرفكم و انتو تساعدو
ساره: وانا الي اتبهدل صح
خديجة: اذا تبين ساره تساعد ، هن كمان يساعدو
سوار: قولي يا طنط متقلقيش
حفصه: ليش واقفين كذا ، ليش ما أحد حضر مجلس الرجال
سوار: انا و سالي هنعمله عادي

دخلت سوار مع سالي و أخدت الاطباق وقفت قدام باب مجلس الرجاله خبطت تتأكد ان مفيش حد جوا ، لقته فاضي فدخلت هي وسالي

سوار: هاتي باقي الاطباق و المعالق و انا هوزعهم
سالي: هم مش بياكلو في صنيه واحده مفيش أطباق
سوار: مش عارفه ، بس طالما في أطباق يبقى هيوزعو

خرجت سالي تجيب باقى الاطباق و سوار بتوزع الاطباق على المجلس بالترتيب ، حطت الطبق جنبه الشوك و السكاكين و المعالق و حضرت المكان زي تحضير البيت عندها ، حطت ترابيزه صغيره في نص المجلس عليها صنيه القهوه و الكوبايات و ظبطت القعده ، دخل تركي عليها و هي بتظبط المكان

تركي: ايش تسويين
سوار: بسم الله خضتني
تركي: ليش لحالك هنا
سوار: بظبط المكان عشان الغدا
تركي: بالوقت الي يكون فيه البيت مليان لا تدخلين هنا لحالك
سوار: انا تأكدت ان محدش موجود
تركي: واذا دخل عليكي احد غيري
سوار: هخرج

دخلت سالي و هي ماسكه باقي حاجات

سالي: سوار طنط فدوى بتقولك يلا عشان الرجاله زمانهم داخلين
تركي: مو انا الي اتكلمت
سوار: خلاص خلاص هكلمك لما ادخل تاني

خرجت سوار برا المجلس و جت سالي تلحقها وقفت على صوت تركي

تركي: سيف ايش كان يسوي معك
سالي: امتى
تركي: لما كنت تنتظريني
سالي: جه لقاني واقفه لوحدي وقف معايا
تركي: لا عاد تتكلمين معه
سالي: ليه ، هو في حاجه
تركي: كذا ، لا تتكلمين
سالي: طيب خلاص اهدى ، بس هو حقى سيف دا طلب ايدي منك
تركي: ايش دراك
سالي: هو قالي كدا

سكت تركي و اخد نفس طويل بيحاول يهدى

سالي: انت رفضت ليه
تركي: كنت تبينه ؟
سالي: لا مش قصدي ...

قاطع تركي سالي و صوته احتد

تركي: اذا تبينه روحي كلمي سوار توافق ، او اقولك ليش تكلمين سوار روحي قوليله موافقه

سكتت سالي مش فاهمه أيه الي حصل لدا كله لسه جايه تتكلم خرج من المجلس و سابها
___________________________________

لمده ٣ ايام كان قاعد خايف كل ما حد يخبط الباب ، او لما يلاقى شرطه في الشارع يترعب و يلف النحيه التانيه ، بطل قاعده على القهوه و بطل ينزل الجامعه

حسن: ألو ، في أيه يا عمر بقالك ٣ ايام مختفى
عمر: انا مرعوب يا حسن ، حاسس ان في حد هياخدني
حسن: يا ابني اهدى و اعقل بقا ، سالم لا جاب سيرتك في التحقيقات و لا حد يعرف عنك حاجه اصلا
عمر: بس هي عارفه
حسن: عمر ، تعالي نسافر يا ابني تبعد عن الجو دا ، هتقدر تفكر صح

قفل عمر مع حسن الموبيل و فضل يتحرك رايح جاي في البيت مش عارف يتصرف ازاي ، قرر ينزل يتمشي بالعربيه شويه يمكن يقدر يفك ، ركب العربيه و بدأ يتحرك لحد ما وصل للجنه ، بدأ يعرق و يتوتر و معرفش يغير اتجاههه

الظابط: الرخص و البطاقه

بدأ عمر يطلع البطاقه في توتر باين و يدور على الرخصه مش لاقيها

الظابط: فين رخصك يا استاذ
عمر: تقريبا نسيتها في البيت
الظابط: اه قولتلي نسيتها في البيت ، طب اركنلى على جنب كدا
عمر: يا باشا و الله رخصي مظبوطه انا نسيتهم بس
الظابط: مظبوطه أيه بس ، انت قاعد بتعرق و شكلك مش مطمني من لما دخلت اركن على جنب و اطلعلى من العربيه

