رواية قصة وعسى أن تسكن نار الانتقام الفصل الأول 1 - بقلم Mohammed

وعسى_ان_تسكن_نار_الانتقام

حقد

#بقلم مريم السعدي

#بارت1

بغداد - المنصور-ساعه ٧ ونص الصبح
مثل كل يوم هيج وكت
عقيل  حبيبي عقيل كوم حضرتلك الريوك
اوووه فد ربع ساعه
عمي صاح ميت مره عيب والله
اهوووو كوليله مريض
حبيبي اخوتك بره  وي ابوك ينتضرون بالسياره
استغفر اللله يعني واحد مينااام
هسه مو اخوتك وياك يله عزه اي عمي اي اجاك
انتي غير تكعدي
والله عمي من ال٦ ونص اكعد بي
عقيل-اي يابه جيت 
حضرتيلي سم
اي عيني حضرت
بقيت اباوعله وكف كانما جبل بطوله وهيبته بس للاسف الطول طول النخل والعقل عقل ال -- استغفر الله ربي واتوب اليه.  اكل لكمتين وكلسا اخوته داكين هورن وهو مويمه ممهتم يقتلني ببروده وعدم مسووليته كمل على كيفه وبدل وكشخ ونزل بهدو لل٨  يله نزل
قفلت باب مشتملي وتمددت يم جهالي

رند
سند

محمد

اولادي الثلالثه
رند صف اول ابتدائي وسند هالسنه روضه ومحمد توه اجه للدنيا. عمره اربعين يوم للاسف عده تشوه خلقي ولادي بالقلب كالو من يكبر عمليه وحده تطيبه

عقيل  زوجي الذابح روحه عالسفر والاستقرار بره. لان صديقه طلع وصورله الدنيا بره جنه

خواته الخمسه مقابلين واخوته ال٣ هم

اني غاده. كاعده ببيت عيالي طابق ثاني بمشتمل من تزوجت كعدت بي
بيت عيالي ضخم وجبير بحيث الولد كاعدين بي اربعتهم  مقسمين وكاعدين
عقيل اصغر  واحد بيهم بالولد
والبنات

المدلل مال امه  عكس اخوته ومسوولياتهم عمي اللي عمره ناهز ال٨٠ وبعده يروح للشغل اللي هو معمل مال الخيوط وصناعه اقمشه بالشورجه

الطرمه من كدما طويله تكفي اربع سيارات الولد بس من يردون يطلعون للشغل ينجمعون بسياره عمي العاليه

حياتهم فاخره بجال ابوهم مافد يوم احتاجيت شي واذا احتاجيت انزل اخذ من عمتي الاريده  خطيه فقيره متكول وعلى حلكي بس اطلع تنطيني

بس كون بناتها مجايات
اذا اطلب شغله وبناتها موجودات يتخبلن يضلن يسمعن ويحركون عمتي والله مره شهر متحاجيني مادري حتى ليش بقيت اتوسل واسال تالي طلعت حماتي الجبيره منحشه بيها

حماتي عدها ولد ٢ وبنات ٣
الجبير
سيروان لان والده كردي
سيروان جان وكح حيل بس نفس الوكت سبع وحنين مثل ابو ابد مو على قساوه امه
امه جانت كل الهامها تاخذ وتروح مع العلم مرتاحه كلش
زينب حماتي مو يكولون اللي يحمل اسم زينب يكون متعوب
شو هاي متعبه الكل  مموتتني قهر
بناتي كل مينزلون لازم لاازم ينبسطون لاتفه الاسباب
سدي الثلاجه
لتلعبين بالجدر
عوفي الفواكه
لتكيسين اللبن
جانت رند وكحه تجاوب
انتي شعليج هو. بيت جدنا
ولازم تصعد خدها احمر مره مرتين نزلت تعاركت وياها طلعتني من بنات الشارع ولبسي عباتج وطلعي بيومها
خواتها كلهم طلعو وياها وكالو منطب بعد للبيت وبس رجع عقيل نزل عد امه وصعدلي فاير اضربت اول مره بحياتي تنمد ايد عليه سكطتني بحيث وذبني بيت اهلي

