رواية قصة وعسى أن تسكن نار الانتقام الفصل الحادي والستون 61 - بقلم Mohammed

#البارت ٤٩
#قصة وعسى أن تسكن نار الانتقام
#الكاتبة مريم السعدي

ليان- رجعت لبيتنا وبدلت شوي وجتي رزان جابت غراض المشيه مالتهم صواني اخذوها من عدنا والطبلات باوعتلي كالت
هاي مالتكم وين اخليها

خليها هنا وهاي مال بيت بيبي
اوك
حتروحين
لا باقيه بيت جدو سنوده حتجي حنبات
ها اوك
ليان- جانت تحجي وعيونها على باب غرفه سليم وطلع سليم والسماعه باذنه مبتسم منتبه لوجودها ولا لوجودي كال

زين مسويتو. تحويل اموال ميرادلها شي اكيد ابوج يعرفلها
لابس فانيله وبرموده كابوي
اباوع لرزان عيونها شبحت شافني وخر السماعه
شوكت جيتي ليون
توني طبيت واشرتله بعيني ليوره
التفت رافع تك حاجب وشافها
هي نصت راسها ووشالت الصينيه مال بيبي وطلعت كال
رزان علي اجه وكفت التفتت عليه هزت راسها اي بله صوت وكملت مشيتها
شبيها هاي معوقه

لا مابيها شي بس المفروض انت خطيبها
شسويلها يعني اخذها بالاحضان شتريد جايه
جايه الغراض مال مشيه الاخذوها
ها خل اروح اشوف علي نروح نشتري سياره
واني شوكت
ابويه كال خلتنجببب بتركيز عالباء
اهووو
يله باي لبس تيشرته وراح بيت جدو للعصر جتي سند ورحت يمهم رغم فرق العمر بيننا اربع سنين بس ماعدي خوات من لاجاره اقترب منهم وهمه حبابات ولو يحجون بعيونهم بوجودي مياخذون راحتهم

بدلت ورحت لان اني بيت اهلها وبابا مسافر

لكيت سليم وعلي طالعين
سند ورزان ثنينهم عيونهم حمر ويتبشبشن بغرفه بيبي وعمو اصيل نايم

طلعت عفتهم لان سكتو من طبيت رحت يم بيبي

بيبي تغديتي
لابيبي اكلت بالدوام لفه

دتعاي تغدي شون قيمه مسويه

تقربت بالحار تغديت وطلعت بقينا نسولف اني وبيبي على رند وعلى سوايه زينه وقيس واخوه بيبي شكالو ونعيد ونصقل حد ماملينا

بيبي دتسوي حشوه مال كبه جريش واني ساعدتها بيها شكد ما ماما قريبه مني بيبي احب الكعده وياها اكثر. لان حنينه ومبيها مباهاه ورياء

واني بالحار واحنا بيت جدو متعلمين مننزع الربطات المحجبات طبعا لان ناس طابه وناس طالعه
داالف الكبه بالحار وداسولف لبيبي عالبنات وبيبي يمي تضحك طبيعه صوتي عالي من احجي

لج بيبي قفلت عليه ماتت الا اصادقه والا احاجي وحاجته وايام وليالي وسوالف تالي طلع راسم على صديقتها كلها اني حجيت وياج علمودها تخبلت تالي كلتله حامل ومتزوجه صديقتي وهذيج اصلا ولا مخطوبه

وبيبي بفهاوتها ترد
يااعزه بعينهن شمفننات
اسكتي وخليها خوهاي وحده ليوره تكعد خانسه الدوام كله واحنا نكول اوووي شون عاقله شون حبابه مينسمع صوت تالي طلعت شغلها دفن

يا شون

باعي بيبي رسمت عالدكتور وقفلت عليه والرجال متزوج مخلت رسايل وورد بسيارته وعطور ونساتل ويصيح هاي منو مخلي ومحد يرد ثولته تالي عن طريق الكامرات انفضحت وجتي تتبجبج اله وااستدعوها العماده هي واختها تالي شتكول تكول احبه مااكدر

يااا من حبها عزائيل شون بنات وانتي منو كلج كالت هيج
مو اخو بنيه ويانا استاذ جان كاعد بالعماده وشافها من كالت هيج

