تحميل رواية قلوب علي كذب بقلم مريم احمد pdf

وصلت سارة مع وقت وصول عهد

راحتلها عهد و سلمت عليها و راحوا هما الاتنين لعربية سارة

اتكلمت عهد و هي بتقول

عهد...يا رب التدريب ميطولش بجد

ضحكت سارة و قالتلها

سارة...من اربع لتمن ساعات

بصتلها عهد بزهول و هي بتقولها

عهد...نعممم

ضحكت سارة و قالتلها

سارة....بيقولوا لسه مش متأكدة هنروح دلوقتي و نعرف

هزت عهد راسها و هي مبتسمة

....لا اله الا الله محمد رسول الله

نزلت عهد هي و سارة و بصت للشركة برهبة من. شكلها

اتكلمت سارة و هي بتقولها

سارة....يلا

راحت هي و عهد ف اتجاه بوابة الشركة

و اول م دخلوا لاقوا موظفة استقبال رايحالهم و هي بترحب بيهم و بتقولهم

نيفين...اهلا بيكوا اكيد حضراتكوا سارة هانم و عهد هانم صح

قفلت عهد حواجبها باستغراب من كلمة " هانم " اما سارة ف ابتسمتلها و قالتلها

سارة...بالظبط

ابتسمت نيفين و قالتلهم

نيفين...طيب اتفضلوا معايا

راحوا معاها و عهد كانت شايفة كمية النظام اللي ف الشركة و قد ايه الشركة مرتبة و منظمة

اتكلمت نيفين و هي ماشية معاهم ف اتجاه مكتب و بتقولهم

نيفين...دلوقتي هتلاقوا ف المكتب مساعدين هيعرفوكوا كل حاجة

سألتها عهد و هي بتقولها

عهد...طيب معلش هو وقت التدريب هيكون قد اي

ابتسمت نيفين و قالتلها

نيفين...المساعدين جوا هيقولولكوا كل حاجة

هزت عهد راسها و نيفين مشيت و عهد و سارة دخلوا المكتب

....لا اله الا الله وحده لا شريك له

عدى خمس ساعات كانت سارة و عهد خلصوا التدريب

اتكلمت سارة و هما ماشيين ناحية العربية و هي بتقول

سارة..انا جعانة جدا

هزت عهد راسها و قالتلها

عهد...و انا كمان

بس اتصدمت لما سمعت سارة بتقولها

سارة...خلاص تعالي نروح عند اي مسمط ناكل طاحن ورق عنب بالكوارع و فتة كبدة

بصتلها عهد بدهشة و قالتلها

عهد...نعم؟

قالتلها سارة بسخرية

سارة...خير مبتكليش كوارع ؟

هزت عهد راسها بنفي و قالتلها

عهد...لأ

قلبت سارة عيونها بملل و قالتلها

سارة...مبتفهميش عموما

ردت عليها عهد بزهول و هي بتقولها

عهد... مش عارفة انتي ازاي من التجمع بجد

سارة... ما عشان انا من التجمع بستنى اخرج عشان اكل براحتي

سألتها عهد و هي بتقولها

عهد... انتي اهلك عارفين انك بتاكلي الاكل دا ؟

هزت سارة راسها بنفس و قالتلها

سارة...انتي اكيد مش هتقوليلهم صح

كانت لسة عهد هترد عليها بنفي بس سمعوا هما الاتنين صوت يوسف و هو بيقول لسارة

يوسف...على ايه يا سارة هانم وووو

ععع

↚

اتخضوا هما الاتنين لما سمعوا صوت يوسف و هو بيقول لسارة

يوسف...مش عايزاها تعرفنا ايه يا سارة هانم

اتصدمت سارة و معرفتش تقوله ايه عيونها ف ثواني دمعت لما فكرت. انه لما يعرف هيزعل منها

اتكلم يوسف بحدة خفيفة عشان يخليها تتكلم و تقوله

يوسف...هاا؟

رجعت لورا خطوة و كانت هتقوله بس سمعت صوت عهد بيتكلم بكل ثقة و هي بتقوله

عهد...و انت مالك ؟

رفع يوسف حاجبه باستنكار و بص للشركة على اساس انه لسه موفرلها مكان محترم و كويس للتدريب

