رواية قوارير محرمه الفصل الثاني عشر 12 - بقلم ذكرى المندﻻوي

مساء الخير
قصه بعنوان قوارير محرمه
البارت الاول الجزء الثاني
للكاتبه ذكرى المندلاوي
٠٠٠٠٠

مرتضى
ادري بلحجيه گلبها طيب٠٠٠
وصلت للفرع لن سياره اباب البيت وهذا الضابط عماد فتح صندوك السياره ودخل جنطه سوده ورد غلقها
وكفت شجابه اهنا
بعدها بعشر دقايق شهم شايل حرمه ولافها بعباه
اكيد اهي ايه بت عمتي
فار الدم بوجهي وصعد براسي
مديت ايدي طلعت سلاحي من حزامي ونيشنت بظهره وهو يدخلها ليوره اكيد متخربطه مو بوعيها

هذا شسوالها ؟؟
جيت ارمي ٠٠٠باخر لحظه تراجعت اذا رميته
حخصر كلشي جيت علموده ٠٠
راقبتهم الحد مادخل ليوره بصفها وهذا الضابط
ليكدام يسوق

تحرك وحركت وراه ٠٠٠الحد ماوكف كبال عماره بمنطقه راقيه ٠٠٠منينله هذا العز كله سياره وشقه بمنطقه راقيه ٠٠
وكفت وشفته نزل ورد شالها واني لثمت روحي
وراهم
صعد مصعد واني اراقب بيا طابق جان رقم ثنين٠٠٠
سمعت واحد وراي يصيح
عمي وين رايح هيه هيته
رجال جبير معكل مبين هذا الحارس مال العماره

مديت ايدي سلمت
شلونك خويه
هله
حقك متعرفني ٠٠اني هاي اول مره اجي الابن عمي شهم الي بلطابق الثاني ٠٠٠

الحارس
ابن الحلال هو هساع طلع الشقته
اي حرمته مريضه وجنت وياه بلمستشفى البارحه
واليوم جيت اسأل عليها ٠٠٠
روح خويه توكل ماطولكم طلعتوا معارف ٠٠

اشكرك خويه زين تسوي عفيه عليك بهل الوكت
بخيك لتأاامن

اي والله صحيح
مشكوررخويه
صعدت بلمصعد واني اتنفس بقوه واتاكد من سلاحي
موجود ٠٠
وكف المصعد واني طلعت اتفاجئت بثلث شقق وحده بلنص والثنين البقيه وحده بجهة اليسرى والوخ
بليمنه٠٠
هساعني  شلون اوجد؟؟
سمعت صوت صراخ حرمه تأكدت هيه
ايه

ايه
ولك جبان عوفنييي٠٠٠خل اروحححح ماريدك ٠٠ليش متحسسس٠٠
يابووويه يامن يوديني ليها ٠٠٠اي تصرف طايش بي خطوره عليها ٠٠٠
حاولت اهدي روحي حته اكدر افكر بطريقه اطلعها
منا ٠٠
مديت ايدي بجيبي طلعتلي جكاره ورثتها
جانت مرايه كبالي اباوع لعيوني حمر دم٠٠٠ ألدخان ترس الممر ترس٠٠

ايه
وعيت على روحي بغرفه نوم على جربايه ملوكيه  اول مره اشوفها مغشايه بتول ابيض
شنو الي ديصير مرتضى لو شهم ؟؟
اني شجرالي وخابرته المرتضى بس لا شهم رماه هو حلف
لو مرتضى هو الي رماه وهذا هم ابتلى بيه شنو ذنبه
يدخل حبس علمودي
اعرفها الروحي طول عمري بومه ٠٠٠
ياهو الي احبه واتعلق بيه يموت والسبب اني
ابوي ٠٠امي ٠٠والاخير مرتضى
لطمت على خدي
عزه العزاج ايه بس لا صدك
انفتح الباب شفته هو واكف بطوله بيديه صينيه بيها
كلاص عصير برتقال ولفتين
باوعت بوجها
شنو هذا
اشر بعيونه للصينيه
اكلي لتتخربطين علينه مره لوخ ومابيه اروح مستشفيات ٠٠
بيها سين وجيم ٠٠لتنسين انتي حاليا بنظر الدوله
مجرمه وهاربه من العداله

