رواية قلوب يتيمه الفصل الرابع والعشرون 24 - بقلم لينه سعد

قصة #قلوب_يتيمه الجزء الرابع والعشرين والاخير

للكاتبة لينه سعد

... دفعتة من على صدري... واني ممصدكة الي اسمعه...
يعني شنو. يزوجوني... اشلون كدرو يفكرون بهذا الشي...مفكرو باصيل
مكالو شنو شعورة وهو يسمع مرتة تزوج اخوة
اتخبلت وكمت رحت لعمتي فتحت الباب....
ولاول مرة اشوف سعيد.....من يوم الي مات واني مشفتة... باوعت علية بحقد

اتقربت واني ابعد عيني منه... وباوعت على امه وكلت
_اخر يوم بحياتي اخذ رجال بعد اصيل.....
لاتحلمون اتزوج.....

... التفت سعيد لسميرة الي جانت وراية واكفة وباوع علية بحقد....

... ام سعيد التفتت لسعيد وكالت...
_اخذ مرتك.. وروح لغرفتك....
... جنت واكفه وعيوني على ام سعيد.... مااحس الا الباب انسدت... وراحت كعدت ام سعيد على جربايتة

_تعاي اكعدي هنا جوان
... باوعت علية وبدت ترسم على وجي ابتسامه سخرية وكلت
_اتريدين اتقنعيني....
_لا مااريد اقنعج... هذا الشي انتي الي اتقريرنه... بس صفني على حالج
شوفي اشلون صايرة خدامة لسميرة.... فكري ببناتج..
اتريديهن يوصلن نفس المرحلة...

.... جانت من تحجي كلماتة قاسية.... باوعت النفسي معقولة اني هيجي ومحاسة على نفسي
اني هيج وصلت لنفسي..... الغلط بية... اي يوم الي تركت اهلي واختاريت اصيل
بس اني مغلطانة.... اني حبيته وكافي حصلت من ريحتة جهال يذكروني بي.

بدت ادموعي تنزل.... ليش هيج صار شيصير لو كمل اصيل وياي

.... كامت ام سعيد
_لتبجين.. اني مااتركج بس فكري لحد اشوكت.... اول وتالي الي يومي...
وانتي ماعندج
بس بنات... فكري هذا احسن شي راح يصير الج...
ويصير راسج من راس سميرة

.... هزيت راسي... وطلعت من غرفتة ودخلت غرفتي وشفت بناتي نايمات....
رحت اتمددت ابصفهن وشبكت فيروز ونمت...
واني اعرف باجر لازم شسوي
........................................................

..... مر يوم من بعد ماشفت عمتي رايدة اتزوجني لسعيد... اني لويش متحملة
لويش مكسورة... شفت حجيهة صح.. اني صايرة خدامة الهم...
كمت واني امقررة الشي الي لازم اسوي من زمان

رحت بهذا اليوم حظرت جنطة جهالي وجنطتي
والظهر... طلعت... جان الكل نايم....
وسعيد طالع للشغل
... جان لازم اسوي هاي الخطوة من زمان لازم ارجع لاهلي هو هذا مكاني...
راح اتوسل بيهم.. واكيد امي من اتشوفني بهيج حالة مراح تكسرني.. مهما كان هي امي واني بنته
واكيد من اتشوف بناتي راح يحن كلبة علية
ابتسمت.... واني اتخيل اشلون راح اشبكهه واشم ريحتهه

.....................................................

.... دخلت للفرع... واشوف رائد بالشارع واكف...
اتقربت منه
_هاااا رائد شكو....
_يابة جوان وبناتهة ماكو.....
_شنو.ووووو.... رحت ركضت للبيت
اول مافتت لكيت سميرة فرحانه.. وكاعد تاكل.....
_الله يساعدك... اصبلك غدة
... اتقربت منه

_ولج  ياغدة.... احجي وين راحت اشلون وصلتيهة...
اتقربت منه وكمشتة من ذىاعه ولويتة
._على كيفك.... ااااخ يابة .... ماوصلتهة واني شعلية شنو هي طفلة وتسمع كلامي

_هي ماتعرف احد.... وين لعد راحت... والله اذا ماحجيتي اليوم طلاكج على ايدي
_
..... بدت سميرة تبجي وهي اتشوف سعيد يهددهه لاوى مرة اتشوفه بهيج حالة

_انت ميت علية مو.... ولك مو هاي مرت اخوك
_انجي طايحة الحظ.... ولج اني مو علمودة خلي اتولي بس بنات اخوية ماروحن لغير مكان
... اتقرب رائد... وهو يهدء ابوه..
_يابة.. وين تتصور اتروح...