ركن عمر العربيه و هو بيلعن الساعه الي نزل فيها من البيت ، خرج منها و ركبه بتخبط في بعض ، اخد الظابط بطاقته و كشف عليها فضل الظابط واقف قدام الكمبيوتر شويه لحد ما ريق عمر نشف من التوتر و الخوف ، قرب الظابط منه

الظابط: انت عيل و معاك عربيه زي دي ازاي ، انت ابوك شغال أيه
عمر: ابويا موظف
الظابط: يعنى لو ورثت مش هتجيب نص تمن العربيه دي
عمر: عادي يعني يا باشا حوشت و جبتها
الظابط: انت بتتاجر في أيه ياض
عمر: تجاره أيه يا باشا ما انا ماشي في حالي أهو
الظابط: انت هترد عليا ، وديه على القسم يا عسكري
عمر: قسم أيه يا باشا ، هو افترى و خلاص
الظابط: بس ياض ، انت مش خارج من هنا غير لما اعرف وراك أيه
عمر: هيكون ورايا أيه يعني ، هو انت فاضي فقلت تعمل الشويتين دول عليا ولا أيه

مسك الظابط عمر و اخده للبوكس و طلع معاه على القسم
___________________________________

خلصو غدا و كل واحده مسكت موبايلها او الي قعدت قدام التيليفزيون

سالي: سوار ممكن اروح البسين
سوار: تعملى أيه هناك
سالي: هعد قدامه وقت الغروب هناك هتلاقيه تحفه
سوار: طيب بس مش هنتأخر
سالي: وعد

طلعت من مجلس الستات و خرجو للبسين الي كان عباره عن بسين كبير و حوليه قعدات خشب فوقيها شمسيات كبيره ، دخلت سالي و هي بتطنط من الفرحه

سالي: تحفه
سوار: جميل أوي فعلا
سالي: تعالي نعد
سوار: سالي ، احنا قلنا هنشوف بس
سالي: يوه يا سوار ، يا بنتي فكي شويه محدش هنا ، الكل جوا مش قادرين يتحركو من الاكل

ضحكت سوار

سوار: فعلا ، الاكل كان حلو أوي
سالي: طب أيه هنعد
سوار: هنعد

قعدت سالي علي حرف البسين و دلدلت رجليها و شاورت لسوار تعد زيها

سوار: لبسي هيتبل ، انت رفعتي بنطلونك انا هرفع فستاني ازاي
سالي: ارفعيه لحد ركبتك محدش موجود ، يلا يا بنتي محدش هنا

رفعت سوار فستانها لحد اخر ركبتها و قعدت مدلدله رجلها في الميه ، بانت حرقه كبيره في رجليها اليمين واخده من كعبها لحد ركبتها ، بصت سالي عليها و لمستها بالميه

سالي: هي لسه معلمه!
سوار: متبصيش عليها يا سالي ، احنا خلاص فتحنا صفحه جديده
سالي: بس انت شكلك لسه مقفلتيش القديمه

سكتت سوار و بصت لحرق رجليها

سوار: المهم انك تقفليها انت

سكتت سالي و وشها كشر

سالي: اذا انا قفلت صفحته الي عمله فينا هيفكرنا
سوار: متفتكريهوش
سالي: انت كل يوم بتبصى عليها ، هتنسيها ازاي
سوار: انا هعرف أنساها ، انت المهم تنسيها
___________________________________

عبد الرحمن: بس جد اليوم كثير حلو إشتقت لطلعات الشباب هذي
خالد: والله احنا اشتقنا للسهره معك
تركي: اتذكر اول يوم لي بالمشفى ، بعد الدوام أخذني و سهرنا مع بعض ، كانت أول طلعه مع بعض و من وقتها ما وقفنا طلعات
خالد: ابي اشوف كيف تروض الخيول
عبد الرحمن: ابشر ، الجمعه الجايه عندي بالبيت
تركي: ان شاء الله بجيب الشباب
عبد الرحمن: واذا تبي اخواتك يجون اختي بتجمع صديقاتها و يستانسو

