رواية قصة وعسى أن تسكن نار الانتقام الفصل السابع والثلاثون 37 - بقلم Mohammed

البارت٣٢
#قصة وعسى أن تسكن نار الانتقام
#الكاتبة مريم السعدي

هذا الكلب
مايقبل بغيرك ابد شايل
شايل عليك وشايلك

على شنو بابا روحي وامني ابقي بالحمام لتتحركين نص ساعه اني يمج
اوك عمو

رند- خفت منه حيل مثل المخبل صار وي وليد وحجي جهينه
روحي رند تخسرين
هي اعرف امها محاميه وتفهم بقيت بمكاني والجنطه بحضني محاضراتي بيدي والفون اول مره اخاف هيج خوف بحياتي
حتى على عمو خايفه
مستحيه منه حيل
فكرت اخابر عمو اصيل وترددت بقيت باقيه طول الفتره-- نص ساعه اقل دك تلفوني رساله
اطلعيلي يابه اني بالباب
اوك كمت راسن وطلعت حاولت اخلي ميشوفني بس واكف مثل الشمر بالباب عكد حاجبه من شافني اتحاشا واتهزم منه كال
ها وين
ععمو اجه عليه كلتها وعدلت شعري وره اذني
كال مبتسم
واني كلت راح تجين ويايه. يعني تجين شنو فلمج شنو مو بعينج لو استاذ وليد انشط مني
يعحجي ويغمز بعينه بقيت اباوعله شفت راس عمو حيدر وره الباب صحت
عمو
كال
طلعي عمو تعاي
طلعت تعديت سليم جرتي من ايدي وعمو دفع الحرس المانعه يفوت وفات بسرعه كال
شيل ايدك لا اكسرها
سليم صيح
وانت منو بعد خلك رجل امها
زوج امها وولي امرها وخر منا صغير وخر منا باباتي --صعدي رنوش بالسياره
وين تصعد اني كلت تجي ويايه وبعد بيت جدهم اولى بيهم حتى على سند امر تالي وكتنا بناتنا يباتون ببيت بي غريب
هههههاي صباح الخير عيني صباح الخير آغا من شوكت هاي داد امولك انت يامواليد
مواليدي تكفي ادافع بيها عن عرضي وشرفي اخاف جنت صغير هسه كبرت
اي زين دشويه منا
رند- دااتعاداه جر شعري صرخت اخ شعري
عمو بحركه وحده صرخ ولااك وجرني بضهره خلاني وراه وتقدم خطوتين ضربه براسه كله اشوف سليم خشمه فار دم

الحرس انجمعو يفاككون بينا وعمو يصيح
اذا بيك زود تقدم
وسليم مفك ياخه يتقدم يريد يضربه والحرس لزمو طلعنا راسن وعمو يمسح براسه شنو رجفه صارت عدي شنو متت خوف صعدت بالسيارة واباوع ورايه لازميه ويصيح وخرو عوفوني ويغلط عالحرس بقيت اباوع بخوف طلع عمو بشخطه سيارته

وساكت بقيت اباوعله واعصابي ترجف كال
ماكو شي عمو لتخافين
خاف يسوي شي
شيسوي يعني
مادري اخاف
بس كلامه بيه انه هذا مبين ميحجي شيش بيش
شنو يعني
شنو ديكول وصايتهم بديه
مادري مااعرف
زين ماشي حنروح لسند خاف يوصللها واخذها واروح للبيت
اوك
بقيت اباوعله باوع لساعته جر نفس شال الفون خابر
الو
ها غاده
اكولج كولي لابو حسن يرجعج هسه للبيت --ماكو شي يابه كلشي ماكو شوي ابن عمهم مخربط بالحجي اهو غاده غااااده افهمي ماكو شي هاي رند ويايه ووصلت لسند للمدرسه اي زين ارجعي هسه خوش

