رواية قُـربَاْن الفصل الأول 1 - بقلم xM8_ria

قُـربَاْن
بارت "١"

يوم عادي مثل أي يوم بالسنه بس بالنسبه الي جان يوم رح يحدد مصيري يا انه يوم يخليني ابجي من الفرح او.. الحزن رحت لبيت غفران اشوف النتائج لان رح تطلع على الحاسبه
*تدك الباب*
غفران :هاي اكيد مريم
*تفتح الباب تشوف مريم *
مريم :مستعده النتايج بعد ساعه
غفران :خايفه
مريم :احنا ناجحين بس المعدل..
غفران :ساعه وحده بقت بس
*تمر ساعه *
*غفران تطلع موقع النتائج وتخلي اختها تكول معدلها *
غفران :يلا طاح كلبي تره
ساره(اخت غفران)
ما توقعتها منج غفران
غفران :شكووو كوليي
مبروك معدلج99.9
تصرخ غفران من الفرحه وتحضن مريم قوي وتصير تبجي
مريم :زين شوفي معدلي
يطلع معدلها 99.9
تسجد مريم من الفرحه وتكوم تبجي تحضن غفران ويبجون سوه من الفرحه نسو يبشرون اهلهم
مريم تاخذ بغفران وتهزها
مريم : غفرانن سوينهاا تعبنا ما راححح
غفران : رح ننقبل بأحسن الجامعات
مريم : اصبري اروح لبيتنا ابشر اهلي
غفران : يلا روحي

تروح مريم بكل فرحه وفخر والحي يباركولها الكل يعرف مريم شكد اجتهدت وتعبت
تروح تبشر ابوها تدخل لبيت تشوف صورة امها المتوفيه تكول

_ماما سويتها ورح اصير احسن دكتوره بعلم النفس ورح اعالج الي جانو مثلج

تروح لغرفه ابوها تدري رح يحطمها بس مع ذالك مصره تكول اله تشوف قزازات الكحول وريحه الغرفه والجكاير

مريم:بابا
احمد(ابوها) :شتردين
مريم:طلع معدلي 99.9
توقعت رح يكول مبروك او يضربني كالعاده بأحد بطالت الكحول الي يشربها او يحرك ايدي بالجكاير بس تقرب الي وكال

احمد: ادري هواي اذيتج واذيت امج وهنتج بس انتي فخر الي ما استحق بنيه مثلج تستاهلين اب احسن مني

*تدمع مريم لان اول مره تسمع هل الحجي منه*
مريم:فرحان؟
احمد:اكيد بالتوفيق الج بنتي
*تبتسم ابتسامه عريضه *
تطلع من الغرفه فرحانه وما مصدكه
"بالجانب الثاني"

سيف واصدقائه بالقهوه كاعدين ومتحمسين وينتظر صديقه ضياء يصيح اسمه ومعدله
سيف:ضياء شوف شكد فدوا مكدر اتحمل
ضياء:مبروك خويهه 100 دريت كفو رح اطلعها

كل القهوه تصيح ويحضنون سيف ويشيلوه اهله واصدقائه وأمه تذب عليه الجكليت وتهلهل

بنص الفرحه تذكر سيف ابوه المتوفي واجت بذاكرته صورته وصوته الي يكول(ابني سيف اني اعرفك رح تنجح وتجتهد اتمنى اشوفك بمكان حلو)

*يدمع سيف*

"نجي لصديقنا الرابع جوزيف الي
من ام اجنبيه وابو عربي"

مع انو عائله جوزيف غنيه وما محتاجه دراسات اله انو يهتمون لدرجات وضاغطين عليه والكل حاط أمله بيه

محمد(ابو جوزيف) :تذكر بس ما اشوف الدرجه المطلوبه لا تعتبر نفسك ابني

جوزيف :حاضر بابا

ساندرا(امه) :عار عليك اذا ما جبت المعدل المطلوب

شافو اهله النتايج وطلع معدله 98
ماجانو فرحانين ومتوقعين أكثر بس جوزيف ما اهتم وفرح بالي عنده الاستاذه يعرفون جوزيف مجتهد ويتعب على نفسه الكل باركله من استاذته وفرحانين بيه مع كل هذه الدعم اله ان منتظر كلمه مبروك من أمه وابوه...

