رواية قوارير محرمه الفصل الثالث 3 - بقلم ذكرى المندﻻوي

صباح الخير

قوارير محرمه
البارت الثاني
ذكرى المندلاوي

٠٠٠٠٠٠٠٠٠٠٠

محسن
صباح الخير
مرتضى
صباح النور
محسن
شبيك شو اليوم شكلك مكلوب
مرتضى
اتنهد٠٠٠ 
مد ايده بجيب دشداشته طلع باكيته وسحب جكاره
وطك الجداحه
اخذ اول نفس وكانما يجر حسراته ويه كومه الدخان الي زفره ورفع راسه وهو يباوع للطيور الي حلقت توهه وصوت جناحاته الي سوت صدى قوي
جنهم بشر يطالبون بلحريه ويصرخون بأعلى صوتهم

محسن
هم جدك
هز راسه
محسن
ونفس السالفه
رد
ادري ياأمه محمد ماكو غيري
محسن
غير انت الشيخ بعده وعليك العين ومجبور تتزوج
انت مو صغير عمرك ٢٧ سنه
مرتضى
يدري بجده هاي الايام كلش تعبان ومرضه ديزيد عليه وجاي يضعف يوم بعد يوم
وايامه معدوده
وهو عليه افضال يامه
هو الي اخذه من صغره دون اخوته ولد عمامه
ورباه حته يستلم بعده زمام الامور
هاي الديره كلها الهم
العشيره بني٠٠٠٠٠
الي هيه عشيرته
الكل يتحسده وميدرون هو اشكد متأذي

مجبور  يسوي شغلات  حتى يرضي جده
محسن
صافن يخوي طلع الي بگلبك لخيك فضفض بعد اخوك
مرتضى

يحاول يفتح گلبه الصاحبه من الصغر بلكت يرتاح وراسه يبرد
جدي يريدني اتزوج
محسن ابتسم
اي وهاي شبيه ؟؟؟يوم السعد ارد ارمي بسلاحي الجديد ممجربه وراح ادشنه
بعرس صويحبي واخوي وشيخنه

مرتضى

هذا الي همك
جا شني الي يهمني غيرك
انت تعرف ياهي الي جاي يورطني بيه
محسن
شني لا دكول غيرهة
هز راسه
بالله عليك
مجذب انه قبل
لا حشاك بس٠٠٠ وهسع شلون
والله مدري تعبت وهو مايرضى

مزعل من بعيد صاح وهو يأشر بيده
شيخنه ٠٠٠٠شيخنه
اتقرب منهم وهو يلهث
محسن
شمالك جنك بهيمه عطشانه
مزعل
وجهك ؟؟؟واللهي الي يشوفو يكل  لاحسته بهيمه

كم قبح الله وجهك يبن جوزه
مزعل
جوزه تشرفك يبن سعده
مرتضى
شجاكم ماتملون ؟؟؟
محسن
اشر على مزعل
شيخنه هذا لزوم انربي لون ناقصو تربيه
مزعل
انه متربي  غصب عن خشم اهلك
محسن مد ايده يضربه
مرتضى صاح
بسكمممم عااااد انتم ماتعبتوا
دنكوا الاثنين راسهم
مرتضى
وهسع شرايد احجي على السريع
مزعل
شيخنه جدك الشيخ ودني عليك
خير ان شالله متعرف علويش

مدري بسسس
مرتضى
احجي لا تبسبسسسس
محسن يبتسم بخباثه متشفي
وهو يرده لنظره حاقده
التفت المرتضى
بس جو اضيوف غرب مو من هني
محسن عيونه بعيون صاحبه مرتضى واثنينهم يتسائلون
منو ذول الضيوف الجدد وجان مرتضى غريزته ادكوله
اكيد من الشرطه

٠٠٠٠٠٠٠٠٠

ايه
طبت على امها وهي تعت بربطته الي جانت خانكته  وشمرته بلكاع
وجها احمر من الشمس
شهر اب والحر ميطاق
امها اليوم مريضه
كعدت بلبيت بعد ماتوسلت براضي تروح هيه ابمكانه
تلم مال نفربن
وظلت تشتغل الحد المغرب
ايه
شوكت الله يخلصنه من هل العيشه الزفره
اشوكتتت
ايناس
ان شاءالله ربج مينسى احد لا بد يجي يوم
وتفرج
ايه
مبين ٠٠٠
لادكولين هيجي اصبري
يمااه انتي ومن اني صغيره تصبرين بيه
بس اني كبرت واتفتحت عيوني على هواي اشياء
ومو اني الي تقشمريني بشكم كلمه
هذا مصيرنه ٠٠٠٠ميتغير ماطول انتي باقيه وراضخه الهذا النذل الي مسميته رجلج