رند- وصلنا لسند اخذناها ورجعنا عمو تسوك فاكهه ومخضر ورجعنا للبيت بطبتنا ماما جانت واكفه دتنزل من السياره باوعتلنا وجهه مخطوف
شكو شبيكم ماما رند شصاير
ماما هذا القندره سليم اجه ويريد ياخذني هناك وي سند
ليش يابه شنو بكيفه فوتو
غاده- باوعت لحيدر راسه بي شك شوي بي دم بقيت صافنه كال
شوي دافوت السياره
تتبقى عدنا
ماعوفكم هاليومين اريد اشوف فلمه هذا شنو
كالها منصي راسه ويفتح بباب البيت طبينا وذبيت غراضي سند كالت
نخابر عمو اصيل هو يرده
رند- اني هم كلت هيج يعني شون ماداوم والله كومه امتحانات عدي باعي توها ١٢ ونص بعد عدي محاضرتين
غاده- هو شصار احجيلي
رند- بقيت احجي لماما وعمو طب ذب سويجه عالميز وفونه ونزع سترته باوعلي كال
عمو لتخافين شنو سايبه
غاده- بقيت اباوعله ليش مكتلي
شجان سويتي انتي وبطنج شوي اكعدي خل اعرف اتصرف
رند- شال فونه وضل يحجي وتمدد عالقنفه مال مطبخ ويحجي
اوس فهمني اذا عده الوصايه وعمامها موجودين شون
زين يعني ابوها يوقعله اذا هو ابوها لافي بالخارج منيله ها -- يصير يعني
جر نفس وفرك وجهه همه يم امهم اوكف تعال همه صار بالعشر سنين هو ميدري عنهم ولاسائل عنهم اي اي شي ميصرف زين خوش حجي ها اني صار سنه اقل السنه متزوجها
كالها وباوع لماما
لا اني معايش عدهم اوك نكول عايش يمهم خوش زين لعد دز تبليغ هسه اي هسه ادز العنوان بسيطه دقيقه هسه ادزه

رند- شوي وسده باوعلي وباوع لماما اريد عنوان بيت جدكم بالضبط ماما ردته اله وهي مرتبكه خايفه. كال

شبيج غاده اجراء روتيني هذا على شنو خوفج
سكتت ماما وطبينا بدلنا سند طلعت الغده وخلته عالنار الناصيه وبدت تسوي زلاطه ولبن وعمو كاعد بالمطبخ يخابر ويراسل
رند- شوي ودك تلفوني عمواصيل
الو عمو
ها عمو خومبيج شي
عمو عفيه كوله ليجي بعد
مديسمععع مني مديسمع. لابن الكلب
شنو كيفه هو موكيفه شيريد مني
يابه ابوج ناطي الوصايه لان محد من عمامج قبل ياخذها وكايله روح جيبهم لبيت جدهم يعيشون غصب
من الله لاينطي لا وفقه شيريد من عدنا مو عافنا
اهدي بابا اهدي
عمو كوله يعوفنا الله يخليك اني مستحيل اعيش بيتكم مااكدر عمو مااكدر
حجيتها وحسيت روحي ايست همس عمو
استغفر الله شسوي ابويه انتي شبيدي مگرم وكاعد حالي حال النسوان ومحد ياخذ حجايتي
سكتت راح عمو وكعدت بقت سند تباوعلي وايدها على حلكها خايفه باوعتلها

سند شكلنا حننجبر نعيش هناك
والله لو اموت ماعرف ماما لو اموت ماعيش هناك اني اروح ساعه اختنك كلهم منافقين وكذابين
مادري وكفت طلعت لعمو شفته صافن عالشباك مال هول وباله غير مكان
عمو
ها عمو تعاي يمي
اشرلي عالقنفه كعدت بهدوء كال وصوته نصاه
شنو كلج عمج سمعتج تحاجي
عمو سليم ماخذ الوصايه من ابويه وكله تجبرهم يعيشون هناك
فك عينه كلها وارتجه بقه يباوعلي وورث جكاره صفن عالشباك ورحع باوعلي كال
شون عمج قابل
عمو مشلول ويكول محد يسمع مني
شون يصير هيج وانتي شبيج ميته خوف بابا اني بس اكوللهم لازم يدفع تكاليف العيشه مال عشر سنين هو ينجر بوش بوشه وداعتج
كرصني من خدي يهدا من خوفي طبت ماما والمنشفه براسها وجهه احمر من الحمام كالت
رند ماما نزعي وتعاي صبي دنتغده
اوك ماما
كمت بدلت وجيت صبيت
غاده- شنو افتهمت شصار احجي لتضم عليه شي والله هاديه
بقه يباوع بوجهي كال
ابن عمهم ماخذ الوصايه من ابوهم لان اخوته مقابلين يجبروهم
فكيت عيني يعني. يعني. يعني. شنو
يعني يجبروهم يعيشون هناك ياخذوهم
شنووو والقران احركهم واحرك روحي صيحت
ومنوكلج اني اعوفهم ياخذوهم بابا اهدي
وكف كبالي واني مكدرت اهدي روحي كمت املخ
شنو ياخذوهم موانت متعرفهم من يخلون شي براسهم
لتخافين غاددده اهدي
انت مدتحس شديصير بيه وتكولي اهدي بناتي ذوله اني ربيتهم بضيم وقهر وتعب كلللب