12:00a.m
مـريم وغفران يحجون مثل كل يوم

مريم : تتوقعين اكو بعثه بالعراق؟
غفران : لا ماتوقع
مريم : تأخر الوقت واني نعست حروح انام
غفران : تصبحين ع خير

" الجـانب الثاني "
ساندرا( ام جوزيف ): اشوفك فرحان؟
جوزيف : اكيد افرح
ساندرا : تفرح على هذا المعدل؟
جوزيف : رايح انام

جانب صديقنا  " سَيف "

يرجع سيف للبيت و هو فرحان وبنفس الوقت حزين لان ابوه ماموجود وياه
اول مايدخل للغرفه يشوف صورته معلقه ع الحيط

سَيف : ياريت لو انت وياي هسه جان فرحت حيل
لان سويت الي انت تريده ونجحت ورح ادخل التخصص الي جنت تريدني ادخله

"يحضن صوره ابوه وينام "

" اليـوم الثاني "

10:00a.m

أمير( اخو سيف ) : سيففف اكععددد
سيف : شصار
امير : الحكومه قررت تسوي بعثه دراسه لـ لندن للطلاب المجتهدين ورح يختارون ١٠ طلاب
سيف : اييي؟
امير : وانت واحد منهم

ينصدم سيف ويفرح لان حقق حلمه وحلم ابوه

" الجانب الثاني "

يدك الباب "
ساره : منو
مريم : فتتحححيي اني مريمم
تفتح الباب "
مريم : غفران وييين بسرعه
ساره : نايمه

تروح للغرفه وتكعدها وهي فرحانه وبنفس الوقت مامصدكه
غفران : شصايييررررر
مريمم :الحكومه قررت تسوي بعثه دراسه لـ لندن للطلاب المجتهدين ورح يختارون ١٠ طلاب واحنا منهمم
غفران : مستحييييييلللل

"تحضنها وتبجي من الفرح
مريم وغفران اصدقاء من الطفوله ودوم يحلمون تطلعلهم بعثه دراسه خارج البلاد

اما صديقنا الرابع " جوزيف "

محمد : سمعت اكو بعثه دراسه خارج البلاد
ساندرا : اي بس اكيد جوزيف مارح ينقبل

يجي جوزيف وهو فرحان حتى يبشرهم

جوزيف : مامااا باباا
امه وابوه سوا : خير
جوزيف : طلعتلي بعثه
ساندرا : ماتوقعت
ينحبط جوزيف لان اهله هيج صارو يعاملوه بعد ماطلع معدل 98
يطلع من البيت وهو حزين ومحبط.

الاربعه فرحانين وراحو التخصصات الي جانو يتمنوها ويحلمون بيها
مريم طب نفسي
غفران صيدله
سيف طب عام
جوزيف جراحه اعصاب

مريم كاعده يم غفران ويسولفون شرح يسون اذا تمت البعثه بنص السوالف غفران حست على مريم ضايجه

غفران :مريم بيج شي؟
مريم :خايفه ابوي ميقبل
غفران:واذا ما قبل رح تفوتين هجي فرصه؟
مريم :لا اكيد بس..
غفران:بس شنو مريم هذه حلمنا واحنا صغار حلمنا نتخلص من هل العيشه تذكري امج الي جانت مريضه وماكو دكتور كدر يعالجها وبعز مرضها تكلج صيري دكتوره وعالجيني

*مريم تدمع*

مريم:اشتاقيت لأمي
*غفران تحضنها * تكوم مريم تمسح دموعها

مريم:اني مالي دخل بابوي ورح اروح لندن وادرس
غفران :اي عفيه هجي اريدج
سمعتي رح يسون النا حفله خصوصي
مريم :صدككك
غفران :اييي تعاي اوكي؟
مريم: اي أكيد

يكعدون الاربعه الصبح متحمسين وفرحانين البنات يتجهزون..

مريم تجهز وتريد تطلع دون ما يدري ابوها.. تفتح الباب شوي شوي وهيه لابسه بدله التخرج وشايله القبعه الي مكتوب عليها اسمها وميته خوف لا ابوها يشوفها ويمنعها

تسمع صوت من ورا يكول الها..