اما هي ف متلكمتش تاني بس بصت لسارة بمعنى انها متخافش

اتكلم يوسف و هو بيقولها

يوسف...لا معلش بقى هو انتي اللي مالك ..واحد و اخته بيتكلموا انتي ايه اللي يخليكي تتكلمي معانا اصلا ؟

ابتسمت بسماجة و قالتله

عهد...و اختك لو كانت عايزة تقولكوا كانت قالتلكوا

حست سارة انهم هيتخانقوا ف اتكلمت و هي بتقول

سارة...خلاص يا جماعة يلا نمشي

اتكلم يوسف و هو بيقولهم

يوسف...يلا تعالوا

استغربت سارة و شاورتله على عربيتها و قالتله

سارة...طب و العربية

رد عليها و هو بتقولها

يوسف...فتحي هيجيبها

هزت سارة راسها و اديتله مفتاح العربية و بعدين بصت لعهد و قالتلها بابتسامة

سارة...يلا يا عهد

رفعت حاجبها و ردت عليها و هي بتقولها

عهد...نعم!

سارة...يلا عشان نمشي

هزت عهد راسها برفض و قالتلها

عهد...لأ شكرا انا هطلب عربية توصلني

نفخ يوسف بنفاذ صبر من عِندها و سارة مسكت ايدها و قالتلها

سارة...لا و يلا بقى عشان عايزة احكيلك على حاجة

ملحقتش عهد ترفض لأن سارة شدتها و مشوا كلهم للعربية

و عهد كانت متضايقة جدا من يوسف عشان كدا مكنتش عايزة تروح معاهم بس متكلمتش

.....لا اله الا الله محمد رسول الله

في كلية الحاسبات و المعلومات

كانت داليا قاعدة لوحدها لحد م المحاضرة التانية تبدأ

بصت حواليها لاقيت الطلبة كلهم بيتكلموا الا هي تقريبا مسكت تليفونها و هي حسة بالخنقة من الكلية

حست بحد قعد جمبها بصت لاقيتها بنوتة مبتسمالها

ابتسمتلها داليا بمجاملة و استغراب و البنت اتكلمت و هي بتقولها

دينا...ازيك انا دينا

خلصت كلامها و هي مادالها ايدها عشان تسلم عليها

بصتلها داليا لثواني و بعدين ابتسمتلها و سلمت عليها و قالتلها

داليا...داليا

ابتسمت دينا و قالتلها

دينا...شوفتك انا و هاجر ساكتة و قاعدة لوحدك قولنا نيجي نسلم عليكي

ظهر على ملامح وش داليا الاستغراب لأن مكانش في غيرها اصلا

ضحكت دينا و بعدين اتكلمت و قالتلها

دينا...هي جاية بس ف الكافيتيريا بتجيب حاجة نشربها

هزت داليا راسها و سمعت صوت بنت بتقولها

هاجر....هاي

بصتلها لاقيتها قاعدة قدامها و مدتلها هي و دينا كل واحدة كوباية فيها مشروب

ابتسمت داليا و قالتلها

داليا....هاي

اتكلمت هاجر و هي بتقول

هاجر...انا هاجر صاحبة دينا

ابتسمتلها داليا بمعنى انها عرفت و قالتلها

داليا...اهلا بيكي

ابتسمت هاجر و سألتها و هي بتقول

هاجر...انتي سنة اولى ؟

ضحكت داليا و قالتلها

داليا...باين عليا اني لسة جديدة اوي كدا

ضحكوا على كلامها و دينا قالتلها

دينا...مش اوي احنا كمان سنة اولى

قالتلها داليا و هي مبسوطة

داليا...يعني نفس الدفعة

هزت دينا راسها و قالتلها

دينا...ايوا م انا شوفتك كذا مرة ف المدرج

ابتسمت داليا و قالتلها

داليا...مخدش بالي

هزت دينا راسها بتفهم و فضلوا هما التلاتة يتكلموا و داليا كانت مبسوطة انها بقى عندها صحاب يحببوها ف مرواحها للكلية