تالي شسوه
شسوه انطوها انذار وكلولها اذا انعادت يترقن قيدج -- كبجلتها وغسلت ايدي كملنا اخر كبايه بقت بيبي بالحار تسلك جيت انشف بالخاولي المعلك بالبارد وره الباب وانصدم بوجود علي ساكت وعيونه عالحار من طلعت باوعلي درت وجهي انخبصت

اريد امشي اخجل ردت ارجع للحار لا خاف ينتبه بقه يباوع لخطواتي حسيت يتذكر جسمي كلما امشي واني بهالفتره عثرت بحافه الزوليه ببعد متر عنه جان منسدح وايده جوه ركبته ويهز رجله من عثرت كعد عدل باستعداد كملت مشيتي كال همس

سلامات

مرديت نصيت راسي وطلعت طبيت لغرفه بيبي ليش هالرجفه علي حباب والبينا جانت علاقه اخويه ليش من اشوفه ارتبك شوكت تصير عادي وبله احراج هالاحساس ديضايقني
سليم طب وباوع صاح
سننوده
نعم سليم
تعاي فدوه لعمرج
سند- باوعت لرزان نصت كمت وجريتها تعاي ويايه
ماريد يمعوده هسه يكول ذابحه روحها

زين امشي ورايه
طلعت بثكل شفته واكف بباب المطبخ وعلي يمه باوعلي علي كال،شونج سند
هلاو علي هلو سليم

هلو كلبي كالها وباوعلي مبتسم ولاكان الورايه بشر تقرب شاورني
راتبج عد بيبي وجبت كم غرض الج ولليون كلش مستر ومرتب
تتسلم كلتها ونصيت كال

عذريني متسوكنا من وكت مال دوام يله باجر نطلع ليان وينها هاي --- ليييون

ها سليم بالاستقبال داامسح

باجر شوكت تجين دنروح نتسوك اوف باجر اوف

ها ماشي
علي- والله زونه هم مشترت التهيت بالشغل

سليم- اذا تريد حتى ويانا ذيج رجلها اشترالها يابا احنا بيش كيلو بعد
علي- عوفه لتخلي عينك توه ارتاح معرسه تخته عليه صارلها سبوع طيحت حضه
ختولي بذات لاتخابر لاتسال ولاتجي خل تصبرلي

سند- باوعت لرزان منصيه وحايره علي كال
بيش ساعه تطلعون

سليم- ب٦ من اكعد من النوم
زين ماشي زيد يجي
زيد اشترله امي
زين يله على باجر

ليان- طلعت سليم باوعلي
دتسوين متكوليلي هي شبيها الصاله
دانضفها ترابه مليانه. كلتها وطبيت الحمام لان علي واكف شوي وطلع ورزان بقت وي سند

سند- للصبح منمنا بقينا نسولف ونضحك وساعه نبجي وعمو اصيل هم سهر وهناك كال
ولكم بوري الحديقه مفتوح. كومي سدي خالو هسه غركت الحديقه
اي خالو كمزت واني فرشت هسه تجي وهسه تجي ماكو

رزان- طلعت سديت البوري ورفعت راسي لطرمتهم شفته راسه ديفتر. بالحديقه ويدخن لمحني وعكد حاجبه ارتبكت كلش داريد اطب كال
دتسوين بره
مرديت
موداحاجيج وطب من الباب الفاصل بين بيتهم وبين جدو ملابس شي فوك بس برموده جوه
باوعتله مرتبكه شعر خفيف بصدره ومعضل غطه جسمه بتك ايد ايده اليمنه لزم بيها الكتف الايسر

دتسوين

دداسد البوري
رفع راسه تلفت ورجع باوعلي منصيه راسي وارجف كال

شنو بعدكم كاعدين

هزيت راسي.
عمي اصيل هم
امم
ها وجر نفس شو بله باعيني
رفعت راسي اباوعله بقه عاكد حاجبه واني حتى من اتنفس النفس يطب يرجف لرياتي عبس وجهه كال وغمض عينه واندار يروح لبيتهم واشر بيده
فوتي رزان فوتي صبرك ربي

شنو معجبته محب شكلي ليش هيج باوع مستغرب خاف صايره محلوه وصلت لسند جان الضوه طافي طبيت وتلمست ايدي ارجف

شبيج لج. همست خاف عمو يحس
سليم
شبي صخيم

شفته بالطرمه ووكلي
اي اي شكلج
كلي شو بله رفعي راسي رفعته وكال فوتي فوتي صبرك ربي

فكيت حلكي صافنه عليها
تره ابن عمي شاخط
سند حموت خايفه حيل خاف اتندم نصحيني
مادري شكولج والله

خايفه حيل خايفه
هسه كلولكم منا لوره السادس زواجكم وهذا كله وكت
سند السماعه بذنه جانت يعني ديحاجي وحده
ومنو يكول جان مااجه حاجاج صح لولا
صح همست ونصت
.