صحت بوجهه
اذا هيجي عوفني عوفنييي
رد بكل برود
مستحيل هاي كطنه وطلعيها من اذنج
صرخت بعلو صوتي من قهري وضيمي

جبان عوفنييي خلني اروحح ماريدك ولك انت متحسسس ماعندك احساس

رد

هذا الاحساس تركنا الج ام الاحاسيس والمشاعر

دنكت ادري بي المن يقصد

شوف انت شتريد مني بلظبط لدكول احبج مستحيل
المثلك ميعرف يحب گلبك متروس حقد٠٠

منو كلج مااحب لا ايه خانم انتي متوهمه شهم كله حنيه عكسج الي حته مفكرت بولادها
المهم٠٠٠٠ مصلحتها
لا وانت تخر حنيه عليهم ابدليل تصرفك هذا

شبي تصرفي ؟؟
حابسني غصب عني

اكيد غصب لان كتلج متعرفين مصلحتج ومصلحت جهالج وين ٠٠مكلتي من تولدين شلون حيعيشون
لدكوليلي اهناك ٠٠يم بيت جدج ٠٠٠٠كتلج امير اندل مكانج ويظل وراج
وعلى ياساعه تلكين الشرطه مكلبجتج وماخذتج للحبس٠٠واني بهاي الحاله لاحول ولاقوه مكدر اسويلج شي ومثل ماكتلج كل  الي اكدر اسويه بس اطلكج حته اخذ جهالي خو ماخليهم يتربون بلسجن ؟؟

ايه٠٠٠ كلامه فرلي عقلي
اجه كعد كبالي وخله كوب العصير بيدي
هاج شربي وتعشي زين وبعدها نتفاهم
اخذت كوب العصير منه وشربته شويه شويه كوه جارعته ٠٠بعد الي سمعته ازوهرت ٠٠

جاي يطلع فتح الباب كتله

بس اني ماريد اعيش وياك ماحبك لتغصبني ٠٠كرهتك مو بيدي
غمض عيونه لحظات ورجع فتحهن
اخليج ترجعين تحبيني صدكيني ماطول اني٠٠٠
وسكت

ايه
انت الظاهر متعرفني ٠٠من اكره واحد مستحيل ارجع
احبه لتتعب وتعبني وياك من هساع اكولك ٠٠٠

جر مسدس مدري منين جايبه خرعني
حطه براسه
اموتج واموت روحي وياج  لتعصبيني ٠٠٠
ماانكر خفت ليسويها من صدك
عيونه دم مو مال واحد يشاقه لو جاي يهدد ٠٠

كتله انت شلك غرض بيه مو ناوي
اطلكني وتاخذ بس جهالك  وتروح ٠٠

اتقرب مني وتمسد شعري وظل يشم بركبتي
همس
هذا حجي وساعة عصبيه تصدكيني اسويها اني 
اسمي شهم وطباعي على اسمي
غيرتي على عرض الناس وانوب عرضي
والله لا اهدها الدنيه ومابيها
باوعت بعيونه مدمعه
عيونه الي ادكولي شي وطريقه معاملته الي ادكول شي
حيخبلني ٠٠٠٠

نام بحضني وكل شويه يفز ويتلمس بطني ويتنهد

صارت الساعه سبعه ٧ بليل دكت
فز من نومته باوع بعيوني ادور البطني
كانه يصورني حته يحفظني لاخر مره
دك موبايله
بنته ظل يتوسل بيها ويتعذر حيجي ياخذها ويرحون كلهم هو واخوتها الي همه جهالي يسافرون للخارج

