رواية قصة من حياتي الفصل الحادي والعشرون 21 - بقلم نور الخالدي

السلم عليكم ❤️
راح اختصرلكم قصتي واريد نصيحه منكم 💔

قبل سنتين او اكثر تعرفت على ولد عل فيسبوك بس مجرد اصدقاء كل فترا نحجي اني جنت عادي ويا مااهتم من يدخل بس هو جان دايما يجي يحجي وياي واني مرات مارد عليه بقينه فتره على  هل وضع تقريبا سنه ونص او اكثر..
بعدها صرنه يوميه نحجي وهو بده ينعجب بيه لحد ما صار يحبني..اني بهاي الفتره انعجبت بي وبس ..
لمهم... هو طلب مني رقم تلفوني واني ماعرف شصار بيه ونطيتهيا صرنه نتواصل عل خط ونحجي يوميه بساعات ويظل يكولي انو هو يحبني وبعد ميكدر يستغنى عني..
ورا شهرين من هل حجي اني بديت احبه💔
وصدك حبيته ..
وكتله هلشي وهو فرح كلشش واني ادري هو يحبني اكثر من ما اني احبه 😔

لحد هسسه ماكو اي مشكله

المشكله
يوم من الايام اعترفلي انو هوه
مو عرااقي 💔💔💔💔
سوري ؟؟!!
اني انصدمت لان مستحيل تصير قسمه بيناتنه
اهلي اصلا ميرضون بهل شي
اني ابد مالاحظت هل شي
لان كلامه عررراقي فووول
وشكله عررراقي
يعني مابي شي يخليني اشكك بي
هوه من 2012 بالعراق
💔💔💔💔💔
هاي صار سنه ونص من عرفت انو هوه سوري واني ولا يوم مر عليه اذا مافكر شلون الاكي حل ولمن اكوله يكولي خليها عليه
هو بهل فترا اتقرب من اخويه وصارو اصدقاء بس ابد ماجا لبيتنا بس بيناتهم طلعات وتليفونات
حايره شنو اسوي💔
ادري اهلي ميقبلون بي
بس اكول كلشي قسمه ونصيب مو بكيف اهلي
كلشي بيد الله
وهو هم يصبر بيه وحتى اهله يدرون بيه واخواتي بس هم ماصار هواي من كتلهم انو هوه سوري صح انصدمو بس مو مثل صدمتي يعني نطوني امل ويكولون كلشي قسمه ونصيب 😟💔
هو صارله فتره يشتغل وديجمع فلوس حتى يخطبني وديتعب هواي كل هذا علمودي
واني انقهر اكول كل هل تعب وخايفه ماصير من نصيبه لان هو اكثر مني راح يدمر
يحبني اكثر من ماحبه

اريد نصيحتكم اريد اعرف شسوي
اني يوميه اكول اليوم انهي كلشي بس هوه راح يتأذه وماريد اندم علشي
والله كلبي يوجعني واريد ارتاح انام واكعد واني افكر بي صارلي سنه ونص اني حالتي الله يعلم بيها وهو عادي ويطمن بيه

قبل يومين هو واخويه طلعو سوه ومن رجع اخويه يحجي لزوجته عنه يكول هوه خوش ولد بس السوريين ماعدهم دين
زوجته تعمدت تسأله لان تعرف 😟

_اريد فد نصيحه اليه شنو اسوي واله هم شنو يسوي حتى يكسب اخويه!!؟

نصيحتكم💔؟؟
واريدكم تدعولي ماريد اخسره 💔