رواية قصة من حياتي الفصل التاسع عشر 19 - بقلم نور الخالدي

#قصه _من _حياتي

ابديلكم بقصتي اني من عائله معروفه وحالتهم الحمدلله اني و3ولد و2بنات واني الكبيره طبعا ماامدح بااخلاقي بس الله يشهد عليه اللي يذبلي حجايه اظل ابجي اكول ليش ويتحارشون واشبع بجي طبعا اني جنت اكدر اسوي كلشي بس مااحب اكسر ثقة اهلي للعلم درست مدرسه مختلطه بس اروح بطريقي وارجع بطريقي اني مواليد1992 ب2010جنت ناجحه من الصف الثالث متوسط للرابع العلمي بالعطله تقدملي شخص نكدر نكول اقارب بس من النسوان ومن غير عشيره طبعا موافقت

بالبدايه لان جنت اريد اكمل دراستي المهم انطيناهم خبر كالو ميخالف نخليها تكمل والولد اللي عرفنا خوش ولد وحباب المهم وافقت يوم 18/3/2010انخطبنه وجانت اجمل ايام حياتي لان والله العظيم اول شخص بحياتي وخلاني احبه واتعلق بي وهو هم حبني بحيث يوميه يجينه وكل فتره نطلع منتزهات وزيارات طولت خطبتنه 3سنوات عشت اجمل ايام حياتي المهم نجحت للسادس العلمي وصارت مشاكل تزوجنه وعشت اول سنه مشاكل بس ويه اهله بطلوني من المدرسه وراها

اكتشفت شغلات باهله مشايفتها ببيت اهلي وراها كامو يتدخلون حتئ من ارتب نفسي بالبيت واحنه ماعدنه بس عمي وعمتي وحماتي صغيره والبقيه متزوجين وكلمن بيته المهم وراها بده زوجي يتغير عليه بسبب اهله بده يضربني ويأذيني زعلت ووراها رجعت واني للعلم من اول شهر تمرضت راجعت دكتوره نسائيه اكتشفت عندي هرمونات مأثره ع البيضه يعني البيضه صغيره ظليت ابجي وطلعت لزوجي مثل ماكلتلي الدكتوره كلتله وكلتله عوفني خاف ميصير عدنه وخاف وخاف كال

للموت مااعوفج الطفل يم الله وانقهر بوقتها عليه وراها ظليت اراجع وهو امكانيته ماعنده جان عامل ع النص وتركت العلاج ثاني شهر بعت ذهبي وفتح محل كلت خطيه تعب من العماله طبعا هو من مواليد1988/8/8 ووراها تمرض عندي محبس هديه من والدي وجان ماعنده يراجع واهله كلوله ماعدنه وبعت المحبس وتعالج طبعا هاي الفتره هو اطلاقا ممقصر ويايه من طلعه من ونسه من كلشي يعني من تصير مشاكل انقهر يطلعني وصارت السنه الثانيه والثالثه والرابعه

والخامسه وماكو طفل مااكللكم الكلام شلون يجرحني من اقاربهم هاي اللي تحمل ومتكول وهاي اللي تبسمر بس اهله ابد ماغثوني بموضوع الطفل من اراجع يكلولي لتراجعين يم الله المهم وره ماشفت رزقه بالمحل موزين رجعت حاجيت ابويه عنده معارف اشتغل بااجر شهري وهم راجعت بس اخر شي كلي هو يم الله و80سنه عمرهم وصار عدهم ليش نذب فلوس وماكو نتيجه اتفقنه نجمع ونطلع جوازات ونراجع باايران وفعلا طلعنه جوازات ونوينه ع انابيب ابوه سمع رفض الانابيب

وهو قنعه كال مالي دخل بكيفكم لهنا تمام وراها ابويه ع معارفه عينه بمكان عام يعني موظفات كدامه فتره 5اشهر حسيته تغير ويايه بكلشي اني هم اسأله عندك وحده يحلف يكلي اموت من النسوان يأمن عليه يوم18/11/2017 بده الموبايل ميخليني الزمه ورموز وخصوصيات بدت المشاكل وبده الشك عندي يوم20/1/2018بلليل نام وكشفت مصادق وحده مااكلكم شصار بيه بس بساعتها لو ميته ولاهيج اكتشف مكالمات ببيناتهم وع الفايبر ورمز ماكدرت افتح الرمز مخليها

محادثه سريه ساعه ب2بلليل تخبلت من القهر كمت ارجف وراسي وگلبي موتنني ماتحملت كعدته ابجي كتله ليش تخوني شمسويتلك يگلي ماعندي شي يابه افتحلي الرمز خلي اقره ارتاح رأسن مسح البرامج ووقبلها اكتشفت عنده خط من3اشهر وماادري حتئ برقمه وكال ماابدلج واحبج وممقصره وياي وعادي ماكو شي بس من كشفته ظليت احجي وابجي وحتئ من عصبيتي دكيت ولطمت وأذيته اله هم لان حاجاني ببرود اعصاب وكلي اريد اتزوج كتله ليش يكلي اريد طفل كتله احنه مو متفقين

