رواية كرسته وامل الفصل الثالث 3 - بقلم الحساب مغلق

كعدنا الصبح ورحنا كلمن لشغله كملت الدوام واتصلت بجلال
ها ابو ميار شونك
هلو ميس ها يابه عليها باجه
اي بس استجدت امور تره اخويه حيجي ويايه
خوش لعد ببيتي شكو بيها هله بيه
ميس خومو زحمه
لا يابه رحمه
زيد البصل اريده احمر
اي عمي فتهمنا هههه
يله شويه واجي للمكتب وي اخويه
اجه ضافر ومعترض واثق مني وسبورت رحنا للمكتب جلال جان ديعزل اشرلنا لحكوني مشينا وراه اشتره الباجه وطلع كبل بيته قريب على بيتي الجديد فتت كلش حلو مرتب
جلال- تفضلو اخذو راحتكم ماكو احد
ميس- هاي شنو بيتك يخبل
ضافر - بعد مهندس انت باني مو
جلال- لا والله العماله بس خريطتي طبعا اكيد
ميس- اكولك اريد هيج المطبخ مالتي
جلال- يصير ولو يصير زغير
ميس- عادي
جلال _يابه اليوم وكفنا الحياطين مبقه شي
ميس- متشوقه
جلال- شهر ويكمل راح اسوي فوك بالسطح غرفه مثل المخزن خارجي الزوالي الغراض الزايده تخلصين منها
ميس- ماشي خوش يله خل اثرد
جلال- يله حضرنا كلشي مكدرت اباوعلها اخوها عيونه جانت تراقب
ضافر- مبين عليه خوش ولد بس اختي خطيه مو كامله منو يقبل يرتبط بهيج وحده وحتى هي بعد متريد شبعت اهانه
ميس- جنت طايره بصداقته بس اضحك بوكت نسيت الضحك بي
صبينا واكلنا وجلال صافن عليه فاتح حلكه
جلال- صفنتني مشايف مثلها وببساطتها
يمعود ارحمي انوثتج هاي عيون الدتاكليها يا الله
ميس- كلمن عليه بماعونه لتباوعني اريد اكل براحتي
جلال- هاي مماخذه راحتج من تاخذين راحتج شسوين كمت اخاف منج ههههه
ميس- وين البصل
جلال- هاك عيني جعفر
ضافر- ههههههه مشايفها من تدوس بالثريد والاكل تفقد ميس وي الاكل متتنعوص هههه
ميس- يعني هي الحياه شبيها حلو غير الاكل رحمه لالله
جلال- والله عمي صح باوعتلها ابتسم تفهمني والنبي
ميس- كملنا ورجعت كلشي بمكانه عيب اعوف الهوسه وكعد يسولف وي ضافر قشبو عالنسوان علما كالو بس
عيني سنادس عاد شونكم انتو تنسون الوكفات كلها بموقف موزين
جلال- والله اني ماانسه اليوكفلي
ميس- باوعتله بمكر بداخلي جان مطلكت مرتك
ضافر- يابه اذا انتو تفتون كلبه للواحد
ميس- يله ضافر شوحلتلك الكعده
ضافر- اي والله تونست وعاشت ايدك خوش باجه
ميس- باجر الغده عليه ابو ميار
جلال- لا لا ميس والله ماريد اتعبج
ضافر- سوي دجاجه محشيه
ميس- تقره افكاري والله
جلال- لعد بس النا لتحسبين حساب العمال اغديهم فلافل
ميس- اوكي بشقتي باجر ارجع اشوف البيت وبعدين انتضركم بالشقه ضافر من عملك كبل للشقه لتتاخر مثل اليوم حباب
ضافر- خوش متفقين يابه فرصه سعيده ابو ميار الكعده وياك متنمل
جلال- والله انتو غيرتولي جو كلش
طلعو ورحت نمت تعبان
كعدت بليل
ميس- رجعت للبيت كملت شغلي كعدت اكلب بالفيس بالبرامج
جلال- كلبت بالتلفون دخلت على ضافر طلبت صداقه كلبت باصدقائه من ضمنهم احمد طليق ميس كلبت بصفحته كله يشعر بالحب وهالسوالف وهاي العوبه ميته عليه بعدها