.....استغفر الله العظيم و اتوب اليه

وقف يوسف العربية قدام بيت عهد

اتكلمت عهد بشكر و هي بتقوله

عهد...شكرا

هز دماغه و متكلمش و عهد سلمت على سارة و نزلت طلعت بيتها

نفخ يوسف بزهق و هو بيقول لسارة

يوسف...دماغي صدعك من رغيكوا

ضحكت سارة و قالتله لما افتكرت

سارة... صحيح يا ابية هو انت جيت لية

سكت يوسف و مردش و سارة قالتله بعد م ضحكت

سارة... مقصدش انك متجيش بس استغربت

هز دماغه و قالها

يوسف...جيت عشان دا اول يوم تدريب ليكوا و انا عارف ان المدربين و المساعدين و الناس دي يتكلموا مع المتدربين بحدة ف قولت اطمنت ان محدش كلكوا باسلوب وحش لأن كان هيبقى اخر يوم ف شغلهم

ضحكت سارة على كلامه و قالتله

سارة...لأ كلهم اتكلموا معانا بترحيب

هو دماغه و قالها

يوسف.. كويس

.... لا إله إلا الله محمد رسول الله

طلعت عهد البيت و اول م دخلت من باب الشقة راحت بسرعة لأوضة داليا تطمن عليها عملت ايه ف الكلية انهاردة

بس اتفاجئت لما ملقتهاش

راحت عهد للبلكونة لما لاقيت امها هناك

بصتلها هالة و ابتسمتلها و هي بتقولها

هالة...حبيبتي انتي جيتي

هزت عهد راسها و قعدت قدامها و هي بتقولها

عهد...اومال داليا مجاتش ولا ايه؟

هزت هالة راسها و قالتلها

هالة...جاية ف الطريق اهي

هزت عهد راسها و هالة قالتلها

هالة...عملتي ايه ف التدريب

هزت عهد راسها و قالتلها بابتسامة

عهد...الحمدلله

↚

ابتسمتلها هالة و عهد ضحكت و قالتلها

عهد...تخيلي بيقولوا لبنت يا هانم

ابتسمتلها هالة بفرحة و قالتلها

هالة...و ماله

ابتسمتلها عهد و هالة قالتلها

هالة...انا معملتش غدى انهاردة و ابوكي مش بيحب ياكل اكل بره دا

هزت عهد راسها و قالتلها

عهد...حتضر الرسالة وصلت هروح انا اعمل الغدى انهاردة

هزت هالة راسها و قالتلها

هالة...ايوااا برافو عليكي

ضحكت عهد و خرجت من البلكونة راحت المطبخ كانت هتبدأ تعمل الغدى بس قالت تعمل ليها هي و امها كوبايتين شاي الاول

راحت جهزت الشاي و مسكت تليفونها لما سمعت صوت رسالة

بصت ف التليفون لاقيت داليا كاتبالها

داليا..." كيكة بالشكولاتة ولا فانيليا ؟ "

ابتسمت عهد و كتبتلها

عهد..." فانيليا "

شافت داليا الرسالة و عملتلها عليها قلب و خرجت من الواتس

و عهد صبت الشاي و خدت كوباية الشاي. بتاعة امها و راحت للبلكونة

عهد...اتفضلي يا اجمل هالة

ابتسمتلها هالة بحب و قالتله و هي بتاخد منها كوباية الشاي

هالة...طب و انتي

ردت عليها عهد و هي مبتسمالها

عهد...ف المطبخ هشربها و انا بعمل الغدى

هزت هالة راسها و عهد رجعت المطبخ تاني و بدأ تعمل الغدى بسرعة قبل م صادق و داليا يرجعوا