ركضت سدت حلكها وهي تهمسلها
اششش ليسمعون الي بلبيت ويفتنوله

بعدت ايد امها وهي تصيح
خلهم ٠٠٠خلهم يكلوله بلكي يذبحني واخلص
تعبت
وكعدت بلكاع على ركبها ودموعها تجري
تعبت يمه تعرفين شنو يعني تعبت

ايناس وعيونه تجري على حال بتها الي جانت تتمنالها مستقبل جبير  واحلام حلوه من اول ماولدتها
لكن صار العكس وانقلبت بيوم وليله كل الموازين
وصارت تبيع جكاير بلشارع لو بطاله مي

بسج عاد بنيتي شبيدي عليج غير زمنه غدر بينه
اخذته الحضنهه وتحاول تهدي بيه

ايه
يمه انتي متعرفين شيصير بيه من اشوفج وانتي تبيعين الجكاير والكلينس بنص الشارع
وتحاولين تغطين بعباتج الصارت حمره وجهج الي تكسب منه
يمه اموت الف موته واني احاول اتهزم من عيون
هذا وذاك  الطمعانه
جنهم ذيابه وتنهش بجسمي
ارجع للبيت اكول خلصت
يجي الليل وتبده عذاباتي ويه الحقير الي مسميته رجلج

صاح بعلو صوته
هااااي عليمن بت النعال
ايناس برتباك
عوفها الخاطري
ايه
ابتسمت بتنهيد
وهيه تستهزأ
خاطرج؟؟؟
مدت ايده ابجيبه وطلعت افلوس اليوم
هاك هاي وارد اليوم وعوفنه الحالنه وروح الشربك
ونساتك همست
سم وزقوم
ولج بت النعل هاي شكد
هنه بس هذني الحصلتهن
اجه كدامها وسحب الربطه وخصلات من شعرهة
ايه
اخخخ الله ينتقم منك ياظالم
ايناس
يمه بنيتي راح تموت بيده
كعدت على ركبه كباله وتبوس رجليه
من فدوه الطولك عوفها صغيره متفتهم باجر اني
اعوضك الخساره
دفرهة برجله وهو يهز بشعر ايه
ولج بنت القندره وين وديتي الباقي حاسبهن فلس٠٠ فلس
تردين انتي الي بكد الفصمايه تلعبين عليه وتاكلين براسي حلاوه

ايه
ياحلاوه يابقلاوه والله مماخذه فلس وذنيج البضاعه
مبيوعات بعدهن
اييي وخر ايدي
العالم٠٠٠٠اخخخ ايدي٠٠٠ كامت متشرب مي من الشارع تخاف عباله مسمم

جر شعره ورد حجه
وهاي من يااذاعه سمعتيها بت الكلب اني القشمر مالج

والله ٠٠٠٠والله حتى اسأل البقيه اذا اجذب
اعرفج  اتجذبين
وحتى لا تعيدينه اله اذبج  بلمخزن اليوم
وخل الجريديه تشبع منج الليله
لا عفيه كله ولا المخزن اخاااف
ابتسم بخبث وجان ناوي غير نيه بگلبه

۰۰۰۰۰۰۰۰
مرتضى
امر جدي
شاف ناس غربه فعلا بس حاسته السابعه غششته
وعرف همه اكيد شرطه
السلام عليكم
ردوا
وعليكم السلام
الجد يأشر بعيونه التعبانات وينبه بيهن مرتضى
بويه سلم
على النقيب
ابو جعفر وابنه الضابط عماد
مرتضى
افتهم من جده الاشاره
هله٠٠٠ هله بضيوف الرحمن حلت علينه البركه نورتوا
مضيفنه ونورتوا كل السلف

عماد
المضيف منور بصحابوا
ابو جعفر
هذا حفيدك مرتضى
الجد
اي نعم هذا ابن عليوي
والي اسلمه كل امور العشيره والشيخه بعدي