.... اجتي ام اصيل الي جانت بالهول وهي تسمع الحجي.. اتقدمت وكالت
_راحت لاهلة..... كتلك سعيد مراح تقبل
_واني هسة وين الكه اهلهة
_اصبر سعيد لازم.... يجي الوكت ونعرف وين اهلة
_يمه شيصبرني.....
والله اليوم اكلب دهوك
_لا ابني انتظر يومين... اذا مارجعت روح ودور ..............................................................

..... مر ثاني يوم... والكل بالبيت متوتر...
سعيد ميحجي وي سميرة وام سعيد بغرفتة كاعدة وتفكر بالي سوتة صح لو غلط
... حتى رائد.... جان مشغول بالة وهو يحسب بعد مراح يشوف فيروز.... الي يشوفهة لعبته واختة الصغيرة الي يهتم بيهة
جانت ونستة وهو بالبيت

.... جانت الساعه ٢الظهر اندكت الباب
.... راح رائد يفتح
وسمعنة صوت رائد يصرخ...
_ياااااابة...

.... طلع سعيد وهو بالكوة يبلس شحاطتة... ويتفاجىء
جوان راجعه وبايدة حاضنة نيروز...
وفيروز شابكة رائد..... وتضحك

..... اتقرب منة سعيد بكل عصبية وهو يغلط
_ولج اشلون اطلعين... وين جنتي يومين

... شفت وجهة اصفر..... ومتكدر توكف دخلت وهي تمشي ممتوازنه
راحت للهول.... خلت نييوز على القنفه ودخلت لغرفتة...
... بهاي الاثناء طلعت ام سعيد...
وتفاجئت بوجود نيروز وفيروز

... راحت شبكت بنات ابنة الي اتصورت بعد مراح اتشوفهن
... اتقربت من باب غرفة جوان و دخلت ام سعيد للغرفة ... ولكتة نايمة بملابسة
.. اتقربت منه وكعدت على طرف الجرباية
_ها يمة جوان... وين جنتي
... فتحت عينة بكل ثكل وكالت
_رحت لناس..... ولكيتهم ميتين

.... فزت ام سعيد على كلامة
_شنووو. منو... ياناس بنتي 
... بدت دمعات جوان تنزل على المخدة وكالت

_رحت لاهلي.... جنت مشتاقة الهم....
_اي خوش خبر.... بس غير تحجين وتكولين راح اروح لاهلي... اشلون اطلعين بدون ماتكولين....
جا رحت وياج

.... التفتت على عمتة.... وبدت ادموعهة تنزل...
متعرف شتكول اله
اتكول اهلي طردوني...... ردت بس حضن يلمني اني وبناتي... وبالاخير الحضن الي جنت اتخيلة وارتاح بي
هو اول واحد طردني
.... حضن امي......
اتذكر.... اشلون من شافتني... كانما مناسية الي سويتة
ماحنت الية ابد... جانت قاسية مثل الجبل...
كانما الي صار بية... شفت بي كلبهة... كانما جانت متوقعه هذا الشي... وهسة ياله ارتاحت

بديت اتقدم منة واكول
_يووم مشتاقة الج.....
... رجعت ليورة.. وكالت... ماعندي بنات غير ثريا...
لتتقربين
... بديت ابجي.. واكول يووم.... اني بنتج مو بكيفج
... صاحت علية وكالت
_انتي مو بنتي اطلعي.... وسدت الباب

.... اتذكر بقيت واكفة واباوع على كل ركن من اركان بينه على كل حجارة ممتحركة من هذاك اليوم اهذا اليوم...

ظليت واكفة وابايدي نيروز واباوع على فيروز الي تركض بالمزرعه وتلعب..... بقيت لحد مااجة وند.... وشافني وركض علية وحضني.... وهو ممصدك شوفتة

_ليش هنا... واكفة
_امي... وند.... وبديت ابجي

.... حجيت كلشي لوند واني برة كاعدة واباوع على المزرعه نفس ماهي متغيرت بية بس النباتات
... دخل وند بعد عياط وصراخ بينهم.....
طلعت وعيونة حقد وغل متكدر تنساه

.... اتذكر كلمة امي..... من طلعت الية وكالت
_اذا اترجعين....
اترجعين بس انتي..... بناتج اترجعيهن الهم
... اكثر شي اذاني من خيرتني للثاني مرة

اختار بين بناتي وبينهم...... مثل ماخيرتني بين اصيل وبينهم
.... كمت واخذت الجنط. وجريت فيروز
وكلت
اتعرففين ردي لعد
ضل وند يصيح علية....
........ .