نمنا الصبح وكعدنا ب٣ العصر وعمو يربت على خدي بهدوء
سنوده عمي كومي حبيبتي كومي يابه

اي عمي كمت وكفت وعدلت شعري وكعدت رزان ولمينا الفراش طلعت جان يوم جمعه
وجايبين هريسه الصبح علي دياكل وسليم هم رزان مطبت للمطبخ وليان طبت تضحك شافتهم ردت رجعت طلعت
شبيهم ذوله صدك يحجون
طبيت صبيتلي وانتضر البنات محد جتي سليم التفت رافع تك حاجب همس
سند كملي ريوكج ولحكيني لبيتنا
عمو اجه

لا بعده
زين خاله
رفع راسه باوعلي عاكد حاجبه وباوع للساعه علي التفت بهدوء اني صافنه شيريد مني والبيت فارغ
لحد هاليوم سليم علاقتي بي مووطوخ لان بس يرزل واني اضوج وشقاه ثكيل

نتر
شبييج راح اكلج داكولج عدي سالفه ويياج
ززين عادي رزان تجي ويايه
خزرني ودفع الماعون بقوه انطخ بماعون علي
رجع علي التفت عليه اني اباوعله واباوع لرزان
احس علي يكولي بعينه مراجعه الي واروح وياج حاى احسسج بالامان واني ليش خايفه هذا سليم بس هم وحدنا لزمت ايد رزان

امشي ويايه همست

لالا علي اشرلي اكعد
حبابه الله يخليج

والله علي ميقبل

عفتها بنتره عدلت حجابي ورحت ببالي هواي افكار شيريد مني خو هنا نحجي واني اعدل صافنه صاح
يلللله معوووده

والتلفون بيده

اي هسه دالبس صايتي

يله بسرعه داانتضرج
اوك
طبيت بغرفه بيبي لبست صايتي رزان لحكتني
حجي وياج قبل علاوي
اموت عليج زونه
شبيج قابل شيريد
اضوج بالقران اذا عاط ورزل ابجي

دمشي الله يساعد كلبي

مشينا على كيفنا وطلعنا وصلنا بيتهم اللي بصف بيت جدو طلعنا من الشارع لكيت الباب مفتوحه وسيارتين طابكه سياره سليم ووسياره لخ عاليه نفس مال سليم القديمه وسياره ---
استغفر الله غمضت انسييييي بارادتج صار الردتي انسي
طبيت ورزان ورايه. وصلت المطبخ صحت
سليم

تعاي سنوده بالاستقبال

ضلمه البيت
كهرباء طافيه ممشغل مولد يحجي واسمعه يفتح بردات الصاله بخرطه البرده عالسجه ريحه رجاليه راقيه بالبيت تارسته تخبل رزان كالت

ريحه منو هاي

ريحه سليم غير

لا هاي مو ريحته هو يخلي برجواز وميغيرها
تهمس ووتباوع عالسنك اكو اغلفه مال جكاير باكيتات فارغه وصلت الصاله الباب مفتوح شفته ديفتح الشباك واكف

ها سليم التفت اشر لرزان تروح
لالا خليها ويايه لان دنريد نروح
نتر بعصبيه

تعاااي شبيج
بلعت ريك رزان طبت ويايه والتفت وياريتني ملتفتت

اصف منصي راسه ونضراته. تصير صفح وترجع تنصي حيل برجلي مضل بعد بقه سليم يباوع عليه كال

تعاي سند وكعد تعاي شبيج

رزان دفعتني مشيت ورجعت وكفت هو بقه منصي لابس تيشرت كحلي ويعضله زنده محزم وبنطرون كابوي اسود
سليم كال
كعدي تعاي هنا يمي
تقربت جر ايدي اباوع اصف رفع عينه على ايد سليم ورجع نصه كعدت ورزان كعدت بنهايه الصاله
بلعت ريك ارجف بس لا كله عالعلاقه البيننا اباوعله وانصي كلشي بيه يرجف بقه منصي سليم كال

