رواية كوب من الغدر بقلم أسماء مصطفي | كاملة

كنت واقفة في المطبخ بحضر الغدا عشان حبيب عيوني زمانه على وصول، انا عيلتي متكونه منه هو وبنتا تسنيم مخلفتش غيرها وهي عندها 17 سنه دلوقتي، علاقتنا كأسرة حلوه اوي ودافية وقريبين من بعض بس فيه حاجه غريبه بتحصل، تنسيم بقالها كام يوم حابسة نفسها في اوضتها ومش بتطلع منها ومبتاكلش زي الاول ولما بسألها بتقول حجج غريبة ومش مقنعة بالنسبالي عشان انا اقرب حد ليها وعارفاها كويس، بحاول اقرب منها اكتر وانا عارفه انه سن مراهقة واكيد بيبقى في شوية اكتئاب وبُعد ومشاكل وعدم مسؤولية، بحاول اعملها حاجات بتحبها عشان اخفف عنها الزعل اللي بان بوضوح على ملامحها، والهالات السودا حوالين عنيها والارهاق مالي وشها وباين عليها التعب بوضوح اتنهدت بعمق وانا بجهز الاكل ولقيت مازن واقف ساند على باب المطبخ ولما لاحظ اني خدت بالي من وجوده قرب مني وهو بيتناول مني الاكل وبيساعدني وهو بيقول بهدوء _ لسه برضو مش عارفة مالها تسنيم؟ هزيت راسي بنفي وانا...