_ها جوان... اشبيج...
_تعبانة....... تعبانة حيل... احس بعد ماعندي طاقة لاي شي

.... اتقربت ام سعيد وحضنتة وكالت
_انتي بنتي.... وصدكي مراح اخلي اي واحد ياذيج... والي اتريدينه راح يصير
بس علمود اتكسرين سميرة... وتخليهة ماتتعدة حدودة وياج... اتزوجي جوان

... التفتت اله جوان... وعيونة الي غركت بالدموع والي بهتت من يوم الي راح اصيل
_اي بنتي... اني الي سويته.... علمودج وعلمود بناتج
وافقي.... احسن

_مااكدر.... مااتخيل شعري ينفرش على مخدة رجال غير اصيل
مااكدر اشوف احد ينام بجرباتي غيرة.... مستحيل
صعبة عمة والله صعبة....

..............................................................
مر... اسبوع ... وام سعيد تضغط على جوان
لحد ما كالت
_اني موافقة اتزوج سعيد...... بس مااخلي يتقرب مني مااريدة
مااتخيل انام يم رجال ثاني....
_لايمة ميصير عيبة..... اشلون
_هذا الي عندي.... اذا موافق اني قابلة... بس بالاسم زوجي... وبعد سنة يالة

..... طلعت ام سعيد من غرفة جوان وراحت لغرفتهة الي جان سعيد منتظرهه
_هاااا يوم... بشري
_كالت موافقة بس.................الخ

_شنو هذا الحجي... وين اكو هيج شي...
_وانت ليش ضايج... مو كلت اني علمود بنات اخوي
... صفن على كلام امة
_اي صح بس هي راح اتصير. زوجتي... شلون يعني
_ابتسمت الام....
تكدر اتغيرهه رايهه.... يجوز هي تطلب منك اتصير زوجهة

.... ابتسم سعيد
_الله كريم... المهم قبلت.... وبنات اخوية راح يتربن بحضني
وان شاء الله اكدر اغيرة بهاي السنة

.............................................................

_مراح اخليك تزوجة.... والله احرك نفسي

.... بعد مادخل سعيد لغرفتة.... لكة سميرة شايطة والنار كابة بكلبة

_لج انلصمي واسكتي.... مو بكيفج اني كتلج علمود بنات اخوية  
_هههههه صدكتك..... هي متريدك... ليس لازك ماتستحي. مالكت غير مرت اخوك
_اتقرب منه وضربة.... ومن الضربة وكعت بالكاع

.... اتقربت سميرة من سعيد...وهي تسحل بالكاع وعيونة اتصب دمع
_الله يخليك.... لاتزوجه... خليهة هيج... والله اني مراح اتقرب منه
_اووووف.... مثل الهايشة.... اني وين احجي وانتي وين تحجين...

.. دفعة وطلع.....
وكعت سميرة وهي تبجي بكل قوة.....
ممصدكة زوجة يتزوج اكثر وحدة تكرهه..... ممعقولة راح اتظل اتشوفهة طول عمرهه
وراح اتشارك زوجهه بي....

.... كامت وعيونة نار.... والبكلبهة نار اكبر وهي اتكول
_الله بسما..... راح اخلي نهايتج على ايدي ياجوان

.....................................................

مر شهرين... وسميرة هادئة.... مالة حس بالبيت
حتى ماتحجي وي جوان ولا تتقرب منه

... الكل بالبيت مستغرب حتى ام سعيد متعجبة ممتصورة سميرة راح هيج اتكون ردت فعلة
حمدت الله على الهداية....

... نرجع على سعيد الي يحاول يتقرب من جوان...
جانت نظراتة الهة نظرات اعجاب ويحاول اتغير رائيه
بس جانت جوان اتحاول تبتعد عنة...
متريد تتقرب منه او اتحسسة بان اكو امل

.

يتقرب منه....
حتى بدة ينوم بنات اصيل بحظنة.... يحاول يفهمهة هو ابوهن...
بس كل هذا ومتغير اي شي...
جانت دووم تتحاشاه وتبتعد عنة

... اما سميرة الي جانت اتراقب الوضع بصمت....
دائما مبتعدة عنهم... ومتحجي ولا تقترب
مرت  ٧ اشهر من  وافقت جوان.....

.... وبيوم....
١٩٩٦/٣/٢٥
كعدت فيروز.... وفتحت باب الغرفة
وراحت للهول الي جان منجمع كل الي بالبيت...
_بيبي... ماما ماتكعد
... التفتت ام يعيد لفيروز الي جانت تفرك بعيونة
_ليش بيبي عوفيهة نايمة
_مو هي واكعة باكاع... ووو....