.....سبحانك اللهم و بحمدك

معداش ساعة و كانت داليا رجعت

و اول م دخلت من باب الشقة ندعت على عهد على طول

داليا...يا عهووودة

جالها صوت عهد من المطبخ و هي بتقولها

عهد....انا هنا يا دودو تعالي

راحت داليا ليها و اديتلها الكيكة و هي مبتسمة

ابتسمتلها عهد بحب و قالتلها

عهد...تسلم ايدك يا حبيبتي

ابتسمت داليا و قالتلها

داليا...تسلمي

اتكلمت عهد و هي بتقولها بضحك

عهد...جاية مبسوطة يعني

ابتسمت داليا و قالتلها

داليا...اتعرفت على بنتين سكر اوي يا عهد

ضحكت عهد و قالتلها بفرحة

عهد...طب يا روحي الحمدلله

ابتسمت داليا و قالتلها و هي بتدور على هالة بعيونها

داليا...اومال ماما فين

شاورتلها عهد على اوضة و قالتلها

عهد...تلاقيها جوا بتصلي

هزت داليا راسها و راحت تشوف هالة

اول م هالة شافتها ابتسمتلها و حضنتها و هي بتقولها

هالة...عملتي ايه انهاردة ف الكلية يا حبيبتي

هزت داليا راسها بابتسامة و قالتلها

داليا...الحمدلله

ابتسمت هالة و قالتلها

هالة...يلا روحي اغسلي وشك كدا و انا هرن على صادق عشان نتغدى

هزت داليا راسها بمعنى حاضر و خرجت و هالة مسكت تليفونها و رنت على صادق بس هو مردش

راحت المطبخ اديت التليفون لعهد و قالتلها

هالة...رني على ابوكي عشان يجي و نتغدى و انا هنزل اطمن على ام عمر و اجي بتمنى تكون بطلت عياط

هزت عهد راسها بمعنى حاضر و دعت لأيمن بالرحمة و بعدين قالتلها

عهد...ماشي بس متتأخريش

هزت هالة راسها بمعنى ماشي و نزلت

و عهد اتصلت بابوها و معداش ثواني و رد

صادق...الو

ابتسمت عهد و قالتله

عهد...الو يا بابا انت فين

ابتسم لما سمع صوت عهد و قالها

صادق...جاي اهو اتأخرت شوية بس اصلي جاي و انا معايا مفاجئة

استغربت عهد و قالتله

عهد...مفاجئة ايه دي يا صادق

ضحك صادق عليها و قالها

صادق...خلي امك تسمعك و انتي مبتقوليش بابا عشان تلاقي الشبشب طاير على وشك دلوقتي

ضحكت عهد و هي بتقوله

عهد...لا م هي نزلت لأم عمر ف انا هقولك صادق من غير م هي تعرف عادي

ضحك على كلامها و قالها

صادق...ماشي يا ستي يلا انا ربع ساعة بالكتير و هكون وصلت بإذن الله

هزت عهد راسها و قالتله

عهد...ان شاء الله يلا سلام

صادق...سلام

قفلت عهد المكالمة و راحت بسرعة لداليا و هي بتقولها

عهد...بت يا داليا بابا بيقول جاي و معاه مفاجئة

ابتسمت داليا بحماس و قالتلها

داليا...تفتكري ايه هي

هزت عهد راسها يمين و شمال بعدم معؤفة و قالتلها

عهد...مش عارفة بجد

اتكلمت داليا و هي بتقولها بسرعة و حماس

داليا...اتصلي بيه بسرعة اسأليه قدامه قد ايه و يجي

ردت عليها عهد و هي بتقولها

عهد...قالي ربع ساعة بالكتير

سابتها داليا و راحت وقفت ف البلكونة

راحتلها عهد و هي بتقولها

عهد...بتعملي ايه

اتكلمت داليا و هي باصة للشارع

داليا....مستنياه يجي عشان اشوف المفاجئة و اعرفها

ضحكت عهد عليها و خرجتها من البلكونة و قفلت البلكونة و هي بتقولها

عهد...تعالي ياختي ساعديني ف تجهيز السفرة عشان الغدى

قفلت داليا حواجبها بضيق و قالتلها

داليا...ياستي خليني استناه عايزة اعرف المفاجئة و انتي روحي جهزي السفرة

عهد...و افرضي اتأخر عن الربع ساعة هتفضلي واقفة برضو ؟

دبدبت داليا على الارض و بعدين مشيت و هي بتقول كلام عهد مقدرتش تجمعه

ضربت عهد كف بكف بزهول من الطفلة اللي اسمها داليا و راحت للمطبخ

جهزوا السفرة و هالة رجعت و كل دا و هما مستنيين صادق و متحمسين جدا

اتكلمت عهد بنفاذ صبر و هي بتقول

عهد...هو اتأخر لييييه!!

