رواية قصة هوانا الفصل الخامس عشر 15 - بقلم Nada hs

#قصة_هوانا
‏ nada hs

الجزء15 والاخير
وبيوم اني كملت غدا وكاعده العب بعلوشي... دگ التلفون رقم..
-شهد؟ شلونج؟ اني احمد...
ياربي انربط لساني! شيريد متصل...
-الحمد لله.. اكو شي؟
-ردت اعزمج... وانتي لازم تجين...
-ع شنو؟
-عرسي هذا الخميس...
انقبض گلبي من گالها ... حاولت الزم نفسي وگلتله افكر هو اصر وگال لا لازم تجين...
من سديت التلفون طلعت كل ضيم الي بگلبي... ماجنت منتظره شي لاوالله بس صعبه مااكدرت اتحملها... بجيت ومن شافني علي اخترع وگام يبجي ويايه ...
بليلتها اجاني صادق وخلص شغلته من بعد مااجان هاجرني يمكن أنبه ظميره واجه ... بقه ليل كله يمنا وجايب مسواك ويا همين.. ولو اني بوجود خالي ممحتاجه شي منه...
والصبح كعدت لگيته طالع... تريگت واخذت ابني وقفلت البيت ورحت يم تماضر... وحجينا وگلتلها ع احمد وهي تعرف بقصتنا انقهرت وگالت يله هذا نصيبكم شتسوون... واتفقنا نروح للعرس ورحنا العصر اشترينا فساتين وطبعا من رجعنا لگينا خالي وبناته صاير بيهم فلم لان بقينه الجهال يمهم...
الي اخذته لونه اسون ويعبر عني هذا اللون طول حياتي خلصت حداد وحزن...جان طويل وبي تطعيم فضي.. وتماضر اخذت لون ازرگ داكن ...
بيومها تماضر اصرت نروح ع الصالون وصدگ رحنا ووحدتنا تگول للثانيه اني احله منج هههه...بقب
اخذنا خالي لبيت كريمه اي بيت كريمه مو بيت خالي... وكانت التجهيزات هناك والعرس بالقاعه والتمينه مااعرف كم سياره ورحنا للقاعه وگلبي يريد يطلع من مكانه لوبيدي اشرد من هذا العالم كله...
وشفته وجان لابس ويه القاط قميص اسود مثل سواد حظنا... مااعتقد اكو احد ماانتبه ع النظرات الي بينا... جانت العروس بعدها مجايبيها وبس احنا الاقارب موجودين...
رحت سلمت علي وباركتله ... هو نصه صوته وگال تعالي ورايه عندي حجي وياج... علوشي جان يم خالي شايله وشفت مااحد منتبه فرحت ورا يم الحمامات...
اول موصلت لزم اديه اثنينهن رأسا جريتهن وكلتله لا رجاءا...
-كل هاي العالم الي برا وكل هل هوسه والي اسمه عرسي انهي بهل لحظه بس انطيني اشاره..
-لاا احمد لتعذبني أك...
وقبل مااكمل حجي ماشفت اله اديه ع وجهي وحلگه ع حلگي رحت بعالم ثاني ونسيت نفسي ويا.. بعدين دفعته وشفت حلگه كله حمره كلتله امسحها ورحت ركض لابني...
جنت طول الوقت متضايقه واكابر ع نفسي وبين لحظة والثانيه اخاف من دمعتي تنزل وتفضحني... جابها لعروسته وهي موقاصره بشكلها تقريبا دبدوبه وبيضه وعيونهه وساع خشمهه شويه جبير وحلكهه صغير... رگصو وغيرو الحلقات وكل هذا گدامي مااعرف شلون تحملت هل منظر وتحملت نظراته هو الي زرفت گلبي...
وزفوهم وراحوا ع الفندق... واحنه رجعنا تماضر بقت يمي ابيتي شويه وراحت لان عرفت وضعي مو تمام... من طلعت گعدت بالگاع ودگ بجي لحد ماشفت علي نعس نومته وعود الهي بنفسي سمعت اغاني وطلعتلي اغنيه كون يمك الف هنياله الليله النام يمك مال ماجد المهندس... وادمرت ع الاخر...
من ذاك اليوم بعد مشفته لأحمد وولاردت اشوفه كافي الصار بيه لحد هسه... ورا اشهر زوجته طلعت حامل بس الكل حجه بمشاكلهم وزوجته شلون جانت تعاني من اهماله الها وطول الوقت سرحان عنها... وبعدين هي هم تعودت ع الوضع ورجعت لدوامهه وخفارات والتهت...
اما اني فصادق تزوج وريح گلبه... بس من تزوج ورا فتره صار يهتم بينا اكثر ويجي بين يوم ويوم... اني همين عفت كل شي ع وضعه واهتميت لأبني وزوجي رغم كل الي سوا بيه ورضيت بهل الحال والحمد لله ع كل حال.. اكتفيت بأبني وبيتي وحدي... اما ضرتي ماشفتها غير مره من رحنا بخطوبه جاسم وماحجينا بس سلمت عليه وهاي هيه...
وهاي قصتي... وماانكر واگول نسيت... لااا كلهن لحظه لحظه ابالي مخزونات... بس سويت نفسي نسيت ....
جنت اگدر اعوف كل حياتي ويه صادق واحمد جان منتظر هل يوم بَس اختاريت اهون الطرق.. محد يتأذه وبعيد عن المشاكل ولو كان ع حساب سعادتي...
هذا قدري...

انتهت....