طلع وهو يبتسملي ٠٠٠

فكري زين مالج غير حل ٠٠
٠٠٠٠
مرتضى
ظليت اجي واروح بلممر وناسيها الروحي اشرب جكاره واشعل الثانيه واشمرها بتنكت الزبل ٠٠
الحد ماسمعت صوت الباب جاي ينفتح ٠٠
طلع الضابط عماد لابس دشداشه بيضه وملثم بغتره
درت ظهري چني افتح الباب الثاني الي على جهته اليمنه سلم ردیت
وعليكم السلام
فات للمصعد ماحس بيه
اتأكدت نزل٠٠٠ من الاشاره تقره  للطابق الارضي

مديت ايدي طلعت سلاحي

دكيت الجرس
٠٠٠
شهم
دك جرس الباب عبالي عماد نسه شي ورجع
مهتميت وبدون تفكير فتحت الباب بسرعه

مرتضى
دفعته بس فتح الباب هو جان مصدوم اكيد جان متوقع الضابط نفس لون الدشداشه ونفس الغتره واللثام واني وياه طول واحد٠٠٠جنت متوقع  لهذا
بسرعه فتحت السلاح وجهتا براسه
كتله
وينها؟؟؟

شهم ٠٠٠٠سمعت صوته اتأكدت هو مرتضى مو عماد
دفرته بعكسي والمسدس رمى طلقتين بلهوى
٠٠٠٠٠٠
ايه٠٠٠٠ سمعت صوت الرصاص ٠٠٠٠٠
بس جسمي جان هلكان تعبان مدري شبيه
حته راسي احس بي صاير طابوكه٠٠٠٠
بعدها غفيت وبغير عالم صرت
٠٠٠٠٠
مرتضى
انشمر سلاحي بلحايط بعد مارمى طلقتين بلهوى
اباوع منو هذا الي وراي
عماد
موجه سلاحه على راسي
واخيراااا شيخ  مرتضى

شهم
عماد شلون عرفت
رد بابتسامه
هذا شغلنه وبعدين شيخ مرتضى ميعرف يمثل
لو الموقف خلاه يتخردل حقه٠٠
الي صاير بي مو قليل
مرتضى
جانت عيني على سلاحي القريب مني بلگاع
احاول بأي طريقه ادفعه من رجليه واطرحه للگاع
هل کلب ابن الکلب۰۰۰
موچه سلاحه براسي وبضحك جيت اكسر سنونه بحلگه اخخخ بويه تاليتي انشمر هل الشمره٠٠
عماد
شوف لزمناك بلجرم المشهود ٠٠٠يعني هم داخل عنوه
وهم متعمد ترمي بسلاحك  الي اكيد ممرخص

مرتضى
رفعت راسي وكل برود رديته
اولا جيت ادافع على عرضي ومتأكد هيه هساعها  جوه بعد
ماخطفها مجرم ورئيس عصابه  وانت جاي توكف بصفه٠٠لا وادافع عنه هاي بدال متاخذ حقها ٠٠شرطه
اخر وكت ٠٠
شهم
هههه ولك انجب ولا كلمه ٠٠كل الي صار بينه بسببك وبسبب٠٠٠  جدك المجرم
مرتضى
من سب جدي صارت عيوني بگصتي واللهي لو سلاحي يمي جان صفيته بلگاع
شهم
ضرب راسه من وره بلسلاح الي موجها اله عماد
فاجئني الظاهر مو بس اني عماد نفس الشي
بحيث وكع
اباوعله انهزم من نفس الباب
مرتضى
جانت فرصتي انهزم لان شفت الوضع مو مال ابقى
جوه ايديهم وكلت بروحي
بسيطه وين نروح مني شهم ارجعلك ٠٠٠ارجعلك ٠٠