.... هنا طفر سعيد من مكانة وراح للغرفه الي جانت بيهة جوان

.... وفتح عيونة على جوان الي جانت واكع... ووجهة ازرك...
اتقرب منه وهو يحجي
_جوااان......
بدت ايدة تتقرب علية..... وهو يصيح امة
_يممممممممههههه
الحكي.....

........................................................
ماتت جوان....
ومحد يعرف اشلون ماتت
_من راحت للمستشفى وفحصوهه كالو صارت بية ذبحة صدرية
ومكدرت تتحمل وماتت
.. الكل انصدم ومتخيلو جوان الي بعمر الشباب اتموت بذبخة صدرية
لان صحتة زينه ومااشتكت من شي
الكل انصدم ابموتته
.
....... الا سميرة..... الي جانت متوقعة هذا الخبر من ايام طويلة
...............................................................

يووم
٢٠١٥/١٢/٢١
مثل كل يوم كاعدة نيروز هي وصديقاتة على المصطبة
وبلحظة اجتي رفل
_نيروز..... دكتور رشاد يريدج بغرفتة
_شنوو.......
... كالت شهلاء
_اكيد راح تاخذين رزالة على تصرفج البارحة الي سويتي
_شلون بنات... مااريد اروح
_لتصيرين خوافة روحي... وشوفي شيريد هي رزالة وتعدي بس كون المهم يخليج اتفوتين محاضراتة

... بديت تمشي نيروز بخطوانة الهادئة الي مثل تصرفاتة..
هدائة بكلشي
جانت اابسة تنورة عريضة وقميص عريض

.. اقتربت من باب الغرفة وشافت لافتة مكتوب بيهة
دكتور رشاد ناجي
جانت ايدهة ترجف وهي اتحاول ادك باب الغرفة
بس بالاخير سمت
ودكت الباب... وبعد مدة سمعت
_اتفضل

..... جان كاعد على مكتبة..
وهي يتابع اجوبة الطلاب الي بالاوراق
.. بدت عينة اتحيد عن مسارة... وترتفع وهو ياباوع.. على شي مختلف... اعيونه مشافته من قبل

.... بنت بسيطة لابعد الحدود.... تمتلك شي بوجهة.... ميكدر يعرف شنو

... من اليوم الي وكفت بي وبدت تبجي لان واجههة بان اتعيد المحاظرة الي شرحة
اول مرة ينتبه اله....
كام من مكانة.... وكعد على طرف الميز وهو يباوع علية وهي خجلانة ومنزلة راسة

_تعرفين الي سويتي غلط..... اولا ممهتمة لمحاظراتي...
وثانيا اطلعين بدون ماانطيج اذن

... رفعت راسة.... وبدة كلماتة تطلع بدون نفس
_اسفة استاذ....

... ظل يباوع علية.... جان شي يشدة الهه.. ميعرف ليش
هي غير عن كل الطالبات والبنات الي عرفهن
ملابسة البسيطة والعريضة زيادةوعن اللزوم
... بدة يتقرب منه...
وجانت منزلة راسة..... وكال
_اني مسامحج..... اتكدرين ادخلين المحاظرات... بشرط
... رفعت راسهة
وشافتة كلش قريب من وجهه..... بدت الحرارة ترتفع على خدة واخذ اللون الاحمر...
جان شكلة حلو.... شعرة المسرح واللون الذهبي الطاغي على نهاياات شعرة
ولحيتة الخفيفه.... وعيونة الجوزية.. الي بيهة لمعه مميزة...
مكدرت احجي واني لاول مرة
احجي وي استاذ شاب... وبهاي الصفات
اكتفيت بالسكوت

.... ضل يباوع وهو مستمتع وكال
_مجاوبتي شنو الشرط
_رفعت راسة وكالت.... شنو

_ليش بجيتي.... مع العلم اني محجيت شي ضايقج
_اكو اشياء الواحد ميكدر يحجية حتى لنفسة
_يجوز اكدر اساعدج
_شكرا دكتور.... كافي علية كرمك... بان سامحتني على شي مو قصدي اسوي
... اسمحلي عندي محاظرة

... ابتعدت وفتحت الباب وطلعت....
جان واكف... وابتسامه خفيفة مرسومة على وجه
.......................................