هااا ٠٠يعني ايدك اليمنى

يحجي ويباوع الابنه عماد يعني ينبه

مرتضى افتهم هم هاي جيتهم مو بخير
كال
خير ابو جعفر امر

طبعا خير ٠٠٠ وكل خير
عماد
يحاول يدرس الشخص الي كباله والي صيته مخوف
ومرجف كل الديره ومو بس الديره بكل البلد ويريد بس لزمه عليه
وهاي مهمته من اليوم
خلاه بدماغه بعد مااستلم المأموريه
مهمه بكد ماهي صعبه بكد ماهيه تعتبر ضربه حظ
بلنسبه اله
جان يتمنى اول مادخل كليه الشرطه يستلم هيج مهمه ويثبت جدارته وقوته
وكفوا اثنينهم كبال بعض وهمه يدزون رسايل
البعض٠٠٠
عماد
اله اجيب راسك
مرتضى
مبقى بس المزعطه توهم انفطموا
عماد
حبببي اجاك الي يكشف الاعيبك القذره ويدخلك الحبس ويعفنك بيه
مرتضى
جيت برجلك والي يدخل ديره الشيخ مرتضى
مستحيل يرجع بيهن

الجد
بويه ودهم الدار الضيافه واخدمهم زين بعد جدك لجن ذوله عزيزين عد جدك
مرتضى وهو يأشر بيديه علة عيونه

من عيوني الثنين جدي صدك جذب

٠٠٠٠٠٠٠

ايه
عوفني مااروح اخاف

همس بأذنه وريحه انفاسه المقززه تلعب روحه
تعصر بوجه تحاول تبعد الريحه عنه

شوفي اني راح اعوفج بس كولي٠٠٠٠٠ اي ٠٠٠٠٠
بهاي اللحظه
توقفت كل ساعات الزمن  وقشعر جسمها
عرفت شيقصد
هو يريدهه
من زمان يحاول وياهة واليوم جرهه للمصيده
يحاول يختلي بيها  بأي حجه
جان لازم تلزم السانها ٠٠
اخ من السانها المتبري منها والي دائما يوكعها ابمشاكل

هاااا شلكتي ٠٠٠ميحتاجلها صفنه ٠٠اغركج ذهب اشوفج الدنيا من حق وحقيقه
عالم غير هذا العالم انتي مو مال تعيشين هل العيشه
راسملج غير رسم وداعتج

ايه وهي تحاول تملص روحها منه بأي وسيله حته تركض الامها
وهي تعرفها لا حول ولا قوه
هزهة بكل قوه
اشكلتي بت الكلب ٠٠٠هيه محتاجلها تفكير
دكولج اگلب حياتج گلاب

ايه
هاااا

٠٠٠٠٠٠٠

عماد بعد مامرتضى وصلهم للضيافه
بيت مخصص للضيوف وصى مزعل يخدمهم وشيردون يجيبه الهم
مزعل بعد ماجاب العشه صينيه قوزي وتشريب لحم
وخبز حار ولبن وزلاطات

شتردون بعد امروا
ابو جعفر
اتشكرلي من شيخكم
مزعل
يوصل
عماد وهو يباوع للصينيه

لك شنو هذا اكل مال عشيره  جايب
ابو
هههه هيه هاي يعتبروه كرم ضيافه اكل وشبع بطنك كول
يالله
عماد
دنك راسه عود ياكل وهو همس ووو
بعد ماناكل ونشبع بطنه
تاليتها؟؟؟

هز راسه
انت ليش دومك مستعجل
دك موبايله
اخذ الخاولي الصغير القريب منه ومسح ايده
جانت
حبي الاول والاخير
ابو
ياهو
مرتك
كوللل امي٠٠٠٠ ادب سزز معرفت اربيك

عماد
ههههه
قصدك
حبي الاول والاخير
ابو
اكيد ظل بالها
اكيد
دشيله لدكول ابوي وياي شتفقنه
هز ايده عماد
هسه انت زعلان منها ليش تورطني وياك
لك ابن الزمال حاجيها لا انعل والديك
هههه
رجع جتفه ليوره واخذ نفس
شاله
الووو هااا حب شرايده
امه
ولك وينك
تعرفين كلش زين ويني كتلج بلمكتب بس انتي اعرفج عليمن جاي اتسألين
امه
لك احجي عدل عليمن اسأل قابل؟؟
اكو غير
طير الحب اليوم وين دايح
باوع على ابو
محمد ٠٠٠يخنزر
امه
واني شعليه بيه خل يروح وين ماايروح عساه مايزوج غيري بعد مالي علاقه بي
عماد

هذا هو ٠٠٠ متردين اكولج وينه ؟؟؟لعد تصبحين على خير

ولك اوكففف اعرفك طالع عليه وهو يعلمك عليه
كلش انت وياه حبايه ومفشوكه
هساع شتردين طيرج الدايح
محمد
خنزر بيه اله شويه يضربه بلخاشوكه
عماد
ضحك
هههه ياحبي الاول والاخير زلمتج بلزياره بكربلاء
جاي يدعي عليج
امه
ولك عماد متجي متلفي للبيت اني الك