احمد:ادري طلعتي من الي أسمائهم بالبعثه روحي احتفلي
تدور وجها وتشوف ابوها
مريم:يعني تقبل ابتعث
احمد: اكيد لا بس روحي احتفلي اخر احتفال بحياتج
"تقرر ما تجادل بالحجي وتروح يم غفران"
توصل لبيت غفران وتدخل غرفتها وهيه زعلانه وتبجي
غفران:شبيج
مريم:ابوي درى ويكلي ما ترحين لندن
غفران :مو كتلج معليج بيه انتي ابوج مو بوعيه من السم الي ياخذه اصلا ميعرف شكد تعبتي وسهرتي وبكل بساطه جاي يقرر
يلا مسحي دموعج وشنوو اليوم طالعه حلوهه شهل الجمال

*مريم تبتسم*

مريم:كلامج صح وصدك طالعه حلوه؟
غفران:تخبلين والله
*يضحكون ثنينهم سوهه*

ام سيف:يلا يمه رح تتاخر
سيف:خلصت يمه بس خل امشط شعري

يجي سيف كاشخ ومبتسم

ام سيف:ما شاء الله على ابني يحفظك الرحمن

سيف يبوس راس امه
ام سيف:ياريت ابوك يكدر يشوفك
سيف:هو يمي دوم ويشوفني
يلا يمه تأخرت لازم اطلع مع السلامه

ام سيف:روح أبني الله يحفظك

جوزيف فرحان كسر عين اهله بس هم بعدهم على اصرارهم ابنهم فاشل

جوزيف :اني رح اطلع
امه:معرف اشنون اصلا اختاروك
ابوه:خليه خل يولي

يطلع جوزيف ويصعد سيارته ويقنع نفسه كلامهم مو مهم

تتجمع الطلاب والكاميرات عليهم والفرحه تارسه وجهم كل واحد ياخذ مقعد ويكعد بيه يكعد مشرف الحفل يلقي الخطاب ويصيح اسم الطلاب على مود يوكوفن على الستيج

بالصدفه توكف غفران يم سيف وجوزيف يم مريم

المصور:رح احسب من واحد لثلاثه ورح تشمرون قبعاتكم بالهوى

واحد،ثنين،ثلاثه

يشمرون قبعاتهم وهم فرحانين واحد يبارك لثاني

مريم :مبروك لاحله صيدلانيه
غفران:ومبروك لاحله دكتوره
مريم: مو جبتي علبه شوكلت روحي انطي لطلاب
غفران:اي صح نسيت

تروح غفران وتنطي لطلاب والموجودين الشوكلت ومريم تضل تسولف ويه الطلاب وتتعرف عليهم

غفران توصل لسيف وتنطيه بالغلط سيف يلمس ايدها ويتوتر ويضل يتلعثم

سيف:اسف مجان قصدي
غفران*بصوت متوتر
لا عادي مصار شي
سيف يلاحظ وجها الهادء وشعرها الأسود الطويل وعيونها الي مثل هدوء الليل بس تروح ينسى ويتغاضى الموضوع

تخلص غفران وتروح لمريم
غفران :وين قبعتج
مريم:هاي بايدي
غفران :بس هاي ما مكتوب عليها اسمج

مريم تسمع الطالب جوزيف يكول
ضيعت قبعتي
مريم:اروح يمكن عند هذه الطالب تبدلت
غفران:روحي
تروح مريم بس قبل لا تحجي وياه ينشغل بالها ويه ملامحه الاجنبيه وشعره الأشقر الي طوله جان وسط وجه الحاد

جوزيف:تردين شي؟
مريم :العفو بس يمكن قبعتي عندك

جوزيف:اي جيبي وثاني مره انتبهي

يضل على وجه مريم علامه استفهام ليش هجي يعاملها

جوزيف يكول بينه وبين نفسه (معرف اشنون هجي ناس تاخذ بعثه شكلها غريب وهيه متحمسه تسولف وتضحك ملامحه غريبه جنها ايسويه على عربيه)

تروح مريم

مريم:غفران هذه مدري شبيه
غفران:شبيه
مريم:مادري بس ما عجبني اسلوبه

يرجعون لبيت وكلشي تمام بس مريم مستائه من ابوها وتريد تحاول وياه وتقنعه
تدخل مريم البيت وهيه خايفه وتفكر اشنون تفتح الموضع ويه ابوها

تدخل لغرفه وتشوفه نايم على الجهه الثانيه من السرير

وتبدي تحجي

بابا اني ادري ما رح يفيد كلامي بس ارجوك هذه تعبي وحلمي خليني اروح واني اعرف اتصرف وكلشي على حساب الحكومه وغفران وياي واني ما اريد اضيع مستقبلي

بينما هيه تحجي وخايفه من ردت فعله بس تنتبه ما يجاوبها تضل تصيح

بابا جاي احجي لتعصب.. وتردد بابا، بابا،

تروح تحط ايدها على جتفه وتسحبه تحس ببروده جسمه مع انو الجو حار

تفحص نبضه وتكتشف انو متوقف

انتقل الى رحمة الله أحمد علي