اعتقد تعرفي للولد مو
بلعت ريك هزيت راسي اي
عده مطعم راس فرع بيت خالج او بيتج اقصد
مادري شيقصد بهالكلمه من شدد عالكلمه بيتج يمكن يريد يبينله مكانتي وكمل كلام

باعي سند انتي ورند روحي بهالدنيا اصف رفع راسه رافع تك حاجب وباوعلي ورجع نصه
انتو حالكم حال اختي والله يدري اخاف عليكم وحريص عليكم اكثر من اختي وانتي تدرين

هزيت راسي واباوعله عيوني دمعت ابتسم كال

البارحه اصف اجاني للشغل ووترجاني والولد ابن عشاير ميت مره تقدم وطلب مني يجي ويحجي وياج بصفتي ولي امرج الاول بعد ابويه والوالد سلم مسووليتكم الي واني دكيت على صدري اخ واب صح لو لا سنوده

هزيت راسي واني اباوعله انترست فخر ابتسم كال

المهم علساس كريمته تجي وياه بس الضاهر صار عدها ضروف

اصف رفع راسه ونصه وهواليوم كال عدي حجي وياها وبعد هالكلام. اذا مقبلت اني افك ياخه عنها لان مثل متدرين الولد سبع مرات يدز ناس وحضرتج رافضه النوب نبشت حياته يوم يوم اريد غلطه الزمها عليه ماكو

بقيت منصيه باوع سليم لايدي شاورني
شبيج ترجفين

ووكف اني وكفت وياه

كعدي سند سمعي للولد باعي اني هنا واشر على شباك المطبخ المطل عالصاله بس مسدود

اباوعله اتوسله بعيوني ابقى راح اضعف راح اضعف احجي بداخلي ابتسم بوجهي كلي بهدوء

كعدي سنوده. كعدي واني انتضر بره

تمشى برزانه اباوع لاصف خازرني بعتب مضيك عينه لان داخاف ابقى وحدي وياه فد مكان وكانه نسيت شنو كان بالنسبه الي مثل منسه هو

اشر سليم لرزان تطلع وطلعت كدامه

بقيت اباوعلهم حدما راحو كعدت بهدوء

منصيه

اباوع على رجله دقايق ساكت بس صوت نفسه. المخربط اسمعه رفعت راسي بهدوء شفته مخلي اصبعه ومميل راسه سانده عليه عيونه مجروره بطرف اصبعه

يرمش ببطيء كلش وعيونه ذبلانه

نصيت راسي وايدي بحضني

كال وصوته كططع

شونج
احممم شونج سند
هزيت راسي بله صوت ونصيت

شفته كام من مكانه عدلت كعدتي وكام كعد قريب عليه بالقنفه اللي بصفي وميل جسمه تقرب همس

تخافين مني ؟ تحتمين بي مني اني الجنت احميج من اممج سند

يحجي كلش على كيف واني ارجف عبالك همساته بالتلفون
رفعت راسي باوعتله بهالقرب ورجع راسه رجاه عالقنفه من باوع بعيني غمض ورجع تقرب حنه جسمه على ركب رجله

هيج صرنا غفران متغفريلي. شون جنتي تكوليلي احبك لعد

برطمت راسن واني منصيه

اني جاي ناسي الذله النذليتها وناسي توسلي بعمامج وامج ورجلها. ناسي كلشي ومتذكر ايامنا بس.

بلعت ريك

جيت اذكرج واذا غزرت العشره البيننا راح تحنين وتغفرين. واذا لا راح اطلع اشر عالباب ورفع حواجبه باوعتله وتعدلت ملامحه غمض وجرنفس ورجع كمل بس اهدا من قبل راح اطلع ومتشوفيني بحياتج بعد

بلعت ريك ارتجيت احاول ابين انه اني قويه ركزت عالساعه بالغرفه

ممشتاقه الي كالها وصوته اختنك

التفتت عليه همس
سند سنديني ولتعوفيني تره اني متطشر

همست بهدوء تعب وجهه يقهر حسيته اذا اعلي صوتي يفز

انت العفتني.

