رواية قصة هوانا الفصل الثاني 2 - بقلم Nada hs

#قصة_هوانا
الجزء2
@nada hs
2
طبعا جنه اني وبيبي منتفارك الصبح كله سوا الظهريه انام سوا وعصريتنا سوا وبليل هي حانت تنام من وقت واني ابقه اسمع براديو صغير عدها لحد ماانام... ومرات اطلع ڝـٍُْ📹ـٍْۆڑهٍْ امي وابويه وابجي لحد مااغفه...
تعلمت اشكال الطبخ والتنظيف مله عليه بس غرف نسوان خوالي ماادخلهه لان بيبي كالت لتوصلين هناك ...
طبعا بنت خالي رحيم اسمهه ريمه وامهه جانت تعوفها يمنه اني وبيبي تعلقت بيهز حيل البنيه هاي وحته مرات جانت تبات يمنا بس بيبي مقبلت بعدين كالت خليها يم امها ...
وجانت بيبي من تروح للسوك تاخذني وياهه وتشتريلي الشغلات الاحتاجهه ثياب داخليات وشامبو وصابون وهيج شغلات...

ومرت ايام واشهر وسنين...
وخالي هم صارت عنده بنيه ثانيه وسموهه ديمه وبيبي رادت تموت بوقتها وحته تماضر خطيه بقت يم اهلها تخاف من حجي بيبي...
وصارت علا بالسادس وكضتها بحجه مدرسين وصديقات فر وضحك وونسه ... وبعدين طلعت دور ثاني وامتحنت ونجحت وعبالك مو نجاح صار بالنسبه لاهلها عبالك طلعت طب...
طبعا احمد مااجه من يوم الي سافر بي بس جان ع تراصل وياهم وامه خطيه طگ كلبها علي ودوم تبجي...
لحد ماصار وقت جيته وهو اليوم الي احجيلكم بي قصتي...
البيت مخبوص والهوسه ذاك حدها وطبعا كله عليه بس كريمه هي الطبخت هل مره اما بقيت الشغلات فكله عليه..
وبيبي عبالك جايهه الوزير ... خلتني اروح منا واجي منا ..
جيبي ذاك خلي هذا طلعي السيت المذهب حضري عصاير طبيعيه شوفي الدجاج بالفرن خلي المفرش المذهب ع الطاوله..
ومن الصبح اني ع رجليه واكفه وافتر وموملحكه... وصارت المغربيه وخابرهم كلهم اني بالمطار وراحو كلهم بس بيبي بقت واني ... دخلت للحمام سبحت ولبست دشداشه عاديه ونشفت شعري وسويته ذيل حصان...
وسمعت السيارات وكفت بالباب عرفت هم اجو بيبي متحملت طلعت للشارع وهي تبجي شفت احمد من بعيد نزللها وبوس راسهه وحضنها طبعا جنت اتفرج من شباك المطبخ وباب الشارع جان مفتوح...
دخل وامه واخته هلاهل وبيبي تبجي والجكليت ترس الكاع وخالي موشايلته الكاع من الفرح...
من شافني عقج حواجبه وكال هاي منو! معقوله شهد!
اني ابتسمت وكلتله الحمدلله ع السلامه ومبروك ع الشهاده...
ياالله هاي 3 سنين هيج تغير الواحد! يعني صاير مو احمد الي اعرفه.. شكل ثاني وحته تعامله... قبل جان منعزل هسه مومصدك نفسه هو بنص اهله وطبعا صوت سوالفهم جان يونسني واني احمي الاكل واطلع الزلاطات من الثلاجة..
كملت وكلتلهم تعالو اكلو ... احمد كللهم كلش جوعان عاد بيبي رادت تتخبل من كال هيج ومااكلت بالعشا بقت بس تجيب وتخلي كدامه...
اني جنت كاعده واسمع سوالفهم واحمد جان يسولف شلون جان عايش هناك وشلون خلصت هل سنوات وبين كلمه والثانيه عينه تطرف عليه ينتظر مني احجي بس اني ابتسم وخلص...
كملو اكل واجه ضيم المواعين مال عشيره... وبقيت اغسل وارجع ليوره وبحدود 11 المطبخ صار فله وولا كان صارت بي ذيح الهوسه الصبح...
هم بقو بالصاله يسولفون وحته بيبي فرطت من النعاس بس ماكدرت تعوف احمد...
من كملت كعدت يمهم جان يفاجئني احمد ويكول وج شبسرعه كبرتي هاا..
اني متت بدمي ممتعوده اختلط ولاعندي حته صديقات شحال ولد يكلي هيج... ابتسمت وسكتت...
علا طبعا هرجت الامه ضحك وعياط وشقه هي واخوانهه والكل يضحك ع ضحكهم...
بعدين احمد كللهم تعبان وراح لغرفته الي طلعت روحي بيبي علما خلصت تنظيفها...
والكل راح ع غرفته واني بس خليت راسي غفيت...
ٱلصبح حضرت الريوك والكل تريك وراح لدوامه وشغله... وبيبي هي اليوم تكفلت بالغدا علمود احمد ... اني بقيت الملم هوسه البارحه الي بالصاله ونظفت وصارت ب11 وجنت مشكله وامسح وشفت احمد نزل آٌنـّ ℳέ ـّي فزيت ونزلت ثوبي... هو ضحك وكلي صباح الخير... صبحت علي وعفت تنظيف الصاله لان هو كعد بيها واحت بيبي يمه وتريد تشبع شوف منه ماكو... راد يكوم كلتله وين كللها يريد يسوي ريوك لنفسه.. هههه صدك يحجيغير توكفنا قصاص بيبي...
المهم هي عاطت شهددد شهددد وج حضري ريوك بسرعه... واني نفذت بسرعه البرق... اجه هو اتريك واني انظف بالمطبخ والم هوسه بيبي الي عافتهه...
سألني ع دراستي وكلتله بعد مكملت هو ضاج وكلي حرامات
وبقه يسولف عن لندن واني اسمع وبس ابتسم... والعصر نزل جنطه متروسه هدايه وجايبلي اليه همين عطر تجنن ريحته...
مرت ايام واحمد اشتغل ويه ابو مقاولات وويشتغل بدائره همين
وبيوم خالي جبار سوه مفاجأة لعلا...وطلع مشتريلها سياره لان هي بالحامعه وع اساس تحتاجهه.. طبعا بيبي جانت مقابله بس متكدر لكريمه وبتها تخاف منهن...