رواية قربان الميزان الفصل الثاني 2 - بقلم هويدا زغلول

واول لما كارما بتسمع كده بتقوم قائمه واقفه بسرعه وبتقول

كارما

نادين مالك يا حبيبتي فيكي إيه وصوتك ماله عامل كده ليه انطقي يا نادين ردي عليا انا مش فاهمه منك اي حاجه

نادين بتعب

مش وقت الكلام اللي انت بتقوليه ده يا كارما أنا بموت دمي بيصفي وراسي مفتوحة ومحمود سابني ومشي تعاليلي بسرعة يا كارما بالله عليكي

كارما

طب اهدي أنا مسافه الطريق وتلاقيني جاية ليكي حالا يا حبيبتي

وبتروح كارما قافلة وبتكلم نانسي بسرعة وبتقول ليها اللي حصل و

اول لما نانسي تسمع كده بتقول

نانسي

طب اسببيني بسرعه انتي يا كارما وانا هاجي وراكي واللي توصل فين الاول تنقذها مش وقته وفعلا بيقفلوا مع بعض وبيروحوا نازلين هم الاثنين في نفس الوقت

واول لما انسي بتشوفها بتتصدم

نانسي

يا مصيبتي إيه اللي حصل ده يا نادين ومين اللي عمل فيكي يا خبر ابيض يا بنتي انتي دماغك اتفتحت

وفي الوقت ده كانت نادين واقفه في مكانها مش قادره تتحرك وبعدين كارما قالت ليها

كارما بدموع

مش وقتو الكلام ده يا نانسي تعالي ساعدينا خلينا نروح نوديها المستشفى حالا ما ينفعش نسيبها اكثر من كده ساعديني يا نانسي وفعلا بيحاولوا يساندوها علي قد ما يقدرو لحد ما بيخادوها في العربيه وبيروحو بيها علي المستشفي

وبعد شويه بيخرج الدكتور وبيقول

الدكتور

الحمد لله المدام اللي جايه حالتها بقت احسن بس انا ملاحظ ان هي وزنها زياده عن اللزوم لازم تحاول وتخس وبالذات ان هي كانت جايه مهياش قادره والجرح كان بسيط ما كانتش قادره تاخد نفسها بسبب الدهون اللي على صدرها وبالذات اللي انا اتفاجات ان هي ما كملتش 30 سنه

كارما

تمام يا دكتور شكرا تعبناك معانا هو ينفع نخش نطمن عليها

الدكتور

طبعا ولو حابين تاخدوها وتروحوا ما فيش مشكله

فعلا كارما ونانسي بيخشوا ليا واول لما بتشوفني نانسي بتقول

نانسي

الف حمد لله على السلامه عليكي انتي ما تعرفيش قلبي وجعني عليك قد ايه لما عرفت باللي حصل لك هو ايه اللي حصل علشان تقعي بالشكل ده

كده وكده محمود فين

نادين

لو سمحت يا نانسي لو انتي بتحبيني ما تجيبيش سيرته قدامي على كل اللي انا عاوزاه دلوقتي اللي انا امشي من هنا

كارما

طب اهدي يا حبيبتي وانا والله العظيم اعمل لك كل اللي انت عاوزاه تعالي يلا نسندك علشان نمشي الدكتور اصلا سمح لك ان احنا نمشي

وفعلا بعدها بياخدوني وبننزل هو لما بركب العربيه بلاقي كارما بتقول بضيق

كارما

بتعملي ايه دلوقتي يا نادين هتيجي معايا ولا هتروحي بيتك

وساعتها نادين بتروح بصالي وبتقول

نادين

ولا هنا ولا هنا انا عاوزه اروح بيت عمي

نانسي

كلام ايه اللي انتي بتقوليه ده يا بنتي انا مش فاهمه اي حاجه غير كده وكده هو محمود مزعلك في حاجه بس غريب حتى لو مزعلك انت عمرك ما بتفكري تسيبي البيت وتمشي ايه اللي حصل لكل ده

