رواية قوارير محرمه الفصل السادس 6 - بقلم ذكرى المندﻻوي

صباح الخير
البارت الخامس
قوارير محرمه
دمعت عينه
وسفه والف وسفه
مرتضى
هذا أمر الله
كل الي صار وجره بسببي اني اي اني إلى تكابرت
وعندت طول عمري ماعرفت ادنك رأس لأقرب الناس وخسرت اليوم أغلى ناسي

دنك الجد بعد مادمعت عينه متندم بعد فوات الاوان
راد مرتضى يعوفه وقبل ميوصل للباب رفع رأسه وكال
وبت عمك هم وياها

لايجدي شردت وجاي يدورن الجماعه على مكانها

كام على حيله منتفض
لا يجدي أريدك انت تروح لبغداد وتردها إلي ماريد اخسر ها اهي هم

والخطبه والوادم
باجر اطلع وأخذ وياك محيسن وإذا حسيت بخطر
شوف جماعه بغداد يحرسونك لا تتهاون بسالفه
أهل الزلمه المجتول مانعرف طينتهم ولا شناوين
احسب الهل الحساب

مرتضى
جدي ليش اشوفك مستصغرني بهل السالفه من زمان
كتلك خل اروح بحيدي مارضيت واليوم تريدهم
يحرسوني شكالولك عني وشسامع هاي سالفه غريبه
منك

الجد
مو هاي السالفه انت أعز واغلى احفادي وهل حاملك مسؤوليه العشيره لكن تعرفني اخاف عليك والوادم صارت أشرس واخبث من گبل ومينحزرون
يبعد جدك

الواكف گبالك مو مرتضى گبل گبرت يجدي وعرفت دماراتهم وحده وحده

دمعت عين الجد وابتسم ابتسامه خفيفه ممزوجه بأهااات
انت صارلك شكد مواصل البغداد
قبل كم شهر طلعت انه ومحيسن زرنه وحاجيته للحارس
و جيكت البضاعه الجديده ورديت ردود
٠٠٠٠٠

ايه
كعدت الصبح على صوت خاله ام سلام
كومي بنيتي تريكي بسرعه وتعالى وراي اني ساعده قبلج فوك

ايه
استغربت من حجيها ليش تريدني اصعد فوك مو على اساس ابن رجلها اهناك
سويتلي لفه جبن مثلثات ع السريع وصعدت وبيدي اللفه اعض بيها واني وبجامتي الطويله اسحل بروحي وتشيرتي الوردي بي صوره الشخصيه كارتونيه وأما شعري فعادي مثل كل يوم ذيل حصان شادته بلاستيكه مال فلوس تارسه المجر بيهن ام سلام مدري ليش وهيه ماعدهه فلس احمر لو يمكن عدها واني مشايفتهن ضامتهن اتخاف حقها هيه مره جبيره وهذا كل يوم ناطلها الله يكون بعيونها

ابا وعلها شكاعده اتسوي
تلم ملابس رجاليه وتحطهن بجيس زبل اسود
هاي شنو خاله مترديهن

اي خاله تعالي لمى وياي
بس خاله هاي شكد الكنتور متروس كلهن حتشمريهن بلزبل حرامات بيهن جدد
وهيه تلهث
ولج تعاي لمي وياي وبليه حجي مابيه اخذ وانطي وياج ليروح يجي هذا مشعول الصفحه

بس ذكرتني ظليت أتلفت يمين ويسار طبيت اركض للغرفه والم وياها
ام سلام
بتعب كوه اتجر النفس من صعدت الدرج وتشتغل
ع السريع
تحجي مكطع
هااي ملابس المرررحوم ابو شهم اريد انطيهن للفقره
حرام باقيات بلكنتور عل الأقل يحصل ثواب من وراهن
ايه
اباوعلهن بيهن قوط يلمعن مال هسه اشوف ذوله المعلكيهم بالصور إل بالشارع يكلون وزير مدري رئيس كل مره مبدليهم نفس القوط بس الشكولات تتبدل مالحك احفظ أسماءهم من كثرهم ومرات يجون بسياراتهم يفترون بالشوارع شكم سياره بيهن
بلعشرين وحده هم نفس الشكل
حامين صاحب القاط واحنه تصير عينه بعينهم
انصفك نرفع أيدينا هلبت واحد يستخطينه يشمرنه كم الف لو حته من جذب يشتري منه ٠٠٠٠ماكو
بيهم بس يدفعون بينه حمايتهم وخر لك لتوكف هنا
انتي لج شعندج واكفه امشي منا
خرب هل الدنيا الزفره
وهمه نفسهم قبل فتره يجونه جماعتهم بيدهم شده مال كارتات
انتخبوا فلان الفلاني ٠٠٠٠انتخبوا رقم الفلاني
واسمع حجي سعد يكول
واحنه شخاش بجيسنه
يجوابه ابو احمد
انت انتخب والله كريم بلكي يطلع ابن حموله يكلون عليه خوش ادمي
يرحون ويجي غيرهم واحنه نفس مكانه نجدي بالشارع