دزيت الها طلب صداقه قبلتني راسن الضاهر كاعده عالنت
شونج يبنيه
هههه هلو يارجال شونك
شكو ماكو
والله ماكو شي كاعدين
حضرتي لباجر
خو انت اهم شي بطنك
يله خطيه شونج جان مفروض اصورج من دتاكلين العيون
هههههههه والله جانت باجه
بالعافيه راح اخابرج عادي
اي دك عادي
متدكين انتي
يابه هو بلاش الله واكبر عليك
دكيت عليها
الو
هلو ولج شنو هاي صوتج حلو
شكرا ههه
شسويتي مسويتي
صلحت اوراق الكسالى
انتي مدرسه مال شنو
مال كيمياء
واو حلو
مممم شكرا وانت شسويت
جريتها نومه مرتبه وهسه دااشرب جاي
عافيات
سكتنا
جلال- ميس هواي غيرتي بروتيني المزعج
ميس- الله شاهد انت هم
جلال-  انتي مختلفه بكلشي
ميس- شكرا وانت كلش اريحي
جلال- شتحبين مواصفات الرجل شون تكون
ميس- مااحب اي شي مميز اهم شي التفاهم
جلال- احجيلي شون حبيتي احمد
ميس- تنهدت اول مداومت بالكليه جلبلي واني ذبيت ثكل بعدين ساعدني بالطبع مالمحاضرات لان جان عده طابعه وبدت العلاقه كللي احبج وماانساج وهالحجي
جلال- مجنتو تتعاركون
ميس- يووو كومه بس اني اتنازل راسن مااتحمل بعده عني
جلال- معقوله شخصيتج مبينه قويه
ميس- معليك بالضاهر من احب ادمر روحي علمود الاحبه تحسرت
جلال- بس هو محبج تدرين
ميس- سكتت
جلال- لو حبج ميعوفج يضل يحاول مو شهرين ويطفرً
ميس- اكو شغلات بيها امل اكو شغلات منتهيه من اول اني ماعدي امل للحمل
جلال- يكدر يتزوج عليج وميعوفج تره اذا حبج يسوي المستحيل
ميس-ماادري اختنك صوتي
جاال- شبيج
ميس- ممكن نغير الموضوع
جلال- لازم تنسي وتبدين حياتج من جديد
ميس- انشاء الله
جلال- اليوم دخلت لصفحته دتكلبين بيها انتي
ميس- مسويلي بلوك
جلال- شنو ليش
ميس- مو ضوجته كلسا مخابرته
جلال- عزه بعينج انتي شنو من الشي ليش تهينين نفسج
ميس-اسكت عفيه بجيت وسديته ضليت ابجي تذكرت شكد توسلت بي يرجع كرهت روحي ضليت ابجي واكل بروحي اندكت الباب رحت فتحتها
جلال- بعد بعد موتيها لروحج
ميس- عفته ودرت وجهي غسلت
جلال- سديت الباب وكعدت اباوع عليها
ميس- كعدت منصيه وراسي بالكع وهو يباوعلي ساكت بس نضراته كارهني
جلال- تقربت جريت كرسي وكعدت كدامها نزعت القمصله باوعت بعينها تدرين شمنزل عالفيس هاج باعي
ميس- نسيت نفسي ردت اشوف توقعت اي شي اله علاقه بيه
باوعت كله يشعر بالحب مع نور اللي هي زوجته الجديده
ضليت اكلب ردت وره طلاقنا بشهر شنو ناشر اي شي يدل على اشتياقه الها ماكو ماكو كله فرح وحب
كمت ارجف ضميت وجهي بايدي
جلال- ميستاهلج همست ٍ
ميس- شهكت ابجي اريد انساه صار سنه كافي اذيه ومذله
جلال- علكيفج خفت عليها انهارت  لو ادري منشوفلها الصفحه مالته تقربت منها اكثر ردت احضنها قصدي اخفف عنها جانت دتبجي منهاره تقربت خليت راسها على صدري
تفاجات من ردت فعلها دفعتني بقوه خزرتني
ميس- تستغلني ?