لزمني من كتفي اهدي ميخالف اني حاجيت اوس طمنني بس على كيفج وجهج صار احمر ليرتفع الضغط تعاي رنددد جاية عمو
نعم
كلاص ليمون عمو فدوه

اي عمو باوعت لماما ترجف وتبجي ووجهه احمر وعمو يهدي بيها

شربت العصير وايدها ترجف تباوع لعمو بتوسل
عفيه كولي ميكدرون ياخذوهم مو
بابا اذا اوكفهم محاكم اطلع القضى والمضى. اليوم العصر اروح اتفاهم بس طيني مجال لتخوفيني باع وجهج

انت شنو ذنبك تحير بينا
وانتي شنو ذنبج تحققيلي حلم فوك الشفتي مني

كالها وباوع لرند الواكفه صافنه علينا  كالها ونصه راسه كال
الحياه اخذ وعطاء واللي اخذته منج ميتجازه غاده خليني اوكف وياج
هواني عدي غير  حل 

كالتها وبجت خايفه يربي دخيلك كف بلاهم عن بناتي

رند- ماما لتخافين وان صارت اني عمري ١٧ يصير ١٨ اكون مسووله عن قراري ليش خايفه
يمه واضل سنه وانتي عايشه هناك اتخبببل
رند-استغفر الله  هسه شون حتضلين ترجفين الجاهل حيصير بي شي اني حصب والله جعت انعل ابو سليم لابو بيت جدي شلع حشه عمو اصيل
ضحك عمو عليه صبيت وهو كاعد يم ماما ياخذلها الضغط  كلسا. ويباوع بوجهه
الطفل ديتحرك غاده دتحسين بي ديتحرك
اي
الحمد لله يله كومي تغدي
سند- تغدينا سوه وشلت السفره جنت اراقب ماما بخوفي عليها وخوفها علينا  رند فاتت تقره وعمو راح ساعه ورجع. كال وماما تفتحله باب المطبخ
حبات هنا اليوم بعد اذنج
خوماكو شي احجيلي لتضم
ماكو شي دزينا بلاغ   وطلبناهم محكمه. وبعد نشوف شيصير باجر
يعني شنو باجر البنات ميداومون
لا شون ميداومون بس اني حاجيت الحرس اذا وصل ميفوت للجامعه اطمني
رند- طلعت لعمو وطمني اني وسند رجعت لدراستي هو بقه بالهول حتى جان لابس تراك اسود من طلع ورجع  بدل ببيتهم. واجانه كملت دروسي وهيج مرت يومين
عمو ريوكه وغداء وعشاه عدنا يروح ويجي وي ماما ويوصلنا لدوامنا وياه
يومين مرت واحنا البيت مكلوب خوف وتختصر كلام
اذا كلولج هيج نكول هيج واذا كالو هيج نكول هيج واذا استدعونا احنا محضرين كلشي
ماما تدهورت حالتها وخاله فوز باتت عدنا باول يوم
عمو خاف يتركها وهي لاحول ولاقوه مبيها حيل ترفض وتخاف ترفض ويجون
عرفت قوه امي بينا من سالتها
ماما لتخافين منروح
كالت
بكل حياتي عشت مجبوره جبروني على ابوج وجبروني عالطلاق واخذو اخويه مني غصب وطلعوني من بيت جدج ضلم وهاي اخر شي كدامكم حبالتي غصب اني عشت بدنيا غابه شون مترديني اخاف
جانت تصرخ وتبجي وتحجي. شون مترديني اخاف واني عايشه علمودكممم شون مترديني اموت خوف واني تحملت المر لخاطركم ارجع مشي من الدوام حتى اشتري بال٥٠٠ كيلو طماطا نهايه الشهر حتى نتغده بيض وطماطا ونتعشه طماطا تكلاااه
لج ماما ضكت المر حتى احافظ عليكم شون مترديني اموت قهرررر