كملنه ولمينه الملابس حته الأحذيه والاحزمه لعد شكد جان كشاخ
شفته بالصوره ابنه ابد ميشبها
خاله وين توديهن
ام سلام
نزليهن جوه بساع بنيتي

اباوعلهن
يااابه هاي شكم جيس كلهن ثكال فكرت ادعبلهن من فوك ام سلام شادتهن قوي شكو عليهن
هزيت راسي
عفيه بنيتي ادري حتعبج وياي بس ماريد مضروب الجلوه يطب للغرفه وكله ريحه شرب وذاك يشتعل بگبره عل الأقل يستفاد منه المحتاج ويترحم عليه

هزيت راسي حقها هو هذا المطي ابنه يمكن حته بالغرفه يشرب ريحتها تكتل صايره ولو هيه تخبل
اخشابها تكمه وغاليه مثل الغرف إلى يسويهن حجي صباح النجار البشارع إلى ابيع بي
اووف اتذكرت شلون ابن راضي الجبير يروح ياخذ منه اسبيرتوا يشتمه ويرجع يكول هسه فك راسي
وبقيه اخوته يضحكون
ويتحلفلي من اخوزر بي
لج إذا كلتي البويه العب بيج طوبه وأخلي اخوتي
يشهدون عليج انتي مصادقه ابن حجي صباح
واتصعدين يوميه الصبح وياه ويرجعج العصر ويه حلتنه
اخوته يضحكون واني لا حول ولاقوه بليه اي اعتراض ساكته
شحجي وبعدين طبه ستين مرض هو شيتوقع من ولده اكيد بعد اخس منه

اتنهدت ورجعت اشمر بلجياس بسرعه الحد ما بقن
الأحذيه جيسين
وجان اشمر الأول وراه الثاني عود اخلص بسرعه
ماأسمع غير صيحه
ولججج بت الزمال بت الساقط ال ٠٠٠ال٠٠٠٠خرب لشته الأبوج وين گبره
شكككووو
هاي عليمن شمرتيهن
جتي تجر بروحها كوه ام سلام وكفت كباله
هم شكو فوك ماتنظف الغرفه حته تأخذ راحتك بيها

وياهو إلى كللها تنجب وتنضفها
ايه
اني طبعا صاموط لاموط ولا حرف شحجي شكول
يابسه بمكاني وهو دك فشار الكح٠٠٠٠متلحكه بلغلط
ام سلام
مصار شي ٠٠٠نزلي بنيتي تعاي ساعديني نسوي غده
وعوفيها للغرفه
نزلت متردده اخر رجل واقدم رجل ٠٠٠٠
عيني صارت بعينه خطف ٠٠٠
مو عين ٠٠عيون الصگر متلحگه۰۰۰
شو هذا بدل نبرته وتحولت عيونه على البجامه إلى جنت كافتها من يم حجلي لحد ركبتي عود حته لتسحل واني اشتغل
نفسي لعبت وتذكرت المجرم راضي
رفعت رجلي اليسرى انزل بيها كفه رجلي اليمنه وهو يراقبني وعيونه تتحول من رجل الرجل

ابتسم بخبث وكال

لا شو الا تكمل تنضيف تلكيها كلها تراب صايره من وره هل الملابس إلعتيكه مال سنه بلكنتور محد جايسهن
ام سلام
عرفت مغزى كلامه ونيته مو صادقه وعيونه ادور ع الشر
لعد تعال انت يمي تغده مابين اتكمل تنظيف الغرفه

شهم
ماريد شبعان أكلت بره بس اريد منج استكان جاي

وخل اتجيبه إلى مدري شسمها٠٠٠ بنتج وتجي تكمل شغلها اني تعبان
حتمدد شويه
ام سلام
عاد تعال تمدد بلخطار
انتي شنو تعلميني وين انام ؟؟طفل كدامج
ام سلام
انت مو ادكول ترابه الغرفه شلون حتنام بيها
هذا مو شغلج
شهم إذا ناوي ع الشر اني أشر منك وتعرفني كلش زين