ردت عليها هالة بحدة و هي بتقولها

هالة...اسمها هووو ؟

ضحكت داليا و عهد اتكلمت و هي مبتسمة و بتقول

عهد...يا ماما مقصدش

ف الوقت دا سمعوا صوت مفاتيح صادق مستنوش و راحت هي. و داليا فتحوا الباب بسرعة بعد م كل واحدة فيهم حطت طرحة على راسها

بس وقفوا مكانهم بصدمة لما لاقوا اخر شخص ممكن يتوقعوا انه يكون هو

اتكلمت عهد و هي الدموع ف عيونها و مبتسمة بفرحة

عهد...سيف!! وووووو

ععععع

↚

اتكلمت عهد بصدمة و هي بتقول

عهد...سيف!!

ابتسملها و هي مكنتش مصدقة انه اخيرا خرج من السجن

سمعت صوت امها و هي بتقول

هالة...سيف ؟ اوعي كدا

قالت جملتها و زقتها من قدام الباب و اتصدمت لما لاقيت صادق و سيف و الاتنين كانوا مبتسمين

هزت راسها بعدم تصديق و قالت لصادق

هالة...ابني خرج من السجن يا صادق

هز صادق راسه بتأكيد على كلامها و عهد كانت مبتسمة بفرحة كبيرة

بس ابتسمتهم اختفت بخوف لما هالة قعدت وعيها مرة واحدة

عهد...ايه دا مامااا

....لا اله الا الله وحدة لا شريك له

في قصر فاروق الحديدي

كانت ندى قاعدة ف اوضتها مبسوطة هي و الكل

و فاروق و محمد كانوا ف الريسبشن بيتكلموا مع ابو سليم و سليم اللي جيه هو و اهله يتقدموا لندى

قالت رقية لندى و هي مبتسمالها

رقية...مبروك يا حبيبتي

ابتسمتلها ندى بفرحة و مروة بصت لرقية و قالتلها و هي مبتسمة برخامة

رقية...عقبال بنتك

ابتسمتلها رقية و متكلمتش و سارة قالت لمروة و هي مبتسمة

سارة...ميرسي يا طنط اهو الحمدلله بنتك اتخطبت قبلي ياريت تبطلي تقارني بينا بقى

اتصدمت مروة من اللي سارة قالته خصوصا ان بدرية كمان موجودة

و ندى بصت لأمها بحزن لأن بسببها بقت العيلة كلها عارفة انها. بتقارن بينهم و انها مش بتحب سارة

رفعت مروة حاجبها بضيق و اتكلمت و هي بتقولها

مروة...و انا هقارن بينكوا ليه يا حبيبتي

هزت سارة راسها بعدم اهتمام و قالتلها

سارة...معرفش حضرتك ادرى ابقي اسألي السؤال دا ليكي كل م تكوني مضايقة مني

معرفتش مروة ترد عليها و كان نفسها تقوم تضربها و سارة بصت لندى و ابتسمتلها و هي بتقولها