جلال- لا والله قصدي اخفف عنج ضليت اباوعلها خازرتني ضجت
اترخص اني
ميس- مجاوبته طلع وسد الباب وراه ضليت ابجي للصبح منايمه تذكرت ايامنا سوه ضحكنا وحبنا محسيت روحي الى قطعه من الحقد عليه والكراهيه نمت بال7غبت عن دوامي
ونمت لل12
كعدت تذكرت الغده دزيت رساله اعتذر مكدرت احضر الغده خليها غير مره
ردلي براحتج خو مبيج شي
لا مابيه
اجه ضافر ورجع طلع وبقيت وحدي كلشي مااكلت جنت كلش تعبانه كاره روحي وكارهته لاحمد طلعت شكو شغلات مالته هدايا ورد رسايل صور لميتها بعلاكه وخليتها خليتها بالباب من يجي ابو الزبل العفو ياخذها
جلال- بالليل ضل بالي عليها لبست الللبس اللي اختارته هي خرب حضي بلوز صماكي وبنطرون صماكي البلوز بي تقفيله يعني شبابي والله استحي البسه لبسته ورحتله للشقه دكيت الباب انتبهت اللعابه بالجيس مال زبل غراض كومه فرحت كلش
ميس- اندكت الباب وطلعت فتحتها 
جلال- بله بربج هذا هم ذوق اشرتلها على هدومي
ميس- ههههههه ولك والله حلو شبي تعال تفضل
دخل بس جان يضحك
شبيك تضحك اكو شي
جلال- مشتاقين يابه شون دجاجه اليوم يبوووو يعني عاشت ايدج
ميس- تصنف مو
جلال-والقران اكلت فلافل من وره حضرتج
تطلعين
ميس- وين اروح
جلال- انتي شبيج شو وجهج اصفر كلش
ميس- مالي خلك
جلال- امشي نشتم هوه تطيبين ضافر شوماكو اليوم
ميس- رجع لمرته يوم الالك
جلال- لتخربطين بالحجي
ميس- لك بابا ارجعلها خطيه الجهال
جلال- ميس شغله متعرفين بيها سكتي احسن
ميس- شبيك تصيح
جلال- ضوجتيني ابتسمت امشي بدلي
ميس- مااطلع والله مابيه حيل
جلال- جيت عالطباخ الطباخ فارغ كلشي مماكله مو
ميس- مااشتهي
جلال- من البارحه عالباجه
ميس- اي
جلال- كومي نتعشى لا ومحمد افوتج للغرفه ابدلج
ميس- انت صدك بله معنى ليش تلح خزرته
جلال- ازعل واطلع وبعد متشوفيني ولج صار شهر سوه كلش مرتاح لتطلعيها من خشمي
ميس- راح اروح بس تره مبيه امشي
جلال- اوك نكعد عالشط ناكل
ميس- صايرين بدلت وطلعت لكيته ديكلب بالفيس
يله امشي
جلال-امشي طلعنا ووصينا سمج وكعدنا عالشط ناكل جانت الدنيا ضلمه واضويه خفيفه كملنا اكل وغسلنا وكعدنا حدايق يم الشط كلش
ميس- ارتاحيت جلال شكرا
جلال- باوعت بعينها همست ميس اني كلش تنهدت
ميس-.التفتت عليه ودرت وجهي يله نروح خفت يحجي شي ومجان اكو احد يمنا
جلال- باوعتها تخافين
ميس- هيج شي يلهً امشي صارت ب10
جلال- اوكي يله
وصلتها
ميس- قمصلتك فوك نسيت اكولك تره انت عفتها
جلال- هسه حصعد اخذها
ميس- اا يله لعد
جلال- صدك تره اليوم خلصو اول طابق باجر تعاي شوفي صارلج كومه مماره
ميس-ماشي
باجر امر
جلال- نتغده سوه باجر باوعتلها بحنان اخذت القمصله بيدها
ميس- لا نصيت
جلال- تنهدت براحتج مالح عليج 
ثاني يوم وره الغده  انتضرت متصلت المشكله كمت اشتاقلها
