رواية قصة وعسى أن تسكن نار الانتقام الفصل التاسع 9 - بقلم Mohammed

قصة وعسى أن تسكن نار الانتقام

#الكاتبة مريم السعدي

#بارت٨

غاده- وكفت الدنيا بعيني
شون وين يامستشفى الله عليك متاذايه عليك القران خوماماتت
اختي. مابيها شي تعاي وتفتهمين

تخبلت ركضت اني وفوز ورايه وموضف هم عده سياره حجي اخذنا ويردد يادافع البلاء واني ابجي ميته ويهديني
بنتي ذكري الله ماكو شي انشاء الله
ياربي دخيلك بيه ولابيهم ربي والله مابيه بعد
وصلت وفوزيه تركض وتسال قبلي. واني اركض عالمكان الديدلوها بي  وصلنا لقاووش وصوت صراخها وكفت مكدرت اكمل فرفحت روحي وتصرخ
اخخخ مامااا رجلي رجلللي مدااكدر

فاتت فوزيه وخرتني طبيت ركض عليها واشوفها مدمايه وديعالجون بيها ومعلمتها وياها تخبلت كمت اصرخ
بنتتتي بنتي شبيها دكتور شبيها وهي تصيح ماما كوليله يوخر عووفني عمو عوفني
عوفها وخر عنها
اختي لازم ارجع العضم باعي طالع من موضعه
واباوع اللحم مفتوح ومبين العضم لطمت على وجهي بله ماحس على روحي 
ومعلمتها تبجي  وياها   اغمى عليه وحسيت بعدها هدوء فزيت بعدما وعيت انه اني وين فوزيه بصفي تقره بقران صغير
فوزيه سند ويين
على كيفج على كيفج دخلوها عمليات طواريء
شبيها حاجيني حموت والله حموت
مابيها والله صارت احسن وقفو نزفها وردو عضم الفخذ بس عدها الرضفه مكسوره  حيخلون بلاتين هسه بس اصبري شوي واطلع والله مبقى شي
وكفت ركض البس بحذائي والبس بشالي وصلت لغرفه العمليات واني سوره الكرسي. مدااعرف اقراها كلبتها كلب حدما ركزت على كيفي وكمت اقره بهدوء. كلمه كلمه وفزيه ساندتني
شنو الصار احجيلي
سياره ضاربتها  وطالع كبل من انشمرت عالرصيف همزين الضربه مو براسها ربج ستر
الحمد لله قددر  ولطف بجيت بخوف اباوع لفوزيه تبتسم  بامل
فوزيه بروح ابوج الدكتور شكال ترجع تمشي لو لا
اي انشاء الله بس كولي ياللله
ياااارررب كلتها ومتت بجي ردته ويايه ردته بجانبي ردته يوكف ويايه  اريدك هسه فهددد اريدك هسه مداااكدر اوكف بعد خويه ويننك احجي بداخلي ودموعي تجري

معلمتها واكفه مراحت وكلسا مخابريها  وترد  تكولهم بس تطلع اجي

تقربت منها
السلام عليكم
هله حبيبتي هله ام سند
انتي معلمتها
اي سند اعقل  طالبه وشطوره واني الاخذت رقمج من المديره واتصلت بيج اسفه لهالخبر بس شسوي
رحمه الله والديج
مشفتي الدعمها
والله جاهل زعطوط بس منتبهت على ملامحه زين والتهينا بيها وشخط السياره وانهزم من شافها انشمرت
خرب.    من الله لاينطي لااله ولااللي نطاه السياره
انفتحت الباب وطلع الدكتور ركضت عليه كال الحمد لله. بس ارتاح واريد احاجيج اريدج قويه
وكف كلبي طلعو سديه سند نايمه عمري ووجهه ملطخ دم راسها اثر قليل  شنو بيه حيل احس راح مشيت وراهم ودوها لقاووش من القواويش حدما صحت متالمه وترددماما وينج
هياني عمري يمج
اشرت لفوزيه تجي يمها ورحت للدكتور للعياده الداخل المشفى  دخلت شوي وجتي فوزيه ويايه
باوعلي وكال تفضلي وهو. يقره بالاشعات باوعلي كال
ام سند امكانيتج شونها
دكتور على بختك لو اعرف اكدي
رايدلها  تعب البنيه والا رجلها تصير بيها عوق واضح
بلعت ريك باوعلي ونصه جر نفس
لازم سبوع اليجي ميصير ينبني عليه لان بعد متطيب مااعرف شون اوصلها يرادلها بديل رضفه بهالاسبوع
وين اسويها
باربيل ديسووها اختي وتكلفه العمليه ٥ الاف دولار ناجحه ميه بالميه لعمرها
فكيت عيني  ونصيت كال
اذا تكدرين دااحجزلج هسه
مرديت كال
الباجر الصبح اني هنا بالعياده فكري بالموضوع وتعاي كوليلي واذا تردين اخذيها طبيب اختصاص يشرحلج اكثر
هزيت راسي وطلعت اني وفوزيه
فوزيه ساكته وتتحسر وتردد
يارب

