رواية قصة من حياتي الفصل الثاني 2 - بقلم نور الخالدي

مساء الخير ،اسمي فاطمة من  عمري حاليا 21 سنة وطالبة كلية مرحلة ثانية .

.بدت قصتي من جان عمري 17 سنه جنت طالبه بالمدرسه وجان تفكيري طايش ومراهقه اول مصار عمري 17 سنه جان عيد ميلادي اشترولي اهلي موبايلي جديد هدية عيد ميلادي وهنا بدأت المأساة صار الليل وجنت جاي اكتب اسماء صديقتي بالموبايل جان انقلت رقم بالغلط وحفظته وصارت ساعه ب 12 بليل جنت مفعله خدمه اتصلت عليه جان طلع هذا ولد كتله خويه اني مشتبه بالرقم اسفه ع الازعاج امسح الرقم رحمله والديك كلي اوك وانسدت السالفه وره 3 يوم بضبط رجع اتصل عليه رفعت خط كمله منا وكمله منا ظلينا نحجي بالمناسبه اسمه احمد  وشويه بدينا نحجي باليل وره شهر كلي  اني معجب بيج واتعودت عليج وصرت احبج كتله اني

كول ياالله ماصار شهر من اتعرفنا المهم اني بديت احبه واتعلقت بي كلش كلش وصار كل وكتي وياه عشقته بوكته واهملتي اهلي وصلاتي ودراستي وجنت اقفل باب السطح واكعد فوك بس احجي وياه ليل ونهار وره سنه كال ادشوفج بعد مااتحمل اني وافقت وجانت اول شوفه طلعت وياه بالسياره بعدين كلي مناخذ راحتنا بالسياره اريد اشوفج بالبيت والله العظيم جنت كلشي ماافتهم ورحت وياه للبيت الصراحه باسني و حظني وهايه الشغلات بس بقيت بنيه وره فتره صرت كلما

يفرغ بيتنا اخابره يجي واشوفه وتصير هايه الاشياء ابيتنا صرت اتعلق بي بالزايد وجان عبالي هذا هو الحب وجنت ادزله صوري كله بالبدلات وجنت كلش حلوه اخبل واستمرينا ع هذا الحال لمدة 4 سنوات وره هايه 4 سنوات اتقدملي ولد واهلي جبروني اوافق عليه كتله اكولك اني انخطبت شلون كلي اي انخطبي عادي ونبقى نتواصل وحتى نشاوف ونبقى واحد يحب الثاني هنا بس احس نفسي وعيت احس نفسي جنت مضحك ويضحك عليه رحت وافقت وتمت الخطبة ع خير وشفت شكله

واقنعت بي جان كلش حلو وعقدنا وكطعنا مهر عند السيد كلي خطيبي اني اريد رقمج حتى نتخابر كتله ماشي بديت نتخابر اني وخطيبي بس ماكلت لاحمد ع مخابرتنا المهم جنت احجي وياهم اثنينهم لحد ماشفت الفرق شفت الادب والاخلاق والرجوله والغيره كله بخطيبي شفته شلون يخاف عليه وشلون يحبني والله يموت ع التراب الي امشي عليه شفت الاهتمام والاحترام منه رجال افتخر اني خطيبته ارتاحيتله هواي سألني كلي هم يوم حبيتي قبل لا اخطبج كتله لا رحت انهيت

علاقتي وي احمد وعفته وطلبت منه يمسح الصور والرسائل كلشي الي يمه ورحت لكربلاء للامام العباس ع طلبت منه يبعدني عن كل الاشياء الموزينه وفعلا تركت كلشي وارجعت اصلي وصرت كل يوم احب خطيبي واحس علاقتي بأحمد جانت نزوه مو حب لان الحب شي طاهر ونظيف مو بس شهوة وجنس تفكير شبابنا بهذا الوكت ..ورحت بدل خطوطي وعطلت صفحتي بالفيس سويت بس فايبر ع مود نحجي اني وخطيبي بالمناسبه انشرت قصتي من صفحة اختي لان اني متابعه بيجكم من زمان بس هسه

ليل مجاي انام احس نفسي انسانه مو زينه اريد اسولف لخطيبي ع كلشي حتى ارتاح جاي اختنك والله احسه كابوس اخاف نزوج ويكشف الماضي مالتي رغم سديته ذيج القصه بس خايفه كلش كلما يقترب موعد زواجي اختنك وخطيبي امانة الله دره مال الله احسه ميستاهلني يستاهل وحده احسن مني احس ماعندي راحة بال وبنفس الوقت ماعندي صديقات واخواتي مزوجات كل وحده مشغوله بحياته اتمنى منكم المساعده واعرف بنفسي غلطانه شلون اصحح خطئي ؟؟؟

اخبر خطيبي لو لا ؟؟؟ هل يرجع ذاك الولد ويفضحني ؟؟؟ ضعفت كلش وصحتي ادهورت وتغير شكلي 180 درجه وهو كل يوم يسألني شبيج اكله توتر العرس ..اريد نصيحتكم اعتبروني اختكم والي يعرف ادعيه او ايات قرانيه او شي لراحة البال والتوبه نزلوه بالتعليقات وشكرا ..