هز راسه
ضروفي صعبه وغلاتج وداعت لوعه فراكج وصدج

بلعت ريكي بس انت واعدتني

ومخلفت لاوالله بس ردت وكت
بس انت مكلت هيج برطمت نزلت دموعي
خلص هاذ هو التردي يصير كالها بسرعه لتبجين اروحلج فدوه وانعل ابويه لابو الرادني ولاتنزل دمعه منج

لاانت بجيتني سنه كامله يوميه ابحي وادعي على روحي

سند اني متعرفين المر عليه شنو متعرفين الوحوش العدي شنوو

لو شميكون انت مره كتلي امني دامني وياج بس الموت يبعدنا
اني متت سند وروح سجاد متت وراه

نصيت راسي

خفت عليج تحتركين بالنار الشاعليها بنص بيتنا

باوعتله
جان وكفت وياك جان سندتك مو جنت تكولي سندي

ولحد هاللحضه انتي سندي
لا انتهت بعد هزيت راسي بهدوء
الله يخليك اصصف الله يخليك. عوفني اخاف منك فك عينه كلها
تخافين منني ؟
كالها بحركه وايده نطت دماراتها عيونه فكها كلها
فد يوم اذيتج
اي من عفتني
عفتتتج حتى ماااذيج سنددد

عله صوته بلع ريك وتلفت عالشباك والباب سليم مضيق حاجبه يباوعلنا بس الصوت مواصله شي غريب شون خلانا وحدنا وشون قبل يكعدني وياه لحد الان مصدومه

كال

اسمعي مني هالكلمتين وخلص نطيت للولد حجايه ربع ساعه اكعد وياج ماريد اكسرها
باوعتله كال ونصه

اربع شهور وره وفاه سجاده اني فاصل سكر يصعد وينزل ويوم بالبيت عشره بالمستشفى وعلاجات وادويه وعمليه الكله وكفت ورجعت اشتغلت

ماطولها عليج
يحجي ويرجع بحواجبه يباوع بالكع وروحه فايره

واخر شي وصال كالت نخطبلك التريدها هي توكف وياك ورجلها شجع وكبت العيطه بالبيت من عرفو غريبه وعماتي التمو هوسه بهوسه الوالد مشلول من وفاه سجاد ووموكلني بيدي الاملاك رغم تعلعلي بس واكف بالمطعم

اخرشي قبلت ردتج ويايه رغم مامريض كلولي متطيب لان سكري ضرب الاجهزه البقيه. البجسمي كالها وفرك وجهه رفع راسه ليفوك

خفت اورطج واني متعلعل توني صحصحت وصال كالت نخطبها وتعاركو عماتي وياها عماتي هواي نتدخلين بحياتنا من زمن سجاد حتى هو جان هواي ممشي كلمتهم المهم مرت ابويه كالت متطب الغريبه وهذا ابوك ميقبل وابويه وياها طبك

كال تخطب تطلع من البيت والعمام التمت عيب عليك معيب عليك واني محكم رايي وعفت البيت شهر وتمرضت كضيتها بيت وصال تالي ابويه دز عليه كال
التريده يصير لان المطعم انسد مو علمودي حبه الي صفر تحت الصفر

بقيت اباوعله فرك وجهه وكمل
اتفقت وي عماتي ومرت ابويه وخواتي. ووصال يرحون عليج ثاني يوم. وبليلتها جتني وصال متخبله

كالت

وسن طلعت حجي اشكال الوان وعماتك صدكوها وكالو باجر نروح لعمامها وامها وشايفيك ماخذها لبيت ابويه وباقين النهار كله

سند- بلعت ريك كمت ارجف غطيت وجهي

شايفينا سند شايفينا من طبينا بيت عمي

كالها وعيونه غرغرت
اسف اعتذر كله مني. وخفت عليج نزلت كتلهم. كلشي ينتهي ولاتطلعون حجايه. وعمتي شددت الا اروح لامها اكولها تربيها عدل واني تعاركت وياها وطردتها من البيت ووسن ضربتها وصار شك بوجهه دتتعالج منه بجلسات حاليا

فكيت عيني ونزلت دموعي

شون تريدني اقبل بيك شون تريد اعيش وياهم

غمض وارتجي
سند داموت اني مااكدر واني موجود اشك حلك اليحجي اني هسه موضعف احول ابويه فد مره صار موات ينام ايام محاس عالدنيا شكو ويكعد ساعه زمان عالمغذي