رجعت اراقب العماره وياهو الي يطلع وياهو الي يطب

واحساسي جان يكولي حيبدل شهم مكانه خوف مني

باكيت جكاير خلص منى نزلت اشتري من المحل

اللي بصف العماره

شهم
عماد كان رافض اتحول بغير مكان كالي لي اكيد

هو هسه جاي يراقبنا

كلت انتظر منا  ل الليل بحدود الساعه ثنتين او ثلاثه اشوف الوضع يلا تحول
ايه جانت نايمه انطيته مهدئ بالعصير حته ترتاح
هواي تعبت  حسيتها
عماد نبهني اخلي حراس يراقبون الشقه بالنسبه الك قفل كل شيء حتى الشبابيك وارتاح هذا اني اعرفه ما اتصور يرجع هسه

سلم وطلع
واني هم خليت راسي على القنفه ومدري شلون اخذتني النومه

ايه
كعدت  اصرخ من نومي
لا شهمممم ليششش هيجيييي
شكلت الروحك
كل فكري هو مات
اباوع الروحي نفس المكان
منو رجعني ؟؟؟
صرخت منو هنااا

اجاني هو نفسه يركض بشعره المخربط وقميصه
مشلوعه دكمه يمسح بعيونه الحمر
ويصيح شكو شكو شبيح شصايرلج

رجعت عطت (صرخت )بوجها من خوفي وهبتطي جيت أولد
انتتتت مو متتت

خرب ضميرج متجوزين من نعله على صفحتها الاهلج
هيه هاي سالفه تسويها
كعد بلكاع يم الباب  متنهد ويجر حسرات
رفع رأسه للسما
ربي اني مااستاهل كل الي يصير بيه
ايه
حتخبل انت مو رميت روحك لووو سكتت
لووو شنو احجي ولج
لو مرتضى هو الي ماتتت جاوبني ؟؟

ولج انعل ابوج يابو مرتضى وعشيرته وياج جوزي
سدي مو ضوعه ترى وصلت وياي لهنا
يأشر الزردومه

يعني شنو ماتت؟؟

ياريت جلب من جلاب السكك وخلصنه العالم منه

تخيلت هذا شيقصد معقوله التموا عليه هو وعماد
وكتلوا
صحت
مجرمين الا أخبر عليكم

ههههه المن تخبرين ؟؟ بالله كولي

الشرطه

جماعتنه قصدج كلهم يمنه بعد

مجرم حقير الله يكتلك

اقترب مني مخوزر

سحب ايدي وعيني بعينه مخايفه منه ولا راح اخاف بعد ولا اضعف منه.  من بعد ما عرفته على حقيقته

همس
هاي اخر مرة اسمعج تغلطين بروح العزاز إذا عدتيها
تلكين هذا جوابي
اجه يضربني بعدت خدي منه هد ايدي بقوه وشمرني

بالي جان يم مرتضى اخاف حلمي مو حلم حقيقه
ومرتضى أنقتل ردت اعرف كنت بشك مابين حقيقه
وواقع
  لعد مرتضى وين  راح وعافني؟؟ هو مستحيل يعوفني ويعرفني محتاجته

كمت على حيلي والدوخه بعدها لازمتني

جيت اطلع اشوف الصاله اكيد بيها اثار معركه أو دمه
لازمه كلبي كوه
جيت اوكع
كال بصوت هادي
وين ؟؟اذا للحمام اني اوديج
خزرته
ماكو داعي  بعدهن رجليه ميقصرن وحته لو متكسره
صدك مراح اجي واطلب المساعده منك
انت بالاخص
احجي ولازمه راسي بديت أدوخ  من البارحه مماكله
شي ولا شاربه حبوبي
صاح وهو يحاول يلزمني واني رافضه وحته بهاي
حالتي ماريد ارجع وءأمن اله بعد الي صار بيه من وراه
ولججج ليش متتهدين وتسمعين الكلام هسه يأخي
مو علمودي علمود الصغار شنو ذنبهم