استغرب تركي من عزومته

تركي: بشوف ظروفهم اذا يبون يجو
___________________________________

دخل القسم و باين عليه الخضه ، الظابط روقه طول الطريق لحد ما رجليه سابت

عمر: انت ملكش حق تقعدني هنا
ايهاب: في أيه يا ابني أيه الدوشه دي
الظابط: دا عيل عامل دوشه يا باشا
ايهاب: و دا عامل دوشه ليه بقا ان شاء الله
عمر: يرضيك يا باشا يمرمطني المرمطه دي وانا معملتش حاجه غلط ، نسيت الرخص في البيت
الظابط: يا باشا دا معاه عربيه لو قعد يشتغل عمره كله مش هيعرف يجيب نصها
ايهاب: و انت مالك يا حضره الظابط ، احنا هنحاسب كل واحد معاهد أيه ومش معاه أيه
الظابط: يا باشا دا اكيد بيتاجر في حاجه
ايهاب: ظبطه بحاجه

سكت الظابط

ايهاب: رد
الظابط: لا
ايهاب: روح يا ابني أدفع غرامه الرخص ، المره الجايه العرييه هتتشد منك

خرج عمر وهو ناوي يصلي الظهر ٥ مرات عشان قدر يخرج بأقل خساره

ايهاب: في أيه يا حضره الظابط ، من امتى واحنا بنبني المحاضر على تهيؤات
الظابط: يا باشا لا انا متأكد
ايهاب: بقولك أيه يا مستجد انت ، طول ما انت متعرفش أصول الشغل متقرفناش ، روح يا حبيبي لما تبقى تتأكد يبقى تعالي

قفل ايهاب الباب في وش الظابط و دخل كمل شغله و الظابط حلف ايمانات مغلظه انه مش هيسكت غير لما يثبت ان عمر وراه حاجه
___________________________________

عبد الرحمن: أيه ، الحين تزيد تركيز العلاج بالتدريج على مراحل متساويه ، و تابعني دائما هوفر لك وقت

وقف لما سمع صوت بنتين جاي من البسين ، قفل المكالمة و وقف بعيد فضوله غلبه يشوف

سالي: أما صحيح مين ابو عيون سود
سوار: مين ابو عيون سود دا !
سالي: يا سوار ، متستعبطيش
سوار: يا بت في أيه مين الي بتتكلمي عنه

بصت سالي لسوار و خبطت ايديها بهزار

سالي: الي كان راكب على الحصان جنبكو
سوار: اه ، انت قصدك على عبد الرحمن
سالي: اه يا ستى عبد الرحمن
سوار: دا صاحب تركي ، هو الي وقف الحصان العبيط بتاعي

فتحت ايديها و مالت عليها

سالي: و راح بقا لحقك كدا و قالك انت ازاي جميله أوي كدا
سوار: بس اتلمي
سالي: لا بس الراجل مشالش عينه من عليكي
سوار: انت يا أروبه انت ، انت لحقتي تشوفى كل دا امتى
سالي: عيب عليكي ، اختك مش اي كلام
سوار: بس يا سالي عيب كدا ، هو كتر خيره وقف الحصان و كلم تركي ياخدني
سالي: بس بذمتك ، مش الراجل قمر
سوار: انت القعده معاكي تودي في داهيه
سالي: يا بنتي احنا لوحدنا ، انا اختك سترك و غطا عليكي

بصت لها سوار لقتيها بتبص ليها بصه غريبه و مبتسمه

سوار: البصه دي مبتعحبنيش
سالي: هو انا عامله حاجه !
سوار: لا خالص
سالي: لا بس تخيلي كدا سوار و عبد الرحمن قصه حب ملتهبه 

ضربت سوار سالي على رجليها

سوار: و الله انك قليله الادب

خرجت من البسين و راحت للقصر و سابتها ، ضحكت سالي على رده فعلها و بدأت تمشي وراها

سالي: خلاص خلاص ، معرفش انك بتتكسفى كدا

ابتسم لما سمع كلامهم و رجع تاني للشباب ، دخل شاف تركي ناداه و طلب منه موبايله يعمل مكالمه سريعه ، دخل على الارقام أخد رقم سوار و رجع له الموبيل تاني ، استأذن من القعده بحجه انه عنده شغل ، ركب عربيته و مسك الموبيل على الرقم و فضل باصص عليه شويه وبعدها
.
.
.
.