هههه اني شنو هو هيجي كلي قابل جايبه من بطني هل الحجي
امه
خوششش اني الكم اثنينكم ماترجعون

عماد
داشاااق٠٠٠٠
طوووططط

محمد
ولك ادب سزز ٠٠٠٠قشمر٠٠٠٠ مسوينه لعبه اني وامك

شمر الخاشوكه عماد اتلافاها ميل راسه
عماد
اخ بطني
لك شنو هذا هو ومرته تمثيليه وربي
نقيب وبالك عنه يخاف من مرته
محمد
لك هذا ياهو الي يخاف ابن النعال تعال جاي اليوم ابوك احركه
عماد
ههههه

٠٠٠٠٠٠٠٠٠

بيت الشيخ عبد الله

اجتمعوا بعد العشه
مرتضى والجد

الجد
ما كتلك ذوله جيتهم مو راحه
مرتضى
احنه البضاعه كلها انصرفت حتى لو يفتشون مايلكون قطعه وحده بللمخزن
الجد
اريدك تفتح عيونك واذانك زين لون هذا النقيب مو هين لا تستهزأ بي يامه رووس اكبار٠٠٠ انحبست جو ايده

مرتضى
يخسه ٠٠شنو هذا نسيت جدي لون اذكرك الي اقوى منهم زينه شواربهم

الجد
هاي سالفه بس اكوش سالفه غيره
مرتضى
ليش اشوفك جدي تعبان هلايام واكوش فكره متعبتك زايد

الجد
دنك راسه بأسى ٠٠٠٠وكال وهو
متغيره نبرته
وبصوت محبوس

بويه مرتضى
جدك رايدك بمهمه موش هينه
شتعرفني جدي وانه عد عيناك
الجد
اعرفك كفو وكده وسبع وذيب وابن جده وشيخ ديرته الي  مايهاب الموت
لجن الموت يهاب منه

مرتضى
تربيتك والنعم من تربيتك كول امر
وعد عيناك
مرتضى
صدمني جدي من كلي دورلي على بنيه بعمر ١٣ سنه
وانطاني عناوين اماكن بلموصل
استغربت مني هاي وشتعودله
٠٠٠٠٠٠٠

مرتضى٠٠٠٠٠
الوحيد الخواته
اسمر ضخم طويل عيوني سود
صاحب لحيه وشوارب ثخان
الي يشوفه يكول عصبي وداخله اسود
بس اليعاشره يكول  عكس هذا
مجبور يبين  عكس الي بگلبه حكم شغله الصعب الي تعلمه من نعومه اضافره والي علمه هو جده
يحب بت خالته ويريد يخطبها
وجده  يريدله  ياخذ بنت عمه فلاح المات بأحد المهمات٠٠٠٠ فلاح٠٠٠

٠٠٠٠٠٠

محمد
اوليدي اريدك على الموعد تمام
بس تجيكم رساله الكل يحضر
عماد
يابه الكل موجود ومنتضرين منك اشاره
٠٠٠٠٠
عماد

المهمه الجايين بيها هو السلاح
نعرف اهنا ابهاي المنطقه تصير عمليه بيع وشراء
السلاح
وكل تحرياتنه ادكول الشكوك تحوم حوالين
الشيخ الجبير وحفيده مرتضى
وجانت اول مهمه استلمها بهل الاهميه وهو حلم عمري
لكن ابويه مرضى اله يجي ويايه گلب اب٠٠٠
مهما يكبر أظل صغير بعينه ويظل يخاف عليه٠٠٠واني تاركه لجل اطمنه ٠٠٠
اني الضابط عماد
عمري ٢٦سنه
من بغداد من عائله عسكريه
من ابويه واخويه جعفر واني واخوي الصغير مهدي كليه الضباط وبعدله شهرين يتخرج

مواصفاتي
حنطي وشعري اسود
عيون عسليه
ماعندي خوات
حبيبتي تدرس سنه ثانيه قانون بنت جيرانه
سماره
ناوي اخطبها بس اخلص من هل المهمه

٠٠٠٠٠٠

ايه
شمرني بلمخزن وقفل الباب عليه بعد مااجاه الجواب
تفله بوجه
مسح وجه وشمرني بكل قوه للمخزن
وكال
اله اعفنج بت النعال اله اخليج تندمين

بقيت ابجي الحد الساعه ١ بليل
واسمع طكطكت الباب جسمي كله يرجف
معقوله اجاني
اكيد اجاني
حقير اعرفه كلش زين
صحت واني ارجف
منوووو

يتبع