لا يابوو شلون ماعرفج ٠٠٠سوابق
اكسر الشر عاد وتعال حته تكمل البنيه شغلها
شعندي وياها لتخافين محاكولها بس تكمل تنزل كامله بدون اي نقص احلفلج برأسه للغالي ههههه

ايه ۰۰ضحكته رجت البيت ٠٠تقززت اكثر منه٠٠٠

لعبت روحي منه٠٠
بلزايد شكبره بعد يصير عابتتت
خزرني
لجججج لتباوعيلي بهل النظره لا افكسها العينج افتهمتي

التفت الأم سلام
خااا٠٠٠
عضتلي شفتها
اتذكرت كلامه
ماما وين خاله وصلت المسح
شهم
يلوك الأم شلوك ٠٠٠٠مامه ههههه ولج لتعوجين حلكج احجي عدل ماحب البنات المتميعات لججج
يحجي ويخزر يالله وين جانتلي

ام سلام
تعالي اخذيها وره البيت بلترك ويه طاسه المسح

نزلت اركض ماشوف غير حط ايده مانعني بآخر بايه

جسمي كله انتفض من حسيت بانفاسه قريبه من اذني وجاي تدخل بكل جرأه الأعماق صدري
وعيونه إلى تخترقني بكل صلافه
اخ زمن
نضرتله بتقزز
همس
وانتي تنولين
شنووو
انتي تنولين شرف تنظيف الغرفه لازم تحمدين الله وجه وكفه سمحتلج ٠٠٠٠ طبعا اكيد اول وحده حتدخل وانشاءلله يلحكوج البقيه هاي بعد متموت عجوز البين من وراها مماخذ راحتي بس اوعدج بس تودع الخليج خدامه عندي ماتركج لجلاب الشوارع تنهش بلحمج مهما يكون انتي مني وبيه ولحمج لحمي مو لووو
يحجي ونظرته المقززه تفترس كل مكان بجسمي
لعبت روحي
دفعت ايده بقوة ورحت اركض
صاح
أيا بت الكلب هااي المن دفعتي
ام سلام
انت شرايد منها غير اتنظف الغرفه وهيه غصب عنها ٠٠٠٠غير اختك الصغيره ٠٠٠

خزر بيها رفس الجياسه إلى جانت معترضه طريقه
وطلع الغرفه الخطار ومبين عليه صدك تعبان وراه
بربع ساعه سمعنه شخيره
ام سلام
بسرعه صعدي كمليها شلون مجان ونزلي عفيه حبيبه واتحمليه الحد ماشوفلج مكان هذا بعد حط راسه براسج ومستحيل يعوفج عناداا بيه بس خل يجي عمه والله لا اطرده هلمره من صدك
لاخاله هذا بيته وحقه حرام مهما يكون اني إلى اجه الوكت إلى لازم ادور بي على أهل امي والعنوان من باجر أودى
لا بنيتي اني إلى أودي مناقصين ولد هل المجرم ينزلون مكانج هنوب يم حسين جنتي بوحده صرتي
بثنين

صعدت شلون مكان وع السريع لميت الباقي فوانيل قديمه واوراق مشككه ذبيتهن بلجيس مسحت بوحده منهن الأثاث حته ليكول ترابه
وصلت للمرأيه ترستها تفال حته تلمع ملمعت عفتها خل يولي هذا الموجود
مسحت الكاع ع السريع وكل شويه التفت اخاف جاي وراي
كملت ونزلت الهث الأم سلام
ام سلام
عفيه عليج كملتي بسرعه

هههه
روحي غسلي وطبي الغرفتج ولطلعين الحد ماصيحج
طبيت للحمام غسلت وجهي و ايدي ورجلي وبللت شعري وجاي اطلع
ماشوفه الا واكفلي اباب الحمام
بابتسامه المقززه

نعيما
مرديت عفته وسحبت روحي ٠٠٠٠طبيت الغرفتي سديت الباب مابي قفل اووف شلون حبدل هدومي وهذا عبالك يراقبني وين ما وح الكي ناطلي وصاير كبالي
أخذت دشداشه ام سلام اشترتها إلى مخصره بس هم طويله تسحل لازم اسويها على كدي يم الخياطه
وكفت وره الباب شمرت كل جسمي وكعدت ابدل
الحد ماكملت لميت هدومي القديمه على صفحه
من يصعد عود اغسلهن٠٠٠٠جريت مجله قديمه من الي خازنتهن بمجرها ام سلام ادكول جنت اتعلم منهن الخياط كلها بنات لابسات ملابس يخبلن وهنه هم يجنن شكر وحمر وحته السوده بيهن شكلها يخبل
تمددت على بطني وكعدت اكلب
بدلات مال عرس وشي مال مناسبات
يالله ليش اني انحرمت من هيجي لبس وهيج حياة
لا دراسه لا عائله تئويني وين وشنو مصيري حصره على گلبي ابسط الاشياء ومحرومه
واني داخل وطني و غريبه احس روحي كل الي حوالي أعداء شنو ذنبي ولدت حره واعيش عيشه
العبيد

