رواية قصة من حياتي الفصل الحادي عشر 11 - بقلم نور الخالدي

اني متزوجه صار ٦ سنوات وعندي اطفال ٢ علاقتي بزوجي زينه وحياتنا ماشيه طبيعيه ..من تزوجنه واني مأديه واجباته وحقوقه وهو نفس الشي ممقصر بشي ..لحد الليله المشئومه..اني هيجي اسميها...هو بحكم شغله يسافر هوايه ايفادات ودورات وهيجي شي واني عندي بي كل الثقه لانه اكول الرجال لو يريد يسوي شي يسويه حتى لو هو بنص البيت..المهم سافر مره مرتين لدوله بدون ذكر اسمها وكامت تتكرر روحاته ويبقى اسبوع اكثر اني بديت اشك..المهم من نام اخذت تلفونه(والله اول مره بحياتي اسويها) ماحب شغلات التجسس وانه المره ادور وره رجلها..بس الشك قتلني ..لكيت بي مصايب ملفات كلها صور هو ويه نسوان كل مره وحده شكل وسفرات وصور العفو مخله..اني ماحجيلكم صدمتي..مكدرت الا اواجهه واشوفه الصور يكولي بكل وقاحه هذني تزوجتهن زواج مؤقت بهاي الدوله واني مادور حرام ومحد اله حق يحاسبني..وهذا الحجي صارله اكثر من سنه واني عفت هذا الطريق ورجعت لعقلي ولبيتي ومن هذا الحجي ...واكتشفت هم جان يجيب نسوان لبيتي وعلى فراشي من اكون بايته يم اهلي وهم بحجة حلال ومادور حرام...اني طبعا انهاريت اخذت جهالي وعفتله البيت وطلعت وطلبت الطلاق بدون تردد...وهسه هو ميقبل يطلق ومخله واسطه مجابها واجه لاهلي ويعتذر ويكول شي قديم وراح واني معاهد نفسي ماعيده..اهلي واهله يكلولي سامحي لخاطر جهالج بس اني مدا اكدر مصدومه بي ونفسي ممتقبل حتى اباوع بوجهه..ساعدوني شسوي..