اخويه كان توه ملتحق بالجيش ووالدتي اللي متقبل اجي زعلانه  بس فهد ماكان يرضالها ولانه والدي متوفي وبس والدتي بالبيت انطردت وخابرت بنفسها على عقيل تتعذر ضل وجهي اسود وطلب ميرجعني لحد ماانزل على اخته اصالحها واصالح كل خواته
رند بيومها تخبلت رغم صغيره بس متقبل وسويت الراده بس في سبيل اخلص من امي وارجع لبيتي  ورجعت من يومها اتفقت وي بناتي ينزلون ويايه ويصعدون ويايه ووافقر حرت بابني ومرضه وعقيل الشايل ايده بس ينطي فلوس واسمع زينب جوه
عوفه بابا خلي يموت هذا ابن اخره
وهو يسكت
اهجعصابي تتدمر اسد الباب واغلس اكول اني بيت وحدي ربيت بناتي احسن تربيه سند حافضه ربع القران ورند رسامه من صغرها
اشجع واعلم وافهم انكليزيتها قويه هي وسند  جنت مفتخره بيهم. رغم عمري ميتجاوز ال٢٤  بس واعيه وافهم واعرف الاصول
وبيوم اغبر اجاني عقيل كال راح اسافر جان متلهف ويفتر يدور هوياته وصوره وجناسي ابوه
وين فهمني ياا عقييل

اروح لصاحبي هو موجود هنا وي اخته ثنينهم عدهم الجنسيه كال تزوج اختي محكمه وتعال ويانا هناك راسن ينطوك الجنسيه من يشوفوك زوجها
شنو تتزوج صددك تحجي
كال
لج بابا بس احصل الجنسيه اطلك شايفتها شونها انتي جنها جبار ابو العرك من ممنو تغارين

عقيل فدوه خاف ناصب عليك
لج بابا والله شبيج. بس اوصل اخذ الجنسيه ثلث شهور اطلك واسحبكم لم شمل
وشون موممنوع تتزوج ثنين هناك
اي عادي اطلكج طلاك محكمه
عزززه بعينها لاميي تطلكني
لعد شوننن بابا بس اخذ الجنسيه اسحبج واركع اعقد عليج
اني مستحيل اقبل
شوفيلج حايط ركن طخي راسج بي رايح الجوازات اني

وراح عقيل واخذني وطلكني سههلي الامور حيل واقتنعت عيشه هنا ماكو وكال اخلصج هناك شقه وحدنا مستقبل للجهال ومحمد يتعالج  امنت وسكتت تطلكنا وعقد على اخته الاكلته بعيونها عقيل حلو كلش وهيبه طوله بس عقليه صفر ومسووليه تحت الصفر
سافر واول ايام يوميه يخابر ويضل يحجي مشتاق ممشتاق حتى لبناته يسولف وياهم عشت ايام حلوه بحيث حسيت بحبه وامنت شوي شوي عقيل قلت تلفوناته واخابره يكول مشغول بالجنسيه
ويوميه اسمع اشكال الوان من زينب والبنات حركتهم خلتهم يحشون براس امهم انه اني تطلكت المن باقيه بس اصيل اخو مقبل طب رزلها وطردها بيومها ارتاحيت حيل يومين ورجعت بعد مفتحت موضوعي جان الشغل دفن اصيل جان مقابل على اخو دوم يخابره يتعارك وياه اسمعه يصيح بناتك جنهم يتامى اصيل للاسف ماعده خلفه والسبب منه وبت عمه تدري بي قبل زواجها وراضيه  عدها اخت صغيره ولان والدتها متوفيه وابوها متزوج ماخذتها هي تربيها وصايره مثل بنته