اني شعليه شهكت
تقرب مني ويباوعلي
سند سند الله عليج لتبجين كل دمعه منج تسوه العشيرتين من الصفحتين. بغلاتي بداعت حبج الي اني وياج ماخلي احد يمسج بكلمه

مااريد وغطيت وجهي ماريد

سند تعوفيني
اي اخاف والله
حبيبي همسها وروحي غابت رخت كل اعصابي

حبيبي اميرتي بس باعيلي بس صدي بوجهي

باوعتله عيونه متروسه دمع قرب ايده لوجهي يريد يمسح دموعي وقبضها عساني بالموت ولا نزل دمعه منج

وشون اطب عدكم
اشك حلك اليحجي وياج اني هسه صاحي الهم. هم يخافون مني مو مريض واخاف عليج منهم انتضرت اتعافى والزم الشغل والزمهم وهذا الصار السنه الطافت عليه مو ساعات تمر سجاجين بكلبي من. اريد احاجيج من اريد اسمع صوتج راسي وضرب على راسه راسي يريد صوتج اعصابي تعبت عدم نوم بس ردت ارتب اموري سرى كانت تنقل كل اخبارج واني واختها جابريها البنيه مو بيدها

فرك وجهه كال
هسه الكل يخافون مني لان بيدي الشغل والامر كله وخواتي اني دبارهم ومهدد اي شي اعوف البيت واطلع. اكعد

وهمه كلشي ولاهاي السالفه وجر نفس

اكلتني الحيره همس
باوعي بعيني

التفتت ببطيء خليت عيني بعينه تامل ملامح وجهي بهدوء همس

تردين تعوفيني. تكدرين يعني

نصيت

اميرتي. طفلتي. حبيبتي وسندي. الي وحدي وحدي هاي عيونج

باوعتله
ششش ديري وجهج من خرب عشيرتي هم
ليش
عيونج من تذبل من هالحجي تكطعني وتفضحنا والولد واكف

نصيت التفت عالجامه ورجع باوعلي

العصر حدز وصال والزمره.

باوعتله رافعه حواجبي
رفع حواجبه ثنينهم

انتي متصيرين لغيري الا واني بالكبر
بقيت صافنه عليه خل افكر عفيه لنستعجل
ميحتاج افكر عنج اني شنو مبعينج الست سنين. كافي بس وردي من اخابرج

ابتسم

شفت سليم اجه. عيونه تعتب كال
ها

اصف وكف ومد ايده تصافح وياه
وكفتك ماانساها

والله انت عجبتني اصرارك عليها وصراحتك ويايه واني لوماواثق بيها مستحيل اكعدك هالكعده. بس كلت نعتبرها نضره شرعيه مثل ميكولون موسند
بقيت منصيه راسي
هسه شنو نكول شن رد عالجماعه

بقيت منصيه

اصف كال

العصر ادز الجماعه اترخص اني ممنونك سليم حبيبي

هله بيك. اصف هله بيك ووصله للباب والتفت عليه اخر مره يبتسم وراح
سليم طب

باوعلي
من شوكت تعرفي
نصيت راسي بخجل

جنت اسوي مقبلات
يعني صدك حجيه

هزيت راسي
خرب غيرتك عقيل اي والله

هسه شنو
هاهي وضحكت باوعت لرزان كمزت حضنتني وتضحك

فر بيده سليم ابتسم جن طلعت عدي كرون والله عقاب الج اليوم تسويلي ماعون مقبلات مرتب
تدلل همست ورزان تساعدني
معليه اني عشايه عليكم

رزان كالت
تدلل
باوعلها ودار وجهه رجعنا بيت جدو حتى مسواك المدراس نسينا وحجه وي عمو اصيل يكوله متقبل وهو كال يابه قبلبلت وانت هنا نايم
ها لج سنوده
نصيت راسي وطبيت بغرفه بيبي حجيت وي بيبي كلشي كالت
لاجل عين مليون عين مثل عيونج الحلوه تكرم
ابتسمت براحه وكلبي موكف لهفه. بيومها وانتضر جيتهم جوي العصر
خابرت ماما كالت

واثقه من قرارج
اي ماما طيته العذر
الحمد لله الله يهنيج هسه شنو شوكت راح تجون
بالليل سليم يجيبني
خوش انتضرج

رند- بلش دوامي بليل اطبخ وي سليم ودنيتي البيت صارت وافتر واقره براحه حلويات تعلمت حبي اله كل يوم يزيد يساعدني بكل امور البيت حنانه وعشقه زاد على غفله يجر الملازم والكتب من ابدي. ويشغل اغاني ونركص لو ياخذني للغرفه