خزرت
ذنبهم انت ابوهم
سب وغلط وكفران

خفت منه ليرجع يضربني لزمت الساني ورجعت كعدت

اي هو هاذي انتي دائما تخليني ءأعصب وترجعين
تسكتين

احجيي
صاح
احجيي ليش سكتي
بصوت خايف رديت

شتريدني اكول
مو كتلج ميت مره اسف وبعد ماعيدها وخلينه نبدي بصفحه بيضه وكأنه شيئا لم يكن ثنينه غلطنه
واثنينه لازم نمسح كل الي صار بحياتنه
غلطنه هوايه واني أكثر ماانكر بس لهنا وبس 
الخاطر ربج كافي الخاطر الانبياء والاولياء كافي
عندي هواي اشغال خو ماكل شويه بالي يمج

انتي بيا شهر

صار هدوء

صدك نسيت اني بيا شهر ؟؟
ويه روحي اسألها
باوعلي مصدوم
لدكوليلي معترفين

اهووو اني وين وانت وين
جحضلي عيونه
ولججج صدك تحجين؟؟لهل درجه مترديهم ؟؟؟
احجيييي
جي مني مووو
وكفت كباله

انت اخر واحد يتهمني بهيج تهمه لو صدك ماريدهم
من اول يوم جان خلصت منهم

الله اعلم شنو السبب
شنو السبب أستاذ شهم
كوليلي انتي السبب جاوبيني

استغفرك ربي انت ابد ميصيرلك جاره ادور يكولي
نبده صفحه جديده مستحيل لتفكر ولا يوم لان
مااكدر انسه الي صارلي بسببك
عوفني
بعدته مني وطلعت كبل للصاله كلشي بمكانه
ماكو اثر لاي نقطه دم

حطيت ايدي وره ضهري وكلت
اخخ ضهري
لعد شنو من كابوس هذا الي شفته ؟؟بس اكيد هو جاي وجان هنا واتضاربوا بس الي صار شنو ؟؟
هذا مستحيل يحجي ضليت حايره واكفه نفس وكفتي وعيوني حوالين الشقه
ياربي  احفظه من كل سوء مرتضى مشفت منه غير كل خير
التفتت

واكف ورايه يراقب حركاتي

عيني صارت بعينه
هااا شبين عندج؟؟

انت شنو من بشر؟؟ بعدين انت مو متزوج ؟؟
اي ويعني
وتعرف انت هنا يمي
هز راسه
وعرفت شنو تكدر تسوي
حقك انت محد يكدر عليك
هساج عرفتي

وين مرتضى
سكتت
احجي كول كتلتوا ؟؟

صرخ
  لهل درجه خايفه عليه
الرجال مشفت منه إلا كل خير وعشت وياه ايام

لكيت عيونه صارن دم
سكتت ٠٠٠٠
شهم اعرفه كلش زين شكاك والشك يجري بدمه
مو بعيده يطلع ضيم الدنيه كله بيه
عفته ومشيت للمطبخ احس روحي جاي تروح من الجوع وصدك الي بطني شنو ذنبهم ٠٠
صاح وراي
لتخافين الي شاده ضهرج بي جبان اجبن من البزون
كل الي يكدر يوصله يخرمش
من شاف السالفه ميكدرلهة عافج وانهزم شرد ومستحيل يرجع

معقوله كلت بروحي اخر امل الي جان
بس الحمد لله هو بخير
فتحت الثلاجه
الظاهر مسوك حته حلويات جايب
مديت ايدي اخذت تفاحه غسلتها وخليتها بماعون
دورت على سجينه حته اكصها شياف واكلها
لثتي توجعني مااكدر اكلها بدون ماأشيفها
كعدت عل الميز صارت حركه وراي
التفتت اباوعله منتجي عل الباب ومجتف أيديه
يراقبني شلون اكل
هزيت راسي شكوو
همس
متغيره هواي عن قبل

٠٠٠٠٠

مرتضى
لليل والساعه تقريبا ب١٢طبت ام سلام للشقه 
مستعجله حسيت صاير شي
عماد وياها
بعد ربع ساعه
نزلت وياها ايه ملفلفه بعباه وتصرخ

يتبع