واني سارحه. لاضل ذهب عدي اتصرف بي لاضل عدي  اهل فكرت اول شي اروح لامي  اطلب منها البنيه وين تروح لعد وفعلا نفس اليوم بقيت فوز يم سند ورحت للبيت هم تطمنت على رند وهم حجيتلها ورحت لامي وحجيتلها خالي جان كاعد يباوعلي باستصغار وامي دمعت عينها وبجت كالت

يمه تالي شونها البنيه جاوب خالي
شبيها يابه هسه عادي خليها عالسره حدما يوصل اسمها ويسوولها العمليه
خالي كال الدكتور لازم هالاسبوع
همه كلهم هيج يكولون حتى يربحون فلوس العمليه خالي
يوم فدوه ساعديني وين اروح
توها تحجي وخالي نط
منين تجيب يعني امج كل شهر كومه فلوس علاج ودكاتره ميت عله وعله. بيها. وانتي متدرين هسه جايتنا بنتي رجلها حتتسكط

فكيت عيني اباوع لخالي وباوعت لامي نصت وغطت وجهه بفوطتها
نصيت راسي فشلانه بحياتي ممتوقعه اوكع هالوكعه كمت بوست امي همست باذني
ماما شنو البيدي حبيبتي  والله لو بيدي انطيج البيت بس اخذو كالتها وبجت
حضنتها مومال اخذ وانطي بالي يم بنتي حموت بقهري موناقصني قهر بعد طلعت منهم ووكبل رحت لبيت عمي ساعه اني واكفه اخاف ادك الباب مر سبع شهور عالعركه متوقعت
حيجي يوم  حرجع عليهم  ترددت ادك الباب ميت مره اريد ارجع بس ماعدي غيرهم تخيلت اصيل بس اكوله ويجي حتى لو ياخذها عده وتذكرت حلفاني
لواعرف اكدي بيهم ماانطيكم بناتي

غمضت بقوه دكيت الباب مره مرتين ٣ صنطه ورره وين رد ولد بنكلادش تقرب كال
منو
اني اني اصيل موجود
لا سافر
وين الحجيه
سافر
زين اي احد ماكو
لا سافر بابا مريز وسافر كله كله سافر معو

البيت فارغ
اي سافر
شوكت يرجعون
كال
العام اليجي
شنو سنه يله يرجعون حتى الولد. اسماعيل اصيل كمال
لاواهد  كله راح وي بابا مريض يسافر يسوي عمليه اطنبول

منو مريض صفنت بقهري مالي احد وين اروح كعدت عالرصيف والجنطه بحضني اباوع للشارع بالي يم بنتي وين اروح شسوي دكت فوزيه رديت ابجي
كل احد ماكو فوز انسدت كل البيبان بوحهي ماضلي احد
لتايسين غاده تعاي نروح لاستاذ يحيي بلكن الله يحنن كلبه عليه
والله اخجل
شنو نسوي  مالنا غيره 
كمت امشي كوه اسحل بروحي سحل شراح يوفي الدين شون حيكبرون ثكل حملي وامثل القوه والصلابه واني ميته بجسد حي  رجعت للمستشفى ولثاني يوم اخذتها ورجعتها للبيت لكيت رند تقره وي جهينه ببيتنا راحت جهينه  ولكيتها جايبه غده وياها على روح جدهم غديتها ورحت للدوام بعد الدوام مخلصان واني ماخذه اجازه مرضيه وطبيت للاستاذ يحيى وحاجيته فوز ويايه وطلبت منه بقه صافن ونصه راسه  جر نفس كال
بنتي هاي من ميزانيه الشركه واني والله عامل هنا حالي حالج موضف واستاذ حسين مسافر مااكدر اتصل بي اخذ اذنه
استاذ  ممكن تكوله  انت شون مااعرف بس فدوه لتردني بنتي حتتسكط ماضل باب اعرفه  مادكيته
استغفر الله لاحول ولا قوه الا بالله هاي هي اكوله كم موظف راد قرض ماكولة سته لفد موضفه ولا يهمج
ممنونه منك استاذ الله ينطيك العافيه
والله يابنتي لو عدي فلا اقصر
الله ينطيك العافيه كفيت ووفيت--- اخذت الفلوس منه وطرت للمستشفى  واخذت بنتي وره يومين لاربيل وفوزيه ويايه ورند هم اخذتها مستغله عطله نص السنه  وسويت العمليه بقيت سبوع ورجعنا  ومشت الايام الم سند وخوفي لا تروح السنه عليها