ميس- ثاني يوم التهيت للوحده يله طلعت من المدرسه وراها رحت لبيت ضافر تغديت الحمد لله اوضاعهم زينه تونست وياهم لل6نسيت متواعده وي جلال اشوف البيت
المهم ترخصت وطلعت
اتصلت بجلال
الو
هلو ميس شنو وينج
هياتني شوي واوصل للبيت الجديد
يله جايج اني هم
وصلت نزلت مجان اكو احد ماشاء الله مكملين طابق ومبلشين بالثاني دخلت اتفرج
جلال- شفت سيارتها نزلت فتت للبيت مسمعتني   كرصتها من خدها
ميس- فززتني عابتلك هاي شنو خوش تقدم متوقعت هيج كله 3اسابيع مجايه
جلال- دنلعب قابل
ميس- عاشت ايدك مثل متخيلته
جلال- وين جنتي الفضول كتلني وين كضت يومها
ميس- ليش تسال
جلال- تنهدت ماادري ضل بالي
ميس- تره احنا هواي تعلقنا خلي شوي نرجع لحياتنا
جلال- تقربت منها لا لتسوين هيج مصدكت لكيتج باوعت على ملامحها
ميس- جلال تره احنا ثنيناتنه تعبانين وواحد ديخلي عازته بالثاني تره البيناتنه صداقه
جلال- شكد متكدرين منعيني عنج اذا مترديني لان دااحس انتي اللي ادور عليها تقربت منها سريع وبستها لامست شفها شفاهي بس دقيقه تلامس وابتعدت جانت مغمضه عينها
ميس- شنو الجمدني مااعرف من ابتعدت فتحت عيني وطلعت راسن من الهيكل
جلال- ميس ميس  تعاي خرب مو وياج
مترد وعافتني وراحت واصلا مباوعت بوجهي
ميس- شنو الصار ليش هيج سوه وليش هالاحساس كلبي شبي اني كلبي لاحمد نبض بس شنو التغير هسه لازم انهزم من احساسي مناقصني تعب وذل حبيت وتعذبت وماخذه عهد ماحب بعد
مر اسبوع اني مشايفته قررت اليوم اروح للبيت اشوف وين وصلو بالبناء موعد التسليم المفروض يوم 30واليوم 5بالشهر رحت لكيت بس العمال سمعت واحد من العمال يتصل بي
اي استاذ ام البيت جتي
ضليت افتر واتفرج كلش حلو البناء السيراميك كله الواجهه تخبل بقت النواعم الكهرباء والمي ويكملون الصبغ واستلم مشتاقه لجلال حيل وجنت متوقعه اشوفه
جلال- نزلت من السياره شفت سيارتها دخلت البيت
جلال- هلو ست ميس باوعت على وجهه المشتاقله تعذبت حيل بهالاسبوع
ميس- اباوع عالبيت واحاجيه اهلا استاذ جلال اخاف عيوني يبين بيها شي من العتب
بعدنا عالموعد
جلال- بقيت اباوع بوجهه بس ردت عيوننا تلتقي
ماكو متباوع
اي اي عالموعد يوم  30كامل ابو التصميم هم ديجهز ماعدنا شي بس ديري بالج تنجرحين السيراميك مكسور
ميس- ماشي يله اني رايحه ممنونه شغلك كلش مضبوط مع السلامه
جلال- همست ميس انتضري
وكفت وملتفتت
ميس- نعم
جلال- ممكن اعزمج على شي اعتذر منج
ميس- لا على شنو مصار اي شي مع السلامه
انهزمت من عيونه ومشاعري  اني الدااحسه مو حب هروب من احمد وحبه ردت شي يعوضني اني مدااحبه ادري بروحي
اسبوع ثاني مر وملتهيه رحت مرتين بيت اخويه جعفر وبتت وي هوسه الجهال وجان كل بالي يم جلال