ع الطفل يكلي ماريد انابيب كتله ميخالف اتعالج كلي شكد خلال3اشهر كتله ماادري بس اكثر شي سنتين انطيني مهله عالجني كلي مااعالجج تردين اهلج يعالجوج كتله ميخالف بس انطيني وقت كلي ماانطيج كلما تستعجلين الج احسن لو اطلعي بكرامتج وروحي للمحكمه انصدمت شخص معتبرته كلشي بحياتي هيج يگلي ثاني يوم طبعا اني للصبح مانمت وبجي ولطم جانو خواته خطار يمنه كالن شبيج بجيت سولفتلهن سمعني كللهن اي اتزوج سولفت لابو كلي عوفيه وراي معليج

ولتوصلين لاهلج كلشي اني اتصرف كتله ماشي وراها ردت اصالحه وابدي صفحه جديده ويا بعد ماذلني وكدام اهله گلي كلام لو ميته ولاسامعته بس عديته كعدت احجي ويا يكلي 3اشهر اذا مصار مشكلتج وتطلعين بكرامتج اني كتله ليش مومتفقين يكلي هم اذب فلوس بالشط وهو راتبه 750بفضل ابويه عينه وابد اني ممعيرته ولاغاثته غير من هيج سوه حاجيته وجان جامع6اوراق وسلفه 600فطغى المهم بعد فكرة هو عنده علاقه كلي مجرد صداقه واني هم خابرت البنيه وكلتلي

فاهمه غلط وماعدنه شي صدكتها يوم الاثنين كعد يحددلي وقت ع طفل زين اني شنو ذنبي اني مااعرف شوكت يصير وره العلاج وصيح عليه كدام ابوه سألنه كال شكو كتله عمو هيج وهيج وكلت لاهلي امي كالت نبيع السياره وسوو انابيب واحنه متفقين ع الانابيب هسه يكلي انابيب ماريد ومهله 3اشهر يصير عندج زين هذا شي يم الله ممعلوم

واني اذا ماصار عندي بيدي اخطبله وازوجه والله بس خلي ينطيني وقت يعني اني اعترف هواي حجيت وهواي توسلت وهواي ذليت نفسي في سبيل احبه وع بالي يحبني عمو كلي ماشي زين اذا السياره مانباعت منال8اشهر شلون كتله سلفه وحتئ لو نسحب ورق لان اهلي اشترو قطع وديبنون وماعدهم كال ماشي سنه ووره السنه يصير خير كعدو يساومون بيه ماحجيت زوجي راح لشغله اني اختنكت كتله عمو راح اروح لاهلي لان انصدمت ونفسيتي تعبانه ووالله اهلي كلشي مااكللهم اني

زوجي احبه واريده وماريد مشاكل بالاول ماقبل بعدين من شافني ابجي كلي روحي وكلت لزوجي هاي مهله فكر بيها تكدر بدوني لو لا طبعا لان كل كلمه وكلي اطلعي بكرامتج وروحي للمحكمه احسن الج كلي روحي وقبل مااجي رغم كل اللي سواه بيه والله احضن بملابسه وابجي وكلتله يكلي يطبج مرض هاي مشكلتج اني اجيت مر يوم ويومين والثالث وماكو خبر اني اتصلت عليه ع الفايبر لكيته مشغول اتصلت عليها هم مشغول وربع ساعه اتصل ومشغول اخر شي اتصلت عليه ع الخط

رفضه اني بسرعه اتصلت عليها ع الفايبر دك وهو هم دك يعني جان هو وياها يحجون انقهرت كتله اني موكتلك فكر بعيد عنها طبعا نكر وأصر انه هو ميحجي وياها كتله شقررت كلي اني حاير ومابقلبي شي غير الطفل كتله ليش مو الحد اول بارحه كتلي انتي بقلبي وماعندي غيرج كلي مجرد كلام وحجي لسان كتله يعني متحبني كلي اي مااحبج كتله المطلوب كلي يمج كتله شنو كال لو الحاظر لو الغايب اني انصدمت كتله شنو كال ماادري حاير كتله بشنو كال هم نفس الشي لو