وساعتها دموع نادين بتنزل وبتقول

نادين

شكلكم انتم كلكم كان عندكم حق وانا اللي كنت غلطانه خلاص ما بقاش ليه لزوم ارجع البيت وبالذات انا عرفت كويس ان انا مهما اضحي ودي لمحمود عمره ما هيتقدر تضحيتي دي انا بقول كفايه لحد كده

واول لما نانسي وكارما بصوا لبعض بصدمة ومش مصدقين إن نادين أخيراً نطقت وقالت الكلام ده وكارما راحت ماسكة إيدها وقالت

كارما

انا عارفه ان الكلام ده صعب عليك بس عاوزه اقول لك حاجه يا نادين هو ده الصح اللي كان لازم يحصل من زمان إنتي مكنتيش بتضحي إنتي كنتي بتنتحري بالبطيء وعشان خاطر إنسان مبيفكرش غير في نفسه وبس وياما قلت لك الكلام ده وانت ما كنتش بتسمعيه

نانسي

إحنا معاكي يا حبيبتي في أي قرار تاخديه ولو عاوزة تروحي بيت عمك هنوديكي حالا بس المهم تفضلي على موقفك ده ومحمود لو عرف يوصل لك ميهزكيش بكلامه تاني لازم يعرف قيمتك ويعرف اللي هو عمله كويس

نادين

كل كلامكم صح وعندكم حق فيه ومحمود انتهى بالنسبة لي خلاص وبالذات بعد ما أنا شفت الموت بعيني وهو سابني ومشي ولا فارق معاه إن كنت هعيش ولا هموت أنا النهاردة بس عرفت قيمتي عنده وعرفت إني مجرد لعبة بيشكلها على مزاجه ولو باظت بيرميها يلا يا كارما خلينا نمشي مستنيه ايه

اول لما نادين بتقول كده كارما دورت العربية وطلعت بيها على بيت عم نادين وطول الطريق نادين كانت ساكتة وبتبص من الشباك وبتفتكر كل لحظة ذل عاشتها مع محمود

وساعتها بتتنهد تنهيده جامده كانها لسه مولوده من جديد

وبعد شويه بوصلوا تحت بيت عمها نادين نزلت بصعوبة وساندت على كارما ونانسي وطلعت خبطت وفتح ليها عمها اللي أول لما شافها بالمنظر ده ورأسها ملفوفة اتخض وقال

مصطفي

يا خبر نادين بنتي إيه اللي جابك في وقت زي ده وإيه اللي في رأسك ده فين محمود وإيه اللي حصل لك دا حصل امتي والزاي

اول لما نادين بتسمع كده برتمتي في حضن عمها وبتفضا تعيط بحرقة وقالت

نادين

الحقني يا عمي انا عاوزاك تعرف جنبي وما تسيبنيش في القرار اللي انا هاخده انا خلاص ما بقتش عاوزه محمود ولا عاوزه أرجع له تاني خلاص أنا عاوزه أطلق منه النهاردة قبل بكرة

اول لما العم بيسمع كده بيصدم وبيقول

مصطفي

طب اهدي وفهميني ايه اللي حصل وبالذات انا عارف كويس ان انت بتحبي محمود قد ايه ايه اللي حصل عشان تقول الكلام ده كله

كارما بحزن

علشان انا تعبت يا عمي وتعبت ان انا هحارب لوحدي وانا اللي بدي في العلاقه دي وما فيش مره قدر اللي انا عملته وبتروح كارما بتقول كل حاجه لعمها

اول لما بتخلص العم بيقول بغضب وصوت عالي

مصطفي

وانت بقى ساكته كل ده انت اتجننتي ازاي توافقي على كل ده من الاول وكمان يمد ايدو عليكي ويضربك كمان ويسيبك بتمشي وكمان عاوز يدمر صحتك عشان نزوة في دماغه والله ما هسيبه والطلاق ده هيحصل وغصب عنه كمان إنتي في حمايتي يا نادين ومحدش يقدر يلمس شعرة منك واللي انت عاوزاه يحصل