سارة...مبروك يا حبيبتي

ابتسمت ندى ليها و قالتلها

ندى...الله يبارك فيكي يا سيرا

هزت سارة راسها بابتسامة و بعدين بصت لمروة و خرجت من الاوضة و كذلك رقية

....سبحانك اللهم و بحمدك

في المستشفى

كانت هالة فاقت و كانت قعدة مش مصدقة ان ابنها اخيرا خرج من السجن بعد سنتين ظلم

اتكلم عهد و هو بتقولها

عهد... يلا يا حبيبتي عشان نمشي

هزت هالة راسها و قالت لسيف

هالة...ازاي خرجت دلوقتي

سيف...يلا نروح بس الاول و انا هحكيلك على كل حاجة

هزت هالة راسها و عهد سندتها و مشيوا كلهم من المستشفى بعد م صادق خلص الحسابات

اتكلمت هالة و هي بتقولهم

هالة...مش همشي من هنا غير لما افهم كل حاجة

اتكبم سيف و هو بيقولهم

سيف...طيب تعالوا نروح الكافيه اللي هناك دا و نتكلم

و بالفعل راحوا كلهم للكافيه

اتكلمت هالة و هي بتقوله

هالة...يلا احكي بقى

ابتسم سيف و قالها

سيف...كل الحكاية اني خرجت حسن سير و سلوك

دمعت عيون هالة و قالت بحزن

هالة...انت اصلا كنت مظلوم

هز دماغه بحزن و قالها

سيف...الحمدلله على كل حال

ابتسمت عهد و داليا قالتله

داليا...طب هترجع الشغل عادي ؟

ردت عليها هالة و هي مضايقة و بتقولها

هالة...ايه عادي دي طبعا هيرجع الشغل انا ابني ما شاء اله عليه مهندس قد الدنيا

ابتسم سيف على كلام امه و قالها

سيف...دا قبل السجن يا امي دلوقتي يا عالم في شركة هتقبلني ولا لأ

اتكلمت عهد بعد تفكير و قالتله

عهد...متقلقش انا هتصرف

بصولها باستغراب و هي قالتلهم عشان تغير الموقف

عهد...يلا نطلب حاجة بقى

اتكلم صادق و هو بيقول

صادق...انا عن نفسي هشرب قهوة

هالة...و انا عصير جوافة

اتكلمت داليا و هي بتقول لعهد

داليا...خلينا نطلب ميلك شيك

هزت عهد راسه بوافقة و قالت لسيف

عهد...و انت يا سيف

رد عليها بعدم اهتمام و هو بيقول

سيف...مش مشكلة قهوة

جيه الجرسون و صادق قاله طلباتهم مسكت عهد تليفونها و فتحت الواتس و دخلت على قائمة الحظر

فضلت باصة لرقم يوسف شوية بتردد و بعدين داست على الرقم عشان يتنسخ و تعرف ترن عليه

راحت على جهات الاتصال و سجلت الرقم

بصتلهم و قالتلهم

عهد...عن اذنكوا هعمل مكالمة

و قامت خرجت من الكافية

رنت عليه و استنته يرد

....سبحانك اللهم و بحمدك

في قصر فاروق الحديدي

كان يوسف ف مكتبه بيتابع شغله بعد م الناس مشيت

رن تليفونه و اتفاجئ لما شاف اسم عهد

رد عليها بكل غرور و هو بيقولها

يوسف...ايوا ؟

اتكلمت و هي بتقوله

عهد...لو سمحت يا استاذ يوسف كنت عايزة منك خدمة ممكن

رفع حاجبه بزهول للأحترام اللي بقت مرة واحدة بتتكلم بيه دا

و هي لما لاقيته اتأخر ف الرد قالت

عهد...الو؟

ر

اتكلم و هو بيقولها

يوسف...اتفضلي

عهد...اخويا مهندس و ساب الشركة اللي كان شغال فيخا ممكن تشغلوا عندك ف الشركة

يوسف...محكتيليش يعني على اخوكي دا قبل كدا

رفعت حاجبها لما سمعت كلامه و قالتله

عهد...نعم؟

رد عليها بكل غرور و هو بيقول

يوسف..مسمعتش عن اخوكي قبل كدا ؟

ردت عليه بحدة و هي بتقوله

عهد... اعتقد اني مش مضطرة احكي كل حياتي ولا اي يا بشمهندس

كان هيضحك على طريقة كلامها و غضبها سمع صوتها و هي بتقول بزهق

عهد...هتعين اخويا ف شركتك ولا لأ ؟

يوسف... هبعتلك لوكيشن الشركة و تبعتيهوله و تخليه يجي بكرة الصبح بإذن الله

هزت راسها بفرحة و قالتله

عهد...ماشي شكرا اوي

كان حاسس انه خلاص هيتجنن من تغيير شخصيتها المفاجئ بس اتكلم و قالها

يوسف...العفو ..يلا سلام

عهد...مع السلامة

و قفلت المكالمة و هي مبسوطة اوي رجعت تاني للكافية و قالت لسيف و هي مبتسمة

عهد...هبعتلك لوكيشن شركة.. بكرة الصبح ان شاء الله تروح و هتلافي الشغل هو اللي مستنيك مش انت اللي مستني تلاقي شغل

ضحكوا على كلامها و صادق قالها بزهول

صادق... إزاي

↚

عهد... سارة صاحباتي اخوهاا صاحب شركات يوسف الحديدي جروب

هز صادق دماغه بفهم و سيف قال لعهد بشكر و امتنان

سيف... شكرا اوي يا عهد

جت رسالة على الواتساب لعهد

شافت لاقيتها سارة اللي كانت قايلالها

سارة..." بت يا عهدابية بيقولي لما الحكاية بتنتهي و بتتحظر مش بنعرف نقول حاجة انا مش فاهمه يعني ايه "