جلال- لزمت بناء مشتمل وملتهي بي سويته شفت ثاني وبالي كله يمها شجابني شورطني
اني بهالعمر مو مال ازحف لوحده واتوسل بيها
الجهال كمت اشوفهم كل فتره ووره اسبوع هم شفتها يم البيت بس ملحكت عليها جانت صاعده السياره ومشت من يمي منتبهت عليه
تاذيت جنت جاي علمود اشوفها ملحكت واني داانتضر الخميس يوم يوم حتى اشوفها
ميس- شفت رئيس العمال يتصل شفت البيت عالسريع ىطلعت قبل ليجي ومرت الايام واني بس اريد امشي الوكت كمت اطلع وي صديقاتي وافتر بس هم المصيبه بس يقشبون واني ماحب هالطبيعه البيهم كمت اسمع واغلس من جنت وي جلال جننا نسولف ونضحك على ارواحنا دنفتر مره وي البنات بالتفاح الاخضر اسواق كلش جبير سوبر ماركت مثل المجمع بالمنصور
جنت اتسوك مناك
جلال- لمحتها تتسوك واني هم جنت اتسوك اخذت لعابه حلوه وخليتها بعربانتها بدون متحس
ودفعت فلوسها مخليتها تشوفني
ميس- تفاجات لكيت لعابه مدفوعه الثمن تفاجات اتلفتت من منو هاي سالت الكاشير كال مقبل اصرح عن هويته
ميس- معقوله هذا احمد لا مستحيل تذكرت جلال اكيد منعده اخذت غراضي ورحت كيفت باللعابه حضنتها ونمت ب12 جتني رساله من مجهول اتخيلج حاضنه اللعابه ونايمه
ميس- منو انت سطرتني
معرفتيني
لا منو
نسيتيني مووشاكه باحد انتي
اي شاكه باثنين
ههه محبينج هواي لازم

هو منو انت
اذا تريدين تعرفيني تعاي باجر لهالعنوان
ميس- دزلي عنوان باريس كافتريا
اوكي اجي باجر بيش ساعه تريد
ب6يفيدج
اي هاهي
ميس- جنت شاكه باثنين بس اذا احمد اتمنى ارزله واطلع
وصدك ثاني يوم رحت وكعدت انتضر اكو مكان صفح اجه الكرصون سالني انتي ميس
اي اني
تفضلي ويايه دينتضرج المستدعيج هناك
كمت وداني لمكان اضلم واضاءه شموع بس ومكتوب كل عام وانتي بخير ميس ابتسمت التفتت عالكرصون كلي كعدي شوي وجاي المستدعيج
كعدت متفاجئه بس اني مو عيد ميلادي اليوم باجر عيد ميلادي بقيت انتضر نزلو الكيك جنت ماشوف احد بهالصفحه بس الي مخليها واغنيه العيد ميلاد دخل واحد وخله ايده بايدي وقسمنا الكيك مشفت ملامحه ضلمه بس اضاءه كلللش خفيفه حاولت اشوف مكدرت قسم الكيك ونطاني هديه باسني من راسي وطلع واشتغلت الاضاءه
جنت كلش فرحانه الكرصون باركلي مبتسم ولملمت الغراض اخذتهن للسياره وطلعت بس شنو السالفه حتى بالافلام مصايره بس ريحته جلال ههههههه خرب ببليسك شون سوالف وصلت تذكرت الهديه فتحتها دنبوس مثل البروش مكتوب عليه لا يأس مع الحياه ذهب تخبلت عليه لبسته ونزلته عالفيس وكتبت من انسان غالي هديه
جلال- عرفتني هههههه عرفتني الا اخليج تموتين عليه الا اخليج تنسين احمد
ميس- باجر اروح للبيت بلكن اشوفه رحت وره الدوام وشفت العامل اتصل جنت جايبه الغدا ويايه انتضرته
جلال- وكفت وراها ها شنو رايج بالبيت 
ميس- هلو كلتها بابتسامه باوعت بعينه
يتبع...