كلامها خلاني اقطع النفس انداريت اطلع من غرفتها اختل بزاويه ابجي بيها وانصدم بعمو واكف بباب المطبخ وايده عالسنك وديدخن سمع كلشي واني بيدي سديت باب البيت وراه تلفتت شفت بيده المسواك نصيت راسي انهزم للحديقه لزمني من جتفي شهكت نفسي وباوعتله جرني لحضنه للحضه بجيت سنين سوده كمت اشهك من كلبي
قوه حضنه ويردد
كافي عمو كافي حبيبتي
لعن الله عليه من الله لاينطي هو وقاتل خالي نفس النار
مسح على راسي ومسح دموعي ويهز براسه وجهه تعبان حيل وعيونه حمر باوعتله
انت هم يجي يوم تعوفنا مو
جنت احجي مشاور بقه صافن بوجهي
انت هم بس يجي ابنك تتغير تاخذه وتروح تعرف ليش لان احنا نسوان وماعدنا والي ودومنا مديوس علينا
لا عمو لا ماعوفكم
خالو هم كلي هيج كتله مره بابا بعد ميحبنا كلي خالو ابوج غشيم اني احبكم وانطيكم كل حياتي تالي عاف حتى حياته
عمو لتخافين اني موجود لتخافين حبيبتي
ليش موجود فهمني حتى اقتنع حتى اصدك اللي عدك اكثر من طيبه وشفقه عمو تعلقت بيك لتعوفنا
غمض وكال والله ماعوفكم والله ماعوفكم ورجع حضنني
شنو التريده من عدنا
سكت شوي وهمس باذني
اريدكم واريد امكم واريد اعيش وياكم علمودي مو بس علمودكم
عفته وطلعت للحديقه احس كل كلامهم كذب تركني براحتي وبقه بالمطبخ عالقنفه يباوعلي سند طلعت باوعتلي ورجعت طبت سند جانت تتهزم تبجي تخاف لاماما تتاذه اكثر جانت ساكنه الحمام الخوف تملكنا تعبنا من التفكير والحجي بالموضوع تعبت واني اباوع بسنتر الجامعه ها اجه ها خاف يطب يفضحني
وكلنا ام جهينه بالموضوع ونوعا طمنتنا كالت
بس موضوع طرده امج تخوف اذا لزموها علينا
واذا انفتح هيج موضوع بالمحكمه منو اليشهد ويكول كذابين محد عده ناموس
اخابر عمو اصيل وصل درجه بجه وعمو اسماعيل طارد سليم من البيت وكاعد بيت عمي محمد. عمي محمد طابك وي سليم وخابرني مهدد
تعاي بالحسنى عمو مو مال نطببكم محاكم غلط كعدتج وي رجال غريب انتو بعدكم صغار متفهمون سليم كلامه صح
صرخت بوجهه وسده بوجهي
ثالث يوم من بيتوته عمو عدنا كملت دراستي وبقيت صافنه بالسكف اريد اتمنى الزم سليم وادججه سجاجين ميبرد كلبي تعبت كوني لازم ارضح الهم وللدنيا الحقيره جريت نفس تعبت من الموضوع كمت لكيت ماما تصلي بغرفتها وسند متمدده صافنه بجربايه ماما وتباوعلها
احس سند ايست بسع واستسلمت والخوف اللي بعينها بين من نضراتها لماما احسها تريد تشبع منها تقربت من ماما شفتها تقره قران
باوعت لسند همست
لتكطعيها اليوم خميس دتهدي لخالو وجدو
ها اوك تعاي يمي شوي
جيت
طلعنا للمطبخ لكيت عمو بالهول يدخن كاعد بالكع ومنتجي عالقنفات ويمه ماعون الجاي يذب بي بقايا الجكاره باوعتله التفت عالجام الفاصل بين المطبخ والهول التفتت عالتلفزيون شفت ديباوع فلم طبيت وطبت سند ويايه
طفه الجكاره الهول عباره عن غيمه دخان كال
ها عمو درستو
اي كعدت بصفه همس
فتحي الشبابيك سنود خاف تحي امج
بقيت اباوعله سد سحاب التراكسود زين يحجي ويباوع عالتلفزيون
ها رنوش شبيج