سمعته يكول
وهاي بتج تستنكف تاكل ويانه مو بكد مقام حضرتها
ام سلام
أكلت لفه وشبعت هيه متعوده أكلها مثل الزرازير
اممم خوش انتي تصبغيلها
بدينه وياك مو تونه كلنه بسم الله
ماشتهي ذب الكرصه من ايده وكال
شمااشوفج سالفتج مو خاليه
شتقصد
طول عمري مسامع بيج عندج بنيه ولا ولد وسموج ام سلام كلي أبويه لأن مايصير عندج اولاد فلتلوفين
وادورين وهاي جذباتج المصفطه مو على شهم إلي
بايع حته نوه ومقشمر بيها العالم
تجين انتي عجوز البين تردين تقشمريني بهل السالفه
كوليلي من الأخير منين هاي وشنو سالفتها لا اشمره الج بالشارع
ام سلام بغضب
ولك انت ليش متاكل تبن وميت مره كتلك لتعلي صوتك وهواي مني لافيتك بيتي وانت زين تعرف
مخابره مني شراح يصير بيك
وانت الي تنشمر بالشارع

كمشها من ايدها يلويها والشرار يطفر من عيونه
ولد هذا المجرم راضي إلى شايلين صورتها ويفترون بيها وصورها إلى ماليه الشوارع شنوو معناها
لدكوليلي مو هيه
طلع من جيبه ورقه مطويه وشمرها عليها
هاج هم كولي جذب
وصلت الجذاب الحد باب داره
تحجين لو اليوم تصير نهايتج انتي وياها

٠٠٠٠٠٠٠٠٠

مرتضى
طلعنه الصبح اني ومحسن البغداد مغبشين
وعنوان بيت رجل عمتي المكتول بجيبي
اول ماوصلنه طبينه مطعم تريكنه مخلمه وبورك
وشربنه جاي على السريع وطلعنه
محسن
وين ناوي تاخذنه
للبيت نرتاح نام النه كم ساعه وبعدها نشوف العنوان اكيد هساع كلها نايمه
هم صحيح ادور ياهو بلبيت إلى بغداد كون نفس الحارس
هو نفسه جا غير عايش هو و عائلته من زمان والشيخ يستحرم يطرده الخاطر أولادها خطيه
اصغار
هااا انت شفته شلون يحجي بذيج جيتنه بعنتزه وتكبر ادكول موش حارس ٠٠٠٠عقيد جيش
ههههه والله عليك سوالفك
هاا جذبت موش انت بنفسك نهرته
انت مدري ليش تحط كورك من كوره عوفه زلمه هذا عقله ميستقبل غير كلام لا تلح عيفه الخاطر الله لا ترجع نفس القوانه

واني شعندي وياه غير اشوفه يستغلك وميحترم
وطلباته أكثر من اعماله
هاا جيب هذا وجيب ذاك انعل ابو وجها شكد مينهضم مدري شلون متحمله هاي لو انه جا من زمان
دفرته ميت جلاق وطرته من بيتي

محسسن بسك عاد كلنه خله هو كم يوم وترجع خلنه بسالفتنه لا اتخششنه بسالفه ثانيه ويرحم ابوك

صاررر وهاي هم الخاطر ك ابلع واسكت
هه

هاك استلم حته باب الحوش ميفتحه تلكاه بسابع نومته المدلل
مرتضى
عاد شلون تفوت جفت اكيد زحمه يمكن حريمه مكشفات صيح منا بلكي يسمع
انت مو دكول عنده ويلاد خير من الله
اي والله شو مالهم حس
اكيد نايمين وهاي عليمن حاط حراسه انت مو دكول
اكو بضاعه بلمخزن
اششش نعله على ٠٠٠٠ انت متنضم يمك سالفه
انه شكلت ذوله مو مال امانه
دك هورن بكل قوه تعصب من هذا الحارس المتهاون بشغله والي كلما يجي يلكاه طالع والمخازن مليانه بضاعه

مرتضى
وين صار هذا
بس لا مات
٠٠٠٠٠٠٠٠٠