نسيت اي شي مولم بوجوده

وابوه اربع مرات تعشه عدنا هواي تقربت منه. واحاول اهتم بي لخاطر سيروان اما هو جان طاير بينا ويوميه يسال اريد اصير جد سيروان بابا انتبهت عمي روحه بسيروان اكثر من كلشي بهالدنيا

جانو يحجون بامور الشغل كدامي بالرغم ماوضيفه عد سيروان بس لازم امور ابوه عن طريق الفون اي شي عمي يرجع لسيروان
شوفلي مهندس
شوفلي عمال
عن طريق الفون
شوفلي سمنت نوعيه جديده
اخررشي كاله
سويلي اعلان اريد سكرتيره ممزوجه لان الولد مبهذلين اريد ترتيب اعمال ترتيب مواعيد طلعت روحي حتى عالتلفون الموقع تراقبه وتنطي اسعار العروض الف مره يجاوب عثمان واني احتاجه ويايه. وذاك اخومطي مطططي كلشي ميعرف

اي يابه بسيطه هسه انزل اعلان واسوي ترويج

رند- باوعتله ابتسم وقدمت اله الكيك والعصير

مشكور رنوشه حبيبتي نفاضه يابه نفاضه
اي عمي صار
بقيت اباوع لسيروان من دينزل الاعلان كملت وعفتهم لان كامو يتبشبشون صعدت فوك راسلت جهينه خابرتني
نطتني الموجز
كصيت شعري على طوله وصبغت اطرافه فضي طلع يخبل
هو شعرج حلو
اي وسويت تنضيف بشره وحفيت شوكت تجين نروح نسوي ليزر ل وجهنا
خل اكمل الكورسات وانطيج موعد
خوش حجي

اي عمج ابو النسوان شونه
اسكتي ذابح روحه يريد سكرتيره عشتو
ها وشتسوي تشيل طابوك لو تفركله. ايده ههههههه
طاحضج ترتب اعماله مخربطه
يول دكوليله على خالتي علا بلكن الله يوضفها
صفنت ولج هذا عينه زايغه خاف يتحرش بيها
مو خالتي هم بزونه بابا هاي نجره. عراكه لتشوفين براءه وجهه تاكلج اكل. دكوليله شخسرانه احسن من الصالون شبيج

ها تعرف للحاسبه مو
اي طبعا
خوش خل اشوف اذب لكط زين صدك عدج موقعهم
اي عدي داكتله لايك
زين هسه سيروان حينزل خل تدز طلب حتى تراجع
ها يعني متردين تركضين بيها
خرب ههه الا اكول لسيروان لعد
دكوليله ولج يله

ماشي.

سديته منها وتمددت تلفون سيروان عالشحن ابوه راح وطب للحمام يغسل اسنانه قبل لننام
اندزت رساله بهالاثناء استغربت ساعه وحده

اجيت عليه باوعت عالشاشه

مكتوب
بالانكليزي a-a
مكتوب

خالو الحواله وديتها تره ولافلس جوه ايدي ودزها بحساب عمران خليل جاسب. واني اصرفها منا
بقيت صافنه

منو هاي عمو اسماعيل رجعت لفراشي وطلع من الحمام تقرب مني باسني من ركبتي
يا ال حبيب
ها عيني
ابويه يبصبص لتلبسين بنطرون كابوي كدامه لاافكسلج عيونه تره
ههههههه صار
خله راسه بركبتي يبوسها ويدغدغني
سيروان هههه جتك رساله من اي اي.
جمد وهو غامر راسه بركبتي ركزت وياه
شبيك
ها
شبيك منو هاي عمو اسماعيل

ها اي اي خالي
وكام على فونه راسن عكد حاحبه وباوعلي افتر ورجع حضنني ونام مرجع تقرب مني

نومتي النحسه خلتني احس عليه رغم منايمه الضهر وكاعده من الخمسه دااقره بس فزيت من تحرك بهدوء كلش وراح للتلفون مدري شسوه بي دقايق ورجع نام جر نفس وتقرب مني حضنني

غمضت ونمت بين شككي بالكل وثقتي بي وبين حبي ونضرتي البوليسيه

يتبع
مريم السعدي
هالبارت هديه