وطبيت يمه  باوعلي يبتسم كال
درستي؟
ام كملت دتباوع فلم
اي والله  خوش ممثل
شوي وطبت سند تبتسم كالت
اسويلكم شاميه
عمو ابتسم باوعلي كال
كيفكم بعد بس غير وياها عصير
سند- اسوي كوكتيل
يله سوينا امكم نامت
ماما دتقره قران لخالو
واصل باذن الله يله سوينا
هسه وانتي اللخ كومي سوي كوكتيل
رند- اي هسه
غاده- دااقره التلاوه وبالي يم المصيبه الجتني مداركز على اي كلمه اقره واجر نفس بحسره  وارجع اعيد الايه وكفت واباوع للقران حسيت احد طب  الغرفه كل ضني رند لو سند بقيت ضهري عالباب واجاني صوته

انتي متدرين انج لازم تركزين بكل كلمه تقريها مو تقرين بدون فهم وتركيز مو متوصل منج
التفتت متفاجائه كمت من السجاده وكفت شفته ايده بجيبه واكف ومرتجي عالحايط مبتسم
خو ماكو شي
لا ماكو شبيج مخروعه
كالها وعيونه على بطني
بقيت اباوعله شنو هالجرأه العده
محتاج شي ؟
؟اي والله شتاقيت لابني
كالها وتبسم تقرب خطوتين وخله ايده على بطني باوعلي عاكد حاجبه
شو مديتحرك
مو واكفه خل اكعد روح هسه اجي خاف البنات
قاطعني
ديسوون شاميه وكوكتيل
روح هسه اطلع يمكم
بعدج تخافين مني لاااذيح
لا طبعا نترت وابتعدت بارتباك
ابتعدت لاطبعا موخوف بس ماالها داعي
هز راسه ابتسم بقه يباوع بعيني كال
غاده هم يجي يوم تحلليني وتوهبيني عالسويته بيج
يجوز اني اسويها بس غيري ميسويها
كلتها واني انزع الجادر واصفط بي
يعني منو قصدج
يعني غيري تسويها وياها
قاطعني
اني مجاي يم وحده يعني اقصد. غيرج  شتقصدين
رفعت حواجبي ها  والبنات الجانو يطبون وراها ينفصلون
فك حلكه وراها ضحك مستهزا
يابه همه يجون يتحشكون واني احب اتفرج يعني اقصد ماالزم وحده منهم 
بس تتفرج
همه من وحدهم يسوون اليردو واني لوين ما تلعب روحي اجحتها وافصلها تره اني  ممتقرب من غيرج بعد طلاقي
اني شعليه منك
اي دافهمج موتكولين  غيري ميحلل اذا انتي حللتي
مادري هسه روح
بس مجاوبتي
جريت نفس وباوعتله بعتب طولت نضرتي جر نفس بتعب ونصه كال
نضره عينج كافيه شكرا لجوابج بس تره ربج شكبره يغفر
دار وجهه يطلع
حيدر اذا طلعتني صدك من هالمصيبه انت محللل وموهوب وانسى كلشي صار
التفت باوعلي وتقرب
خنكتني عبرتي درت وجهي خليت السجاده بالزاويه وكعدت غطيت وجهي وبجيت جنت فعلا خايفه تقرب مني وقرفص كدامي لزم كتفي
غاده شبيج ماعوفج وروح فهد
هزيت راسي بالرفض السالفه جبيره
لج تبجين ووراج حيدر صدك تحجين والنبي احركهم ولا يجون يم بناتج
اهلهم ذوله والهم الحق واني النوبه تزوجت النوب الحق حقين
لايابه لا غاطانه مجرد اكولهم عايفهم عشر سنين وطردوهم من البيت بليل تنلاص عليهم لتخافين
جانت نضراته مطمنه ولزمه كتفي بايده هديت جريت نفسي هزيت راسي انشاء الله
اني حطلع  يم البنات بره
اوك
اطلعي يمنا لتضلين وحدج
اوك
طلع من الغرفه واني شهكت ابجي بقهر امي  صارلها سبوع بيت خالي الصغير يوميه تخابرني تطمن عني وتكولي متونسه كم يوم واجيلكم وفوز اشتغلت بشركه خياطه  وانشغلت عني
تعبانه والله تعبانه وخايفه
رند- حضرت الكوكتيل وسند سوت كومه شاميه طلع عمو يمنا ويتفرج علينا وايده بجيوبه واني خليت حلقات البرتقال عالحافه مال كلاص ورتبتهن سويت اربعه مشكله ابتسم من دارتب كال
مشتغله كوفي قبل رنوش عمي
لا عمو ههه مشتغله مدرسه خصوصي وسند ام المقبلات هههه باوعت لسند خزرتني لميت شفتي ببطن حلكي واخذت الصينيه وهو راح كدامي للهول كعدنا بالكع اني ويا وسند صاحت
ماما
ها ماما
يله تعاي شاميه وكوكتيل
اي جيت
غاده- طبيت شفته ممدد رجله. وديتفرج رند بصفه بس مو ملزوكه بي وسند عالقنفه بيدها طاسه صغيره بيها شاميه وكوكتيلها بصفها