تتنازلين عن الغايب لو عن الحاضر طبعا هو الحاضر5 والغايب10كتله ليش شنو متريدني ظل يلف ويدور كتله تريدني لولا مارد حظرني حتئ من اتصل عليه ميطلع مشغول اتصلت عليها مشغول واتصل وماكو المهم فتره ورجع كتله ها كال ماريدج كتله اذا تحبني عاد ع الطفل الف طريقه والله ويجوز باابره او سنه ويصير عدنه اذا تحبني كلي حتئ انسه كلشي وابدي من جديد هم مارد ومشغول وياها فتره رد كتله تحبني لولا كال قل حبي كتله موقل هو لو تحبني لومتحبني كلي

ماحبج كتله ماشي شوكت تريد تطلك كال يمج كتله شنو اليمي كلي تعرفين اطلعي بكرامتج كتله مااتنازل لو شو شيصير كلي رجعيلي سنيني كتله انت هم رجع سنيني اللي خدعتني بيهن يكلي اني مابيه صوج وهالشي بقلبي واني اكول خطيه وخطيه وساكت كتله بس اني ماباجيتلك ولاكايلتلك اريد اني قابله بوضعي واتعالج واصير زينه كلي شكد10سنين كتله لا اني كتله اني اهلي لسه ماكايلتلهم راح اكللهم اذا متريدني وتريد تطلك كال اوك اني كلت لاهلي طبعا نسيت شغله

بيومها كلت لابوه كتله اني ابويه كلي المهندسين يردون يبطلوه لان يصادق وويه بنات موزينات وذني يوميه ويه واحد ويقطن بيهم بس احنه لخاطرك ساكتين ومنبطله عمي كلي وميبطلوه هيج من عدهم هو يصير ابن عمي ع المدير طبعا لان من نفس العشيره اني سكتت كلت لزوجي كلي لا غلطانه مو ع مود ابوج ميعترفون بي اصلا بس اني ممسوي غلط

المهم كلت لابويه يريد يطلك وهيج وهيج السالفه ابويه كال باجر يمه بالشغل راح مرزله ابويه شنو تذلها وشنو اهلج يعالجوج هذا واجبك المهم كايله ع البنيه يكله ماعندي شي وياها ابويه كايله شنو تساومون بيها وابوك يكوللها سنه وانت تكللها كل متستعجلين احسن والج3اشهر ع شنو المهم كلت لابويه بطله حتئ يبعد عنها لان هي موظفه ويا صدك بطله ابويه وره يومين ابوه مخابر للمهندس يكله ابني نيته شريفه ويه البنيه وادري بيه ونريد نخطبها وظال

يحجي المهندس كايله هاي مشاكل عائليه معلينه يكله واني اجيب الشيخ واجي وابني يرجع للشغل كايله مويمي المهم كايل المهندس لابويه يابه هيج وهيج اني سمعت انجنيت لان من جهة كلي ماعندي شي ومن جهة متفق ويه ابوه يخطبوها اشو ثاني يوم هو نشر واني ع ذمته اغنيه عليها ومسويلها اشاره وهي معلقتله يتغزلون بالتعليقات اني مااكول ماانغثيت لاانصدمت لان خدعني وبجيت لان عيشني5سنوات زواج عباره عن كذبه وخداع وضحيتله بكلشي واني اللي صعدته

تاليها هيج يجازيني دخلتله احاجيه حظرني من كل المواقع وهسه منتظرين يجون ويتفقون يردوني اتنازل بس اني فقيره وع نياتي والله وماشيتها وياه ع اساس صديق والالي والعليه اسولفله وهو كله لازم نقاط ضعف عليه وهسه اني رحت عليهم لشريفة بنت الحسن متقصر اريدها تبرد قلبي ووكلتها لان انخدعت وانظلمت وهاي قصتي واني لسه ع ذمته وهو ماخذ راحته ويه هالبنيه ونشر وتعليقات وغزل طبعا واني ع ذمته لحد البارحه طبعا ماكوللكم ماانقهر لااشبع قهر لان

اعتبرها ذله واهانه واني اكرهة وارجع احن اله وارجع اكرهة وبس اتمنئ يرد عليه ويكلي ليش اني ماقصرت وياه بشي ابد فجاءه تغير عليه وقرر ننفصل ويوم3/2/2018عيد زواجنه الخامس طبعا راح تصير مجرد ذكريات وهذا المنشور راح يظل واكيد يقراه هو والبنيه بس اكللهم تذكرو بيوم من الايام راح تذكروني وتعيشون بتأنيب الضمير ودعوات المظلوم متفارككم وراح يجي يوم تتمنون ابريلكم الذمه واسامحكم واكلللهم ماخسرت شي راح ارجع لدراستي واحقق اللي

ماحققته وانزل بالبيج هاي القصه والله بعدها شضاملي وشراح يصير بحياتي واني صارت عندي عقده من كل البنات وكل الزلم بسببهم لان خدعوني وحسبي الله ونعم الوكيل والله اللي ينطي نعمة النسيان والله اللي ياخذ حقي من ناس ظلموني

حسبي ونعمة الوكيل