نادين

ربنا يخليك يا عمي انت ونعم الاب انا مش عارفه اشكرك ازاي

العم

سيبك من الكلام اللي انت بتقوليه ده وخشي ارتاحي شويه وانت يا كارما انت ونانسي ما سيبوهاش لوحدها واقعدوا معاها واي حاجه عاوزينها اطلبوها ملكوش دعوه

وفعلا بعدها ندخل احنا الكل وساعتها كارما بتقرب مني بحزن وبتقول

كارما

انا مش عاوزاك تفكري في اي حاجه عاوزاكي تفكري في نفسك بس وعاوزاكي تاخدي قرار ان انت تتغيري من نفسك مش لاي حد

نادين

عندك حق يا كارما وبالذات انا اهملت في نفسي خالص وما حدش حاسس بيا انا كل اللي انا عاوزاه منكم اللي انتم تقفو جنبي ومش تسيبوني لوحده

وبتروح مكمله بحزن

نادين

وبالذات اللي انا مش ليا عين اطلب منكم حاجه زي كده بعد اخر مره كنت عندي بس والله العظيم كنت بعمل كل ده علشان خاطر حبي ليك

نانسي

ايه دي يا نادين ما ينفعش الكلام اللي انت بتقوليه ده وما لكيش دعوه باي حاجه واحنا جنبك مش هنسيبك بس كل اللي انا عاوزاه تفكري في موضوع الطلاق ده ثاني عشان الموضوع مش هيبقى سهل عليك

كارما

وانا مع نانسي في الكلام اللي هي بتقوله بالذات احنا عارفينه كويس ا انت بتحبيه ازاي

نادين

هي خلصت كده يا كارما وما بقتش نافعه انا كل اللي انا عاوزاه بس سيبوني دلوقتي حابه اقعد لوحدي شويه اراجع كل الي حصلي

كارما

ماشي يا حبيبتي ولو احتجت حاجه رن عليا وهتلاقيني موجوده عندك وفعلا بتروح واخده نانسي وبيروحو ماشين

وساعتها كارما بتقول بحزن

كارما

والله العظيم محمود ده واحد غبي ان هو ضيع واحده زي دي من ايده وبالذات هو عارف كويس نادين بتحبه قد ايه ليه يستغل الحته ديت ويعمل فيها كده انا بجد لو شفته مش هقدر امسك نفسي والله واعلم ممكن اعمل في اي

نانسي

مين سمعك يا كارما انت ما تعرفيش انا متضايقه منه قد ايه بسبب اللي هو عمله فيها وبالذات نفسيتها اللي بقت كان نازل على العموم ربنا يهديها وتاخد القرار صح المره دي بدل ما تضيع نفسها العمر كله

كارما

عندك حق تعالي بقى لما اوصلك على البيت عشان ما ينفعش تتاخري اكتر من كده وفعلا كارما بتروح منزلاها وبتروح ماشيه واول لما نانسي بتدخل الشقه بتلاقي محمود قاعد واول لما بيشوفه بتقول بحده

نانسي

الله يخرب بيتك اللي انت هببته ده هو انت عبيط ولا بتستعبط انت عارف بسبب اللي انت عملته مع نادين ايه اللي هيحصل هي مصممه خلاص ان هي تطلق وكل اللي احنا كنا بنخطط فيه هيضيع بسبب ان انت عملته فيها

واول لما محمود بيسمع كده بيروح قايم واقف وبيضحك جامد وبيقول

محمود

نادين مين دي اللي تطلق مني انتي ما تعرفيش هي بتحبني قد ايه ده هي عندها استعداد اللي انا اقطع من جسمها حتت ولاني اسيبها

يتبع