استغربت عهد و قالتلها

عهد..." طب م تسأليه "

سارة..." سألته قالي ابقي قوليها لعهد و هي هتفهم "

سكتت عهد شوية تفكر و بعدين رفعت حواجبها بدهشة من غبائها لما فهمت انه قصده على البلوك و انه مش عارف يبعتلها عنوان الشركة

كتبت لسارة

عهد..." خلاص يا سارة "

و خرجت من شات سارة و فكت ليوسف البلوك و هي مضايقة بس رجعت و قالت ان كل دا عشان اخوها

و بالفعل اول م فكت البلوك لاقيته متصل الان و وقتها بعتلها اللوكيشن

حولت الرسالة لشات اخوها و قالتله و هي مبتسمة

عهد...بعتلك اللوكيشن يا سيف

ابتسم و هز دماغه ليها بشكر و هي رجعت بصت للتليفون تاني لاقيت يوسف بعتلها

يوسف..." مفيش شكرا حتى ؟! "

اضايقت عهد و كتبت

عهد..." شكرتك ف المكالمة ؟ "

كانت هتبعتها بس حذفتها و قررت انها متردش افضل

اما هو ف افتكرها كانت بتكتب " شكرا " و رجعت مسحتها

هز دماغه يمين و شمال من العند اللي هي فيه و رجع للمكتب عشان يكمل شغله تاني

...لا اله الا الله محمد رسول الله

تاني يوم الصبح كانت الساعة 6

كانت عهد واقفة ف المطبخ بتفطر قبل م تنزل التدريب

عملت سندويتش لداليا و راحت لأوضتها

خبطت على الباب و شمعت صوت داليا و هي بتقول

داليا...اتفضل

دخلت عهد و استغربت لما لاقين داليا بتلم حاجتها كلها ف شنطة سفر

حطت طبق السندويتش على المكتب و راحت لداليا و هي بتقولها

عهد...انتي بتعملي ايه ؟

هزت داليا راسها و هي مبتسمة و قالتلها

داليا...مش هينفع اقعد معاكوا بعد كدا

استغربت عهد و قالتلها

عهد...ايه الكلام دا ؟ هو احنا عملنالك حاجة زعلتك؟

ابتسم داليا بنفي و طبطبت على كتف عهد و قالتلها

داليا...اكيد لا

عهد...اومال ايه؟

داليا...اخوكي رجع يا عهد و ايا كان مش هينفع افضل هنا

سكتت عهد و معرفتش تقولها ايه بس بعدين اتكبمت و هي بتقولها

عهد...طب هتروحي فين ؟

داليا...انا امبارح دورت على مكان على النت و لاقيت مكان كويس و مش بعيد عن هنا هروح هناك

مسحت عهد وشها بتشتت و هي مش عارفة تفكر ف الوقت دا جيه صادق و قالهم

صادق...ايه يا بنات انتوا لسة صاحيين لحد دلوقتي

هزت عهد راسها و قالتله

عهد...انا نازلة الشركة

ابتسملها و قالها

صادق...ربنا معاكي يا حبيبتي

ابتسمت عهد ليه و هو قال لداليا

صادق...انتي رايحة فين؟

ردت عليه داليا و هي بتقوله

داليا...مش بعيد متقلقش

قفل حواجبه بضيق و هو بيقولها

صادق...ايواا لييه يعني

سكتت داليا و مردتش لما حست انه هيزعل منها و صادق اتكلم و قالها

صادق...لو عشان سيف ف هو امبارح لما شاف ان الشركة بعيدة عرف انها بتوفر سكن للموظفين و قرر انه يروح السكن و يبقى يجي اخر الاسبوع

سكتت داليا و بعدين قالتله

داليا...بس ف النهاية دا بيته و ...