باوعتلهم عيونهم مركزه عالفلم وهو يشرح ورند كلسا تسال
هذا منو ابو
لا ولج هذا اخو الجبير هو رئيس العصابه وهو السياسي
هاا
بقينا نتفرج طفت سند الضوايات الهول تقريبا فارغ بي بس نص تخم قنفات وتلفزيون طبلات صغيره عليها ماسات مال مفارش وزوليه القنفه الطويله جان عمو ينام عليها يوميه من يبات عدنا ويتفرج حدما يغفى اول مره نتفرج سوه
غاده- مديت ايدي اكل شاميه ممدده رجلي جانت بينا لوله القنفه الطويله. مرتجيه عليها وهو كاعد بصفي بالكع بمده ايدي مد ايده وتلامست الاصابع هوو سحب ايده راسن واني سحبت ايدي
كلبي دك سريع مدري شصار بيه هو مباوع لناحيتي بعد واني كذلك ولامدينا ايدنا عالشاميه بعد بقينا مركزين عالتلفزيون حدما كمل الفلم
صارت ١٢ ونص تمعصر وسند شغلت الاضويه العيون صارت على بطني
سند- ههههه باعو بطن ماما هههه دياكل وبانا
رند- ماما هاي ليش صارت تك وتك
غاده- تحرك انصفح باوعت لحيدر صافن ومبتسم مد ايده وتحرك فز ههه هاي شنو ديلعب جقلنبه
رجع ايده وتلمسها اباوع سند ورند يبتسم  وعاضين شفتهم ويباوعولنا هو انتبه بعد ايده وخلاها وره ركبته وتمعصر بقوه كال فاز
ولكم خرب المسواك بالصندوك
رند- عززه من العصر
لج عمو روحو طلعو هاج السويج واللحم اذا جاف ذبي هاي شون نسيته
غاده- شكو متسوك
هسه اني هنا عدكم هو هذا حجي يله رند عمو انتي وسند نزلو فدوه
اي عمو
اخذت السويج نزلنا المسواك والحمد لله لحكنا للحم والدجاج رتبته سند دااكمل الشيل والمح شي جلد على شكل كيتاره جريته جبيره وثكيل