جانت فيروز كاعدة على مكتبة وهي صافنة واتابع تقارير الاطفال المفروض اتصير علمليتهم خلال ايام
... انفتح الباب...
_فيروز
... رفعت راسي من الاوراق الي جنت مندمجة بيهن
_نعم
_دكتور ناجي يريدج
... عوجت حلكي....
_ماشي هسة جاية
.... كمت واني اكول
_الله يستر من ناجي.... شوف هسة شنو من بلوة راح يشمرني علية
طلعت من غرفتي... واني احس بديت اختنك منه ومن تصرفاته

..... بديت امشي بالممر الي يوديني لمدير المستشفى..
.. دكيت الباب
ودخلت
لكيته كاعد وكانما منتظرني
_اتفضلي فيروز... تعاي
.... رفعت حاحبي واني متعحبة من تصرفه... اتقدمت وكعدت
اول مرة يكون عندة احترام للمقابل
_اي دكتور كالو طلبتني

.... رفع راسة...
_عندي عرض الج.... مااتصور اترفضينة واتصور حياتج راح تتغير
.... ضليت صافنة علية وهو يحجي
_خير دكتور

_اكو جماعه اعرفهم... امهم مريضة ومحتاجين ممرضة ادارهة... والمبلغ الي اطلبينه يدفعونه

_اسفة دكتور بس اني مااكدر اترك المستشفى

_ههههه لا مراح اتركيهة... راح انطيج اجازة مفتوحة لحد ماهمة بعد يستغنون عنج.... ومن بعدهة اترجعين للمستشفى

.... صفنت بتعجب..... شنو هذا الاهتمام وليش
_ صح العرض مغري بس مااكدر لان تدري اني عائتلي تمنع هذا الشي

_بس انتي ممسوية غلط.. بعتبار اداومين بالمستشفى  وتكدرين يروحون ويشوفون البيت ويسئلون عنهم.

.... وكفت واني مامرتاحة للعرض الي اجاني
_زين دكتور.... اشعجب رشحتني اني

_ابصراحة مو اني الي رشحتج.... المريضة هي الي رادتج
_ليش منين اتعرفيني....
_هي الي دزيت عليج علمود اتصعدين الهة

_اهااااا..... فهمت
بس اعتذر دكتور... مااكدر... مااحب اشتغل بالبيوت

.... ابتسم دكتور ناجي....
_ههههه موبكيفج اترفضين....
اولا لان اذا مقبلتي.... مراح اقبلج بالمشفى... اني اعرف انتي شايلة المشفى
والج خصوصية وكادر جوة ايدج... بس اكدر استغى عنج ابساطة 
واتصور من الصعوبة راح تلكين شغل بسرعه  بمستشفى ثاني...
لذلك اتصور فكري زين قبل لاتجاوبين
... بتوعت علية بكل خقد
_وانت ليش مهتم بيهم... اول مرة اشوفك هيج بايع نفسك

... بكوة ضبط نفسة ناجي وهو يسمع هذا الكلام
_لان اني عندي وياهم مصالح... ياريت اتفهمين

باوعت علية باحتقار
.... اول مرة احس اكو واحد بحقارة سميرة
بس الظاهر اكو وهواية.... واني ماادري

.............................................

_ابني اني ممحتاجة ممرضة... وهسة اريد افتهم ليش اتريد هاي اللمرضة
وليش هي بالذات

... اتقرب صلاح من امة وكال
_لخاطر سيف.... كلة علمودة

... صفنت الام.... واتعجبت
_ليش.... قابل شتسويلة.... وانت منين عرفت هي الي اتفيدة
_اني شفتة اشلون تتعامل وي الاطفال
... مااعرف يوووم بس حسيت راح اكدر اغير شي بحياتة.... واتمنى اغير

_ابني ويجوز متكدر شتسوي
_عادي يوم... اجرب.... ويجوز يفيد واذا مفاد عادي انطيهة راتبة وترجع لمكانهة

_يجوز متقبل... مااتصور تقبل تشتغل بالبيت
_لتخافين يوم..... اني اطقست وعرفت مراح تكدر ترفض
هي الوحيدة الي تكدر اطلع سيف من الظلمة الي بية
وان شاء الله تكدر

.... انتهت........

لهنا وينتهي الفصل الاول من قصة قلوب يتيمة
انتهت قصة قلب اصيل وجوان
بس بعد ماانتهت قصة  فيروز ونيروز....
انتظرونا بالفصل الثاني... وشنو من احداث راح اتصير وشنو نهاية سميرة.....

....... اتمنى ان اتكون القصة عجبتكم حواالت ابتعد عن المالوف بالقصص العادية... اتمنى ان اتكون الخطوة جيدة
وشكرا لتعليقاتكم المحفزة والمشجعه
وانتم مصدر الهامي.... دمتم سالمين  💖💋❤