والحمد لله رجعت تدرس بالبيت على كعدتها واخذها بكرسي مدولب تمتحن بس بيوم الامتحانات للمدرسه وترجع

سالفه شهر شهرين كضت واني حيل تعبت بس فدوه الها

ونجحت سند وكالعاده رند الاولى وكرموها. ورجعت علاقتها بهبه بعد توسلها بيها بس رند صار عدها موقف فلوس عالدراسه متاخذ لو تموت بس ابو هبه كان يدز هدايه الها. من تدرس بنته

والايام تمشي واني اوفي بديني شوي شوي رجعت سند تمشي ولو على كيفها بس كالو تطول يله ترجع طبيعيه هالفتره كلها اني دوام وبيتي وسند بس اركض من الصبح لليل
حتى الحك وفوز متركتني
ضل من الدين ٧ عدل الفوكانيات وفيتهن اللي كانت ٧٠٠
جنت خايفه خيل من انه مااكدر اوفي بس مااريد افكر بي ليوكف عقلي من التفكير والخوف

رند بالعطله تقره للسنين الجايه وتاخذ محاضررات عليها فلوس بس مو لصديقاتها للبنات الراسبات من مدرسه سند تدرسهم ومع وفلوس التربحها تشتري بيها هدوم وشغلات تحتاجها وحدها مره من المرات احتاجيت لعلاج سند طلبت منها
رند ماما عدج تنطيني
ماما داريد اشتري ملابس للدوام مااكدر
كيفج ماما كلتها صافنه لقساوتها وجاوبتني بدون متباوعلي انقهرت حيل بيومها وحتى سند غطت روحها بالبطانيه حتى متفشل لليل جتي فوز دااطلع للصيدليه وياها فتحت محفضتي لكيت بيها فلوس المحاضرات كلها اريد احجي وي ابو الصيدليه مدااكدر متت بجي اشتريت العلاج ورجعت ورجعت الها الباقي بدون مااكولها خليته بديلابها

رند طبيعتها حنينه وتمثل القوه. ومره لخ احتاجتها سند لان كانت دور ثاني بسبب مرضها طبيت لكيت سند تبجي
شبيج ماما
اي مدااعرف للرياضيات شوون
شنو ماما شو خل اشوف
تغيير المناهج خلاني انسطر مداافهمه. ابد باوعت لرند ولان سند متريد تكولها مداافهم تخاف تفشلها اني كتلها
رند ماما تعرفيله لهذا
نترت
لا مااعرف وعافتنا وطلعت من الغرفه بيدها خاوليها تريد تغسل
رند بالمختصر كانت عايشه وحدها بس تتراجع عن قساوتها ومتريد تبينها بجت سند بقسوه تقربت منها
كافي ماما بس هسه اخابر فوزيه
ماريد مااريد هي اختي تكرهني ومتتحمل تساعدني النوبه اروح للغربه هو ابونا عافنا
عفتها تحجي براحتها انضغط عليها هالفتره حضنتها واهدي بيها ابتسم متدري امها ششافت قهر سكتت ونامت وطلعت بره شفت سند تكتب وتقره متباوعلي منصيه تركتها ودااركب للغده شفتها راحت نامت مصدكت معقوله اني اربي هيج وتطلع قاسيه شكد جنت احجي واكول اختج ماما خطيه اختج حبيبتي تكولي معليه اني عليه بروحي

جنت اسكت متفاجئه ومليانه قهر
بس انصدم بشي هي مسويته يكسر عليه قساوتها
وبالفعل كعدت الصبح لكيت سند تقره تقربت منها
ها فهمتي
ابتسمت وهمست وتباوع لرند النايمه بعمق
ماما رند مسويتلي اوراق وكاتبه ملخص فهمني كلش وهسه دااحل على قوانينها وخطواتها تقربت من رند دمعت عيني تلمست شعرها فزت بعدت ايدي بنتره
شبيج ماما متشوفيني نايمه نترت
اوك ماماتي براحتج.
عفتها وطلعت للدوام وانصدم بالهوسه مال شركه صياح وعياط وناس مااعرفهم منو بقيت صافنه
شكووو

جتني فوز تركض وتبجي كالت
انهاء خدمه وكلنا بطلونا مغيرين الكادر كله وجاي المدير الاساسي گلب الامه گلاب
الدنيا سودت بعيني عزه يطلبوني ٧ شون حوفيها

يتبع
مريم السعدي