قاطع صادق كلامها بحدة و هو بيقولها

صادق...و بيتك انتي كمان و انا مش هقبل انك تسيبي بيتك و تروحي تعيشي لوحدك ابدا

ابتسمت داليا ليه و هي بتقوله بحب

داليا...انا بحبك اوي يا بابا

ابتسملها و قالها

صادق...و انا اكتر يا حبيبة بابا

اتكلمت عهد و قالتلهم

عهد...انا هنزل انا بقى عشان متأخرش يلا سلام

ردوا عليها و هما بيقولولها...سلام

....لا اله الا الله محمد رسول الله

نزلت عهد و رنت على سارة و اول م داست على الرقم استغربت ان سارة ردت ف ساعتها

سارة...لسة كنت هرن عليكي

ابتسمت عهد و قالتلها

عهد...اي خدمة وفرتلك رصيد اهو

ضحكت سارة على كلام عهد و قالتلها

سارة...هستناكي زي المرة اللي فاتت و نروح سوا ماشي

هزت عهد راسها بموافقه و قالتلها

عهد..خلاص ماشي

اتكلمت سارة و قالتلها

سارة...بسرعة طيب عشان عايزة احكيلك على حاجة

استغربت عهد و قالتلها

عهد...في ايه؟

هزت سارة راسها بنفي و قالتلها

سارة...مفيش انا بس زهقت من مضايقة طنط مروة ليا انا و ماما و امبارح رديت عليها

استغربت عهد و سألتها و هي بتقول

عهد...ايه اللي حصل طيب؟

حكيتلها سارة باختصار و عهد قالتلها

عهد...بصي يا سارة اللي فيه طلع مبيغيروش و هي استحالة تتغير ف كبري دماغك احسن

هزت سارة راسها و قالتلها

سارة...حاضر

...لا اله الا الله محمد رسول الله

في قصر الحديدي

كانت ندى ف اوضتها بتحط الدفاتر ف شنطتها عشان تنزل الكلية

خبط الباب و دخلت مروة

بصتلها ندى و ابتسمتلها و رجعت خدت كملت ترتيب شنطتها تاني

اتكلمت مروة و هي بتقولها

مروة...نازلة الكلية ؟

هزت ندى راسها و قلتلها بتأكيد

ندى...ايوا

و خدت شنطتها و قالت لأمها قبل م تمشي

ندى..عايزة حاجة ؟

هزت مروة راسها و قالتلها

مروة...ايوا عايزة اقولك كلمتين

استغربت ندى و هزت راسها بمعنى " ايه " و مروة كملت كلامها و قالتلها بحدة

مروة...حافظي على خطوبتك انتي و سليم عشان انا مش هقبل ان بنت رقية تتخطب قبلك سامعة؟

اتصدمت ندى من كلام امها و هزت راسها و قالتلها

ندى...ايوا يا ماما بس ف النهاية كل شئ نصيب

هزت مروة راسها و قالتلها

مروة...اياكي تعملي خناقات ولا مشاكل سامعة

اتفاجئت ندى اكتر و قالتلها

ندى...افرضي مكناش متفقين هتبقي مبسوطة لما اطلق بعدين عشان مش متفقين يعني و ساعتها هتقوليلي اطلقتي و هي لأ ليه

احمرت عيون مروة بغضب و مسكت دراع ندى بعصبية و قالتلها

مروة...اللي اقوله يتسمع و ايااااكي يا ندى الاقيكي ف مرة جاية تقوليلي ان الخطوبة اتفركشت ساااامعة

فضلت ندى بصالها بزهول و هي الدموع ف عيونها و قالتلها

ندى...ليه بتعملي كدا ؟

زقتها مروة بغضب و قالتلها بتهديد

مروة...انا حذرتك

و خرجت و رزعت باب الاوضة

فضلت ندى باصة للباب و هي دموعها نازلة بحزن و معرفتش تعمل ايه كانت حسه انها هيجرالها حاجة من الضغط النفسي اللي امها معيشاها فيه خدت المخدة من على الكنبة و حطتها على وشها و صرخت بكل قهر و حزن لدرجة انها صوتها اتنبح

رمت المخدة و مسحت الدموع من على وشها و حست ان رجليها مش قادرة تشيلها اكتر من كدا و وقعت على الارض ووووو

عععع

↚

تاني يوم الصبح

كان الكل متجمع على الفطار في قصر الحديدي

اتكلم فاروق و هو بيقول ليوسف

فاروق..جرا اية يا يوسف بية

بصله يوسف باستغراب و قالت

يوسف...ايه يا جدو

رد عليه فاروق بغيظ و هو بيقوله

فاروق...هتضربلي شركتي و تنهيلي اسمها من السوق بنجاح شركتك ولا ايه