طببته ويايه اضحك ماما جانت تساعد سند وترجع وتهدي التمن علمود غده باجر باوعت لعمو بين المطبخ والهول باوعلي رفعت الكيتار صاح
هذا شكو نزلتي بعد
عمو شنو هاي
كيتار رجعي يابه
عمومالمن هذا
طلع للمطبخ شرب مي من المنضومه وباوعلي كال
مالتي مالمنو يعني
باوعتله اضحك متفاجاه تعرف تعزف
هز راسه يبتسم ونصه ذب الكلاص بالسنك خضه ورجعه لمكانه
عمو اعزفلنا
ههههه شعزف ولج
مد ايده راد ياخذه خليته وره ضهري واحجي بتوسل
حباب عمو
رند حيبي
هاك كيفك كلتها وكعدت على قنفه المطبخ بقه يباوعلي ابتسم وكعد بالهول رفع راسه يبتسم من فاصل المطبخ والهول كال
تعاي ام زعيله
رحت يمه وكعدت بصفي ركض سند طبت ماما
ولكم ماما متنامون
اي ماما باجر جمعه
غاده- باوعت لحيدر
عمكم تعبان. جاوب راسن
لا يابه شبيه متونس عليهم
فتح السحاب باوع لسند
طفي التفزيون عمو
اي
طفته وكعدت بصفي وماما كعدت عالقنفه وراه فتح السحاب كله طلعه يلللمع صحنا اني وسند
الله عبالك اليطلعو بالتلفزيون

هه يله شتريدون تسمعون
شمدرينا انت كيفك
جاوبت رند انت شتحب شتغني دائما. نصه بخجل
كال شمدريني اغنيلكم قديمه
اي
كالت سند
رند- عمو جنت تغني لخالو
صفن عالكع وهز راسه باوعلي ونصه كاله
كلما ننجمع يكلي غنيلنا اريام الله يرحمها مره زعلت وراضاها باغنيه بصوتي

يله عمو غنيلنا شنو جنت تغنيله
ابتسم وهز راسه
لبس بيده مثل الحدايد

وغنه جانت اروع. ليله حسيت بروحي عدي اب جان يباوعلي ويغني واحنا نصفك

بلش باغنيه
مرينا بيكم حمد واحنا بقطار الليل وسمعنا دك كهوه وشمينا ريحه هيل
ماما شوي شوي كامت تمايل بركبتها واحنا نصفك بهدوء صوته والنغمه الضابطها وغمضه عينه واحنا نرد وراه  كمل اغنيه ودخل بغيرها
مشكووره تردين الصدك ماقصريتي مشكوره تردين الصدك ماقصريني
هاي تاليها صفت رحتي وبسرعه مشيتي رحتي حتى بالجذب بالجذب متعذريتي
جان يغنيها بتعب وعتب والم من كلبه تطلع صفننا عليه ماما كعدت كباله بعد مخلت الجاي عالنار صفنت عليه  من يكول
يعني شفتيني رجيج الحال يمعوده اشتفيتي

جان يقهر كملها وصفكناله جر نفس مبتسم وباوع لماما باوعنا لعيونه الصفنت ماما صافنه ومدمعه نصت راسها وطلعت من الهول صبت الجاي وصاحت سند
سند ماما تعاي اخذي الجاي لعمج
وطبت لغرفتها
بقه يباوع على خطاها حدما طبت وسدت الباب جر نفس وباوع للساعه كال
يله عمو ساعه٢ روحو نامو
بقيت اباوعله سند خلت الجاي وكالت
تصبحون على خير طبت وكالت
يله رند
اي جيت بس افوت الحمام سدت الباب وباوعتله وهو يسد سحاب الحلد المحيط بالكيتاره

عمو
ها رنوش شكد تحجين
عموجنت متزوج قبل
رفع راسه راسن باوعلي فك عينه عضيت شفتي هز راسه ساكت اي

وينها
انفصلنا كالها وعيونه عالاستكان
ليش مبين عليك كلش تحبها حتى واشم اسمها بيدك
هز راسه ونصه همس
ماكو نصيب يله عمو تاخر الوكت فوتي نامي
اوك تصبح على خبر عمو
وانتي من اهله حبيبتي طفي الضوه
اوك
طفيته وطلعت عمو داخله سر جبير واحنا عبالنه بس احنا عدنا قهر ثاري محد مرتاح

ثاني يوم الجمعه كعدنا وملكيناه بس لل١٢ طب ووياه ام جهينه وزوج عمه نهى ---
يتبع
التقيكم مساء السبت  احبتي