اريام
شكد احببها
مراهقه وحليوه اموت عليها هادئه وطيوبه ونازززكه يالله شكد تنحب جانت كاضيه اغلب الوكت عدنا وتصيح لاختها ماما ولاصيل بابا

واصيل مدللها اكثر حيل
بقيت عايشه وحدي وي بناتي عمي ينطيني مصرف شهري كمت اجمع احسن من وكت عقيل كمت اطلعهم واونسهم حسو بترف واجلو همه من اول هيج ترف باذذخ
عمر رند صار صف ثاني وراحت للثالث وسند اول ابتدائي ومحمد سنتين  وفجاءه  عمي توفى كلت راح يجي عقيل وهم مااجه. ولابين ولاكام يتصل واخوته وره وفاه الابو تفرقو وكلمن اخذ حصته وخواته سوو هوسه يردون حقوقهم وتوزعت التركه بقه بس بيت الاب وكلشي تقسم  واتفاجا بطرده زينب الي روحي لاهلج عقيل طلكج كال خل تشوف حياتها
الدنيا وكعت على راسي واصيل منصي ولازم راسه وبقيه اخوته بيد نسوانهم تعاركت سويت عركه صار مذابح بين الاخوه واختهم زينب كدام النسوان كالت
واحد منكم يتزوجها  وكبت العيطه خلت حتى نسوان حمويني يطردوني ويسوولي موامرات تالي لبسوني تهمه شرف

بقيت بوجه الاسود عمتي راحت عافيتها صار البيت بيد البنات اصيل قبل  لااطلع كال
ادز مصروف البنات كل شهر واي شي تسوي ياثر على سمعه بناتج فكري بيهم
همست بكلمه وحده
عساها بعرضكم تطلع
وطلعت من البيت جهال ٣ وحالتي حاله عرفت عقيل تزوج اللي كال عليها جبار ابو عرك فعلا تزوجها واستقر هناك. وعافني اني وبناتي بجيت وندبت حضي ورحت لاهلي واستقبلتني امي بهوسه جايبتلي جيش وجايه يمه والله اصيل كال ادز مصروف كل شهر
وشكد يدز لازم تنطين اجار انتي
تخبلت ردت بس فهد اخويه يجي وطب يمه الجنه وطبتلي
حضنته وابجي حضنني ويهون عليه
حجايه وحدها كالها
احفر الكاع واصيرلج بيت انتي ام البيت اني خطارج
سكت امي اللي تخاف منه واحتضنني اني وجهالي  عشت مدلله بجاله اريام صارت كل فتره تمرلي تشوف البنات وتشوفني بدون ميدرون  اهلها من درب المدرسه تجي ثانويتها قريبه علينا
وحبها فهد
شافها ولاول مره من جانت يمي وداضفرلها شعرها هنديه طب جفت ورجع  طلع  كال اعتذر مادري عدج احد لبست حجابها ورجع طب ابتسامته لحد الان اتذكرها تاملها بوله حتى صوته من ديكول من. البنيه  تغير

جاوبته اريام بت اصيل
ماشاء الله وجهج نوراني
ابتسمت ونصت بخجل نصت بوستني ودتروح التفت مبتسم كاللها
ضفيرتج الحلوه طالعه من وره ياحلوه
راسن ضمتها وانهزمت
فهد خجلتها
ولج هاي شنو فدوه لمحمد بربج اريدها ينطوها
ههه والله مادري روح اسالهم،
يبوو غير تخبل
فدوه لكلبك فهودي ومنو مينطيك  شو  نقيب وسيارتك وهيبتك نيال التخذك على حنيتك
فدوه لعمرك غاده 
الله لايحرمني منك ويوفقك بحياتك
تدللي ولايهمج ولتتنقهرين.  باعي حبيبي هذا الافندي دز فلوس ورجعتها كتله ممحتاجه
ليش
ليش محتاجه شي انتي
لا والله
اذن ماريد  منيتهم انعل ابوهم لابو خيرهم  اني لو ادري بالديسوي العار اوكف بوجهه واجيب عمامه الجوي عليج يوم الخطبه بس اخ مادري لان مكتيلي
هاي شسوي تقشمرت
هو الخسران حبيبتي باعي يابه اني عدي صديق كتله عليج مكمله معهد طبي تقني وهو  عده شركه مال تقنيات طبيه بس حكومي راجعه لمستشفى الهلال الاحمر
اي
اي كال خل تتفضل واشغلها
صدك تحجي عليك الله
اي والله شبيج باجر اوديج اني من البنات يرحون للمدرسه   هو الولد مدير خوش ولد بس جبير بالعمر يكون شغلج رسميات تواقيع بريد توصيل اجهزه وصل استلام واستنساخ هالسوالف
هاا زين
اوك الله ينطيك العافيه  ياربي
حبيبه كلبي غاده يله خل اروح انطي الاجار وارجعلج محتاحه شي
لاحبيبي سلامتك
ارتاحيت وثكل وانشال من على ضهري

وبدت اساله البنات
ماما بابا وين
ماما بابا شوكت يجي
ماما بابا خابري خل نحاجي
ماما رادو بابا بالمدرسه
بابا حيجيبلي سكيتات
شو بابا ميجي عدنا كام ميحبنا
وبديت بالاعذار بديت الف وادور وكلمه مسافر انشاء الله يجي استقرت اخر شي بمخيلتي وارد بيها عليهك
عقيل من صدك كطع وصلت حد اقبل. يتزوج عليه بس خلي يدز عليه اني وبناته هم رضيت بالذل وقابله  لخاطر البنات وثكلي على اهلي وعقيل ملتن حاولت شني المحاولات رحت لاهله  وتوسلت بيهم رقم تليفونه اريد واويه كلب الدنيا على راسي م عرف تالي ختمهاب
انسي.  بابا شيلي من   راسج  لتنزلين راسي وراسج ويططططبه طوب ورود عدج  اهتمي بيهم  شتريدين عيوني الج حتى زواج مااتزوج 
بجيت وامي  اللي مسممتني  كل يوم  وترزل ببناتي وتصيح عليهم من غير دعوتها عليه وعلى ابوهم كدامهم.  انهاريت.  كم مره وارجع من جديد بكلام اخويه فهد
فعلا فهد صرت صبه بكلامه حايط حتى   امي
تعارك وياها عشرين مره تالي اخر مره كطع المصروف عليها كلها يوم اذا تضلين هيج اهج من البيت ولمن سالته عالمصرف كلها ماعدي بس مسواك دااتسوك داريد اجمع اشتري بيت اخذ غاده بي واكعد وياها وي بناتها ولا هالذله تلكاها منج من عيالها
امي انصدمت يومين مريضه. مصخنه بالفراش اداري وتاشيل واحط تالي من صحت ضلت تبوس بيه وتبجي تتوسل بيه ماروح واخذ فهد
فهد. -- كان مثل اسمه كلامه واحد  واذا حجاها بشقى نفس من يحجيها بجد ميحجي شي اذا ممخلي بباله فالكلمه التطلع من شفافه معناها صارت

حجيت وياه. كال
ابد ماابقى هنا
يمعود امك
اي خليها تريد تجي ويانا هله بيها بس ماضل ببيتها هاي اذا ماشتري بيت واكعد بي حتى متكدر تحاجيج بعد على ابو هذا بيتها. متكعد تره تطيح حضج واني اتسوحل بالشغل ليل نهار ولا كلمه تمسج بس كون تصونين كرامتج كدام الانذال عيالج لتخليني احجي صوت عالي بناتج خاف يسمعن
من يومها ضليت ادعي ليل نهار الله يحفضه ويوفقه بحياته

----
يتبع
مريم السعدي